لقاء كـ،ـ،ـارثي

أميره أسامه صاحبة البطل الواحد . البارت المئه 142. ............................. في منزل نجود ... كانت قاعده عماله تفكر و موضوع الصور مضايقها جداً و جايبلها صداع و مش مرتاحه مش عارفه ازاي تحل الدنيا بين فضل و نعيمه و الحقيقه ان نجود اتعلقت بنعيمه تعلق كبير و يمكن مش نعيمه بس.. نجود رغم ان سنها مش صغير الا ان روحها كلها شباب و طاقه و فيها طابع الجدعنه و بتقدر جداً علاقه الصداقه حبت نعيمه و ليله اصحابهم و العلاقه القويه اللي بينهم حبت روحهم و هزارهم حبت شخصياتهم المختلفه لدرجه انها لمت بتشوفهم او تقعد معاهم بتحس انها واحده منهم علاقتها بنعيمه مش علاقه خطيبه ابن و حماتها هي بتحسها صاحبتها و يمكن نعيمه مفتقده زي امينه انها يبقي عندها بنت و اكتر كمان من نعيمه فا حبت نعيمه واتعلقت بيها اكتر من باقي زوجات ولادها هي بتحبهم وشايفه ان هما محترمين بس نعيمه وليله و ايمي الجو ده بتاعها اكتر فا هي خلاص اقلمت نفسها ان نعيمه هتبقي مرات الكبير فضل.. واللي ليه غلاوة في قلبها متتوصفش لدرجه ان هي بينها وبين نفسها بقت حاسه ان لو فضل ده نزلتلوا حوريه من السماء مش هتحبها زي نعيمه ويمكن اللي حصل بينهم ده خلي نجود بجد تركز في علاقتها مع نعيمه مكانتش تتخيل انها بتحبها اوي كده و لا تتخيل انها هتتوجع او يفرق معاها اينعم هتموت و تجوز فضل وفرحت لما قرر يخطب بس حبها لنعيمه خلاها حاسه انه لو مش هيبقي لنعيمه ميبقاش لغيرها و المشكله انها بدأت تضايق بجد من رحاب و تحطها في دماغها مع انها كانت بتستلطفها و بعد تفكير كتير و عصبيه داخليه و صداع قررت نجود تعمل حد لكل ده و بكل حزم.. مسكت الموبايل و اتصلت علي رضوي قبل ما عبد الله يرجع رضوي....ايوه يا جوجو نجود....ايوه يا حبيبتي عامله ايه رضوي....تمام الحمد لله نجود....يارب ديما انتي فاضيه شويه تنزليلي رضوي...اه انا فاضيه هبص بس علي الولاد احسن يصحوا و هجيلك نجود...لا استني هنا نايمين رضوي.....اه نايمين نجود...طب خلاص هطلعلك انا رضوي.....طيب يا جوجو تنوري يلا مستنياكي نجود...ماشي يا حبيبتي سلام رضوي....سلام. قفلت معاها رضوي و مكانتش عارفه هي ليه حست ان مكالمة نجود دي ليها علاقه برحاب اختها لان هي كمان شافت الصور و مرضيتش تتكلم مع رحاب لان اخر مره اتكلمت معاها حست ان هي مصممه علي حاجه في دماغها و معما اتكلمت مش هتعرف تقنعها حست رضوي بتوتر و فضلت مستنياها تطلع.. مفاتش خمس دقايق و طلعت نجود هي كمان كانت عايزه تتكلم معاها قبل ما عبدالله يرجع دخلت وقعدت نجود....الولاد ناموا بدري ليه كده رضوي....صاحبن بدري انهارده و طول اليوم لعب تعبوا قوليلي بقي تشريي ايه نجود....مسكت ايدها لا تعالي اقعدي انا مش عايزه رضوي.....هعملك قهوتك طيب نجود...يابت تعالي اقعدي انا ضيفه خليني بس اتكلم معاكي قبل ما عبدالله يرجع قعدت رضوي و توترها زاد واتأكدت ان نجود هتكلمها وش في موضوع رحاب. رضوي....خير يا جوجو قلقلتيني نجود...لا مفيش قلق ولا حاجه انا بس حابه اتكلم معاكي كلمتين كده و اتمني تفهميني و مش عيزاكي تزعلي مني رضوي.....اكيد يا جوجو انا عمري ما بزعل منك خير نجود....انتي عارفه يا رضوي اني بحبك اوي و عارفه كمان اني بعتبرك انتي و البنات زي بناتي رضوي.....اكيد مش محتاجه تقولي يا جوجو وانا كمان بحبك اوي نجود...عارفه والله بصي يا رضوي انا زي ما بحبك بحب رحاب اختك هنا شكها كله طاع في محله و سكتت وهي بتسمعها نجود....و ربنا يعلم اني بتعامل معاها علي انها واحده من العيله و انتي بنفسك عارفه ان هي لما بتغيب شويه بقولك اتصلي برحاب و خليها تيجي رضوي....اكيد صح نجود....انا مش حابه انك تفهميني او تفهمي كلامي غلط و لا دماغك تروح لبعيد بس انا في وضع كده بيحصل و مش مريحني وانتي عارفه انا ست دوغري لما بشوف حاجه غلط او مش مريحاني بتكلم فيها بكل صراحه رضوي.....حاجه ايه ؟ نجود....انتي طبعا شايفه الي حاصل بين نعيمه و فضل من فتره و عارفه كويس ان اللي حاصل بينهم ده ماثر عليهم و عليا و علي الكل رضوي....طبعاً و ربنا يارب يهديهم و يرجعهم لبعض نجود....يارب بس ده مش هيحصل يا رضوي الا لو الدنيا بينهم هديت و مكانش في مشاكل او اي حاجه تخرب او تبوظ العلاقه دي اكتر و انا بصراحه و من الاخر مش عاجبني خروج رحاب مع فضل و صورها معاه اللي بيحصل ده تهريج و لعب عيال و ابني كمان غلطان مش هنكر لانه كان لازم يكون اعقل و عنده حكمه اكتر و رقيب علي تصرفاته اكتر بس انا عذري الوحيد لفضل ان مشكلته مع نعيمه ماثره عليه و اخر فتره هو حس ان الكل جاي عليه فا بالتالي لما الكل يجي عليكي و تلاقي واحد بس بيأيدك غصب عنك بتروحي عليه لانك عارفه ان الشخص اللي دافع عنك ده و مغلطكيش هو الوحيد اللي هيسمعك انا مش بدي عذر لفضل عشان هو ابني لا انا بقولهالك تاني هو غلطان انما رضوي الغلط الاكبر عندها ليه بقي لان قربها لفضل في الوقت ده مش صح كلامها عن نعيمه يوم ما كانت ليله هنا انتي اكيد فاكره مش صح حتي لما جات هي وايمي انتي برضوا كنتي قاعده و شوفتي تلميحاتها تخيلي كده المشكله الي بين نعيمه وفضل دي و كمان نعيمه تشوف الصور و قتها انتي لو مكانها و احتمال يكون في حل لمشكلتك مع عبدالله و فجأه شوفتي صور ليه مع اي حد هتقولي ايه مش هتحسي ان في حاجه غلط بتحصل من وراكي مش هتقفلي اكتر من العلاقه مش هتحسي ان في خيانه او انك مش فارقه معاه مصدق حصل مشكله بينك و بينه و راح يلعب بديله صح ولا انا غلطانه رضوي....بهدوء لا طبعا صح و معاكي حق بس يعني مش جايز انتي فاهمه غلط يعني اللي انا اعرفوا ان رحاب بتتعامل عادي مع فضل هي اول مره حبت بس تغير موده و تخليه يخرج من الحاله دي و راحت معاه الايڤنت عشان يتبسط اقصد يعني ان مش اللي في دماغك نجود....تمام يا رضوي خليني امشي معاكي للاخر انا ياستي مفيش اي حاجه وحشه من ناحيه رحاب في دماغي و هي بتتعامل بصفو نيه و صعب عليها فضل و قررت تبسطه باي حاجه الخروجه الاولي ماشي مفهومه طيب و التانيه بتاعت امبارح كان ايه لازمتها و ايه لازمتها تفضل مع فضل في التوقيت ده انتي اكيد شوفتي الصور بنفسك و الجو واضح انه متأخر فضل امبارح راجع هنا خمسه ونص الصبح تقريباً وهي منزله الصور الساعه سته ونص الصبح بصي يا رضوي احنا مش صغيرين اينعم انا اكبر منك بكتير بس انتي متجوزه و عندك عيال يعني ست فاهمه و عارفه حتي لو انتي اصغر من رحاب بس بقي عندك خبره اكتر و عيشيتي تجارب هي لسه معاشتهاش و تفهمي كويس الي بين الراجل وبين الست انا مشيت وراء كلامك للاخر و عذراكي دي اختك لازم تدافعي عنها بس لازم تفهمي ان انا كمان مش بهاجمها رحاب بنت جميله و فيها صفات كتير حلوه و زي ما انتي مرات ابني هي كمان كنت هبقي مبسوطه لو لحد من ولادي بس مش ده الوقت المناسب خالص كلام رحاب مع ليله اول مره ياكد ان رحاب جايز تكون بتحاول تقرب من فضل و اتاكدت اكتر من كلامها في وجود ليله وايمي المره التانيه حتي ردودها عليهم مكانتش عاديه لان كلامهم معاها و تلميحاتهم كانت واضحه و هي حتي محاولتش تداري ده بالعكس كانت بترد و حسيتها مبسوطه ان شكهم في محله و خروجه امبارح زودت شكي اكتر كانت خروجه ملهاش اي لازمه او داعي و بعدين اشمعني الوقت رحاب بتقرب من فضل ليه مش قبل كده انا مش عابزه اجذم ان رحاب جواها مشاعر من ناحيه فضل عشان انتي متضايقيش بس فكري فيها بنفس طريقتي و راجعي كل اللي حصل هتوصلي لنفس النتيجه فضل و نعيمه اه في بينهم زعل مبقوش مع بعض بس نعيمه راجعه و اكيد هيحصل بينهم كلام الاتنين بيحبوا بعض و لما سابوا بعض محصلش بينهم اي كلام طول الفتره اللي فاتت و لسه محتاجين ياخدوا مساحتهم الخاصه و يتكلموا و يتعاتبوا لان ده الطبيعي بس اللي مش طبيعي ان حد يجي يدخل في الخط مره واحده اولا زي ما قولت فضل متأثر و جايز مبسوط من قرب رحاب في الوقت ده لانه محتاج يتكلم يعبر جايز يكون بيحاول يضايق نعيمه بالصور مثلا في الحالتين رحاب اللي هتطلع خسرانه لان لو هو تعبان و محتاج يفضفض بالنسباله رحاب مش اكتر من مسكن او علاج و لو بيحاول يضايق نعيمه او يستفزها عشان تغير عليه و يضغط عليها ترجع برضوا هي خسرانه و زي ما يهمني ابني و نعيمه يهمني كمان اختك لو هي فعلا معجبه بيه جايز لو فضل مديها ريق حلو تتعلق بيه اكتر والاعجاب يبقي حب و لما نعيمه ترجع تاني لفضل هيجري عليها واختك اللي هتتوجع صدقيني يا رضوي لو العلاقه بين نعيمه و فضل مستحيله او لو فضل مفيش.في حياته نعيمه انا كنت هتبسط بالعلاقه دي اوي و هفرح بيها و مش هتمني لفضل حد احسن من رحاب بس للاسف زي ما قولت التوقيت غلط و الاهم ان انا شايفه ان نعيمه هي الانسب لفضل هي اللي هتريح ابني هي اللي هقدر تتعامل معاه و تفهم دماغه هي اللي هتسعده لان ابني من بعد ما نعيمه خرجت من حياته و هو مش فضل اللي نعرفوا و ده معناه ان عدم وجودها في حياته ماثر عليه و انا عارفه و متاكده ان نعيمه بتعشق فضل و علاقتهم دي تستاهل تاخد مش فرصه تانيه لا فرصه عاشره و عشرين و فرص كتير و هو ده الحب نختلف و نبعد بس في الاخر نرجع عشان روحنا واحده انا مش عيزاكي تزعلي مني يا رضوي بس ده ابني و لو ابني مش تعبان من بعد نعيمه كنت قولت خلاص كل شئ قسمه ونصيب بس ابني تعبان و عشان يرتاح مش عايز حد يشوش افكاره او يقرب منه في توقيت غلط ممكن تقوليلي طيب الاولي تكلمي فضل يقفل الدنيا من عنده مش رحاب هقولك معاكي حق وانا ابني هعرف افوقوا ازاي بس خليني اتكلم معاكي بصراحه اكتر الراجل بطبعه اناني مبيفرقش معاه غير نفسه ممكن يحب ست اوي و يقفل قلبه عليها بس كمان لو حصل بينهم زعل ممكن بسرعه يدور علي غيرها يغيظها بيها بقي تريحوا و تتكلم معاه تلهيه عن افكاره يضيع معاها وقت بس لما الست اللي في قلبوا دي يلمحها او يشوف خيالها بيجري عليها تاني عكسنا احنا بقي مبنعرفش نطلع من العلاقه بسهوله و مبنعرفش نفضفض مع راجل غير اللي كان في حياتنا مبنقدرش نغيظ راجل بنحبه براجل غريب لان حتي لو احنا بينا مصانع الحداد الست بتخاف منه حتي لو سايبين بعض بيبقي جواها حته كده لسه باقيه مش عايزه تغلط او تضايقوا عشان باقيه عليه هما مش بيفكروا زيينا لانهم عارفين اننا بسرعه بنفوق و هنجري عليهم و نصلح و نحارب عشان ميضيعوش من ادينا.. صدقيني انا بقي عارفه ابني كويس هو لا بيتسلي و لا بيضيع وقت ولا حتي قاصد يغيظ نعيمه هو بس شايف ان رحاب زي اخته مننا و من العيله واخد راحته معاها و يمكن انا مكنتش هتكلم لو رحاب بتتعامل معاه من نفس المنطلق ده لكن رحاب معجبه بفضل و انا ست و افهم اوي في النظره والكلام هي فكرت بس ان خلاص العلاقه انتهت و يه لا اجرب ادخل قلبه معنديش اعتراض بس انا تهمني رحاب برضوا مش عيزاها تتوجع هي لو بتجرب فا بتجرب في حاجه خسرانه لان فضل مهما حصل بينه و بين نعيمه هما لبعض اتمني يا رضوي تكوني فهمتيني و مش عيزاكي تزعلي مني ابدا او تاخدي كلامي بشكل يضايقك كلكم غالبين عندي و لو انتي وعبدالله في نفس الموقف هبقي اكتر من كده لتن انتوا متجوزين و بينكم عيال و مستحيل ارضي حياتكم تتخرب و لا انا غلطانه رضوي.....بنظره حزن و احراج لا خالص يا جوجو مش غلطانه و كلامك كله صح نجود...انا كل اللي طلباه منك تتكلمي مع رحاب و تخليها تصد فضل مشغوله عندي شغل مش فاضيه بلاس تسيب الباب موارب حابه تقولي الكلام ده علي انه نضيحه منك تمام حابه تقولي ان انا اللي قولتلك برضوا تمام المهم الموضوع ده لازم يخلص و يتقفل نهائي لاني مش حابه اتكلم مع رحاب بنفسي تمام يا رضوي رضوي....حاضر انا هتكلم معاها و اعتبري ان الموضوع ده خلصان خالص و انا بعد كده لما احب اشوف رحاب هروحلخا بنفسي نجود....لا طبعاااا انتي بتقولي ايه دي اختك و تجيلك اي وقت ده بيتها و انا قولتلك كلنا هنا بنحبها و مش عايزه كلامي ده يخليكي تفكري تعملي كده كلامي ده بعيد عن علاقتها بينا احنا كا عيله فهمتي يا رضوي رضوي.....حاضر فهمت نجود....انا هنزل قبل ما يرجعوا و ياريت متبقيش زعلانه مني رضوي....خالص والله انتي مقولتيش اي حاجه تزعل بالعكس انتي معاكي حق في كل كلمه و ان شاء الله نعيمه و فضل يرجعوا لبعض في اقرب وقت نجود...الاهم امين يلا يا حبيبتي انا هنزل بقي مش عايزه حاجه رضوي....سلامتك قامت معاها وصلتها لحد الباب و استنت لما نزلت في الاسانسير و قفلت بحزن فظيع و الي خافت منه حصل و بسرعه مش متوقعه كمان ................. في منزل عادل.. دخلت نسمه علي نادر نسمه....نادر هو انت متعبتش من النوم بقي؟ نادر....ما انا صاحب اهو و بعدين انا بريح انهارده اجازه و معنديش حاجه انتي عايزه ايه نسمه... بابتسامه بصراحه عايزه انزل نادر....تنزلي تروحي فين الساعه 11 ونص نسمه....وايه يعني نادر.....ايوه تنزلي فين ؟ نسمه.....ماهو انت هتيجي معايا مش هنزل لوحدي نادر....بضحك ااااه انتي بتحلمي و الله لو مين جالي مش هنزل نسمه....عشان خاطري نادر...والله ما قادر و بعدين عايزه تروحي فين نسمه....هروح السوبر ماركت مش هنخرج يعني هجيب حاجه ونرجع علي طول نادر....يعني انتي عايزه تخليني اقوم البس وانزل عشان السوبر ماركت ما تطلبي اللي انتي عيزاه نسمه....اولا انت مش هتلبس انزل زي ما انت كده و انا كمان هنزل زي ما انا و مش هنتأخر والله ثانياً انا مش عايزه اطلب عايزه اشوف بنفسي نادر...انتي عايزه تجيبي ايه أصلاً نسمه.... عايزه اجيب حاجه حلوه؟ نادر....طيب اطلبي اللي انتي عيزاه الجو برد ليه ننزل نسمه....ماهو انا عايزه اكل حاجه حلوه بس مش عارفه ايه هي فا ننزل و اروح اشوا بنفسي متبقاش رخم بقي بابا نايم لو صاحي كان نزل معايا نادر....بضحك بت يا هبله اخرجي و اقفلي الباب و راكي و فكري عايزه ايه و اطلبيه يلا برررره نسمه....هعزمك نادر....بضحك برررررره نسمه...احسن مش عايزه منك حاجه و زعلانه منك و مش هطلب منك اي حاجه تاني نادر....احسسسسن ارتحتي و ريحتي بصتلوا نسمه بزعل و قفلت الباب و راحت علي اوضتها قعدت علي السرير مفس خمس دقايق سمعت الباب بيخبط فتحت لقت نادر واقف و لابس الكاب بتاع التيشرب و باصصلها وهو مش طايقها نادر....اخلصي قدامك خمس دقايق لو ملاقتكيش قدامي هغير رأي ابتسمت نسمه و باسته من خده نسمه.....دقيقه بالظبط نادر....هلبس الكوتش تكوني بره نسمه...ماشي دخلت نسمه بسرعه اتصلت علي سليم عشان تعرفوا كان مشغول قفلت واتصلت تاني برضوا كان مشغول سمعت نادر من بره بيقولها انا جاهز بعتت بسرعه ڤويس لسليم. نسمه....سليم انا بتصل موبايلك مشغول انا هنزل مع سليم نجيب حاجه من تحت اوك جريت بسرعه علي سليم و نزلت معاه.. ................... اما عند عدي و تقي الوضع كان مختلف كان بيتصل بيها بقاله شويه فضل الاول يديه مشغول و بعد كده كانت و يتينج كنسلت عليه مرتين و بعدين قفلت و اتصلت عليه. تقي....الووو عدي....انتي مشغوله مع مين كل ده يا تقي ؟ وليه عماله تكنسلي تقي....مفيش يا عدي انا مش مشغوله بقالي كتير علي فكره عدي....لا مشغوله عمال اتصل بقالي اكتر من نص ساعه شويه يدي مشغول و شويه معاكي مكالمه و عماله تكنسلي تقي.....كنت بكلم تمارا عدي.....كل ده بتكلمي تمارا تقي.....اه عشان في حاجه بس كده و كنا بنتكلم مع بعض عدي.....حاجه ايه يا تقي تقي....طيب هو الاول انت ليه متعصب عدي....عشان انا مبيحرقش دمي قد الموبايل ده تقي.....طب انا كنسلت عشان تفهم عدي....افهم ايه بالظبط تقي...اني بتكلم عدي عدي....وانا قولتلك قبل كده حتي لو بتتكلمي ادام لاقتيني بتصل كتير تقفلي و تتصلي عشان انا كده ببقي قلقت تقي....تمام يا عدي بس مش معقول كل ما اكلم حد هقفل معاه عشان اتصل عليك اقولك هكلمك تاني ما انا كنسلت يعني اكيد هخلص و اتصل عليك عدي.....وانا مليش دعوه تقفلي متقفليش المهم تردي تقي....طب ما انا بتصل بيك اوقات كتير و انت بتكنسل او بتبقي و يتينج و مبتقفلش عدي.....عشان اوقات ببقي بكلم حد علي شغل ابويا بيكلمني اي حاجه ليها علاقه بالشغل انما انتي هتبقي مشغوله الوقت كل ده ليه تقي.....هو انا المفروض ليا وقت محدد يا عدي اتصل فيه علي صحابي عدي....انا مقولتش كده بس ردي عليا و بعدين اقفلي و كلميها و بعدين ايه الحاجه المهمه اوي دي اللي مخلياكي مشغوله بتكنسلي تقي.....مفيش يا عدي بس كنا بنحاول نوصل لحد ته او نعرف حاجه عنه مش بيرد و موبايلوا مقفول و محدش عارف عنه حاجه بقاله اكتر من خمس ساعات عدي....نعممممم وانتي مالك انتي و مال حدوته و بعدين انتي بجد بتكنسلي عليا عشان خاطر حدوته تقي....تاني يا عدي حور حدوته مش خلصنا بجد عدي....لا مش خلصنا مش فاهم يعني ايه حوار حدوته معاكي تقي....نعمممم هيكون ايه حواره بجد عدي.....مبترديششششش ليه و يعني ايه بجد بتكنسلي عليا عشان مش عارفه حدوته فين يعني انا الوقت لو بتصل بيكي عشان في مصيبه حضرتك هتبقي بتكنسلي عشان مشغوله بحدوته تقي.....لا يا عدي مش كده انا عارفه انك بتتصل عادي و انا كل الحكايه مكالمه بسيطه بيني و بين تمارا مخدتش فيها وقت و اديني رديت عليك اهو عدي....انتي شايفه ان الحوار عادي يعني تقي.....اه يا عدي انت اللي مكبره و مش فاهمه بجد انت ليه مكبره عدي انا بجد مش عايزه يبقي في مشكله بيني و بينك بسبب حدوته لان انت المفروض عرفت طبيعة العلاقه بيننا وانت شوفته بنفسك و اتعرفت عليه و اظن انك ارتاحت من ناحيته يبقي ايه لازمتها الغيره من شخص هو مش اكتر من اخويا عدي.....مش حوار غيره يا تقي حوار تقدير يعني ايه اتصل بخطيبتي الاقيها مشغول ولما يديني جرس تبقي و يتينج و تكنسل و اما اسألها اللاقيها مشغوله بحدوته اللي مختفي تقي.....حبيبي ممكن تهدأ سكت ثواني و حاول يهدأ تقي.....عدي انا كده كده لو مكنتش اتصلت انت بيا كنت هتصل واحكيلك لاني بجد مخنوقه و قلقانه الحكايه كلها ان من ساعه مسكت الموبايل و بقلب فيه عادي لمحت بوست لحدوته و بوست يقلق واضح منه انه مضايق او نفسيا مش حلو او في حاجه حاصله معاه و البوست بجد.غريب لا طريقه حدوته ولا كلامه اتصلت عليه مقفول كلمت تمارا قالتلي البوست ده ادهم شافوا من شويه و من وقتها بيحاول يتصل عليه مقفول و انت عارف مامته و بباه مسافرين وهو عايش لوحده اتصلنا علي بنت خالته اللي هي حبيبته كلامها مكانش مريح و واضح ان في زعل بينهم قالت لتمارا معرفش عنه حاجه و مش عايزه اعرف و انا وهو خلاص طبعاً متطمناش و من وقتها بقاله خمس ساعات مختفي و ادهم خايف يكون عمل حاجه في نفسه لان البوست بجد يقلق و بيفكر انه يروح يكسر عليه الباب و يشوفوا عدي....بهدوء عربيته قدام البيت ؟ تقي.....سكتت ثواني معرفش مسألتش ليه عدي.....ماهي لو قدام البيت يبقي هو جوه مش قدام البيت يبقي خدها و خرج او سافر او قاعد في مكان لو موجوده يبقي يكسر الباب مش موجوده يبقي ان شاء الله هو كويس تقي.....انا نسيت موضوع العربيه ده انا وتمارا وادهم عدي.....اتصلي الوقت بيهم و اساليهم تقي......طيب هقولهم و نشوف عدي....ماشي ابقي طمنيني تقي.....بابتسامه هاديه طيب مش زعلان مني صح عدي.....بهدوء خلاص مش زعلان روحي يلا اطمني عليه و كلميني تقي....بابتسامه حاضر باي عدي.....باي ....................... جابت نسمه اللي هي عيزاه و متأخرتش اوي لان سليم كان عمال يتصل بيها و يبعتلها مسدچ مش بترد و بتكنسل و كانت قافله صوت الموبايل.. طلعت ودخلت علي اوضتها اتصلت عليه. نسمه.....الوو سليم....بعصبيه لاول مره انتي مبترديش ليه نسمه....اتخضت من عصبيته ما انا قولتلك في المسدچ اني نازله مع نادر سليم.....و بتكنسلي ليه ؟ نسمه....مكنتش عارفه ارد سليم...يعني ايه مكنتيش عارفه تردي ايه اللي مانعك تردي اصلاااا نسمه...ااااا معرفتش ارد قدام نادر سليم....نعممممم يعني ايه ؟ نسمه....انا كنت مكسوفه ارد قدام يا سليم سليم.....بصدمه بسيطه مكسوفه ايه ؟ انتي بتهرجي ولا انا اللي فاهم غلط نسمه.....يعني ايه؟ سليم....بعصبيه يعني ايه انتي اللي مكسوفه ؟ نسمه....سليم ممكن متزعقش سليم....رددددي عليا يعني ايه مكسوفه مش فاهم نسمه....انا اتكسفت ارد وهو معايا يا سليم بس ده اللي حصل سليم....اتكسفتي!! نسمه انتي بتتملمي جد ولا بجد غبي مكسوفه تردي عليا قدام نادر طب انا ليه عملت كل ده اصلا يعني انا مش ماشي معاكي يا نسمه ولا احنا لسه مخبين انا عشان اخليكي مرتاحه و مش خايفه او متوتره اتكلمت مع اخوكي و اتقدملك رسمي قدام الكل و خاتم الخطوبه في ايدك و بعد ده كله تقوليلي مكسوفه ارد عليك هو بجد انتي ناسيه اننا مخطوبين نسمه....انا مقولتش اني ناسيه بس بجد بتكسف ارد عليك قدامه او قدام بابا سليم.....لا هو في فرق بين انك تتكسفي او هما مش حابين ده قوليلي لو هما مش حابين افهم السبب او اعرف لو مش حابين اتصل في وقت معين نسمه....لا خالص والله محدش قال حاجه اصلا و لا عندهم اعتراض انك تكلمني او حتي اخرج معاك انا اللي بحس اني مكسوفه و متوتره سليم.....طيب ما احنا عملنا كده عشان لا تبقي مكسوفه ولا متوتره و بعدين انتي كنتي فين ؟ نسمه.....بنجيب حاجه من السوبر ماركت سليم....حاجه ايه يا نسمه نسمه...عادي حجات من السوبر ماركت انا قولتلوا و هو نزل معايا سليم....وليه مجبتيش اللي انتي عيزاه وانتي راجعه نسمه....مكنتش عايزه حاجه وقتها سليم....ومطلبتيش ليه بالتليفون نسمه....كنت عايزه انزل بنفسي لان مكانش في حاجه في بالي معينه سليم.....طيب بصي من هنا ورايح متنزليش قبل ما اعرف و متنزليش متأخر لاي سبب واللي تحتاجيه تجيبيه وانتي في الشارع قبل ما تطلعي او تجيبيه بالموبايل نسمه.....بس نادر كان معايا سليم....سمعتييييي حتي لو نادر معاكي ادام مش نازله لحاجه ضروريه متنزليش ماشي نسمه.....بزعل واضح علي صوتها حاضر سليم......و لما تبقي تضيعي بقي كسوفك و توترك ده ابقي اتصلي عليا عشان واضح انك نسيتي اننا اتخطبنا و مش ماشين مع بعض في السر و مش هتصل عليكي و تكنسلي و انتي لسه خايفه و متوتره و حاسه انك عامله عامله ماشي يا نسمه لما تبقي تستوعبي اننا علاقتنا بقت رسميه ابقي اتصلي غير كده متتصليش بس تبعتي و تعرفيني انتي فين و راجعه امته تماااام نسمه....بدموع حاضر سليم....سلام يا نسمه نسمه....سلام. قفلت و فضلت تعيط خافت من عصبيته اللي اول مره تشوفها و اضايقت انها زعلتوا كان معاه حق بس هي حقيقي بتتكسف اوي ترد عليه قدام نادر و قدام ابوها كمان كانت زعلانه منه لانه ديما بيعارض حوار نزولها تأخيرها تعرفوا امته راجعه و امته نازله.. سابت الحاجه زي ما هي مفتحتهاش دخلت التويلت غسلت وشها و خرجت نامت علي السرير.. اما سليم فا كان اول مره بجد يتعصب كده مكانش حابب يزعلها بس هي عصبتوا و فكرة ان هي مكسوفه او خايفه ترد عليه جننته فا قرر ياخد موقف... ................ محمود و ريهام الوضع عندهم كان مختلف اكتر من بعد ما سابها اخر النهار و كلم ايمي محبش انه يحرجها اكتر و اطمن عليها في رساله سالها روحتي قالتلوا ايه اطمن عليها و قالها هبقي اخلص و ابعتلك ... سابها لحد بليل اتصل عليها مردتش بعتلها قالتلوا ان هي مش هتعرف ترد عليه عشان سلامه و ميدو معاها وطبعا محمود كان عارف من ايمي ان نعيمه جات و البنات كلهم متجمعين واكيد الشباب هيروحوا ياخدوهم بعت رساله لايمي.. محمود....ايمي هو سلامه و ميدو عندكم ولا رشيد والشباب مش هيعدوا عليكم استني شويه ردت ايمي وهي باعته ايموشن ضحك ايمي....ايه اتصلت بيها و قالتلك اخواتي هنا يا اهبل محمود ...بضحك انا بقيت اخاف منك خدي بالك انتي ايش عرفك ايمي....بضحك حسيت يا اخرة صبري بس عادي بتهرب منك محمود....طب وايه بقي حوار الهروب ده ؟ ايمي....مكسوفه يا حمار مش عارفه ترد عليك براحتها لسه متاخده سيبها و قولتلك قضيها مسدچات لحد ما تشوفها محمود.....بضحك ماشي يا كبيره اسمع ردها بس و بعدين هطلعوا علي عينها ايمي....بضحك ماشي يا عم محمود....سلام ابتسمت ايمي و سابت الموبايل رشيد....بهمس بتبعتي لمين ؟ ايمي.....بصتلوا و ابتسمت و غمزتلوا الجو بتاعي بصلها و هو رافع حاجبه ايمي.....بضحك مسكت دقنه و قربت من وشه خالص لا براحه عليا بلاش البصه دي بخاف رشيد.....بنظره جاده طب بتكلمي مين ايمي....مش هقولك رشيد....بتكلمي مين ايمي....بضحك الجو قولنا رشيد....طب اظبطي ايمي.....بضحك بكلم حودا والله غيران يا قلبي رشيد....بعد ايدها عن دقنه ابعدي بس عني كده ايمي....بضحك انت بتزق ايدي رشيد...اه وخلي الجو ينفعك ايمي....بضحك رشيد انت بتغير من حودا رشيد....لا يا اختي مش من حودا و انا مش غيران انا مصايق من كلمه الجو اللي اتقالت دي ايمي....بضحك يبقي بتغير رشيد....وسعي بقي متعصبني عليكي ايمي....بضحك طب هات بوسه رشيد...لااا ايمي....طب اديك انا رشيد.....برضوا لا ايمي.....هقول لولادك رشيد...عليكي و عليهم ايمي....بضحك نهارك اسود انت بايع القضيه بص علي الشباب و هما بيتكلموا مع نعيمه علي حوارها هي وفضل ايمي....رشيييييد رشيد...بصلها بطرف عينه و بص تاني عليهم نعممم ايمي....هتضحك و ترد عدل ولا اقوم ارزعك بوسه قدام الكل و انت عارفني مجنونه و ميفرقش معايا مخلوق اللي بيطق في دماغي بعملوا ابتسمت بهدوء غصب عنه و بصلها ايمي....هو في حلاوه كده رشيد....انتي بتثبتيني صح ؟ ايمي.....بابتسامه اه و بعدين انا عندي جو غيرك يا عبيط رشيد....طب خلاص ايمي.....خلاص ايه رشيد...خلاص بطلي زن ايمي....طب هات بوسه رشيد....بضحك اتلمي هيتعمل علينا حفله ايمي ....عادي و لا يهمني بهمس يلااا رشيد...بضحك طب اهدددددي الدنيا مش هتبقي بخير معايا و هنتفضح ايمي....بضحك و اتفضح انا ليه انت اللي هتتفضح لوحدك معنديش حاجه تفضحني رشيد....بضحك سحب راسها بكفه و همسلها طب انا اسف اسكتي بقي ايمي.....بضحك خواااف رشيد...مش خوف بس بني ادم عنده مشاعر ممكن تفضحه ايمي....بضحك طب خلاص هسكت ........... عشري.....بصي يا نعيمه ليله و الشباب عارفين الكلام اللي هقولوا ده كويس فضل متخيل ان كلنا جايين عليه و بقاله فتره كان واخد جنب مننا و يمكن الجنب ده هو واخده من يوم ما ايمي و ليله راحوا لنجود محدش فينا كان قاصد يجي عليه و هو فهم الحوار غلط و ده عشان الكل كان بيدافع عنك بس خلينا نتكلم بكل صراحه انتي غلطتي يا نعيمه جايز مكنتيش قاصده تغلطي في حق فضل بالتحديد بس فضل بالنسباله هو اللي شال الليله كلها لوحده احنا و البنات و امه و الكل كان بيتكلم معاه و بيهاجموا لان فضل قرر ياخد جنب و ميتكلمش حتي معاكي يسألك ودي الحاجه الوحيده اللي كلنا اجمعنا علي غلطه فيها لانه المفروض يفهم بس هو شايف ان مكانش في سبب و واخد الموضوع كرامه مش عيب حقه بس حقيقي هو لازم يسمع الله اعلم بقي هو قفل الموضوع عشان عارف منك ان انتي مش عايزه تفتحيه و لا ايه بالظبط مش عارفين هو مقالش كده بس لازم نكون بنتكلم بكل صراحه انتي غلطتي... نعيمه.....عشري انا عارفه اني غلطت و يمكن غلطت في حق فضل اكتر حد بس زي ما انت قولت انا مكنتش قاصده اصلا اغلط في حقه و كمان مقولتش لفضل اني مش عايزه اتكلم في الموضوع لان محصلش بينا كلام من بعد ما سافرت غير مرتين مره فيهم اللي كانت يوم عزومتكم ودي مش محسوبه و التانيه لما كنتوا عند زوزو و قفل بعدها فضل الكلام عشري.....ماهو مش لاقي سبب و حاسي ان انتي اللي بجد قافله و مش عابزه و جايز كمان احنا كلنا غلطنا انا في بدايه الموضوع قولت لليله وللكل فضل رافض يتكلم خلوه براحته لان الحوار كان لسه في الاول و اكيد مضايقه و اللي قولتوا حصل فضل انفجر لغبط معايا و لغبط مع امه و لغبط مع ايمي و ليله و لغبط مع علي اخويا و كان متعصب علي الشباب و عارف انه لغبط معاكي في اخر مكالمه عند زوزو بس احنا لازم نتحمل ونعدي لاننا عارفين انه غصب عنه نعيمه.....عشري انا مش زعلانه من فضل صدقني و حتي مكالمته الاخيره دي زعلتي عليه مش منه انا مقدره كل الغضب اللي هو فيه و مقدره و كلامه و حتي الافكار اللي بتيجي في باله و مستعده لاكتر من كده كمان لان هو اتصدم انا عارفه سلامه....مستعده اتكتر من كده يعني معني كلامك انك عايزه تحلي الموضوع و دي حاجه كويسه ولا انا فاهم غلط نعيمه.....لا يا سلامه مش فاهم غلط بس بصراحه انا خايفه من رد فعل فضل و عسان نكون بنتكلم بصراحه اكتر انا اه عايزه كل حاجه ترجع زي ما كانت عايزه اصلح الغلط اللي حصل من عندي و عايزه اصالح فضل بس انا شايفه اني خايفه من الخطوه دي و عايزه ناجلها شويه حسان....بهدوء تأجلي ايه تاني يا نعيمه انتي بقالك اكتر من اربعين يوم بعيده انا شايف ان اي تأجيل اكتر من كده هيكبر الفجوه بينكم و عايز اقولك حاجه مهمه جايز انتي حابه تتلاشي غضب فضل او عصبيته لحد ما يهدأ بس لو بتفكري بالطريقه دي تبقي غلطانه لاسباب كتير اولهم لازم تبقي عارفه ان مهما أجلتي الوقت اللي هتبدأوا تقعدوا فيه مع بعض هو غصب عنه هيفتكر و هيتعصب و يغضب كأن الحوار لسه حاصل و غضبه و عصبيته هنا محبه لانك لو مش فارقه معاه هيبقي بارد .. تاني حاجه و دي الاهم عصبية فضل و غضبه هتخرج من جواه كل حاجه بصدق هتعرفك زعلان من ايه و ايه اللي واجعه هو هيرتاح ده اولا لان جايز زي ما قال عشري هو انفجر بس انفجر فينا احنا مش في الشخص اللي وجعه اللي هو انتي ثالث حاجه و دي كمان مهمه إنك كل ما بتأجلي بتدي لعقله مساحه يفسر بطريقته و للأسف العقل وقت الزعل بيحب بيبالغ بيكبر الغلط و يشوه النوايا ممكن يوصل لمرحله شك افكار مش حلوه تشكيك في حبك ليه هيفقد فيكي الثقه هيخاف منك عشري....بصوت هادي وهو باصص لنعيمه و خليني أقولك الصراحه يا نعيمه فضل مش محتاج وقت على قد ما هو محتاج تطمنيه محتاج يشوفك قدامه يسمع منك يحس إنك متمسكه بيه مش سيباه لوحده مع دماغه. سلامه....بابتسامه خفيفه و بعدين انتي جريئه يا نعيمه اشمعني المرادي ؟ نعيمه....بصوت مهزوز شويه عشان المره دي خايفه أخسره بجد يا سلامه قبل كده كنت بزعل و أنا عارفه إنه هييجي إنما دلوقتي أنا مش ضامنه. حسان....قاطعها بهدوء حازم و لا عمرك هتضمني يا نعيمه اللي بيحب بيدخل بقلب جامد و هو مش ضامن بس بيدخل عشان يستاهل المحاوله و فضل يستاهل منك المحاوله دي زي ما هو اقتنع انه غلط و ان حقك تتكلمي و تاخدي فرصتك عسال....بجدية و الاهم من كل اللي بيتقال ده ا نعيمه فضل لو لسه زعلان و بيتعصب يبقى لسه في قلبه مكان ليكي الخطر الحقيقي مش غضبه الخطر لما يسكت. نعيمه....طيب انا فهماكم بس بجد انا خايفه يعني فضل من كلامكم كلكم محتاج سبب قوي يخليه يسامحني وانا عارفه فضل لما دماغه بتقفل بيبقي صعب و اللي قولتوا جايز ميبقاش مبرر لفضل مش هيشوف ان سفري وعلاقتي اللي قطعتها بيه في رساله و اني اقلع دبلتي بسبب اني نفسيتي كانت تعبانه من شويه افكار هيفضل مقتنع من جواه ان ده مش سبب و ان في سبب اكبر و لو اقتنع هيرفض السبب ده وقتها اعمل ايه ؟ رشيد.....بهدوء عميق وهو مركز معاها ساعتها متحاوليش تقنعيه سكتوا كلهم وبصولوا رشيد كمل بنفس الهدوء لأنك لو فضلتي تقنعيه هتبقي بتثبتي شكه إنه فعلاً في حاجه مستخبيه لكن لو وقفتي قدامه بثبات و قولتي ده كل اللي عندي و سكتي هو بنفسه اللي هيبتدي يحارب أفكاره. نعيمه....بتوتر طب ولو فضل مقتنع إن في حاجه تانيه؟ او طالب مني اديه سبب انا مش عايزه اكدب عليه بحاجه مش حاصله رشيد....بصوت ثابت يبقى دي معركته هو يا نعيمه مش بتاعتك. انتي دورك توضحي مش تبرري طول الوقت في فرق كبير عشري....و خليني أزودلك حاجه الشك عمره ما بيروح بالكلام بيتكسر بالمواقف يا نعيمه يعني لما يشوفك قدامه ثابتة مستحملة مش بتهربي هنا بس دماغه هتبدأ تهدى و لازم تفهمي ان فضل مش شاكك فيكي هو محتاج مبرر يريح كرامته لسبب انفصالك عنه و سفرك حسان....بهدوء و لو رفض السبب يا نعيمه عادي حقه يرفض في الأول و حقك تفضلي ثابتة عليه لأن لو غيرتي كلامك كل شويه عشان ترضيه هتضيعي نفسك و هتأكدي له إنه عنده حق يشك مش المفروض تكدبي عشان ترضي غرور فضل كاراجل بالعكس كدبك هيزود الفجوه بينكم خليكي علي موقفك اللي انتي قولتيه كافي يخليه يقعد مع نغسه و يفهم و يهدأ سلامه...يا بنتي انتي مش مطالبه تقدمي حجه قويه في المحكمة انتي واقفه قدام راجل بيحبك و موجوع منك الفرق كبير يا نعيمه نعيمه....بصوت مهزوز أنا بس خايفه يحطني في صوره وحشه عنده يشوفني حد بيهرب أو حد مش قد المسؤولية. رشيد....بصراحة هادية ما انتي فعلاً هربتي يا نعيمه ! و دي حقيقه لازم تتقال. بصتلوا بوجع وسكتت رشيد....بس خلينا نقول في فرق إنك رجعتي و دي حاجه أهم بكتير من الهروب نفسه. عسال.....بصوت هادي نعيمه فضل مش مستني ملاك هو مستنيكي انتي بغلطك بخوفك بندمك بس كمان برجوعك و بيتهيألي ده الاهم عنده نعيمه....بدموع محبوسه طب ولو هو شايف إن اللي عملته كسر كبير ليه و لكرامته ؟ حسان...بهدوء و حكمه يبقى يتصلح على مراحل مش بكلمه و لا بموقف واحد وبعدين انتي لازم تبقي مقتنع من الوقت ان قعدتك مع فضل مش هتخلص كل حاجه في قعده يا نعيمه علي قد الزعل و الوجع هيبقي في وقت كافي للتسامح ليله......حسان معاه حق يا نعيمه لازم يبقي عندك طولة بال تستحملي وجعه لانها مش هتخلص في قاعده واحده انتي نفسك عشان بس نقنعك ترجعي خدتي اكتر من اربعين يوم و مكانش سبب سفرك زعل مننا مبالك هو انتي اللي زعلتيه يعني اكيد هياخد وقت حسان....بصي يا نعيمه احنا جينا علي فضل مش عشان غلطان بس لانه غضبه من الموقف كفيل يدمر علاقتكم و احنا شايفين ان حرام العلاقه دي تدمر و في نفس الوقت متعاطفين معاكي بس كمان بنقولهالك بكل صراحه انتي غلطتي انا عن نفسي يا نعيمه مش هقدر اجاملك واقولك معاكي حق و هو غلط انا بعتبكر انتي و البنات اخواتي بجد في بينا عشم و اوعي تفكري ان علاقتي بفضل اللي بقالها سنين اقوي من علاقتي بيكم و يمكن دي حاجه اول مره اقولها احنا شهر بالظبط و هنبق يعارفين بعض من سنه بس والله العظيم انا حاسس اني اعرفكم من سنين السنه دي احنا عيشنا فيها مواقف كتير مع بعض اغلبها قضيناه مع بعض سفر خروج سهر حكايات مواقف حلوه او وحشه اسرار ضحك عرفنا عن بعض اللي ممكن ناس عايشين مع بعض من سنين و بيتفاجئوا بشخصيات بعض او باسرار مستخبيه عليهم فا انا بعتبركم جزء مننا لا هقدر اشوف فضل مع غيرك ولا اقدر اشوف حد تاني غير فضل معاكي لدرجه اني واصل ان لو فكرت في الموضوع بضايق بغير علي صاحبي لو حد مكانه وبغير عليكي لو حد تاني خد مكانك احنا اتعرفنا علي بعض زي ما احنا كده و بيتهيألي اننا نيجي عليكي او نيجي علي فضل او نيجي علي بعض عموما ده بقي حق مشروع للكل عشان مش هينفع نكون غير مع بعض.. قامت ليله بهدوء حطت الفناجين في الصنيه عشان تشيلها وتعملهم غيرها وهي موطيه ضهرها بان مسكلها عشري البدي و هو بيتكلم و فضل ماسكه احد ما وقفت و مشيت.. رشيد....علي فكره انا مع حسان جدا انتي و ليله و سلمي ونادين وايه ربنا شاهد اني بعتبركم زي اميره اختي بالظبط بحب اهزر اتكلم ارخم عليكم زي ما بعمل معاها في راحه كبيره بينا لان النص التاني اللي في حياتكم يخصنا لا في بينا غيره ولا شك ولا حقد ولا اي حاجه وحشه و علاقتنا دي بقت اقوي لما انتوا دخلتوا حياتنا طلعتوا زيننا بالظبط نفس علاقتنا ببعض هي علاقتكم ببعض مش هينفع يا نعيمه نسيب فضل لغضبه و زعلوا مش هينفع نسيبه يعند عشان يضايقك ولا هينفع انتي كمان تسيبيه بسهوله و تقولي حاولت جايز اللي بينكم بسيط و صغير اوي و سوء تفاهم عبيط بس صدقيني لو كل واحد فيكم وقف للتاني الند بالند اللي بينكم هيكبر من مفيش احلي حاجه في الموضوع انك معترفه انك غلطتي في حق فضل كمليها بقي للاخر و اعملي اللي عليكي عسال......نعيمه قولي اللي جواكي زي ما قولتيه بالظبط و اوعي تخافي من فضل او من غضبه لانه مهما غضب هيعمل ايه يعني اخره صوت وكلام بيعبر بيه متنسيش انك واقفه قدام الشخص اللي قلبك بيحبه يعني اطمني وانتي معاه عشري.....هو عرف يا نعيمه انك وصلتي و اكيد هيتكلم معاكي هتتقابلوا هتحكوا بس هو اكيد مش هيجي معانا لازم مقابلتكم دي تكون لوحدكم عشان تتكلموا براحتكم انا بقولك كده عشان متقوليش طيب وليه مجاش ايمي.....هو مش هينفع يتكلم قدامنا لازم يبقوا براحتهم و لوحدهم مينفعش يبقي في اطراف عشري....بالظبط انتي بكره راحه لاهلك صح نعيمه....اه مش هينفع استني لو عرفوا اني بقالي يومين هيزعلوا عشري....لا روحيليهم و طمنيهم و بعدين اما تفضي هنبقي نعرفوا و يشوف هو الوقت المناسب نعيمه.....تمام فضلوا يضحكوا و بتكلموا و غيروا الموضوع تاني و رجعت فكت بعد ما كانت متوتره قامت جابتلهم الهدايا بتاعتهم و بعدين رجعت ليله نامت في حضنها و عشري كان عمال يتكلم معاهم طبعا سلامه وايه كالعاده مغيرين المود و مخليين الضحكه مسمعه المكان و رجعت ضحكة نعيمه ترن من تاني... ......................... في منزل احمد..... اول ما البنات عرفوا انهم هيباتوا اتصلت سلمي علي احمد عرفتوا انها هتبات هي وايه و قالتلوا ان تامر يجيبلهم نغم نادي احمد علي تامر و سلمي كلمتوا و قالتلوا راح يخبط علي نغم عشان يقولها بس مردتش تامر.....سلمي مش عارف نغم مش بترد غالبا بتاخد شاور استني شويه وهبقي اقولها او اتصلي انتي عليها سلمي....طيب خلاص هتصل انا عليها تامر....شوفي شوفي هتعمل ايه و عرفيني سلمي...اوك يا حبيبي باي قفلت سلمي معاه واتصلت علي نغم كانت فعلا بتاخد شاور بس لما سمعت الباب قفلت المايه و بقت تلبس بسرعه عشان تشوف لو محتاجين حاجه خرجت علي صوت الموبايل نغم....الووو ايوه يا سلمي سلمي....ايه يا نغومه انتي نمتي ولا ايه نغم....لا كنت باخد شاور في حاجه انتي جيتي كنتي بتخبطي سلمي....لا ده اكيد تامر عشان كنت عيزاه يقولك اننا هنبات هنا مع نعيمه و عيزاه يجيبك عندنا الوقت نغم....انا اجي سلمي....اه عشان متباتيش لوحدك نغم ...اااا طيب زي ما تحبي سلمي....ايه مالك مش عايزه ولا ايه نغم....لا خالص انا بس والله عيزاكم تبقوا براحتكم و بصراحه يعني انا حاسه اني هبقي مكسوفه اني ادخل وسطكم كده بس تمام عادي سلمي...بصي احنا تمام و مفيش اي حاجه و البنات كلهم بيحبوكي و نعيمه سالت عليكي و اكيد مينفعش تتكسفي مننا بس انتي مش حابه نغم....والله مش كده بس هو يعني مينفعش ابقي هنا لوحدي صح سلمي....بابتسامه بصي يا نغم لو انتي عايزه تفضلي انتي في بيتك مع بباكي و اخوكي و عيلتك ومش عايزاكي تفهمي من كلامي اني بقولك تيجي عشان مش هينفع تقعدي بس انا مش عيزاكي تبقي لوحدك نغم ....هو انا كنت هنام لان بكره عندي شغل مع نادين و كمان هنروح للمحامي عشان نمضي عقد الشقه و اخدها من مريم سلمي....يعني مش عايزه تيجي نغم....عادي والله لو عيزاني اجي ماشي سلمي....يا قلبي انا عايزه الي يريحك طب بصي احنا لسه قاعدين و حسان و الشباب هنا فكري كده مع نفسك شوفي عايزه ايه و انا شويه و هكلمك نغم....طيب تمام خلاص سلمي...ماشي يا روحي يلا انا هكلم تامر و هقولوا يشوفك عايزه ايه و يعملوا نغم...طيب تمام سلمي....باي يا قلبي قفلت سلمي و اتصلت تاني علي احمد تامر كان معاه لسه رد احمد و قالتلوا سلمي اللي حصل احمد.....لو مش حابه يا بنتي او مكسوفه خلاص سيبيها علي راحتها احسن تفكر فعلا اني مش عايزها تبقي لوحدها و بعدين هي في الاوضه قاعده مع نفسها سلمي.....انا عارفه والله بس عشان متضايقش او تحس بملل احمد....انتي شويه و كلميها لو غيرت رأيها تامر يجيبها سلمي.....معلش يا تيمو هنتعبك معانا بس نوني عيزانا نبات و مش راضيه تسيبنا تامر....لا يا قلبي براحتكم عموما لو اتصلت بيكي عرفيني و انتي ابقي شوفيها كده سلمي.....اوك يا حبيبي يلا باي تامر....سلام احمد قال لتامر يعملوا كوبايه شاي تاني راح تامر عملوا و بعدين راح علي اوضته.. خد احمد كوبايه الشاي وفضل يقرأ شويه في كتاب وسرح معاه حبه حلوين و اندمج و بعدين و هو بيشرب الشاي حوالي ساعه لحد ما حس ان انه عايز ينام سند شويه علي المخده علي اساس يريح عينه راحت في النوم تامر كان قاعد يشتغل و فارد قدامه ورق و حجات هندسيه و مركز جدا و نغم كانت بتلعب في الموبايل و فجأه فصل قامت حطتوا علي الشاحن و رجعت تاني قعدت علي السرير و شغلت التلفزيون قدامها و اتفرجت و فجأه نور الشقه قفل مره واحده قامت بسرعه منفوضه من علي السرير بخوف فضلت تحسس بأيدها جنب الكومدينوا علي الموبايل حاولت تفتحه كان فاصل لسه و ملحقش اصلاً يشحن قامت بهدوء و هي عماله تمد ايدها و تسند علي الحيطه وعلي حرف السرير عايزه تخرج بسرعه في الوقت ده تامر قام فتح كشاف الموبايل و خرج بهدوء يشوف ابه اللي قفل النور سمع صوت حاجه بتقع جاي من عند اوضه ايه بص علي الطرقه و توقع ان نغم وقعت حاجه عادي و بعدين مشي براحه يبص علي لوحه المفاتيح احسن يكون في قفله كل حاجه كانت في مكانها عادي سمع تاني صوت و مكانش عارف ليه جه في باله مريم خالة نغم ريط قطع النور بصوت التخبيط في الاوضه راح بسرعه علي اوضه ايه و قبل ما يخبط كانت هي فتحت اول ما شافته قدامه صرخت و قطع صرختها بسرعه و حط ايده علي بوئها. تامر.....بس بس انا تامر في ايه اهدي في حاجه جوه هزت راسها وهي مرعوبه بص بالكشاف في قلب الاوضه و بعدين شال ايده من علي بوئها نغم...كانت بتنهج النور قفل ليه ؟ تامر....مفيش متخافيش اكيد قطع او في ققله الوقت يرجع انتي كويسه في ايه و ايه صوت الحجات اللي بتقع دي نغم.....بخوف مكنتش شايفه تامر....فين موبايلك نغم.....فصل و حطيتوا علي الشحن النور قطع ملحقش يشحن فين عمو احمد؟ تامر.....بابا في الاوضه غالبا نام ادام محسش ان النور قطع لو خايفه هروح اصحيه خليكي لحظه نغم....استني معلش تامر.....في ايه انا هنا اهو هروح افتح الباب اشوف قاطع في البيت كله ولا عندنا بس نغم....لا والنبي متفتحش تامر....في ايه يا نغم خايفه ليه كده هو حد هياكلنا هبص عادي مشي كام خطوه مشيت بسرعه وراه و هي مرعوبه نغم.....بخوف تانر الله يخليك متفتحش تامر....وقف و بصلها خدي امسكي كده الموبايل واهدي شويه و بطلي زن انتي بتخافي من الضلمه زي العيال الصغيره نغم.....طيب ممكن متفتحش من فضلك تامر......هشوف يمكن في قفله من بره. نغم....طيب خليك شويه لو مجاش ابقي افتح. تامر.....بهدوء لا حول ولا قوة الا بالله تمام يا نغم بس ياريت متخافيش عادي بتحصل النور بيقطع بتحصل قفله في كل الاحوال مش بيطول يعني مفيش داعي تخافي لا مريم هتيجي تاكلك و لا هاني هيجي هيخطفك من وسطنا لو ده يعني اللي مخوفك كده و مش هيعرفوا يدخلوا من البوابه اصلا اطمنتي كده.. نغم.....بصوت مرعوب و مهزوز بس هما يقدروا يعملوا اي حاجه عملوها قبل ما اقرر اهرب باسبوع و قفلوا النور في البيت كله و قفلوا الباب من تحت بالجنزير و سمعتهم بيتفقوا علي الطريقه اللي هيسكتوني بيها بصلها تامر بتركيز نور الكشاف كان والع عليهم هما الاتنين وهي واقعه دموعها نازله و بتتعرش.. تامر.....بصوت واطي عملوا فيكي ايه نغم....بدموع هاني دخل عليا الاوضه و مريم سابته يدخل عشان يهددني و ابطل اتكلم لما جه و سمعت الباب بيتفتح بره جريت علي باب اوضتي اسمعهم و سمعتوا بيتكلم معاها قالها مفيش حل غير ده لازم نخوفها عشان تبطل تقول الكلام اللي بتقولوا علينا كنت اول مره احس ان مريم خايفه و اعترضت قالتلوا لا بلاش قالها ههدها و هخوفها و هخليها تحط لسانها في بوئها قالتلوا طيب بس تخوفها مش اكتر قالها اقفلي نور الشقه كله و قفلت النور سمعتوا بيقولها روحي اوضتك عشان متعرفش انك عارفه حاجه قالتلوا تاني خوفها بس قالها اكيد وقتها انا اترعبت و كنت بموت في جلدي انا عمري ما خوفت من الضلمه بس اليوم ده انا كنت بموت بجد استخبيت وراء الباب و اول ما دخل ضربتوا علي راسه و جريت فتحت الباب و نزلت بسرعه بس جري ورايا ولحقني و حط ايده علي بوئي قبل ما اوصل للباب لمحته مقفول بجنزير من تحت و رجالتهم اللي كانوا بيجروا ورايا كانوا واقفين قدام الباب شالني لحد فوق و هو كاتم نفسي دخلني الشقه مريم كانت واقفه قالها كانت هتهرب وعايزه تفضحنا فضلت تضربني فيا خدني من ايدها بالعافيه و قالها سيبهالي انا هعلمها الادب فضلت اصرخ واقولها متسبنيش يا مريم دخلني جوه تامر......بصدمه لمسك يا نغم فضلت نغم تعيط و هي كاتمه صوتها تامر.....اتكلمي لمسك يا نغم هزت راسها بلأ نغم.....لا كان بيحاول يخوفني هاني كان مستحيل يعمل كده مش عشان هو كويس او عنده ضمير بس عشان بيخاف من مريم بس اللي عيشته في اليوم ده مستحيل انساه هو بني ادم مش محترم و لولا خوفه من مريم كان عمل اللي في دماغه كان كان فضلت تعيط تامر.....كان ايه اتكلمي متخافيش ؟ نغم....بدموع كان بيحاول يقرب مني بيمسك جسمي صوته و صوت نفسه و هو بيقرب مني مش بيطلعوا من دماغي قالي لو فتحتي بوئك تاني المره الجايه مش هسيبك و محدش هيرحمك من ايدي كنت عماله اصرخ و انادي علي مريم و هو بيحط ايده علي بوئي لحد ما هي دخلت بصتلوا بس قام بسرعه و قالها خلاص اتأدبت قالتلي وقتها انا مكنتش اتمني اعمل فيكي كده بس اللي يعاديني مستعده امحيه من علي وش الدنيا اوعي تكسبي عداوتي كنت منهاره و مرعوبه جريت عليها من خوفي رغم كل ده كنت بحاول اطمن نفسي بوجودها كنت خايفه من هاني مسكت فيها وقولتلها مش هقول حاجه تاني و مش هعمل حاجه و دي اخر مره بس متخليهوش يعمل فيا حاجه قالتلي خلاص متخافيش و خدتوا و خرجت بره انا عيشت اسوأ اربع شهور في حياتي و اخر اسبوعين قبل ما اعرف اهرب عيشت اوسوء اسبوعين بس اليوم ده تحديدا كان اسود في حياتي حاول اعمل نفسي خوفت و اتربيت و سمعت الكلام لحد ما جه اليوم اللي عرفت اهرب فيه بس من وقتها وانا بخاف من اي ضلمه لما شوفتني بجري في الشارع كنت مرعوبه عشان الدنيا كانت ساكته و ضلمه و يوم ما جيت المخزن تاخدني من نادين و نروح السوبر ماركت اترعبت لما سمعتك بتخبط و الوقت اترعبت لما النور قطع متفتحش يا تامر الله يخليك مريم تقدر توصل لاي مكان حتي لو عليه الف حارس صدقني و لو المرادي وقعت تحت ايدهم مش هيرحموني مسكت فيه و قربت منه اوي بقت واقفه قدامه و هي بتعيط وقف تامر مصدوم و مش عارف يتحرك خايف ابوه يخرج و يفهم غلط و في نفس الوقت كانت صعبانه عليه و عماله تترعش رفع كفه بهدوء طبطب علي كتفها و هو بيحاول يبعد شويه تامر.....بهدوء اهدي اهدي خلاص و بطلي عياط انا معاكي و محدش هيقدر يأذيكي صدقيني دخولهم هنا مش سهل متخافيش يا نغم رفع ايده التانيه و مسكها من كتفها بعدها شويه من قدامها لوراء خطوه بهدوء و بصلها بتوتر اااااا انتي بس ازاي بعد كل ده موافقه انك تتنازلي يا نغم المفروض بعد اللي قولتيه ده متتنازليش ابداً و انتي فعلا مش هينفع تتنازلي ولازم تقولي كل كلامك ده في النيابه مينفعش تخبي نغم.....مش هقدر مش هينفع صدقني الحاجه الوحيده اللي كانت هتخليني اكمل من غير خوف لو حق انغام كان ممكن يرجع بس ادام مش هيرجع صدقني مش هيسيبوني مريم و هاني لو اتسجنوا حتي وهما جوه السجن هيعرفزا ينتقموا مني انا خلاص مش عايزه اي حاجه عيزاهم بس يبعدوا عني مش عيزاهم في حياتي خالص كل اللي عيزاه اخد بيتنا منهم و اختفي من حياتهم عشان اعرف اعيش و حقي و حق انغام ربنا شاهد عليه. تامر.....نغم طيب قوليلي بصراحه متأكده ان اللي اسمه هاني ده معملكيش حاجه نغم.....بدموع لا معملش تامر.....نغمممممم نغم....بدموع والله ما عمل حاجه حاول بس معرفش و لا لحق بس هو قذر تامر....بهدوء طبطب علي راسها طيب اهدي حقك اكيد هيرجع صدقيني بس انا مش عايزك تخافي خالص كل حاجه هتخلص بكره و هيختفوا من حياتك خالص و هتعيشي في امان و هنفضل ديما كلنا معاكي ااااا في حد من البنات عارف اللي حصل ده نغم.....لا مقولتش محدش عارف غيرك بس تامر.....و محدش هيعرف خلصت خلاص انسي بقي ماشي احنا اتفقنا هتفتحي صفحه جديده خالص خرجيهم بقي بره حياتك دي و انسيهم بكل قرفهم ممكن نغم....بدموع حاضر تامر ....انا عرفت الوقت ليه بتتخضي ديما و بتخافي نغم.....عشان الي شوفتوا معاهم كان صعب بجد مكنتش بنام بالايام من كتر خوفي لحد ما انام من غير ما احس من قبل الموقف ده و انا كنت بشوف نظراته ليا كل ما يجي اترعب منه هاني ده كان حيوان و للاسف مظهرش علي حقيقته الا لما انغام ماتت تامر...خلاااص انسيه و متجيبيش اسمه تاني علي لسانك بقولك ايه رايك اوديكي لسلمي و ايه تقعدي معاها هي والبنات نغم....لا لا انا قولت لسلمي اني عايزه انام بس انا مش عايزه انزل في الوقت ده خليني هنا تامر....متخافيش والله نغم ....والنبي خليني هنا احسن تامر.....طيب علي راحتك بطلي عياط بقي و اقعدي و هلي الموبايل في ايدك لحد ما النور يجي هزت راسها وقعدت وهي ماسكه الموبايل بأيدها الاتنين و النور عمال يروح ويجي كانت بتترعش فضل تامر رايح جاي و واقف بعيد عنها عشان لو ابوه خرج لحد ما اخيرا النور جه بصلها وشاف في عينها ابتسامه وهي بتبص بسعاده و راحه متتوصفش نغم.....النور رجع تامر....بهدوء اه متخافيش بقي خلاص نغم....هو ممكن يقطع تاني تامر....ان شاء الله لا متخافيش و لو قطع انا صاحي متقلقيش نغم....ااا انا اسفه يا تامر عطلتك ووو تامر..... مفيش حاجه يا نغم يلا ادخلي الاوضه ارتاحي و اهدي و انا هقفل قدامك الباب حالا اطمني نغم.....شكراً تامر.....بابتسامه العفو بكره انا هاجي معاكي و مش هسيبك و متخافيش هأمن الدنيا يعني اطمني نغم....هزت راسها ماشي تامر....يلا تصبحي علي خير نغم..... بابتسامه هاديه وانت من اهل الخير الموبايل بتاعك تامر..... بابتسامه ماشي خد منها الموبايل و هي دخلت قدامه وقفلت و بعدين قفل الباب كويس و دخل علي الاوضه و هو مضايق اوي عشانها.. ...................... عند البنات و الشباب بعد وقت مش طويل اوي قرروا الشباب يمشوا عشان يسيبوهم براحتهم قاموا كلهم سلموا و البنات وقفوا يودعوهم. عشري.....بهمس و ابتسامه هتسبيني ليله....بحب مسكت دراعه و ضحكت احنا فينا من كده مش انت وافقتها عشري....ماشي يا بلطجيه ليله....عشان اوحشك عشري....لا يلا من الوقت عشان هتوحشيني اكيد ليله....بابتسامه تروح علي طول وبلاش سرمحه عشري.....مش مروح و هخرج مع النسوان ليله.....بضحك اخرج يا قلبي واتبسط اهم يسلوك لحد ما أجيلك بكره عشري..... بابتسامه ماشي يا مستفزه رشيد...بهمس بقولك ايه ارجعي في كلامك و قولي انك مش هتعرف تباتي او اقولك قولي چوي تعبانه ايمي....بضحك حرام عليك بتبشر علي البت عشان اروح رشيد....عجباكي القاعده يعني هاااا ايمي.....بضحك اكيد بس والله مش عايزه اسيبك انا مجنونه هاجي والله رشيد.....بابتسامه طب يلا ايمي.....بضحك وافقت ليه من الاول رشيد....انا غلطان ده انا هدعي علي نعيمه دعاء انهارده ايمي....يخربيتك حرام عليك سلامه...ب.صلهم وضحك نعيمه اقطع دراعي ان مكان الجوز دول بيشتموا فيكي الوقت ليله....بضحك ضربت سلامه بالكف والله حصل ايمي.....نعيمه رشيد هيدعي عليكي نعيمه.....بضحك حرام عليك انا ناقصه طب بقول ايه والله مش بهزر لو عايزينهم يروحوا خدوهم و انا بكره لو رجعت بدري ابقي اشوفهم او اكلمهم رشيد.....بابتسامه لا خلاص صعبتي عليا انتي يا بت مالك راجعه محترمه كده ليه انا قولت هتبهدلنا نعيمه....بضحك والله لا بس صعبتوا عليا و عذراكم مجربه حضنهم عشري....لا يا ستي احنا بنهزر والله اتبسطوا مع بعض رشيد...بض لعشري و ضحك و هما قدام الباب من قلبك عشري.....بضحك اه يا واطي اه من قلبي يا عم اسكت بقي في يومك الازرق ده سلامه.....انا شايف انك تروحوا تلعبوا بديلكم مع النسوان ايمي...بضحك نسوان في عينك ليله....بضحك والله عشري لسه بيقولي والله لا هجيب نسوان البيت سلامه...بضحك وانتي مالك فرحانه كده ليه ده هيخونك ليله....بس يا سوسه انت اطلع منها انا واثقه فيه سلامه.....غلبانه ليله برضوا عشري...بضحك يلا يا واطي مقدرش طبعاً سلامه....طيب بقول ايه اتفضل يلا انت وهو كده قدامي يلا يا عم رشيد...طب اسلم طيب علي مراتي يا رخم ايمي.....بحب باي يا قلبي سلموا كلهم عليهم عسال.....هوصل واكلمك يا روحي نادين....علي مهلك عسال....حاضر حسان...بهمس انا بقول ابات معاكم مش هعمل صوت سلمي.....بابتسامه و انا موافقه و هاخدك في حضني حسان.....بابتسامه طب ما تيجي انتي معايا سلامه.....تيجي معاك فين قداااامي ضحكوا علي سلامه و هو قاعد يخرجهم واحد واحد و اول ما خرج الشباب كلهم قفل الباب وراهم وبص للباب سلامه....داهيه تاخد الرجاله و نكدهم حبايب قلبي تعالوا في حضني البنات فطسوا من الضحك و رنه ضحكه نعيمه وصلتلهم بره و هما اول ما قفل في وشهم ماتوا من الضحك عشري.....بضحك با ابن الكلب ده انا هنفخك رشيد.....بضحك افتح يلا سلامه.....امشوا بقي قرفتونا وصدعتزنا داهيه تسد نفسكم علي الحب و الجواز ايه...بضحك سلومتي هتقعد معانا سلامه....بحب قلب سلومتك انا بايت هنا رشيد....افتح يايلا مش عايز اعلي صوتي سلامه.....مش جاي عايزني امشي يا بنات كلهم مع بعض و هما بيضحكوا لاااااا سلامه.....سمعتوا يارب نحس علي دمنا عشري.....بص لميدو خرج اخوك بدل ما انفخك عسال....بضحك انا مالي انا؟ سلامه....انفخوا يا عشري او اقولك خدوا بدل ليله ينام في حضنك هو رومانسي و يجي منه و انا مش بطمن لعلاقتكم صراحه علاقه شا.... البنات كانوا واقعين من الضحك و هما بره فطسانين عشري....لو وقعت تحت ايدي هاخدك انت يا سلامه الكلب سلامه.... ايه ده انت ليك في الخشن انا برضوا مش مرتاحلك نظرتي مبتخيبش يا راعي الغنم حسان.....بضحك اتصل عليه عشان الصوت فتح سلامه الاسبيكر ياض خلبك محترم صوتنا عالي افتح سلامه.....اهلا حسونه مشوفتش بكار سمعوا رنه ضحكهم حسان.....تصدق وتآمن بالله حلال فيك اللي عشري هيعملوا معاك سلامه.....ميدوووو هدي الثور الهايج اللي جنبك ده يا رومانسي عسال......بضحك هتتشتم و هخلي يومك شبه وشك عشري.....افتح ياض لو انت راجل سلامه....بضحك لو بقي. عشري....و بتعترف رشيد.....بضحك حد فيكم يفتح يا بنات ايمي....لا مش هنفتح سلامه قاعد معانا خلاص رشيد...بضحك وحياة امك والله لا انفخك يا اوزعه سلامه....غيرانين ليه هما بيحبوني و صراحه انا حبيت قعدة البنات اوي احسن من قعدتكم الهم عشري.....ليله افتحي سلامه.....بضحك اوعي و المصحف هيجيب مني عيال ماتوا من الضحك كلهم عشري.....بضحك ياض افتح الجيران هتسمعنا مش هعملك حاجه سلامه.....طب اديني الامان عشري.....انا هديك اكيد بس المحك قدامي ايمي....بضحك منكم لله هولد والله سلامه.....شوفت بقي مش مرتاحلك انا حسان...افتح متخافش محدش هيجي جنبك سلامه.....طب ابعد عشري و رشيد رشيد....بضحك افتح خلاص مش هنعملك حاجه سلامه.....مراتك و عيالك تحت ايدي رشيد.....بضحك لا قلبك ابيض معاك الامان فتحت ليله و هي ميته من الضحك بعد سلامه وراء وهو بيضحك سلامه....اللي هيقرب هغزه عشري....بضحك وهو واقف علي الباب تعالي تعالي حسان....اخلص يلا خلينا نمشي سلامه....بضحك سلام يا بنات كان نفسي اقعد معاكم بس نعمل ايه في مفرقين الجماعات دول نعيمه....بضحك باي يا سلامه انزل اجري علي طول هتضرب قفشوا عشري من قفاه عشري.....ده لو خرج من الاسانيير سلامه....بضحك انت ادتني الامان هتعمل ايه عشري.....هجيب منك عيال سلام يا بنات دخلوا الاسانسير و هما قافشين سلامه والبنات جوه ميتين من الضحك قفلوا و دخلوا وراحوا يشوفهم من البلكونه ماتوا من الضحك و هما شايفين سلامه خارج جري من البيت رشيد و عشري خرجوا يستحلفولوا و حسان و عسال خارجين ميتين من الضحك و قفوا يضحكوا تحت و بعدين خلي عشري اداه ضهره جري و نط علي ضهره و فضلوا كلهم يضحكوا و بعدين مشيوا دخل البنات من البلكونه.. معيمه.....يخربيت عقلك يا سلامه مسخره ايمي....مصيبه والله بطني وجعتني من الضحك ايه....بضحك خارج يعدل لبسه هموت واعرف عشري و رشيد عملوا في ايه ليله.....بضحك جابوا منه عيال و الله بموت فيه سلمي...بضحك بيقول لحسان اهلا حسونه فين بكار ايمي.....مجنون والله نعيمه....بقولكم ايه روحوا يلا خدوا شاور و غيروا وظبطوا نفسكم كده نادين....بابتسامه نلبس البچامات الجديده بقي كلنا ايه.....اه يلا نلبس زي بعض قاموا البنات اللي راح ياخد شاور و اللي غير و رجع يظبط مكان قاعدة الشباب و اللي راح يعمل حاجه سريعه تتاكل و بعد ما خلصوا كل ده صورتهم أيه و خدت كذا صوره ليهم و هما لابسين زي بعض بعد كده كلوا و جابوا بطاطين و قعدوا جنب علي السرير في اوضه ليله قعدت ليله من ناحيه و في حضنها نادين و نعيمه و قدامهم أيه و سلمي و ايمي و بدأت سهرتهم و النم بتاعهم ليله كانت مولعه سيجاره و ايمي كمان ولعت سيجاره.. سلمي....ايمي ما بلاش سجاير عشان خاطري ايمي...مشربتش والله دي تاني سيجاره ليا انهارده سلمي....طيب انتي اصلا المفروض متشربيش خالص ايمي....و الله بيجي عليا ايام مش بشرب سلمي....انتي ساكتالها كده ما تديها لسانين ليله....مبتسمعش الكلام و لو قفشت فيها هزعلها نعيمه....هو المفروض الحامل متشربش صح سلمي.....طبعا يا بنتي غلط اصلا تقعد مع حد بيشرب و الغريبه ان رشيد يا حرام بحس انه لما بيشرب بيبعد عنها معرفش بقي سايبها و ساكتلها ليه نعيمه.....بضحك ماسكه عليه ذله ليله.... بابتسامه غمزتلها او خايف يتحرم من الحضن ايمي.....بضحكه جميله صح ايه.....بابتيامه بنات انا عايزه اسألكم سؤال وتردوا بصراحه انتوا الاتنين نعيمه.....اشمعني هما الاتنين ايه....عشان هما اللي متجوزين اكيد ايمي.....اسألي يا ستي ايه....بصراحه كده بعد الجواز بتفضل الدنيا زي ما هي و لا بيبقي في روتين و الحب بيقل سلمي.....ايه بتطمني علي مستقبلك ايه....بضحك اه نادين.... بابتسامه ادوها اجابه مقنعه احسن دي مجنونه و ممكن تغير رأيها من الاول ايمي.....بالعكس انا حاسه ان الحب بيبقي اقوي خصوصا لو الحب بين الطرفين قوي و قوي جداً كمان اينعم التنطيط و حلاوة البدايات و فرط الحركه اللي بيحصل سواء في الخروج الجنان المشاعر بيهدأ شويه بس في حجات بتزيد اكتر و انا بالنسبالي حاسه ان مفيش حاجه قلت لا قبل الجواز ولا حتي بعده يعني حتي بعد ما حملت اه بزهق و بقعد كتير بس رشيد لما بيحس اني ممكن افصل و اتجنن بيفرمل تحكمه فيا و ابسط مثال السجاير هو عارف اني مدخنه و انا بجد حاولت و فكرة اني ممكن ائذيهم بالشرب متعبه نفسياً و بخاف والله بس غصب عني مينفعش حد بيدخن بقاله عشرين سنه فجأه يوقف فا هو عارف اني اوقات بتهور بتعصب من غير سبب فا بيسيبني بس بيحددها و من غير ما يقول والله انا اهري خالص ثلاثه في اليوم و اوقات مش بشرب فا لا مفيش روتين بصراحه و لا الحب قل نادين.....بهدوء طب و انتي يا لولي ايه.....اه يا لولي و انتي اينعم انتي مش بقالك كتير اوي و لسه الدنيا في الاول بس اكيد حاسه بفرق ليله.....اكيد في فرق بس خليني الاول اقولك حاجه في نوع من الروتين اسمه راحه و استقرار وده حلو اوي و في نوع تاني اسمه ملل وده اللي بيحتاج يتعالج قبل ما الدنيا تبوظ الفرق بين النوعين الراحه انكم ممكن تبقوا ساكتين و انتوا قاعدين مع بعض بس مبسوطين اما بقي الملل ممكن يبقي في كلام بس حاسين ان محدش فيكم طايق كلمه للتاني سلمي.... بابتسامه طيب نصيحه بقي بما انتا مقبلين علي الزواج ايه الحاجه اللي المفروض تتعمل عشان ميبقاش في ملل ايمي......بصي يا سلمي هو غصب عنك لازم يحصل ملل و ده مش شرط يقلل الحب بس احنا نفسنا حتي لو مفيش في حياتنا حد بنمل بنزهق بنحتاج نجدد نعمل اي حاجه تخلينا نخرج من الشعور ده فا مبالك بقي بجواز معاكي شخص جديد في حياتك مسؤوله منه و مسؤوله عنه بتنامي و تصحي وهو في خلقتك تاكلوا مع بعض تقعدوا مع بعض تتكلموا مع بعض ممكن بجي عليكم الكلاك يخلص مفيش جديد كل ده وارد احنا بطبيعة الحال لازم يحصل في حياتنا تجديد عشان نقدر نكمل ليله...بصي يا سلمي من وجهة نظري العلاقة اللي مفيهاش شوية مجهود من الطرفين أياً كان الحب فيها قد إيه هتدخل في روتين ممل. لكن العلاقة اللي فيها اهتمام وتجديد حتى لو بسيط الروتين فيها بيتحول لراحة مش ملل. نادين...طيب و افرضي في طرف بيبذل مجهود و التاني لا ليله....اكيد هيجي عليه وقت و تخلص طاقته محدش بيقدر يكملو لوحدوا نادين.....حتي لو بتحبيه ليله.....الحب لوحده مش كفايه لو معاكي ڤيزا كل يوم عماله تخرجي منها فلوس وقت بسيط و هتفضي و بعد ما تفضي و تللقي مش معاكي فلوس حياتك هتبدأ تقف بالتدريج الحب كمان كده مينفعش طول الوقت عماله تطلعي في مشاعر و مش بيدخلك نفس المشاعر دي هيجي عليكي وقت و انتي كمان تفضي ايمي.....لما طرف بيفضل يدي من غير ما يتخد بيحس انه بيبني في اساس مش سليم مهما كان حبك قوي للشخص اللي معاكي لو مش بتلاقي منه قد اللي بتديهولوا مع الوقت هتخلصي ليله.....لازم زي ما بتدوا تاخدوا و زي ما بتاخدوا تدوا حسيتوا مع الوقت بملل جددوا كل واحده بطريقتها و كل واحده عارفه ايه التجديد المناسب لشريك حياتها و مش لازم مبالغه في التجديد ممكن حجات بسيطه تغير المود و تزود الطاقه من تاني .. ايمي.....بس في نقطه مهمة لو بجد الطرفين في بينهم حب قوي و مفيش طرف بيحب التاني اكتر ديما العلاقه دي هتكون ناجحه علي عكس مثلا لو الست بتحب الراجل اكتر او العكس هتلاقي ديما في خلا و في شخص فيهم مع الوقت هيحس انه مظلوم و بيدي ديما كل اللي عنده و مش لاقي مقابل عشان كده انجح علاقه اللي الطرفين فيها بيحبوا بعض قد بعض.. ايه.... طيب بصراحه في وقت حد فيكم حس بالملل ايمي....انا يمكن حسيت بس مش بسبب رشيد علي فكره بعد ما عرفت اني حامل في ثلاث توائم و مطلوب مني الراحه الكامله في البدايه كنت مبسوطه و مش في بالي بعد كده بدأت احس اني مش قادره و خايفه و رشيد بصراحه ساعدني كتير في النقطه دي يعني يرجع بدري من الشغل او يكلمني طول الوقت و سعات لما يحس اني جايبه اخري و عايزه اخرج يسيبني ايه....وانتي يا لولي حسيتي ولا لا ليله......حسيت قبل السفر بس مش زهق برضوا من عشري و لا كل ده لكن فجأه انا قاعده مش بخرج مش بنزل الشغل عملنا حجات كتير اول كام يوم بس قولتلوا انا زهقانه و هو بصراحه فضل يقولي عايزه ايه طب نعمل ايه بقينا نسلي نفسنا بنفسنا بقي بس بعد كده خلاص و خصوصا لما رجعنا من السفر و بدأنا ننزل شغلنا الدنيا ظبطت ايمي....علي فكره مش احنا بس اللي بنحس بملل عشان تبقوا عارفين الراجل كمان و يمكن هو اصعب مننا احنا ممكن يبان علينا هو لا بس طبيعي الست بتحس لو ذكيه ايه....ملل ايه اللي يحسوا بيه هما لو مش في الشعل مع صحابهم او في القهوه او بيعملوا اي حاجه تلهيهم ايمي....ده لو واحد خاطب مرتبط لكن حياة الراجل المتجوز بتختلف لا بيفرق معاه قهوه ولا صحاب و لا نيله هو لو مزاجه قفل والله لو عملتي ايه خلاص قفل ابتسمت بهدوء رشيد يمكن حصل معاه كده شويه بس انا فهمت الحوار علي طول و صلحتوا ايه.....يعني كان زهقان من الجواز ايمي...لا طبعاً انا لما حملت و عرفنا انهم توأم طبعا الدكتوره منعت حجات كتي وخروج طلوع نزول تنطيط و علاقه و زي ما انا في البدايه لا فرق معايا خروج او شغل او تنطيط و كنت مبسوطه و بقول ان مش فارق معايا حاجه المهم انهم يجوا بخير قولت اني مع الوقت اتخنقت وحسيت اني مش قادره اتحبس و كنت بفكر ان انا لسه في البدايه امال لما اقعد شويه هيحصل ايه هو كمان حوار ان العلاقه تقف او تتمنع عشان فيها خطر خد الموضوع في البدايه بفرحه و مبفرقش معاه ليله..... بابتسامه تجنن حصل علي يدي ايمي.... بابتسامه اهي كانت معانا و حقيقي هو كان مش فارق معاه غير انه فرحان و مستعد يعمل اي حاجه المهم ان انا و هما نبقي بخير بس في النهايه هو راجل و مع الوقت غصب عنه متحملش انا كمان حملت علي طول بعد الجواز تقريبا من اول كام يوم فا ملحقناش غير وقت بسيط اوي نعيش مع بعض زي اي راجل وست نعيمه....بابتسامه طلعوا علي عينك بقي ولا اكتشفتي ازاي انه مش قادر يتحمل ؟ ايمي....بضحكه هاديه كان تقريبا قبل ما نروح نبارك لليله بكام يوم يعني كنا نايمين عادي فا لاقيته مره واحده قام مش علي بعضه و باين انه متعصب شويه سالتوا في ايه قالي مفيش نامي هشرب سيجاره وارجعلك خد الموبايل وخرج و انا حاولت انام تاني بس اتأخر اوي خرجت ابص عليه مكانش موجود سمعت صوت الاجهزه جاي من الچيم بتاعه دخلت لاقيته بيلعب ليله....بضحك بيطلع طاقته في الحديد. ايمي.....بضحك دي حقيقه بس في الاول انا مفهمتش سالتوا طريقه رده عليا كان فيها عصبيه شويه عملت عبيطه سالتوا تاني مالك و ليه بتلعب في الوقت ده مفيش عادي انتي مضايقه ليه استغربت و اصلا شكيت فيه و هو خارج بموبايلوا قولت هو بيعط و لا ايه في ليلة الزرقا دي نعيمه.....بضحك قلبتي عليه طبعاً ايمي....انا قلبت بس مش علي طول فضلت معاه واحده واحده لحد ما جيبت اخري و طلعت فيه و اليوم ده اللي رجعت فيه اشرب سجاير سيبتوا و دخلت علي الاوضه فضلت اشرب هو خاف علي فكره و اضايق انه وصلني لكده بس قفلتها معاه كام يوم و كل ما يحاول يصالحني اصده يكلمني علي السجاير اقولوا ملكش دعوه يكلمني وهو في الشغل ارد عليه علي قد الكلام و بس بعتلي بقي ورد و كتبلي اسف و بحبك سلمي......يا مفتريه والله صعب عليا ايمي.... بابتسامه و عليا والله بس هو ضايقني برده بس فهمت بعد كده ان رشيد مش تمام يعني اعب رياضه في وقت متأخر و عصبيه ملهاش سبب فهمت و بصراحه لما بعتلي الورد مقدرتش ارخم عليه اكتر من كده و لما رجع صالحتوا ليله.....بابتسامه غمزتلها صالحتيه ازاي ايمي.....بابتسامه و نظره جريئه غمزتلها قضيت علي الملل ضحكت نعيمه و سلمي و ليله.. نادين...... عملتي ايه يعني ايه.....عملت فيها قناة ميلودي تتحدي الملل ليله.....بضحك بصتلهم ابيييييض صباح الفل اظن ان عسال و سلامه هيتعبوا اوي مع العيال دي ايه....بضحك ايه ده هي قصدها قليل الادب نعيمه.....بضحك يعني بذمتك ايمي هيبقي قصدها ايه غير قلة الادب ايه.....نهار اسود طب وكلام الدكتوره ايمي.....ماهو انا قدام حاجه من اتنين يا امنع و اضيع رشيد و حياتنا تبقي كلها عصبيه و خناق من غير سبب او اوسطن الامور شويه و انا اتكلمت مع الدكتوره من غير ما هو يعرف كنت عايزه الاقي حل و افهم لو ملتزمتش التزام كامل في الحوار ده هيبقي في خطر ولا لا قالتلي ان ممكن ده يحصل بس مش كتير و لو في مجهود عملتوا قبلها خروجه مثلا اي حاجه يبقي بلاش و يكون بهدوء و بوضع مريح ليا بصت ليله لنادين و ايه و بعدين بصت لنعيمه والاتنين فطسوا من الضحك عاملين زي الاغبيه مش فاهمين حاجه ضحكت سلمي بهدوء و هي مكسوفه ليله....بضحك براحه يا خبره معانا جوز بهايم ايه.....معلش هو ايه اللي بهدوء و وضع ايه اللي مريح بالنسبالك ايميد.....بضحك طيب افهمهم واكسب في عسال و سلامه ثواب و لا مفتحش عينهم ايه.... بابتسامه واضح ان في قلة ادب بس اكسبي فيا انا ثواب عشان هتجوز قريب نادين.....لولي هي قصدها حاجه عيب مش كده نعيمه....بضحك نامي انتي و حقك راجع ليله.....بضحك ملكيش دعوه بيها يا صغنن دي مش متربيه ايمي....بضحك الله مش بفهمهم و بعدين ما انتوا اللي جرجرتوني لقلة الادب و انا بصرحه بموت فيها ايه.....سيبك منها ركزي معانا هي هتعمل فيها مؤدبه قولي قولي انا معاكي ايمي......بضحك طب اقولها ايه دي بهدوء يا أيه يعني ميبقاش في مجهود عشان الحمل ميحصلش في حاجه ايه.....بضحك معلش هتعب جنابك معايا يا استاذه خبره انا مش فاهمه هو ايه حوار الهدوء ده لاموأخذه يعني تتباسي براحه و لا تتحضني براحه ليله.....بصت لايمي و كانت ميته من الضحك يعني يهدي السرعه و يشد فرامل ايه.....هو راكب عربيه ليله.....بضحك هو راكبها هي شخصياً ماتوا من الضحك الاربعه و رنة ضحكة نعيمه كانت عاليه حطت لياه ايدها علي بوئها بسرعه ليله.....بضحك احييييييه علي بوليس الاداب اللي هيخبط الوقت ايمي......والله مش قادره انا بقول نسيبهم علي عماهم اكتر سلمي......بضحك انتوا الاتنين مشفتوش تربيه ايه.....بضحك والله ما فاهمه انا عارفه ان في قلة ادب في الموضوع بس مش عارفه افهم قلة الادب جايه منين سلمي....بضحك متعرفيش اتفاجئي احسن نعيمه....وهي ميته من الضحك نادين هتموتني بريأكشاناتها نادين....بابتسامه ما هي معاها حق احنا مش فاهمين بتضحكوا و بتقولوا كلام كله الغاز ايمي......طيب نجيبها من الاخر عشان نخلص سلمي....بضحك ابوس ايدك بلاش ليله.....هموت والله سلمي وشها احمر حرام عليكي ايمي......بضحك الحق عليا بديهم عصارة خبرتي و درس محترم قبل جوازهم ايه.....اه قولي سلمي....بضحك تقول ايه اتفاجئي احسن والله ايه....بضحك هي تقصد حاجه عيب خالص يعني سلمي.....بضحك عيب اوي والله ايمي.....بت مفيش عيب دي حاجه طبيعيه الاول هو حضرتك فاهمه ان في علاقه صح ايه.... بابتسامه ااا اه اكيد مش لادرجه يعني ايمي.....بابتيامه طيب العلاقه دي بيبقي فيها مشاعر قويه و حب زايد و تهور شويه و جنان و حماااااس ليله....بضحك شوفتيها وهي بتتك علي حماس دي ايه......اه شوفتها بس حماس ايه بجد يعني مين فينا اللي يقلع اسرع فطسوا من الضحك و ضربتها سلمي علي راسها سلمي.....مشوفتيش تربيه والله انتي ملكيش قاعده مع ايمي و ليله تاني ايه....بضحك ماهو بتقولك حماس ايمي.....بضحك حماس في العلاقه يا متخلفه المفروض يعني في وضعي ده و انا حامل كده العلاقه تكون هاديه خالص فهمتي ايه......هو انا فهمت بس حوار الحماس ده هبقي افهموا اكتر بعد ما اتجوز بقي ايمي.....بضحك انا بقول كده و اسكتي بقي عشان اللي قدامك دي طلعلها ديل من كتر ما بقت حماره بصوا لنادين و ضحكوا نادين.....بابتيامه لا انا فاهمه انكم مش متربين و بتتكلموا علي حاجه عيب علي فكره نعيمه......بحضك ايمي نسيتي توضحي لايه موضوع الوضع المريح سندت ليله علي كتفها وهي ميته من الضحك و حدفتها سلمي بالمخده نعيمه.... بضحك الله يعني تديها الدرس ناقص ايمي.....بضحك يعني هما جوز بهايم مش فاهمين الحماس هشرحلهم الوضع اتنيلي ايه.....لا افهم بدل ما اروح فيكم في داهيه ايمي....بضحك اقولها ايه دي انا رايي تتفاجئي سلمي....بضحك ابوس ايدك سيبها تتفاجئ واسمعي مني البت مؤدبه ايه.....قعدت علي ركبها بحماس اسكتي انتي انا منحرفه قولي يا ايمي قولي يا خبره ايمي......بضحك ماهو في طرق للعلاقه يعني المفروض بتختاري الطريقه اللي تعجبك و تعجبه و في طريقه مناسبه للحامل عموما كملت بضحك الله يحرقك يا أيه الكلب طول عمري مشوفتش تربيه اول مره احس اني اتكسفت ليله.....بضحك هموت والله مش قادره ايه ابوس ايدك عدي الحوار ده بالذات ايه.....واتجوز كده زي الهبله خليكم جدعين و اكسبوا فيا ثواب اختكم لا تفقه شي عن الجواز غير البوس و كام حاجه كده نعيمه.... بضحك هتموت وتتباس علي طول دي ايه.....اي درس تنستروا البومه دي عمري ما هتكلم معاها في حاجه و مصدقت فتحتوا الموضوع و بصراحه بقي انا خايفه سلمي.....بضحك انتي مصدقتي يا سافله ايمي......خايفه من ايه الموضوع ميخوفش علي فكره و بعظين بيعتمد علي الراجل لو ذكي مش هيخوفك ايه ....احيه سلامه الكلب غبي ايمي....مين ده سلامه ده واطي هو صحيح عسل و طيب بس مفيش راجل غبي يعني ايه...انتي مش لسه بتقولي لو ذكي يعني في احتمال لغبائه ودي حاجه اشهدلوا فيها ضحكوا كلهم ايمي....يا غبيه اقصد في الحوار ده مفيش راجل غبير بس في راجل مش بيفرق معاه غير نفسه و في راجل بيخاف علي البنت لو بجد بيحبها و بيبقي عايز يطمنها و يهديها و هنا الحب بيفرق جدا خصوصا في اول ليله نعيمه....بضحك ميدو هيبقي جامد عشان بيخاف علي الصغنن نادين....بابتسامه اتلمي ليله....بهدوء ابتسمت ابمي معاها حق علي فكره لو بيحبك و مش اناني و بيفكر في نفسه بس الموضوع بيفرق و لو هو ذكي حقيقي لازم يعدي اول ليله دي بهدوء لان اول انطباع في العلاقه يا اما يخليكي تحبيها او تكرهيها ايمي.....غمزلتها و البلطجيه شكلها حبتها ايه.....اه صحيح انتي ايه ظروفك و انطباعك اعوذ بالله من الباطجي بتاعك مرعب من غير ما يتكلم ايمي.......بضحك لو سمعك هينفخك سلمي....بابتسامه لولي عشري كان حنين اليوم ده منكم لله بقيت قليلة الادب زيكم ضحكوا كلهم علي سلمي اللي اتحمست معاهم ليله.... بابتسامه تجنن عينيها لمعت عشري ديماً حنين بس الحقيقه ان اليوم ده بالتحديد كان حنين بطريقه متتوصفش كنت حاسه اني بنته بجد نعيمه.... بابتسامه طيب لولي انتي كنتي خايفه يعني بصراحه انا كنت حاسه من شخصياتكم اللي اعرفها عموما ان انتي و ايمي تحديدا مش هتخافوا ليله.....انا مكنتش خايفه يا نعيمه انا كنت مبته من الرعب و يمكن انا استغربت نفسي لدرجه اني كنت بقول لنفسي بطلي هبل انتي مش صغيره انتي اكيد فاهمه و عارفه بس انا كنت ميته في جلدي من الرعب نعيمه....بضحك بجد يا ليله ليله.....والله العظيم انا كنت مرعوبه حرفياً بصوا ميغركوش الجرأه و الهزار و الضحك والدلع بس الموقف ده اي بنت بتحس برهبته انا كنت خايفه لاني مش عارفه لاي مدي ممكن اتوجع و طول ما الوجع انتي مش مدركه حجمه بتختفي و جايز تهولي الموضوع في دماغك و كمان كنت مكسوفه برضوا ميغركوش اني جريئه بطبعي و بالاخص مع عشري بس فكرة اني ابقي معاه كده زي ما امي ولدتني كانت فكره بشعه و بصراحه عشري قدر يخليني اتخطي الخوف والاحراج و بعد ما كل حاجه خلصت حسيت اني فعلا خوفت نفسي اوي و الموضوع بسيط مش مستاهل نعيمه....بصراحه انا ممكن اتخطي حوار الوجع بس الاحراج حاسه انه صعب ليله...في البدايه بس بعد كده بتتعودي ايه.....يعني بذمتك و رحمة امك مفيش وجع ليله.....ورحمة امي ما في اي وجع خالص يعني عشان مبقاش كدابه هو في شعور بسيط و غريب انتي لو اول مره في حياتك بتحطي في عينك لينسيز مش جايز تتوجعي عينك تحرقك شويه لان ده الطبيعي حاجه غريبه بتدخل جسمك و انتي مش متعوده بعد كده خلاص بتتعودي ايمي.....عايزه اقولك حاجه يمكن انا اول مره اتجوزت كنت خايفه و مش خايفه يعني خايفه عشان الي بسمعه من اي حد عن اليوم ده و مش خايفه لاني بقنع نفسي ان الحوار اكيد مش مميت يعني لانه لو كان كده مكانش البنات اتجوزوا بس لما اتجوزت رشيد نفس الشعور اللي قالتلوا ليله كان حاصل معايا يعني ميغركيش يا نعيمه الجرأه و الهزار و اننا نبان جامدين حتي لو الست اتجوزت لازم تحس باحراج في جوازتها التانيه لازم تحس برهبه بخوف بسيط سلمي.....ده اكيد بس شعور الخوف و الزجع بيكونوا مختلفين مش كده ايمي.....جايز بس معايا لا بالعكس متنسيش يا سلمي اني يعتبر اتجوزت شهر واحد بس يعني العلاقه في الشهر ده حصلت كام مره و بعدها فضلنا كام شهر لحد ما اتطلقت و قعدت بعد الجوازه دي سنين من غير اي علاقه و الطبيعي ان جسمك لسه مكانش خد علي وجود علاقه فا اكيد لما اتجوزت انا ورشيد كان في الم بسيط و احساس اني لسه لاول مره بتجوز ايه......يعني انا هخاف و لا هتكسف ارسوا علي بر ليله....بضحك الاتنين بس كل ده هيروح بعد كده و علي فكره انا متوقعه كل واحده فيكم هتقصي الليله دي ازاي خدوا بالكم هي مش بالجرأه يعني الجرئ فينا متتوقعوش ان اليوم ده بالنسباله عادي اللي تشوفوا انه جرئ. قوي جامد مش بيخاف من حاجه مش بيتكسف اكتر حد ممكن ياخد وقت لحد ما العلاقه دي تتم و علي العكس ممكن شخص هادي يخلص الدنيا بسرعه يعني انا متوقعه ان سلمي عاقله و هاديه و هتعدي بسرعه نعيمه....بضحك و نودي هي اه كيوت بس سوسه هتخلص بسرعه ليله.... بضحك حصل ايه هتتجن سلامه و هيتعب معاها شويه ايه....احيه الله يبشرك بكل خير نش انتي لسه قايله الموضوع سهل ليله....اه والله سهل بس رهبه الموقف وقتها لا بتخلي تلجرئ جرئ ولا بتخلي اللي مجنون و مهيبر زي ماهو هتقلبي قطه اسمعي مني انا ايمي.....بضحك حصل والله سلمي و نودي و احده فيهم راسيه و عاقله و هتسكت عشان تخلص و التانيه زي البقره هتسلم لانها مش فاهمه حاجه ضحكوا كلهم ايه.....تقصدك انتي يا نادين ببقره دي نادين.....بضحك حسيت نعيمه.....طيب وانا متوقعين ايه ايمي.....هتجننيه برضوا بس هيجيبك سكه انما البت دي هتبقي خايفه بجد ايه....يا ستي في ايه انا ناقصه رعب منك لله يا ايمي ليله....بضحك والله مافي رعب انتي هتعملي زيي هتهولي الموضوع و يمكن متعمليش كده علي فكره و تعدي عادي. نوني هتبقي خايفه و مكسوفه بس هتعدي برضوا باختصار يعني الموضوع ميخوفش والله و فككم بقي من اي معلومات او حاجه سمعتوها الموضوع بسيط اوي .. نعيمه.....بضحك معانا حمير حضرتك لا عندهم معلومات و لا عندهم سمع نادين.....بصتلها بغضب و ضربتها بت انا مش حماره و عارفه ان في قلة ادب في الجواز انا بس اللي مش فاهمه كلامكم السافل زيكم ده ايه....بصتلها بقرف اسطتي انتي خالص طلعتي خبره و سوسه وهتخلصي بسرعه سلمي.....بضحك انتي خدتي كلامهم و مشيتي وراه خلاص ايه....اه مش قالوا انها سوسه تبقي سوسه وانتي كمان يا سهله ايمي....بضحك الله يكون في عونك يا سلامه اتصل عشري علي ليله جات تقوم عشان ترد عليه.. ايه....اقعدي هنا مش هتقومي اليوم بتاعنا اقفلي معاه علي طول ليله....بضحك وهي بترد ايه يا حبيبي عشري......ايوه بتضحكي علي ايه بقي ليله....علي الرخمه ايه اللي مش عيزاني اقوم ارد عليك و عيزاني اقعد عشري.....افتحي الاسبيكر كده ليله....بضحك فتحتوا يلا اسمعي ربع بقي ايه.....بضحك نهار اسود حبيبي واخويا عشري تصدق بالله عماله اقولها يهون عليكي الراجل تسيبيه كده لوحده ليله.....بضحك يا كداااابه عشري....بضحك عايزه ايه يا ابه مني هااا بتحربي علي ايه انتي وسلامه الكلب بتاعك ايه..... بضحك ياعم انا جيت جنبك انا غلبانه ايمي.....انت يا بلطجي مش وقتك علي فكره احنا بنرغي و بنتكلم يلا يا حبيب ياتكل علي الله انت وصحابك عشري......ما بلاش انتي يا اوزعه و بعدين بتتملموا في ايه هااا مقطعين فروتنا صح ايمي....بضحك لا بنتكلم كلام قليل الادب و يلا بقي عشان انت لسه صغير عشري... بضحك قلة ادب لا انا مكمل معاكم ايمي.....بضحك شايفه البلطجي بتاعك ليله.....وسعي وسعي انتي وهي كده قامت ليله و خرجت بره ليله.....خرجت و سيبتهم معاك ياروحي عشري....هلا حياتي ليله....بابتيامه هلا جلبي روحت عشري.....اه لولي البت من غيرك وحش بجد ليله....هعيط علي فكره عشري....وغلاوة ليله مش كلام انا مش طايق البيت وانتي مش فيه ليله.....لا بص انا مجنونه هقوم اجيلك عشري....بضحك يلا تعالي سيبك من العيال الرخمه اللي خدوكي مني دول ليله.... بابتسامه اجي بجد و الله العظيم لو قولت اه هاجي حالا عشري...بحب لا طبعا خليكي اينعم و حشتيني و البيت بجد وحش بس اتبسطي مع البنات ليله...طيب انت بتعمل ايه او هتعمل ايه عشري....انا مستني المووزه اللي شوفتها في الكافيه الصبح تجيلي ليله.....بضحك قولها بس تدلعك و تسليك عشري.....هبقي اتصل بيكي تقوليلها انتي ليله....بس كده عيوني عشري.....بحبك يا بلطجيه ليله....وانا بموت فيك يلا قوم بقي خد شاور و كل حاجه و ظبط نفسك كده و كلمني عشري.....ماشي بس خليكي قاعده مع البنات براحتك ابقي كلميني انتي بس قبل ما تنامي ليله....لا هتخلص و تكلمني احنا لسه قاعدين عشري.....طيب يا ستي ماشي يلا يا عمري روحي و هكلمك تاني ليله.....ماشي يا بلطجي باي عشري....باي يا قلبي .............. دخلت ليله تاني للبنات كملوا قعدتهم و كلامهم و ضحكهم و الشباب كل شويه حد فيهم يتصل اللي روح و بيطمن واللي هينام و اللي بيرغي شويه و يقفل و بعد وقت طويل النهار طلع وبدأوا يسقطوا راحت سلمي تنام و شويه وراحت ايه كمان و بعدها ايمي و فضلوا يتسحبوا واحده وراء التانيه و رسيت علي ليله و نادين في حضنها.. .................... علي الساعه ثمانيه ونص قلقت ايمي مكانتش عارفه تنام كويس بصصت في الساعه و بعدين بصت علي نعيمه كانت نايمه في سابع نومه غطتها كويس و قامت بهدوء فتحت الباب براحه و قفلتوا وراها خرجت علي بره عشان تعمل قهوه سمعت صوت اغنيه شيرين اللي يقابل حبيبي خرجت بره و بصت لقت ليله قاعده قدام الشباك علي الكنبه بتشرب سيجاره و سانده راسها علي الكنبه قربت منها براحه و ابتسمت ايمي....انا قولت في الاول مش هتعرفي تنامي بس لما دخلتي قولت لا هتنام بس طلعت صح معرفتيش تنامي صح ليله.... بابتسامه هو واضح ان احنا الاتنين معرفناش ننام قعدت ايمي جنبها خدتها ليله في حضنها ايمي.....في الاول كنت باجي هنا هروح في سابع نومه و حتي عند زوزو كنت بنام بس مبقتش اعرف انام بسهوله اتعودت علي البيت مبقتش اعرف انام غير في سريري و الكام مره اللي نمت فيهم في شقتي عند زوزو حتي لما رشيد كان معايا مجاليش نوم ابتسمت و بصتلها بس انت لحقتي تتعودي و لا البلطجي وحشك ليله....بابتسامه وحشني طبعاً بس مستغربه اني بجد مش عارفه انام هنا بوم الفرح الصبح لما سبقتوني و نزلتوا و قفت شويه كاني بودع البيت كان صعبان عليا اني همشي و هروح مكان تاني انتي عارفه اني بحب الشقه هنا اوي بحس اني مرتاحه فيها بس استغربت نفسي اول مره الاسبوع اللي فات لما جيبت حد ينضف الشقه كنت واقفه مستغربه البيت وحاسه اني غريبه حتي وانا واقفه في المطبخ مستغربه كل حاجه و اتعودت علي البيت التاني بسرعه يمكن في الاول كنت عارفه اني مش هعرف انام بسهوله بس بقيت انام لدرجه اني بنام نوم عميق ايمي.....بابتسامه حضن البلطجي خلاكي اتعودتي ليله....بضحك دي حقيقه بس قوليلي انتي بقي مش عارفه تنامي بعيد عن سريرك ولا بعيد عن حضن رشيد ايمي....بصراحه الاتنين مع اني انا كمان في الاول اكيد كنت فرحانه بالبيت بس كنت مستغربه البيت الوقت اتعودت كنت بستغرب زوزو زمان لما تروح وتاخدنا معاها لأهلها و اقولها خلينا نبات معاهم تقولي مش هعرف انام الواحده لما بتتجوز مبتعرفش تنام غير علي سريرها طلع معاها حق مع اني لما اتجوزت اول مره كنت ديما بروحلهم و اقعد معاهم و انام مرتاحه اكتر في بيتنا ليله....يمكن عشان مكنتيش حاسه بالامان و الراحه زي ما انتي حساهم الوقت مع رشيد ايمي....اكيد ده في اختلاف رهيب ليله....تعرفي ان امي كمان كانت كده و يمكن طبعها كان فظيع مستحيل تعرف تبات بره لما كان وليد يسفرنا اي مصيف امي طول الاسبوع حرفياً مكانتش بتحط راسها علي سرير كانت تفضل صاحيه و استغرب هي ازاي مش بتنام و اواي بجد قادره تقاوم النوم لما كانت تفصل بجد كانت تنام وهي قاعده علي الكنبه بره حاطه ايدها علي خدها و نايمه او نايمه علي الشاطئ في الكرسي بتاعها لكن تنام في السرير ابدا اميمه تقولها يا ماما انتي نايمه اهو ادخلي نامي في سريرك و ارتاحي تدخل مفيش دقايق و تخرج تقول مش عارفه السرير مش بتاعي ايمي.....بابتسامه معاهم حق بصراحه يمكن احنا الاول مكناش مقتنعين بس لما الست بتتجوز حقيقي مبتعرفش تنام غير في بيتها احنا متعودين نبات مع بعض بس الموضوع اختلف بعد الجواز حقيقي ليله...والله وقبل الجواز يا ايمي لما سافرت اسكندريه الفتره اللي زعلت فيها من عشري انا مكنتش بدخل اي مكان في الشقه و كنت طول الوقت نايمه في الصاله مش عارفه انام واقفل عليا اوضه افتكرت يومها امي كانت كده فعلا متقدرش تدخل اوضه و تنام علي سرير و اقفل عليها ايمي...واضح ان نوني كمان مكانتش بتنام كويس البت نايمه جوه زي القتيله هي اينعم علي طول بتبقي قتيله كده بس انا حاسه ان هي بجد مكانتش بتنام ليله....طبعاً في النهايه ده مش بيتها ارتاحت لما جات ايمي.....ربنا ما يحرم اي حد من بيته بجد بصتلها و ضحكت طب ايه هنفضل قاعدين زي القرود كده في وش بعض ليله.....بضحك تعالي نامي في حضني اجيبلك غطاء ايمي.....لا انا مش قادره انام خلاص النوم طار انا هعمل قهوه اعملك ليله......استني انا هقوم اعمل ايمي....لا خليكي انا زهقانه خلبني اعمل اي حاجه بقولك صحيح ليله....قولي ايمي...هي البت نعيمه هتروح امته لامها ليله....معرفش بس اكيد هتصحي و تفوق ممكن تروح بعد العصر بشويه ايمي.....هي هتبات ليله.....معرفش بس نوجا اكيد مش هتسيبها ممكن تبات ايمي.....انتوا هتمشوا امته طيب ليله....لما الكل يصحي متقلقيش انا هوصلك ايمي.....انتي راحه المطعم ليله.....هروح شويه وامشي ريهام اللي هتنزل انهارده بس عندي كام مشوار كده هخلصوا ايمي...طيب وديني لزوزو و امشي ليله.....طب نورح ناخد چوي و هوصلك ايمي.....لا خليني اروحلها و بليل رشيد يجي ياخدنا بالمره وانا في الشارع كده اقضي معاها اليوم ليله...ماشي اللي يريحك و لو غيرتي رأيك هوصلك للبيت ايمي.....لا خليني اروحلها و اقعد معاها شويه ليله...ماشي يا قلبي قامت ايمي عملت قهوه و فضلوا قاعدين مع بعض. ............... علي الساعه 1 صحيوا البنات كلهم حضرتلهم ليله الفطار قعدوا فطروا و بعدين قاموا لبسوا كل واحده فيهم كان عندها شغل شويه و نزلت ايه ونادين و بعدها سلمي و بعدها ليله وايمي و فضلت نعيمه شويه تجهز نفسها عشان تروح لاهلها.. ................ اتصلت تقي علي عدي و هي نازله.. تقي....الووو عدي....صباح الخير يا قلبي تقي....صباح النور انا نزلت انت فين عدي...انا تحت في الكافيه ايه الاخبار في اي جديد عن حدوته تقي.....انا صحيت لاقيت تمارا بعتالي ڤويس فتح الموبايل وادهم كلموا و قالوا انه مسافر كام يوم شرم عدي.....طيب و في ايه معاه تقي....والله يا عدي مش عارفه بس هو غالباً حصل بينه و بين بنت خالته مشكله و سابوا بعض انا اتصلت بيه بس مردش بعتلوا مسدچ قولت يمكن نايم و لما يصحي يكلمني عدي....المهم انكم اطمنتوا انه بخير تقي....اه الحمد لله بقولك ايه انا هروح الوقت اخد الشغل من بابا و هبقي اعدي عليكم عدي....تمام يا قلبي نسمه جايه معاكي تقي.....لا انا كلمتها عندها برد و مش هتقدر تيجي بس تمارا و ادهم اللي نازلين عدي....خلاص تمام علي مهلك بقي تقي....ربنا يستر يلا هروح و هبقي اكلمك عدي....اوك يا قلبي باي تقي.....باي ............... نسمه كانت قاعده في اوضتها مودها مش حلو و مضايقه من اللي حصل امبارح من وقت ما قفلت مع سليم متصلش بيها خالص و هي معرفتش تكلموا كانت خايفه تتصل و ميردش عشان قالها متتصليش و حتي هو لما خلص شغله و طلع مبعتلهاش كان لسه متعصب منها مسك الموبايل و هو في الكافيه اتصل عليها مكانش حابب يزعلها وفي نفس الوقت وحشته بس لسه زعلان و مضايق اكتر انها متصلتش بيه وسمعت كلامه نسمه....الوو سليم....صباح الخير نسمه....صباح الخير سليم....عامله ايه نسمه....تمام الحمد لله سليم..... نزلتي ولا لا نسمه....لا مش نازله سليم....مش المفروض في شغل هيتسلم انهارده نسمه....اه بس تقي اللي هتسلموا هي و ضحابها انا مش نازله سليم....ليه؟ نسمه...ااااا عادي عندي برد و مش قادره سليم....طيب تمام فطرتي نسمه...مش عايزه سليم ..ليه نسمه...عادي مليش نفس سليم....طب قومي افطري و صلي نسمه....صليت سليم.....متصلتيش بيا ليه لما صحيتي نسمه....انت قولتلي متصلش و كمان انت امبارح متصلتش ولا عرفتني طلعت ولا لا سليم....بتردهالي يعني نسمه....اكيد لا بس لما انت متصلتش قولت مش عايز تتكلم مردتش اضايق سليم....ومن امته بضايق لما بتتصلي نسمه....انت اللي طلت مني مكلمكش سليم....و انتي مصدقتي صح نسمه....لا بس بريحك مش اكتر و بعدين انا مش فهماك اتصل ولا متصلش متعصب ولا هادي سليم....انتي شايفه اني مش من حقي اتعصب يعني تنزلي من غيرما اعرف و في وقت متأخر و لما اكلمك تقولي مكسوفه ارد عليك عيزاني اعمل ايه نسمه....ولا حاجه تفهمني مش اكتر و لو هتزعل اني مردتش عشان مكسوفه حقك تمام بس ليه تزعل اني نزلت و بعدين انا اتصلت بيك في الاول عشان اعرفك كان معاك تليفون و انا نازله مع اخويا يا سليم سليم...نسمه انتي عرفتي طبعي بيتهيألي انا مبحش النزول كتير و مبحبكيش تتأخري و بعدين ما انتي كنتي في الشارع المفروض تجيبي اللي انتي عيزاه قبل ما تطلعي نسمه....و مكنتش وقتها عايزه حاجه و فجاه حسيت اني عايزه انزل فين المشكله سليم....نسممممه مترجعيش تعصبيني تاني المشكله اني مش بحب كده و عارف انك مع اخوكي مقولتش حاجه بس ايه لزوم انك تنزلي ما تطلبي اللي انتي عيزاه نسمه.....و هو انا المفروض اكون محبوسه يا سليم يعني طبيعي اني كل ما انزل تعترض و لو وافقت تقولي متتاخريش او تقولي ارجع في معاد او تعترض علي نزولي حتي لو مع نادر سليم.....اه طبيعي عشان انا مش عايز كده نسمه....طب ايه هو انا بعمل حاجه غلط سليم...نسممممه بلاش ندخل في حتت صح و غلط انا مقولتش انك بتعملي حاجه غلط بس ده طبعي نسمه.....بزعل و صوت باين عليه تمام يا سليم اوك اديني اهو قاعده منزلتش ولا هنزل كده تمام سليم...اه تمام نسمه...اوك سليم....بتنهيده شويه و ابقي اكلمك يا نسمه نسمه...اوك باي المكالمه كلها كان سامعها ابوه كان قاعد و مضيق عينه و مركز معاه عشري الكبير....سليم تعال يا ولدي راح سليم قرب منه سليم.....نعم يا اباااه عشري الكبير....اقعد قعد سليم قدامه و بصلوا عشري الكبير....بتتخانق مع خطيبتك ليه سليم...ااا لا مش بتخانق يا اباااه بنتكلم عادي عشري الكبير.....بس انا سامعك بتتخانق معاها و مضايق انها نزلت مع اخوها صح ولا انا فاهم غلط سليم....لا يا باااه الموضوع مش كده بس هي عصبتني عشري الكبير....عصبتك في ايه و لا مش رايد تحكي سليم....لا مش كده بس هي عارفه طبعي انا مبحبش النزول كتير و من غير سبب و نسمه طيبه يا باااه بخاف عليها يعني ممكن حد يضايقها مش هتعرف تتصرف اخرها تعيط و امبارح هي نزلت متاخر تشتري حاجه كان ممكن تجيبها و هي راجعه عادي و بعدين يا باااه كلمتها فضلت تكنسل و لما قلقت عليها و طلعت كلمتني قالتلي نادر كان معاها واتكسفت ترد مفهمتش يعني ايه اتكسفت انا اتقدمتلها رسمي عشان تبقي مرتاحه و عشان متبقاش بنعمل حاجه غلط بعد كل ده تقولي مكسوفه انا غلطان يا باااه عشري الكبير....طبعاً غلطان والغلط راكبك من فوق لتحت سليم....غلطان كيف يا باااه يعني انا دق الباب في الحلال و بعد كل ده تقولي مكسوفه ارد عليك عشري الكبير.....انت رايد تفهم غلطك ولا تجادل فيه سليم....لا افهم يا باااه اتفضل عشري الكبير....اول شي خطيبتك متربيه زين و محترمه و بت اصول انها تتكسف ترد عليك قدام ابوها او اخوها او اي كبير ليها مش حاجه تزعلك بالعكس دي ترفع راسك البت عندها حياء و ده مش عيب و لا خطبتك ليها تخليك تتحكم في طبعها هي ربنا خلقها بتتكسف و بعدين البت صريحه معاك اما سالتها قالتلك السبب ملفتش ودارت قالتلك علي طول احترامها لاهلها يكبرها في عينك لانها بعد جوازكم هتحترمك و تعمل حسابك وهي الوقت لو بتنكسف لما تتجوز هتحس براحه اكتر سليم....بس يا باااه انا خطيبها يعني المفروض تكون مرتاحه امتر انا مش ماشي معاها من وراء اهلها دي لابسه دبلتي في يدها عشري الكبير.....صح بس ده طبعها ميزعلكش و بعدين مش جايز اخوها او ابوها مش رايدينها تكلمك في وقت معين وهي مش راضيه تقولك سليم....لا محدش قال كده و بعدين ما هي اختها وهي مخطوبه لفضل بتتملم معاه و بتخرج و بتتعامل عادي عشري الكبير.....يبقي طبعها يا ولدي صوابعك مش كيف بعض البت يمكن لسه مش متعوده لسه مكسوفه من الوضع الجديد عادي بتحصل يا بااه طول بالك و وسع خلقك و الاهم انت مش من حقك تحكم عليها في بيت اهلها حتي لو طبعك غيره لانه مش من حقك سيبها تخرج و تنزل و تشوف الدنيا والاهم لو مع اخوها مينفعش تقولها لا مش هتخاف عليها اكتر منه وحتي لو خوفت عليها اكتر لازم تفهم ان برضك ده اخوها حقها تخرج و تنزل معاه في اي وقت اسمع يا سليم انت لسه شاب و غيرتك كبيره بس لما تبقي في بيتك كل ده بيتغير بس الوقت متقفلهاش منك متخليهاش تحس انك بتحكم عليها و بتتحكم فيها متخنقهاش يا ولدي الست كيف الطير لو حست انها محبوسه بتستني الوقت المناسب عشان القفص ينفتح و تطير خدها بالهداوه يا حبيبي و عاملها منها بتك متحرمهاش من خروجه او فسحه او تغيير جو خصوصا ان البت حقيقي طيبه و هاديه يعني مش طبعها انك تخاف منها او تقفل عليها عشان طايشه مثلا البت متربيه و عارفه حدوها زين كسوفها من اخوها قدامك يخليك تفهم ان البت متربيه و عارفه حدودها يعني لنا تخرج او تنزل برضك هتفهم حدودها و انت حط ثقتك فيها من غير نهايه عشان هي متخافش منك متكدبش عليك متزهقش وخد بالك الست مهما كانت بتحب الراجل بتنخق من حبسته ليها و تحكمه فيها خطيبتك لسه صغيره و شايفه الدنيا حلوه متحرمهاش من اي حاجه تسعدها يا حبيبي غير براحتك بس اياك تخلي غيرتك تعميك و تطفش البت منك سليم.....يعني انا غلطان يا باااه عشري الكبير.....اه يا سليم غلطان براحه يا ولدي الحياه بسيطه احنا مبنتحطش في طريق بعض عشان نخنق بعض لما انت كده الوقت بعد الجواز هتعمل ايه اتبسط معاها يا ولدي و فرحها متخنقهاش الله يرضي عنك البت بتحبك متخوفهاش منك متخليهاش تحس ان جوازها منك هيكون سجن لانها لو خافت من طبعك الوقت هتفكر الف مره قبل ما تاخد خطوه الجواز منك براحه ياولدي سيبها علي راحتها بس في نفس الوقت اعرف عنها كل حاجه هي فين مع مين غير كده متحكمش و متتشددش في حكمك و كسوفها من اخوها عادي عديه شويه وممكن تتعود و لو متعودتش الوقت هتتعود بعد الجواز انت تعرف ان ليله مرت اخوك كلمت امك تطلعها وقت ما اخواتها جم يزوروها كانت مكسوفه لسه مش متعوده و اهي ليله طبعها غير طبع خطيبتك بس بتحصل لازم نفهم ده و انت عدي ريحها كيف ما انت رايد انها تريحك سليم...بهدوء يعني اعمل ايه الوقت عشري الكبير....اتصل بيها و راضيها بكلمه قولها بس انك كنت معصب شويه و لما قعدت مع حالك حسيت انك غلطان مش عيب يا ولدي ان الراجل يعترف بغلطه و كيف ما قولتلك اياك تخنقها البت لو مش متربيه و بتحبك كانت قالتلك و انت نالك انزل ولا اطلع انا لسه مش في بيتك بس هي معملتش كده يبقي احنا منجيش علي بنات الناس فهمت يا ولدي سليم...بهدوء ابتسم حاضر يا باااه عشري الكبير....الله يرضي عنيك و يهديلكم الحال حافظ علي البت يا سليم و طول بالك يا حبيبي بلاش غيرة الشباب تخلي البت تنفر منيك و تخاف صدقني البت ممكن عشان تبعد عن الخناق تبدأ تكدب عليك تبقي معرفاك انها نايمه او مشغوله و هي في الشارع متعرفش عنها حاجه يبقي ليه من الاول نوصل لكده صاحبها و عاملها كنك ابوها مش عيب سليم....بابتسامه حاضر يا اباااه انا هراضيها الله يخليك لينا و يطول بعمرك عشري الكبير..... بابتسامه الله يسعدكم يا حبيبي يلا قوم. ............ قام سليم بعد ما اتكلم مع ابوه كان عارف ان ابوه معاه حق و اقتنع بس كان من جواه غصب عنه حماس الشباب واخده شويه و غيران بس قرر انه يعمل بنصيحه ابوه لانه خاف ان نسمه فعلا تكدب عليه و يبقي بسببه اتصل عليها تاني.. نسمه...بهدوء و صوت باين عليه الزعل ايوه يا سليم.. سليم.....و حشتيني نسمه....وانت كمان سليم....لا مش من قلبك علي فكره نسمه....بهدوء و طيبه فظيعه لا والله من قلبي سليم....يعني وحشتك نسمه...اكيد وحشتني سليم...طيب بتحبيني نسمه... بابتسامه بحبك اوي سليم...بجد نسمه....بجد والله سليم....طيب زعلانه نسمه.....لا مش زعلانه انت اللي زعلان سليم.....بس اتتي عارفه اني خايف عليكي و بغير عليكي و اكيد اضايقت شويه صح نسمه....اه صح و انا مش زعلانه منك بس مش عيزاك تزعل مني لاني مقصدتش اللي انت فهمته ده سليم....بضحكه جميله نسمه انتي عبيطه صح نسمه....انا طب ليه سليم....عشان انتي بجد ازاي طيبه كده علي فكره بقي انا اللي زعلاتك مش انتي نسمه....بابتسامه هاديه لا انا مش زعلانه منك سليم.....طيب بصي يا ستي اولا انا اسف لو زعلتك عايزك بس تعرفي اني مش حابسك ولا قاصد ارخم عليكي انا بغير عليكي يا نسمه و بخاف حد يضايقك مش اكتر لكن اكيد مش حابب احبسك او ارخم عليكي و حوار بقي انك بتتكسفي مش هكدب ضابقني بس لما فكرت شويه فهمتك بس كمان احنا لازم نتخطي الكسوف ده مش كده نسمه....حاضر والله هحاول سليم.....بحب طيب يا ستي انا مش هضايقك تاني و اي وقت تحبي تنزلي او تغيري جو اعملي اللي يريحك بس يعني ابقي عرفيني عشان ابقي مطمن عليكي نسمه....انت عارف انا مش بحب النزول كتير بس اوقات بحس اني عايزه انزل و مببقاش عيزاك تضايق سليم....لا خلاص مش هضايق تاني وعد و لا هرخم عليكي اتفقنا نسمه....بابتيامه اتفقنا سليم.... طيب مش زعلانه خلاص نسمه...لا والله مش زعلانه سليم...طب قوليلي كنتي بتجيبي ايه امبارح بقي نسمه....بضحك جيبت شيبسي و عصير و شوكلت سليم...كلتيهم من غيري يا بوووه نسمه....بضحك لا والله الشنطه زي ما هي شلبي زعل و خلاني معنديش نفس سليم....شلبي ده مترباش اصلا عشان زعل بوووه القمر انا اسف و حقك عليا و عايزك تقومي تفطري و تاكلي كل اللي جيبتيه و بليل هبعتلك شنطه كبيره قدددد كده اشطا نسمه....بضحك اشطا سليم....انا بحبك يا نسمه والله العظيم نسمه....وانا بحبك اوي ربنا يخليك ليا سليم....ويخليكي ليا يا احلي بووه يلا قومي بقي روقي كده علي كده نفسك و شوبه و هكلمك نسمه...حاضر هقوم والله سليم...ماشي يلا باي يا قلبي نسمه....بسعاده باي يا حبيبي ...... مكالمه قلبت مزاجهم و نكدت عليهم و مكالمه تانيه غيرت المود بينهم و رجعتهم من تاني و عشري الكبير قدر بهدوء يحل خلاف بسيط كان ممكن يبقي كبير و كبير جداً ............. علي الساعه خمسه مساءاً سمعت نسمه خبط علي الباب.. نجلاء.....نسمه افتحي الباب انا في المطبخ و بابا نايم نسمه...حاضر يا ماما خرجت نسمه فتح الباب لقت قدامها نعيمه صوتت و نطت في حضنها ضحكت نعيمه و فضلت حضنتها اوي خرجت نجلاء بسرعه علي صوت نسمه.. نجلاء.....في ايه يا نسمه بصت لقت نعيمه اتصدمت وصوتت هي كمان و بعدين قربت بسرعه سحبت نسمه من حضنها و حضنتها اوي.. نجلاء....بدموع وحشتيني نعيمه.....وانتي كمان والله و وشتوني اوي نسمه....بدموع انتي جيتي امته نعيمه.... بابتسامه طيب دخلوني الاول نجلاء...تعالي تعالي يا قلب امك وحشتيني اوي كده يا نعيمه توجعي قلبي نعيمه....باست ايدها حقك عليا يا ست المل اديني جيت اهو نسمه....جيتي امته وليه مقولتيش نعيمه...محبتش اقلقكم كنت عارفه انكم هتفضلوا قلقانين لحد ما ارجع و بعدين كنت عايزه اعملهالكم مفجأه نسمه....بضحك دي احلي مفجاه في الدنيا نجلاء....انتي جيتي انهارده نعيمه....لا جيت امبارح الصبح نجلاء....ده انتي نهارك اسود يعني انتي من امبارح الصبح هنا و متصلتيش حتي نعيمه...قولتلك عملالك مفجأه يا نوجا انا جيت اتقتلت نوم و علي اخر النهار البنات جم و باتوا معايا و قولتلهم محدش يقولكم و مشيوا لما صحينا و انا جيتلكم اهو نجلاء....خليهم ينفعوكي يا بنت الجزمه يعني هما يطمنوا و تقعدوا مع بعض وانا تطنشيني كده نعيمه.... والله ما طنشتك انا بقولك جيت نمت و نادين قالتلهم لان هي بس اللي كانت عارفه مكانش معايا مفتاح البيت و كان لازم حد يجيبهولي جات خدتني من المطار و روحتني فضلت نايمه لحد قبل ما البنات يجوا و بس قضينا السهره مع بعض واديني قدامك اهو نجلاء....وهي بتبص عليها بقلق طب انتي كويسه فيكي حاجه نعيمه...انا زي الفل والله وكله تمام و حشتوني اوي نجلاء....انتي وحشتينا اكتر كنا هنتجنن عليكي نسمه.....عرفتي تسافري في الوضع ده نعيمه...ما المطارات فتحت اه الحمد لله كانت رحله جميله والله المهم طمنوني عليكم عاملين ايه و فين نادر وفين بابا نسكه...نادر في الشغل هيفرح اوي انك جيتي انتي غصب عنك هتباتي معانا نجلاء....تقول بس لا عشان اخلي يومها اسود نعيمه....بضحك بقيتي عنيفه يا نوجا اوي نجلاء....اه و هتباتي غصب عنك نعيمه.... بابتسامه حاضر مقولتوليش فين بابا نجلاء.....نايم انتي عارفه هو في التوقيت ده بيدخل ينام ساعه و شكلوا كده مسمعش صوتنا ادخلي فرحيه هيفرح اوي انك جيتي نسمه...خليها طيب تقوم تغير كده نعيمه....هقوم اغير الوقت امسكوا بس دي حجات ليكم نبقي نشوفها مع بعض بعد شويه نجلاء....ماشي المهم قومي يلا طمني ابوكي و انا هروح اعمل الاكل و هنقعد نحكي من هنا للصبح نعيمه....بابتسامه هاديه ماشي يا ستي نسمه....انا هاجي اساعدك نجلاء....يلا قومي نعيمه....وانا هروح اشوف بابا نجلاء....ماشي.. قامت نعيمه بهدوء سابت شنطتها و موبايلها و دخلت بهدوء فتحت الباب كان نايم في سابع نومه ابتسمت بهدوء و دخلت قعدت جنبه علي السرير بصتلوا بابتسامه حزينه و بعدين قربت كفها من خده نعيمه.....دولااا يا دولاااا فتح عادل عينه بهدوء فضل يرمش شويه و بعدين فتح اوي و اتخض خضه كبيره بصلها كتير و بعدين بص في الاوضه و فضل يحرك راسه يتأكد انه مش بيحلم نعيمه....بابتيامه تأثر و حشتني يا دولا عادل.....انتي جيتي بجد نعيمه....بضحكه و هي دموعها نازله امال بتحلم يا دولا عادل.....بتأثر يا بنت الكااااالب شدها لحضنه و هو نايم و حضنها اوي نزلت دموعه ووقفل عليها ايده قوي و كان عمال يعيط صوته في فرحه و دموع و خوف و راحه فضلت نعيمه تعيط في حضنه وتضحك عليه وهو عمال يشتم فيها عادل.....بدموع الف حمد وشكر ليك يا رب والله كنت بحلم بيكي الوقت كنت بكلمك في التليفون مع امك واخواتك وانتي واقفه تعملي الاكل نعيمه....بضحك من بين دموعها رجعتلك خلاص يا دولا عادل....بدموع ابتسم يابنت الكلب وجعتي قلبي عليكي و حشتيني يا بنت ابوك نعيمه....باست راسه و ايده انت وحشتني اكتر من صدمته والمفجأه ولهفته مكانش عارف يقوم مسكت ايده و قومته رجع حضنها تاني و هو بيبعد الغطاء عنه .. عادل....انتي كويسه جيتي امته وعامله ايه طمنيني نعيمه...انا زي الفل قدامك اهو جيت امبارح بس كنت تعبانه و عايزه ارتاح و مرضتش اعرفكم عسان افاجئكم عادل...دي احلي مفجأه والله ابتسمت و مسحت دموعه و هو مسح دموعها و كل شويه يرجع يحضنها عادل.....انتي كويسه نعيمه.... بضحك والله كويسه زي القرده عادل.....هونت عليكي يا نعيمه تعملي في ابوكي كده نعيمه....حقك عليا بس انا رجعت اهو عادل...المهم انك بخير بقولك ايه انتي انهارده هتباتي معانا في حضني نعيمه....بضحك طب و نوجا يا عم دولا عايزها تقتلني عادل....هي هتقتلك فعلا لو مشيتي نعيمه ...لا ياعم خلاص هبات متقلقش بقولك ايه انا هقوم اغير كده و انت يلا فوق وقوم كده اوعي تنام تاني انت واحشني عادل....لا نوم ايه انا صحيت خلاص يلا يلا واكتملت سعادتهم بوجودها و قام عادل و هو فرحان بقي واقف يساعد نجلاء و غيرت نعيمه وراحت وقفت معاهم بيضحكوا ويهزروا ويتكلموا وطول الوقت نسمه حضناها وهي واقفه في المطبخ معاهم ................ في المطعم راحت ليله شويه و بعدين مشيت و جات ريهام لحقتها اخر حبه و بعدين كملت هي كانت مرتبكه اوي و اعتراف محمود موترها من امبارح ارتاحت شويه لما الوقت عدي و بقي المغرب و قالت اكيد كده في شغله و مش هيعدي عليها انهارده و من اةل ما صحيت لا هي حاول تكلموا او تبعتلوا زي العاده ولا هو اتصل عليها مكانتش عارفه تعمل ايه او تقول ايه لسه تحت تأثير الصدمه بس كانت مرتاحه انه مجاش عشان تهدا شويه و تبقي عارفه تتكلم.. قعدت شويه و لكن فرحتها مطولتش سمعت خبط علي الباب و بعدين فتح محمود بابتسامه جميله و هاديه و دخل اول ما شافته اتوترت جداً قامت وقفت بهدوء وابتسمت وهي متوتره كانت اول مره يشوفها كده محمود...ايه الاخبار ريهام...ااا اه تمام الحمد لله محمود...عامله ايه ريهام....تمام كله حلو انت كويس محمود....بضحكه جميله زي الفل عرفت ان ليله جات الاول ريهام...ااا اه ماهي قالتلي ان هي هتيجي شويه و انزل براحتي مستعجلش يعني وبس جيت علي العصر كده و هي بعدين مشيت و بس انت عرفت ازاي اصلا انت جيت محمود....لا ماهي جات وصلت ايمي و قالت ان هي هتيجي المطعم شويه و لما كلمتك اصلا كنت سامعها ريهام.... بابتسامه بسيطه اه طيب سكت وهي سكتت كانت مستغرباه اوي و مستغربه الوضع الجديد وهو كمان كان مستغرب كسوفها وهدوئها في العادي مبتبطلش رغي او هزار كانت قاعده تظبط في المكتب و تشيل الحاجه وترجع تحطها و فجأه بصت عليه لاقته باصص عليها و حاطت ايده تحت دقنه و بيضحك بهدوء ريهام....ااا ايه في ايه ؟ ليه بتضحك محمود...بضحح هو الضحك حرام ريهام....ااا لا بس يعني الضحك من غير سبب ااا محمود ..بضحك انا قليل الادب ريهام.... بابتسامه خير مش سلمت يلا محمود....يلا ايه امشي ريهام...ااا يعني كلك نظر ساعة رزق و مش ناقصين عطله الله يباركلك محمود.....بضحك طيب مش هتشربيني حاجه ولا انتي بخيله ريهام....عادي يعني بس انت لسه مريح وهتشرب محمود... بضحك ما تقومي تطرديني و تريحي نفسك ريهام...لا عيب متقولش كده انت صاحب مكان ااا بصي انا هسيبك شويه و هنزل اطمن علي المكان يعني عشان زي ما قولتلك دي ساعه رزق و يارب نحس محمود....بصحك اقعدي مكانك ويلا اطلبيلي حاجه اشربها ريهام...لا مكاني ايه انت عايز البنات يقولوا مش شايفه شغلي انا مش هتاخر ادام انت مصمم تقعد يعني و مفيش احساس خليك هشوف شغلي واجي محمود....بضحك ماشي اتفضلي قامت بتوتر و هرب منه نزلت علي تحت فضلت واقفه شويه باصه علي السلم يمكن ينزل و يزهق مفيش خمس دقايق عشره ربع ساعه حست انه مش هيمشي طلعت تاني محمود.....ها خلصتي شغلك ريهام.....هو انت معندكش شغل يا محمود محمود.....لا والله عندي و متأخر كمان ريهام...طب ما تقوم تشوف شغلك ايه اللي مقعدك و تتأخر ليه بس محمود...بضحك ماهو في واحده عماله تهرب و حتي مهانش عليها تشربني حاجه ريهام....اااا تشرب مايه محمود...بضحك لا انا عايز قهوه ريهام....ماهو مفيش محمود...مفيش قهوه بجد امال شايف زباين يعني بيشربوا قهوه تحت ريهام....لا ما هي القهوه اللي موجوده بتاعت الزباين بس هتخلص خلاص. محمود....لا يا شيخه طب ما تجيبوا ريهام.....لا ماهو واضح انك مش ملاحظ ان في حرب دايره بين البلاد و بعضهم و في حاله من التقشف بتحصل و البرازيل مصدرتش بن عندنا محمود....بضحك طيب خلاص خليها شاي ريهام....لا ما انت فاهم الصبن كمان وقفت تصدير الشاي محمود....دي مشكله كبيره بقي ريهام...اه انال ايه محمود...اممم طيب انا بقول اي عصير بقي ريهام...ماهو مفيش سكر برضوا للاسف محمود....بضحك قفلتيها في وشي خلاص طيب حيث كده بقي بقي نرجع لاول اوبشن قولتي عليه هاتي مايه ريهام...اااااه ماهو الاورشن ده كان موجود قبل ما انزل اشوف الشغل بس للاسف جالي معلومه ان نهر النيل حصلوا جفاف من الاخر احنا بنقضيها ايام وهنتكل كلنا الحق بقي روح خلص شغلك عشان اما تروح لربنا يعرف انك كنت شايف شغلك محمود....بضحك وهو مش قادر ما تقومي تطرديني احسن يا ريهام ايه المعامله دي ريهام.... بابتسامه طيب بصي من الاخر كده انا عارفه انت جاي ليه و قاعد ليه و مستني تسمع مني ايه بس بصراحه انا معنديش حاجه اقولهالك و لو مستني مني رد يا ابن الحلال فا ردي عليك هيكون كام سؤال محمود....بايتسامه ماشي أسالي ريهام.....انت عارف مكان بيتنا صح؟ محمود...اكيد ريهام ...معاك ارقام اخواتي الثلاثه صح؟ محمود..... بابتسامه تجنن ضح ريهام....سحبت ورقه وقلم واهو عشان ابقي كرمتك للاخر ده رقم ابويا كمان يعني معاك رقم اربع رجاله في حياتي و انت عارف بيتي فين و اظن الباقي عليك شوف انت عايز تعمل ايه و اعملوا عشان من الاخر كده انا مليش في الجو ده و بقلب لخمه و بيبان عليا و انا مش عايزه احس اني عامله عامله و مليش في جو التلزيق و كسوف البنات وبصراحه انا من امبارح حاسه اني ملزقه و مكسوفه ودي مش انا فا اتصرف انت بقي عشان نخلص من الليله دي محمود....حط ايده علي وشه ومات من الضحك و بعدين بصلها افهم من كده اني بتدبس صح ريهام....اه بتدبس ولا انت عايز شغل تنطيط و نحنحه و تلزيق ده مش جوي علي فكره محمود...بضحك ماهو انا مش عايز كده علي فكره كل اللي عايزه رد علي اللي قولتوا انبارح و الباقي بقي بتاعي انا ريهام.....هو البعيد غبي ولا ايه عايز رد اكتر من كده اكتبلك عنوان بيتي محمود...بضحك لا عارفه بس عايز اسمعها منك ريهام....تسمع ايه انا مش هعرف اقول حاجه يعني محمود انا حاسه اني ملزقه بجد و بطل توترني كسوف البنات ده اصلا بيتعب نفسيتي محمود...بضحك بس لايق عليكي علي فكره ابتسمت و مردتش عليه محمود....افهم من كده انك موافقه ريهام.... بابتسامه هاديه اااا يعني بيتهيألي انا رديت عليك لو مش موافقه اكيد ردي كان هيبقي غير كده و لو عايز تسمعها يا محمود عشان ترتاح اه موافقه هديت كده محمود....بضحك و سعاده هديت جداً بس ميمنعش يعني نزود شويه تلزيق و تقولي اي حاجه حلوه ريهام.... بابتسامه بص انا بدعي من الصبح انك متجيش ولما مجيتش قولت الحمد لله لاني بصراحه مكنتش عارفه هقولك ايه اصلا فا بلاش توترني اكتر من كده الله يباركلك محمود....عسال و سلامه كانوا جنبك امبارح هااا بعني مكانوش مع البنات ريهام....بضحكه هاديه انت عرفت محمود...اه عرفت ريهام....ماهو انا مكنتش عارفه ارد و مش عارفه اقولك ايه و بصراحه كنت متوتره اوي فا قولت اسرح بيك محمود ..بضحك ايه الصراحه دي ريهام...اكدب يعني محمود...طيب ممكن نتكلم جد شويه بصي انا مش عايز اضغط عليكي و مقدر انك متوتره بس عايزك تتكلمي او تسألي علي اي حاجه عيزاها يعني قولي اي حاجه ريهام....بص يا محمود انا معنديش سؤال ولا عندي حاجه تتقال انا تقريبا الفتره دي كلها قربت منك و عرفت عنك كل حاجه و انت بالنسبالي شخص زي الكتاب المفتوح واظن انا كمان كده و مش هكدب كان في احساس غريب و تلميحات مفهومه انا مش غبيه علي فكره يمكن امبارح كان يوم مش متوقع بالنسبالي و اتفاجئت بكل حاجه بس اكيد مضايقتش و كنت مبسوطه و اللي انت قولتوا بكل تلقائيه وصلي و عشان اريحك انا كمان عندي نفس المشاعر اللي انت قولتها محمود....بابتسامه تجنن يعني في حاجه ريهام...بضحك اتكسفت اوي و بصت لبعيد طب اديك علي دماغك عشان تفهم ولا انت غبي و هتتعبني معاك محمود...بضحك يا ستي اعتبريني غبي و خديني علي قد عقلي ريحيني مبتعرفيش تريحي بني ادم يا بني ادمه ريهام....بابتيامه تجنن اااا احممم اه محمود...اه ايه انتي تعبانه والله انا اللي هقوم اكسر المكتب علي راسك انطقي طلعتي روحي ريهام....بضحك اه يا غبي في حاجه ارتاحت محمود.....ايوه حاجه ايه يعني راحه اعجاب استلطاف ولا حب ريهام...بضحك يا بني قوم روح شغلك عشان ربنا يرزقك و تجيب علبه شكولاته وانت جاي البيت محمود....بضحك والله ما قايم غير لما اسمع منك و متقلقيش معايا تمن الشيكولاته قولي بقي حرام عليكي ريهام.....انت موترني علي فكره و ده مش انا اجيب الطبله واعملك الفرح عشان ترتاح محمود....بضحك دي اغرب طريقه للتعتراف شوفتها في حياتي اخلصي قولي في ايه بالظبط جواكي انا قولتها يا ريهام قولت اني بحبك اقول ايه تاني طيب ريهام.... بابتسامه ااا وانا كمان ارتاحت محمود...بضحك وانتي كمان ايه قوليها عشان ازود الشوكولاته شويه ريهام....بضحك هتجيب ورد محمود...هجيبلك مزعه اقولك هنيم زوزو و اسرق الزرع بتاعها كله بس انطقي ريهام....بضحك اذا كان كده ماشي ااا احممم اه بحبك ارتحت محمود...يااااا الله اخيراً ضحكت ريهام بكسوف و توتر فزيع بس كانت مبسوطه اوي محمود...بسعاده نشفتي ريقي يا شيخه بس والله لا اطلعوا علي عينك بعدين خد نفس و بصلها بصي بقي انا مكنتش عايز اسمع اكتر من كده و لا زم تعرفي ان انا كمان لا بتاع تنطيط ولا تلزيق و الاهم اني عمري ما هخون ثقت اخواتك ولا هحطك واحط نفسي احطهم في موقف مش حلو انا بس كنت عايز اخد ردك و زي ما قولتي الباقي بتاعي هظبط الدنيا عندي في البيت و اكيد هتكلم مع اخواتك و بعدين هنمشيها رسمي ريهام... بابتسامه ااا ماشي ما تقوم تمشي بقي الله يباركلك محمود...بضحك حاضر حتي لو اتكردت الوقت موافق همشي و هسيبك بس اتمني تردي تتكلمي بلاش هروب ممكن ريهام.... بابتسامه ماشي محمود...طب مفيش خلي بالك من نفسك هتوحشني اي حاجه ريهام...اهو ابتدينا تلزيق يلا ياعم اتكل علي الله خلينا نشوف اكل عيشنا محمود....بضحك ماشي يا عم الحج ابقي رشي مايه قدام المطعم و اخرجي قولي اصطبحنا و اصطبح الملك لله ريهام....بضحك طيب يلا بدل ما اغرقك محمود....بضحك ماشي عايزه حاجه ريهام....بسعاده لا سلامتك محمود...هتوحشيني هااااا ريهام.....بضحك و انت يا عم حودا يلا بقي امشي محمود....بااااي ريهام....باي قفلت وراه الباب وهي طايره من الشعاده وهو نزل مبسوط من عندها و طاير اكتر منها و كانت اغرب طريقه للاعتراف بالنسباله كلها ضحك و روح تجنن . ............... قضت نعيمه اليوم مع اهلها و فرحه نادر برجوعها و مفاجئتها ليه كانت تجمن فضل حاضنها و مبسوط انها جات بالسلامه اتكلموا معاها و سألوها و كان ردها عليهم نفس ردها علي البنات و الشباب حاولوا يهدوها و يتكلموا بكل خير عن فضل و طلبوا منها ترجع و تصلح اللي حصل وهي قالت انها هتعمل كده و كملوا قعدتهم بكل سعاده و حب .................. في صباح يوم جديد.... و للحديث بقيه........

مقالات ذات صلة

چاسمين

تعاهدنا

لقاء كارثي

ابن ليل

لقاء كارثي

لقاء كارثي

اترك تعليقاً إلغاء الرد