ابن ليل

خدت دره البنات وبعدت عنهم بسرعه

ديما….مامي عايزين ايه دول وليه كده شكلهم مش مريح

دارين….مين دول يا مامي

دره….خلاص بقي كفايه تحقيق قولتلكم كانوا جيراني  و أصحابي مها كمان متجوزه بكر اخو دعاء وتبقي اخت كرم اللي شوفتوا امبارح

دانه….. اااااه هي العيله كلها شكلها كده.

دره….خلصي انتي وهي تعالوا ندخل نجيب حجات من السوبر ماركت

دارين….يلا.

دره….من فضلك عايزه باكت المايه ده وعايزه اربع علب لبن وعايزه كرتون بيض

بص صاحب السوبر ماركت للشاب اللي واقف يبيع وهز راسه شمال ويمين

الشاب…..لا معنديش

دره…بإبتسامه استغراب معندكش ايه ماكل حاجه موجوده اهيه

بص الشاب بطرف عينه لصاحب السوبر ماركت لقاه حاطت ايده علي وشه🤦

الشاب….لا معلش اقصد يا هانم متباعين 🙄

دره…. ايه اللي متباعين ؟

الشاب….الطلبات اللي طلبتيها

دره….ايوه بس في منهم كتير

الشاب…..كله متباع للاسف 😒

بصت دره للبنات ورفعت كتفها باستغراب.

دره….طيب شكراً

الشاب….العفو

خرجت دره من المحل هي والبنات

دره….تعالوا المحل ده بيبيع بيض تعالوا نجيب منه البيض

قربت دره من راجل كبير صاحب المحل

دره…..سلام عليكم يا حاج

البياع….عليكم السلام

دره….من فضلك عايزه كرتونه بيض كام سعرها ؟

البياع…..ااا لا متباعين🙄

بصتله دره وسكتت ثواني 🤨

دره….ايه اللي متباع مش فاهمه

البياع….البيض متباع

دره…..يعني عايز تقنعني ان البيض ده كله متباع

البياع….قولي ماشاء الله 😒

دره…..ماشاء الله طبعاً ربنا يرزقك بس انا كل اللي طلباه كرتونه

البياع….وانا قولتلك متباعين وواخد حسابهم والوقت صاحبهم يجي يشيلهم

دره….بتنهيده اوك بالتوفيق

دانه….مامي مش ده كمان سوبر ماركت

دره….ايوه تعالوا نروح نجيب منه والفرن اللي هناك دي ريحة الخبيز مع الجو ده طالعه ريحته تجنن نجيب منها شويه حجات

ديما…..المحلات هنا حلوه اوي يا مامي يعني غير امريكا

دره…اكيد هنا في روح تانيه خالص يلا تعالوا مساء الخير يا حاج معلش محتاجه اربع علب لبن و باكيت مايه معدنيه ولو بيض كمان اديني كرتون

البياع….معلش معاد الغداء بتاعي ولازم اقفل يلا ياولا شد حيلك عايزين نقفل😒😒🤨

دره….طيب اوك بألف هنا بس مش هتاخد خمس دقايق اكيد مش هعطلك

البياع….معلش مش هقدر

دره…..هو في حد يقول للرزق لا قولتلك مش هأخرك