تعاهدنا

الفصل الثامن.. رحله طويله لا اعلم متي ستنتهي وكيف؟ اشعر بأن العالم ينهار من حولي وانا اصارع الم*و*ت بداخلي ولكن لا شئ ينتهي أحلم بيوم أستيقظ من ذاك الكابوس اللعين..أشعر وكأن شيئاً قاسي يقف بحلقي يؤلمني كثيراً وكأن احدهم اطبق بيده علي رقبتي لكي يخنقني لا استطيع ابعاد يده ولا استطيع التنفس بشكل طبيعي اقف علي حافتي ال*م**وت والحياه لا اعلم اي خطوه تسبق الثانيه هل ال*م*و*ت يسبق الحياه ام ان العنايه الإلهيه ستنقذني . ومضيت وحدي في الطريق يعانق كفي يد القدر الذي لا اعلم الي اين سيأخذني .. أمضي كالسهم ا لمنطلق الي الأمل ولكني أتعثر في وسط الطريق كالمسكين الذي هزمته أحقاد البشر. وضاق بالاحزان من طول السفر أين البريق و أين أحلام العمر؟! هل ضاعت علي الطرقات في هذا العالم القاسي؟ شيئاً في هذه الأيام ينقصني ..اشعر واني اتجرد من الحياه ببطئ ولكني لا اعلم ما الذي تخبئه لي الي الان....ولكن سأمضي في الطريق وحدي إلي حين إشعاراً أخر ................................. في تلك الليله كنت أشعر بالأختناق فذهبت الي المدينه الساحره التي كلما حزنت او فرحت ذهبت اليها دون تفكير ..نعم إنها عروس البحر الابيض أسكندريه. المكان الاحب الي قلبي ...قابلت هذا المدعو سلامه شخص ودود دائماً وجهه مبتسم وبشوش يساعدني كثيرا طول فتره بقائي. سلامه...بفرحه أدهم باشا نورت اسكندريه كلها مصدقتش نفسي لما قولت انك جاي تأعد يومين ادهم...بأبتسامه حزينه أزيك يا سلامه عامل ايه سلامه...الله يسلم عمرك يارب انا بخير الحمد لله ايه فينك كل ده من يوم ما سافرت بلاد بره وانا معرفش عن حضرتك اي حاجه. ادهم...و اديني جيت اهو يا سيدي وكنت هنا كمان من يومين بس مشيت علي طول مطولتش سلامه...حمدالله علي سلامتك ادهم...الله يسلمك يلا اركب تعالي وديني البانسيون اللي قولت عليه ده عشان مش قادر محتاج انام. سلامه....حاضر يا باشا بس مش كنت حجزت في الفندق اللي بتنزل فيه ديماً احسن من المكان الصغير اللي مايليقش بمقامك ده. ادهم...معلش انا هرتاح كده اكتر يا سلامه انت عارف الكل عارفني في الفندق ده وانا محتاج اروح مكان محدش يعرفني فيه ولا اعرف فيه حد محتاج اكون لوحدي في مكان بسيط. سلامه....انا اسف اني بدخل يا باشا بس هو حضرتك كويس ليه حاسس انك شايل هم الدنيا علي كتافك بالشكل ده فن ادهم باشا اللي ابتسامته ماليه الدنيا اللي حابب الحياه ده انا كنت باخد من ضحكتك الامل في بكره حصل ايه ياباشا. ادهم....مش عارف يا سلامه بس يظهر ان الدنيا مش بتديك اللي انت عايزه او بتستخسر فيك الضحكه سلامه...هي الدنيا ديما كده يا باشا يوم ليك ويوم عليك. بس الشاطر اللي يتحمل عشان يعدي بسرعه وميستسلمش وإلا الدنيا هتزود وجعه اكتر وحملها هيبقي تقيل. ادهم....الشاطر بقي يا سلامه في وجع تقدر تعديه وفي وجع مستحيل تقدر عليه لو اتمكن من قلبك سلامه....بعد الشر عليك من الوجع يا باشا انت اقوي من اي حاجه سيب الوجع لناسه يا باشا حضرتك لسه صغير بلاش تشيل الهم من الوقت ادهم....سيبها علي ربنا يا سلامه سلامه...ونعم بالله بس اركن هنا يا باشا المكان اهو ركن ادهم ونزل جري سلامه خد الشنطه ودخلوا علي البانسيون مع بعض. سلامه....يا صباح السعاده علي اجدع ست في اسكندريه تهاني...صباح النور يا سلامه اهلا بيك وبضيوفك سلامه...ده ادهم باشا مش ضيف ولا حاجه ده صاحب مكان ادهم باشا متعود يجي اسكندريه علي طول وبينزل في احسن فنادق بس المرادي هو حابب يريح دماغه ويبعد عن الدوشه ايه هنلاقي عندك مكان يرتاح فيه ولا الف وارجع. تهاني...ترجع ده ايه ده احنا هنشيله في رموش عنينا ادهم...بابتسامه تسلمي ياست تهاني تهاني...تسلم وتعيش يا باشا اطمن المكان هنا اه مش قد المكان بس نضيف وحلو وكمان الناس اللي فيه كل واحد في حاله يعني مش هتلاقي حد يضايقك معايا هنا واد غلبان اسمو حمو شغال معايا اي وقت تحتاج اي حاجه هيجيبهالك هوا انت بس تؤمر يا باشا ادهم...الامر لله تسلمي ياست تهاني معلش انا هتعبكم معايا تهاني...تعبك راحه المهم اكتب هنا بيناتك وعرفني هتقعد كام ليله. ادهم...مش عارف في الحقيقه هقعد قد ايه لسه بس انا قاعد معاكم شويه. تهاني...تآنس وتنور ولو مشالتكش الارض تشيلك عنينا. مسك ادهم الورق يسجل بيناته. سلامه...ست تهاني يا ادهم باشا ست بميت راجل اجدع حد ممكن تقابله في اسكندريه وديما مكانها مفتوح لكل الحبايب. ساب ادهم القلم وبصله بأبتسامه الجواب بيبان من عنوانه يا سلامه. تهاني....ربنا يخليك يا باشا اتفضل ده المفتاح بتاع الاوضه بتاعتك تاني دور علي اليمين اول اوضه تقابلك رقم سبعه. الاوضه دي غاليه مبيقعدش فيها غير الغاليين بتطل علي البحر هو صحيح بيبان من بعيد بس متقلقش ريحه البحر هتوصلك . ادهم...بابتسامه تسلمي ياست تهاني اتفضلي ده جزء من الفلوس تهاني...بس ده كتير اوي يا باشا دي الليله هنا ب300 جنيه بس. ادهم...خليهم معاكي ياست تهاني عشان لو احتاجت اي حاجه تهاني...حاضر. ياباشا من عنيا. سلامه....بعد اذنك يا ست تهاني هطلع ادهم باشا عشان يرتاح شويه. تهاني...اتفضلوا با الف مرحب نورتوا الدنيا. طلع ادهم مع سلامه وهو شارد خالص وكأن رجله عارفه طريقها مكانش مع سلامه اللي بدأ في الكلام بمجرد ما مشي من قدام تهاني. سلامه....ست تهاني دي ياباشا ست جدعه اوي بس للأسف ملهاش حظ خالص علي فكره هي مش كبيره دي عندها حوالي 33 سنه اتجوزت سمسار كبير كان كبير في السن بس كان بيحبها اوي وهي كمان كانت بتحبه الراجل ده مكانش ليه اي حد اتجوز قبل كده بس مراته سابته عشان مكانش بيخلف لما اتقدم لست تهاني عرفها انه ممكن ميخلفش هي وافقت ووقفت معاه واتعالج وفعلا بعد حوالي سنتين من جوازهم حملت يومها من فرحته كتبلها البانسيون ده باسمها وبعد حوالي اسبوع من معرفته بخبر حملها بتصحيه في يوم لاقته ميت فضلت طول فتره حملها حزينه ومنهاره ومش قادره تصدق انه مات اهملت في حملها مكانتش بتاكل ولا بتدوق الزاد لحد يوم ولادتها تعبت اوي وولادتها كانت صعبه جابت ولد بس صحته كانت تعبانه فضل في الحضانه حوالي عشرين يوم بعد كده اتوفي هو كمان زاد حزنها ووجعها ومن يومها وهي رافضه فكره الجواز دي خالص بتقول لو لفت الدنيا مش هتلاقي حد يعوضها عن جوزها وزي ما انت شايف واقفه بطولها في المكان بس ايه بميت راجل وسمعتها سبقاها. اتفضل يا باشا وصلنا. دخل ادهم الاوضه باهمال بص عليها وحس انه مرتاح رغم انها صغيره اوضه بسيطه فيها سرير ودولاب صغير في حمام داخلي جواها وفي كنبه صغيره جمب البلكونه وتلفزيون صغير معلق علي الحائط امام السرير وثلاجه صغيره علي جمب . راح ادهم فتح البلكونه اللي بتطل علي شارع خالد ابن الوليد لامح البحر من بعيد وبدأت الشمس تداعب امواجه وتعكس نورها.. سلامه....قولي ياباشا تؤمرني بأي حاجه عايزني اجبلك حاجه قيل ما اسيبك ترتاح ادهم....مش عارف يا سلامه انا الوقت محتاج انام سلامه...طيب سبلي نفسك خالص وانا هجبلك كل حاجه التلاجه فاضيه هجيبلك مايه عشان عارف انك مش هتشرب من مايه الحنفيه وهجبلك شويه اكل يتحطوا في الثلاجه. ادهم...اعمل اللي انت عايزه امسك يا سلامه خلي دول معاك. سلامه...مش وقته ياباشا نبقي نتحاسب بعدين ادهم...سلامه انا مش قادر اناهد كتير خلي الفلوس دي معاك وجيب اللي ناقص سلامه...ماشي ياباشا تؤمرني بأي حاجه ادهم....تسلم يا سلامه بقولك ايه لو في نسخه من المفتاح ده مع ست تهاني خدها خليها معاك لو مفيش خلي النسخه دي معاك. سلامه....لا اكيد فيه معاها نسخه تانيه انا هاخدها منها هروح اجيب الحاجه كلها واجيبهالك علي طول ادهم...تمام لو لاقتني نمت يا سلامه متصحنيش انا تعبان اوي سلامه...حاضر يا باشا ادخل حضرتك خد حمامك واخرج نام وانا لما اجي هظبطلك الحاجه وهقفل عليك ولما تصحي براحتك لو احتاجتني كلمني هجيلك هوا ادهم....ماشي ياسلامه معلش ههتعبك معايا الفتره دي سلامه...بحب متقولش كده ياباشا انا خدامك حضرتك ليك عليا جمايل متتعدش ادهم....انت غالي عندي ياسلامه سلامه...ده شرف ليا يا باشا والله يلا مش هطول عليك بعد اذنك. ادهم...اتفضل يا سلامه. خرج سلامه وقفل وراه فضل ادهم باصص علي الشارع اللي بدأ يتزحم اتنهد بوجع ودخل من تاني بعد ما قفل البلكونه راح علي شنطته طلع منها بنطلون خفيف وفوطه ودخل علي الحمام خد دش دافي وبعد وقت بسيط خرج نزل الشنطه من علي السرير ونام علي السرير مش عارف هيفضل موجود في المكان ده قد ايه ولا هيقعد في الاوضه دي لحد امته لكن من جواه كان مرتاح في المكان ومن غير مايحس راح ادهم في نوم عميق كانه ما نامش بقاله سنين ................................................. في منزل عهد..كانت قاعده علي سريرها ضامه رجلها وسرحانه دموعها نازله بتجري بوجع اتصلت بأدهم كتير تطمن عليه لكن كل مره كانت بتجيلها الرساله التي كرهتها كثيراً تخبرها بأن هاتفهه مغلق..كانت قلقانه عليه جدا خصوصا بعد الحاله اللي مشي عليها. لم تتذوق النوم حتي لو لدقيقه واحده قامت عهد من علي سريرها فتحت الدولاب وطلعت منه صندوق خشب قعدت في الارض وفتحته وبمجرد ما اتفتح خرج منه ورق الأشجار باندفاع كمن كان محبوس واخذ حكم افراج امتلئ المكان بجانبها بورق الاشجار مسكت ورقه بيدها ونظرت للعهد المكتوب عليها. اعاهدك بأن أجعل الضحكه دوماً مرسومه علي شفتيك ولم أحزنك مره أخري.. قلبت الورقه وشافت المكتوب. تم تنفيذ العهد يا احلي عهد اظن اني صالحتك خلاص ومن هنا ورايح مش هزعلك تاني فكي بقي البوز الوحش ده . ابتسمت عهد من وسط دموعها ومسكت ورقه غيرها وتقريبا كان بعد وفاه والدها. عارف انك زعلانه ومش هقدر اقولك متزعليش بس اعاهدك ان اليوم ده هقدر امحي حزنه من ذاكرتك عارف ان سندك راح بس عهد عليا با عهد اكون سندك وضهرك في الدنيا عهد عليا اكون ليكي اب واخ وصاحب وحبيب .. قلبت الورقه ... عارف ان مفيش حد بيعوض مكان الاب بس انا حاولت وانتي قولتي اني قدرت اعوضك طول الفتره اللي فاتت عشان كده اقدر اقول تم تنفيذ العهد. مسكت ورقه تالته مكتوب عليها. بعاهدك لو جبتي مجموع كويس في الثانويه هاخدك رحله لشرم الشيخ تقضي اليوم كله هناك تعملي كل حاجه نفسك فيها وتطلعي ضغط المذاكره .. قلبت الورقه.....من شرم الشيخ احب اقول تم تنفيذ العهد والمكان يشهد عليا يا عهد 🤨 ابتسمت عهد بوجع وهي بتفتكر رحلتها معاه اللي لا يمكن تتنسي. قضت وقت طويل وسط الورق والعهد لحد ما مسكت اخر ورقه كتبها بأيده.. بعاهِدك يا أجمل عهد تفضلي حبيبتي وبنتي واهم حد في حياتي بعاهِدك ان جوازي منك هيكون في اقرب وقت و هجيب منك ولاد كتير... ولو حصل غير كده و في يوم بقيتي مكتوبه علي أسم راجل تاني غيري يا عهد هاجي لحد بيتك يوم فرحك و ه*م*وت قدام بابك عشان تكوني انتي أخر حاجه شافتها عنيا..💔 نزلت دموع عهد بوجع وهي حاضنه الورقه بأيدها عهد....يارب خليك معايا مش هقدر اعيش مع حد غيره ولا هقدر اعيش وهو مش موجود يارب قويه وريح قلبه انت اكتر حد عارف يارب هو تعبان ازاي الوقت...يارب خليه يكتب بايده تم تنفيذ العهد ارجوك يارب خليك معايا ومعاه💔 بعد وقت طويل مسحت دموعها وقامت شالت الورق في الصندوق وبدأت تلبس هدومها. وبعد وقت بسيط نزلت كانت سهام مش تحت وشكلها نايمه في أوضتها خرجت عهد بهدوء وقفلت وراها. ...................................................... رقيه كانت قاعده ومعاها ساره دموعها مش بتقف ساره...كفايه عياط يا طنط حضرتك كده هتتعبي رقيه...مش قادره يا ساره خايفه علي ادهم اوي موبايله مقفول ومعرفش راح فين ولا حاسس بأيه الوقت ساره...هيكون راح فين بس اكيد محتاج يبعد ويرتاح وبصراحه بقي كده احسن ليه علي الأقل ممكن لما يبعد يفكر صح ويشيل عهد دي من عقله خالص رقيه...مش قادره اصدق اني اتغشيت في سهام للدرجه دي مش قادره اقتنع ان دي صاحبت عمري هي بايدها اللي توجع ابني بالشكل ده. ساره....لا صدقي يا طنط صدقيني هي من زمان كده بس حضرتك اللي مكنتيش واخده بالك وعلي فكره بقي انا شايفه ان عهد كمان زيها لانها لو بتحب ادهم بجد كانت عملت اي حاجه عشانه. رقيه...ادهم بيقولي انها منهاره واكيد يا ساره مش هتعادي امها دي ملهاش غيرها انتي لو مكانها كنتي هتعملي ايه ساره...اكيد انا لو مكانها مكنتش هعمل زيها عالاقل كنت هحاول اعمل كل اللي في ايدي عشان اقنعها ولو فضلت مصممه مكنتش هقدر اسمع كلامها طبعا واضحي بحب عمري. رقيه...بدموع طيب والعمل ايه الوقت قلبي واجعني اوي علي ادهم شيفاه بيتعذب قدامي ومش قادره أعمله حاجه هاين عليا اروح تاني لسهام ابوس ايدها عشان ترجع عن اللي في دماغها ده. ساره...لا طبعا يا طنط انا مش مع حضرتك في اللي بتقوليه ده مين دي عشان تبوسي ايدها رقيه...انا مستعده اعمل اي حاجه عشان ادهم ساره...وتفتكري يا طنط انها هتوافق صدقيني هي واخده قرار ومفكؤه يعني لو حصل ايه مش هتوافق إلا لو ادهم قدملها نفس اللي قدمه عاصم هي كل اللي همها الفلوس ومفتكرش انها هتوافق رقيه...انا عندي استعداد اسحب كل فلوسي اللي في البنك وابيع كل مجوهراتي واكيد حسن هيساعد ادهم وهو معاه مبلغ كبير من سفره يمكن توافق ساره....المبلغ اللي طنط سهام عيزاه بعد اللي عاصم قدمه واللي داخل علي 100 مليون ولو هتعملي كده يادوب هتوصلي لنصهم متنسيش ان انكل حسن كل فلوسه في السوق ومش هيقدر يسحب مبلغ كبير رقيه...طيب اعمل ايه بس ساره...تساعدي ادهم انه ينسي عهد يا طنط صدقيني هي مش ليه سبيهم يجروا ورا الفلوس لحد ما يندموا وصدقيني ادهم هيقدر مع الوقت يبقي احسن وساعتها هيقول انا كنت عامل في نفسي كده ليه. وفجأه جات الشغاله تبلغ سهام بوجود عهد. سهام...عهد عهد هنا خليها تدخل فورا. دخلت عهد بسرعه وهي بتجري عليها عهد....ايوه انا هنا يا طنط رقيه واترمت في حضنها حضنتها رقيه غصب عنها وهي دموعها نازله عهد...ادهم فين يا طنط موبايله مقفول وقلقانه عليه رقيه...مش عارفه يا عهد قال مسافر ومحدش عارف راح فين. عهد....طيب انا عايزن اطمن عليه ساره...انتي جايه تطمني عليه يا عهد ولا جايه تقوليله انك هتروحيله عهد...اروحله ازاي بس. ياساره ساره...زي الناس والله انا اعرف ان اللي بتحب بجد مستحيل تتخلي عن اللي بتحبه عهد...طيب ومامي ياساره اسبها تغضب عليا طول العمر ساره...ايوه صح بس عادي انك تفضلي واجعه ادهم طول العمر. عهد...لا مش عادي بس انا مش قادره اتصرف مفيش حاجه في ايدي اعملها غير اني قولت لمامي اني مش هتجوز عاصم ولا هتجوز غيره ادام مش هتجوز ادهم يمكن بالشكل ده اقدر اضغط عليها ساره...اااااه لا لو كده يبقي انتي فعلا عملتي اللي عليكي وزياده عهد...بدموع هو انتي ليه بتتكلمي كده معايا ساره...بغضب عشان انتي وامك سبب في اللي حصل لادهم انتوا الاتين سبب في وجعه ابعدي عنه بقي وسبيه يرتاح وينساكي جايه تعيطي وتتمسكني عامله ان قلبك عليه بس الحقيقه غير كده. عهد...ببراءه حقيقه ايه انا مش فاهمه حاجه ساره....حقيقه انك جايه تمثلي انك مش قادره علي بعده وخايفه عليه وفنفس الوقت انتي مقتنعه بكلام امك ان مستقبلك مع عاصم جايه بس عشان تحسسي الكل ان اللي بيحصل ده غصب عنك وان مفيش في ايدك حاجه تعمليها عايزه الكل يتعاطف معاكي وفي نفس الوقت توصلي للفلوس مع عاصم. عهد...بدموع لا انتي بتقولي ايه انا عمري ما فكرت بالطريقه دي بس كمان صدقيني مفيش حاجه في ايدي رقيه...بدموع طيب يا عهد لو انتي فعلا كلامك صح تقدري تكملي مع ادهم واكيد مع الوقت سهام هتتقبل الوضع ومش هيبقي في حل قدامها غير انها تسامحك عهد...طيب ولو مسامحتنيش يا طنط تقدري تقوليلي اعمل ايه اعيش من غير امي صدقيني يا طنط لو وجودي مع ادهم هيخسرني امي للابد مش هقدر ولو وجودي مع امي هيكون شرط اني ابعد عن ادهم برضوا مش هقدر عشان كده انا عندي استعداد اعيش من غير جواز بس ادهم يفضل معايا. ساره...ده علي اساس ان ادهم هيعمل زيك ويعيش من غير جواز للاسف يا عهد انتب حابه تثبتي الكل وتمسكي العصايه من النص مش عابزه تطلعي خسرانه عهد....بانهيار انا لو في حاجه في الدنيا دي مش عايزه اخرج من الدنيا وانا فعلا خسرانه فيها هو ادهم وبس رقيه....بس الحب محتاج تضحيه يا عهد عهد...انا اضحي بعمري عشانه. ساره...كفايه تمثيل بقي يومين بس حولتوا حياتنا لجحيم سبب تافه للرفض كلام عبيط ميدخلش عقل عيل صغير ومش بس كده نكدتوا عليه وهو لسه نازل من السفر مش بقاله اسبوع ابعدي عنه بقي سبيه في حاله سحلاه معاكي في كل مكان وفي اي حته كنتي بتتعاملي معاه علي انه الداده بتاعتك لحد مبقاش قادر يحب غيرك وبعد ده كله إيه اللي عملتيه عشانه انتي لو فعلا بتحبيه يبقي تسنيه وتبعدي عنه مش تحسسيه انك هت*م*و*ت*ي عشان وتزودي همه وانتي متأكده ان فالاخر مش هتكوني ليه عهد...بدموع هزت راسها رافضه اللي بتسمعه حاسه انها بتحلم.. ساره...اتفضلي اطلعي بره حياتنا انتي وامك لو فعلا بتحبي ادهم ساعديه ينساكي او تفضلي معاه متبقيش انانيه هو طول عمره بيضحي عشانك ضحي انتي مره عشانه بصت عهد لرقيه بوجع بعدت رقيه عينها عن عهد بوجع جريت عهد بسرعه من قدامهم وهي قلبها بيتقطع وبمجرد ما خرجت انهارت رقيه. ساره...حقك عليا ياطنط صدقيني مكنتش اقصد انا كنت بحاول أستفزها بالكلام عشان تقول خللص هفضل مع ادهم لكن زي ما شوفتي هي جايه وعارفه هي عايزه ايه جايه تمثل انها مجبوره علي اللي بيحصل. رقيه...بدموع عندك حق يا ساره بس انا قلبي وجعني اوي. قربت ساره منها خدتها في حضنها وابتسمت أبتسامه شر...سلامتك من الوجع يا طنط قريب كلنا هنرتاح وهترجع حياتنا طبيعيه من تاني وادهم هيتجوز اللي تستاهله بجد وتضحي عشانه. .......................... رجعت عهد وهي بتجري ومنهاره علي الڤيلا في الوقت ده سهام كانت خرجت من اوضتها تدور عليها زي المجنونه وبتصرخ بأسمها خافت تكون راحت لادهم خافت من فضيحه مستنياها لو فعلا عملت كده..وفجأه وفي وسط ماهي بتصرخ بأسمها دخلت عهد وكأن غضب العالم انصب في داخلها. سهام...بغضب انتي كنتي فين روحتيله سبتي امك وعايزه تجرب وراه تختاريه . عهد....اسكتي سهام...قوليلي كنتي فين؟ عهد...اسكتي سهام...خرجتي من غير ما تقوليلي رحتي فين؟ عهد...اسكتي. سهام...عايزاني اغضب عليكي ياعهد بتكسري كلامي مقدرتش عهد تمسك نفسها وكملت بانهيار عهد...اسكتيييييييي اسكتييييييييي ارحميني حرام عليكي ادهم ساب الدنيا ومشي خالص ادهم سافر وموبايله مقفول محدش عارف عنه حاجه خلتبه فقد الامل في الدنيا زي ما انا فقدت الامل في كل حاجه ظلمتيني وظلمتيه من غير اي رحمه وعشان ايه عشان شويه فلوس بتبعيني وبتاجري فيا حاضر انا موافقه اتباع وتقبضي تمني هديكي كل اللي يشبعك بس هتكوني مبسوطه وقتها وانتي شيفاني مش عايشه ميته بالحياه لو ده هيرضيكي هعمله بس اسكتي ارجوكي مش قادره اسمع صوتك حرام عليكي دمرتي كل حاجه حلوه في حياتي قربت منها سهام بدموع عهد انا. عهد...مش عايزه اسمع منك حاجه سبيني في حالي سبيني يمكن ام*و*ت وارتاح جريت عهد علي اوضتها وفضلت سهام في مكانها تعيط بوجع.. ............................. عند ادهم كان أعد سرحان في البلكونه وحزن الدنيا باين عليه فجأه سمع صوت الباب بيخبط وقبل ما يقوم يفتح اتفاجئ😳 ادهم.....عهدددددد

مقالات ذات صلة

چاسمين

لقاء كار,ثي

لقاء كارثي

لقاء كـ،ـ،ـ،ـارثي

لقاء كارثي

لقاء كارثي

اترك تعليقاً إلغاء الرد