ابن ليل
ابن ليل
نجوى…..يابت انتي على طول بتشاكلي في دبان وشك كده😂 سيبك منها الوقت وخلينا نفرح بالدكان زمان رفاعي وابنه هيشيطوا
مها….احسن عقبال ما يولعوا في روحهم كانوا فاكرين انهم هياخدوا المزاد قال😉
نزل في الوقت ده زكريا وعبدالله وحسن
نجوى…..أهم ظهروا شكلهم كانوا مستخبين😂
مها….ما طبعاً لازم يستخبوا هما ليهم عين😂😂😂
رفاعي ابتسم اول ما شاف زكريا نازل وباصص عليه بغيظ🤨
رفاعي….ولا يا مَنكش توزع على الكل كبير وصغير شربات يا ولا وتقولهم دي حلاوة الدكان الجديد بتاع المعلم رفاعي😉
مَنكش…..بدأنا 🙄عيني ياسيد المعلمين
رفاعي…..ومتنساش القهوه الساده اللي طلبتها منك عشان المعلم زكريا هيحتاجها😉
زكريا….بإبتسامه بسيطه مبروك عليك الدكان يا معلم رفاعي بس أطمن خيرها في غيرها هنروحوا من بعض فين الجايات اكتر من الرايحات
رفاعي…..على قولك هنروحوا من بعض فين بس لو كل مره هتنسحب من المزاد يبقى نحب نقولك قريب كل دكاكين بحري هتبقى من نصيبي
زكريا….المعلم زكريا مينسحبش غير للشديد القوي يا معلم رفاعي يغور الدكان فدى صحة الحاجه نبيله
عبدالله….مش احنا اللي ننسحب يا معلم بس معلش ظروف بقى لكن أطمن المره الجايه انت اللي هتباركلنا🤨
كرم……مبنباركش للخسران يا عبدالله
عبدالله…..هتبارك يا كرم وهنوزع احنا الشربات وهنبعتلكم القهوه الساده😉
رفع كرم عينه لبلكونة نبيله لقاها واقفه وبتضحكله بحب وبتغمزله وبتبعتله بوسه في الهواء😉
ابتسم كرم وهز راسه شمال ويمين
كرم….بصوت واطي يابنت الشياطين يا بلبله
ثواني ورن موبايله بعد عنهم شويه ورد.
نبيله…..مبروك يا ابن قلبي😂
كرم…..انتي مكنتيش تعبانه صح؟
نبيله…..قولتلك يا ولا الدكان هيبقى بتاعك وهندعيلك كل صلاه إن المزاد يرسي عليك واهو حصل
كرم….بضحك مكنتش نعرف ان دماغك سم يا بلبله
نبيله…..عشان ضحكتك دي مستعده مش بس نعمل روحي مغم عليا ده انا نعمل نفسي ميته يا كيرو
كرم …بحب بعد الشر عليكي يا بلبله وقعتي قلبي عليكي بس كنت حاسس ان المكالمه اللي جات مش وقتها والفار لعب في عبي وكمل بضحك مش سهله بردوا انتي يا بلبله😂😂
نبيله…..الله طبعاًااااا😉 المهم أوعى تاكل عليا الحلاوه انا شريكه في الدكان ياولا بمجهودي التمثيلي😂
كرم…..الدنيا كلها تحت رجلك ياست الناس ❣️
