لقاء كـ،ـ،ـ،ـارثي
ليله….انا خلصت
ايمي…..هاتي كده هحطهم في الثلاجه لحد ما نيجي نعملهم
ليله….طيب الفراخ انا مش شيلتها
ايمي….لا عادي سيبيها بره
ليله….طيب هنعمل ايه تاني
ايمي….استني بقي نجهز السلطات و كده ميبقاش فاضل حاجه
ليله…..خلصنا كده
ايمي….قولتلك مش هناخد ساعه وقت الاكل بقي هنسوي الفراخ و الكفته و نحط الارز علي النار
ليله….طيب هتعملي سلطات ايه
ايمي….طحينه و سلطه زبادي و دقوس
ليله….انا هعمل سلطه الزبادي
ايمي….اغسلي الخيار انا مغستلهوش
ليله…..تمام.
ريهام…..مسا مسا اساعد في ايه
ايمي…..قلبي ولا حاجه
ريهام….لا والله ابداً قولي
ايمي…والله خلصنا هنعمل السطات بس و نجهزها
ريهام…..انتوا لحقتوا انا لو بقشر بطاطس كان زماني لسه مخلصتش
ايمي…احيه عليا انتي منهم
ريهام….بضحك لا خدي بالك انا استاذه و بعرف اطبخ بس انا بطيئه شويه و ده عيبي
ليله…..مش بتعرفي تعملي اكل
ريهام…..اه
ليله….طب حلو اوي هما هيقرفونا يعني نعمل اكل و كمان بسرعه
ريهام….بضحك انا عارفه يا اختي بس صراحه ماما بتتشل مني..
ليله…..انا كنت كده بس في الاول بصراحه الوقت لا بنجز بسرعه
ريهام….طب انا عايزه اساعد في اي حاجه
ليله….تعالي شيلي الخضار الزياده ده كله و رجعي الحاجه دي مكانها
ايمي….وادي الدقوس خلصت فاضل الطحينه
ريهام…..انتوا بتعملوا اكل ايه اصلا
ليله….فراخ مشويه و كفته مشويه و ارز بسمتي و سلطات بس كده
ريهام….اممم حلو ده طب اعملكم سلطه
ايمي….هنعمل بس وقت الاكل علي طول
ليله….طب ما نعملها و نخلص منها
ايمي….لا مش بحب السلطه تتقطع بدري بحبها تتقطع و تتاكل علي طول لما بتقعد الخضار بيدبل و بيبقي طعمه مش فريش
ريهام…..انتي قريبة ماما هي كمان ديماً تقولي كده في رمضان قبل الاذان بخمس دقايق بتعملها
ايمي…انا كمان كده بصراحه زوزو اللي علمتني كنت ديماً احب اخلص من كل حاجه و اولهم السلطه بس حسيت فعلاً بفرق السلطه عايزه تتعمل و تتاكل علي طول
ليله…..امممم ماشي معلومه بردوا
…………
في الخارج….
مصطفي و نادر و محمود و تامر و سليم و عدي كانوا واقفين مع بعض يضحكوا و يتكلموا و يتوشوشوا
سليم….يانهار اسود شكلهم مقرف كأنهم حقيقي
عدي….بضحك حطهم في ايدي فوق خضني والله
تامر…..بابتسامه بقولك ايه انا بقول بلاش تعنلوها في البنات هيفضحونا الصرصار شكلوا بجد ياعم مش بلاستيك
