تعاهدنا

البارت التاسع عشر.. بمجرد ما خرجوا كلهم وسابوا ساره لوحدها في الاوضه حست ان هي هتتجن ازاي هيروح يتجوزها الوقت بعد كل اللي عملته ده هيقدر ادهم يتجوزها ازاي مسك راسها وحاسه انها هتنفجر كل حاجه رسمتها هتبوظ في اخر مرحله ساره....بغضب لا يا ادهم لا مش هيحصل مش هتتهني يا ادهم ولا هتنتصر عليا طول ما انا عايشه انا مبقاش عندي حاجه أخسرها خسرت ابني بايدي عشانك واللي تقدر تم*وت ابنها تقدر تعمل أي حاجه في الدنيا مش هخسرك يا ادهم ولو مفيش امل يبقي اهون عليا تم*وت ولا اني اشوفك مع حد تاني هندمك علي كل حاجه يا ادهم هعرفك معني كسره القلب كل اللي فات ده كان حاجه واللي هعمله حاجه تانيه مش هسيبك يا حبيبي تروح من ايدي مش هسيبك تكون لعهد. مسكت موبايلها وهي دموعها نازله و بتتنفس بغضب فاق الحد . فضلت تبعت في حجات لرقم معين وبسرعه اتصلت عليه. ساره.....ايوه. كل الصور اللي بعتهالك دي في ظرف ربع ساعه عيزاها تكون ترند في مصر كلها الطرف الاخر...... ساره....ملكش دعوه بأي فلوس كل اللي هتطلبه هديك ضعفه عايزه الصور تكون نازله عن طريق إعلان مدفوع التمن عشان اضمن انه يوصل الصفحات اللي بعتهالك بتاعت عاصم يوصلها الإعلان واظن انت عارف شغلك كويس مش عايزه المصدر يكون معروف الصفحه اللي هتنزل الخبر تكون مجهوله الهويه..ومتنساش كام خبر مع كام جريده انا في ظرف ربع ساعه عايزه الفضيحه ترج مصر بحالها انت فاهم المبلغ اللي اتفقنا عليه قبل كده هديك ضعفه ..والاهم من الصور عيزاك تنزل الخبر اللي قولته عن ادهم اهتم بالخبر ده علي قد ما تقدر سلام. قفلت ساره من غير ما تسمع الرد وضحكت ضحكه شر تبين قد ايه هي مش سويه وتبين ان فعلا عقلها راح.والشر أتملك منها. ............ في الخارج ادم كان قاعد حاطت ايده علي راسه وحاسس ان الدنيا بتلف بيه قعد جمبه حسن ورقيه حط حسن ايده علي كتف ادم.. حسن...ادم يا حبيبي انا سبتك تخرج كل اللي جواك وتعمل كل حاجه انت عايزها بس لازم نتكلم بهدوء ادم....مبقاش في كلام يا بابا خلاص ادهم كسرني اخويا كسرني بايده يا بابا كسرني لما ق*تل ابني كسرني لما اتهم مراتي في شرفها قدامي رقيه...بدموع مش حقيقي يا حبيبي صدقني ادهم مظلوم. حسن.....انا عارف ان اللي سمعته ده صعب ويكسر اي راجل في الدنيا احنا الخيانه بتكسرنا لكن لو كانت من اقرب حد لينا بتم*وتنا خصوصا لو الحد ده اخوك بس انت عارف ادهم اكتر مننا يا ادم وانت الوحيد اللي تقدر تعرف ادهم اكتر مننا كمان انت تصدق ان اخوك يا ادم يعمل كده انت ا طول عمركم اصحاب وادهم عندك كل حاجه معقول تصدق ادهم يخونك سيبك من كلام مراتك اللي كانت بتقوله .بس هسألك سؤال انت عمرك شوفت تصرف مش كويس لأدهم بعينك شوفت نظراته او كلامه او اي فعل ليه يأكد كلام ساره...انت كل اللي سمعته كلام ادم...بدموع ساره هتعمل كده ليه عايزني اصدق انها بتحبه زي ما قال كب اصدق أزاي وانا كنت عايش معاها اسعد زوج في الدنيا اي راجل في الدنيا يقدر يحس بمراته يقدر يعرف إذا كانت بتحبه او لا بتخونه او لا فيها حاجه متغيره او لا وانا عمري ما حسيت كل ده مع ساره انا معاها كنت حاسس بحبها كنت حاسس برجولتي اقنعني بس هتقدر تخبي عليا كل ده ازاي ولو قدرت هتقدر تخبي يوم اتنين لكن انا مع ساره بقالي اربع سنين عمرها ما حسستني بده يوم واحد بس.. ولو هصدق انها خدعتني ادهم ليه لما واجهته زمان باللي عمله مكدبهاش انا فضلت مخبي عليكم لحد انهارده اللي عمله عشان محرجهوش رقيه....هيقولك ايه يا ادم هيقولك ان ساره بتخونك هيفولك انها بتحبه ادهم كان عارف انت بتحب ساره ازاي مقدرش يقولك يا حبيبي عشان ميوجعكش ادم...لا يا امي مقدرش يقولي لانه مكانش عنده اي حاجه يقولها مكانش قادر يحط عينه في عيني كان مكسوف من اللي عمله عشان كده قرر يسافر مش عشان يبعد عن ساره زي ماقال. حسن....خليني معاك للاخر يا ادم حتي لو اللي بتقوله ده صح حتي لو انت مصدق ساره اكتر ومش قادر تفتكرلها موقف وحش بس كمان انت عمرك ما شوفت من ادهم اي فعل مش مظبوط مش بقولك كدبها يا ابني ولا هقولك صدق اخوك بس الاتنين اعتبرهم واحد خد وقتك وحاول تركز يا ادم متنصرش حد علي التاني متظلمش حد اديله فرصه يمكن يكون هو اللي صح انا مش قادر اقتنع اني انا وامك اسائنا في تربيه ادهم ..ادهم طول عمره محترم تعبت انا وامك في تربيته وتربيتك مستحيل يخذلنا متجيش عليه يا حبيبي زي ما انت بتدافع عن مراتك متنساش ان ادهم اخوك عارف ان قلبك محروق علي ابنك بس كمان متخليش الموضوع ده يخسرك ادهم و اتأكد يا ادم ان لو ادهم عمل اللي ساره قالت عليه انا اول واحد هخرج ادهم بره حياتنا نهائي. رقيه...ادي لأخوك فرصه يا حبيبي. بصلهم ادم وعينه تشبه كاسات الدم وكأنه بيفكر في حاجه قام وقف. ادم...معلش انا محتاج اعمل مشوار مهم جدا ممكن تفضلوا مع ساره لحد ما أهلها يجوا. حسن...رايح فين.؟ رقيه....هتعمل ايه يا ادم. ادم....متقلقيش يا امي ده مشوار لازم اعمله ويمكن يوضحلي حجات كتير اوي. حسن....اتصرف بعقل يا ادم عشان خاطري ادم...متقلقش يا بابا ان شاء الله مسافه السكه لعد اذنكم. حسن. رقيه...اتفضل يا حبيبي. ............... ساعه عدت من الوقت لكن مكانتش زي اي ساعه بتمر كانت ساعه أشبه بالكابوس ساعه تشبه الظلام والسواد حقد وغل وشر اتجمعوا في ساعه واحده بس...وبسرعه البرق انتشرت صور لعهد علي جميع شبكات التواصل الأجتماعي ولان عهد في الاصل بنت رجل اعمال كبير فا الفضيحه كان ليها صدي صورها انتشرت وهي في احضان مش شاب واحد اكتر من شاب ومش بس كده كانت صور لشباب معروفه من اصحابهم في النادي شخصيات معروفه واولاد رجال اعمال يعني الفضيحه مست اطراف كتير عشان ميبقاش في مخرج من الكارثه دي وعشان يقدروا ياخدوا حقهم من عهد بطريقتهم....وانتشر خبر لادهم في الجرايد والسوشيال ميديا دمر سمعت العيله. الخبر... رجل الاعمال ادهم حسن يعتدي بالض*رب علي زوجه اخيه ادم في إحدي المطاعم الشهيره امام الجميع ض*رب مبرح ادي إلي فقدها للجنين وكل هذا بسبب حب ادهم لزوجه اخيه وبعد الوصول الي السيده ساره قالت ان ادهم من يوم زواجها من اخيه وهو يتعمد مضايقتها والقرب منها بأي طريقه كما قالت انه تعرض إليها بالتحرش حاولت كثير ان تصده لكن كان مصمم ان يختلي بها وجن جنونه عند عودته من سفره من الخارج وعلم بخبر حملها فطلب منها ان يراها ولكن لم تكن تعلم ان ادهم يدبر لها مكيده من نوع خاص ادت إلي فقدها جنينها .حكايه غريبه وعشق من نوع خاص عفواً ...انه عشقاً ممنوعاً .......... الخبر انتشر بسرعه البرق وقدر يوصل صداه في مصر كلها وتداول الخبر في شركات حسن وفي النادي وكل مكان وانتشرت فضيحه عهد في كل مكان.. ........... ادهم وصل قدام الڤيلا عند سهام ..بمجرد ما خرج من المستشفي حكالها كل حاجه حصلت وبلغها بقراره في الزواج من عهد مقدرتش سهام تعترض وطلب منها ادهم انها متقولش اب حاجه لعهد عشان يعملهالها مفجأه...كان طاير من الفرحه انه خلاص هيقدر يوصل لعهد بعد كل اللي مروا بيه...وكان نفس شعور سهام رغم انها كانت قلقانه بعد اللي سمعته من ادهم لكن كانت فرحانه انها هتقدر تشوف ضحكه عهد من تاني وختقدر خلاص تعترفلها بكل حاجه. لكن زي ما بيقولوا عمر الفرحه قصير..💔 وصل ادهم معاه المأذون وخد معاه اتنين من الشهود كانت ابتسامته مش مفارقه ملامحه وفرحته اكبر من اتساع الدنيا...لكن بسرعه اختفت أبتسامته لما لمح عربيه عاصم والجارد بتوعه واقفين عالباب نزل ادهم بسرعه وطلب من المأذوون والشهود يفضلوا في مكانهم عشان عاصم ميشكش في اي حاجه او بعرضهم لموقف وحش كان فاكره جاي عادي في زياره لعهد مكانش يعرف ان الخبر وصل لعاصم لانه مفتحش النت ولا قدر يعرف اي حاجه. دخل ادهم بسرعه كان الباب مفتوح وفجأه سمع صوت عاصم بيتكلم بغضب وعهد بتصرخ حس ان قلبه اتقبض دخل بسرعه علي جوه. وقف في وسطهم لكن عينه عليها عينه علي اللي منهاره وشكلها متغير كتير عن اخر مره شافها ملامحها بهتانه الحزن سايب فيها علامه جسمها هزيل جسد من غير روح كل معالمها الجميله راحت الحيويه والنشاط اللي كانوا مالينها اتبدلوا واتحط مكانهم حزن وقهر وكسره وظلم. سهام...بانهيار قولتلك يا ادهم قولتلك مش هتسيبنا قولتلك بلاش طلبت منك متفتحش بأيدك النار واهي النار اتفتحت وطالت عهد ادهم كان واقف ميعرفش اي حاجه ولا فاهم في ايه كل اللي جه في باله ان ساره اكيد وصلت اي حاجه لعاصم ونفذت تهديدها. عهد....قولي يا ادهم عملت فيك ايه عشان تعمل فيا كده قولي شوفت مني ايه وحش يخليك تكسرني بالشكل ده ده انا حبيتك حبيتك اكتر من روحي حبيتك اكتر من النفس اللي كنت بتنفسه كنت بالنسبالي وجودك جمبي هو الحياه كنت بالنسبالي انت النفس ازاي قدرت تقنعني بحبك ازاي قدرت تخليني مش قادره اشوف الدنيا غير بعينك أزاي وصلتني لدرجه اني اصدقك واكدب العالم كله واقسم ان محدش حب حد في الدنيا قد حبك ليا ازاي كنت بتمثل عليا الحب وانت بتحب ساره. ادهم....😳ساره ساره ايه عهد انا مش فاهم حاجه عهد....افتح النت يا ادهم افتح وشوف فضيحتك في مصر كلها كل الناس بتنشر خبر ض*ربك لساره وإجهاضها عشان حملت من اخووووك كنت بتحبها وبتحاول تقرب منها طب قربت مني ليه خلتني احبك ليه سهام....صدقيني يا عهد دي لعبه هو ده السر اللي خبيته عنك اسمعيني ارجوكي عهد...انا مش عايزه اسمع حاجه انتوا دمرتوني دمرتوا كل حاجه فيا بسببك انا اتفضحت صورتي موجوده في كل مكان في مصر زي ما انت كمان صورك مغرقه النت كله صوري مع شباب مكنش فيه بيني وبينهم غير سلام ومن بعيد لبعيد الصور دي مش بتاعتي . مسك ادهم الموبايل زي المجنون يحاول يفهم اي حاجه اتصدم لما شاف قدامه صور عهد في كل مكان مع شباب في اوضاع مخله وبطريقه مقذذه وشاف الخبر اللي انتشر عليه حس ادهم ان رجله مش شيلاه قعد علي قرب كرسي جمبه بأهمال . سهام....ادهم انت كويس عاصم....كنت فاكرك راجل زي اخوك لكن للاسف طلعت قذر مش نستغرب خالص اللي حصل لان اللي يعمل كده في اخوه يقدر يعمل اي حاجه كنت مستغرب يوم ما جيت طلبت عهد سكوتك كنت قاعد باصصلي بنظره عمري ما هنساها لكن مقدرتش افهمها وقتها والغريب اني الوقت مش عارف افهمها برضوا انت كنت مضايق عشان طلبي لايد عهد لانك بتحبها ولو ده فعلا صح يبقي ازاي وانت بتحب مرات اخوك. وانتي ازاي قدرتي تخدعيني بالشكل ده وازاي قدرتي تخدعي الكل انك ملاك انا تليفوني من اول ما الخبر انتشر مبطلش رن وبقيت في نظر الناس رجل الاعمال اللي خطيبته قرطسته 😡😡 ادهم....كلمه كمان ومتعرفش ممكن اعمل فيك ايه طلع عاصم مسدس من جيبه ووجهه في وش ادهم انت كمان ليك عين تتكلم صرخت عهد وجريت وقفت قدام عاصم وهي منهاره ابوس ايدك يا عاصم اوعي تعمل كده . عاصم...بغضب انتي كمان ليكي عين تدافعي عنه قدامي. جريت سهام مسكت ايد عاصم ابوس ايدك يا عاصم اسمع انت من وقت ما جيت وانا مش قادره اوضحلك اي حاجه اتصدمت من الاخبار اللي شوفتها ارجوك عشان خاطري اسمع وافهم ولو فعلا عهد غاليه عندك اقف معانا . عاصم...افهم ايه انا مش قادر افهم اي حاجه اصدق ايه ان عهد بريئه وان كل ده كدب طب ماشي انا عندي حد يقدر يثبتلي ان الصور دي متفبركه طب وحبها لادهم كمان متفبرك طيب وافقتي ليه اني اطلبها واجي اتقدملها لما هما بيحبوا بعض طب وخبر ادعم مع مرات اخوه لبه علاقه فعلا بخبر عهد. انا هتجنن ومش قادر افهم اي حاجه . سهام....صدقني يا عاصم اتفاجئت في اليوم اللي قبل ما اكلمك بساره جاتلي تهددني اني ابعد عهد وادهم عن بعض واعترفتلي انها بتحبه وهددتني لو مبعدتش عنه هتفضحها وتنشر صورها في كل مكان وقتها اضطريت اسمع كلامها واجبرت بنتي انها توافق عليك وفي اليوم ده جه ادهم مع اهله عشان يطلبوا عهد واتفاجئوا بوجودك هنا واتفاجئوا من رد فعلي لما قولتلهم وقتها اني اتفاجئت بعلاقه ادهم وعهد وانهم خذلوني مكنتش قادره اقول غير كده عشان مكنتش هقدر اقول ان ساره هددتني . في نظر الكل طلعت وحشه وبجري وراك عشان الفلوس بس انا كنت خايفه علي بنتي يا عاصم كنت خايفه عليها تفضحها. ولما جه انهرده وادهم واجهها نفذت تهديدها صدقني يا عاصم بنتي مظلومه عهد...كانت بتسمعها وهي مصدومه مش قادره تستوعب اي حاجه وكل اللي كان في بالها وقتها لو امها عملت كده عشان خاطر تحميها طب ادهم ايه علاقته بيها ازاي هتقول كده او تفضح نفسها إلا لو كان في بينهم حاجه. عهد....بدموع وهي باصه علي ادهم بقهر طب وانت يا ادهم ايه علاقتك بساره ليه ساره هتقول كده علي نفسها إلا لو كان... قاطعها ادهم بوجع إلا لو كان في بينا حاجه مش كده مش هستغرب خالص يا عهد انك تشكي فيا عشان ساره لعبتها صح وعشان اخويا نفسه مصدق مش هبرأ نفسي ولا هقدم دليل لاني ماملكش اي دليل بس ... قاطعه عاصم ...بس كفايه لحد كده يا ادهم بصله ادهم بأستفهام كفايه ايه يا عاصم؟ عاصم....كفايه فضايح لحد كده سواء كنت ظالم او مظلوم فا اللي طال عهد كفايه اوي عليها بص لسهام انا لحد الوقت وبعد كل اللي حصل ده باقي علي عهد الفضيحه اللي حصلت دي طالتني انا كمان زي ما طالت عهد والميديا مش ساكته انا سهل اوي اني أسيبها واكتب خبر بسيط ان انا وعهد سبنا بعض وبعدها الكلام عني هيهدأ بس انا وبص لأدهم بحب عهد ولسه باقي عليها واظن اني لو سبت عهد في وقت زي ده الكلام هيثبت عليها اكتر والشوشره هتكبر لكن لو فضلت معاها وأتجوزنا في معادنا محدش هيقدر يفتح بوئه وهيبقي تصريح صريح بنفي اي كلام عليها ولو عالاخبار اللي انتشرت من بكره الصبح مش هيبقي في اي خبر يخص عهد في اي جريده او عالميديا كلها وهقدر امحي اي حاجه تمس سمعتها ومش بس كده لو ساره هي اللي ورا كل ده فعلا يبقي أتأكدي ان محدش هيقدر يوقفها هي او عيلتها اللي هي بتتحامي فيهم دول غيري. اما عن الاخبار اللي انتشرت عن ادهم وساره فا دي مشاكل عائليه مليش اني ادخل فيها. قولتي ايه بصتله سهام وهي دموعها نازله مش قادره تتكلم ولا تقبل او حتي ترفض ..هل تقبل وتنقذ سمعه بنتها وكفايه ان عاصم بعد اللي عرفه ده لسه باقي عليها ولا ترفض بما انه عرف بحب ادهم وعهد وتسيبها مع ادهم لكن وهي مش عارفه مصيرها ومصيره مش عارفه ممكن الحوار ده يخلص علي ايه هيقدروا يتخطوا كل الفضيحه دي هيقدروا يسيطروا علي اللي حصل ادم هيصدق ولا لأ كل اللي حصل ده كان اخر حاجه في ايد ساره ولا ممكن شرها يتمكن منها اكتر ويتحول شرها من مجرد فضايح لأذيه لأدهم وعهد. كل دي كانت أسأله في عقل سهام بتدور. اما عهد كل اللي كان بيدور في عقلها صراعات مش مجرد أسئله عاديه لحد الوقت مش قادره تستوعب اللي حصل صورها اللي مغرقه الدنيا ازاي هتقنع كل الناس اللي شافت صورها انها مش هي وانها مظلومه طب والخبر اللي انتشر عن ادهم وساره حقيقه قلبها وعقلها مش قادرين يصدقوا لكن مش قادره كمان تقتنع ان في واحده ممكن تفضح نفسها عشان تنتقم طب ليه ادهم عمره ما حكلها أي حاجه عن ساره ازاي قدر يخبي عليها حاجه زي دي وهي عمرها ما خبت عنه اي حاجه لو خبي عن ادم عشان خايف عليه طب ازاي يخبي عليها هي دموعها كانت نازله كل قواها انهارت كابوس مخيف ومرعب الأستيقاظ منه بقي محال. عاصم كان واقف باصصلهم مستني الرد وادهم واقف زيه مستني الرد وواثق من كل حاجه بتدور في عقلهم عارف كل حاجه بتحصل جواهم عاصم.....قولتي ايه يا طنط سهام مفيش وقت المهزله دي لازم تقف حالا وانا شايف ان انا اللي هقدر اوقفها مش ادهم...مع احترامي ليك يا ادهم انت عشان تخرج عهد من كل ده لازم الأول تثبت قدام الناس كلها برائتك انك مخونتش اخوك ولا ض*ربت مراته وأجهضتها عشان حملت منه وعشان تعمل كده مفيش قدامك غير حل واحد وهو انك تطلع وتتكلم وتحكي كل حاجه بالتفصيل بس ساعتها هتفتح علي نفسك حرب كبيره مع اهل ساره وبعيدا عن الحرب دي ميتهيأليش هتقدر تتكلم عشان خاطر اخوك وبيتهيألي ادم وهو في حالته دي مش هيسكت ووقتها الفجوه اللي بينكم هتكبر ولا ايه. سهام....عاصم انا واثقه في ادهم وواثقه في بنتي يمكن اللي بتقوله ده كله صح عشان كده انا مش قادره افكر عقلي واقف. ادهم.....بعد صمت دام كتير قطع كل تفكيرهم بجمله واحده صدمتهم 💔 ادهم....انا موافق يا عاصم !! سهام....💔😢 عهد....بصدمه وهي دموعها بتجري موافق علي ايه يا ادهم موافق انك تتخلي عني وتسيبني موافق انك تبعد عني وكملت بأنهيار موافق انك تتخلي عن العهد اللي بينا يا أدهم طب ده انا من يوم اللي حصل وانا عايشه من غير روح وروحي متعلقه لا انا طايله حياه ولا طايله م*وت.. طب قولي يا ادهم ازاي هتقدر تبعد عني وتسيبني وانا تايهه بالشكل ده ازاي هتسيبني وانا مش قادره افهم ولا أستوعب اللي بيحصل حواليا. ازاي ههون عليك يا أدهم؟ ادهم انا بم*وت من غيرك لو فاكر اللي بتعمله ده هيحمني تبقي غلطان عارف ليه عشان انا اماني وحمايتي معاك انت.. انتوا ازاي بتعملوا فيا كده حرام عليكم انا حبيتكم من قلبي ...راحت علي سهام اللي واقفه دموعها بتجري ومش قادره تتكلم. عهد....مامي قولي حاجه متسكتيش عشان خاطري مش كنتي عيزاني اتكلم معاكي واقول اي حاجه اديني بكلمك اهو ردي عليا ارجوكي ليه بتعملوا فيا كده. انتي خبيتي عليا وكنت بم*وت قدامك ومقدرتيش تصارحيني..سبتي ساره تدوس علي قلبي عشان خايفه قوليلي يا مامي خوفك عمل ايه قدر يمنعها من تنفيذ تهديدها ليكي طيب اهي نفذت ونشر صوري تقدري تقوليلي عملتي ايه بخوفك انطقيييييي اتكلمي قولي حاجه... راحت لادهم وقفت قدامه. عهد....خبيت عليا ليه السنين دي كلها يا ادهم ليه مقولتليش اللي كانت بتعمله معاك.طب ادم وكنت خايف عليه عشان هي مراته ...انا خبيت عليا ليه عشان برضوا خايف عليا طيب قولي خوفك عمل ايه ولا حاجه يا ادهم ازاي بسهوله كده عايز تسبني عشان لسه خايف عليا بعد كل اللي حصل ده طول عمري بستمد قوتي منك اول مره احس انك ضعيف بالشكل ده...قولي يا ادهم خايف عليا ولا خايف ساره تكون معاها حق انا عمري ما شكيت فيك يا ادهم بس موقفك ده يخليني اشك انك خايف علي نفسك خايف ساره تطلع هي اللي صح ده انا بقيت خايفه حبي ليك طول السنين دي يطلع كدبه وتطلع كنت بتخوني بجد وانت اللي كنت بتحاول مع ساره . وانت يا عاصم بتحاول تقنعهم بايه بتقدملهم عرض قوي وصراحه صعب يترفض وجودي معاك قصاد انك تمحي الفضيحه وتبعدها عني . لو ده الحب من وجهه نظرك تبقي كارثه عارف ليه عشان اللي بيحب حد بيساعده سواء معاه او مش معاه لكن انت شارط مساعدتك بوجودي معاك. انتوا عارفين انا اكتشفت ان انتوا التلاته متعرفوش حاجه عن الحب جول عمري فاكره اني ضعيفه وان وجود ادهم هو الحاجه الوحيده اللي بتقويني طول عمري حاسه اني طفله وامي هي اماني لما عرفتك يا عاصم امنت بالحب والعطاء من غير اي مقابل لكن عرفت اني كنت غلطانه . وكملت بأنهيار.. كنت غلطانه لما فكرت ان ادهم مصدر قوتي كنت غلطانه لما فكرت ان امي مصدر اماني كنت غلطانه لما فكرت ان عاصم بيدي من غير مقابل الغلط من الاول كان عندي انا 💔😢 ادهم....عهد اسمعيني ارجوكي عهد ...اسمع ابه بس حرام عليك ادهم...انا عمري ما حبيت غيرك ووحيات حبي ليكي بكره تتأكدي ان ساره دي شيطانه ولعنه علي اي حد تدخل حياته اوعي تفكري اللي بقوله ده سهل عليا بس انا للأسف مش هقدر احميكي يا عهد لأول مره في حياتي اقف عاجز عن التفكير لأول مره اقف عاجز عن حمايتك يا عهد صدقيني عاصم هو اللي هيقدر يحميكي طول عمري بقول ان عمر اسمك ما هيتكتب علي اسم راجل تاني غيري ..بس للأسف عشان ده يحصل لازم اعمل زي ما عاصم قال وساعتها هبقي بم*وت أدم اخويا بالحياه عهد....طب وانا يا ادهم ام*وت عادي تبعد عني عادي؟ ادهم....مش عادي يا عهد لو انتي بتم*وتي مره انا بم*وت الف مره وكل ده مش سهل عليا بس لاول مره احس اني اهون عليا اني ابعد عنك ولا اني افضل معاكي وانتي بتتأذي وانا مش قادر اعمل حاجه. اهون عليا تتكبي علي اسم راجل تاني غيري ولا ان سمعتك تتمس او اشوفك في خطر ...ساره مش هتسيبك يا عهد هي راهنت علي تدميرى وللأسف كسبت الرهان. بص ادهم لعاصم وهو دموعه نازله وحاسس بالضياع كان بيسمعه عاصم وهو متأثر وحزين جدا اما عهد وسهام كانوا منهارين من كلام أدهم. ادهم....عاصم ارجوك يمكن تكون دي اخر مره تشوفني فيها و يمكن تكون بتكرهني او مضايق مني بس صدقني مقصدتش خالص اني اضايقك او اجرحك أ نا ليا عندك طلب أتمني تحققهولي أعتبرني اتحكم عليا بالأعدام وده اخر طلب ليا في الدنيا.ارجوك نفذ يا عاصم اتجوز عهد واحميها. عهد بالنسبالي مش حبيبتي وبس عهد بالنسبالي كانت الدنيا واللي فيها ..هوصيك عليها يا عاصم بقلب أب بيتقطع علي فراق بنته بتمشي من دنيته و بتروح لدنية راجل تاني. مش هوصيك بس بالعشر وصايا لكن هوصيك بعدد ملهوش نهايه من الوصايا.💔😢 حافظ عليها ياعاصم اصبر عليها و اتحملها عشان هي ربنا واحده اللي عالم باللي جواها. اكرمها ياعاصم وحطها في عينك خليك ليها الاب اللي اتحرمت منه في الدنيا خليك ليها الاخ اللي ربنا مكرمهاش بيه خليك ليها الحبيب اللي فارقته عوضها عن الوجع وداوي جرحها أملاء حياتها ذكريات جميله تمحي كل ذكري وحشه مرت بيها.. خليك امانها وحمايتها علمها ازاي تواجه الدنيا لوحدها متغلطش غلطتي وتشيل عنها عشان يوم ما هتبقي مش موجود الدنيا هتيجي عليها زب ما عملت فيها الوقت .. نسيها الحب اللي دخل قلبها وفارقها وازرع جواها حبك انت فرح قلبها عشان قلبها يستاهل الفرحه خد بايدها وعدي بيها الفتره دي متضعطش عليها هي جواها كتير..لو هتقدر تعمل كل ده يا عاصم اضمنلك تعيش مع قلب عمرك ما هتلاقي زيه في الدنيا..ولو عليا اعتبرني من بعد اللحظه دي كنت مجرد طيف او عابر سبيل في حياتكم. هز عاصم راسه بحزن وطبطب علي كتف ادهم. أبتسم ادهم من بين دموعه وفاق علي صوت صرخه سهام لما وقعت عهد وسطهم فاقده الوعي. جري عليها ادهم وشالها من الارض وبسرعه طلب عاصم الدكتور طلعها بسرعه علي اوضتها حاولوا يفوقوها لكن كانت رافضه انها تفوق ..حس ادهم ان قلبه بيتقطع مليون حته من الخوف .وفضل جمبها لحد ما الدكتور جه وكشف عليها وعرفهم ان هي عندها أنهيار عصبي حاد كتبلها مهدئات كتير وساب معاها ممرضه عشان تراعيها وتبلغه بحالتها اول بأول راح عاصم عشان يوصل الدكتور. ادهم....ممكن تسبيني معاها شويه هزت سهام راسها بدموع وخدت الممرضه وخرجت وقفلت الباب. بمجرد ما خرجت وطي ادهم راسه في حضن عهد ولأول مره ينهار بالشكل ده. ادهم...غصب عني يا حبيبتي والله العظيم غصب عني متسبنيش يا عهد ارجوكي متسبنيش انا محتاجلك ااااااه يارب اعمل حاجه عشان خاطرنا ياااارب قلبي واجعني اوي مش هقدر اعيش من غيرها فضل ادهم علي حالته دي وواقفه بره سهام منهاره من العياط وعاصم واقف جمبها سامعين ادهم وسابوه يخرج الشحنه اللي جواك من غير ما يحرجوه في اللحظه دي قرر عاصم بعد اللي شافه وسمعه انه يساعدهم يحاول يقف مع عهد الاول لكن يفضل معاها عشان الناس لحد ما يشوف مشكله ادهم هيحصل فيها ايه وبعد كده يسبهم يكملوا مع بعض لانه شاف بينهم حب عمره ما شافه قبل كده. ............... بعد وقت بسيط مسح ادهم دموعه وقرب من رأس عهد قبلها قبله طويله وكأنها قبله الوداع الأخير. لمح جمبها عالكومدينو ورقه شجر مكتوب عليها حاجه قرب ايده وسحبها ونزلت دموعه مره تانيه لما شاف العهد اللي كتبه اخر مره . حط الورقه في جيبه ورجع باسها تاني واقف وقف عند الباب فضل باصص عليها شويه وفتح بسرعه الباب وخرج. ابتسم ادهم لسهام ومسح دموعها ومسك كفها باسه ادهم....بأبتسامه بسيطه اشوف وشكم بخير كان نفسي افضل موجود لحد ما تفوق واطمن عليها بس الاحسن ليها انها تصحي متلاقنيش تصحي تحاول تعيش حياتها وانا مش موجود فيها متنساش با عاصم اللي قولتهولك هز عاصم راسه بحزن ادهم....اشوف وشكم بخير نزل بسرعه ادهم من الڤيلا ولقي العربيه فاضيه المأذوون والشهود مشيوا ركب عربيته وفضل باصص شويه عالشباك بتاعها شغل العربيه وجري بيها زي المجنون اللي عقله طار وكالعاده مشي ادهم وكأنه غريب في الدنيا ومكتوب عليه الهروب 💔😢

مقالات ذات صلة

لقاء كارثي

ابن ليل

لقاء كـ،ـ،ـارثي

تعاهدنا

چاسمين

لقاء كـ،ــ،ـارثي

اترك تعليقاً إلغاء الرد