ابن ليل

حسن…..ايه يابنات عملتوا ايه؟

دارين…بإبتسامه الحمد لله يا حسن قدمنا ورقنا خلاص والمفروض ننزل من بكره بس احنا هنأجلها لبعد بكره عشان في شويه حجات بسيطه محتاجين نشتريها

حسن….طيب الحمد لله

زكريا…..مبروك يا بنات

بصوله البنات ابتسموا بهدوء و سكتوا ثواني

دارين…الله يبارك في حضرتك

زكريا….هي امكم فين

دارين….قالت هتجيب حاجه بسرعه ونستناها

قرب مَنكش يحط القهوه بتاعت زكريا بص للبنات وهو فاتح بوئه

مَنكش….ايوووووه با جدعان عالحلاوه🥴🥴🥴🥴

حسن…..اظبط يا مَنكش🤨

زكريا….بإبتسامه هاديه بتعاكس احفادي قدامي ياولا

مَنكش …..نكدبوا يعني يا معلم صراحه اه بنعاكسهم

ضحك زكريا وحسن والبنات

مَنكش متأخذونيش يا بنات بس الشهاده لله بقالي زمن مشوفتش حلاوه كده

حسن….سكته يا جدي بدل ما نضربه😂😂

زكريا…..هنسيب حسن عليك يا مَنكش وانت حر بقي.

مَنكش عادي انا اصلاً متعود بس علي الاقل الواحد ينضرب المرادي علي حاجه مستاهله🥴

ضحكوا البنات علي خفة دم مَنكش

اما عند دره فا دخلت علي اول سوبر ماركت

الشاب…..ايه تاني يا هانم ما قولنا كل حاجه متباعه

دره…..بص انا لسه جايه من السفر من يومين والبيت عندي فاضي ولو الحاجه الوقت متباعه خلاص رزق اللي هياخدها بالف هنا عليه بس لو معاك يعني ورقه وقلم اكتب ورايا اللي محتجاه لاني عايزه حجات كتير بصت لصاحب السوبر ماركت ولا ايه يا حاج اكيد مش هسيبوني انا وبناتي معنديش حتي كوبايه مايه.

هز صاحب المحل راسه….اكتب ياولا وراء الهانم طلباتها😉

الشاب….تمام قولي

دره….انا كنت طالبه باكيت مايه معدنيه خليهم خمسه وكنت طالبه اربع علب لبن خليهم عشر علب وكنت طالبه كرتون بيض خليهم خمسه بردوا وكمان كيلو جبنه تركي واوزنلي من كل نوع جبنه عندك نص كيلو وحطلي عشر علب تونه

الشاب….🙄 احيه انتي عندك عزومه😒

دره….بإبتسامه لا بس انا بنحب طلبات البيت تبقي عندي عشان مش بنزل كل شويه حطلي كمان كرتونتين عصير واحده مانجه وواحده تفاح وبكام الشكولاته دي🤨

الشاب….دي الواحده بعشرين

دره….امممم حلو والكرتونه

الشاب….فيها 12 واحده😒🙄

دره…يعني العلبه ب 240 ماشي حطها من ضمن الطلبات ابقي احسب حسبتك بقي ووقت ما تجهز عرفني

الشاب…..ماشي من عنينا

دره…تسلم سلام عليكم

خرجت دره وجري الشاب علي صاحب السوبر ماركت