ابن ليل

#أبن_ليل #صاحبة_البطل_الواحد #أميره_اسامه البارت الرابع.. ..................... مر كام ساعه دره والبنات كانوا لسه في الطياره. اما في اسكندريه الشارع كان جهز بالكامل لفرح سمير ابن منطقتهم وجارهم في اليوم ده الكل مفتحش محلاته خصوصاً عيله الرفاعي و عيله الجمال لان سمير اختار اليوم ده بالاخص لانه اجازه الجزارين عموماً ................ كرممممم كرممممممم💔 كرم.....مين؟ نسيت صوتي؟ كرم.....صوتك مش غريب عليا قلبي حافظه وعمري ما سمعت غيره💔 بس عارف انه مستحيل يكون صوتك بس هو صوتي انا 🥺 مش مستحيل محتجالك يا كرم💔 كرم......قام كرم بفزع وهو بينادي بكل صوته درررررررره💔 فضل يبص جنبه شمال ويمين بجنون و أول ما أنتبه انه كان بيحلم حط ايده علي قلبه وقبض عليه كأنه بيعصره كرم.....عايزه مني اييييييه جيالي ليه يا دره 💔 جايه ليه بعد العمر ده كله ده انا كنت ما صدقت نبطل نحلم بيكي مستلماني بقالك كام يوم ليه يا دره💔 فضل ياخد نفسه بسرعه وبعدين قام بعد الغطاء عنه بغضب ودخل ياخد شاور يمكن يهدأ بعد الحلم اللي حلمه. ....................... في شقه مها وبكر بكر.....يا مهاااا فين الفطار مها....جايه اهوو خرجت مها من المطبخ محمد....احنا مش هنفطروا عند ستي تحت مها....ستك وجدك صاحين من بدري وفطروا خلاص محمد....طيب وكيرو مها.....ما تتصل بكرم يا بكر ينزل يفطر معانا بكر.....ماشي. مسك بكر موبايله واتصل علي كرم. كرم...بصوت مخنوق شويه ايوه يا بكر بكر....صباح الفل كرم....صباح الفل بكر.....ايه لسه صاحب ولا ايه كرم.....ايوه بكر....ومالك كده شكلك جاضض🤨 كرم.....علي اخري يا بكر بكر....طيب ليه؟ مالك كرم.....بتنهيده طويله انسي ايه بتتصل ليه؟ بكر....تعالي نفطروا سوا مها جهزت الفطار كرم.....لا بألف هنا انا مليش نفس بكر....ماتنزل يا جدع نفطر سوا مها......يلا يا كيرو تعالي كرم.....بالف هنا مش قادر والله يلا روحوا افطروا انتوا بكر.....هتحكيلي هااا🤨 كرم....اقفل يا بكر😒 بكر...بإبتسامه ماشي يا عم كيرو🙈 مها......ايه مش جاي؟ بكر....لا مش عايز مها....ما كنت رخمت عليه بكر....بقولك ايه اطلعي من دماغي انتي عارفه اخوكي بدل قال لا يبقي مش هيجي مها....ليه ماله ؟ بكر.....منعرفش بس شكله مخنوق احمد....وهو بياكل هو امته كيرو مكانش مخنوق 😏 مها.....اتعدل يا ولا متقولش علي خالك كده😒 محمد....ماهو عنده حق بس عارفين والله كيرو هيفك ويبقي حلو أمته ؟ لو اتجوز😉 مها....يارب يسمع من بوئك ربنا احمد.....بضحك غمز لمحمد وايوووووه بقي لو اللي اتجوزها دي تبقي سونه مها......تف من بوئك يا ابن الصرمه قال سونه قال😡 بكر.....الله سَمعتي أسم سونه أتحولتي في لحظه 😂 محمد....هي امي كده بتقلب في لحظه نسيتي ان سونه اللي بسببها انكتب لكيرو عمر جديد بكر ...اه والله يا محمد طَلعت جدعه تنكري يا مها مها....اه يا اخويا ننكر 😒 لا هو انت كمان كنت عايزها تشوفه بيجراله حاجه وتقف تتفرج بكر.....ليه بالغصب هو 🤨 مها....اه بالغصب هي تطول يكون ليها الشرف انها تلحق اخويا بكر ...لا نتكلم بجد بقي لولا ان سونه شافته مكانش حد حس بكرم مها.....😏 اول مره تعمل حاجه عدله في حياتها احمد.....امي صعبان عليها تشكر مره في سونه😒 مها....شوف يا ولا انا صحيح مش بنطيقها ولا بتنزلي من زور بس اللي عملته مع اخويا مش هننساهولها محمد....اوبااااا اقفش يا ولا امك اخيراً ذكرت حسنه لسونه😂😂 مها.....وحيات امك🤨 طب يلا افطر وانت حاطتت لسانك في بوئك انت وهو بدل ما نكرشكم علي الصبح😡 محمد....لا وعلي ايه افطر يا عم خلينا ننزلوا عشان نلحقوا نحلق 😂😂 .............. في شقه زكريا الجمال. زكريا.....انا نازل يا بلبله نبيله....رايح فين يا زكريا زكريا....ابداً هنروح نبص كده علي المزرعه و هستنوا لحد العصر نصلي ونرجع نبيله....ماشي يا اخويا زكريا....مش عايزه حاجه نبيله....نعوز سلامتك عبدالله رايح معاك؟ زكريا.....ايوه سبقني علي تحت. نبيله...طيب يا اخويا بالسلامه نزل زكريا وقامت نبيله من مكانها وراحت علي البلكونه بكوبايه الشاي كالعاده قعدتها المفضله اول ما دخلت بصت علي فوق علي بلكونه كرم لقيته واقف وشارد في دنيا تانيه وباين عليه الحزن مسكت موبايلها واتصلت عليه رن الموبايل كان في جيبه طلعه واول ما لمح اسمها تلقائي بص علي البلكونه بتاعتها ابتسمت نبيله وهزت راسها بمعني رد كرم....بصوت مهموم صباح الفل يا بلبله نبيله.....مالك يا ولا شايل طاجن ستك علي راسك ليه؟ كرم.....ولا حاجه مفيش. نبيله....ياولا بطل تقولي مفيش دي وانا تايهه عنك🤔 كرم....بحزن بصلها وخد نفس طويل من سيجارته وفضل ساكت شويه فضلت نبيله رافعه وشها ليه ومستنياه يقول ماله. كرم....خدت عهد علي روحي يا بلبله ان بنتك لا يجمعني بيها لا حقيقه ولا حلم ولا خيال من يوم ما راحت خدت عهد علي روحي نبطلوا نفكروا فيها عشان متجليش في حلمي نبيله.....وايه اللي جد يا كرم؟ كرم...جاتلي في منامي يا بلبله💔 نبيله....معانه انك فكرت فيها ؟ كرم...مبنفكرش فيها يا بلبله ولو حسيت اني بنفكر فيها بنفتكر اللي عملته معايا عشان منحنلهاش و تفضل ملازمه عقلي بس يظهر ان عقلي خان العهد نبيله....حنتلها يا كرم؟ كرم.....انا لو شوفتها هنقتلها بأيدي يا بلبله هعيشها كل لحظه سوده عيشتها بسببها.😡 نبيله.....شكل الحلم ضايقك؟ كرم....بعصبيه ونبره صوت كلها وجع ايوه ضايقني بتاع ايه تجيلي في الحلم يا بلبله بتاع ايه تعيط و تقولي محتجالك 💔 هي امته كانت محتجالي وازاي قدرت تقولها من الاساس ازاي بتطلب مساعدتي بعد اللي عملته فيا😡 نبيله.....ده حلم يا كرم يعني مش حقيقه مضايق روحك ليه يا ولا كده كرم....بوجع عشان يوم ما دره جاتلي في حلمي يا بلبله كانت موجوعه ومحتجاني 💔 نبيله....بحزن طيب اهدي بقي ومتضايقش روحك الله وبعدين هي جاتلك عشان اكيد فكرت فيها او يمكن فكرت في كلامي لما قولتلك اني حلمت بيها وكانت بتعيط اكيد كلامي هو اللي اثر عليك🥺 كرم.....لا يا بلبله مش صح انا وانتي عاملين زي بعض بالظبط بقالنا سنين بنضحكوا علي روحنا اكتر اتنين موجوعين منها ورافضينها في حياتنا واكتر اتنين غيابها مأثر فينا كنت مستغربك يا بلبله لما شوفت في عينك انك حنيتي ليها لما شوفتيها في حلمك بس لما انا كمان شوفتها علي قد ما كنت مش طايقها علي حد ما كنت بتقطع عليها💔🥺 نبيله......تفتكر يا كرم هي فيها حاجه ؟مش غريبه اننا نشوفها في منامنا بتعيط ومحتجالنا كرم.....مش عارف يا بلبله 💔 واللي واجعني انها صعبت عليا انا عايش طول عمري بزود كرهي ليها في قلبي بس في لحظه حسيت اني نسيت وكل همي اعرف مالها نبيله....هسألك نفس السؤال تاني يا كرم لسه بتحبها؟ كرم.....لا مبنحبهاش 😡 نبيله.....عليا انا يا ابن نجوي ده اللي ربي خير من اللي اشتري كرم....انتي يا وليه بتحرقي دمنا ليه عالصبح😡 قولتلك مبنحبهاش وعشان يكون في علمك يا بلبله لو طال بينا الزمن او قصر بنتك هتموت علي ايدي انا بنعرفك عشان مترجعيش تزعلي نبيله....بضحكه هاديه اللي بيحب عمره ما بيقتل يا كرم كرم.....وانا مبنحبهاش 😡 نبيله.....يشهد عليك اسمها اللي وشمته علي قلبك من يوم ما حبيتها واللي لحد الوقت مفكرتش تروح تشيله😏 كرم....مش بقولك انتي قاصده تحرقي دمنا 😡 انا سايبه عشان كل ما قلبي يحنلها اسمها اللي اتوشم عليه يفكره بالوجع اللي سابتهوله نبيله.....انت سايبه يا كرم عشان هو ده اللي فاضلك منها💔 سكت كرم وهو باصللها بوجع💔 نبيله.....قولتهالك يا كرم كتير عيش حياتك واعمل بيت و عيله قولتلك ان اللي بينسي الراجل الست اللي كان بيحبها ست غيرها تملأ عليه حياته كرم.....غصب عني يا بلبله ملاقتش بديل غيرها يدخل قلبي بنتك حبها في قلبي عامل زي اللعنه اللي بتدخل تدمر مبتبنيش 💔 بنتك كرهتني في الصنف كله يا بلبله نبيله.....بوجع قلبي واجعني عليك يا كرم ومحبش اشوفك كده كرم ...ادعيلي يا بلبله 💔 ادعيلي مشوفهاش حتي لو في مجرد حلم مش عايز اي حاجه تجمعني بيها تاني نبيله....دعيالك من قلبي براحه البال يا حبيبي💔 كرم.....يارب يا بلبله حبت نبيله تغير السيره نبيله.....بقولك صحيح لسه معرفتوش مين ابن الحرام اللي ولع الدكان كرم....لسه يا بلبله بس هنجيبه متقلقيش نبيله....ربنا يعترك فيه يا كرم و يطمن قلبي عليك كرم....يارب يا حبيبتي ...................... في شقه دعاء و عبدالله. بصت دعاء في الساعه وبعدين فضلت راحه جايه في الصاله بتوتر وتكلم نفسها شويه تمسك الموبايل تبص فيه وشويه تسيبه وترجع تكمل كلام مع نفسها. خرج حسن من اوضته. حسن......دودو فين السويت شيرت بتاعي الابيض دعاء مكانتش معاه خالص رفع حسن حاجبه وبصلها🤨 حسن.....دودو اميييييي دعاء....ايييييه في ايه 😡 حسن....ايووووه وكمان بتزعقي بنكلمك وانتي مش معايا دعاء..اتنيل قول عايز ايه😡 حسن....بنسألك علي السويت شيرت الابيض دعاء....منعرفش شوفه في هدومك جوه متعلق علي الرشاقه😒 حسن....يعني هو انا لو كنت لاقيته كنت سألتك مش موجود دعاء....ياولا انا معلقاه بنفسي لما المكوجي بعت الهدوم حسن....طيب ماشي هنشوفه تاني بس الاول قوليلي مالك رايحه جايه ليه زي اللي عامله عامله🤨 دعاء....بنقولك ايه ياحسن ابعد عني السعادي انا مش نقصاك😒 حسن.....ايوووه وانا عملت ايه الحق عليا ان بطمن عليكي دعاء.....شكراً يا اخويا بس خليك في حالك وسيبني في حالي فضلت دعاء باين عليها التوتر بصلها حسن بإستغراب وقرب منها مسكها من ايدها وقعدها وقعد جنبها حسن....في ايه يا دودو مالك أديلك كام يوم مش علي بعضك ولما بنسألك بتقولي مفيش دعاء....ياولا قولتلك مفيش اسكت بقي🥺 حسن....وانا تايه عنك انتي فيكي حاجه حتي ابويا سألني متعرفش امك مالها يعني مش انا بس دعاء.....بتوتر هو سألك🥺 حسن....اه والمرسي ابو العباس قولتله منعرفش قوليلي بقي في ايه دعاء....بصت علي باب الشقه بإرتباك وبعدين بصتله طيب هنقولك بس احلف ان اللي هنقوله ده ميخرجش بره حسن....في ايه ياما انتي بتصغرينا من امته بنقول لأي حد علي سر بينا دعاء....احلف يا ولا😒 حسن....والمرسي ابو العباس ما هنقول لحد بس قولي انتي كده قلقتيني دعاء.....عمتك دره 🥺 حسن.....أيش معني🤨 دعاء....ياولا انت هتخشلي آفيه 😡 حسن....مالها عمتي دره يعني مش فاهم دعاء.....هي وبناتها راجعين مصر🥺 حسن....بصدمه😳😳😳 ايه دعاء....مالك با لا بتبصلي كده ليه انا ناقصه رعب🥺 حسن....انتي بتتكلمي جد؟ دعاء....وده منظر واحده بتهزر معاك يا ولا حسن.....ايوه بس راجعين امته و هيقعدوا فين و ستي وجدي و ابويا عارفين ولا لا دعاء.....ضربته علي كتفه وهما لو عارفين يا غبي كان زمان ده بقي حالي حسن....احيه يعني ميعرفوش؟ دعاء....لا محدش يعرف غير انا وانت حسن....طيب انتي عرفتي منين؟ دعاء.....بغضب ياولا انت بقيت غبي كده ليه يعني هعرف منين يعني اكيد منها هي كلمتني من حوالي اسبوع وقالتلي انها نازله مصر نهائي حسن.....احييييييه نهائي دي هتبقي وقعه 🙈 دعاء....وانهي واقعه ربنا يستر انا حاطه ايدي علي قلبي حسن.....طيب وليه مقولتيش لابويا حتي دعاء......مقدرناش ياولا وبعدين هنقوله ايه ابوك وستك وجدك قاطعين معاها من زمان حسن....وفين المشكله ما هما عارفين انك بتتكلمي معاها وعادي يعني لو كنتي قولتي انها جايه مصر وانها قالتلك دعاء.....مقدرناش يا حسن وبعدين دره اللي طلبت مني منعرفش حد خالص حسن.....طيب وليه؟ دعاء.....عشان تحطهم قدام الامر الواقع فكرك يغني لو قولتلهم انها جايه هيرحبوا بيها دول هيحلفوا ميت يمين انها متدخلش البيت ولا الشارع من اساسه لكن لما يشفوها قدامهم هي وبناتها مش هيقدروا يكرشوها حسن....وانتي فاكره ياما ان هنا كده مش هيكرشوها دول عاشوا عشرين سنه مقاطعينها الوقت هيحنوا ليها دعاء.....امال هتروح فين هي وبناتها يعني هي ليها غيرهم حسن .....احيه هو انتي تقصدي انها جايه وناويه تعيش هنا في البيت دعاء.....امال هتعيش فين ياولا بقولك راجعه نهائي حسن.....طيب ليه وبعدين ياما متزعليش مني انتي غلطانه عشان انتي عارفه انهم مش هيقبلوا جوزها وسطهم دعاء.....بصتله 🥺 لا ماهي دره اتطلقت حسن.....😳اييييه اتطلقت طيب ليه دعاء.....منعرفش انا مفهمتش منها حاجه كل اللي قالته انها اتطلقت وان في حجات كتير حصلا بينهم وانه باين نصب عليها هي معَرفتش تحكيلي اوي بس كانت منهاره وصوتها تعبان وجعت قلبي 💔🥺 حسن......نصب عليها يعني راجعه من الاخر ملهاش لا حد ولا حاجه تتسند عليها دعاء.....بالظبط عشان كده بنقولك هي ملهاش غيرهم الوقت وبيتهيألي لو أتفاجئوا بيها احسن عشان لما يعرفوا اللي حصلها مهما حصل مش هتهون عليهم ده الدم عمره ما يبقي مايه بردو حسن....ايوه يا اما بس كمان هيحصل مشاكل كتير ولو عَرفوا انك كنتي عارفه ومقولتيش ابويا اول واحد مش هيسكت دعاء....منعرفش بقي يحصل اللي يحصل بس انا خلاص تعبت من السكوت كفايه عليها كده البت تعبت طول السنين دي مقطعه قلبي ومحدش فيهم راضي حتي يسمعها صوته💔 حسن.......طيب وكيرو ياما انتي متخيله لو عرف انها جات هيعمل ايه دعاء....متخيله🥺 عشان كده لازم ابوك وجدك وستك يقفوا معاها وقتها مش هيسيبوا فرصه لأي حد حتي كرم لو اني شايفه انه ملوش عليها كلام خلاص دول عشرين سنه حسن.....بس كلنا عارفين ياما ان كرم غصب عنه وكمان لو فات عشرين سنه زي ما بتقولي والدنيا اتغيرت كان زمانه الوقت متجوز ومعاه عيال طولي وده معناه اني لا نسي ولا هيسكت دعاء....ياولا انا بنحكيلك عشان تشيل عني ولا عشان ترعبني اكتر😡 حسن.....انا بنفطمك ياما علي اللي هيحصل صدقيني الموضوع يقلق ومش ساهل علي الكل دعاء....عارفه انه مش ساهل وعشان كده حاطه ايدي علي قلبي حسن....طيب وليه مقولتيش لخالي دعاء....وانت فاكر لما بكر هيعرف هيطمني يعني ده ميقلش حاجه عنهم وبعدين لو عَرف اكيد هيقول لكرم عشان هيخاف كرم يعرف انه كان عارف وسَكت ويمكن يقول لمها الحربايه ودي هتقوم الدنيا مش هتقعدها حسن....مين قال كده؟ مها لو عَرفت هتبقي عامله زيك كده انتي مش بتقولي انهم كانوا صحاب يعني حتي لو بينت انها مضايقه اكيد هتفرح دعاء......كانوا اكتر من صحاب من صغرنا كنا اخوات بس بعد اللي حصل مها بَعدت بعد الحاله اللي كرم كان فيها مهما كان هو اخوها ورَجعت قلبت عليا بعد ما اتجوزت عبدالله عشان اخو دره ومن يومها واحنا زي ما انت شايف زي القط والفار حسن.....حقها تزعل علي اخوها بس بيتهيألي عمرها ما هتكرهها ولا هتكرهك مها علي قد ما هي نرفوزه بس طيبه دعاء.....وانت هتعرفني عليها يا حسن انا عارفه ان مفيش في طيبه قلبها ولا جدعنتها بس الشيطان راكبها من يوم اللي حصل زي ما انت شايف حسن....طيب سيبك من كل ده وخلينا في عمتي دره هي نازله مصر امته يمكن نعرفوا نتصرفوا ونتكلم حتي مع ابويا بهدوء دعاء.....بقلة حيله مفيش وقت خلاص يا حسن دره في طريقها لمصر رَكبت امبارح بليل قرب الفجر وقالتلي انها هتوصل علي مطار دبي هتقعد هناك كام ساعه وبعدين تركب طياره مصر حسن....احيه😳 بالسرعه دي انا بنفكرها لسه مسافرتش دعاء....امال انا مرعوبه ليه🥺 حسن.....الخوف انها توصل بليل في الفرح والكل يشوفها هتبقي مصيبه وكرم هيقلب الفرح جنازه دعاء.....لا هي شويه وهتوصل علي الامارات قالتلي هتقعد كام ساعه يعني ممكن توصل قرب الفجر يكون الفرح خَلص بس كده او كده هتوصل والكل هيعرف انها رجَعت حسن....معاكي حق مش هتفرق كتير كده كده الكل هيعرف بس عموماً متقلقيش انا معاكي وإن شاء الله هتعدي دعاء....يارب يا حسن المهم متجيبش سيره ولا لي محمد ولا احمد ولا هيما انت فاهم حسن.....اكيد مش هنقول مع انهم يعني لو عَرفوا مش هيتكلموا انتي عارفه انهم ملهمش علاقه باللي حصل زمان وباعدين روحهم عن كل المشاكل بتاعتكم دي دعاء....عارفه بس عشان ميغلطوش بلسانهم خلينا نشوف اللي هيحصل الاول حسن.....ماشي متقلقيش مع اني شايفك يعني مش علي بعضك وانتي اللي هتفضحي الدنيا دعاء.....الموضوع مش ساهل يا حسن خايفه من رد فعلهم وخايفه يكرشوها هي وبناتها هتروح فين وتعمل ايه وكمان خايفه ستك ولا جدك يتعبوا واشيل ذنبهم حسن....ولا هيتعبوا ولا حاجه انتي فاكره انهم هيضايقوا حتي لو بان عليهم كده بس انا عارف انهم هيفرحوا دي مهما كان بنتهم ورَجعت بعد غيبة سنين دعاء....والله دره دي غلبانه ومفيش في طيبه قلبها🥺💔 حسن....بإبتسامه بتحبيها ياما؟ دعاء....بنحبها ؟! طبعاً ياولا دي صاحبه عمري .. طول عمرنا انا وهي ومها مبنتفارقوش كنا طول اليوم مع بعض مبنسيبوش بعض غير علي النوم في رمضان وفي العيد كنا نفضلوا سهرانين مع بعض في الوقفه ونروحوا نصلوا صلاة العيد مدرستنا ودراستنا كانت واحده أكلنا وشربنا واحد لبسنا نروحوا نشتروا مع بعض كل حاجه يا حسن لحد ما حصل اللي حصل كل حاجه اتغيرت و أتبدلت🥺 حسن.....بس متزعليش مني يادعاء عمتي غَلطت وكل اللي بيحصل ده بسببها دعاء.....غَلطت في ايه عمتك؟ دي حبت زي اي بنت ما بتحب حسن....بإستغراب تحب وهي مخطوبه لكرم ياما هي دي الاصول؟ دي خانته دعاء....لا يا ولا متقولش كده دره مش خاينه انت مش فاهم حاجه حسن....طيب ما تفهميني دعاء.....هي اا قطعت دعاء كلامها لما سمعت الباب بيخبط نبيله......يا دعاااااء انتي يابت دعاء....برعب اقفل علي السيره دي الوقت يا ولا ستك بره حسن....طيب طيب دعاء....روح افتح قام حسن فتحلها الباب وابتسم ايه يا بلبله هتكسري الباب🤨 نبيله....سنه ياولا عشان تفتح😒 حسن .....ياستي انتي لسه مخبطه🤨 نبيله.....طيب وسع كده دخلني دعاء....تعالي يا بلبله نبيله....لاقيت روحي زهقانه قولت نطلعوا نقعدوا معاكي شويه دعاء....نورتي الدنيا هنعمل قهوه ونجيلك نبيله.....ماشي حسن.....علي ما تعمل القهوه بقي تعالي معايا نفرجك علي الاوت فيت اللي هنلبسه في الفرح😉 نبيله.....برفعة حاجب تفرجني علي ايه يا اخويا🤨 حسن.....بضحك الاوتوفيت يا بلبله يعني الطقم 😉 ضربته نبيله علي كتفه. نبيله.....طيب ما تقول طقم لازم تعوج لسانك يا واطي😒 حسن....بنعرفوكي ان ابن ابنك دارس بره وجوه😂😂😂 نبيله....اتنيل هتعملهم عليا ياولا ده انت بتعدي السنه بدعاء الوالدين 😒 حسن.....😂😂بقي كده يا ستي بدل ما تطبليلي نبيله....اني مبنطبلش في الحق ياولا حسن....طيب يلا تعالي نفرجك نبيله....يلا يا اخويا. ................................ بعد حوالي كام ساعه بدأت مراسم الفرح تستعد لإستقبال العريس والعروسه كانت الساعه 8 تقريباً في مصر وفي الوقت ده كانت وصلت الطياره ترانزيت في مطار دبي. خرجت دره والبنات في ساحه المطار كان فاضل علي معاد سفرهم بالطياره اللي هتوصلهم مصر حوالي خمس ساعات بصت دره علي البنات كان شكلهم مرهق جداً فا قررت انهم يروحوا فندق يرتاحوا فيه الكام ساعه دي خرجوا بره المطار مع بعض يشوفوا اي تاكسي او عربيه توصلهم لاقرب فندق لمحت سائق واقف قدام عربيته. دره....مساء الخير السائق....مساء النور اتفضلوا تحبي اوصلكم فين دره.....انا عايزه اقرب فندق من المطار طيارتنا كمان اربع او خمس ساعات فاعايزين مكان يادوب نرتاح فيه عشان نرجع بسرعه السائق...هو في فندق بيبعد عن المطار حوالي ربع ساعه دره....طيب كويس ده وصلنا ليه السائق....بس للاسف الفندق ده كامل العدد مفيش فيه ولا غرفه انا كنت هناك من شويه وعارف ان مفيش استقبال لاي حد هناك بس لو تحبي في فندق تاني لكن في وسط المدينه يعني حوالي ساعه دره.....ساعه رايح وساعه جاي مش هنلحق انا عايزه اكون في المطار علي الاقل قبلها بساعه السائق.....للاسف مفيش كل الفنادق اللي اعرفها ابعد من اللي حضرتك طلباه دارين.....بإرهاق واضح مامي خلاص خلينا هنا في المطار وخلاص مش هنلحق اصلا علي بال ما نختار الغرف ويطلعونا هيبقي فات كمان نص ساعه ومش هنلحق حتي نرتاح خلينا بدل ما تروح علينا نومه من التعب بصت دره علي دانه وديما لقتهم ساندين راسهم علي بعض بتعب دره.....ايوه بس اخواتك شكلهم تعبوا وانتي كمان شكلك تعبان لازم ترتاحوا شويه دارين.....هنرتاح لما نوصل وكمان لما تيجي الطياره نبقي ننام فيها شويه لكن لو روحنا الفندق صدقيني مس هنلحق نرتاح واخاف الطياره تفوتنا لو راحت علينا نومه خلينا جوه في الانتظار افضل بصتلها دره بقلة حيله دره....انتي شايفه كده؟ دارين....احنا بقالنا اكتر من عشر ساعات مجتش علي الكام ساعه دول دره.....ايوه بس احنا من امبارح في مطار امريكا قبل السفر بساعتين غير ساعات الرحله لسه هنستني كمان اربع ساعات دارين.....بتخفيف الضغط عنها هيعدوا علي طول يا مامي متقلقيش ندخل نطلب قهوه ونرتاح شويه علي التربيزه الوقت هيجري يلا بينا بصت دره للبنات يلا يا بنات. ديما.....بتعب يلا فين مش هنروح الفندق 😩 دارين.....ديما مفيش فندق قريب خلينا هنا افضل بدل ما نروح علي الفاضي او تروح علينا نومه يلا بينا دخلوا تاني علي المطار بقة حيله وتعب شديد. قعدتهم دره علي تربيزه دره.....هروح اجيبلكم قهوه تفوقكم وحاجه تاكلوها وهرجع علي طول دارين....اوك يا مامي اجي معاكي دره....لا يا حبيبتي خليكي مرتاحه سابتهم دره وراحت تجيب القهوه دانه....بتعب هنفضل في التعب والإرهاق ده كتير انا مش قادره 😭 ديما.....انا كمان مش قادره محتاجه أخد شاور وانام علي السرير سريري وحشني اوي😭 دارين.....خلاص يا بنات هانت احنا عدينا وقت طويل مجتش علي الكام ساعه دول ديما.....ما كنا روحنا الفندق نرتاح شويه لازم يعني تقولي لمامي نستني هنا انتي مش يتتعبي🥺 دارين....لا بتعب ومرهقه جداً زيكم بالظبط بس مفيش وقت يا ديما لوحسبنا الوقت ساعتين هيضيعوا واحنا رايحين و احنا راجعين ونص ساعه في الريسيبشن بتاع الفندق فا ملهاش لازمه نتحمل واول ما نوصل هنرتاح دانه....انتي بتحلمي شكلك يا دارين نرتاح ده ايه انتي ناسيه اللي مستنينا في بيت اهل مامي انتي فاكره انهم اول ما يشوفونا هياخدونا بالحضن ويجهزوا اوض لينا عشان نرتاح احنا اصلاً مش عارفين ايه اللي ممكن يحصل مش عارفين هيتقبلونا ولا لأ مش عارفين هيتعاملوا مع مامي ازاي ديما....دانه معاها حق لو فاكره اننا اول ما نوصل هنرتاح تبقي غلطانه تفتكري يعني بقالهم عشرين سنه متكلموش مع مامي ومقاطعنيها بسهوله كده لما يشوفونا هيفتحولنا بيتهم احنا شكلنا داخلين علي عذاب وتعب كبير 😭 دارين....ما تسكتي انتي وهي شويه هو انا ناقصه يعني انا بهون عليكم وانتوا وانتوا بتشيبوني الهم🥺 دانه....عشان هي دي الحقيقه يا دارين احنا مش محتاجين نكدب علي بعض هو انتي مش شايفه منظر مامي عامل ازاي دي منطقتش بكلمه واحده من وقت ما ركبنا الطياره وباين عليها القلق والتوتر واكيد هي عارفه ايه اللي مستنينا دارين.....عاره يا دانه بس هيحصل ايه يعني اكيد هتعدي وانا واثقه ان مش هيحصل حاجه يعني بيتهيألي صعب يشوفونا بالشكل ده ويرفوضوا انهم يفتحولنا بيتهم اكيد هنصعب عليهم وعلي الاقل هيسيبونا نرتاح وبعدين يتكلموا ديما......هو احنا وصل بينا الحال لدرجه نصعب عليهم🥺 دارين....مقصدتش المعني نفسه يا ديما اقصد شكلنا باين عليه التعب والارهاق واكيد مش هيسيبونا كده وهيأجلوا اي كلام ديما....علي اساس انهم طيبين اوي إذا كان هانت عليهم بنتهم مش هنهون احنا عليهم😏 دارين...ليه بتقولي كده مامي علي طول بتحكيلنا هما قد ايه طيبين دانه....بأماره ايه بس انا اصلاً خايفه منهم من قبل ما اشوفهم🥺 دارين.....مش للدرجادي يعني يا دانه احنا مش رايحين نواجه اشباح مهما كان دول اهلنا وزي ما قولت قبل كده في موقفهم من مامي اكيد في سبب قوي يخليهم يوصلوا لكده واهو بكره نعرف ديما.....بس انا قلقانه يزعلوا مامي في الوقت ده رجعت دره بس سمعتهم من غير ما يشوفوها دانه.....هو انتي عندك شك يا ديما اكيد ده اللي هيحصل بس يكون في علمكم لازم تعرفوا ان لو في حد ضايق مامي مهما كان مين انا مش هسكت ابداً لاني مش هتحمل اشوف حد فيهم بيهين مامي واسكت دارين.....دانه احنا مش رايحين نعمل مشاكل ونزود اللي بينهم اكتر دانه....امال نشوفهم بيزعلوا مامي ونسكت؟ دارين.....انا مقولتش كده بس كمان مش من حقنا نتدخل ومتنسيش يا دانه ان اللي بتتكلمي عنهم دول مامتها وبباها واخوها ومهما كان الخلاف بينهم بيتهيألي اكيد هيخلص بالعتاب دانه....اتمني ده اللي يحصل يادارين غمضت دره عينها وخدت نفس طويل وبعدين رسمت علي وشها ابتسامه بسيطه دره.....انا جيت اتأخرت عليكم. دارين.....لا خالص يا مامي تعالي ارتاحي شويه بقي دره....جيبتلكم بقي نسكافيه وكرواسون ريحتهم تجنن❣️ يلا كلوا خدت كل بنت كوبايه النسكافيه وبدأوا ياكلوا في صمت شربت دره من النسكافيه وهي عينها رايحه جايه وجواها كلام عايزه تتكلم فيه معاهم💔 سابت من ايدها النسكافيه وفضلت ماسكه الكوبايه بين ايدها وهي عينها عليها وبعدين رفعت راسها ببطئ دره...احممم بنات انا عايزه اتكلم معاكم في حاجه دارين...خير يا مامي في ايه؟ دره....يعني انا سمعتكم من غير قصد وانتوا بتتكلموا بصوا البنات لبعض دره.....انا حكيتلكم كتير عن امي وابويا واخويا وقولتلكم ان مفيش حد في طيبه قلبهم صدقوني لما قولتلكم كده مكنتش بكدب عليكم هما فعلاً طيبين واحن حد ممكن تقابلوا في حياتكم يعني ناس كده مش موجودين الوقت ولو علي اللي حاصل بينا من سنين يمكن يكون حقهم لاني زمان قررت اني ابعد عنهم واختار حياتي اه مكنتش قاصده البعد إلا لما هما رفضوا خالص جوازي من ابوكم بس كنت مضطره لاني عرفت ان وجودي وسطهم وهو في بينا خلاف مش هتبقي حاجه كويسه لا ليا ولا ليهم وبعدها فضلوا مقاطعيني بس ده مش معناه انهم وحشين صدقوني انا واثقه من حبهم ليا فا عشان كده كل اللي طلباه منكم هو حاجه واحده وانا عارفه انكم هتقدروا تعملوها دانه....ايه هي يا مامي دره.....لما نوصل يا دانه مهما حصل بينا مش عيزاكم تدخلوا ابداً مهما قالوا ومهما عملوا متدخلوش بصتلها دانه بإحراج. دانه....مامي انا مكنتش اقصد انا بس دره....بمقاطعه عارفه يا دانه انك متقصديش وعارفه كمان انك بتحبيني بس زي ما انتي بتحبيني انا كمان بحبهم واكيد هزعل لو زعلتوهم انا عارفه يا حبيبه قلبي ان انتي واخواتك مش هتحبوا ابداً اني اتحط في موقف مش حلو بس سيبوني مني ليهم بلاش انتوا تكونوا طرف انا ربيتكم احسن تربيه مش عايزه حد يقول انكم واقفين قصاد جدكم وجدتكم وبتردوا عليهم دارين.....مامي احنا مقدرين كل ده بس كمان احنا شايفين ان في ضغط كبير عليكي ومش حابين حد يزعلك دره.....لو علي الزعل يا دارين فا انا قلبي مليان واتعودت خلاص بس مهما حصل بيني وبينهم انا واثقه ان كل ده هيعدي دول عشرين سنه من الزعل يا دارين يعني يوم ما يحصل مواجهه اكيد مش هتبقي بسيطه سيبوني بس انا أحل كل حاجه ومهما سمعتوا متدخلوش اتفقنا دارين....حاضر يا مامي اتفقنا دره....ايه يا دانه انتي وديما ديما....حاضر يا مامي متقلقيش دانه.....مش هدخل يا مامي اللي تشوفيه دره....بإبتسامه طيب يلا اشربوا ❣️ ..................... مرت كام ساعه وبدأت مراسم الفرح الشارع أتملأ بالمعازيم و الشباب كلهم واقفين مستنين العريس والعروسه عدي وقت بسيط ووصل العريس سمير وفي ايده عروسته والزفه بدأت الكل بيهني وبيبارك صوت الزغاريط مسمع الشارع مع الزفه والاغاني وبعد ما سلموا علي الكل راحوا علي الكوشه قعدوا وبدأ الفرح في الوقت ده كان كرم لسه في شقته منزلش خرج من الحمام بعد ما خد شاور لف الفوطه علي وسطه وخرج بره طلع اللبس بتاعه وبعدين راح وقف قدام المرايه واول ما عينه جات علي اسمها اللي واشمه علي قلبه معالم الحزن كلها ظهرت علي عينه وبتلقائيه حط ايده علي مكان الأسم وقبض عليه بوجع فضل علي نفس وضعه ثواني وبعدين ساب ايده بسرعه ومسك اللبس بتاعه لبس وجهز نفسه وبعدين عمل فنجان قهوه قعد علي الكرسي يشرب في هدوء وهو دماغه مش معاه دماغه كانت في الحلم اللي شافه وفي دره اللي محتله تفكيره وعقله. ............. في شقه بكر ومها بكر......مها انزل انا وتحصليني مها.....ايوووه عليك وتسيبني انزل لوحدي استني انا خلصت خلاص بكر......طيب يلا بقي زَهقت من القاعده مها....انا عارفه انت متسربع علي ايه هو الفرح في اخر الدنيا ماهو تحت البيت بكر....انتي عارفه انا مبنحبش نستني كتير مها.....انا خلصت خلاص قولي كرم نَزل بكر....منعرفش بس ميتهيأليش بصت مها في المرايه برضا وابتسمت وبعدين بصت لبكر مها.....خلصت خلاص ايه رأيك؟ بكر.....بإبتسامه قمر طبعاً بس قوليلي ايه سر الحلاوه دي كلها انهارده مها....احيه هو انهرده بس انا علي طول حلوه🤨 بكر.....بضحك طبعاً علي طول حلوه بس انهارده حلوه بزياده مها.....يعني قولت نفرج اللي يتخفي اسمها من الدنيا سونه اني لما ببقي عايزه نكون حلوه بنكون حلوه🤨 بكر.....بضحك يادي سونه اللي عملالك وش في دماغك 😂 هي جوزك يا بت عشان تثبتيلها انك حلوه مها....لا بس بنت الصرمه كل ما تشوفني تتعمد تضايقني تخيل اخر مره شوفتها كانت عامله زي عروسه المولد تقوم تقولي عقبال ما اشوفك عروسه المولد زيي بدل ما بكر يطفش منك🤨 بكر.....😂😂طيب وانتي بتسمعي كلامها ما انتي عارفه ان سونه بتحب تضايقك تقومي انتي تسخني وتعرفيها ان كلامها اثر فيكي مها.....لا ولا اثر ولا حاجه انا واثقه في روحي يا حبيبي بس قولت نكيدها 🤨 بكر.....طب يلا يا مجنونه اخلصي خلينا ننزلوا مها......يلا بينا. بعد وقت بسيط نزل كرم بكل هيبه راح قرب من تربيزه رفاعي و الشباب وبمجرد ما النبطشي بتاع الفرح شافه بدأ يحيه علي طريقه الافراح الخاصه. النبطشي....انا اللي بقول يا ولا سيب المايك لأستاذه وأدي العيش لخبازه ولو كانت الرجوله بالدقن لا كانت الأنوثه بالحقن 😉 ولو فيك طبع الرجوله هتكسب محبة الناس بسهوله اما اللي الرجوله مبدأه ديماً سيرته الطيبه يا كيرو بتسبقه 😉 قليل الاصل متعاتبوش 👌 الصاحب قليل الاصل لا تعبه ولا تلومه ده قلة الاصل فيه من يومه بص كرم علي عبدالله وابتسم ابتسامه سخريه😏 النبطشي ....من حبنا حبيناه صار متعنا متاعه ومن كرهنا كرهناه يحرم علينا إجتماعه بيقولك اللي ابوه صعيدي ميخافش واحلي تحيه للصاعيده الجدعان اللي مشرفينا صباحه مسا لاهل القاهره واللي منها يعني المطريه ومعلمين المطريه بنصيح وبنمسي علي اهل السيده زينب واللي منها واحلي صباح للعبور ومعلمين العبور بنصبح ونمسي علي كل جمعنا السعيد. المعلم سيد الشرقاوي وأشرف بيه اللي منورنا فوق فوق دماغنا من فوق. اجمل حاجه في الدنيا الحب لازم تحب عشان تتحب اللي يحبك حبه واللي يبوسك بوسه واللي يدوسك دوسه اهم من جمع المال جمع الرجال و اجمل فرحه فرحة انهارده. بنصبح ونمسي علي معلمين المنوفيه وطنطا وتحيه خااااااصه لمعلمين الشرقيه وعمد الشرقيه مش إلي نفس مش إلي دعوه الله الوكيل🔥🔥 لسه بدري ولسه الليل طويل ولسه بدري علي بكره واللي ياخد نايبه صبر يكسب وياما في الجراب يا حاوي بنصبح ونمسي علي أهل اسكندريه الجداع اللي منورنا من جليم للمعموره و بحررررررري ايووووه ايووووه ايوووه عليكي يا بحري وعلي معلمينك تحيه طايره حايره للمعلم رفاعي يعني الجزارين يعني الناس اللي قلبها ميت اللي لا بتخاف ولا بتكش رفع رفاعي ايده بتحيه و إبتسامه بسيطه النبطشي واحلي تحيه للمعلم كرم الرفاعي يعني الرجوله والجدعنه وعلي الاصل دور وتحيه للمعلم زكريا الجمال و نجله عبدالله الجمال وسمعني احلي سلاااااام علي طول السلام ولا يا ولاااااااا طلع كرم علي المسرح نقط سمير العريس وباركله ورجع نزل بكل هيبه علي التربيزه بكر....بصوت واطي مش يلا بقي اطلعي يا مها مها....ايوه نا لسه بدري بكر....يابت الفرح مليان رجاله مش باركتي يا اختي وعملتي نمرتك علي سونه يلا اتكلي بقي تعالي عشان اطلعك مها....بضحك ايوووه علي دي نبره طب ودين محمد هتولع في روحها مني بكر....بضحك طب يلا اختي كفايه كيد فيها. راح بكر طلعها هي و نجوي بعد ما باركوا ورجع وقف جنب كرم والشباب كانوا واقفين يضحكوا مع بعض لحد ما سمعوا شابين من المعزومين في الفرح. الشاب....بصوت واطي هو ده كرم الرفاعي اللي حبيبته سابته شاب اخر ....اه هو واللي هناك دول عيله الجمال احمرت عين كرم بغضب وبرزت كل عروقه بشر وقبل ما يتحرك خطوه عليهم مسكه بسرعه بكر وهيما اهوه بكر....علي فييييين يا صاحبي اهدي🤨 كرم....هنربيهم ونعلمهم الادب 😡 هيما....سيبك منهم يا كرم دي عيال صغيره وبعدين مش عايزين نقلب الفرح لجل عيون سمير بكر....اخوك معاه حق يا كرم بلاش نقلبوا الفرح ونبوظوا فرحه سمير الولا ما صدق كرم....سحب ايده منهم بغضب ومشي بكر....علي فين يا صاحبي كرم....محدش يجي ورايا😡 هيما....سيبه يا بكر خليه يمشي بدل ما يصور قتيل احمد.....يبقي نستنوا العيال دول ونربوهم🤨 هيما....ياولا اتلم ما قولنا خلاص سيبك منهم كفيانا عراك كل شويه مع خلق الله عايزين الحدوته دي تخلص بقي مش معقول كده دماااااغنا🤨 محمد.....علي حق يا هيما🥴 هيما....بضحك اتنيل😂 حسن....حموووو حموووو احمد ومحمد في صوت واحد نعممم حسن.....بضحك اي واحد فيكم يجي مش ناقصه لغبطه😂😂 وصل كرم علي البحر قعد علي السور ورفع راسه للسما وهو بياخد نفس طووووويل كله وجع كرم.....انتي السبب في كل اللي انا فيه انتي السبب يا دره💔 حط ايده علي الوشم وعصر بأيده مكانه. ..................... في مطار دبي✈️ بصت دره علي بناتها لقتهم ساندين راسهم علي التربيزه بتعب شديد وغرقانين في النوم تاهت في دوامه تفكيرها كانت حاسه انها حقيقي في دوامه وبتغرق شويه تفكر في اللي بناتها قالوه وخوفهم من مواجهه عيلتها ليها ورد فعلهم لما ما يشوفها بعد كل السنين دي وشويه تفكر لو فعلاً رد فعل اهلها كان قاسي ومتقبلوش وجودها هتعمل ايه وتروح فين ببناتها وشويه تفكر في كلام دعاء عن علاقه الناس بأهلها بعد سفرها وعن كرم اللي حالف يموتها بأيده لو لمحها مكانتش عارفه تعمل ايه الحمل زاد يمكن هي مش خايفه من كرم وعارفه ان اي كلام كان بيقوله مجرد كلام خارج منه وقت عصبيه مكانتش حامله همه ولا في دماغها كل اللي كان شاغلها وبتتمني انه يعدي علي خير هو لقائها بأهلها ومسامحتهم ليها ولو ده حصل لا هتقلق من كرم ولا من اي حد كفايه انها تطمن بوجودها معاهم وحمايتهم ليها هي وبناتها وفي وسط ما هي غرقانه في تفكيرها وهي بتبص لبناتها النايمين خانتها دمعه سريعه وغصب عنها خدها عقلها في تكملة رحله الوجع فلاش باااااااك. بعد ما راحت دره وراء يوسف واتفاجئت انه راح لدينا وسمعت كل حاجه بينهم انسحبت بهدوء بعد ما يوسف خد دينا وطلعوا علي الاوضه وبعد ما خلصت كلامها مع چاك دورت عربيتها ورجعت علي البيت وهي بتفكر ازاي هتواجه يوسف ودينا بخيانتهم ليها ازاي هتقدر ترجع حقها اللي يوسف ودينا خدوه منها ركنت دره عربيتها قدام البيت وفضلت قاعده في العربيه دموعها نازله مش قادره تستوعب اللي حصل وفضلت تفكر طيب يوسف عرف اني عرفت بموضوع الفلوس وبقي امر واقع تعرفه انها عرفت عن الشركه كمان وعن جوازه من دينا ولا تسكت وتستني يوسف هيعمل ايه يا تري هيواجها بالمستثمر الوهمي اللي قال عليه ويكشف عن هويه دينا ولا هيفضل يتهرب منها ويقول في حجج انه لسه مسافر ولا مش هيعرفها خالص كانت حاسه انها تايهه في الاوقات الصعبه دي كانت بتلجأ ديماً لدينا لانها ملهاش غيرها طيب الوقت تروح لمين تخرج كل اللي جواها لمين فضلت تلوم في نفسها ازاي طول السنين اللي فاتت محستش في يوم ان يوسف ودينا في بينهم علاقه انتهت بجواز ازاي قدرت تخدعها و تبص في عينها وهي متجوزه جوزها ازاي قدرت تثق فيها وتدخلها في حياتها مسحت دره دموعها وقررت انها تنفذ خطه توقعهم ولانها كانت ضايعه وحاسه ان في بركان جواها علي وشك الانفجار معرفتش تفكر وتلعبها صح وقررت انها تعزم دينا وتواجهم مكانتش قادره تستني تشوف چاك هيتصرف ازاي وهيرجعلها حقها ازاي في يوم واحد عرفت انها خسرت فلوسها كلها ونصيبها في الشركه بالتوكيل ومكانتش لسه تعرف ان حتي البيت اللي هي عايشه فيه هي وبناتها اتاخد منها كمان وكأنهم بيقفلوها في وشها من كل الطرق عشان ميبقاش عندها غير حل واحد وهو الانفصال وفي الحاله دي مش هيبقالها اي حاجه في البلد تقعد عشانها وهترجع علي مصر تفكير شيطاني البطل فيها هي دينا اللي قدرت تسيطر علي عقل يوسف بسهوله عشان تبعد دره خالص من طريقها. في صباح يوم جديد اتصلت دره علي دينا عشان تنفذ خطتها. دينا.....ايوه يا روحي دره.....بنبره مجبره علي الابتسامه عامله ايه يا دينا دينا....بخير الحمد لله دره.....انتي في الشغل دينا....ايوه وانتي دره.....لا انا منزلتش انهارده يوسف اللي راح دينا....ليه يا قلبي انتي تعبانه ولا ايه؟ دره....لا خالص بس تقدري تقولي اني قولت ليوسف كده عشان مروحش دينا.....مش فاهمه طيب ليه عملتي كده دره....بكره عيد ميلاد يوسف فا قولت اقعد وافكر في طريقه حلوه نحتفل بيها مع بعض و أفاجئه عشان كده بكلمك دينا....بإبتسامه اه يعني زي كل سنه عيزاني افكر واقولك علي فكره حلوه تحتفلي بيها دره....بإبتسامه لا المرادي انا اللي فكرت يا دينا ومجهزه مفجأه حلوه بس عيزاكي تكوني معانا بكره دينا.....لا ياستي مش عايزه اكون عزول دره....بإبتسامه حزن انتي عمرك ما كنتي عزول يا دينا انتي عارفه اني طول عمري بعتبرك اختي وسندي في الغربه ولا ايه؟ بلعت دينا ريقها بصعوبه وبعدين ابتسمت دينا....اكيد طبعاً يا روحي طيب قوليلي ايه المطلوب مني دره....ولا حاجه انا بكره هعمل عشاء وفكرت بعد العشاء نحتفل بيوسف مع بعض يعني كا عيله وبما انك اقرب حد لينا هنا فا هنحتفل مع بعض المرادي عيد ميلاده مش هيبقي بره ولا هيبقي في ناس غيرنا هنبقي احنا بس وفي البيت تمام دينا.....تمام موافقه اكيد وهبقي عندك بكره في المعاد اللي هتحدديه ولو محتاجه مني اي مساعده انا موجوده دره.....عارفه يا دينا بس متقلقيش انا تقريباً مجهزه كل حاجه المهم اوعي تخلي يوسف يحس او يعرف عشان المفجأه دينا.....اكيد طبعاً متقلقيش دره....طيب انا مش هعطلك عن شغلك وانا كمان هروح اكمل تحضيرات بكره فرصه وهو يوسف مش موجود دينا....ماشي يا روحي يلا هشوفك بكره دره....مستنياكي يا دينا🥺 قفلت دينا مع دره واتصلت بيوسف يوسف.....حبيبي وحشتيني دينا....انت اكتر يوسف....ومالك بتقوليها كده ليه دينا.....دره يوسف....مالها؟ دينا....لسه قافله معايا بتعزمني علي عيد ميلادك بكره عملالك مفجأه يوسف....طيب وفيها ايه ماهي كل سنه بتحتفل بعيد ميلادي وانتي بتساعديها دره.....المرادي مش طالبه مساعده قالت انها محضره كل حاجه وهتبقي حفله عائليه يعني بينا وبين بعض في الڤيلا عندكم يوسف....طيب كويس انا اصلا مش فاضي لأي حفلات بره اليومين دول خالص انتي عارفه اننا مشغولين بس انا بردو مش فاهم فين المشكله؟ دينا....انت اكيد بتهرج انت مش شايف انها غريبه شويه🤨 يوسف....غريبه انها تحتفل بعيد ميلادي دينا.....صراحه اه انا لو مكانها بعد ما عرفت ان جوزي خد كل فلوسي من غير ما اعرف اكيد مش هيبقي ليا مزاج افكر في عيد ميلاد صراحه يا يوسف انا حاسه ان في حاجه غريبه حتي نبرة صوتها مش مريحاني يوسف....بإبتسامه لا ياروحي انتي بس اللي مكبره الموضوع مش يمكن مثلا بتحايلني و حابه تكون قدامي هاديه عشان تضمن حقها دينا.....مش عارفه بس انا بقولك اهو انا مش مرتاحه لصوتها يوسف....قولتلك اطمني دره مفيش حاجه في ايدها كمان متعرفش اي حاجه لسه عن موضوع الشركه والڤيلا يعني كل حاجه تمام بلاش انتي تقلقي نفسك دينا....تمام يا يوسف اللي انت شايفه المهم اوعي تغلط بلسانك قدامها عن المفجأه اللي هي محضرهالك😏 يوسف....ولا كأني سمعت يا قلبي وهتفاجئ كمان😉 دينا.... يارب بس منتفاجئش كلنا هسيبك تشوف شغلك وبكره هشوفك يوسف....تمام يا روحي سلام دينا....سلام ........... في صباح يوم جديد دره كانت بتحاول تكون هاديه قدام بناتها وبتحاول تسيطر علي انفعالاتها قدام يوسف الوقت كان بيمر حضرت دره العشاء وجهزت التورته وزينت الڤيلا بالورد والشموع البنات كانوا مبسوطين ومحدش فيهم عارف اي حاجه وصلت دينا قبل يوسف بشويه دخلت سلمت علي البنات واستقبلتها دره بإبتسامه بسيطه دينا كانت حاسه ان دره فيها حاجه غريبه لكن محبتش تسألها وصل يوسف بعد وقت بسيط البنات جريوا عليه حضنوا و قالوله كل سنه وانت طيب دينا....كل سنه وانت طيب يا يوسف عقبال 100 سنه يوسف....وانتي طيبه يا دينا بص لدره اللي كانت واقفه ساكته ومكتفيه بإبتسامه بسيطه دره.....كل سنه وانت طيب قرب منها يوسف وباس جبهتها وانتي طيبه يا قلبي غمضت دره عينها بقوه وهي حاسه ان لمسته ليها زي النار 🔥 يوسف....ايه كل ده تعبتي نفسك ليه يا روحي دره....مفيش تعب المهم تكون المفجأه عجبتك يوسف.....اكيد عجبتني كفايه انها منك دره....بإبتسامه بسيطه طيب يلا عشان العشاء يوسف....يلا يا حبيبي راحوا كلهم علي السفره قعدوا وبدأوا ياكلوا في هدوء. دينا....تسلم ايدك يا دره الاكل يجنن دره....بالف هنا💔 يوسف.....دره اكلها كله يجنن بس بجد تعبتي نفسك دره.....تعبك راحه يا يوسف المهم المفجأه تعجبك يوسف....هي لسه هتعجبني ماهي عجبتني خلاص دره.....هي ايه اللي عجبتك؟ يوسف....المفجأه الاكل والتحضيرات الشموع والورد وبعدين شاور علي التورته حتي الكيك شكله يجنن دره....بضحكه سخريه لا هو انت فاكر اني اقصد المفجأه دي؟ بصلها يوسف بإستغراب امال تقصدي ايه هو في مفجأه تانيه؟ دره....طبعاً دانه....اكيد مامي تقصد الهديه😉 أبتسم يوسف ....هي لسه فيها هديه كفايه اوي كل اللي هي عملته دره....لا لما تعرف هديتي ليك هتتبسط اكتر دينا....شوقتينا يا دره للهديه دره....متستعجليش يا دينا نخلص عشاء الاول يلا كلوا عشان الاكل ميبردش ابتسم دينا ابتسامه صفراء وهزت راسها لدره وبعدين بصت ليوسف بإستغراب بصلها يوسف وبعدين بص لدره وابتسم وكمل اكل. و مقدروش يعرفوا يا تري ايه هي هديه دره لكن كان يوسف بدأ يحس ان دره مش علي طبيعتها وان دينا معاها حق وللحديث بقيه.........

مقالات ذات صلة

لقاء كارثي

لقاء كارثي

تعاهدنا

لقاء كارثي

لقاء كارثي

تعاهدنا

اترك تعليقاً إلغاء الرد