ابن ليل

#أبن_ليل #صاحبة_البطل_الواحد #أميره_اسامه البارت الخامس عشر ...................... بعد ما دره دخلت وقفلت وراها البلكونه راحت علي اوضتها عشان تنام وهي حاسه بإنتصار وقررت تعمل مقلب في مها. خرج كرم من الحمام بعد ما خد حمام دافي راح عمل فنجان قهوه وولع سيجاره خد نفس طويل وقرب من أزاز البلكونه خرج الدخان من بين شفايفه بهدوء أتكونت سحابه من الدخان وبخار نفسه علي الازاز فضل باصص شويه علي بكرونه دره ملقهاش والنور كان مقفول فتح الشباك ودخل بهدوء فضل يبص علي الشارع كان الجو هادي جداً الشارع ساكت مفيش حد خالص بص للسماء وهو بينفخ دخان سيجارته وبعدين فصل باصص علي بلكونتها شويه وهو سرحان لحد ما خلص سيجارته كان مقرر يقفشها قبل ما تردله المقلب ولما مخرجتش فكرها نامت او استسلمت ابتسم كرم كرم.....جبتي وراء يا بت الجمال😉 ولا تكوني هتردهالي بطريقه تانيه بص علي الغسيل بتاعه وابتسم وفجأه بص علي الغسيل بصدمه😳 كرم....عملتيها يا دره الله يخربيتك ايه اللي حدفتيه علي الغسيل ده فضل يقلب في الغسيل وهو علي المنشر بسرعه واللون طبع في ايده قرب ايده يشوف ايه ده وبعدين قرب ايده من مناخيره يشم كرم.....دهان😳 منك لله فضل يشيل بسرعه في الغسيل ويحدف المشابك علي الارض في البلكونه وهو عينه بتطلع شرار 😡 شال الغسيل كله ودخل بيه علي الاوضه حطوا كله علي الكرسي يشوف ايه اللي مجاش فيه عشان يلحقه من البهدله كرم....طالته ازاي دي 😡 يابت ده انتي شبر عملتيها ازاي الله يخربيتك يا دره الكلب ده كل الغسيل اتبهدل منك لله يا مها انتي السبب فضل يحط الغسيل علي جنب ويدور علي تيشرت فيهم متبهدلش ولا جه عليه دهان وفجأه رفع حاجبه ولمح التيشرت المكتوب عليه طلعه ومسكه بايده الاتنين وفرده قدام عينه ابتسم كرم غصب عنه وفرده علي السرير وقعد قدامه كرم.....دره وقلب كمان اااااه 🤨 تقصدي يعني ان اللعب علي المكشوف وحطالي الامضاء بتعتك مش خايفه وبتعترفي ان انتي وديني ما هنحلك بص علي التيشرت ورجع ابتسم قام من مكانه ومسك التيشرت وراح بره في الريسبشن خرج المروحه من مكانها ووجهها علي التيشرت عشان ينشف من اللون اللي عليه والكتابه تنشف وتطبع قعد كرم علي كرسي تاني وفضل باصص للتيشرت ومبتسم من غير ما يحس علي نفسه وبعد حوالي عشر دقايق قام حط صوابعه علي التيشرت كان اللون مسك شويه قفل المروحه ولبس التيشرت كان تيشرت أبيض كت ماسك علي جسمه وشكله يجنن وقف كرم قدام المرايه يشوف شكله التيشرت ابيض مكتوب عليه بالاسود (دره🖤) وفجأه جات علي باله فكره وفضل يضحك مسك موبايله ووقف قدام المرايه رفع حاجبه وهو مبتسم وصور نفسه بالتيشرت ظهرت صورته معكوسه في المرايه وطلعت الصوره جامده جاب بسرعه رقمها وبعتلها الصوره وكتب لها رساله وفضل يضحك وبعدين قفل الموبايل وراح علي سريره نام بالتيشرت❣️ .................... في صباح يوم جديد صحيت دره من النوم واول ما افتكرت اللي عملته في كرم ضحكت بشماته وقامت بسرعه تبص من شباك اوضتها علي الغسيل اول ما شاف الغسيل مش موجود فرحت وعرفت انه اكيد شافه واتصدم وبعدين شويه وسرحت دره....بخوف ياتري يا كرم هتعمل فيا ايه🙄 وبعدين رجعت تاني 🤨 تعمل اللي تعمله يعني انا هسكتلك المهم اني ردتهالك وحرقت دمك😁 دخلت علي الحمام دقايق وطلعت راحت طلعت هدومها من الدولاب وبعدين خرجت من اوضتها راحت صحت البنات ودخلت علي المطبخ تحضرلهم الفطار دانه.....صباح الخير يا مامي دره....صباح الفل يلا ادخلي اغسلي وشك واتوضي عسان تصلي لحد ما الفطار يجهز دانه....اوك يا مامي ديما......صباح النور يا مامي دانه....صباح الفل فين دارين نامت تاني ديما....لا صحيت خلاص بتروق السرير بتاعها دره....طيب يا روحي ظبطي نفسك انتي كمان وياريت تعملي سريرك انتي ودانه 🤨 ديما....اوك يا مامي هعمله جهزت دره الفطار بسرعه كان البنات خرجوا من الحمام وبيصلوا وببدأوا يجهزوا دارين....مامي انا خلصت اساعدك في حاجه دره....اه بليز يا دارين خرجي الفطار هروح البس بسرعه عشان متأخرش دارين....اوك روحي البسي وانا هخرج كل حاجه دره....😘😘😘 تمام يا روحي دخلت دره جري علي اوضتها ولبست وبعدين ظبطت شعرها وخلصت كل حاجه وراحت مسكت موبايلها تشوف الساعه كام دانه....مامي الفطار جاهز دره.....حالاً يا دانه جايه لمحت دره رساله علي الواتس من رقم مش متسجل فتحت الرساله وبعدها اتصدمت دره......😳😳 كرم....ايه رأيك في التيشرت عليا حلو هاا😉 تسلم ايدك يا فنانه بنقولك ايه بكره الغسيل طقم بوكسرات يجنن متنسيش ترسمي علي واحد فيهم قلب عشان نكملوا الطقم الداخلي. واه صحيح متنسيش تكتبي اسمك بيتهيألي اسمك علي البوكسر هيبقي أجمد😉 دره....😡 اه يا سافل ياللي مشوفتش دقيقه تربيه عايزني اكتبلك اسمي علي البوكسر وكمان لابس التيشرت يعني انا كتبت عليه عشان نضايقك تقوم تلبسه ويعجبك. وكمان عايزني اكملك الطقم وديني ما هسيبك يا كرم😭😭 دارين....يلا يا مامي دره.....وهي بتحاول تتحكم في نفسها جايه قولت😡😡😡 ................... بعد وقت بسيط خلصت دره والبنات الفطار ونزلوا علي تحت خبطت دره عليهم حسن....صباح الفل يا دودو دره....صباح الفل هما فين حسن....تعالي جوه اهم دره....انت رايح فين عالصبح كده حسن....رايح مع البنات الجامعه دره.....مش قولت مش بتنزل كتير حسن....هنروح معاهم انهارده كمان عشان منسيبهمش وبكره هيروحوا لوحدهم دره.....ماشي يا سيدي. حسن....تعالوا يا بنات ادخلوا ديما.....بصوت واطي سماح جايه😉 حسن...ايوه افضحيني وعلي صوتك زي اختك😒 ديما....ما صوتي واطي اهو😂 دانه....انا متكلمتش انهارده هي اللي بتقول🙄 حسن....طيب ادخلي يا بريئه😒 دره....صباح الخير الجميع....صباح النور دعاء....فطرتوا ولا لا يلا تعالوا دره....لا سبقناكم زكريا.....منزلتيش تفطري ليه معانا يا دره دره....ابداً يا بابا بس صحيت جهزت الفطار وبعدين صحيت البنات نبيله.....يمكن فطارنا مش عاجب😒 دره.....خالص والله تسلم ايدك يا امي هو في احلي من الفطار ده بس البنات ملهمش اوي في الفول والحجات دي نبيله....بصت نبيله للبنات بطرف عينها😒😒 بتحبوا تفطروا ايه حسن.....الله شكلها رضيت عنكم وعايزه تعرف بتاكلوا ايه عشان تعمله😉 نبيله......نقطنا بسكاتك يا ولا🤨 دانه....بيتهيألي نجرب الفطار ده احلي ريحته حلوه واكيد طعمه حلو😉 نبيله....جدعه يا بت 😒 دره.....لحسن طب ايه مطول ولا نسبقك حسن....لا خلصت خلاص عبدالله.....بص لدره بأبتسامه بكره جهزي روحك نروح مشوار مع بعض دره....مشوار ايه عبدالله.....نروحوا لحد المرور في السريع كده ومش هنأخرك دره....مرور ليه؟ عبدالله....عشان نطلعولك رخصه ما هو مش معقول تروحي شغلك كل يوم في تاكس ولا اوبر وبعدين انتي مش راضيه تاخدي عربيه بسواقها معاكي دره....بحب يا حبيبي متحملش همي انا كده تمام وبعدين كفايه البنات معاهم عربيه بسواق عبدالله.....في ايام مواعيدك مش مناسبه مع البنات واكيد مش هتعرفي تروحي معاهم واكيد مش هنسيبوكي تتبهدلي في المواصلات تمام تجهزي روحك بكره دره....ايوه يا عبدالله بس عبدالله....الكلام خلص 🤨 زكريا.....اسمعي الكلام يا دره عشان نبقي مطمنين عليكي يا بنتي روحي مع اخوكي وخلصي المشوار ده بسرعه وفي عربيه مركونه موديل السنه اللي فاتت لو معجبتكيش اختاري العربيه اللي علي مزاجك دره....يا حبيبي ربنا ما يحرمني منك مش حكايه عربيه والله بس نبيله....انتي يا بت بترغي كتير ليه اسمعي الكلام 😒😒 دره....بأبتسامه حاضر يا امي اللي تشوفوا❣️ ضحك حسن والبنات علي عصبيه نبيله حسن.....دره جابت وراء من صوتك يا ستي😂😂😂 نبيله....ماهو في خلق كده يا ولا يا حسن لازم تسمعهم ربع عشان بتلموا ويسمعوا الكلام🤨 دعاء....لا وعلي ايه ربع. دره هتسمع الكلام صح يا دره😂😂😂🙈 دره.....لَحقت نفسي وسكت 🙈 عبدالله....يلا ياولا معاهم عشان ميتأخروش حسن....تمام يلا بينا ❣️ قامت دعاء وراء دره دعاء....مالك يا بت مش علي بعضك ليه دره....🙄مفيش دعاء....عليا انا بردو في ايه كرم بوظلك الغسيل تاني 😂 دره....ومتلك يابت فرحانه كده ليه😒 عموماً انا يا اختي اللي بوظتله غسيله وردتهاله دعاء.....احيه ده مش هيسكت دره....عنه ما سَكت هو اللي بدأ رش علي غسيلي كلور رشيت علي غسيله الابيض لون اسود 😒 دعاء.....بضحك الله يخربيت جنانكم طب ومالك مضايقه ليه مش خدتي حقك😂 دره.....ردهالي في صدري جابت أجلي يا دعاء😭😭😭 دعاء......عملك ايه 😂😂😂 دره.....انا قولت ناخد حقي وعشان نعرفه اني مبنخافش كتبتله اسمي باللون الاسود 🙄 دعاء....احيه اسمك يابت😳 دره....اه عشان نعرفه ان انا اللي عملتها لسه هنلف وندور دعاء....طبعاً روقك دره.....ياريت ده الواطي بعتلي صورته وهو لابس التيشرت وكاتبلي بكره الغسيل طقم بوكسرات متنسيش تكتبي علي بوكسر فيهم اسمك عشان نكملوا الطقم😭😭😭😭 وقعت دعاء من كتر الضحك😂😂 دره....بتضحكي علي ايه انتي بتحرقي دمي يابت دعاء....طب ودين محمد دمه شربات دره....🤨 مش بنقولك بتحرقي دمي يابت انا كنت قاصده عشان نضايقه هو اللي ضايقني 😭 دعاء......تعيشي وتاخدي غيرها يا دره وبنقولك ايه متنسيش البوكسرات🤭 دره....امشي يابت من قدامي امشي بلا قلة ادب😒 دعاء.....سلام😂😂😂 ................ نزلت دره وراء حسن والبنات وقبل ما تخرج من المدخل بتاع البيت لبست نظاره الشمس عشان ميشوفش عينها كانت مضايقه منه وفي نفس الوقت محروجه من كلامه. خرجت دره لاقت كرم واقف علي باب المحل وباصص ناحيتها هي والبنات ومبتسم بصت علي الارض عشان ميعرفش انها شافته وبسرعه ركبت العربيه واتحرك بيها السواق فضل كرم يضحك مع نفسه وكان مبسوط. ................. وصلت دره والبنات علي الجامعه وحسن كان وراهم احمد ومحمد كانوا واقفين علي باب الجامعه ولسه مدخلوش مستنينهم يدخلوا مع بعض نزل البنات بعد ما سلموا علي دره حسن....يلا يا بنات عايزه حاجه يا دره دره....سلامتكم خلوا بالكم من بعض حسن....تمام يا دودو يلا باي مشي حسن والبنات كام خطوه وبعدين قرب عليهم احمد ومحمد لمحتهم دره 🤨🤨 دره...الله حلو الكلام ده استني يا عم حسني وقف حسني السواق ونزلت دره دره....حسن 🤨🤨 بص حسن والبنات وراه حسن....احيه دره قفشتنا محمد....هو يوم باين من اوله 🙈 دارين....مامي 🙄 احمد....طب ايه نجروا ولا نعملوا ايه 🙈 قربت دره منهم وهي مبتسمه ابتسامه شر😈 دره......اممممم حلو الكلام ده دارين....مامي ااااا🙄 حسن.....بنقولك ايه هنفهمك محمد.....😁 احمد....🙄 دره........يلا فهموني 🤨 اللي اعرفه ان عيله الرفاعي مقطعانا ولاد مها بيعملوا ايه معاكم يا حسن حسن.....لا ماهو انتي فاهمه غلط دره....ايوه فهمني انت الصح بقي😒 حسن....فيكي من يكتم السر دره.....علي حسب 🤨 حسن.....انا ومحمد واحمد وهيما كمان اخو كرم بره الليله بتاعتكم دي خالص يا دره ومن زمان دره.....مش فاهمه محمد....طيب نفهمك انا ولا هيبقي فيها خطر علي حياتي🙄 دره.......لا معاك الامان لحد ما نفهم🤨 محمد.....زي ما حسن قالك احنا ملناش دعوه بمشاكلكم دي خالص ومن واحنا عيال واحنا بنعتبروا روحنا اخوات والحرب اللي بينكم دي ملناش دعوه بيها احنا لا مع عيله الجمال ولا مع عيله الرفاعي بعني تقدري تقولي احنا اطراف محايده واقفه تتفرج وبس حسن.....بالظبط يا دره اللي بينا اكبر من اننا نقاطعوا بعض علي حاجه احنا ملناش دعوه بيها لا عمري روحت قولتلهم خالكم عمل ولا ابوكم عمل ولا حتي اي حد من اهلهم وهما كمان عمرهم ما اتدخلوا في حاجه تخصك او تخص عيلتنا دره....امممم حلو الكلام ده وبعدين🤨امكم بقي وخالكم وابوكم وجدكم وستكم يعرفوا انكم اتعرفتوا علي بناتي بص محمد واحمد لحسن وابتسموا🙄 دره....كنت حاسه😈 محمد....ااااه حاسس بغدر 🥴 دره....لا غدر ايه بس متقولش كده 🤨 حسن.....شوفي يا دره زي ما قولتلك محمد واحمد وهيما اخواتي محمد واحمد بيدرسوا معانا في الجامعه واكيد يعني كانوا هيتعرفوا علي البنات وانا بصراحه عرفتهم علي بعض يعني اي وقت مش هننزل فيه الجامعه هيحطوا البنات في عينهم ولاقيت انها فرصه كويسه البنات يتعرفوا علي صحاب جداد وميحسوش ان الدنيا غريبه عليهم دره.....تمام وانتوا معرفتونيش ليه 😒 دانه.....بصراحه قلقنا منك يا مامي عشان المشاكل اللي بينكم بس زي ما حسن قال يعني بيتهيألي احنا ملناش دعوه بالمشاكل دي خالص ولا ايه🙄 دره....اكيد ملكوش دعوه ولو كنتوا جيتوا عرفتوني اكيد مكنتش هنعمل زي مها ونقولكم متكلموش ولادها🤨 احمد...طيب ايه هتعرفي مها🙄 دره....😈 ودي تيجي بردوا انا عن نفسي مش هنقول بس بشرط محمد....بضحك احيه🙈 حسن.....😂استني نسمع الشرط محمد....قولي دره....الاول عرفوني مها لو عَرفت هتعمل فيكم ايه محمد....ياختيييييي🥴 كل خير احمد.....هي الشهاده لله بتعزك اوي 🙄 دره....😈😈يبقي اتفقنا محمد....علي ايه🙄 دره....لا دي. بتاعتي انا بقي بما انكم غفلتوني انتوا وابن اخويا وولادي يبقي تستحملوا بقي🤨 حسن....استهدي بالله يا دره 😂🙈 محمد.....طيب طلباتك🤦 دره.....هبعت معاكم هديه بسيطه لامكم ولخالكم كمان محمد....احيه وملاقتيش غيرنا يوصلهالك ماهي هتعرف🥴 دره.....لا ما انتوا مش هتقولوا ان انا اللي بعتها هتقولوا ان حسن قالكم وصلوا الهديه دي ليهم حسن....وانا مااااالي😳 دره....انت تسكت خالص 😒 حسن.....حاضر😂😂🙈 طيب ايه هي الهديه دي دره.....ملكوش دعوه حسن....ماهي لو الهديه طلعت مقلب انا اللي هلبس وهسمع ربع من مها مسمعناهوش في حياتي اما كرم هيعلقني مكان الدبايح احمد....حصل وانا نشهدوا مع حسن😂 دره.....لا متقلقش يا جبان هما اول ما يفتحوا الهديه هيعرفوا ان انا اللي بعتناها وانت كنت مرسال🤨 حسن....إذا كان كده ماشي محمد....طيب ايه نوع الهديه عشان نطمنوا علي مستقبلنا🙈 دره....قولت ملكوش في 🤨 واسمع انت وهو ودين محمد لو الهديه اتفتحت متعرفوش هنعمل فيكم ايه ده غير ما هعرفهم انكم مغفلنهم😈 محمد.....لا خلاص مش هنفتح بس هي فين الهديه🙄 دره.....بعد ما نرجع من شغلي هنديها لحسن وهو هيديهالكم وفي لحظه تكونوا بتقدمولهم الهديه😈 احمد....طيب بنقول ايه في اوضه زياده عندكم في حال يعني اتكرشنا🙈 دره.....لا متقلقش وقت ما يعرفوا اللي في الهديه قولوا ان حسن ادهالكم وقالكم توصلوها حسن.....ولو قفشوا فيا🤨 دره....قولهم دره اللي قالت نوصلهالكم حسن....يعني نسلمك دره.....ملكش دعوه سلمني احمد...ماهو تسليمك ده معناه رد منهم وانا بحذرك دول بتفات لهم بلاد امي وخالي وعارفهم دره......متقلقش عليا المهم علي معادنا بليل😈 محمد....ربنا يستر 🥴 دره.....اسمع انت وهو بما انكم اتعرفتوا علي بناتي انا مش هرفض بس تخلوا بالكم منهم وتحطوهم في عينكم مفهوم🤨 محمد....مفهوم🤦 دره.....واياك حد فيكم يضايقهم 🤨 محمد.....احنا جدعان علي فكره 😉 دره....هنشوف🤨 يلا علي محضراتكم فضلوا البنات ماسك..ين نفسهم من الضحك 🤭🤭 دره.....استنوا هنا🤨 احمد.....ايه تاني 🥴 دره.....يعني كنت عايزه نقولكم ان اللي يفضل قرابته و صحوبيته ويخرج نفسه من مشاكل هو ملهوش علاقه بيها يبقوا جدعان بجد❣️ بعيداً عن يعني عن صلة القرابه اللي بينكم انتوا قدرتوا ان مشاكل الكبار متاثرش علي صحوبيتكم لبعض ودي حاجه تتحسبلكم يمكن الكبار مقدروش بتغلبوا علي مشاكلهم ويمكن كمان انتوا يكون ليكم دور اكبر بكتير من سنكم وانتوا مش ملاحظين خليكم كده ومهما يحصل اوعوا تفرطوا في بعض طلعوا نفسكم ديماً من اي مشاكل وخلوا الحب اللي بينكم اكبر من اي حاجه ابتسم محمد واحمد ليها❣️ محمد.....حسن غالي عندنا وبنعتبره اخونا وهو كمان انا عارف انه بيحبنا وملوش غيرنا يعني متقلقيش المشاكل دي كلها بره عننا خالص وبعديداً بقي عن اي مشاكل عايز نقولك اننا عمرنا ما جبنا سيرتك بالوحش يمكن سمعنا كلام كتير بس محطناش في بالنا اي حاجه عشان ده يخصك ويخصهم بس وبعدين يعني طلعتي اسكندرانيه جدعه 😉 دره....بأبتسامه طبعاً يا ولا جدعه واللي بقول غير كده نسمعوه ربع ولا الربع بتاع امك🤨 محمد....لا وعلي ايه😂😂😂 دره....يلا ادخلوا وخلوا بالكم من بعض ومتقلقوش اللي بينكم سر بينا😉 سابتهم دره ومشيت وهما دخلوا علي الجامعه. ........................ الوقت كان بيمر بسرعه قدرت دره تجهز الهديه اللي قالت عليها كانت قاعده في مكتبها وباصه علي البوكسين اللي علي المكتب ومبتسمه إبتسامه شر 😈 كل بوكس فيهم متغلف بشكل جميل علي شكل هديه دره......يارب الهديه تعجبكم وذوقي يليق بيكم😉 ..................... روحت دره علي البيت كان البنات رجعوا من الجامعه بقالهم كام ساعه ولاول مره يندمجوا بالشكل ده مع نبيله وقفوا مع بعض في المطبخ ومعاهم دعاء بتساعدهم وصوت ضحكهم عالي خبطت دره علي الباب لما سمعت صوت الضحك فتحلها عبدالله دره.....مساء الخير عبدالله....مساء النور يا دره تعالي ادخلي البنات هنا دره.....ما انا عرفت من صوت ضحكهم في ايه🙄 عبدالله....ابداً امك ودعاء معاهم جوه في المطبخ وقالبين الدنيا دره....ولادي مع امك ودعاء في المطبخ 🙄ودول بيعملوا ايه عبدالله....تقريباً بيخترعوا الذره المهم اخبار الشغل ايه دره....بخير يا حبيبي كله تمام فين بابا عبدالله....كنت بغلبه عشره طاوله جوه دره....بتغلبه برده😉 عبدالله.....طب والله غالبه عشرتين وفاضل دقيقه ويعلقنا الصبح علي باب الدكان😂 دره....طيب سيبك من كل ده صالحت دعاء ولا لا🤨 عبدالله....ادخلي بس دره...مش داخله غير لما تقول عبدالله....يابت انا اصلا مش زعلان منها والله دره....بس هي عارفه انك زعلان منها وبصراحه بقي انا مس عيزاكم تزعلوا من بعض بسببي عشان خاطري اتصالحوا وارجعوا زي ما كنتوا يا عبدالله دعاء بتحبك عبدالله....وانا بموت فيها ومنقدرش علي زعلها وعموماً يا ستي متحمليش هم هنصالحها وهنراضيها كمان عشان هي بنت اصول وتستاهل❣️ دره...ربنا يخليكم لبعض ويبعد عنكم اي زعل يا حبيبي هات بوسه بقي😍 عبدالله....بوسه بس تعالي في حضني يا بت دره....حضنك اللي بختفي فيه😂😂 عبدالله....بضحك ما انتي اللي قله نعملك ايه😂😂😂 حضنها عبدالله ودخل بيها علي زكريا. دره.....سلام عليكم زكريا....عليكم السلام حمد الله علي السلامه قربت دره منه وباست راسه بحب دره....الله يسلمك يا حبيبي قعدت قدامه وسكتت لحد الوقت مقدرتش دره توصل لاهم حاجه من يوم ما جات علي مصر وهو حضن زكريا وحضن نبيله يمكن الدنيا هديت بينهم كتير عن الاول لكن لسه موصلتش للامان اللي بتحلم بيه من عشرين سنه قدر عبدالله بزيارته وحضنه ليها يوصلها جزء كبير من الامان ده لكن اهم حضن من ابوها وامها لسه اتنهدت بتوتر حس بيها عبدالله عبدالله....هنعملوا مكالمه ونيجوا عشان نخسروك يا معلم😉 زكريا.....امشي يا ابن الكلب😒 ضحك عبدالله ودره وبعدين سابهم لوحدهم شويه. فضلت دره مبتسمه وساكته بصت في الارض وهي بتفكر صوابعها في بعض زكريا.....الشغل عامل معاكي ايه يا دره دره.....بخير يا حبيبي كل حاجه ماشيه كويس الحمد لله زكريا.....الحمد لله ربنا يوفقك يارب دره....يارب فضل زكريا باصصلها وساكت ابتسم ابتسامته الجميله المحببه لدره كان عارف هي محتاجه ايه ويمكن هو كان محتاج ده اكتر منها بكتير🥺 بصلها زكريا وقال كلمه واحده وهو بيفتح دراعاته زكريا....تعالي🥺 بصتله دره وبسرعه عينها اتملت دموع قامت من مكانها واترمت في حضنه دفنت راسها في صدره وفضلت تعيط زكريا.....بلمعه في عينه بس يا دره بس يا بنتي دره.....حقك عليا يا حبيبي🥺 زكريا.....حقك انتي عليا يادره يابنت ابوكي ❣️ دره.....حضنك وحشني اوي💔 زكريا....مش اكتر مني كنت خايف نموت قبل ما نضمك فيه تاني دره....بعد الشر عنك يا حبيبي ربنا ما يحرمنا منك ابداً🥺 زكريا.....وحشتيني يا بت الكلب🥺 دره باست ايده وحضنته بكل قوتها خرج عبدالله في الوقت ده وضحك عبدالله....طب نجيبوا اتنين لمون بقي ولا ايه 😉 لا بنقولك ايه انا بنغير رَجعتلك حبيبة القلب وهتنسي عبدالله😉 زكريا....ماله الواد ده 🤨 دره....مش عارفه غيران باين😂 عبدالله....اه غيران هننكر 😂😂 بس نقول الصراحه مبسوط اننا رجعنا من تاني ودي اهم حاجه زكريا....ربنا ما يفرقنا تاني ابداً ويخليكم ليا ويخليكم لبعض عبدالله....بحب ويديك الصحه يابا بنقول ايه بقي يابت يا رخمه انتي قومي يلا خدتي وقت طويل عايز نغلب ابوكي اخر عشره😉 دره.....هنقوم بس اعمل حسابك بعد الحضن بتاعي ابوك هيكسر عضمك وهيغلبك😉 عبدالله.....هنشوفوا يارب بس ما يجيش يطلعه علي عينك لما يتغلب زكريا....طب تعالي يا دكر 🤨 دره....بضحك ابوك سخن😂😂 عبدالله....ايوه والله وشكلها ليله طين علي دماغي 😂 دره....عشان تبقي تفتح صدرك اوي😂 يلا هروح اشوفهم بيعملوا ايه في المطبخ عبدالله.....ماشي. دخلت دره عليهم المطبخ وقفت من بره تسمعهم نبيله....يابت أنخلي الدقيق كويس😡 دانه.....مانا بعمل اهو نبيله....بتعملي ايه ده نخل دقيق ده دانه....امال ده ايه🙄 نبيله....ده اسمه تحسيس😒 يابت اجمدي شويه وهزي مبتعرفيش تهزي دانه....ارقص يعني😁 نبيله....ترقصي اه ما هو ده اللي علمته لكم ست دره هي نافعه في حاجه ماهي نفس النسخه 😒 دره....احممم مالها دره🙄 دعاء...ابن الحلال عن ذكره بيبان😂 نبيله.....مالها دره 🤨 فاشله زي خلفتها دره....انا فاشله😒 نبيله....اه لا عمرك كان ليكي في المطبخ ولا اي حاجه طول عمرها امكم تاكل وترمي بس العيب مش عليها العيب علي اللي ربتها اللي هو انا كنت مدلعاها😒😒 ضحكوا كلهم علي نبيله 😂😂 دره.....وهي بتشمر هدومها طيب وسعي كده يا دانه لما اوريها الفاشله دي مسكت دره منها المنخل وفضلت تنخل الدقيق دره....تيه رأيك انفع هااا😉 نبيله....😏بلا وكسه عشان نخلتيلك شويه دقيق اما نشوف في العجن هتعملي ايه دره....احيه عجن🙄 لا متفقناش علي كده انتوا بتعملوا ايه نبيله.....بنتك يا اختي متعرفش الفطير كنتي فين لما بنتك مكانتش تعرف الفطير🤨 دره....😂😂😂كنت بعمل حاجه تانيه غيره انا بقالي عشرين سنه مكلتهوش اصلاً هفتكر كان بيتعمل ازاي نبيله....ده علي اساس من عشرين سنه كنتي عارفه وكنتي بتعملي بلا وكسه دعاء.....الله يعني هو الفطير يا بلبله اللي هيثبت انها شاطره في المطبخ😂 نبيله....ايووووه اماااال طب ده الست الشاطره في المطبخ متبقاش شاطره غير لو عرفت تعمل فطير دارين.....بس هو صعب علي فكره حضرتك قولتي خطوات كتير اوي نبيله....ولا صعب ولا حاجه لو عملتيه مرتين تلاته هتلاقيه سهل دعاء....بنقولك ايه يا دره دارين شكلها شاطره في المطبخ حبت الموضوع اوي وقاعده تساعد بلبله😉 دره....بصراحه دارين فعلاً شاطره بتحب المطبخ وبتتعلم بسرعه نبيله....شاطره مش خايبه زي امها دره....مالك ومال امها الوقت وبعدين ما انا جبتلك بنت اهي تحب المطبخ وتعلميها اللي معرفتيش تعلميهولي🤨 نبيله....انا يا اختي حاولت وانتي اللي معرفتيش المهم يا بت سيبك من امك من هنا وجاي هنعلموكي كل حاجه بس تفتحي مخك معايا عشان انا خلقي ضيق😒 دارين....😂😂ما انا مفتحاه اهو ديما....طيب وانا كمان عايزه اتعلم نبيله.....طب تعالي حطيلي مايه علي الدقيق وحطي بالهداوه متدلقيش مره واحده😒 ديما....حاضر😂😂 دانه....طيب اغسل ايدي انا بقي🥴 نبيله.....اغسلي موكسه زي امها دي😒 دره....كويس كده جبتيلي الكلام😂 دانه....اكدب يعني انتي عارفه انا مليش غير في الاكل وبس🙈🙈 نبيله....ده كان زمان يا حيلة امك انما هنا ومعايا مفيش دلع لازم تبقوا ستات بيوت 😒 دعاء....بلبله تأديب وأصلاح😂🙈 نبيله....طبعاااا ويلا يا اختي تعالي جهزي العشاء علي ما اعجن العجينه ونسيبها ترتاح دانه.....هو احنا مس هناكل من الفطير ده انهارده🙄 دره....مش.هيلحق اكيد انتوا هتصحوا بدري وهيبقي تقيل عليكم بعد العشاء نبيله....الصبح ابقوا افطروا بيه دانه....ماشي اتفقنا❣️ دره.....هو فين الولا حسن دعاء....كان بياخد دش ونازل رن الباب في الوقت ده دعاء....جبنا في سيرة القط اهو نَزل دره....خليكي هنروح نفتحله انا دعاء....ماشي راحت دره فتحت الباب دره....🤨كنت فين يا ولا حسن....🙄خير يارب كنا بناخد دش دره.....طيب اسمع الشنطه حطيتها تحت في مدخل البيت جنب السلم مرضيناش نطلعوا بيها هنا عشان محدش يسأل هتلاقي شنطه جواها بوكسين كل بوكس فيهم مكتوب عليه اسم واياك تفتح حاجه 🤨 حسن....طيب تمام بس نروحوا الوقت ولا بعد العشاء دره.....اتعشي وكلم محمد واحمد ينزلوا ياخدوها منك وتقولهم محدش يفتحها انا كده كده قفلاها كويس يعني لو اتفتحت هنعرف😒 حسن....مش هنفتحها يا ستي ايه مفيش ثقه😒 دره.....هنجرب نثقوا فيكم اما نشوف اخرتها حسن....مش هتقوليلي طيب الهديه فيها ايه بصراحه مش مطمنلك🙄 دره....لما توصل الهديه هنبقي نقولولك وبطل رغي بقي حسن....ماشي يا ستي سَكتنا خلاص قوليلي هما لسه بيخترعوا في المطبخ دره....😂😂اه قلبوا المطبخ مخبز وبيعملوا فطير حسن.....ما انا عارف بس سيبتهم يعكوا الدنيا مع بعض وطَلعت😂😂 دره....طب ادخل يلا ........................... بعد حوالي ساعه كانوا خلصوا العشاء وشويه والبنات كانوا بدأوا يتعبوا ويناموا علي نفسهم دره.....يلا يا بنات زكريا....ما بدري لسه دره....البنات بيناموا خلاص وهيصحوا بدري وانا كمان عندي شغل عبدالله.....طب والفطير دانه كانت نفسها تدوقه دانه....تيته قالت هنفطر بيه الصبح نبيله....تيته في عينك😒 دانه....اقصد بلبله😂😂 عبدالله....ايوه كده لاحقتي روحك😉 دره....خلاص بكره افطروا بيه ويلا بقي عشان مش قادره عبدالله.....انا كمان مش قادر مش يلا بينا دعاء.....يلا اه انا عايزه انام مش عايزه مني حاجه يا بلبله نبيله.....تسلمي يا دعاء دره....يلا تصبحوا علي خير قامت دره والبنات وقام عبدالله ودعاء وحسن دره....بصوت واطي يلا روح وصل الهديه قبل ما تطلع😒 حسن....اشطا هننزل نجيب حاجه بسرعه ونطلعوا عبدالله....ماشي طلعوا مع بعض ونزل حسن علي المدخل راح وراء السلم لمح الشنطه بص فيها شاف علبتين هدايه فوق بعض كل علبه ليها قفل وفي ظرفين كل ظرف مكتوب عليه اسم صاحبه بره حسن.....الوووو محمد....ايه يالا في ايه حسن....انزل انت او اخوك خدوا الهديه😂😂 محمد....احيه انا قولت نسيت🙈 حسن....لا يا اخويا منسيتش دي مكدراني جنبها عشان نبعتها انتوا عندك جدك ولا طلعتوا محمد....لا طلعنا وكرم طلع بتسأل ليه حسن.....عشان مش مطمن بصراحه والاحسن متبقوش تحت😂😂 محمد.....الله يوجع بطنك يا بعيد😂😂 انا نازلك اهو حسن....انجز يلا محمد....ثواني ونبقي عندك. حسن....اشطا خرج حسن وقف علي الباب دقيقه بالظبط وكان محمد قدامه محمد.....مَعرفتش فيها ايه🙄 حسن ...لا نبهت عليا منفتحهاش واصلا العلب عليها قفل وفي ظرفين غالباً مفتايح العلب في الظرفين محمد.....انا مس قلقان غير من كرم ربنا يستر 🙈 حسن....ياعم هي موته ولا اكتر يلا خلينا نخلصوا من الليله الزرقه دي 😂😂😂 محمد....علي رأيك يلا اتكل انت حسن....يلا سلام ابقي قولي حصل ايه محمد....ده لو عيشنا ان شاء الله😂 حسن.....سلام 😂😂 طلع حسن علي فوق وعرف دره في الموبايل انه سلم الشنطه لمحمد ............... في اوضه عبدالله ودعاء. عبدالله....🤨🤨 دعاء.....🙄 في ايه مالك بتبصلي كده ليه عبدالله....انا حر في مانع دعاء.....لا با اخويا بص براحتك😏 عبدالله....بأبتسامه وحشتيني يابت😒 دعاء.....بأبتسامه بسيطه لسه فاكر يا اخويا اني وحشتك😏 عبدالله....انتي علي طول وحشاني انتي عارفه دعاء.....لا منعرفش مش بقالك ياما مش طايقني 🥺 عبدالله....منقدرش يابت يمكن اضايقنا منك شويه بس بعد كده عَرفت اني كنت غلطان دعاء.....مكنتش نقصد نضايقك يا عبدالله عبدالله....عارف يا دعاء انا بس اللي كنت مصدوم في الاول بس مش هنخبي عليكي من جوايا كنت فرحان حقك عليا يا دعاء دعاء....يعني بجد مش زعلان مني 😍 عبدالله...يابت منقدرش علي زعلك اصلاً وعشان تتأكدي هنصالحك😉 دعاء.....وطي صوتك ابنك طَلع يا راجل🙈🙈🙈 عبدالله.....ما يطلع انا بنخاف تعالي يابت🤨 ضحكت دعاء وقربت منه بحب ❣️ ...................... كرم.....ايه ده يالا🤨 مش فاهم محمد.....ولا انا والله يا خال🙄 كل الحكايه زي ما قولنالك حسن كلمني وقالي انزل هنديك حاجه لما نَزلت اداني الشنطه دي كان فيها علبتين وظرفين واحد ليك والتاني لامي كرم.....وحسن جايبلنا هديه ليه 🤨 محمد....نقولك بس متتعصبش 🙄 كرم....قول😒 محمد.....هو يعني قال ان دي هديه من دره وعيزانا نوصلهالكم وانا عملت زي ما قالي وصلت لامي هديتها ودي هديتك نخلعوا انا بقي🙄 كرم.....دره🤨🤨 ماشي اخلع يا ولا محمد....سلام عليكوا🙄🙄🏃🏃🏃🏃 نزل محمد علي تحت بسرعه محمد....امك فين؟ احمد....دخلت اوضتها وكانت بتقرأ الظرف محمد.....مَعرفتش الهديه فيها ايه احمد....لا بس ابوك معاها جوه محمد....ربنا يستر تعالي ندخلوا جوه عشان لو حصل حاجه كده ولا كده منبقاش في وشها😂😂 احمد....يلا بينا احسن انا مقلق والله😂 ............... في غرفه مها كانت ماسكه الظرف في ايدها بصاله وسرحانه بكر.....ما تشوفي بعتالك ايه مها.....مش عارفه قلبي مش مطاوعني نفتحه😒 بكر....ليه هتحطلك قنبله يعني مها....مش القصد بس مش عايزه منها هدايا هي فاكره يعني ان كده هنرضي عنها😏 لو خدت هديتها هتفتكر اني نسيت اللي عملته بكر....طيب علي الاقل شوفي كتبالك ايه ولا حاطه ايه في الظرف ده مش يمكن كتبالك حاجه مش هتقدر تقولها في وشك مها....تفتكر🙄 بكر....اه افتكر هي عارفه انك مش هتديها فرصه للكلام واكيد ملاقتش طريقه غير دي مها....ماشي هنفتحوا الظرف. فتحت مها الظرف بهدوء في نفس الوقت اللي كان بيفتح فيه هو كمان الظرف وكان نفس الكلام مع اختلاف اسمهم🙈 مها / كرم يمكن كنت اتمني اقول الكلام اللي هتقرأيه ده في وشك بس انا عارفه انك مش هتديني فرصه فا شوفت ان انسب حل هو اني اكتبلك اللي جوايا من غير ما تقاطعيني يمكن تقدري تفهميني انا عارفه انك عيزاني امشي النهارده قبل بكره وعارفه كمان انك هتعملي كل اللي يطلع في ايدك عشان ارجع تاني بس انا خلاص رجعت ومش همشي من هنا وطبعا مش بقولك كده عشان اضايقك بس ده امر واقع ولازم تتقبليه مها / كرم انا جوايا كلام كتير اوي عايزه اقوله بس بيتهيألي الهديه اللي جوه العلبه هتعبر اكتر عن اللي مش عارفه أوصله يمكن تسامحيني و يمكن لأ الهديه اللي جوه العلبه يا هتخليكي توقفي اللي بتعمليه معايا او تخليكي تكملي بس في كل الاحوال لازم تعرفي حاجه مهمه اوي بمزاجك او غصب عنك انا بحبك وهفضل احبك❣️ومش همشي من هنا وقاعده علي قلبك.. دره ابتسمت مها بحزن وبصت لبكر بكر....بابتسامه افتحيها يا مها افتحيها وشوفي عايزه توصلك ايه. ........... عند كرم كرم.....بأبتسامه هاديه فضل باصص للكلام اللي هي كتباه فيها ايه العلبه يا دره ايه اللي ممكن يكون جوه يخليني اسامحك. اتنهد كرم تنهيده طويله ومسك المفتاح عشان يفتح الهديه في نفس الوقت اللي مسكت فيه المفتاح وقررت تشوف دره بعتالها ايه فتحوا القفل بتاع العلبه وسحبوا الغطاء لفوق وفجأه صرخت مها في نفس الوقت اللي كرم سحب نفسه لوراء بسرعه مها.....الحقني يا بكررررر😭😭😭 بكر.....فاااااار🏃🏃🏃 مها....خدني معاك يا واااااطي يابنت الجزمه يا درررررره ودين محمد لا نق..تل..لللللك خرج محمد واحمد علي صوت امهم وصوت بكر وهو فطسان من الضحك وبيقول فار🙈 محمد.....الهديه طلعت فاار😳 احمد....احيه🤦 بكر....انتوا هتتنفخوا😂😂😂 محمد....واحنا مالنا وبعدين خلينا في الفار الوقت انت سايب امي وبتجري 😂😂😂 بكر.....انا مليش في الفيران يا ابن الصرمه وزمان خالك بيتنطط هو كمان😂😂😂😂🙈 احمد.....كيرو😳🙄 نهار اسود ده هيطين عيشتنا ثواني والباب خبط🙈🙈🙈 محمد.....نهاااار اسود بكر....راح فتح وهو ميت من الضحك كرم.....وسع فين عيالك😡 احمد وقف وراء محمد محمد....والمصحف الشريف ما منا نعرفوا🤫 كرم....ده انتوا نهار ابوكم وامكم مطلعلوش ملامح😡 مها....الحقني يا كرم😭 كرم.....روح يالا انت واخوك هاتوا امكم وشوفوا الفار ده😡 بكر....بص علي الهديه اللي في ايد كرم انت قفشته ازاي ده😂😂😂 كرم.....😒لا ما انا اول ما شوفته قفلت بسرعه مالاحقش يخرج اللي عندكم خرج🙄 بكر.....زمانه بيلعب في عب مها😂😂😂 كرم....بضحك الله يحرقك بالذمه انت راجل سايبها تتنطك كده لوحدها😂😂 بكر.....بنخاف ياعم روح انت😂 كرم.....بنقرف ما انت عارف احمد......بضحك خرج وهو ماسك الفار من ديله وبيتحرك في ايده بسرعه كان فار لونه ابيض وصغير 🙈 قفشته كرم....الله يقرفك يمين بالله ما هتحط ايدك معايا في طبق😒 احمد....بدل ما تشكرني أنقذت اختك😂😂 محمد....خد حطه في العلبه قبل ما يجري تاني😂😂😂 مها....شيل يا ولا بسرعه قلبي هيقف🥴 قعدت معدها وهي حاطه ايدها علي قلبها وبعدين بصت لكرم مها....تجيبلي حقي يا اخويا بدل ودين محمد لا هنقلبها سواد علي الكل وعلي بكر اول واحد اللي سابني وطَلع يجري🤨🤨 بكر.....😂😂😂انا بنخاف من الفيران انتي عارفه مالهمش مالكه مها....اصبر عليا نخلصوا حقنا من دره الكلب واختك ونرجعولك😒 بكر.....😂😂😂طب واختي مالها مها....علي اساس متعرفش ومتفقه معاها ما المحروس ابن اختك عارف معقول اختك متعرفش دي ليله زرقه عليكم كلكم انهارده😭😭 كرم.....اتصل علي حسن ياولا انت وهو حالاً محمد.....ليه🙄 كرم ....ليه ؟ وبتسأل سوف اما اقولك هتعمل انت وهو اللي هنقولوا عليه بدل ما نعتبركم شركاء ونعلقكم🤨😡 احمد....طب وربنا ما كنا نعرف فيها ايه كرم....طيب اتصل يلا تقوله ينزل تحت واول ما يجي تقفشوا من قفاه وتقفلوا باب البيت وتجيبوه هنا مفهوم🤨 محمد.....سامحنا يا حسن 🥴 مفهوم يا خال كرم....يلا انجر انت وهو🤨 نزلوا بسرعه من قدامهم هيما كان بيفتح الباب وطالعلهم عشان يعرف مها بتصوت ليه هيما....في ايه ياولا بنجري كده ليه انت وهو امكم بتصوت ليه😳 محمد....بضحك الهديه 😂😂🙈 هيما......طَلع فيها ايه🙄 احمد....فيران😂🙈 وهنروح نجيب حسن رهينه كيرو عايزه حي هيما....😂😂😂عيني عليم يا حسن وانتوا هتسلموا محمد.....مش احسن ما نتعلقوا😂 تعالي معانا عشان تقفشه نزل معاهم هيما وهو بيضحك . كلم محمد حسن. حسن ...ايه 🙄 محمد....انزل عايزك بسرعه حسن.....ننزل ليه؟ الهديه طلع فيها ايه🙄 محمد....منعرفش بس هتاخدها ترجعها لدره 😂😂😂 حسن.....مش مطمنلك يولا🤨 محمد....ياجدع انزل وخلص بدل ما مها وكيرو يطلعوا عيني بسبب الهديه انجز حسن....طيب ثواني قفل حسن معاهم وراح مسك المفتاح وفتح براحه ونزل لمحهم واقفين جوه المدخل بتاعهم راح عليهم وهو مديهم الامان واول ما قرب قفشه محمد وهيما من قفاه وقفل احمد الباب حسن.....احييييه في ايه 😳 هيما.....انت متاخد رهينه متتكلمش😂 محمد....معلش يا صاحبي هنبيعك مضطر مها وكيرو عايزينك حي حسن ....بلاش كيرو يا حمو انا اخوك🥴 هيما....اطلع يا عميل يا كلب🤨 حسن......ودين محمد ما نعرفوا فيها ايه🙈🙈🙈🙈 احمد....الوقت تعرف اطلع😂😂 طلع حسن وهما قافشين فيه دخل لقي كرم واقف حاطت رجل علي التربيزه وباصص ناحيته ومها قاعده علي الكنبه ورافعه حاجبها وبكر ساند ضهره علي الحيطه ومربع ايده وفطسان من الضحك حسن....🙄🙄🙄 خير يا جدعان في مصيبه صح يا خال بكر.....😂😂😂🙈 حسن....ادام بتضحك يبقي خير صح😁 كرم....اقفل الباب انت وهو وهاتوا الواد ده حسن.....كيرو بنقولك ايه ودين محمد ما نعرفوا في ايه كرم....لا ياولا عليا🤨 حسن.....ياجدع بنحلف بدين محمد وبعدين يا خال يعني يوم ما نلعب نلعبوا معاك🥴 مها.....ده انت يومك اسود انت وعمتك وامك ياولا😡 وقلبي اللي كان هيقف ده هنطلعه عليكوا حسن....قلبك يقف ليه هي العلبه فيها فار🥴 بكر....😂🙈🙈🙈🙈 مها....احيه شوف الواد وبيقولك ميعرفش فيها ايه حسن....احيه هي فيها فيران بجد😳 كرم...ايه جات معاك كده🤨 حسن....والمصحف ما كنت نعرف دي كلمه وطلعت حظ🤦 بكر.....حظك اسود ومهبب😂 كرم.....اتصل علي عمتك ياولا واتصل ڤديو مش صوت🤨 حسن....هتعمل فيا ايه يا خال ده انا بنحبك🥴 كرم.....انا مش خالك ومبنطقكش اتصل يالا🤨 حسن....🙈🙈طب خليهم يسيبوني ايه قافشين حرامي وانتي يا خالي بدل ما تضحك تعالي انقذني انا ابن اختك بردوا🥴 بكر.....اعذرني يا ابن اختي ده فار مش هزار😂😂😂🙈 حسن....ماشي ياخال حيث كده بقي هنتصلوا علي دره مسك موبايله وطلع رقم دره واتصل عليها ڤديو كول ردت دره وهي شايفه حسن دره....في ايه ياولا بتتصل ڤديو ليه عايز ايه🤨 حسن ....مش انا اللي عايز يا دره 🥴 انا متاخد رهينه يا دره دره....رهينه ايه😒🙄🙄🙄 رهينه فهمت دره بسرعه وسكتت لف حسن الكاميرا عليهم لمحت مها قاعده ورافعه حاجبها وكرم واقف ساند رجله وباصصلها 🤨 دره....😁😁😁 مساء الفل يارب الهديه تكون عجبتكم مها.....ودين محمد يا دره الكلب ما هنخلي النهار يطلع عليكي وهنعرفوكي يعني ايه تجيبيلي انا فار 😡 دره...لا اوعي تقولي الهديه معجبتكيش🙄 بكر....😂😂😂🙈🙈 مها.....ودي تيجي ده كفايه انك كلفتي روحك 😡😡😡 وانا مش هنكسفك وهنقبل هديتك بس انتي اللي جبتيه لنفسك يا بت الجمال🤨 دره.....والله انا كنت عايزه نوصلكم رساله اتمني تكونوا فهمتوها ولو اني اشك يعني عشان الفهم عندكم بعافيه شويه وهي اني مش ماشيه من هنا لو وقفتوا علي راسكم و مقالبكم ولا تيجي علي سكتي وخلي اتفاقكم عليا ينفعكم وده يامها كان رد بسيط باخد بيه حقي عن المايه اللي حدفتيها عليا🤨 والاستاذ كرم او المعلم كرم هو عارف عمل معايا ايه البياعين والكلور بيتهيألي يعني انا رد فعل ومفيناش من الزعل اللي حضر العفريت يصرفه🙄😁 كرم....انتي صح بس قولنالك يا دره كل مقلب هتفكري انك ردتيه هتطلعي خسرانه ومش هتلحقي تفرحي بالمقلب عشان هنرده في وشك في لحظتها دره....ايه هتحدفني بالفار😉 كرم.....لا مش هنبعت ابن اخوكي واعتبريه رهينه🤨 ووريني بقي لما ابوه وامه يعرفوا انه مش بايت في البيت الوقت هيعملوا ايه دره....حسن 🙄 لا عادي بايت في بيت خاله ومع ولاد خاله😁 حسن....بتبعيني يا دره دي اخرتها🥴 كرم....والله لو بايت في بيت خاله يمكن تعدي بس بيتهيألي لما يعرفوا اني حاجزه هنا وواخده أثير هيبقي فيها كلام تاني دره.....حقهم يارب بطلبولك البوليس🙄 كرم.....لا ما انا هعرفهم سبب وجوده وهقول لابوكي واخوكي انك بعتي معاه هديتين وفيهم فيران وان انتي بتجري شكلنا وهنوريهم كمان الورقه اللي كتباها وعليها امضتك🤨🤨🤨 دره....😳🙄🙄🙄 علب فكره انتوا اللي بدأتوا كرم.....مش هتفرق بس عموما ابن اخوكي هنا لحد ما الكل عندك يعرف هو هنا ليه او الحل في ايدك🤨 دره.....حل؟ حل ابه اللي في ايدي كرم....بابتسامه خبث😈 اهو كده نقدروا نتفق مسك من حسن الموبايل وخده ودخل بيه علي البلكونه دره.....انت ىوحت فين كرم....بعدت عشان نقولك طلباتي براحتي دره....وايه هي طلباتك كرم.....جاهزه تسمعيها😒 دره.....علي حسب🤨 كرم.....تمام اسمعي يا دكتوره🤨 وللحديث بقيه........

مقالات ذات صلة

لقاء كارثي

چاسمين

لقاء كا.رثي

چاسمين

لقاء كارثي

لقاء كـ.ـارثي

اترك تعليقاً إلغاء الرد