لقاء كارثي

لقاء كارثي أميره أسامه صاحبة البطل الواحد . البارت المئه 128. ............................. قربت أيمي من المكان بتاع الچيم فتحت الباب بهدوء لقت رشيد عمال يلعب واقف بس بالبنطلون و مش غير تيشريت رابط علي المعصم عنده رباط في كفوفه عشان يقدر يشيل حديد مكانش مركز انها فتحت الباب دخلت و راحت عليه بهدوء و هي شكلها نايم رجعت شعرها لوراء و بصتلوا ايمي.....انت بتعمل ايه يا رشيد ؟ بص رشيد وراه بسرعه وسكت ايمي....في ايه يا حبيبي مالك ؟ رشيد....مالي بلعب يا ايمي ايمي...بصتلوا نبرة صوته و رده عليها كان غريب عنيف شويه ايوه يا حبيبي شايفه انك بتلعب بس يعني من امته وانت بتلعب متأخر كده و بعدين انت صاحي من النوم تلعب رشيد....عادي يعني بقالي كتير ملعبتش و بعدين انا منمتش لسه ايمي....طيب ما تنام و اصحي بدري قبل الشغل حتي لو ساعه العب رشيد....ساب الجاهز و بصلها و هو بينشف وشه في فوطه صغيره هو انا مضايقك في حاجه يا ايمي ؟ ابمي....يعني ايه مضايقني في حاجه رشيد...يعني اني العب او اصحي ده مضايقك عاملك ازعاج بصتلوا ايمي بصدمه ايمي...لا بس مستغرباك رشيد....بلعب يا ايمي بلعب ايه الغريب في اني بلعب او معنديش نوم وبعدين انتي قومتي ليه مش قولتلك نامي انا راجع ايمي...انت قولت هتشرب سيجاره و ترجع وبقالك نص ساعه قلقت عليك وجيت اشوفك رشيد....و انا كويس اهو يا ايمي روحي انتي نامي متشغليش بالك بيا بقي بصتلوا ايمي و فصلت ساكته شويه و مربعه ايدها و بصاله وهو بيكمل لعب كانت مستغرباه اوي و مستغربه طريقه كلامه ورده عليها فضل يلعب و ميدها ضهره و بعد ما خلص عدد العدات ساب من ايده و لف بصلها رشيد.....ايمي انا مطول شويه متفضليش واقفه كده روحي نامي ايمي.....مش عايزه انام يا رشيد النوم راح بس لو وقفتي مضيقاك عادي هخرج بس انا عايزه افهم رشيد....لا حول ولا قوة الا بالله معنديش نوم و قومت خرجت بره عشان مقلقكيش و جيت العب حديد شويه فهمتي كده ايمي....بهدوء و تمالك لاعصابها من عصبيته الغير مبرره حبيبي انت كويس؟ انا مزعلاك في حاجه رشيد....لا يا ايمي بلعب بلعب عادي ايمي....ايوه بس انت كنت تعبان من الصبح و جسمك تاعبك بتتعب نفسك ايه الا لو كان في سبب مخليك تخرج فيه الباور ده رشيد....هو في ايه ايمي حصل ايه لكل الاسئله و التحقيق اللي انتي عملاه ده كل ده عشان قومت العب شويه اخرج يا ايمي لو ده هيريحك نبره صوتوا كان باين عيها النرفزه بصتلوا ايمي و رفعت حاجبها و جابت اخرها ايمي....هو في ايه يارشيد مالك؟ متعصب ليه و ليه بتتكلم معايا كده اصلاً زعلان اوي اني بطمن عليك مش من حقي افهم ايه سبب التغير المفاجئ ده من الصبح و انت كويس و لحد ما جينا ننام وانت تمام ايه اللي غيرك كده مش فاهمه رشيد...انتي بتعلي صوتك ليه؟ ايمي....بعصبيه هو ايه اللي بتعلي صوتك ليه من اول ما دخلت عليك وانت بتعلي في صوتك ونازل عصبيه ونرفزه من غير سبب بحايل و بكلم فيك وانت نازل سلخ فيا بطريقه زي الزفت قومت من جنبي مره واحده وخرجت غريبه اوي اني اطمن عليك و مش غريب تصرفاتك رشيد...هكون قومت ليه يعني يا ايمي قايم اكلم حد و لا احب عليكي ايمي.....بغضب بس هادي من غير ما ترفع صوتها بس ملامحها كان باين عليها انها في قمة غضبها طيب بص يا رشيد اولاً اسلوب التريقه ده مش مسموح تحت اي ظرف عايز تصحي تسهر تلعب حديد تعمل اللي انت عايزه انت حر و لو علي سؤالي اعتبرني مسألتش بس دي اول واخر مره يا رشيد هسمحلك تتكلم بطريقتك دي معايا انت فاهم سابته و مشيت و هي متعصبه منه علي الاخر غمض رشيد عينه بغضب و بعدين مسح وشه و كمل لعب خرجت ايمي راحت علي المطبخ حطت مايه في كوبايه و وقفت تشرب و هي بتحاول تهدي نفسها شغلت مكنه القهوه و سحبت السجاير من علي البار بتاعت المطبخ و ولعت سيجاره كانت اول سيجاره تشربها من بعد ما عرفت انها حامل في السفريه.. خدت القهوه وعلبه السجاير و راحت علي اوضتها . حطتهم علي الكمودينو وقلعت الروب وقعدت علي الكرسي و حطت رجل علي رجل و فضلت تشرب في السجاير بعصبيه فظيعه اما عند رشيد فارجع كمل لعب تاني بس وقف مره واحده و اضايق من اللي حصل هو مش قاصد يتعصب عليها ولا قاصد يعصبها فكان مش طايق نفسه اكتر مسح وشه و خد التيشرت لبسه و فضل يستغفر كتير عشان يهدأ و بعدين قرر يروح يشوفها. خرج بهدوء و راح هو كمان شرب و بعدين راح علي الاوضه اول ما فتح وشاف السيجاره في ايدها اتصدم كانت قاعده بتهز في رجلها جامد و ملامحها متبشرش بخير ودي كانت تالت مره يشوف ايمي في الحاله دي من اول ما عرفها اول مره لما اتخانقت مع امنيه اختها يوم فرحهم وتاني مره لما طلعت في صحابها بسبب مشكله ليله و دي كانت تالت مره.. بصلها بس مكانتش بصاله ولا مدياه اهتمام باصه بعيد عنه و عماله تشرب في السيجاره دخل وقفل وراه رشيد....انتي بتعملي ايه يا ايمي ؟ بصتلوا بغضب.. ايمي.....ميخصكش يا رشيد ردها عليه صدمه و كان لازم في الوقت ده يهدي هو عصبيته قدام عصبيتها رشيد...يعني ايه ميخصنيش ايمي....يعني زي ما سمعت اتعصبت و انفعلت لما سالتك بتعمل ايه بليل كده و حسيتني اني بتدخل في حاجه متخصنيش انت كمان بتدخل في حاجه متخصكش رشيد.....خد نفس طيب اقفلي السجاير دي يا ايمي من فضلك عشان غلط علي الحمل ايمي.....قولتلك ميخصكش و ملكش دعوه بالحمل و من هنا ورايح اللي انا عيزاه هعملوا تمام رشيد....لا مش تمام يا ايمي مش معني انك متعصبه مني تبوظي اللي بنحاول نحافظ عليه الحمل ملهوش علاقه يا ايمي ايمي.....انت اللي ملكش علاقه اللي ربنا عايزه هيحصل سواء حافظت او محافظتش بس انت متدخلش اشرب سجاير اخرج انزل الشغل انا حره تمام و ابعد عن وشي الوقت يا رشيد عشان انا عفاريت الدنيا بتتنطت قدامي رشيد.....بهدوء ايمي حصل ايه لكل ده ايمي.....انت بتسألني انا ضحكت بسخريه لا بجد السؤال ده انت بتوجهه ليا رشيد...ايمي ممكن تهدي شويه بلاش العصبيه دي من فضلك وانا اسف يا ستي حقك عليا انا بس كنت حاسس اني مخنوق شويه و من غير سبب والله فا قولت اقوم العب عشان اخرج الطاقه دي في اللعب و اقدر ارجع انام هي دي كل الحكايه و لو علي عصبيتي عليكي فا انا قولتلك كنت مخنوق مش اكتر و مكنتش قاصد اني اتعصب بجد بصتلوا ايمي بزعل و فضلت ساكته رشيد....ايمي اقفلي السجاير عشان خاطري انا قولتلك حقك عليا انا اسف ايمي....و انا مش قابله اسفك يا رشيد عشان هو مش بمزاجك انت فضلت تتعصب وانا ساكته و عارفه انك مضايق و قولت عادي بس انت مسكتش و طريقتك واسلوبك معايا كانوا زي الزفت ومن غير سبب حسيتني اني عملت مضيبه لما قومت اطمن عليك بس تمام انت عندك حق و من هنا ورايح مش هسأل و انت كمان متدخلش في اي حاجه اعملها و متتكلمش معايا في موضوع الحكل مش هتخاف علي ولادي اكتر مني رشيد.....وانتي كده خايفه عليهم طيب يا ستي انا اللي مزعلك هما ايه ذنبهم و بعدين انتي كمان هتتعبي ايمي.....ميخصكششش انت مش خايف عليا خايف عليهم و انا بقي مش هريحك يا رشيد تمام عشان لو خابف عليهم وعليا بجد مكنتش وصلتني لكده ولا اتعصبت عليا من غير سبب كان ممكن تقولي مش عايز اتكلم الوقت تقولي مخنوق او تصحيني و تتكلم معايا في اي حاجه مضيقاك وانت عارف كويس اني هسمعك لكن طريقتك دي مش مقبوله فهمت يا رشيد رشيد....طيب ايمي انا اعتذرت علي فكره انتي كده بتكبري الموضوع وهو مفيش موضوع اصلا ايمي....ااااه اوك انا بكبر الموضوع زي ما انت كبرته من شويه سيبني بق يفي حالي الوقت عشان ميكبرش فعلا رشيد...بهدوء تمام يا ايمي هسيبك بس ياريت دي تبقي اخر سيجاره بصتلوا بغضب و مردتش عليه راح بهدوء خد غيار و دخل خد شاوي. فضلت قاعده تشرب قهوتها و السجاير و حاولت تهدأ شويه و بعدين قامت بهدوء راحت علي السرير في مكانها و خلت ضهرها ليه عشان لما يخرج متبصش عليه اصلا. خرج رشيد من التويلت بصلها بهدوء كانت متغطيه و مدياه ضهرها بص علي الطفايه لقاها شاربه ثلاث سجاير مكانش طايق نفسه فرش المصليه و وقف صلي ركعتين و بعدين خلص وراح علي السرير طلع جنبها و بصلها و مال عليها يسبوها من راسها بعدت عنه لاخر السرير خد نفس عميق و سابها براحتها فضل ساند راسه علي ضهر السرير رشيد....بهدوء انا اسف كانت مغمضه عينها بس سمعاه رشيد....انتي عارفه ان ميهونش عليا زعلك بس والله مكنتش قاصد و بعدين يعني انا متعود انك بتتحمليني و بتعدي اول مره اشوفك زعلانه اوي كده طيب انا مش هعرف انام غير في حضنك لو مش عايزه تكلميني هسيبك براحتك لحد ما تهدي خالص بس ههون عليكي انام من غير حضنك يا ايمي سكت وبصلها وهي منطقتش ولا قربت منه رشيد....ايمي عارف انك مش نايمه ايمي.....خدت نفس طويل رشيد من فضلك نام و متتكلمش معايا خالص رشيد....طيب زي ما تحبي عموما متزعليش مني و تصبحي علي خير يا قلبي . قفل النور جنبه و نزل لتحت و فضل باصص في السقف مدت ايدها قفلت النور جنبها و سكتت مدرتش عليه فضلوا هما الاتنين صاحيين هي علي نفس وضعها و هو فضل يتقلب كتير و مش عارف ينام كانت حاسه بيه مضايق و زعلان انه زعلها فكر رشيد ان سكونها ده نوم قرب بهدوء من ضهرها و حضنها بهدوء فظيع عشان متصحاش غمضت عينها بقوه و سابته دفن وشه في رقبتها من وراء و عشر دقايق و حست انه هدي خالص و نفسه انتظم وراح في سابع نومه رفعت كفها بهدوء مسكت كفه و غمضت عينها هي كمان ونامت. ................... اما عند تامر و ايه الوضع كان مختلف بعد ما داس تامر بنزين و طار بالعربيه و بعد عن الرجاله اللي كانت بتجري وراء البنت كانوا يعتبروا قربوا يوصلوا من بيتهم اصلا فضل مراقب المرايات و هي كمان باصه علي وراء بخوف و ايه عماله تبص لتامر و مش فاهمه في ايه.. اطمن تامر ان مفيش حد وراهم ركن العربيه مره واحده علي جنب و بصلها هو و ايه.. البنت....وقفت ليه امشي والنبي ابعد احسن يكوموا ورانا تامر....انا لا هبعد ولا هدور العربيه تاني انتي الوقت حالا تقولي انتي مين و ايه اللي ركبك معانا دي لعبت جديده صح البنت....لعبة ايه انا مش فاهمه انت سوفت اللي كانوا بيجروا ورايا ايه.....ماهما تبعك انتي و مريم انزلي حالا بدل ما ناخدك علي القسم و نبهدلك البنت.....بخوف و هي بتمسح دموعها قسم ليه انا مش فاهمه انتوا بتتكلموا عن ايه اصلا و انتوا تعرفوا مريم منين ايه.....المفروض احنا اللي نسألك مش انتي تامر.....بصي انتي هتنزلي الوقت حالا و تختفي من قدامي في لحظه بدل ما هاخدك من ايدك واحبسك خافي علي نفسك يا بنت الناس عشان كل اللي مشيوا وراء مريم سكتهم معروفه اخرها كان ايه ايه....بغضب و خوف انا مش فاهمه انتوا عايزين مننا ايه تاني هي الحيوانه دي مبتتهدش اييييه بسبع ارواح لسه مجنداكم حتي بعد ما دخلت المصحه تامر.....بس ايه متتعبيش نفسك معاها يلا انزلي و حاااالا بصت البنت برعب علي الطريق و هي هايفه و مرعوبه و بتعيط و رجعت بصتلهم البنت....طيب طيب انا هنزل بس هو واضح ان في سوء تفاهم علي فكره واضح كمان ان مريم اللي بتتكلموا عليها غير مريم اللي انا اقصدها مريم اللي انا اقصدها دي تبقي خالتي و انا اصلا هربانه منها هي مش في مصحه ولا حاجه و اللي كانوا بيجروا ورايا دول جوز اختي و الاتنين الي معاه بيشتغلوا مع خالتي في المكان بتاعها كانت بتتكلم و دموعها بتجري علي خدها كأن في حنفيه مايه فتحت و مش بتقفل أيه....يعني ايه مريم دي مش اللي كانت خطيبه عشري؟ البنت.....بدموع عشري مين؟ بصت ايه لتامر ايه....واضح اننا فهمنا غلط تامر....بغضب انتي هتصدقيها بقولك ايه يا بت انتي تختفي حالا من وشي بدل ما تندمي ايه.....تامر ممكن تهدأ البنت شكلها خايفه بجد و مش بتمثل تامر.....بطلي هبلك ده شويه البنت...بدموع طيب خلاص خلاص انا اسفه بجد اني ركبت معاكم والله العظيم انا ما اعرفكم ولا انتوا تعرفوني انا بس لو مكنتش ركبت في عربيتكم كانوا لحقوني و كانوا هيقتلوني لو كنت وقعت في ايدهم انا كنت عايزه ابعد بس لكن والله ما اقصدت اي حاجه و شكراً بجد علي مساعدتكم ليا و اسفه مره تانيه علي الكريقه اللي ركبت بيها قتحت الباب و نزلت و خدت الشنطه الي كانت في ايدها لبستها علي ضهرها و فضلت تبص حواليها بخوف و مدت لقدام شويه و وقفت علي جنب في مكان وسط زرع عماله تمسح دموعها. تامر.....انتي هبله يا ايه نفسي اعرف هتبطلي هباك ده امته ايه.....تامر اهدأ انا اه خوفت و اتوترت لما قولنالها انتي تبع مريم وسألتنا انتوا تعرفوها؟ بس واضح ان في حاجه غلط البنت مش بتمثل يا تامر تامر.....هي عشان نزلت دمعتين تبقي صادقه ما الواد اللي جالك في المحل عرف يمثل عليكي الراجل اللي خطف عمر مثل عليه مريم نفسها كانت عامله فيها بريئه و ده علي كلامكم كلكم فا متصدقيش الدمعتين دول وبطلي طيبة قلبك دي ايه....مش طيبه قلب يا تامر انا مصدقه دموعها البت بتترعش كان في كهرباء ماسكه في جسمها و بعدين اهدأ كده وفكر بالعقل هي لو بجد بتمثل لما نقولها انتي تبع مريم هتقولنا ايه ده انتوا تعرفوها ؟ بالعقل كده وقتها هتمثل بجد وتقول مريم مين او تحاول تتوه مش تأكد شكنا بص تامر عليها من بعيد و هو بيفكر في كلام ايه . تامر.....يعني ايه ؟ ايه....يعني البنت دي عندها مشكله بجد و اللي كانوا بيجروا وراها دول شكلهم مش مريح وخوفها حقيقي فا من رأيي نشوفها حرام يعني لو محتاجه مساعده او محتاجه فلوس حتي تامر.... يا ايه افهمي البت دي لو مش بتمثل كانت نزلت جريت و مقعدتش كده لو خايفه بجد ان حد يلحقها مش هتقعد في الشارع هتستخبي انما دي قاعده كده عشان تصعب علينا ايه.....او يمكن مش معاها فلوس زي ما قولتلك يا تامر ماهي بتقولك هربانه جايز مش معاها فلوس او موبايل جايز خالتها اللي هربانه منها دي عايزه تجوزها غصب عنها هي و جوز اختها خلينا حتي علي الاقل نسألها لو تحب تروح القسم تبلغ او لو محتاجه فلوس عشان تعرف تتحرك و بعدين انت قلقان من ايه احنا هلاص قريبين من البيت و لو حد عايز يعمل حاجه كان طلع علينا بعيد عن بيتنا تامر.....اوووووف ايه لا تكون اللي اسمها مريم دي هربت و لا عارفه تتواصل مع حد وهي جوه ايه....لا مهربتش يا تامر دي واحده كانت عايزه تنتحر و هي الوقت تحت حراسه جامده و اكيد محدش هيعرف يتواصل معاها غير اهلها وبس و كمان بطلب لانها المفروض كانت تتحبس صدقني انا حاسه ان الموضوع بعيد عن مريم تامر....من شويه كنتي مرعوبه و شايفه ان مريم اللي زقاها علينا ايه....عشان الطريقه اللي ركبت بيها وقفت قلبي بس بالعقل يعني مريم اكيد مش هتحاول معايا انا تاني لاني لو مخدتش حذري اول مره اكيد هاخد التانيه و مش هقع في نفس الغلط و زي ما قولتلك مستحيل نقولها انتي تبع مريم تأكد كلامنا وتقولنا انتوا تعرفوها تامر....ماشي يا ايه خلينا نشوف اخرتها دور العربيه و اتحرك راح وقف قدامها كانت قاعده علي الرصيف العالي وسط الزرع و حاطه زنط علي راسها تامر.....نزل شباك ايه بقولك ايه تعالي لحظه. قامت البنت و هي بتبص شمال و يمين و قربت من شباك ايه و هي واقفه عالرصيق من فوق و ضامه نفسها البنت....بدموع ايوه تامر...اركبي وراء لحظه البنت...بدموع ليه؟ تامر....بعصبيه بسيطه هسألك كام سؤال و بقولك اركبي عشان محدش يشوفك. ولا انتي اللي بيجروا وراكي دول تبعك و بتشتغلينا ايه.....استني يا تامر لحظه اركبي متقلقيش احنا بس عايزين نسألك كام سؤال وبعدها انزلي براحتك قربت البنت من الباب وركبت بهدوء بصلها تامر و ايه و هي بصتلهم مستنيه سؤالهم. ايه....هو مبدأياً كده انتي اسمك البنت.....ليه؟ ايه....براحتك مش حابه تقولي تمام بس عشان اعرف اتكلم معاكي عموما انا اسمي أيه و هو تامر البنت.....وأنا نغم تامر....طيب يا نغم يعني لو فرضنا انك فعلا هربانه من حد و اللي بيجروا وراكي دول كانوا فعاً عايزين يأذوكي ايه اللي يخليني اصدق كلامك نغم....مش عايز تصدقني براحتك انا اسفه يعني ميهمنيش انك تصدق انت ظهرت قدامي بعربيتك و عملت معايا جميل انك مشيت بسرعه بالعربيه قبل ما حد فيهم يمسكني اكتر من كده لا انت مضطر تساعدني ولا انا مضطره اقنعك اني مبكدبش عليك بصلها تامر بغيظ تامر.....حلو انتي صح طيب هو في حد هربان وخايف انه يتمسك او يتشاف يقعد في وسط الشارع كده علي فكره احنا مبعدناش عنهم اوي يعني لو لفوا لفه محترمه بسهوله هيلاقوكي غير ان الجو الوقت هادي بصت نغم حواليها و بصت وراء ايه....اهدي متخافيش استني يا تامر بصي يا نغم هو انا مبدأياً حاسه اني مصدقاكي و مش عارفه ليه بس يعني هو انتي عامله حاجه عشان الناس دي تجري وراكي خصوصا ان انتي بتقولي خالتكو جوز اختك يعني اللي بيجروا واكي دول تعرفيهم و اهلك نغم.... مسحت دموعها هما اللي عاملين و عايزين يموتوني عشان منطقش تامر.....طيب و ليه تهربي فين باقي اهلك مامتك اختك اي حد ولا كل اهلك عايزين يقتلوكي وانتي ضحيه نغم....هو انت ليه مصمم في كلامك اني عامله مصيبه تامر.....ماهو اي حد بيحصلوا حاجه بيلجأ لاهله و لو اهله دول مش كويسين اكيد عنده حد يلجأ ليه غير انه يهرب و يجري في الشارع و يركب عربيات الناس و يقتحمها نغم....اولا انا اعتذرت عالطريقه اللي ركبت عربيتك بيها ثانيا مش من حقك تحكم عليا و انت متعرفش اي حاجه جايز معنديش حد الجأ ليه جايز حاولت و محدش صدقني جايز الكل اعتبرني مجنونه فضلت تمسح في دموعها تام بص لايه و الاتنين مكانوش فاهمين اي حاجه بس حاسين ان في حاجه كبيره. ايه....عادي بتحصل طيب علي فكره في شرطه و قانون يقفوا معاكي لو عندك مشكله كبيره فعلاً نغم ....بدموع و حزن كبير فضلت تمسح في دموعها و هي باصه علي الموبايل في ايدها كان متكسر خالص و رجعت بصت لايه اكيد هعمل كده لان معنديش حل تاني بس للاسف لازم يكون في دليل و انا كل الحجات اللي تثبت اني مش مجنونه و ان اللي حاصل معايا كبير كان موجود علي الموبايل ده بس للاسف اتكسر و قع مني وانا بجري و مش عارفه اصلا هو هيتصلح و ده كسر في الشاشه بس ولا حصل فيه حاجه. تامر....وريني كده بصتلوا و مدتخوش الموبايل تامر.....هاتي مش هاكله والله مدت أيدها بالموبايل. تامر....بص فيه كانت الشاشه متدغدغه و الضهر مكسور و الماميرا كمان هو داس عليه قطر ولا ايه. نغم....وقع مني مرتين مره و انا نازله بجري علي السلم و مره و انا بجري منهم و بنط سور تامر....طيب هو اتكسر خالص بس بيتهيألي يعني لو اتصلح ممكن يتفتح عادي و كمان بيتهيألي الشرطه بسهوله تقدر تجيب الداتا اللي عليه عادي ايه.....صلحيه طيب و شوفي يمكن يشتغل هزت نغم راسها بقلة حيله و سكتت ايه....ااا طيب انتي معندكيش اي حد تروحي ليه بعني لو حابه نوصلك لاي مكان لان الوقت متأخر حد من اهلك قرايبك صحابك نغم.....بدموت هزت راسها بلأ معنديش حد تامر....يعني ايه معندكيش حد امال انتب كنتي بتهربي ورايحه فين نغم.....انا كنت بهرب لان لو كنت قعدت كانوا هيموتوني اهل امي معرفش منهم غير خالتي اللي هي مريم و اخوها يبقي خالي بس من اب تاني و ملوش علاقه بينا اوي ماما متوفيه و جدتي كبيره و كانت عايشه مع خالتي و في اهل ماما بس علاقتي بيهم مش حلوه كاهم بيحبوا خالتي و بيصدقوها و محدش صدقني ايه....طيب بباكي و اهل بباكي فين نغم....ببايا منفصل عن ماما من زمان و متجوز و عايش في الاسماعيله مع اهل مراته و انا معرفش اصلا مكانه و ليه اخت واحده طول عمرها اصلا مقاطعانا مكانتش بتحب ماما و معرفش اصلا عنها حاجه تامر....ده ايه العيله المفككه دي يغني ملكيش حد خالص غير اهل والدتك اللي كلهم مش مصدقينك نغم....نصيبي كده اعمل ايه ايه...طيب فين اختك انتي بتقولي اللي بيجري وراكي جوز اختك يعني هي اكيد موجوده برضوا مش مصدقاكي حطت نغم ايدها علي وشها و فضلت تعيط نغم....اختي ماتت او بمعني اصح اتقتلت عموما انا رديت علي كل اسئلتكم لو سمحت هات الموبايل عشان انزل. ايه...استني بس هتنزلي تروحي فين انا عايزه اساعدك بس انا مش فاهمه برضوا انتي هربانه من ايه و ليه بيعملوا كده ؟ نغم....مش مهم المهم اني ريحتكم انا مش تبع حد تعرفوا لو مريم اللي تقصدوها تبقي خالتي اكيد كنت هعرفكم بس مش هي مع اني اتوقع منها اي حاجه وحشه تامر....طيب هو في سؤال حابب اسأله انتي بتهربي من ناس بيجروا وراكي و خايفه يقتلوكي والناس دي تبقي اهلك عادي انك تركبي مع ناس متعرفيهمش مفكرتيش ان الغريب يأذيكي او تبقي عربيه مليانه شباب نغم....لا مفكرتش انا كنت واثقه اني كده كده ميته بس اكيد انت مش هتقعد تستني الموت علي الاقل هتحاول و انا حاولت من غير ما افكر وانتوا ساعدتوني و خلاص خلصنا في اي سؤال تاني ايه....طيب انتي هتروحي فين الوقت نغم.....معرفش هقعد في اي مكان لحد ما الصبح يطلع و هتصرف ايه...ملكيش صحاب نغم...ليا بس علاقتي بيهم مش قويه لدرجه اني اروح اقعد عندهم ايه......ايوه بس انتي في مشكله واكيد عادي انك تلجأي ليهم و بعدين انتي معاكي فلوس طيب نغم....بدموع متشغليش بالك ياريت الموضوع يخلص علي فلوس ايه....اكيد هتحاجي فلوس تصلحي الموبايل و تعرفي تتحركي بيها علي الاقل تامر...طيب ماتروحي لبباكي نغم.....بابا علاقته بيا شبه معدومه ايه...بس انتي بنته في النهايه نغم....بدموع معرفش بيته للاسف عمري ما روحتلوا ايه....كلميه نغم....مش حافظه رقمه للاسف و الموبايل مكسور و اصلا انا واثقه انه عشان يريح دماغه مش هيصدقني لانه مش هيبقي حابب وجودي مع مراته تامر..... يعني انتي لا معاكي فلوس و لا موبايلك شغال و لا عندك حد تروحيلوا نغم......انا نزلت بسرعه من البيت مش معايا غير غير صور ماما و اختي و معايا سلسله بتاعت مامت الله يرحمها يعني بس الصبح يطلع و هحاول ابيعها عشان اقدر اتصرف بتمنها بصت ايه لتامر و فضلوا يبصوا لبعض شويه. تامر....بصلها هو انتي بتتكلمي جد ولا بتشتغلينا نغم.....تاني هو انا هشتغلك ليه انا اعرفك بقولك ايه اديني موبايلي بعد اذنك خليني انزل انا لا عايزه منك حاجه ولا عايزه اي مساعده كفايه بس انك هربتني منهم و شكرا فتحت الباب و نزلت و قربت من شباك ايه و مدتلوا ايدها نغم...التليفون لو سمحت طلع تامر محفظته من جيبه و طلع مبلغ و مدلها ايدها بالموبايل و الفلوس تامر....خدي دول اكيد هينفعوكي نغم....مسحت دموعها وخدت الموبايل شكراً انا مش عايزه فلوس خدت الموبايل و بعدت راحت قعدت في المكان اللي كانت فيه تاني . تامر....هي البت دي مجنونه و لا وراها مصيبه ولا ايه بالظبط ايه.....شكلها واقعه في مشكله كبيره يا تامر و بجد صعبانه عليا اينعم انا معرفش هي فيها ايه و لا اهلها بيعملوا معاها كده ليه بس حاسه ان في حاجه تامر....دور العربيه ربنا معاها بقي لو هي بتتكلم جد ايه.....تامر استني هو احنا هنسيبها كده تامر.....هنعمل ايه يعني ادتها الفلوس مش راضيه تاخدها ايه....ماشي بس دي بنت و شملها صغير لسه اكيد مش هنسيبها بايته في الشارع اصلا لو حد من الامن لمحها هيمشوها تامر....طب اعمل ايه ايه....ناخدها معانا لحد ما الصبح يطلع و بعدين تروح مكان ماهي حابه تامر....انتي هبله يا ايه ناخدها فين ابوكي لو شافني راجع ببنت علي البيت هيطردني انا وهي و بعدين يعني افرضي وراها مصيبه ولا هي بتكدب وعامله مصيبه هنروح في داهيه ايه.... مصيبه ايه اللي هتعملها يا تامر انت مش شايف شكلها دي صغيره خالص تامر....وافرضي بتشتغلنا و تبع مريم فعلا ناخدها بسهوله البيت ايه.....لا يا تامر دي ملهاش علاقه بمريم و بعدين لو حاولنا معاها شويه هنعرف ايه حكايتها و كمان اكيد معاها بطاقه خلينا نشوفها تامر....ايه بابا مش هيسكت ايه.....مش هيقول حاجه والله هتصعب عليه انا عارفه بابا كويس و بعدين مش هتهون عليه انها تنام في الشارع بقولك لحد الصبح يعني نصلح موبايلها حتي عشان تقدر توصل لبباها تامر.....هو انا بصراحه حاسس انها صعبانه عليا بس عارف بابا و بعدين افرضي رفض ايه....هنحكيلوا اللي حصل انا وانت و اكيد هيعذرنا لما يسمع يلا خلينا ناخدها حرام تامر....اوووووف طيب قوللها انتي عشان متقلقش برضوا ايه....طيب قرب منها قرب تامر بالعربيه منها ايه.....نغم ممكن تيجي ثانيه قربت منهم نغم بهدوء نغم....نعم ايه.....يعني انا بقول لحد الصبح بس ما يطلع و نشوف موضوع موبايلك ده يمكن يتصلح تعالي معانا البيت نغم....بيت ااا لا لا طبعاً شكراً ايه....اسمعيني بس ده اخويا و في البيت معانا اختي الكبيره و بابا يعني احنا مش لوحدنا و متقلقيش والله اكيد محدش فينا هيأذيكي علي الاقل عشان متناميش في الشارع و كمان لو الامن عدي الوقت هيمشيكي وجايز يلاقوكي نغم....بتوتر فضلت تبص حواليا و بعدين هزت راسها لا لا مش هقدر معلش انا هتصرف تامر....تتصرفي ازاي يعني لا معاكي فلوس و لا عندك مكان تروحي عليه و في ناس عايزه تقتلك و بتقولك لو الامن لمحك هيخرجك ايه.... بهمس بطل تزعق في البت كده تامر...ماهي مستفزه اوي ايه.....بصت لنغم معلش ملكيش دعوه بيه هو عامل عشانك والله تعالي متقلقيش نغم...انا مش عايزه اعملكم مشاكل ايه.....مفيش مشاكل ولا حاجه اركبي يلا لحد ما الصبح يطلع و نشوف هتعملي ايه يلا اطلعي نغم هزت راسها بهدوء و حست ان ده حل ميترفضش نغم...هجيب شنطتي طيب ايه...براحتك تامر...هو يوم ملهوش ملامح ايه....ممكن تسكت شويه و تبطل تطلع فيها تامر.....انا نفسي اعرف جايبه الهبل بتاعك ده منين ايه.....هتنكر انك مصدقها من جواك نقطنا بسكوتك بقي شويه قربت نغم و ركبت وراء تاني و طلع تامر بالعربيه دقايق بسيطه و كانوا تحت البيت وصلوا.. تامر....وصلنا انزلوا يلا. اتصلت ايه علي سلمي.. سلمي...بنوم الووو ايه....سلمي احنا تحت البيت و وصلنا ممكن بس تصحي عشان عايزينك سلمي...في ايه يا أيه ايه...لما اطلع هقولك بس اصحي معلش سلمي...طيب ماشي باي ايه...باي. قربت من نغم و ابتسمت بهدوء ايه....يلا يا نغم نغم....ااااا بصي هو ايه.....في ايه قلقانه ليه علي فكره انا كنت بتصل باختي تصحي تفتحلنا عشان بعني تبقي معانا واحنا بنقول لبابا تامر....يلا حد فيكم ناسي حاجه نغم....انا مش عايزه اعملكم مشاكل بجد ايه....مفيش مشاكل والله تامر....احنا هنفضل في نفس الحوار خلصونا بقي نغم....انت بتزعق ليه طيب ايه...بابتسامه لا هو كده علي طول تامر.....عشان عماله تقولي نفس الملام مش عايزه اعمل مشاكل مش عايزه اعمل مشاكل طلبعي هتعملي مشاكل راجت لابويا و في ايدي بنت اكيد هيحس اني عامل مصيبه لحد ما يفهم الحقيقه ياريت نخلص بقي و نطلع ايه.....بابتسامه يلا يا نغم تعالي راحت معاهم علي الأسانسير و طلعوا علي فوق طلع تامر المفتاح و فتح سلمي كانت صاحبه و بتتكلم مع احمد هو كمان كان صاحب و فاتح التلفزيون مستنيهم. دخل بهدوء و وراه أيه و نغم في الاخر تامر....اااا احممم سلام عليكم احمد وسلمي....عليكم السلام ايه....بابا احنا معانا ضيفه احمد..... اهلا وسهلا اتفضلي يا بنتي تعالي ايه.....ادخلي يا نغم تعالي دي نغم يا بابا احمد....اهلا بيكي يا بنتي نغم....بتوتر فظيع اهلا بحضرتك يا عمو ايه.....ده بابا يا نغم و دي سلمي اختي الكبيره نغم....اهلا بحضرتك سلمي....بابتسامه بسيطه مكانتش فاهمه حاجه اهلا يا نغم اتفضلي ققلت تامر الباب احمد....اقعدي يا بنتي اتفضلي نغم....شكراً احمد ...بابتسامه انتي صاحبه ايه انا اول مره اشوفك نغم...اااا لا مش صاحبتها تامر....بابا معلش تعالي معايا شويه انت و سلمي احمد.....طيب ماشي بعد اذنك يا بنتي نغم...اتفضل ايه....بابتسامه نورتي البيت نغم....بابتسامه هاديه شكرا بجد و يارب مبقاش سبب في اي مشكله ايه...مفيش مشكله ولا حاجه متقلقيش بابا طيب اوي و اكيد عني طبيعي انه يبقي مستغرب نغم....اكيد طبعاً ايه....تشربي ايه نغم...لا لا ولا اي حاجه شكراً ايه...لا لازم تشرب يلا قولي نغم....طيب ممكن مايه بس ايه...اكيد لحظه دخلت ايه جابتلها مايه و رجعت ايه.....اتفضلي بعدت نغم رجلها من ميلو اللي عمال واقف قدامها مش مبطل هوه هوه ايه....ميلووووو بس متخافيش ميلو طيب هو اي حد يشوفوا لاول مره بيفضل يهوهو كده ضحكت ضحكه هاديه بس في كل الاحوال يعني هو صوت عالفاضي ابتسمت نغم بهدوء و سكتت ايه....خايكي براحتك رجعالك نغم.....ماشي دخلت ايه عليهم الاوضه وردت الباب شويه. احمد.....انت اكيد اتجننت جايب بنت غريبه لا نعرف اصلها ولا فصلها و كمان هربانه من اهلها و تقولي تفضل معانا لبكره من امته و انا بقبل حاجه زي دي ايه....بابا علي فكره تامر ملهوش دعوه انا اللي اقنعتوا اننا نجيبها هو قالي بابا ممكن يتعصب احمد...بعصبيه اسكتي انتي كمان مسمعش صوتك عمالين تداروا وتخبزا علي بعض هو قبل ما تنزلوا يقول انا الي قولتلها تعالي اوديكي لسلامه و انا سامعك بنفسي بتقولي لو مودتنيش هروح لوحدي و الوقت بتدافعي عنه خلااااص اتعلمتوا الكدب بصوا الثلاثه لبعض و سكتوا احمد.....جرالكم ايه طيب كدبة سلامه وهعديها وهقول كنتي قلقانه وهو محبش يزعلك انما تخرجوا و تجولي بمصيبه ايه....يا بابا حضرتك لو كنت معانا وشوفت اللي حصل اكيد كانت البنت هتصعب عليك و اكيد مكنتش هترضي تسيبها في الشارع احمد...وايه بقي اللي حصل ان شاء الله مسالتوش نفسكم و لو للحظه ان جايز البنت تكون عامله مصيبه يعني خالتهاو جوز اختها بيجروا وراها طبيعي عامله حاجه وخايفين تجيبلهم مصيبه انتوا سمعتوا منها هي بس عشان كده متعاطفين معاها انما مسمعتوش من اهلها تامر....يا بابا ما هو طبيعي موقفناش بقولك شايف تلاته جايين عليها بيجروا و ملامحهم متبشرش باي خير البنت كانت منهاره و عمال تتنفض اكيد مش هقف اسألها واسالهم و هما جايين هجم عليها طلعت بالعربيه بسرعه و بعدين هي قالت انهم هيقتلوها عايزني اعمل ايه طيب انا اسال ايه حاولت اديها مبلغ بس مرضيتش سلمي.....طيب يا تامر واحده واحده انا كل اللي بفكر فيه الوقت ابه المصيبه اللي ممكن تحصلنا بسبب البنت دي جايز اللي بيجروا وراها دول يكونوا مشيوا وراك جايز تكون تبع حد فعلا زي ما انت قولت علي مريم انا بقيت اتوقع منها اي مصيبه بصراحه و مش شرط يعني انها مقبوض عليها ولا في مستشفى هتسكت اديك شوفت يا تامر في يوم واحد كانت بتعمل الف مصيبه من بعيد لبعيد خبطت رهف بنت اخو عشري و في نفس الوقت بيخطفوا عمر ابن اخت ليله و هي بره عماله تراقب ليله و عارفه كل تحركاتنا يعني مستبعدش اي حاجه منها. احمد.....لا اخوكي شهم ازاي ميطلعش جدع و يودينا في داهيه ولا مش بعيد يكون يعرفها ماهو بجملة الكدب بتاعكم بقي و الست ابه بتداري عليهم تامر.....يا بابا قولتلك اني كنت هساعدها بفلوس او توصليله ايه اللي مرضيتش تسيبها اصلا ايه....بهمس يا وااااطي تامر....ايه مش ده اللي حصل لما اطلع واطي أحسن ما اطلع في نظره عارف البت ولا شاقطها و بمثل عليه سمعوا صوت الباب بيتقفل خرجوا علي بره لقوها مش موجوده فتح الباب بسرعه بص عليها لقي الاسانسير بينزل قرب منهم تاني سلمي.....هي مشيت تامر....طبيعي اكيد سمعت كل حاجه هي اصلا مكانتش عايزه تيجي و مرعوبه ايه....بزعل بابا حرام بجد علي الاقل لحد بكره بس البنت بتقول ملهاش حد موبايلها مكسور و بباها في محافظه تانيه و مش حافظه ارقام و مش معاها فلوس والله العظيم و رحمه ماما كانت مرعوبه و بتتنفض و منهاره و كل اللي طالع عليها هيقتلوني تخيل لو لقوها الوقت و عملوا فيها حاجه كمان هي بتقول ان اختها اتقتلت احمد.....يا بنتي متضغطيش عليا اللي بتقوليه ده لوحده كفيل يرعبني اكتر دي مصيبه يا ايه افرضي اهلها عرفوا مكاننا وبلغوا وقالوا اننا خاطفينها ولا لبسونا مصيبه افرضي هي تبع مريم صحيح ولا حتي الشباب اللي كسروا المحل و عايزين يلبسونا مصيبه عشان يساومونا يا نتنازل با نتحبس و اكيد هي مش هتقف معانا دي حتي لو كلامها جد هتخاف منهم و تتهمنا معاهم ايه.....صدقني مفيش كده انا حوار مريم ده انا اللي شكيت فيه بس بالعقل انت لو تبع حد و سألتك انت تبع كذا هتقولي ايه ده انت تعرفوا ولا هتنكر هي منكرتش و اتصدمت يعني وحياة ربنا انا واثقه انها مش تبع حد هخلينا علي الاقل ناخد بطاقتها نشوف حكايتها ايه سلمي...بهدوء طيب يا بابا خلينا علي الاقل نسمعها احنا مش اطفال ولا صغيرين هيبان من كلامها اذا كانت صادقه ولا كدابه و بعدين دي شكلها صغير مش هتعرفتضحك علينا اكيد هنقفشها احمد.....يابنتي دي بنت و مسؤوليه شكلها عشرين ولا 19 سنه هنروح في داهيه سلمي....خلينا نسمعها طيب و لو خسينا اننا مش مرتاحين نمشيها نساعدها حتي بمبلغ ايه...طيب اقولك نعمل زي ما ليله عملت مع مريم نسجلها و هي بتتكلم عشان لو حضرتك شكك في مكانه وطلعت تبع اي حد او في مصيبه من وراها نبقي عاملين حسابنا لو صادقه خلاص التسجيل معانا ضمان لحد ما هي تمشي سلمي...اه ايه صح خلينا نسجلها و انا هشوف بطاقتها وبكره الصبح ممكن ابعت صوره البطاقه لنادين وهي هتعرف تتصرف في الحته دي و هنعرف اذا كانت بطاقتها ولا لا اصلا احمد بص لتامر تامر....ايه متبصليش انا مليش دعوه ده قراراك احمد....الوقت قراري تامر...انا عملت اللي عليا وحاولت اساعدها و جيبتها وحضرتك رفضت واهي نزلت قدامك عايز ترجعها دي بتاعتك بقي مش عايز ربنا معاها لو هي صادقه احمد....اه بتحطالكوره في ملعبي يعني عايزني احس بتأنيب الضمير ومعرفش انام واشيل همها تامر....لا مش كده بس هما معاهم حق نسمعها علي الاقل و نسجلها زي ما ايه قالت احمد...اجري جيبها تجري مبيجليش من وراكم غير الهم ابتسمت ايه وبصت لتامر ايه...اخلص انت لسه واقف اجري يلا فتح تامر الباب ونزل بسرعه يشوفها. احمد....لا خول ولا قوة الا بالله يارب انت عارف اننا مش بنأذي حد ابعد عننا اي شر سلمي...متقلقش يا حبيبي ان شاء الله خير ايه....والله شكلها طيبه انا حطيت نفسي مكانها بصراحه و مقدرتش اسيبها والله تامر مكانش راضي انا اللي اقنعتوا وقولتلوا بابا طيب مش هيعترض و مش هتهون عليه تقعد في الشارع احمد.....ماشي يا ايه حسابي معاكي بعدين ايه....في ايه يا حمودي انا عملت ايه بس هي اللي وقعت في طريقنا مش يمكن ربنا عمل كده عشان نقف معاها و ننقذها احمد....بنا يستر و يعديها علي خير بس حسابي معاكي علي جمله هروح لوحدي لو مودتنيش ايه....يعني انا كنت هروح اصلا قولتلوا كده ودخلت قعدت عالسرير اسأل سلمي هي اللي جات قالتلي البسي بسرعه كنت بنكشه سلمي....بضحك اه والله كانت قاعده تعيط احمد.....ماشي يا ايه المهم سلامه عامل ايه ايه....بابتسامه متدهول هو و ريهام علي الاخر ................... نزل تامر بسرعه خرج من باب البيت بص شمال ويمين مكانش لاقيها خرج علي بهر شويه و راح ناحيه الشمال جري حوالين السور و رجع تاني الناحيه التانيه مكانش ليها اثر فضل يبص اختفت تماماً بص علي الصف التاني يحاول يشوفها مكانش في حد غير عربيات وبين كل عربيه و عربيه وقت الدنيا هاديه خالص نفخ بهدوء و حس انه مضايق عشانها بس مفيش حاجه في ايده يعملها دخل تاني علي جوه عشان يطلع قبل ما يفتح الاسانسير حس انه سامع صوت ساب ايده و مشي علي جوه وراء الاسانسير كده كان في كام درجه و جزء بيقعد فيه حارس العماره بتاعتهم. لمحها قاعده علي دكه حديد و الباب بتاع الحارس مقفول و بتعيط بهدوء. تامر.....نغم بصتلوا و هي بتعيط تامر....انا بدور عليكي مشوفتكيش يعني اسف لو سمعتي اي حاجه ضايقتك بس اكيد يعني بابا مكانش فاهم اي حاجه و طبيعي ان اي حد مكانه يقلق او ميتقبلش الموضوع علي طول بس هو طيب والله زعلي فكره قالي انزل اجيبك نغم.....مش زعلانه والله حقه اكيد بس انا مش عايزه اعمل اي مشاكل و لا اكون في مشاكل انا همشي والله بس انا قعدت هنا عشان خرجت و لمحت من بعيد تلاته ماشيين خوفت يكونوا هما مشوفتش وشهم بس قولت هقعد شويه لحد ما المكان يهدأ تامر.....طيب تعالي معايا يلا نغم....معلش خليني والنبي بباك متعصب و اكيد معاه حق وانااا تامر....خلصي بقولك ماكيش دعوه بيه هو متعصب عشان مش فاهم بس هو هدي و انا نازل بنفسي اهو ادور عليكي يلا يا نغم اسمعي الكلام وخلينا نطلع نتكلم شويه نغم....حقك عليا والله عملتلكم دوشه و مشكله تامر....انتي بترغي كتير ليه هو انا اهلص من زن ايه تطلعيلي انتي يلا هاتي الشنطه دي كده بصلها بصدمه يا نهار اسود انتي حاطه فيها ايه دي تقيله اوي قامت وقفت وهي بتمسح دموعها و فتحت السوسته نغم.....اهو شوف كلها البومات صور و براويز مفيش حاجه متخافش مش قاتله قتيل وحطاه في شنطتي تامر....بابتسامه اااااااه لسانك طويل كمان طب يلا تعالي قدامي الغريب انك قصيره و صغيره جدا شايله الشنطه دي ازاي نغم.....غصب عني معنديش اهم من الصور دي مكانش ينفع اهرب و اسيبهم تامر....ماشي يا ستي ولا يهمك فتح الاسانسير و طلعوا علي فوق تامر.....مش عايزك تقلقي بابا طيب والله ماشي نغم...ماشي خبط تامر فتح ايه بسرعه تامر....ادخلي يا نغم ايه.....تعالي يا نغم مشيتي ليه بس احمد.....تعالي يا بنتي اقعدي كان باين عليها انها معطيه جامد ولسه اثار الدموع علي وشها. نغم.....انا اسفه والله يا عمو و اسفه لو عملتكم ازعاج احمد.....ولا يهمك يا بنتي اقعدي بس الاول و بطلي عياط اولا مش عايزك تزعلي مني بس انا اب و خايف علي ولادي من كلامهم واضح انك واقعه في مشكله كبيره و ناس بتجري وراكي و انتي بتقولي هيقتلوني حطي نفسك مكاني طبيعي اخاف عليهم احنا ناس مش بتوع مشاكل و لا لينا في كل الحجات دي بس كمان لو سيبتك تمشي و تقعدي في الشارع مش هقدر في النهايه انتي زي بناتي و ربنا ما يوقع اي حد فيهم في ضيقه زي اللي انتي فيها نغم.....انا والله ياعمو معرفهمش و مفيش حد باعتني ليكم كل الحكايه اني كنت بجري وانا خايفه و تعبت من الجري اوي و مصدقت لاقيت عربيه في وشي ركبتها بس عشان ابعد عنهم سلمي.....نغم انتي معاكي بطاقه يعني اعذريني في سؤالي ده بس اكيد انتي فاهمه ان ده حقنا نغم....بدموع اه اه معايا فتحت شنطتها و بدأت تطلع كل اللي فيها دي كل الحجات اللي معايا في شنطتي مجرد البومات صور مع ماما واختي و دي براويز لاختي في فرحها بصت لايه وتامر و ده جوز اختي اللي كان بيجري ورايا لو حد فيكم لمح شكله. تامر.....اه شوفتوا نغم.....اااا دي بطاقتي خدتها منها سلمي بهدوء. نغم....ودي شهاده ميلادي و دي صوره من شهاده ميلاد اختي كملت بدموع ودي صوره من شهادة وفاتها ودي بطاقه ماما بس هي قديمه لما عملت الجديده انا خدتها منها وشيلتها ذكري كانت اصلا ضايعه منها وعملت محضر وطلعت غيرها و بعد فتره لقيناها و انا احتفظت بيها مسحت دموعها و ده ورق عادي في المدرسه و احنا صغيرين شهادات تقدير و شهادات تخرج بتاعتي وبتاعتها من الجامعه و دي القايمه بتاعت اختي بس احمد ....طيب و مش غريب انك تحتفظي بكل حاجت اختك معاكي و هي متجوزه و المفروض انها هي اللي تحتفظ بيهم نغم.....كل الورق ده كان مع ماما هي محتفظه بيه في نفس الفايل ده كانت بتحتفظ بكل حاجه تخصنا و قبل ما هي تتوفي انا كنت عارفه مكان الحاجه عادي و خدتهم لما اتوفت احتفظت بيهم الحاجه اللي تخص اختي هي اصلا كانت سيباها في بيتنا عادي يعني زي القايمه صوره شهاده الميلاد صوره شهاده الوفاه دي كانت معايا انا سلمي....بصت لاحمد نفس الاسم في البطاقه والشهادات صح احمد.... انتي عندك كام سنه يا بنتي نغم....انا عندي 22 وعشرين احمد....شكلك صغير نغم....لا 22 والله مكتوب في البطاقه تاريخ الميلاد بصت لسلمي شنطتي موجوده تقدري تشوفيها لو حابه مفيهاش غير غيار زياده بس احمد.....طيب يا نغم ممكن نعرف ليه هربتي اكيد انتي لو مش حابه تتكلمي انتي حره بس كمان احنا تقبلنا انك تبقي وسطنا و ده ممكن يبقي في قلق او مشكله علينا بمعني اصح بقينا في نفس الوضع و من حقنا نعرف ايه اللي حاصل معاكي و ايه مشكلتك تامر كان واقف جنب الباب زي ما هو مربع ايده و باصص عليهم وساكت ايه كمان كانت واقفه بعيد و باصه علي نغم وساكته و سلمي جنبها معاها الورق سكتت نغم و متكلمتش احمد..... شوفي يا بنتي انا لحد الوقت مش مرتاح بس انا عارف انك في مشكله في كل الاحوال انا مش هقبل انك تباتي في الشارع او ان حد يتعرضلك زي ما قولتلك انا عندي بنات و متمناش يحصل فيهم اي حاجه وحشه. يعني سواء حبيتي تتكلمي او لا انا هخليكي هنا بس اللي فهمتوا من ايه و تامر انك ملكيش حد و انتي لسه سنك صغير جايز يبقي احسن ليكي لو اتكلمتي عشان نساعدك نقولك ايه الصح وايه الغلط تعملي ايه و متعمليش ايه مفيش حد في الدنيا ملهوش حد بتسند عليه ممكن ميبقاش اهلك سند ليكي بس يبقي ليكي قرايب حتي لو من بعيد او معارف او صحاب تلجأي ليهم مستحيل تكوني ملكيش حد خالص نغم....بدموع بس وانا والله مليش حد جايز يكون ليا و كتير بس كلهم ضدي احمد....ودي كمان مش منطقيه ازاي كل الناس ضدك و هنا اصلا اهلك مش جايز انتي اللي غلط ايه.....نغم هو سؤال يعني هما عايزين مثلا يجوزوكي حد غصب عنك نغم....لا لا مش كده خالص الموضوع ملهوش علاقه بالجواز احمد....طيب فهمينا يا بنتي حكايتك ايه ليه اهلك شابفين انك غلط نغم.....مش حكايه شايفني غلط بص يا عمو انا صحيح ليا اهل بس صدقني كلهم ضدي وكلامي ده عن اهل ماما بالنسبه لاهل بابا انا بابا منفصل عن ماما من زمان اوي و اتجوز غيرها كانت هي لسه عايشه و اللي اتجوزها قررت انها ترجع بلدها و هو معاها و عايشين في الاسماعيله جنب اهلها علاقتي بيه شبه معدومه بيتصل بيا اوقات بس علي فترات بعيده انا كمان بتصل بيه بس بقالي فتره كبيره مش بتصل بسبب المشاكل اللي كنت فيها و علاقتي بيه شبه مقطوعه معرفش اصلا هو عايش فين في الاسماعيليه لاني عمري ما رحتلوا رقموا معايا بس موبايلي اتكسر وانا بجري انهارده و انا مش حافظه اي ارقام حتي رقمي ليا عمه و علاقتي بيها برضوا مقطوعه مكانتش بتحب ماما و ملناش علاقه بيها خالص بالاخص من بعد ما بابا انفضل صدقني معرفش عنها حاجه من سنين ولا حتي معايا رقم ليها و تيته وجدو متوفين وده بالنسبه لاهل بابا. اما بقي اهل ماما مكانش ليها غير اختها مريم دي من نفس الام ونفس الاب هي اصغر من ماما بحوالي 15 سنه عندها تقريبا 39 سنه و ليها اخ كمان بس من مامتها بس وهي سبب كل حاجه وحشه في حياتي احمد....طيب ليه عملت ايه و ليه متتكلميش مع خالك نغم.....زي ما قولت لحضرتك كلهم ضدي او بمعني اصح الكل بيسمع كلامها لان هي اللي في ايدها كل حاجه من الاخر يعني اي حد بيطلب اي حاجه بتتعمل و عشان كده ميقدروش يكسرولها كلمه و شايفين ان اي حاجه بقولها غلط لدرجه انهم بقوا يتعاملوا معايا علي اني مجنونه عشان مفضحهمش سلمي ....تفضحيهم في ايه يا نغم وضحي كلامك سكتت شويه و هي باصه للارض و دموعها نازله احمد.....مالك يا بنتي في ايه و ايه اللي حاصل معاكي بالظبط و اختك ماتت ازاي و ايه علاقه جوز اختك بيكم لحد الوقت. نغم....بدموع اختي كان اسمها انغام كانت اكبر مني بأربع سنين يعني كان زمانها عندها سته و عشرين سنه كانت متجوزه جوزها عن حب و كانت بتحبه اوي رغم انه كان اكبر منها بتسع سنين و المفروض ان هو كمان كان بيحبها اوي انا وهي بعد وفاة ماما فضلنا قاعدين في شقتنا عادي لحد ما اتجوزوا من سنه ونص و بعد جوازها انا قفلت الشقه و خالتو صممت اني اقعد معاها عشان مبقاش لوحدي و بعدها بشويه اقنعت اختي اننا نسيب البيت و نبيعه و انا معترضتش خالتو باعت الشقه و جابت حد تبعها اشتراها و قسمت المبلغ عليا انا و اختي عرفت بعدها بالصدفه ان اللي اشتري البيت حد تبعها و انه نقل اسم الشقه باسمها بعد ما البيع تم و عرفت كمان ان السعر اللي اشترته بيه اقل بكتير من تمن الشقه قولت لاختي علي اللي سمعتوا بس هي قالتلب خلاص اسكتي واعملي نفسك مسمعتيش حاجه في النهايه انتي قاعده معاها و بتهتم بيكي و مش عايزين فتح الكلام في حاجه زي دي يعمل مشكله سكتت و الموضوع عدي بعد جواز اختي بسنه بدأت تحس انه متغير معاها جدا قبل كده هما كانوا عايشين مبسوطين اوي بتحبه و بيحبها بس متعرفش ايه اللي غيره بالشكل ده معاها لدرجه انه منعها تحمل و كان بيتحجج بحجات كتير وهي تصدقه لحد ما بدأت تحس انه متغير 360 درجه معاها و في يوم كنت بايته عند اختي في البيت وهو مكانش موجود كانت متغيره و ملامحها مش طبيعيه سألتها في ايه قالتلي انا حاسه ان ماجد بيخوني قولتلها مستحيل قالتلي والله ماجد مش طبيعي في حد في حياته طول الوقت بيبعت رسايل لحد بيقوم في نص الليل يتسحب و الاقيه بيتكلم بره بصوت واطي و اوقات يكون بيضحك وطريقته مش طريقه واحد بيكلم راجل او واحد صاحبه و هو في العادي مكانش بيعمل باوث وورد لموبايله لما حاولت انسكه لاقيته عامل حاولت اهديها اقولها بيتهيألك وعدينا الموقف و الصبح صحيت علي صوتهم بيزعقوا جامد اتكسفت تخرج سيبتهم لحد ما سمعت صوت اختي بتصرخ خرجت جري لاقيته لاول مره بيضربها و مد ايده عليها اتصدمت ومبقتش عارفه اعمل ايه انا كنت بحبه جدا و بعتبره اخويا الكبير بس اول مره احس اني بكرهه سابنا ونزل فضلت واخده اختي في حضني و هي بتقولي انها سمعته المرادي بيتكلم و بيقول لواحده انها هيجيلها بعد شويه و احتمال يبات معاها قولتلها لازم نقول لخالتوا لان هي شخصيتها قويه و ماجد كان بيعزها اوي و اكيد هتبهدلوا بس حصل العكس خالتوا بهدلت اختي و قالتلها انه خلف ان مفيش حاجه و حتي لو في مشي امورك و انتي لسه متجوزه من سنه و يمكن نزوه عادي اختي كانت مصممه عالطلاق و للاسف مبقاش في شقه فا خالتوا سكتتها خالص و عشان ترضيها جابت ماجد باس علي راسها وصالحها بس هي مكانتش طيقاه صالحته غصب عنها.. فات حوالي اسبوعين و اختي كل يوم بتتبدل قدامي حزينه مطفيه عياط علي طول بقت ساكته مبقتش تتكلم كتير بس هو كنت بشوف انه بيحاول يبقي احسن يراضيها طول الوقت فا اتكلمت مع اختي و قولتها جايز يكون غلط بس هو الوقت بيحاول يصلح غلطه اهدي و سامحيه و اقنعتها علي قد ما قدرت وفي يوم روحت اشوفها كانت بتعيط لاقتها بتقولي ان ماجد كان بيثبتها و انه لسه بيتكلم مع البنت الي بيكلمها و انها خدت الرقم بتاعها من وراه .. هو موبايله كان بيقعد كام دقيقه لحد ما يقفل ساب الموبايل و دخل ياخد شاور و فكر انه اتقفل هي بسرعه خدت اخر رقم كان متصل عليه و نفس الرقم ده كان باعتلوا مسدچات بس ممسوحه بينهم فا هي شكت فيه كان مسجلها بايموشن قلب بس اختي حاولت تتصل بالرقم بيرن و مش بيرد خدته منها وقولتلها يمكن يكون مديها رقمك عشان لو اتصلتي متردش عليكي وانتي تسمعي صوت ست و تتأكدي من شكك خليني اتصل انا بس هجيب رقم غريب عشان جايز برضوا يكون مديها رقمي و هقولك مشيت و فعلاً اشتريت خط جديد و روحت عادي و طبعاً مقولتش اي حاجه لخالتوا لانها علي طول بتغلط اختي و بتقولها خليكي عاقله والكلام ده كنت قاعده بره عادي سكتت و فضلت تعيط جامد احمد....اهدي يا بنتي اهدي اديها مايه يا أيه أيه....امسكي يا نغم اشربي خدت منها الكوبايه وهي بتترعش شربت حاجه بسيطه وخدتها ايه من ايدها. نغم....بدموع و صوت يقطع القلب اتصلت علي الرقم و كانت المصيبه والصدمه اني سمعت صوت موبايل جاي من شنطة خالتوا بس اول مره انا مخدتش بالي او مركزتش اوي قفلت و اتصلت تاني لاقيت الموبايل بيرن تاني وقتها حسيت ان قلبي اتقبض كانت هي بتاخد شاور فتحت شنطتها بسرعه لاقيت موبايل في الجيب الداخلي بيرن بنفس الرقم الجديد. ايه....بصتل لسلمي بصدمه يا نهار اسود هي تقصد خالتها بجد سلمي...نغم انتي متأكده ما يمكن عادي في بينهم شغل و ده رقم شغل نغم....لا انا حسيت اني اتصعقت كتمت الصوت بسرعه و فتحت الموبايل لاقيت رقم ماجد عندها فتحت بسرعه الواتس لاقيت بينهم شات طويل و رسايل كتير كملت بانهيار و كلام مقرف و صور قذره منه و منها و اتفاقات علي مقابلات انا لاقيت نفسي ببعت كل حاجه عندي بسرعه علي الموبايل و بعت ڤويسات بينهم فيها كلام عادي و كلام سافل فيها حجات معرفش ازاي قدروا يقولوها و كان في بينهم اخر مسدچ اتفاق انهم هيتقابلوا تاني يوم بس معرفتش هيتقابلوا فين و امته شيلت الموبايل بسرعه و مسحت اتصالي بيها من الرقم الجديد و رجعت كل حاجه زي ما كانت وجريت علي اوضتي كنت مقرره اني انزل وراها حتي لو هتنزل من اول اليوم بس اراقبها و اعرف هتروح فين و تقابل مين وطبعاً مقدرتش اقول حرف لاختي لاني لو كنت قولتلها كانت هتموت اليوم ده انا مش عارفه ازاي عدي عليا كنت لاول مره احس ان خالتوا دي شبح مرعب صوتها حركاتها بره الاوضه خطواتها مرعبه كنت خايفه منها اوي كنت حاسه اني هموت تاني يوم نزلت علي الساعه خمسه المغرب و تيته كانت عند اختها نزلت وراها بهدوء من غير ما تاخد بالها و ركبت تاكسي واتحركت وراها نزلت قدام عماره ودخلت جوه وقفت اشوفها من بعيد لحد ما الاسانسير وصل وركبت و طلعت بالصدفه كان في معمل تحاليل في نفس البيت دخلت ولما الامن سالوني قولت اني طالعه المعمل روحت اشوف الاسانسير هيقف فين وقف في الدور العاشر طلعت بسرعه علي فوق و كان في اربع شقق مكنتش عارفه هي في انهي شقه كنت لسه بكدب نفسي و بقول لا مستحيل يكون هيجيلها او هو معاها مستحيل يكون اللي في دماغي صح كدبت نفسي حتي بعد ماشوفت الصور والڤويسات لحد ما لاقيت الاسانسير بيقرب و بيطلع طلعت الدور اللي فوق بسرعه واستخبيت بصيت من فوق لاقيته نزل بهدوء كام درجه عشان اعرف هيدخل انهي شقه وقف قدام باب و خبط سمعت صوتها و هي بتهزر و بتحب فيه و شوفتها وهي بتحضنوا و بعدها دخلوا علي جوه ... نزلت بهدوء صورت باب الشقه والرقم بتاعها و جريت .. طبعاً قولت لاختي ان الرقم مش بيرد حتي لما جيبت رقم غريب فضلت بقي اراقب موبايلها كل ما تدخل تاخد شاور اطلعوا اشوف ايه اخر المسدجات اللي بينهم و اخر الڤويسات و كل حاجه بتديه فلوس بتصرف عليه جيباله عربيه الشقه اللي بيتقابلوا فيها كتباها باسمه مسيطره عليه سيطره مريبه كانت كل ما تنزل انزل وراها من بعيد و اراقبها والاقيهم بيتقابلوا و كل مره كانوا بيتقابلوا اصورهم من غيرما يحسوا في يوم هو رجع وانا كنت عند اختي دخل ياخد شاور و اختي قامت مسكت الچاكت بتاعه تفتش فيه كانت الفتره دي عامله زي المجنونه و خلاص مبقاش عندها ثقه في نفسها وهي بتفتش لقت علبه فيها سلسله و كان عيد ميلادها فاضل عليه يومين قولتلها اهدي شكلك ظلمتيه ده جايبلك هديه و عاملك مفجأه رجعيها مكانها واكيد هيفاجئك بلاش تنكدي علي نفسك من الاخر هدتها و اقنعتها شويه في الفتره دي اصلا انا كنت حاسه ان في مصيبه هتحصل هتحصل لان ماجد كان مغيب ادرجه انه مكانش عامل كنترول علي تصرفاته مبيحاولش حتي انه يقنعها ان مفيش حد في حياته ولا بيحاول يخفف نزول او بيات بره فا كنت حاسه ان حتي لو خبيت علي اختي هيجي عليها يوم و تكتشف بنفسها فا قررت اني اكون جاهزه انا كمان حضرت كل ورقي المهم و كل الورق اللي معايا ده و سيبته في شنطتي علي جنب لاني مكنتش هقدر اعيش معاها تاني بس مشكلتب الوحيده ان المبلغ بتاعي اللي طلع من الشقه كنت سيباه معاها و قولتلها تشغلوا او تعمل بيه اي حاجه عشان مضيعهوش و مكنتش عارفه ازاي هاخده منها قولتلها اني محتاجه الفلوس قالتلي ليه و عيزاهم ليه انا دخلتهم في شغل عشان يجيبلك اكتر و لما تبقي تتجوزي ابقي خديه هينفعك معرفتش اجادلها وقولت مش مهم الفلوس في داهيه اما كان كل اللي في دماغي وقتها ان اختي لو عرفت مستجيل تكمل مع ماجد و انا مستحيل اكمل معاها و كنت عايزه نجيب شقه ايجار نقعد فيها ونبعد عنهم بس قولت مش مهم نبقي نحلها وقتها.. جه يوم عيد ميلاد اختي خالتوا اتصلت عليها وقالتلها تعالي انتي ونغم عشان عملالك مفجاه انا في الوقت ده كنت ابات عند خالتو يومين و عند اختي باقي الاسبوع مكنتش طايقه اقعد في وشها كنت خايفه من غضبي اتعصب و افضح الدنيا واختي تعرف بس روحت مع اختي عشان مكانش عندي سبب مقنع للاعتراض روحنا و هي مكانتش موجوده كانت تيته بس شويه وماجد لاقيناه جه و مفيش دقايق هي جات بعده و كان في ولاد خالتها و خالتها اللي هي اخت تيته و المفروض ان هما كانوا قريبن مننا بنشوفهم علي طول و علاقتنا بيهم كويسه دخلت خالتوا غيرت و ولاد خالتها حضروا التورته و كل حاجه عشان نحتفل.. وقفنا قدام السفره ولاد خالتها عمالين ينادوا عليها يلا يا مريم عشان نطفي الشمع كنت انا واختي واقفين لاول مره حاسين اننا وسط ناس غريبه هي تايهه و مش مبسوطه بسبب الشك اللي هيموتها و حياتها اللي اتقلبت و انا واقفه مصدومه بسبب اللي عرفتوا وفجأه لاقيت ماجد بيطلعلها هديه من جيبه كان جايبلها انسيال بصتلي انغام بصدمه كأنها عايزه تقول مش هي دي الهديه اللي شوفتها انا كمان اتصدمت وسكت خرجت خالتوا في الوقت ده قربت مننا مكنتش طايقه ابص في وشها صوتها كان معصبني وهي بتقرب و عماله تهزر مع ماجد النور اتقفل عشان نحتفل عيني كانت علي اختي لاقيتها مبرقه و مصدومه كانها شايفه قدامها شيطان بصيت علي اللي هي باصه عليه لاقيتها باصه علي خالتوا و علي رقبتها و السلسله اللي هي شافتها من غير ما ماجد يعرف.. كملت بدموع انا هنا قولت اختي يا هتفضح الدنيا يا هتقع ميته بس فضلت ساكته مبتنطقش لحد ما اليوم عدي كنت خايفه اوي عليها روحتلها تاني يوم لانها كلمتني وقالتلي تعاليلي روحت و قالتلي نغم انا عرفت ماجد بيخوني مع مين ماجد بيخوني مع مريم خالتك معرفتش ارد عليها يمكن هي كمان كانت متوقعه صدمتي بس انا من كتر ما سكتت وخبيت مقدرتش اسكت اكتر رد فعلي خلاها تعرف اني كنت عارفه و خبيت فضلت تصرخ و تكسر في كل حاجه و تعيط وحالفه تروح تفضحهم و تخرب الدنيا حاولت امنعها كتير بس هي كانت خلاص مصممه نزلت من البيت وانا وراها راحت الشغل عند مريم ملقتهاش راحت لماجد ملقتهوش فضلت قاعده بيها في الشارع و هي بتروح مني خالص قولتلها خلاص هنبعد عنهم و نسيبهم و مش عايزينهم في حياتنا اتطلقي منه و ناخد بيت حتي لو صغير و حكيتلها علي اللي انا عملته و اني مجهزه نفسي اصلا عشان امشي بس مشكلتي في الفلوس و بس قولتها هتروحي تجيبي فلوسك و حاجتك قبل ما هو يرجع و انا هروح اجيب حاجتي ققل ما هي ترجع و بعدين هنختفي و هنتصرف بالقانون اقتنعت هي روحت وانا روحت كنا متفقين انها تخلص و تنزل و قبل ما تنزل نكلمني عشان اتحرك بس متكلمتش واتأخرت و قررت اني انزل انا عشان نكسب وقت و قبل ما انزل لاقيت ماجد بيتصل عليا و بيقولي تعالي بسرعه علي المستشفي اختك تعبانه اللي عرفتوا بعدها انه راح علي البيت و ان هي اتصلت بيه قالتلوا تيجي علي البيت حالا عشان عرفت حقيقتك طلعها مجنونه قدامي كان بيحاول يحسسني انها شاكه فيه لسه و ميعرفش اني عارفه كل حاجه حصل بينهم شد بسيط علي كلامه هو و انه عشان يتفادي المشاكل دي كان هينزل ويسيبها بس هي عشان توققه قطعت شرايين ايدها كملت بانهيار جريت علي المستشفي زي المجنونه بس اختي كانت ماتت و ملحقوهاش حطت ايدها علي وشها و انهارت قعدت سلمي جنبها و حطت ايدها علي ضهرها سلمي.....اهدي يا نغم اهدي ايه.....ربنا يرحمها يارب بصلها تامر و احمد بتأثر نغم...شالت أيدها انا وقتها محستش بنفسي غير وانا بصرخ و جالي هيستيريا و وقعت من طولي و جالي انهاير عصبي انا صحيت بعدها بثلاث ايام اختي كانت اتغسلت و ادفنت و عزاها خلص و انا محضرتش اي حاجه ليها و لا حتي شوفتها و خدتها في حضني اخر حضن .. مكنتش طايقه حد روحت و انا في حاله صدمه بليل لاقيت مريم و ماجد داخلين عليا الاوضه عشان يواسوني المفروض بس انا شوفتهم شياطين قدامي قولتلهم اني هجيب حق اختي مريم قالتلي اختك اتجننت ماجد معملش حاجه ده كان بيحبها في اللحظه دي انا انفجرت و قولتلهم حقيقتهم قولتلهم اني عارفه العلاقه اللي بينهم و ان أنغام كانت عارفه و اني هفضحهم و هقول للدنيا كلها ضربتني و كنت هموت في ايدها ماجد حاشها عني و دخلت تيته علي الصوت و من اللحظه دي قررت تطلعني مجنونه اربع شهور محبوسه في البيت بتعامل أسوء معامله كنت انا منزله ابلكيشن حاطه عليه كل فضايحهم و عملاله اخفاء عشان كنت خايفه تشوف موبايلي بالصدفه و كويس اني عملت كده لانها بعد ما قررت تتعامل معايا علي اني مجنونه حبستني وخدت موبايلي و كل حاجه .. بقي كل اللي يجي من اهلها تقول هي قدامه اني بتهمها هي و ماجد بموت اختها و اني بقول انهم في علاقه بكل بجاحه و طبعا هما عشان بياخدوا منها كانوا بيجاملوها و بياكدوا علي كلامها نغم مجنونه قررت اني اغير طريقتي واهدأ و اعمل نفسي عقلت بس هي كانت عارفه اني مش هسكت مصدقتنيش وامبارح كنت انا وهي لوحدنا في البيت تيته مكانتش موجوده مع ان وجودها مكانش هيفرق كتير هي ساكته زي كل اللي ساكت لاقيت ماجد جاي و بكل بجاحه بيتعامل معاها قدامي عادي و هي كمان قولتلهم هفضحكم و هجيب حق اختي منكم ماجد قالي هنتجوز و محدش هيعترض ولا هيفتح بوئه واناي هتترمي في الشارع قولتلوا مش قيل ما تجيب حق انغام و اقول انكم قتلتوها بسببكم و هفضح سركم و بالدليل و قولتلهم علي عنوان الشقه و علي كل حاجه اعرفها و عرفت خالتوا ان معايا اكتر من دليل و مخبياهم مع حد اعرفوا من فتره فضلت تضرب فيا لحد ما كنت هموت في ايدها و ماجد حاشها عني بالعافيه وقالها هتزدي نفسك في داهيه حبستني في الاوضه و انهارده خرجت من بدري و كنت سمعاها بتقول لتيته انها احتمال تتاخر بليل واياكي تفتحي لنغم بعد ما مشيت بشويه فضلت اتحايل عليها و قولتلها اني تعبانه اوي فات حوالي ساعه لحد ما رضيت تفتحلي خرجت عادي وقولتلها اني تعبانه و عايزه مسكن حاولت اخليها تديني الامان نمت علي الكنبه و فتحت التلفزيون و خليتها حست اني مش هعمل اي حاجه قالتلي متعرفيش خالتك لما ترجع اني فتحتلك لانها مش طيقاكي و انا كنان مش طيقاكي بسبب عمايلك قولتلها متزعليش وانا هحاول اراضيها و قولتلها انا مضايقه يا تيته عشان اختي و طلبت منها تبقي معايا وانا بصالحها عشان توافق و اقنعتها خالص وشويه علي الساعه ثمانيه نامت وهي قاعده صحيتها براحه و قولتلها تيته ادخلي نامي شويه جوه قامت و دخلت و استنيت اكتر من نص ساعه لحد ما حسيت انها نامت دخلت بسرعه جهزت كل حاجتي صور اختي و صوري معاها و صورها وهي عروسه حطيت كل الورق اللي ممكن احتاجه و كان بالنسبالي اهم حاجه الموبايل اللي هي خدته فضلت ادور عليه من الساعه تسعه لحد الساعه 12 تقريبا قلبت الاوضه كلها لحد ما اخيراً لاقيته رجعت كل حاجه بسرعه زي ما كانت و دخلت علي الاوضه عشان البس سمعت صوت الباب بيتقفل شيلت بسرعه الشنطه في الدولاب و قعدت عالسرير لقيتها جايه بتقولي الباب ده مفتوح ليه مين فتحلك قولتلها خالتوا انا اتحايلت علي تيته و كمان قولتلها اني هصالحك و اني بجد تعبانه و خلاص عرفت غلطي و لا هتكلم تاني ولا يهمني علاقتك بماجد و حاولت اني اثبتها بصراحه سكتت و قالتلي ماشي هنشوف دخلت علي اوضتها كانت هتنزل تاني تقريبا لانها قالتلي اعمليلي قهوه عشان نازله تاني قولتلها طيب دخلت تغير و تاخد شاور كنت انا في الوقت ده جريت علي الاوضه و خدت حاجتي بسرعه و خرجت جري لقتها بتفتح باب الاوضه و انا كنت واقفه لابسه الشنطه بصتلي و قالتلي علي فين زقتها وقعتها علي الارض قولتلها هفضحك انتي و ماجد و كل فضايحكم معايا علي الموبايل جريت بسرعه و قفلت الباب ورايا بالمفتاح و رميته كانت عماله تصرخ وتنادي و انا نزلت جري الموبايل وقع مني اول مره خدتوا و نزلت خرجت من باب البيت وجريت وانا بجري كانت هي في الوقت ده اتصلت بيه كان واقف تحت و معاه اتنين شغالين معاها في المكان بتاعها بس لما خرجت مشاوفنيش بس لمحوني بجري من بعيد بعد ما هي قفلت معاه معرفش انا جريت قد ايه و لا من فين لفين و قفت كذا مره ارتاح و فجأه الاقيهم بيقربوا احري تاني استخبيت اكتر من مره و كل مره كان ربنا بيسترها معايا و محدش فيهم بيلحقني و بعدها استخبيت في مكان قعدت فيه حوالي نص ساعه و فضلت ابص و بعدين نطيت من سور الموبايل وقع مني الموبايل لتاني مره و معرفش طلعولي منين فجأه لاقيتهم جايين من بعيد يجروا عليا بس كانوا قريبين مني اوي فضلت اجري بكل قوتي لحد ما لاقيت العربيه بتاعتكم ركبتها بسرعه و اتحركنا و ده كل اللي حصل ... احمد....طيب وحدي الله يا بنتي واهدي شويه ربنا يرحم اختك و والدتك يارب و يعينك علي المصيبه اللي انتي فيها دي ايه.....بتأثر نغم طيب هي جدتك كانت عارفه اللي بينهم او خالك الي بتقولي عليه ده نغم.....انا قولت كل ده للكل بعد ما اختي ماتت بس محدش صدقني او صدقوني و مقدروش يتكلموا مريم اتجوزت اكتر من مره و معاها فلوس كتير اوي و في مره فيهم جوزها مات وسابلها كل حاجه قدرت تخليه يكتبلها كل حاجه بأسمها ورثته في مبلغ كبير وشغلوا كله بقي تحت أيدها و هي شخصيه قويه اوي و معندهاش قلب بتتكلم بالفلوس و بقوتها الكل بيعملها حساب و عارفين ان هي بنك بالنسبه ليهم الكل مستعد يوافقها علي اي حاجه مقابل انها تدي من غير حساب و هي بتحب ده اوي بتحب ان الكل يجاملها يسمعها اللي هي عايزه تسمعوا حتي لو عارفه انهم بيرضوها عشان يعرفوا ياخدوا منها معندهاش مشكله. سلمي.....طيب انتي ولا مره في الاربع شهور دول حاولتي تهربي يا نغم نغم....حاولت كتير بس معرفتش كانت حبساني اغلب الوقت وقاف اه عليا و كانت بتخلي الكل يتعامل معايا علي اني مجنونه كانت بتقولهم ان من بعد موت اختي مبقتش طبيعيه و طبعا هي المتحكمه في الكل و محد شيقدر يقرب من البيت لو هي منعت ده و فعلا منعت ان اي حد يجيلها البيت و انا مكنتش لسه مستعده كنت عايزه الاقي الموبايل بس الضرب اللي ضربتهولي امبارح خلاني قررت خلاص اني امشي حتي لو اضطريت اعمل مصيبه صدقوني كل فضايحهم هنا علي الموبايل بس للاسف هو اتكسر تامر....عادي هيتصلح متقلقيش ايه...بس فرضنا انه اتصلح تفتكري ان اللي معاكي ده ممكن يحبسهم يعني عادي ممكن يتقال انه بيحبها مثلا احمد.....انتي هبله يا ايه لو اتثبت ان العلاقه دي كانت قبل موت اختها يتحاسبواوطبعا لانها علاقه محرمه الزوج مينفعش يجمع بين البنت وخالتها او البنت و عمتها لا يجوز شرعاً ممكن ده يحصل بعد الطلاق او الموت و بعد الطلاق تكون عدتها خلصت كامله نغم....انا لازم اجيب حق اختي. احمد....بس من ناحيه موت اختك في نظر القانون اختك هي اللي موتت نفسها اللي معاكي ده حتي لو ثبت انها وصلت لكل ده بسببهم في النهايه هما ملهمش يد في موتها فهماني غير كل ده انتي الوقت في خطر هما لو لاقوكي ممكن يعملوا فيكي حاجه بجد و انا شايف ان اللي معاكي ده دليل ادانه و كمان هيحميكي بعدم التعرض انا مش فاهم في القانون اوي بس اكيد ليها حل سلمي.....اكيد اللي معاها ده ليه فايده بس هو انا اللي شاغلني حالياً قلقانه يكونوا خدوا رقم العربيه بتاعت تامر و يعرفوا يوصلوا ليها او يأذوا تامر تامر....لا مستحيل يا سلمي متقلقيش انا واثق انهم كانوا بعيد و جوز اختها ده عمال يزعق في اللي معاه ويشاورلهم بايده فكانوا مش مركزين غير في انهم يمسكوها بس و بمجرد ما الاشاره فتحت انا جريت مكانوش قربوا اوي و انا انهارده الاكصدام اللي وراء اتشبك في عربيه و فك شويه و نازل علي النمر يعني محدش شاف حاجه سلمي.....طيب الحمد لله احمد....ان شاء الله خير بصي يا بنتي من هنا لحد ما تصلحي موبايلك وتعرفي تتصرفي باللي معاكي ده و تبقي في امان تقدري تفضلي معانا اعتبريني زي والدك و دول اخواتك و متزعليش من كلامي انا زي ما قولتلك اب و خايف علي ولاده و مش بحب المشاكل بس كمان بعد اللي حكتيه ده انا عارف انك في خطر خالت و جوز اختك مش هيسكتوا هيقلبوا الدنيا عليكي عشان يلاقوكي قبل ما تفضحيهم خصوصا انك عرفتي خالتك ان معاكي دليل علي كل اللي حصل يعني مش هيسكتوا لانهم شايفين ان روحهم في ايدك. نغم....بدموع بجد شكراً لحضرتك واسفه علي الدوشه والقلق والازعاج اللي عملتهم ليكم و انا اكيد مش زعلانه بس ان شاء الله بكره انا هتصرف انا قولت لتامر وايه اني معايا سلسله من ماما الله يرحمها هحاول ابيعها لاني للاسف مش معايا فاتوره ليها بس هتصرف و هصلح الموبايل و همشي بكره سلمي.....تمشي تروحي فين يا نغم انتي قولتي معندكيش حد نغم....لو موبايلي اتصلح هعرف اجيب رقم بابا و هتصل بيه عشان اعرف عنوانه اكيد مش هيتخلي عني ولا هيسيب حق انغام ايه...طيب افرضي معملش كده انتي قولتي ممكن يرجعك او يرفض كل المشاكل دي عشان ميعملش مشكله مع مراته وقتها هتعملي ايه نغم.....مش عارفه احمد.....اسمعيني يا بنتي الاول نصلح الموبايل و نشوف الدنيا فيها ايه انتي مش هينفع تنزلي من هنا ولا تبيعي سلسله والدتك الموبايل هيتصلح و اتكلمي والدك واحكيلوا اللي حصل و شوفي رده عليكي الاول هيكون ايه حسيتي انه هيقف معاكي روحي عنده محصلش كده متروحيش لانهم ممكن يقدروا يوصلولك ماشي بكره يا تامر تاخد موبايلها وتروح الصبح كده تحاول تصلحه تامر..... نغم.....بدموع تمام قلعت السلسله طيب دي السلسله معلش حاولوا تبيعوها لو ينفع و خد منها حق الموبايل احمد.....يا بنتي البسي سلسلتك بعد اذنك تصليح الموبايل ده عليا انا نغم....مش هينفع يا عمو والله كفايه اوي اني موجوده هنا احمد....لا هينفع قولتلك انتي زي بناتي و مش عايزك تحملي هم حاجه تامر.....البسي سلسلتك يا نغم و هاتي الموبايل عشان انا هنزل بدري نغم....اتفضل بجد شكراً ليكم اوي و الله ما عارفه اقول ايه سلمي...متقوليش حاجه و قومي ارتاحي يلا ايه.....بابتسامه اه يلا قومي انتي هتنامي معايا في الاوضه ماشي نغم....بابتسامه بسيطه من بين دموعها ماشي احمد....يلا يا بنتي ادخلي ارتاحي مع ايه شكلك تعبان سلمي.....انتي مكلتيش حاجه يا نغم صح احمد....انا هجهزلها عشاء تكون غيرت هدومها نغم...لا لا انا مش جعانه والله متتعبوش نفسكم تامر....انتي كلتي امته اخر مره نغم....بدموع مش فاكره تامر....مش فاكره طيب يلا ادخلي مع ايه سلمي...روحي يلا وانا هحضرلك العشاء ايه....تعالي يلا. نغم....طيب هاخد الصور بتاعتي ممكن احمد.....طبعا يا بنتي اتفضلي لمت حاجتها كلها وقامت رجليها كانت وجعاها اوي و متعوره لانها وقعت كتير و تعبانه من الضرب و لما ارتاحت بعد الجري ده كله مكانتش قادره وهي بتقوم. ايه....هاتي الشنطه انا هشيلها يا نغم سلمي.....نغم انتي متعوره او فيكي حاجه في جسمك دموعها كانت عماله تنزل و مش قادره تقف مسحت دموعها وبصت لسلمي نغم....امبارح هي ضربتني كتير اوي و انهارده انا وقعت وانا بنط من السور و تقريبا اتعورت في ركبتي سلمي....انتي مش قادره تمشي نغم...لا لا عادي اصلي جريت كتير اوي سلمي.....طيب انا هجيباك العشاء وشوفي لو عندك اي جرح هجيبلك كريم و شاش و هنحط بنج موضعي عشان تقدري تنامي هزت نغم راسها وراحت مع ايه.. احمد....بهدوء لا حول ولا قوه الا بالله الدنيا جرا فيها ايه تامر.....صدقتني يا عم حمودي عمال تتعصب عليا و اهي صعبت عليك احمد....هي قطعت قلب يمصعبتش عليا مصدوم بجد من الناس هو ايه كل اللي اسمهم مريم بقوا شياطين سلمي....اه والله البنت نفسيتها زي الزفت و بجد صعبت عليا اوي اجمد....قومي يا بنتي اعمليلها حاجه تاكلها واضح انها مكلتش حاجه خالص وابقي اطمني كده عليها شوفيها متعوره ولا جسمها متبهدل لو محتاجه اي علاج نجيبلها سلمي.....بابتسامه حاضر يا حبيبي ربنا ما يحرمنا من حنيتك ابتسم احمد بهدوء وبص لتامر احمد......ادخل خد فلوس من الدولاب عشان تصلح موبايلها و ياريت تحاول تصلحوا تامر...ايه ياعم حمودي متصغرناش انا هصلحوا و متقلقش ان شاء الله هيتصلح بس خد بالك مظنش ده يخلص بكره الموبايل متدمر احمد....مش مهم المهم انه يتصلح و البنت تعرف تكلم ابوها يمكن ربنا يهديه و يقف معاها و كمان عشان الحاجه اللي معاها تقدر ترجع بيها حق اختها. تامر....خير يا حبيبي ان شاء الله انا هدخل بقب عشان مش قادر و هصحي بدري احمد.....ادخل غير و اختك هتجهزلك العشاء انت كمان تامر....ماشي يا حبيبي ...................... عند ايه ايه.....خدي يا نغم الترنج ده اكيد هيجي مقاسك انتي جسمك قريب من جسمي نغم.....شكراً يا ايه بس ملهوش لزوم انا معايا غيار ايه....الغيار ده لبس خروج مش هتقدري تنامي بيه يلا خدي البسي ادخلي خدي شاور كده عشان ترتاحي و ده غيار داخلي جديد نغم....شكراً بجد يا ايه ايه...علي ايه يا عبيطه انتي زي اختي ان شاء الله بكره هجيبلك كام حاجه كده تبدلي فيها ماشي نغم....والله ماليه لزوم كملت بدموع و كفايه والله اللي عملتوا اوي انا مش عايزه اقلب حياتكم ايه....حياتنا هتتقلب يعني عشان كام حاجه بطلي عياط بقي يلا ادخلي خدي شاور و شوفي جسمك فيه ايه نغم....ماشي دخلت نغم تاخد دش و ظبطت ايه الاوضه عشان تعرف تنام جهزت سلمي العشاء ليها و لتامر راحت خبطت علي تامر ادتلوا الاكل بتاعوا و بعدين خدت الاكل وراحت علي اوضه ايه. سلمي.....هي فين ؟ ايه....بتاخد شاور سلمي....طيب انا جيبالها الاكل بس ايه....شكلها تعبان اوي علي فكره سلمي.....اكيد باين عليها اصلا سمعوا الباب بيتفتح و خرجت هي بهدوء سلمي....بابتسامه نعيماً نغم.....شكراً ايه...تعالي يلا سلمي جابتلك الاكل سلمي....قبل الاكل بس طمنيني متعوره او فيكي حاجه هزت نغم راسها بهدوء. سلمي....اممم جامد نغم....مش عارفه سلمي....طيب ممكن اشوف و لا تتكسفي مني نغم....بحزن فظيع لا عادي هو في ضهري و رجلي سلمي...طيب تعالي براحه اقعدي هنا و اقلعي معلش الچاكت قعدت نغم علي السرير و قلعت چاكت الترنج و اول حاجه ظهرت دراعتها كان فيهم كدمات كتير و علامات تشبه الحزام لونها ازرق واحمر ايه....يانهار اسود ده انتي دراعك فيه سلمي....معلش يا نغم انا اسفه ممكن تقلعي التيشرت كمان انتي لابسه برا صح نغم....بدموع ايوه سلمي...طيب ارفعي ايدك براحه خليني اشوف جسمك قلعت نغم التيشرت و ايه وسلمي ساعدوها و شافوا ضهرها و بطنها سلمي.....بصدمه ايه ده دول مستحيل يكونوا بني ادمين فضلت نغم دموعها نازله ايه.....سلمي انا متهيألي هي لازم تعمل بلاغ و تتعرض علي الكشف الطبي قبل ما جسمها يخف و العلامات تروح مش لازم تستني الموبايل عشان تعمل بلاغ ده اللي في جسمها ده بوديهم في ستين داهيه سلمي.....طيب ممكن اشوف رجلك البسي بس التيشرت و الچاكت كانت مطيعه لدرجه كبيره بس مش مبطله عياط دموعها عماله تنزل لبستها هي وايه براحه و بعدين نزلت البنطلون بهدوء. سلمي...احنا مش هنبص عليكي متقلقيش نغم...ااااه ايه.....سلمي براحه شكلها متعوره سلمي.....يا نهار اسود هما عاملين فيكي ايه يا نغم هي ضربتك بأيه ده حزام نغم....بدموع ايوه حزام بتاعي و كان في حديد ايه....ربنا ينتقم منها دي مستحيل تكون بني ادمه سلمي.....بتأثر و دموع في عينها ركبتك دي من الوقعه ولا منها نغم....دي من الوقعه ايه....دي متعوره جامد سلمي....طيب براحه اقعدي و انا هطه هالك متقلقيش و ووو ايه كان في عندي في الدرج جوه هتلاقي البيتادين و البنج الموضعي و في كريم مضاد حيوي و هتلاقي رباط ضاغط هاتيهم بسرعه ايه....حاضر سلمي....معلش ان شاء الله حقك وحق اختك هيجي بصتلها نغم وهي ميته من العياط سلمي...فيكي اي حاجه تاني متعوره نغم.....لا هي ركبتي بس الباقي ده من ضربها سلمي...ماشي يا قلبي اهدي وبطلي عياط قولي يارب و ربنا مش هيخذلك فضلت دموعها نازله دخلت ايه بسرعه بالحاجه سلمي....افتحيلي كده بقي الحاجه يا ايه و متخافيش يا نغم هتوجعك شويه بس هترتاحي لما احط البنج نغم....لا عادي براحتك ايه......ربنا ينتقم منهم يارب بدأت سلمي تطهرلها الجرح و رشتلها بنج عشان ركبتها كانت وجعاها اوي و قعت علي العضم و كانت وارمه شويه ايه.......هي الورم ده كسر يا سلمي سلمي....لا لا لو كسر مش هتقدر تقعد ولا تمشي خطوه بس ده من الوقعه شكلها وقعت جامد صح يا نغم نغم... اه كان في سور مش عالي اوي و انا بنط وقعت علي ركبتي وكان في حجر خبطني جامد و وقتها الموبايل و قعت مني برضوا بس قومت وجريت سلمي....هو الحجر ده اللي عمل كده غالبا تمزق في الاربطه ايه.....طيب هي مش المفروض تعمل اشعه ولا ايه عشان بعني تاخد علاج صح سلمي....بكره انا باذن الله هتصرف اروح بس الشغل و ارجع و خير ان شاء الله ايه.......ان شاء الله خلصت سلمي و لفت علي ركبتها الرباط الضاغط و ساعدتها تلبس البنطلون سلمي.....ايه هاتياها شراب عشان رجلها ساقته و كمان عشان عضمها ميبردش و تتعب اكتر ايه....حاضر ثواني سلمي....البنج ريحك شويه نغم ...اه كتير تسلم ايدك بجد تعبتك معايا سلمب....مفيش تعب ولا حاجه بصي ده مضاد التهاب و مسكن بعد ما تاكلي خديهم عشان تقدري تنامي نغم....حاضر ايه.....هاتي رجليك نغم....لا لا هاتي انا هلبس ايه....خلصي يابنتي في ايه مش هتقدري هاتي بس رجليك نغم....انا اسفه سامحيني ايه....بضحكه جميله لا يا ستي مش هسامح يلا يا اوڤر اخلصي سلمي....قربت منها الاكل يلا خدي بقي كلي و لازم الاكل ده يخلص لان الدواء تقيل و انتي مش واكله نغم....حاضر ايه.....سيبيهالي انا بقي هأملها متقلقيش وروحي نامي يلا عشان شغلك سلمي.....ماشي خدي بالك منها مش محتاجه اي حاجه يا نغم نغم....لا شكرا والله تعبتك اوي معايا سلمي.....مفيش تعب ولا حاجه وبطلي عياط واهدي شويه وكلي ونامي علي طول نغم....حاضر سلمي....يلا تصبحوا علي خير نغم....وانتي من اهل الخير خرجت سلمي كان تامر بيخرج صنيه الاكل. احمد.....ايه يبانتي اطمنتي عليها سلمي....بتاثر واضح البنت متبهدله خالص يا بابا جسمها متدمر مضروبه بحزام مقطع جسمها و رجيليها لما وقعت عليها ورمت و شكلها تعبانه اوي احمد...طيب ايه نجيبلها دكتور سلمي.....لا لا بكره انا هتصرف خلوها الوقت تنام و ترتاح تامر.....مضروبه جامد يعني سلمي...مفيش حته في جسمها سليمه يا تامر لدرجه اني مستغربه ان هي بتشتكي من ركبتها بس دي المفروض لا تقدر تجري ولا تتحرك و لا تقوم من مكانها شهر احمد.....حسبي الله ونعم الوكيل في كل ظالم تامر....طيب هو مش المفروض تبلغ او تكشف عشان تثبت ان في حد معتدي عليها احمد....مش لما الاول يا ابني تفتح الموبايل سلمي.....لا عادي يبقي بلاغ تاني بالاعتداء و الكشف الطبي يثبت انها اعتدي عليها الضرب ده لو كان زاد شويه كانت ماتت دول جلدوها مش ضاربينها ضرب عادي احمد.....ايوه بس لو سألوا عن السبب اكيد الموبايل هيثبت كلامها تامر....انا بكره هتصرف في موضوع الموبايل و عموما لو العلامات اللي في جسمها جامده هتاخد وقت احد ما تخف يعني هتفضل موجوده سلمب...اه هتفضل طبعاً احمد.....خير ان شاء الله المهم هي كلت سلمي....سيبتها مع ايه بتاكل احمد...طيب يلا يا حبيبتي رزحي نامي كفايه كده عندك شغل و انت كمان يلا عشان هتصحي بدري خليني انا كمان اقوم اقفل الباب و اروح انام شويه و ابقي اطمني عيها قبل ما تنزلي شغلك سلمي.....حاضر يا حبيبي تصبحوا علي خير سلمي....وانتي من اهله يا بنتي تامر....وانتي من اهله .............. ايه..... كملي اكلك يا نغم نغم....والله كلت كتير مش قادره ايه...طيب معلش كلي دي كمان نغم....حاضر ايه....والعصير ده كمان يتشرب نغم....حاضر ايه....بصي بقي انتي هتنامي علي السرير و انا هنام هنا جنبك علي الكنبه نغم....لا لا بصي والنبي اللي عملتوا معايا مخليني مش قادره انكلم من كتر الاحراج بجد فا عشان خاطري نامي علي سريرك و انا هنام علي الكنبه ايه....اولا احنا معملناش حاجه ثانيا الكنبه مريحه عادي و هعرف انام عليها انا كان ممكن انام جنبك لان السرير ياخدنا بس عشان انا نومي اعوذ بالله بعمل استعراضات و لا اللي في السرك ابتسمت نغم علي كلامها ايه....بصحك اه والله و هديكي خبطه في ركبتك هنصحي كلنا علي صوتك فا انتي نامي وارتاحي لحد ما تخفي شويه و بعدين هبقي انام جنبك يا ستي ماشي نغم....طيب انا اقصر منك الكنبه هتريحني اكتر ايه...لا والله بنام عليها وبعدين انا مش بفرد نفسي وانا نايمه انا بنام مكعبله نفسي يعني هتريحني متقلقيش نغم.....انتوا ناس جميله اوي يا ايه بجد اهلي نفسهم معندهمش واحد في الميه من الرحمه اللي عندكم ايه....بابتسامه الناس فيها الخير يا نغم و مش شرط الخير يجيلك من الاهل صدقيني في ناس عاديه احسن من الاهل بكتير و الطبيعي ان كل البشر يكون في قلوبهم رحمه المهم انسي بقي كل اللي حصل و نامي وارتاحي و متفكري شفي اي حاجه خالص يلا انا هشيل الاكل و انتي اطلعي براحه و نامي نغم....ماشي ابتسمت ايه و راحت شالت الاكل ورجعت غطتها كويس و راحت علي الكنبه ايه...مش عايزه غطاء زياده لو بردانه نغم....لا لا ده كويس اوي ايه.....ماشي تصبحي علي خير . نغم....وانتي من اهل الخير. .................... في صباح يوم جديد صحي تامر و نزل من بدري و صحيت بعده بشويه سلمي و جهزت عشان شغلها وراحت الاول اطمنت علي نغم كانت نايمه نوم عميق و مش طبيعي كأنها في غيبوبه و مش دريانه بالدنيا و لا حتي حست بيها وهي بتتكلم مع ايه و بتطمن عليها و بعدين نزلت علي شغلها... ................. عند رشيد و ايمي صحيت ايمي ملقتش رشيد جنبها بس سمعت صوته في الحمام قامت جهزتلوا الغيار بتاعه علي السرير و خرجت بهدوء راحت الحمام التاني غسلت و شها وخرجت علي المطبخ جهزت الفطار هي و چوي و عملتلوا القهوه بتاعته.. چوي كانت عماله تحط الفطار و ترجع خرج رشيد من الحمام كان واخد غياره معاه و لبس اول ما خرج لقاها مجهزه غيار تاني وقف قلع بسرعه و لبس اللي هي جهزته خلص و بعدين فتح الباب وخرج بصتلوا من بعيد و هي في المطبخ رشيد...بهدوء قرب صباح الخير ايمي....قفلت التلاجه و بص ت بعيد عنه صباح الخير روح اقعد الفطار جهز رشيد....مش هتفطري؟ ايمي....جايه هجيب هحط القهوه رشيد....طيب صباح الخير چوي چوي....صباح خير مستر رشيد راح قعد و استناها تيجي ثواني و جابت القهوه و قعدت جنبه بهدوء حطتلوا فطاره في الطبق و بدأت تفطر وهو كمان بدأ يفطر و كان هيتجنن من عقابها ليه مش متعود يشوفها واخده منه موقف جامد كده ولا كان يعرف ان قلبتها صعبه بالمنظر ده كان بيحاول يهدي الموقف اللي بينهم و بيحاول انه يفتح اي كلام بدل الصمت ده. رشيد....مش محتاجه اي حاجه اجيبهالك او ابعتهالك ايمي.....لا رشيد....ااا عموما لو احتجتي كلميني هزت راسها بهدوء من غير ما تبص او ترد رشيد...ااا احممم في حد جايلك ايمي....معرفش بس انا هروح المطعم. بصلها بصدمه بسيطه و فضل باصص عيها وساكت بصتلوا بهدوء و هي نظره عينها قويه جدا مش ايمي الجميله الهاديه الجريئه و الدلوعه و لا حتي ايمي اللي كانت بتعدي اي موقف بكل هدوء و تتكلم معاه بعدين رشيد...ااا في مشكله في المطعم ولا انتي رايحه عشان حاجه معينه ايمي.....لا مفيش مشاكل ولا حاجه بس ريهام تعبانه اكيد انت عارف حاجه زي دي رشيد ....طيب و محمود ايمي ...محمود اكيد مش هيسيب شغله كل يوم و لا هيرجع من شغله تعبان و يروح المطعم رشيد.....ايوه يا حبيبي بس انتي ناسيه ان في سلم و طلوع و نزول جوه المطعم ايمي.....بصتلوا عندك حل ! رشيد....ااا اه هروح انا لو مضطرين اوي هروح انا يا ايمي لو مفيش حد من البنات هيقدر يروح تمام هروح ايمي....وانت المفروض مش عندك شغل برضوا رشيد.....انا هتصرف يا ايمي بس من فضلك خليكي انتي ايمي.....روح شغلك يا رشيد انا هروح المطعم حابه اغير جو كمان و متقلقش لا هطلع ولا هنزل رن موبايل ايمي جابته چوي ليها. ايمي.....بهدوء ايوه يا حودا صباح الخير يا حبيبي محمود.....صباح الفل ايه الاخبار ايمي....بابتسامه جميله زي الفل لسه راجع من شغلك ولا ايه بصلها رشيد بغيظ رجعت تاني زي ما كانت . محمود....لا انا لسه واصل المطعم ايمي.....مطعم ايه انت مش عندك شغل محمود....لا انا عندي شغل كده علي الساعه تسعه فا جيت اصل ريهام مش هتيجي ايمي...اه ما انا عارفه شويه كده و هكلمها اطمن عليها تكون صحيت محمود....انا اتصلت علي ميدو واطمنت عليها هي و سلامه و عرفتوا ميجيبهاش ايمي....طيب كويس انا كنت جايه علي فكره فكرتك عندك شغل محمود....لا جايه فين بطلي هبل تنا من امبارح اصلا و عامل حسابي اني جاي بدل ريهام و عشان كده بدلت مواعيد الشغل انا والشباب خليكي اوعي تيجي ارتاحي انتي ايمي....بابتسامه حبيبي ربنا ما يحرمني منك اخبار زوزو و حماده ايه محمود....زي الفل ايمي....مصحتش علي خناقه من زوزو محمود...بضحك لا ربنا هاديها انهارده طول ما ابوكي بيسمع كلامها بتبقي حمل وديع ايمي....بضحك ربنا يهديهم محمود....ماشي يا قلبي انا قولت اطمن عليكي و اشوفك كده و اعرفك اني في المطعم صبحي علي رشيد وسلمي عليه ايمي...حاضر يا حبيبي تسلملي يوصل ان شاء الله يلا شويه كده وابقي اكلمك محمود...ماشي يا قلبي يومك جميل ايمي.....باي ياروحي قفلت و سابت الموبايل محمود بيسلم عليك. رشيد...الله يسلموا هو راح المطعم؟ ايمي...اه رشيد....يعني كده مش هتروحي صح؟ ايمي.....اه رشيد....براحه تمام انا فطرت الحمد لله متنسيش تاخدي العلاج بتاعك ايمي....تمام رشيد....مش عايزه اي حاجه ايمي....شكراً قام بهدوء و خد موبايله من علي السفره و قرب منها و مال علي خدها يبوسها قبل ما يمشي بصت ايمي الناحيه التانيه و بعدت خدتها غمضت عينه و حاول يهدأ اكتر رشيد....بهدوء خدي بالك من نفسك وياريت لما اتصل تطمن عليكي تردي باي سكتت ايمي و فضلت باصه عليه بطرف عينها احد ماراح طلع جزمته و لبسها و خرج قامت بهدوء و راحت تبص عليه من بعيد من وراء الستاره شافته بيطمن علي كوبر و بعدين خرج ركب عربيته و مشي. قعدت بزهق علي الكنبه و كانت مضايقه اوي . .................... نادين.....بابتسامه تجنن صباح الفل يا نعيمه هانم نعيمه....بابتسامه صباح النور انتي صاحيه من امته و ايه الفطار ده كله نادين....انا قولت كفايه نكد بقي لحد كده لان طاقتك السلبيه خلتني مش طايقن نفسي و هولع فيا و فيكي و في لياه وعشري اللي خدها مننا و قولت قومي يا نودي يا قمر اعملي فطار ليكي و للبت نوني و دلعيها قبل ما تنزلوا الشغا و قررت يعني كده اني اخدك اعزمك علي الغداء لما نخلص شغلنا و كمان اجيبلك ايس كريم عشان عارفه انك طفسه و بتحبيه نعيمه....بضحك ايه الرضا ده كله الفطار شكلوا حلو اوي نادين.....بسعاده بجد يعني انفع نعيمه...طبعاً تنفعي و سي عيال هيتداع احلي دلع كمان نادين...بضحك طيب يلا تعالي يا قلبي افطري نعيمه...بحب باستها من خدها تسلم ايد الصغنن نادين...بسعاده اقعدي يلا قوليلي اتبسطتي امبارح مع فضل نعيمه...اه اوي والله غيرلي مودي كتير بصراحه كلنا و فضلنا نلف بالعربيه و نرغي و بعدين جابني نادين....احسن برضوا اديكي فكيتي شويه صراحه شيخ العرب طلع جدع و يستاهل كلمتين حلوين نعيمه.....انتي ميدو معرفش يجي صح نادين...اه رغينا في الموبايل انتي عارفه ان سلامه و ريهام تعبانين اوي و جابلهم الدكتور كمان نعيمه....هما ايه اللي حصلهم هما خدوا العين بدل ليله و عشري ولا ايه نادين......والله ما عارفه ميدو بيقول انه ڤايروس من الجو وقلب معاهم بس واضح انهم كانوا تعبانين اوي حتي ايه و تامر راحولهم بليل نعيمه....بجد نادين...اه والله لنا بعت لميدو بعد ما نزلتي بشويه كمان قالي انهم هناك نعيمه....ده باين انهم تعبانين اوي نادين...اه بس لسه مكلمه ميدو و قالي انهم افضل شويه من امبارح لسه تعبانين بس الحراراه نزلت الحمد لله نعيمه...الف سلامه عليهم شويه كده وابقي اتصل عليهم نادين....بقولك ايه لو مش وراكي حاجه ابقي تعالي معايا اما نخلص شغل هنروح نطمن عليهم قولتي ايه نعيمه....اممم مش عارفه انا بصراحه كنت عايزه اروح للواد مصطفي لاني مروحتش وقت الافتتاح كنت مسحوله مع ليله و كمان اتلخمنا بعدها في ترتيبات الفرح والنزول والفساتين فا قولت ممكن اعدي عليه و اباركلوا وكده يعني نادين....طيب تعالي و نروح برضوا سوا لمصطفي نعيمه....طيب خلاص تمام نروح مع بعض بس قبل كل ده انا عايزه اتكلم معاكي في موضوع مهم نادين....اكيد طبعاً قولي نعيمه...اولا مش عيزاكي تزعلي مني ولا عيزاكي تفهميني غلط نادين...في ايه قلقلتيني يا نوني اكيد مش هزعل ولا هفهمك غلط نعيمه....طيب انا هدخل في الموضوع علي طول بصي يا نودي انا بقالي فتره بفكر في الموضوع ده يمكن من قبل جواز ليله مكنتش عارفه اخد قرار وقولت استني افكر صح ادي نفسي وقت و كمان اتكلمت امبارح مع فضل في الموضوع ده قزلت اخد رأيه هو قالي فكري و خدي وقتك و بصراحه انا حاسه اني مفكره كويس و مقرره كمان نادين.....مقرره ايه و موضوع ايه نعيمه....بتوتر بسيط اااا نودي انا قررت اني انسحب من الشغل اللي بيني و بينك بصتلها نادين بصدمه نادين....شغل ايه؟ نعيمه....اللبس و البراندات و كده يعني نادين....طب ليه انا زعلتك في حاجه عملت حاجه ضايقتك نعيمه...لا خالص والله بطلي هبل و حتي لو زعلت انا وانتي اكيد الشغل بره زعلنا بس اصلا انتي مش مزعلاني و لا عمرك زعلتيني نادين....بنظره حزن طيب امال ايه اكيد في سبب طيب قوليلي انتي محتاجه فلوس انا عارفه اني ممكن اكون اوقات ببقي رخمه و بزنقها عليكم كلكم و انتي بالاخص لاني عارفه انك مجنونه و بتضيعي فلوسك علي الشوبينج و الحاجات العبيطه و بخاف انك تصرفي فلوسك بس والله ده خوف عليكي مش اكتر بس لو زنقت عليكي اوي من غيرما احس حقك عليا قوليلي محتاجه ايه و كام و حالا هحولك اصلا اخر اوردرات عملناها كان الربح فيها كويس جدا الحمد لله قوليلي عايزه كام نعيمه....نودي انتي لا منزنقه علينا ولا اي حاجه و كلما عارفين ان لولا اللي بتعمليه معانا ده مكانش حد فينا قدر يبقي حاجه و حتي لما بتزنقي برخم عليكي و بزن لحد ما بتحولي بس والله الموضوع مش فلوس خالص انا معايا الحمد لله نادين....طيب امال ايه ما هو لا فلوس لا اما انا زعلتك نعيمه....وحياة ربنا لا ده ولا ده انا بس حاسه اني فاقده الشغف و حاسه اني مبقتش عايزه اكمل في الشغل ده كمان انا حاسه اني مخنوقه شويه مش بشتغل غير شغلي انا وانتي تقريبا يعني المطعم ايمي و سلمي يعتبروا هما المسؤولين عنه وايمي اكتر الشقق مش محتاجه مجهود بتتأجر و بتتساب مفيش حاجه تتعمل فيها يعني المزرعه كمان وليد هو اللي ماسكها و اصلا مليش شغل فيها فا خاسه اني مش بعمل حاجه الشغل داير من غير مجهود مني مش عارفه انتي فهماني ولا لا بس انا حابه انزل و اشتغل اعمل حاجه بايدي عايزه مجهود يلهيني شويه يسليني فهماني نادين...ايوه فهماكي بس انتي بتنزلي و بتشتغلي و بنعمل مجهود سواء في المخزن او البيدج او تسليم للمندوبين و كل فتره بنسافر اينعم بقالنا كتير مسافرناش و الاوردرات بتوصلنا علي طول بس لو حابه ترجعي تسافري و تيجبي انتي بنفسك و تسلي وقتك اكتر اعملي كده نعيمه....صدقيني يا نودي مش قادره عايزه اغير المجال عموما مش حاسه اني هقدر ادي في المجال ده اكتر من كده و صدقيني والله الموضوع مش فلوس خالص و كمان حاجه تاني اوعي تفكري اني بقولك كده عشان طالبه منك نصفي الشغل و اخد نصيبي خالص والله كملي زي ما انتي انا مش محتاجه فلوس و عارفه ان التصفيه دي مش حاجه سهله و اكيد اما مش هخسرك الفلوس انا مش محتاجها و حتي لو هي جاهزه معاكي خليها معاكي حطيها في البنك في الشغل في اي حاجه كده كده نصيبي معاكي و وقت ما تحسي ان الفلوس معاكي زياده نتحاسب و برضوا مش هاخدهم يعني انسحابي من الشغل مش معناه اني عايزه نقعد و نصفي الشراكه دي انا بس بعرفك نادين....طيب اسمعيني لو انتي مضايقه انك بتنزلي المخزن و بتتعبي معايا في الشغل وزهقتي من البيدچ وكل ده متعمليش حاجه هالص انا هشل كله لحد ما تحسي انك مرتاحه انا عارفه انك مش كويسه و اكيد قرار زي ده خدتيه في وقت انتي مشتته فيه اكيد مضايقه عشان لولي اتجوزت و اكيد مضغوطه لان انتب كمان داخله علي جواز و قربتي خلاص فا انا متفعمه جدا مشاعرك والله فا اقعدي و ادلعي و حطي رجل علي رجل وانا هعمل كل حاجه نعيمه....نودي انا القرار ده بفكر فيه من قبل جواز ليله صدقيني يعني ملهوش علاقه باني زعلتنه علي فراقها ولا ليه علاقه باني مشغوله بالجواز و الله العظيم انا مش عايزه اكنل وبس انا عارفه انه قرار صعب عليكي اوي انك تتحملي و تشيلي كل الشغل ده فوق راسك كتير انك تتحملي شغلي انا وانتي و تعملبه كله لوحدك صعب بس غصب عني نادين...نعيمه افهمي سيبك من تعبي و اني اشيل كل ده علي راسي و كل الهبل ده بس انا يصعب عليا ان انتي متبقيش معايا في شغل انا وانتي بنحبه انتي عارفه كويس اني اقدر اكمل لوحدي بس انا مش عايزه اكمل من غيرك الشغل ماشي كويس اوي و الحمد لله يوم عن يوم بننجح اكتر بنكسب اكتر ليه تسيبي كل ده ليه تتخلي عن حاجه بتحبيها و عن ربح صافي بيتقسم علينا احنا الاتنين احنا بنشتغل في المجال ده من كذا سنه عدينا مع بعض صعوبات كتير و خساير و دوشه و الشفل هدي عرفنا كل خباياه و عرفنا نتفادي الاخطاء و بقينا زي ما بيقولوا معلمين في المجال بتاعنا غيرنا كتير اشتغلوا في المجال و مقدروش يكملوا و انا وانتي اصحاب و اخوات و عمرنا ما عملنا مع بعض مشكله و ربحنا و خسارتنا كنا متفقين عليها و الحمد لاه قدرنا يبقي ليه نضيع كل ده نوني انا مش هقدر اكمل من غيرك لو انتي مش معايا مش عشان مش هعرف اكمل لوحدي بس انا اكيد محتجالك نعيمه.....نادين متصعبيهاش عليا عشان خاطري انتب هتكملي و انا قزلتلك موضوع الفلوس ده عشان متفكريش في التصفيه او تحسي اني بقولك كده عشان عايزه نصيبي انا فلوسي هتفضل معاكي بس من بعد اليوم ده اي ربح مش هيتقسم انا ربحي معاكي وقف لحد انهارده اللي جاي بتاعك انتي بس نادين....نعيمه انا مش هقدر انتي عارفه كويس ان لو ده قرارك الاخير فلوسك مش هتفضل معايا لحظه و هحولك كل مليم ليكي نعيمه....بطلي جنان انتي محتاجه سيوله و محتاجه الفلوس تفضل شغاله انا فهمتك اني مش عيزاها و حتي لو حاضره معاكي و مش هتأثر في شغلك خليها مش محتجاها نادين...و انتي برضوا عارفه نظامي يا نوني انا اي شغل بينتهي بينا لازم اول حاجه اعملها اني احط لكل واحده فيكم حقها و انا الوقت مش بتكلم في فلوس انا بتكلم فيكي انتي انا مش هقدر من غيرك عشان خاطري فكري و بما ان انتي مش محتاجه الفلوس خلاص سيبيها و انا هكمل شغل واعتبري نفسك في اجازه يا ستي انا بقولك هشتغل بدالك و مش هطلب منك تنزلي ولا تروحي ولا تتعاملي في اي حاجه نعيمه....نادين افهميني انا فتحت موضوع الفلوس لاني مش هقبل قرش زياده من تعبك بعد اليوم ده ربحي معاكي وقف بمجرد ما انا انسحبت و زي ما انتي مش قابله الفلوس معاكي انا اكيد مش هقبل ربح هو مش من حقي مش هقبل انك تشتغلي لوحدك و تتعبي و انا اخد فلوس عالجاهز نادين.....طيب هقولك ادي نفسك وقت تاني وفكري اكتر هو انا مش برخم عليكي علي فكره يعني لو مش حابه براحتك طبعا بس انا مش لاقيه سبب لجنان القرار اللي انتي بتاخديه ده مفيش بينا مشاكل و انتي مش محتاجه فلوس و انا بقولك خدي اجازه وانا هكمل احد ما تحسي انك قادره تنزلي تاني يعني كل حاجه محلوله ليه بقي عايزه تسيبي شغل هو بالفعل واقف علي رجليه انا مش هسيبك تاخدي قرار مجنون زي ده نعيمه.....صدقيني يا نودي انا مقرره و صدقيني هرتاح اوي انا فكرت كتير و ده القرار المناسب ليا فا عشان خارطي متضغطيش عليا نادين....يطب ممكن أسالك سؤال نعيمه....اكيد نادين ...فضل ليه علاقه بقرارك ده يعني هو مش حابب انك تكملي معايا نعيمه...لا طبعاً فضل ملهوش علاقه بشغلي و بعدين انا بقولك خدت رايه امبارح وهو قالي فكري فضل مكانش يعرف حاجه صدقيني ده قراري و علي فكره انا هنزل معاكي المخزن انهارده هودع الشغل يا ستي وعشان مبقاش سيبتك كده من اول يوم قولتلك فيه نادين...طيب ممكن عشان خاطري تفكري اكتر ممكن تستني لما تاخدي رأي ليله وابمي و البنات جايز هما يعرفوا يقنعوكي نعيمه...بابتسامه هاديه صدقيني انا خدت قراري خلاص يا نودي و ربنا يوفقك يا قلبي و اشوفك ديما ناجحه و افردي وشك ده بقي نادين بصتلها بزعل كبير و سكتت ................... سلامه.....انا برضوا استغربت انك قولتيلي شويه واكلمك تاني ايه.....ما انا لنا لقيتها ركبت العربيه اتخضيت و مكتتش فاهمه و محبتش اقلقك سلامه.....طيب انتوا اتاكدتوا بجد ان مفيش وراها حاجه او مصيبه و لا حد زاققها ايه.....بقولك البنت جسمها متدمر يا سلامه مضروبه كانها مجلوده و متعذبه مفيهاش حته سليمه سلامه....حسبي الله و نعم الوكيل بس بقولك ايه برضوا يا قلبي خدوا بالكم من حاجتكم يعني بلاش تحطوا قدامها حجات شخصيه في النهايه هي غريبه و انتوا لسه متعرفوهاش فهماني ايه....متقلقش اكيد بس هي علي فكره شكلها بنت ناس يعني سلامه....مقولناش حاجه بس الحرص مش عيب انتوا ساعدوتها عملتوا معاها اللي اهلها معملهوش لكن لازم تحرصوا مش اكتر فهماني ايه....فهماك يا حبيبي المهم الوقت قولي انت عامل ايه سلامه....انا احسن كتير والله الحمد لله ايه....سخنت تاني سلامه....لا دافي شويه بس الحراره نزلت خالص متقلقيش ايه....انا كنت عايزه اجيلك بس مش هعرف البنت هنا و مفيش غير بابا سلامه...لا يا قلبي خليكي انا كويس والله ايه.....ريهام عامله ايه سلامه....برضوا احسن كتير من امبارح هي لسه تعبانه شويه بس حرارتها نزلت خالص ايه...الحمد لله الف سلامه عليها و عليك انا كل شويه هطمن عليك ماشي سلامه....ماشي يا قلبي و خدي بالك من نفسك ها و بقولك ايه هي بطاقه البنت دي معاكي ايه....لا معاها هي في شنطتها سلامه....هي صاحيه ولا نايمه ايه.....لا نايمه انا خرجت بره عشان اكلمك شكلها كأنها بقالها سنه منامتش سلامه....يطب اسمعيني لما تصحي و تدخل الحمام حاولي كده بسرعه تاخدي صوره وش وضهر من بطاقتها و تبعتيهالي ايه.....هفتح شنطتها يا سلامه عيب سلامه....مش عيب يا قلبي احنا بنامن نفسنا مش اكتر خليني اشوف انا الحوار ده عشان ابقي متطمن ايه....طيب تمام سلامه....خلصي و ابقي ابعتيهالي ماشي ايه...حاضر يا روحي خد علاجك وكل كويس و متتعبش تاني والنبي سلامه.....بصحد حاضر هقول للتعب امشي و متجيش تاني عشان ايه الهبله بتخاف ايه....بضحك ايوه كده جدع و يلا اتكل علي الله بلاش رغي صدعتني سلامه... بضحك اه يا كلبة البحر امشي يا بت انا غلطان اني رديت عليكي بعد كده مش هرد ايه....بضحك طب اياك يا سلامه سلامه....يلا يا هبله باي ايه....باي يا روحي . ...................... عند ليله و عشري صحيت ليله بهدوء و قامت دخلت الحمام غابت شويه خرجت بعد ما خدت شاور و غيرت كانت لابسه بچامه بنطلون و البدي بتاعها كب من غير حمالات و علي الجنبين في فتحات شبه الشبك لونها كشمير شكلها يجنن عملت ميكب اب خفيف و خلصت و راحت بهدوء علي المبطخ و قفت عملت فطار يجنن و ظبطت السفره و شغلت قرآن بصوت هادي و بخرت البيت و عطرته كان في شويه غسيل حطتهم و ظبطت الدنيا عملتلوا القهوه بتاعته في الترمس وبعدين راحت علي الاوضه تاني قربت منه قعدت علي ركبها قدامها و قربت صباعها من مناخيره. ليله....بابتسامه و صوت هادي و شقاوه و مياعه تجنن عشري بااااشا يا عشري باشا يلا قوم الفطار جاهز فضلت تلعب في مناخيره ليله.....يا سي عشري قوم يلا يا سيد الناس الفطار جاهز ابتسم عشري و فتح عينه بهدوء ليله....بضحكه جميله الباشا صحي اخيراً صباح السكر يا سي عشري عشري....بضحكه تجنن باس كفها صباح القمر ده ايه الصباح الحلو ده ليله..... صباحك انت اللي قمر انا عملت زي ما طلبت مني بالظبط قومت قبلك و جهزتلك الفطار يا سي عشري عشري....بضحك ده علي كده انا متربتش ليله....بضحك اشمعني عشري....عشان واطي بقي انا اصحيكي بالطريقه دي و انتي تصحيني كده ليله....بضحك ما انت قولت متربتش بس يعني متنكرش اني سمعت الكلام هو يعني بس فاضل حاجه بسيطه و اتمني عشري باشا ميزعلش اني معملتهاش عشري......ايه هي بقي ليله....يعني اصلي ملاقتش حاجه احط فيها مايه عشان رجل القمر عشري...بابتسامه تجنن سحبها من ايدها و طلعها علي السرير ليله....بضحك ااااااه بتعمل ايه يا مجنون عشري...بحب باس خدها يا ناااااس هتجنني و بموت فيها مايه ايه يا بنت المارديني اللي تحطي فيها رجلي ده لا عاش ولا كان اللي يخليكي تعملي كده ده انا اللي احطهالك و امسچهالك و ابوسها كمان ليله....بابتسامه باسته من خده و رفع حاجبها شيخ العرب يعمل كل ده و لا ما يصير عشري.... بضحكه تجنن اوبااااااا بقينا نتكلم عرباوي كمان ليله....بابتسامه علي قدي يعني عشري....اه شيخ العرب يعمل كل ده واكتر من كل ده انا عندي كام ليله رفعت صباعها و ابتسمت ليله....ليله واحده عشري....باس صباعها شوفتي بقي يعني مسموحلها تطلب اي حاجه و شيخ العرب ينفذ لكن تقعد تحت رجله و تدعكهاله اكسروا هو ورجلوا ليله....وانت مالك انت يا بلطجي انا وجوزي حرين انا راضيه عشان بحبه عشري....باسها من رقبتها و مش راضي عشان بعشقك انت هنا عشان تداعي و بس ليله....بابتسامه تجنن رفعت حاجبها امممم طيب خد بالك عشان انا بحب الدلت و لو اتعودت عليه و بطلتوا هتقلك يا عرباوي حلاوة البظايات دي متنفعش معايا يعني شهر كمان لو لاقيتك زوج مصري اصيل هطلع مع ريهام سعيد و هقولها قتلت جوزي عشري....بضحك خلاص معادنا بعد سنه يا بلطجيه مش شهر و المايه تكدب الغطاس كل يوم دلع ليله....طب و بعد السنه عشري....هنبدأ السنه التانيه بدلع جديد وهنعلي بالليڤيل و يكون معانا شيخ عرب صغنن او بلطجيه صغننه زي امها ليله.....السنه الجايه يعني احمل الوقت لا مش لاعبه انا لسه عايزه اتدلع شويه عشري.....ما انا هدلعك و مش شويه كتير ليله....لا مليش دعوه استني عليهم شويه و بعدين محدش هياخدك مني عشري....مين دول اللي ياخدوني منك محدش يقدر ليله...بدلع تؤ مش وقتهم عشري...بابتسامه رفع حابجه بت انتي بتاخدي حاجه ولا ايه ليله....اكيد لا يا بلطجي م شبعما كدن و بعدين يعني ده مس قراري لوحدي انا سيباها كده بس يعني احسن منستعجلش و الا والله بقي هتيجي فوق دماغك و هحمل وشوف مين هيديك المنوم بتاعك كل يوم عشري....بضحك لا استني هو لو في حمل مش هيبقي في منوم ليله....بمياعه تؤ عشري...هو ايه اللي تؤ ده انا اوديكم في ستين داهيه انتي و البلطجيه بتوعك ليله...بضحك الله وانا مالي مش انت اللي مستعجل عليهم عشري....يعني مستعجل اكيد بس مش لدرجه انهم ياخدوكي مني ليله...والله انت وحظك بقي عشري....باسها بحب حظي قمر و نايم تحت ايدي اهو بقولك ايه ما تيجي اقولك كلمه ليله...لا بقولك ايه انت بطل مرقعه و قلة ادب و اتهد شويه تعبت منك و يلا انجر قدامي في فطار متجهز بره عشري.....رفع حاجبه انتي بتزعقيلي و لما اكتفك غصب عنك ليله....بابتسامه باسته متقدرش عشري...اقدر هتعملي ايه ليله ...بضحكه جميله ولا حاجه هقل ادبي معتك طبعا بس وقته عشان في فطار اخلص عشري....طب براحه متزوقيش هاتي بوسه ليله....اموووووه يلا بقييييي الفطار هيبرد قدامك خمس دقايق تكون جاهز عشري...بضحك الله بتقلديني علي فكره ليله....لا انت قولت عشره و كمان مسكتني من قفايا و قولتلي انجري يابت و انا صحيتك لهدوء يا قليل الادب عشري....حماااار ضحكت ليله من قلبها ليله....متقولش علي البلطجي بتاعي كده يا رخم يلا اخلللص عشري...عيوني دخل عشري علي الحمام و بمجرد ما دخل سمعت صوت الستاره بتترفع بصلها ورفع حاجبه واول ما اترفعت ضحك عليها كانت واقفه بره الازاز و رافعه بايدها الريموت. عشري...بضحك طب حلو بداتي اشطا ليله....بضحك بعرفك بس ان فكرتك دي مهببه عشري.....لا دي قمر و عادي خليكي واقفه انا مش بتكسف ليله.....مترتبش امونه نسيت تربيك عشري.....بصحك نزلي يابت ليله....لااااا عض علي شفايفه بغيظ و داس علي الزرار من جون ابتسمت لياه ورجعت فتحته تاني و حطت شفايفها علي الازاز فضل يضحك عليها وقرب من الازاز باس شفايفها من جوه وبعدين بعد عشري.....اقفلي ليله....لااااااا عشري...هخرج و هقفشك و هتصحي شيطاني و الفطار هيبرد ليله....بصحك لا خلااااص يابااااي ما بتصدق حاجه فيها قلة ادب اخلص بسرعه عشري....بايتسامه ماشي قفلت ليله و راحت قعدت علي السرير من الناحيه بتاعتها مسكت الموبايل و بعدين نامت في نص السرير و رجليها في الارض و فضلت تقلب في الموبايل و اتصلت علي ايمي. ايمي.....عروستي ليله...بضحكه تجنن قلبي اللي وحشتني هو انا عايزه افهم حاجه بقي ايمي....احييييه خير عالصبح ليله....هو انا مقطوعه ايمي....بعد الشر ليله....طيب هو انا عروسه محروقه ما صدقتوا خلصتوا منها ايمي....بضحك لا معلش بعد اذنك عروسه محروقه دي انا و ايه الكلب اللي كانت بتقول عليا كده ليله....طب امال ايه طيب لازم اقل ادبي ايمي....في ايه عالصبح حبايتين الجراءه اللي وخداهم دول البلطجي عملك حاجه اجيب العصابه واجيلك ليله...والله شكلي كده انا والبلطجي هنجيب بعضنا ونيجي نروق عليكم هو انتوا هتيجوا امته بقي ان شاء الله يابت انا عروسه والمفروض تيجوا تطمنوا عليا و تزوروني ايمي.....بضحك يعني الحق علينا اننا سايبينك انتي و البلطجي تلعبوا عروسه وعريس براحتكم ليله.... بضحك ااااه بداناها بوساخه طيب يا اختي لعبنا وعنلنا عروسه وعريس هتيجي امته بقي ايمي....بحب هجيلك والله انتي اخواتك جايين امته انهارده ولا بكره ليله....بكره و بعدين انتي مالك ومالهم ايمي.....خلاص بعد بكره هجيلك و حتي لو العيال مش فاضيين هجيلك انا والله علي الاقل ارخم عالبلطجي شويه و اعمل فيها حماه ليله......ايمي متبقيش رخمه لسه هستني بعد بكره تعالي انهارده و النبي ايمي....انهارده ايه يابت فيكي ايه ده انا قولت الوسخه الوحيده اللي مش هتعبرنا بعد ما تتجوز ليله و ما هتصدق يتقفل عليها باب هي والبلطجي ليله....بضحك وحشتيني انتي والبنات يا اوطي من الرصيف يابت حاسه اني ناقصني حاجه و مش واخده علي القاعده دي انا و اعملي حسابك لو مجتيش هسلي وقتي بالخناق مع البلطجي ايمي....بضحك وماله خليه يكسر راسك ليله.....مش ملاحظه يابت انك معاه مش معايا ايمي....مقدرش انتي روحي هجيلك والله بس خليها بعد بكره اصلا انهارده كل البنات و الشباب نزلوا الشغل فا محدش هيعرف خليكي انتي بكره مع اخواتك هيجوا يسلوكي شويه و بعد بكره هطب علي قلب عشري ولا تزعلي روحك ليله....طيب هتيجي امته ايمي....هتفق بقي مع البنات واشوف ظروفهم و اكيد الشباب هيجوا هما كمان ليله....هو ايه اللي هتفق مع البنات دي انا العروسه يعني تتفقي معايا انا ايمي....بضحك احيه علي شغل العيال طيب عايزه ايه ليله....عيزاكوا تيجوا بدري شويه يعني مش متأخر اوي و هتقعدوا كتير ايمي....ولما نتحدف من فوق من البلطجي بتاعك ليله... لا مش هيحدفك هو اصلا مستنيكي علي فكره عشان عايز يغلبك في البلياردوا انا فتنت عليه عيزاكي تكسريه ايمي....بضحك غلبان عشري ده سيبه هكسرهولك متقلقيش ليله....طب وحياتي متتأخروش عشان نتغدي سوا و نقعد كتير ايمي....والله هتفق مع البنات انهارده و هقولك اشطا ليله....اشطا قوليلي بقي مال صوتك ايمي....مال صوتي ما انا زي الفل اهو ليله.....امال مالك نايمه علي نفسك كده ليه انتي تعبانه ايمي....لا والله زي القرده بس قاعده انا وچوي لوحدنا ومش بعمل حاجه ليله....طب تعالي والنبي هخلي عشري يبعتلك حد يجيبك ايمي....بتتتت اتكلي علي الله زن العيال الصغيره بتاع ايه و نادين ده هما عدوكي ولا ايه قولت بعد بكره ليله....يا بااااااي طب خلاص متزوقيش ايمي.... بابتسامه يلا امشي روحي للبلطجي ليله.....شويه و اتصل ارخم عليكي بحبك يا اوزعه ايمي.....بضحك وانا بحبك يا بلطجيه ليله ..بابتسامه باي ايمي....باي قفلت ليله و فضلت تلعب في الموبايل شويه خرج عشري و شافها نايمه في وسط السرير طلع بركبته علي السرير و باسها من شفايفها عشري.....يلا يا قلبي ليله.....يلا ايمي بتشلم عليك عشري....بابتسامه الاوزعه مش ايمي ليله....هقولها علي فكره قرب منها وشدها من ايدها عشري..... ولا بيهمني تعالي بقي انتي كده بتفتحي علي الستاره شالها علي ضهره ومشي بيها ليله.....بضحك نزلني يا بلطجي انا مالي مش انت اللي عملتها عشري....انا هوريكي ليله.....بضحك طب نزلني والله لو وقعتني لا هقتلك خرج بيها لحد بره ونزلها بهدوء عشري....اوباااااا ايه الفطار ده ليله....بابتسامه اي خدمه يا سي عشري عشري....بحب قلب سي عشري يلا تعالي يا قلبي افطري.. ................. ايه.....نغم نغم فتحت نغم عنها وقامت بسرعه ايه....ااا متخافيش صباح الخير نغم....صباح النور معلش اتخضيت ايه....انا اسفه والله مقصدش اخضك بس عيزاكي تصحي عشان تاكلي انا و بابا جهزنا الفطار يلا قومي اغسلي وشك و تعالي عشان نفطر نغم....حاضر ايه...نمتي كوسس نغم...اه الحمد لله نمت كويس اوي بجد ايه....يطب الحمد لله يلا قومي ادخلي التويلت و تعالي عشان نفطر نغم....حاضر قامت نغم و دخلت واستنت ايه اول ما سمعت صوت المايه عملت بسرعه زي ما سلامه قالها و قفلت شنطتها تاني و وقفت تظبط السرير و استنت نغم لما خرجت و راحوا مع بعض علي بره. نغم....صباح الخير يا عمو احمد... بابتسامه صباح الخير يا بنتي عامله ايه الوقت نغم...الحمد لله احمد....رجلك لسه تعباكي نغم....شويه بس انا تمام الحمد لله احمد.....الحمد لله اقعدي يلا عشان تفطري انتي وايه ايه....يلا يا نغم اقعدي ................... الوقت كان بيعدي و علي الساعه سته نزلت تقي من البيت علي اساس تقابل نسمه لكن لقت قدامها عدي .... وللحديث بقيه.....

مقالات ذات صلة

لقاء كـ،ـ،ـارثي

لقاء كـ،ـ،ـ،ـارثي

لقاء كـ،ـ،ـ،ـارثي

لقاء كـ،ـ،ـارثي

لقاء كار,ثي

لقاء كا.رثي

اترك تعليقاً إلغاء الرد