ابن ليل

دعاء…..يابت انا في وشك طول النهار في الشارع لَحقت نوحشك

سونه….هو انا بشوفك غير من بعيد لبعيد

دعاء…..ما انتي عارفه بقى انا طول الوقت مع بلبله مبنقدرش نسيبها لوحدها

سونه….ليه يا اختي نوغه ماهي طول الوقت بتبروم في الشارع🤨

دعاء…..يابت وانا بقولك انها مش بتتحرك بس انتي عارفه انها مبتقدرش تستغني عني وبعدين نفسي اعرف مالك حطاها في دماغك ليه

سونه…..وليه حيزبونه🤨

دعاء…..ايووووه عليكي بلبله طب والله دي مافي في طيبه قلبها

سونه….سيبنالك انتي يا اختي طيبه قلبها المهم هي بس تبعد عن كرم

دعاء….يادي كرم اللي عاملك وش في نافوخك يابت قولتلك الف مره كرم مش ليكي بلاش تعشمي روحك

سونه….بنحبه يا دعاء

دعاء…يا اخي حبك بورص يابت هي المره اللي تحب راجل تتجوز خمس مرات عليه 😏

سونه….بنكيده يمكن يتحرك لما يعرف ان انا عليا الطلب

دعاء….يابت هو انتي بضاعه وعليها طلب الراجل يا اختي ما بيحبش الست اللي كل شويه من حضن راجل للتاني واللي زي كرم خديها مني ميتجوزش الست اللي خدها غيره

سونه…..انتي يابت بتحرقي دمي😡

دعاء….انا مبنحرقش دمك يا سونه انا قلبي عليكي وانتي عارفه

سونه….بس انا اتجوزت في الحلال يا دعاء معملتش حاجه في الحرام

دعاء….بعيداً عن الجواز يا سونه انتي اكتر واحده عارفه ان كرم قلبه مش ملكه

سونه….هتقوليلي طبعاً قلبه مع السنيوره اللي سابته🤨

دعاء….عليكي نور قلبه مع السنيوره

سونه……حتى لو !!  انا بس مستنيه فرصه وهميل دماغه يعني هميلها وبكره تقولي سونه قالت

دعاء….يابت بقاله عشرين سنه عدى عليه اشكال والوان ودماغه عمرها ما مالت لجنس واحده انتي اللي هتيجي بعد العمر ده كله وتميليها كان غيرك اشطر يا سونه

سونه…..يابت انتي بتكسري مأديفي ليه ده انا عايشه عشان اليوم ده

دعاء…انا مبنكسرش مأديفك يا سونه انا بنفطمك بتتجوزي عشان تخليه يتحرك وانتي ولا في دماغه والمصيبه انها بتنحسب عليكي جوازه يابت ده انتي مفكرتيش تدي نفسك فرصه مع اي راجل من اللي اتجوزتيهم وكان فيهم رجاله كويسه بس انتي كده غاويه وجع قلب

سونه…..بنحبه يا دعاء مش بأيدي ده كأنه ساحرلي💔

دعاء…..أسمعي كلامي يا سونه بلاش تجيبي لروحك الكلام انتي وبنتك دي بنتك بقت عروسه واللي بيشوفك يابت كل شويه من جوازه لجوازه هيفكر العيب فيكي