لقاء كـ،ـ،ـ،ـارثي

أميره أسامه صاحبة البطل الواحد . البارت المئه 138. ............................. ايمي....خير يا ريهام في أيه قلقتيني ريهام...لا متقلقيش مفيش حاجه تقلق و الله بس انا معايا حاجه ليكي ايمي....ليا انا ؟ ريهام....بصي انتي عارفه اني بقالي فتره كل ما بكون فاضيه بروق و بفضي الركن اللي جوه في المكتب اللي مليان صناديق ايمي....اه و انا قولتلك اعملي اللي يريحك و شوفي لو في حاجه مهمه خليها مفيش و تواريخ قديمه ارمي ريهام....وانا فعلاً بعمل كده و كل كام يوم امسك صندوق او اتنين افضيهم و انهارده كان فاضل اخر كام صندوق و بالصدفه وانا بروق لقيت الفايل ده طلعت ريهام فايل من شنطتها بصتلها ليله و البنات ايمي كانت باصه بصدمه خدت الفايل منها و بصتلهم ليله....في ايه الفايل ده يا ايمي ؟ فتحت ايمي الفايل و بصتلهم ايمي....ده الفايل اللي كان ضايع مني بتاع تجميد البويضات ليله....وده ايه اللي حطه في المكتب ايمي....معرفش و مش فاكره اني خدته هناك اصلا سلمي.....بابتسامه سبحان الله ريهام....هو انا اسفه بجد لو ضايقتك بس معرفش لما شوفتوا ووافتكرت كلامك في السفريه قولت لازم اقولك معرفش انك هتضايقي ايمي.....بالعكس انا مش مضايقه انا بس مصدومه و مش مستوعبه ووو يعني معرفش ايه اللي وصلوا للمكتب و ليه ظهر الوقت انا حرفياً قلبت عليه الدنيا في شقتي فوق و في المكتب و في كل مكان ازاي مشوفتهوش و ليه ظهر الوقت ليله....بابتسامه مش يمكن رساله من ربنا يعني جايز تكوني حبيبتي تأمني نفسك من حاجه في المستقبل بس ربنا كان عارف المستقبل ده كويس و كان كاتبلك انك تكوني ام من غير أي تدخل لا منك و لا من اي حد سلمي....سبحان الله ربنا مش بيتعاند و في نفس الوقت كتير اوي من اللي بيعملوا تجميد او حقن بيجيلوا توائم وانتي ربنا رزقك بيهم من عنده ايمي.....بابتسامه هاديه هزت راسها انتوا عارفين اني اتخطفت بجد بسبب الموقف ده قلبي اتقبض بس مش قبضه وحشه يعني قبضه فيها خوف من ربنا بس خوف حلو انتوا فاهمني ليله.....بضحكه جميله طبعاً ربنا كريم يا ايمي اوي و بيحبك انتي و رشيد و اهو الورق ظهر بعد ما بقيتي مامي زي القمر و عرفنا كمان هتجيبي ايه ريهام....الحمد لله و ربنا يقومك بالسلامه يارب ايمي.....بابتسامه شكراً يا ريهام بجد عايزه اقولك يعني سبحان الله من كام يوم معرفش ليه موضوع الفايل ده جه علي بالي ولا قيت نفسي بقول يا تري راح فين ريهام.....كان مستخبي و اهو ظهر ولعي فيه بقي مبقيناش محتاجينوا ايمي.....بنفس عميق الحمد لله ربنا يفرحني بيكم كلكم و تجربوا الشعور اللي انا حاسه بيه ليله....اللهم امين و تقوميلنا بالسلامه انتي وحبايب قلب خالتهم ايمي....يارب يا لولي ليله....تعالي نشوف زوزو بتاكل العيال بره سلمي.....بضحك يلا بينا خرجوا وسابوا ايمي في البيت جوه راحت قعدت علي الكرسي و في ايدها الفايل مبتسمه و سرحانه دقايق و دخل رشيد يدور عليها رشيد.....ايه يا قلبي بتعملي ايه بقول لچوي فين المدام قالتلي انك هنا بصتلوا ايمي و ابتسمت بهدوء رشيد....في ايه و ايه الورق اللي في ايدك ده بصت علي الورق و بعدين مدت ايدها لرشيد مسك رشيد الورق مكانش فاهم حاجه في الاول و بعدين خمن وبصلها رشيد.....هو ده اللي كان ضايع ايمي....بهدوء ايوه رشيد....طب ازاي و لاقتيه فين؟ ايمي.....ريهام لاقته في صناديق فيها ورق في المكتب و هي بترتب المكان رشيد....بابتسامه قعد جنبها طيب و انتي مالك ؟ ايمي.....بابتسامه مفيش بس مخضوضه شويه يعني مستغربه انه ظهر الوقت مع اني دورت في كل حاجه رشيد....بضحكه جميله هو انا مش قولتلك هنحاول الاول و اهو نجحت ايمي.....بابتسامه صح نجحت رشيد....بابتسامه سبحانك يارب الف حمد وشكر باس كفها بحب ربنا كريم يا ايمي ايمي....اوي يا رشيد اوي رشيد....طيب هتعملي ايه في الورق ده بقي بيتهيألي مبقيناش محتاجينوا صح ايمي.....هشيلوا ذكري رشيد....بضحك بتحللي الفلوس اللي اتدفعت فيه ولا ايه ايمي..... بضحك اه ممكن اهو علي الاقل ابقي طلعت بفايل بعد المصاريف دي كلها رشيد....بحب تحت رجلك اي فلوس يا قلبي اهم حاجه انك مبسوطه و بس ايمي....اللهم لك الحمد انا بحبك اوي رشيد....وانا بموت فيكي ااا نقوم بقي نشيل الذكري دي و تعالي نشوف زوزو عشان بتاكل محمود ماريز....بضحك وايه الجديد ماهي علي طول بتاكلوا يلا بينا .............. ماريز......بقولك ايه انتي يا بت يا بنت امبارح جايه تعدلي عليا ليله....بضحك لا روقي يا زوز مش عشان انتي شيف قد الدينا ابقي بنت امبارح انا برضوا شيف اعجبك تصدقي بالله والمصحف هتفك في الزيت جربي واحده كده ماريز....ولو مفكتش ليله....هعملك اللي انتي عيزاه ماريز....طب اشهدوا عليها بقي عشان لما تاكل علقه محترمه متجيش تعيط محمود....بضحك اهربي منها يا ليله من الوقت اكرملك زوزو مفتريه ليله....بضحك لا علي نفسها امك مفكراني عروسه و كيوت و حشها لساني الطويل نجلاء....بضحك والله انا اللي وحشني خناقك انتي وايمي معاها ايمي.....في ايه مالكم ليله....استني عشان تمك هتضرب ايمي....بنت حلال و تستاهل ماريز.....و الله انتي كمان عايزه تضربي ايمي....بضحك اااااه يا مفتريه ليله.....العدي عن البت بدل ما ازعلك و يلا يا ختي حطي في الزيت ماريز....طب تعالي بس جنبي كده عشان لو مفكتش هتضربي ايمي......هي ايه دي ماريز....بتقولي السمبوسه لازم اعملها عجينه الزقها بيها عشان متفكش في الزيت وانا بقولها مبتفكش مني ايمي....بضحك طب اجري يا ليله وخدي ساتر عشان القرده دي مبتلزقهاش اصلا ليله....بضحك هتضرب يعني و الله هتفك حطت ماريز واحده و بصت لليله و فعلا مفكتش ليله.....بضحك ااا عادي يعني حظ ماريز.....حظ يا ام لسان طويل مسكت ايد ليله عضتها ليله....بضحك اااااه يا بنت العضاضه ضحكوا كلهم ايمي.....قولتلك اجري محمود....بضحك وانا قولتلك مسمعتيش الكلاب ليله....برضوا حظ و الباقي هيفك و هتشوفي ماريز....بحق لو واحده بس فكت ............ حسان.....هو فضل مش جاي عشري.....قال جاي بس حاسس انه لا شكلوا كان بيثبتني حسان....طب وبعدين في الواد ده بقي هنفضل سايبينوا كده عشري....اكيد لا بس كمان الكلام مش حل يا حسان بنكلموا و بنكلمها والاتنبن بعيد عن بعض لازم يحصل حاجه تخليهم يتكلموا و يتواجهوا وش لوش حسان.....وده مش هيحصل الا لو نعيمه هي اللي نزلت اكيد فضل مش هيروحلها هو اصلا رافض الكلام في الموضوع فا الطبيعي انه مش هيسافر عسال.....بس هو كمان لازم يلين دماغه شويه يا حسان فضل قافل قافله صعبه حسان.....انا مش عارف ليه مع احساسي ان في حاجه بينهم حصلت و هو مش راضي يتكلم عسال.....ميتهيأليش مكانش حاول يكلمها لما كنا عند ليله و عشري في البيت عشري.....مفيش حاجه بس فضل واخد الموضوع علي كرامته اكتر حاجه مضيقاه انها سابته بالطريقه دي ومره واحده واتفاجئ زيه زي الكل بصوا هو انا اوقات لما بحط نفسي مكانه بصراحه بعذره يعني لو كان في خلاف حتي لو بسيط كان ممكن يديها العذر او يقول انها زعلت منه بسبب كده بس للأسف مفيش و في نفس الوقت انا عارف فضل كويس فضل تعبان و بيقاوح و بيتظاهر انه بخير و كويس و بيشتغل و الدنيا تمام بس هو مش بخير حسان....طبعا مش بخير ده كان كلها وقت بسيط و يتجوزوا بعد العيد بعني ايام يا عشري مش سهله برضوا و فضل حب نعيمه بجد عسال....طيب ليله محاولتش تقنع نعيمه خالص انها تنزل عشري.....ليله مبتعملش غير انها بتحاول و نعيمه كل اللي بتقولوا ان شاء الله مش عارف بقي انا شايف ان مفيش غير الحل اللي قولتلكم عليه و هيحصل انهارده ان شاء الله لو تم زي ما انا و ليله مخططين نعيمه هتنزل حسان....ماهي اكيد هتنزل طبعا و انا شايف انه حل كويس علي الاقل يشوفوا بعض يتواجهوا نحاول احنا نجمعهم باي طريقه كده يعني عسال....بيتهيألي كمان ان حل القصه دي كلها في ايد نعيمه يعني احنا لو اتكلمنا معاها نعيمه هتسمع مننا و هتقتنع و هي اللي هتحاول تصلح الموقف عشري....خلينا بس نشوف انهارده هيحصل ايه و هو لو مجاش الوقت هيجي بعد الفطار اكيد المهم قولولي فاضلكم قد ايه حسان....انا بعد بكره بامر الله البيت هيكون خلصان خلاص و هبدأ انا وسلمي نستلم الحاجه اللي اخترناها و هنكمل باقي الحاجه علي طول عشري.....علي خير يارب طب وانت يا ميدو عسال....انا و سلامه قدامنا حوالي اسبوع عشر ايام لو هنأجز في العيد يعني قول كده بعد العيد باسبوع نكون مشطبين و هنبدأ برضوا نشوف الحاجه اللي ناقصه و نستلم اللي اخترناه عشري....طب انتوا ناوين علي امته كده يعني ماشاء الله انتوا تقريبا خلصتوا حسان....احنا لسه محددناش طبعاً بس بامر الله بعد ما نخلص و نستلم ويكون سلامه خلص هو كمان هنحدد علي طول لان زي ما انت عارف احنا في يوم واحد عشري....طيب وانت يا عم ايه مش هنخلص منك بقي عسال....بابتسامه دعواتك انا هخلص و هستني طبعا اظبط مع والد نادين و والدتها احنا هنحدد عليهم عشان يبقوا معاها عشري....علي خير يارب حسان....عقبال فضل ونعيمه لما ربنا يهديهم كده ونفىح بيهم عشري.....يارب اللهم امين. .............. تقي.....بابتسامه احنا صايعين علي طول يعني اي وقت تحبي تخرجي احنا معاكي نسمه.....اه نخرج مع بعض و بعدين انتي لازم تخرجي و تغيري جوي يعني اكيد الشغل فرق معاكي بس برضوا الخروج وانك تفصلي هيخلي مودك احسن بكتير نغم ...بابتسامه ياربت والله بس بصراحه انا بخاف من المكان هنا بحس اني لو خرجت هيحصل حاجه تقي....طب ما انتي بتخرجي مع ايه وسلمي نغم.....اه بس زي ما بتقولي بخرج من خلالهم و كمان يعني انا روحت معاهم عند ليله عند ايمي اي مشوار خاص بيهم بيبقوا كلهم متجمعين و بنروح سوا ببق يمطمنه فهماني غير كده اخاف يحصل حاجه تقي.....هيحصل ايه بس متخافيش احنا معاكي و ياستي ممكن نخرج في اي مكان قريب يعني هنا او في التجمع و بعدين انتي ليه حاطه في دماغك انهم مراقبينك انا بيتهيألي هما مش هيقدروا يعملوا كده و كمان اكيد مش فاضين اربعه وعشرين ساعه عشان يشوفوا هتخرجي من المنطقه لوحدك امته نغم.....انا اتوقع منهم اي حاجه اللي يعمل اللي هما عملوا ده مبيخافش من اي حاجه و بعدين الموضوع بقي في ضغط منهم و تهديد عشان اتنازل و نمشيها ودي نسمه....حتي لو هددوا مش في محضر عدم تعرض ده مجرد كلام يخوفوكي بيه مش اكتر عشان تتنازلي تقي....اللي عايز يعمل حاجه يا نغم بيعملها يعني لا قدر الله لو في دماغهم اي شر ليكي مش هيهددوا او يخوفوكي هتلاقيهم عملوا كده علي طول نغم....معرفش بقي بس انا مش مرتاحه ليهم انتوا متعرفوش مريم دي ممكن تعمل ايه نسمه.....بس انتي موقفك اقوي واكيد حقك هيرجع نغم....يمكن موقفي اقوي بس هما نكروا حجات كتير و كدبوا حجات كتير مريم مش سهله و تقدر تطلع من اي مصيبه و بدأت احس اني مش هوصل لحاجه معاها نسمه....ليه التشاؤم ده بس نغم....مش تشاؤم بس حتي المحامي اللي معايا قال كل اللي عندوا وقدم كل حاجه و بيقول ان المحامي اللي معاها مش كويس و معاها كمان ناس في ضهرها حتي عيلتها كلها كلامهم و شهادتهم كانت ضدي انا و حتي تيته اللي توقعت انها لما تعرف كل ده بالتفاصيل دي تقف معايا تقي....طيب افرضي يا نغم اللي بتقوليه ده اللي حصل فعلا هتعملي ايه نغم....هعمل ايه يعني خلاص حقي و حق اختي هاخده بس عند ربنا تقي.....طيب و تفتكري لو ده حصل هما هيفضلوا وراكي نغم....مش عارفه بس ممكن لا لان اللي هما كانوا عايزينوا اني مفضحهمش بس انا فضحتهم و للاسف هما مش من نوعية الناس اللي الفضيحه تهدهم او تخليهم مش قادرين يبصوا في عين اي حد تقدري تقولي كده انهم مبقاش يهمهم اكتر نسمه......طيب لو كلامك ده صح ليه بيهددوكي وليه عايزين يدوكي فلوسك و فلوس اختك و عارضين زياده كمان عشان تتنازلي بيتهيألي لو زي ما بتقولي مش هيفرق معاهم ادام فضحتيهم و مش هيدوكي فلوسك اصلا نغم....بالعكس عشان مريم عندها شغلها ودنيتها و هي شايفه ان حوارات النيابه و المحاميين و كل ده تضيع وقت و هي عايزه تخلص عشان تشوف حياتها من الاخر بتشتري راحتها بالفلوس تقي.....يعني هي الوقت مش فارق معاها حقيقيتها و فضيحتها هي وجوز اختك و تهديدها ليكي وعرضها عليكي فلوس بس عشان تخلص و ترجع لحياتها نغم....اه والله العظيم و هي عارضه اكتر مش عشان حباً فيا عشان اصلا تمن الشقه بتاعتنا اضعاف اضعاف اللي ادتهولنا و ضحكها علينا و فالاخر هي اللي خدت شقتنا تقي....طيب انتي حاسه ايه يا نغم نغم...انا مش عايزه افقد الامل بس كمان لو حصل عكش كده انا راضيه الحمد لله مش هعترض تقي.....طيب لو انتي شايفه ان هي الطرف الاكتر ضامن القضيه فكري ليه تطلعي خسرانه خالص نغم....اتنازل يعني واخد الفلوس اسيب حق اختي وحقي تقي.....مقولتش كده في كل الاحوال حقك و حق اختك هتشوفيه في الدنيا والاخره بس لو القضيه مش مضمونه وهما هيعرفوا يطلعوا منها خصوصا ان معاها محامي كبير وشمال يبقي ليه تطلعي خسرانه اصلا الفلوس دي من ضمن حقك و حق اختك بس انا قصدي لو هتفكري ساوميها بس مش علي الفلوس نسمه...امال تساومها علي ايه تقي....علي شقتهم طبعا ترجعلها الشقه من كلامك يا نغم ان الشقه كبيره و سعرها اكبر بكتير و كمان ده بيتك وبيت امك واختك يعني ذكرياتك كلها فيه و الاهم يا نغم انك بتحاولي تجيبي بيت و بتشتغلي عشان ده هدفك طب ليه مترجعيش بيتك نسمه....بصي هو انا حاسه ان تقي عندها حق شويه اصل كمان خلينا نفكر فيها بالعقل يوم ما ياخدوا عقابهم هترسي علي ايه علس سجن كام سنه ويطلعوا هتستفادي ايه انا اسفه والله بس ده مش هيرجع اختك و لا هيريحك هما في الاخر عايشين و انتي خسرتي حجات كتير اختك بيتكم فلوسكم و الكام سنه اللي هياخدوخا مش هيبردوا نارك تقي....المشكله ان حتي لو اتحبسوا و هي معاها محامي شاطر هيستأنفوا و هيتخفف الحكم و هتطلع ده لو اصلا اتحبست صدقيني يا نغم فكري فيها بذكاء متطلعيش خسرانه و رجوع الشقه هيريح مامتك واختك نغم...وافرضي عملت كده انا مش هقدر اقعد في البيت مش هتسيبني في حالي البيت قريب منها اوي و انا لوحدي و بطولي هتقدر تاخده منه تاني مريم مبتسيبش حاجه حطت عينها عليها تقي....مش مهم خدي بيتك و بيعيه بعد كده بالسعر اللي يستاهلوا و خدي شقه في مكان تاني هنا قريب من الكل او في اي منطقه قريبه مننا نغم....الشقق هنا غاليه اوي يا تقي يعني حتي لو بيتي هيتباع بسعر عالي مش هيبقي مقدمه شقه في مدينتي او تجمع تقي....مش مهم اجري مكان صغير علي قدك مؤقت وباقي الفلوس حطيها في البنك او اتكلمي مع ليله و نادين والبنات يشغلولك المبلغ الباقي و كده كده انتي بتشتغلي كفي نفسك بالمبلغ و الربح اللي يطلعلك من تشغيل الفلوس تدفعي اجارك و الباقي برضوا شيليه هينفعك نغم.....ايوه يا تقي بس انا حاسه اني مش هقدر اتنازل عن حق اختي عشان خاطر الفلوس تقي....انتي مش هتتنازلي انتي هتفكري بعقل نغم الفلوس او البيت دول اصلا بتوعك انتي مش بتتنازلي مقابل مبلغ منهم هما عارضينوا عليكي انتي بترجعي حق من ضمن حقوقك اللي عايزه ترجعيها و خلينا نتكلم بعقل اكتر بصي يا نغم اختك و مامتك ربنا يرحمهم و زي ما بيقولوا الحي ابقي من البيت انتي مش كبيره بما فيه الكفايه عشان تقدري تقفي لناس زي دي غير ان الكل معاهم حوار موت اختك صدقيني مش هياخدوا فيه يوم لان التقرير فعلا اثبت انها انتحرت اسباب موتها او اللي وصلها لكده هو بس اللي ممكن يتحاسبوا عليه اكتر من كده لأ و الحكم اللي هياخدوا عمره ما هيرضيكي ولا هيريحك صدقيني بس مامتك واختك هيرتاحوا بجد لو انتي كنتي مرتاحه و في امان فكري فيها يا نغم نسمه....اتكلمي مع سلمي و ايه و انكل احمد و خدي رأيهم و خليهم يتكلموا مع المحامي اقولك حاجه كمان صلي صلاة أستخاره أسالي ربنا ولو الحل ده هو اللي فيه خير ليكي أعمليه لو لا كملي في كل الاحوال ربنا هيدلك صدقيني هزت نغم راسها وهي شارده اقتنعت بكلامهم و في الوقت مش عايزه تسيب حق اختها و مش عارفه تعمل ايه. .................. لمحت ليله عشري واقف عند الباب بيتكلم في الموبايل قربت منه عشري.....هلا حياتي ليله....بابتسامه هلا جلبي بتكلم مين عشري....بكلم فضل الواطي بس مبيردش ليله....هو فين كل ده صحيح مش جاي عشري....شكله كده كان بيضحك عليا قالي روحوا انتوا وانا جاي وراكم علي طول ليله....انا توقعت اصلا انه مش هيجي ما عمل كده يوم عزومه ايمي و الكام عزومه بره مع الشباب المهم يجي بليل عشري....لا اكيد هيجي والله لو ما جه لا هتبقي بزعله بجد منه ليله....لا ان شاء الله يجي عشري.....بضحك وليد انت بتعمل ايه ليله....بتجري وراء ايه يا وليد وليد.....لمحت سحليه ليله....بضحك سحلية ايه وانت في صحراء وليد....والله العظيم كانت ماشيه علي السور الوقت بس دخلت في الزرع ليله.....هنا عند البيت وليد....لا من ناحية الزرع هنا ليله....ماهو بسبب الجنينه اللي زوزو عملاها دي عشري.....خد بالك عشان في منها سام وليد....ياعم خليها علي الله قرب و هو بينفض ايده ايه يا ابو نسب عشري....بضحك لا ده انت اللي بقيت ابو نسب رسمي خلاص وليد.....لسه مع ايقاف التنفيذ ليله.....بابتسامه جنن يا ناس علي ابو العروسه القمر وليد...بضحك خدي بالك مليش دعوه عروسه مش عروسه انا شباب ليله....والنبي اقعد سنه سنتين وهتبقي جد عشري.....يلا يا متصابي وليد.....بضحك متصابي في عينك ده انا اصغر منك ليله.....اتلم يا بلطجي اخويا لسه صغير و قمر لولا اني بحب مها كنت جوزته عشري....طب احنا ننادي مها بقي و نشوف قصتكم السوده دي وليد.... بضحك شايفه جوزك بيشبط سن ازاي ليله....اه ده سوسه خد بالك بس مش هتصدقوا اصلا عشري.....بضحك طب نناديها ونشوف كده وليد.....ياعم اسكت نفطر طيب الاول و بعدين نتخانق عشري....بيضمن حقه ليله....بضحك بقولك ايه البت عارفه حاجه وليد...لا مقولتش والله هما الاتنين علي عماهم جوه ليله.....بابتسامه هيفرحوا اوي بجد متحمسه الوقت يجري واشوف فرحتهم دي عشري....ربنا يسعدهم يارب وليد....يارب اللهم امين بس وبعدين ادبسنا خلاص كده رسمي في عيله ابو راشد عشري....بضحك ايه عندك اعتراض وليد....لا يا عم مقدرش شرف لينا يا ابو نسب عشري.....بحب و هو بيضم ليله في حضنه والله انتوا اللي شرف لينا يا غالي وليد....طب والنبي ايدك كده لقطعهالك عشري.....بضحك مراتي يا جدددع ليله....بضحك طب وسع بقي انت وهو لاني مش هعرف اعمل حاجه وسطكم اضربوا بعض براحتكم وليد....بضحك خدي يابت اقفي مع اخوكي ليله....بضحك مقدرش دي واقفه صعبه اوي وليد....بضحك بص لعشري شايف سابتنا لبعض عشري....هربت البلطجيه .................. ليله....ارحمي نفسك من الموبايل نادين....بابتسامه في ايه خضتيني ليله....بتهببي ايه هموت واعرف الشغل كل دماغك خلاص روحي يا اختي بصي علي جوزك نادين.....بضحك كنت معاه بس بعمل حاجه ليله....حاجه ايه مبرتاحش ليكي انا لما بتختلي بنفسك كده شغل جديد حاسه صح نادين....بضحك اه عايزه حاجه بقي ليله.....يابت ارحمي نفسك وارحمينا نخرج من شغل ندخل في شغل عايزين فلوووووس نادين....هتعملي بيها ايه قوليلي هاااا محتاجه حاجه ناقصك حاجه الفلوس كده كده بتيجي بس من غير شغل هتخلص ليله....طب ايه الحكايه نادين...اممم والله لسه بظبط الدنيا و هقولكم بس هو مشروع في دناغي من فتره طويله او من اخر سفريه كنا فيها و بظبط الدنيا من وقتها عشان لما افاتحكم فيه مش عايزه واحده فيكم تفتح بوئها ليله....طب والله من وقتها وانا مش مرتحالك عموما احنا مش هنقدر نتكلم معاكي في كل الاحوال بس ايه شقه جديده و لا چيم يا بنت الكدابه نادين....بضحك لا الچيم ده كانت لعبه عشان نجوزك و نخلص منك بس كمان مش شقه ليله....ايه مزرعه تاني بقيتي تاجرة خضار و فاكهه و الموضوع علي هواكي نادين.....ولا مزرعه شغل جديد علينا خاااالص ليله.....استر يارب طيب اي هينت كده نادين....بابتسامه هنتاجر في الدهب ليله....بضحك وماله و اثار كمان اخلصي يابت قولي نادين.....بضحك والله مش بهزر هناجر في الدهب ليله....رفعت حاجبها بت انتي الشغل جننك دهب ايه اللي هنتاجر فيه نادين.....هقولكم كل حاجه بس في الوقت المناسب ليله....والوقت المناسب ده امته اكيد لما تجمعي فلوسنا نادين....بضحك بالظببببط بداتي تفهمي ليله...امممم طيب انا مش هتكلم لاني مهما اتكلمت سعات بحس اني مش قادره اتوقعك في الشغل بس هستني افهم رايحه بينا لفين نادين.....لخطوه جديده في حياتنا جايز تنقلنا نقله اكبر بكتير من اللي احنا فيها ليله....بضحك او جايز تنقلنا نقله تانيع خالص بقي و نفلس علي ايدك و نتجمع كلنا في شقه واحده نادين....بضحك لا من الناحيه دي اطمني انتي عارفه اني مستحيل ادخل مشروع بيكم الا لو كنت ضمناه و عملاله دراسة جدوي متخرش المايه ليله......ماشي هنشوف نادين....بابتسامه امشوا ورايا و انتوا تكسبوا ليله...واحنا بنعمل حاجه غير اننا نمشي وراك يا صغنن .................. وصل مصطفي قبل الفطار بعشر دقايق بالظبط ركن و خد من جنبه كام علبه من حلويات المكان بتاعه قرب من الباب و فرقع صاروخ كبير كلهم صوتوا مصطفي....بضحك كل سنه وانتوا طيببن رشيد....يا واطي هنلاقيها منك ولا من اخوك ماريز....فكرتك محمود كنت لسه هلف و اروقوا بس يلا سماح محمود....بضحك ظلماني كده علي طول عشري.....اتاخرت ليه ياض مصطفي.... معلش بقي انا راجل اعمال قد الدنيا مش فاضي زيكم لا شغله ولا مشغله عشري....بضحك اه يا حلواني يا معفن مصطفي....حلواني معفن احسن من راعي غنم و قهوجي عشري.....بضحك خد ياض تعالي ده هنفخك مصطفي.....لا بقولك ايه متعتبش عليا وانا صايم لساني بيخرف انما انت انت حبيبييييي عشري.....بضحك اه يا واطي يا جبان ليله....بضحك صاصا القمر وحشتني مصطفي....بضحك بعدين جوزك واقف عشري....بضحك قفشوا من قفاه لا خد يالا هنا بقي هو ايه اللي بعدين و جوزك واقف وايه الغمزه دي لو مش واقف هتعمل ايه يعني مصطفي.....بضحك احترمني طيب في مووز عشري....بضحك مفيش مووز كلهم تبعنا ايمي.....تعالي يا واد هات بوسه وحشتني والله مصطفي....بضحك بص لرشيد مليش فيه هي اللي بتقول سلامه....بضحك بوسها ياض ماهو بيبوس خطيبتي مصطفي...بضحك وايه الفخر اللي بتتكلم بيه ده با ابو الرجوله رشيد...بضحك لا لقولك ايه أيه دي بنتي دي محدش ليه دعوه ايه.....بحب قلبي انت مصطفي...بطريقه مضحكه اذا كان كده هاتي بوسه يا ايمي و اعتبريني ابنك ايمي....بضحك ضربته علي راسه وسلمت عليه ابني في عينك يا واطي حسان....اخو بسبب الجمله دي هتحطك في دماغها خليك چنتل ياض حد يقول كده مصطفي.....ياعم ده قدام رشيد بس عشان اخد بوسه رشيد ..بضحك لا تعالي هنا بقي مصطفي....بضحك يا جدعان هو ام التيشيرت ده مضايقكم في حاجه سلامه... احسن يارب يبوظ عشان خبيته مني مصطفي.....اعتق لبسي لوجه الله انت الحرام بقي يجري في دمك ليله....بضحك مصطفي انت ماسك العلب في حضنك كده ليه مصطفي....ده شقي عمري هيبوظوه كفايه عليهم التشيرت خد ياعم حودا عمايل ايديا محمود....اعترف يا مصطفي انت بتعمل دعايا للمحل بتاعك صح مصطفي....بضحك انا مفضوح اوي كده لا بس معلش حاجتي معموله بحب محمود...يا جاااامد ليله....طب والله العظيم حاجته تجنن احلي من اي مكان ليه اسم مصطفي....ياناس اقسم بالله اختي طبلي كمان والنبي ليله....بضحك والله مش تطبيل عسال....يا اخي اتلم وروح سلم و بعدين ارغي مصطفي...اهلااا حبيبي عسال....بضحح وانا بقولك سلم عليا ادخل يلا سلم علي الناس مصطفي....ما انت صحابك لكاكين و نازلين رغي رشيد....مين ياض اللي لكاك مصطفي....بضحك لا انت حبيبي بص لايمي طويل اوي مش كنتي اتجوزتي واحد طولك او اطول حاجه بسيطه ايمي.....بضحك عندك عريس مصطفي....وهو بيعدل التيشرت بثقه هو النظر بعافيه ولا ايه رشيد....بضحك والله كسرك جري مصطفي من قدامه بسرعه وراح يسلم علي الكل ايمي....بضحك بموت فيه الجزمه ده .......... حماده ....مش ناوي بقي تتجوز و تفرحنا بيك مصطفي.....عندك عروسه يا عم حماده حماده....انوي انت بس و عروستك هتيجي مصطفي.....اعتبرني نويت بس انا عايز واحده كده معرفه مننا وعلينا مش لسه هتعرف علي عيله جديده عادل....الطيبون للطيبات يعني ربنا هيكرمك بحد طيب زيك مصطفي....الله يكرمك ياعم عادل بس انا شرير حماده.....بضحك لا انت طيب مفيش شرير بيقول علي نفسه شرير مصطفي.....ياعم حماده خليني ابان شرير عشان يتخاف مني و يتعملي حساب الطيبه مبتنفعش الايام دي حماده....مين قالك بس ربنا بيرزق كل واحد اللي يستحقه احمد....و بعدين في فرق بين الطيبه و الهبل مصطفي.....بضحك الله يخليك يا عم احمد تامر....بصحك قصده انك اهبل مصطفي...بضحك حسيت احمد...يا ابني مقصدش كده اقصد ان الطيبه اللي بتتحول لهبل دي هي اللي غلط و مش كل طيب بياخد علي قفاه يعني مصطفي....بضحك ابوك مش طايقني ليه احمد.....بضحك الله يخربيت شيطانك مقصدش عليك اقصد علي الاهبل مصطفي.....يعني انا تامر....بضحك هو الكلام علي مقاسه يا حمودي سيبوا بقي حماده....والله مصطفي ده جميل و طيب الله يسعد قلبك يارب ماريز....يلا يا بنات تعالوا خدوا معانا الاذان هيأذن قرب مصطفي من نسمه و تقي و نغم مصطفي....بابتسامه استنوا هنا رايحين فين القمرات دول يقعدوا و البنات هي اللي تساعد تقي....بضحك يارب زوزو تسمعك مصطفي....ولا يهمني كلموني عن الحلاوه تقي....بضحك انت بتعاكس مصطفي....اه فرصه عدي و سليم مش هنا تقي....بضحك نهار اسود وطي صوتك ابويا واقف احنا مفضوحين اوي كده مصطفي.....بضحك ده سيرتكم بقت علي كل لسان ده الوطن العربي كله عارف تقي....بضحك الله يطمن قلبك نسمه....بضحك ازيك يا مصطفي مصطفي....اهلا بالقمر و اهلا بالوجه الجديد اللي واقف جنب القمر نغم.... بابتسامه ازيك يا مصطفي تقي......انت مش شوفتها قبل كده وجه جديد ايه مصطفي.....شوفتها مره ساعت الحفله بتاعت ولاد ايمي بس متعرفتش نتعرف ماما مدلها ايده معاكي Pastry Chef بعني احسن شيف حلواني في مصر تقي.....بضحك حلوه الحته الانجليزي دي مصطفي....بضحك بتجيب هاااا تقي....ليها مفعول خد بالك نغم....بضحك اتشرفت بيك يا مصطفي انا نغم مصطفي....لا ماهو واضح قرب تامر منهم و حط ايده علي كتف مصطفي تامر.....خيرررررر مصطفي....بضحك في ايه يا عم قباض الارواح بنتعرف تامر.....بضحك و اتعرفت مصطفي...بص لنغم لسه يادوب الاسم تامر.....طب يلا يا بابا شوفلك شوفلك مكان تاني تتعرف فيه مصطفي.....ياعم متبقاش قطاع ارزاق اقف مع صاحبك تامر.....بضحك لا بطلنا شغلانة الخاطبه يلا يا ابني من هنا مصطفي....بص لنغم بطريقه مضحكه هاخده لفه كده و اتوهوا و ارجعلك يا قمر نغم.....بضحك ماشي تامر.....يا جددددع اخلص ضحكوا البنات ونغم كانت مكسوفه و عماله تضحك ............. محمود بهمس افردي بوزك ريهام.....متتكلمش معايا محمود....مخصماني يعني ريهام....اه محمود.....بابتسامه طب ما انا صالحتك ريهام...انت بتكدب امته ده محمود.....ايه مش جيت خدتك ريهام...وده صلح ده محمود....خلاص نغيره اصالحك ازاي ريهام....كمان انا اللي هقولك محمود....بضحك لا خلاص انا هصالحك بس افردي بوزك ده ريهام....طب امسك حط الاطباق دي وبلاش رغي محمود....ولو حطتهم هتصالحيني ريهام...بضحك هصالحك عشان هتحط الاطباق لا ده انت عايزيني اقلب عليك بجد محمود....بضحك لا لا خلاص خلي الصلح عليا ريهام....بابتسامه ماشي ............. البنات حطوا الاكل و ظبطوا كل حاجه كانوا عاملين في الجنينه تربيزات بطول المكان و فارشين و مظبطين و حاطين كراسي الاذان اذن و قام الكل عشان يفطر سلامه و محمود و مصطفي و تامر وولاد اميمه و ولاد قمر كانوا عمالين يفرقعوا صواريخ حسان....ما تخلص يا عم التافه انت وهو محمود....جايين اهو حماده.... منورين يا جماعه والله متجمعين ديماً عشري.....بنورك يا حبيبي عادل...ربنا يجعلوا عامر يارب عادل.....ربنا ما يقطعها عاده يا حماده سامح....يارب اللهم امين احمد....تسلم ايدك يا زوزو تعبناكي ماريز....تعبكم راحه والله بقولكم ايه انا مش هعزم علي حد كلوا يلا بالف هنا ايمي....بضحك اه الصيام مبهدلها ضحكوا كلهم علي ايمي امنيه....بضحك والله هتضربي منها ماريز....سيبيها اكل بس واروقلها و الاه ما حطيت حاجه في بوئي ايمي.....اللهم قوي ايمانك رشيد....بضحك زوزو انا مليش دعوه بالبت دي ليله....بضحك باست ايمي بموت فيكي و في لسانك ايمي.....بضحك بستغل الموقف بعيده عني مش هتعرف تعضني ماريز....لا هجيلك ولا يهمني انتي عارفه يلا يا بنات كلوا اميمه ادي جوزك و عيالك وانتي يا قمر انا مش هعزم اميمه....اقعدي انتي بقي احنا هنتعامل ماريز....طيب يلا بالف هنا حنان....تسلم ايدك والله يا زوزو ماريز....بالف هنا يارب يعجبكم الاكل حنان....كفايه تعبك فيه و شكلوا يجنن اصلا اكيد هيعجبنا ماريز.....بالف هنا يلا اتفضلوا بدأوا ياكلوا والجو كان يجنن كله ضحك و هزار و شقاوه نجلاء....تسلم ايدك يا زوزو الاكل يجنن والله قمر....اه والله يا زوزو تعبتي خالص ماريز....بالف هنا مفيش تعب ولا حاجه والله كفايه لمتنا دي بالدنيا مصطفي....بهمس مسموع انا حاسس اني قاعد في مائدة رحمان ضحكوا كلهم عليه محمود....بضحك ولااااا بتتريق علي تعبي ومجهودي مصطفي.....بضحك انت اللي راصص التربيزات كده محمود...اه ايه رايك مصطفي.....بضحك تسلم ايدك اللي عايزه قطعها ضحكهم كان مسمع المكان كله و الشباب و البنات فطسانين من الضحك علي كلام مصطفي و هزاره ريهام....بضحك معملتش فراشه ليه زي الصوان كده محمود....بضحك والمصحف كنت هعملها زوزو قالتلي هتسد علينا الهواء بتاع ربنا ليه ايمي.....بضحك زوزو التقوي بقت تخر منها ماريز....خد بالك هسيب الاكل واقوم اضرب عيالك حماده....بضحك يا ابني اسكت انت وهي شويه بقي سيبوها تاكل ايمي....هنسيبها يا حنين امنيه....ماما انا مؤدبه محمود وايمي مع زوزو في نفس الوقت ماريز.....هو انا جيبت غيرك كلهم ضحكوا مصطفي ...ايه الكروال ده محمود...بضحك لا ما احنا حافظين دي جملة زوزو الشهيره اما انا وايمي نضايقها ماريز....بضحك والله انتوا عايزين علقه من عُلق زمان ايمي....اياكي تقربيلي انا حامل اميمه....ربنا يكملك علي خير يارب يا ايمي ايمي....يارب اللهم امين ماريز.....نقصانا القاعده من غير نعيمه نجلاء..... بحزن اه والله ليله....بهمس هموت واقوم اجيب امك من زماره رقبتها ايمي.....بضحك والمصحف وانا اميمه....ربنا يرجعها بالسلامه و يسترها عليها يارب ماريز.....يارب هي عامله ايه هناك في الوضع المهبب ده ليله....بهمس مش هتسكت ايمي ورشيد و عشري كانوا ميتين من الضحك ليله....اضحكوا اضحكوا امك مش هتسكت غير لما تنكد علي امها وابوها عادل....بتقول بخير بس الوضع ميطمنش والله ماريز....طيب انتوا هتسكتوا عليها كده لازم ترجع ليله....بهمس اهي بدات تسخنهم علي البت الغلبانه اللي منها لله ايمي.....بضحك بتدعي علي امي ليله...مش بدل ما اقوم اقتلها عشري...بضحك يا بنتي اسكتي وكلي بقي شكلنا مش حلو واحنا بنضحك كده ليله...هتنيل اسكت حاضر نجلاء....بنقولها والله يا زوزو و كل شويه تقول حاضر حماده...بس في ناس بتنزل عادي و المطارات بدات تشتغل ايمي....اهو ابويا دخل علي الخط ليله...احيه عالجوز دول عادل...اه بس هي بتقول الدنيا بخير احمد....ولا بخير ولا حاجه ده هدوء ما قبل العاصفه كل ده تمهيد للي هيحصل الفتره الجايه ليله....يلا هي كانت نقصاك اصلها يا حمودي ماشاء الله قنبلة تفاؤل الشباب و البنات كانوا عمالين يضحكوا علي ليله واخدين اخر الترابيزات مع بعض و هما الكبار كلهم في اول التربيزات ماريز....انا عايزه افهم انتوا بتضحكوا علي ايه ضحكوا كلهم ليله.....بابتسامه لا ابداً يا زوزو كملي نكدي علي نوجا ودولا اكتر و خوفهم علي البت الغلبانه ماريز....بضحك والله ابدا بس زعلانه عليها ليله....ياستي هي بتعرج البت بخير وزي الفل هنرجعها متقلقيش نجلاء....اتكلموا معاها يا ليله هي هتسمع كلامكم انا غلبت معاها انا وعادل ليله....من غير ما تقولي يا نوجا بنتكلم و هي هترجع والله و متقلقيش كله خير المهم متضغطوش عليها السفريه دي في مصلحتها صدقوني ماريز....مصلحه ايه و زفت ابه علي دماغك و دماغها ترجع تقعد وسطنا هنا ليله.....بضحك انتي عايزه ايه في ليلتك اللي مش فايته دي بجد ضحكوا كلهم علي ليله ايمي.....بضحك استهدي بالله ليله...لا وسعي كده اما اشوف اخرتها مع امك ماريز....بضحك يابت قلبي عليها و مضايقه عشان مش معانا ليله....يا ستي هترجع قريب و لما ترجع لينا عندك كلنا عزومه علي شرف نعيمه ايه رايك ماريز....ترجع هي بس واعملكم عزومه احلي ليله...اهو ده الكلام اعتبروها مسافره فسحه و بتغير جو وهتيجي خلصت بقي ماريز.....المهم ترجع لعقلها و ترجع للراجل اللي بيحبها ده ليله.....لا ناولوني سكينه بجد مش هقدر عشري....بضحك استني بس ايمي....بضحك سيبها عليها زوزو مش هتسكت حسان....بهمس و هو بيضحك الحمد لله ان فضل مجاش ليله....بصتلوا اه والمصحف دي مصلحه لينا كلنا ماريز....بضحك طب انا هسكت خلاص ليله....اتمني من ربنا يهديكي و تسكتي شويه بقولك ايه كلي سمبوسه ماريز....شوفتي يابت مفيش ولا واحده فكت ازاي ليله....بصت لايمي عندها قدره غريبه في تغيير المواضيع قادره بجد ايمي.....ليله هولد والله مش قادره اسكتي ليله.....بصتلها بغيظ صعبببببه صعبه يا زوزو ماريز......يابت كلي وبلاش رغي و ضحك ليله.....انا برضوا اللي برغي حاضر هاكل كملوا اكلهم و هما ميتين من الضحك كلهم و بعد وقت بسيط قاموا شالوا كل حاجه و الرجاله راحوا يصلوا و البنات وقفوا يساعدوا زوزو كلهم قربت ليله من زوزو و خنقتها ليله....انتي اعمل فيكي ايه حبكت يعني تجيبي سيرة البت الوقت ماريز....متغاظه منها مش كان زمانها وسطنا الوقت ليله....هتبقي وسطنا ان شاء الله بس بالهداوه نجلاء.....هي معاها حق بقي صاحبتك هتموتني ليله....بعد الشر عليكي معلش اتحملي شوبه يا نوجا انتي عارفه انها مش كويسه نجلاء....طب ترجع وتبقي وسطنا مش تبعد هتبقي كويسه ازاي وهي بعيده يا ليله انا هتنقط منها و مش عايزه اتكلم عشان عادل مضايق و مرعوب سلمي...انتي هوني عليه يا نوجا وعلي نفسك و بعدين انتوا مش بتكلموها و تطمنوا عليها سيبوها بقي براحتها لحد ما تتحسن نفسيتها وترجع من نفسها نجلاء.....طيب علي الاقل نعرف مالها و بعدين انا مضايقه يا بنات عشان اللي حصل بينها وبين فضل ده حقي و دي بنتي و يصعب عليا انها تسيب راجل بيحبها بجد مبقتش عارفه هي اللي عايزه كده ولا هو اللي زعلها ايمي.....فضل مزعلهاش ولا هي عايزه كده كل الحكايه نفسيه يا نوجا بس اللي عيزاكي تفهميه انها هترجع وسطنا و هترجع لفضل وكل حاجه هتبقي احسن من الاول نجلاء....يارب حنان.....ادعيلها كتير براحه البال انتي امها ودعوتك ليها مستجابه معلش محدش عارف هي جواها ايه يمكن محتاجه ترتاح شويه مش عيب سيبوها ليله....اهو ده كلام الناس العاقله ادعيلها با نوجا و كلمبها طول الوقت و متفتحيش اب موضوع معاها اضحكي وهزري و اطمني عليها وبس هو ده اللي هي محتجاه منك نجلاء....بعمل كده والله انا و نسمه مش بنسيبها الا لو هتقفل عشان تكلمكم نسمه معاها طول اليوم والله ربنا يهديها ايمي.....يارب اللهم امين.. ............. شويه و رجعوا الرجاله كلهم قعدوا بره و البنات خلصوا مع زوزو و راحوا يصلوا بعدين عملوا شاي و قهوه و كملوا قعدتهم الشباب و البنات عملوا جو يجنن ضحك وهزار و صواريخ وجنان و مصطفي و سلامه وريهام و ميدو كانوا عاملين جو تحفه و عمالين يسيحوا لبعض تقي.....طيب بمناسبه العيد يا مصطفي و انك شيف حلواني قد الدنيا ايه رايك في اسعار الكحك ايه.....اه ده في كحك ب 39 الف جنيه مصطفي...اه ليه بقي هااا يعني انا كا بني ادم ربنا خلقي بعقل بشري طبيعي و ميزني عن باقي المخلوقات ليه ادفع 39 الف جنيه في علبه كحك بجد يعني معمول بايه ده مقدم شقه ضحكوا كلهم علي مصطفي سلمي ...يعني اكيد الا ingredients مختلفه مصطفي...بطريقه مضحكه ماهو عشان كلمه ingredients دي بقي الكحك بقي ب 39 الف المصطلحات الانجليزي دي اللي بتبوظ الدنيا اسمها مكونات عادي و الدنيا ماشيه سلمي.....بضحك ماشي المكونات مختلفه مصطفي ...ايوه مختلفه في ايه يعني البقره اللي طلعت سمن للكحك الطبيعي غير البقره اللي طلعت لابو 39 الف ليله.... بضحك مصطفي متعصب اوي مصطفي....ماهو حوار يعصب بجد ليه يعني اشتري علبة كحك بتمن زي ده نادين....يمكن عشان المكان بتختلف اكيد مصطفي....ماهو انا برضوا دي غلطتنا بنحب اللي يدينا علي قفانا و عندنا مفهوم غلط اوي ان كل ما الحاجه تبقي غاليه جدا يبقي المكان ده احسن مكان في مصر مع ان والمصحف في اماكن عاديه جدا طعم الكحك فيها احسن بكتير اقولك ده في افران شعبيه والله حاجتهم تجنن احنا بس اللي بنحب نروح عند ايد القرد و نشمها رشيد ...بضحك ايده مصطفي.... بضحك ياعم مشيها ايده كلهم كانوا ميتين من الضحك عليه سلمي....طيب انت لو عندك مكان كبير مش هتحط سعر غالي يا مصطفي مصطفي.....خحط بس مش بالفجر ده ليه بجد الرقم ده اصلا انا بصراحه هحس ان الفلوس فيها جزء من الحرمانيه ما طبيعي اللي يشتري علبه كحك بالرقم ده اكيد زباينه تجار اثار او اعضاء نادين....بس علي فكره في ناس بجد بتشتري وناس عاديه مصطفي....بضحك لا دول مش ناس عاديه دي ناس من كتر الفلوس مش عارفه تعمل ايه و بصراحه انا بشوفهم محدثين نعينه عشان بس يقولوا احنا جيبنا علبة كحك ب39 الف جنيه ايمي....جدع والله صح ايه.....بضحك مصطفي طب لو انت خطبت و خطيبتك قالتلك عايزه علبه كحك من ام 39 الف جنيه هتقولها ايه مصطفي....بضحك تسمعي عن عاده قديمه اسمها واد البنات انها هرجعها ترند كلهم ماتوا من الضحك عليه مصطفي....مش بخل والله بس يا جدعان حرام والله انتوا شايفين ان الحوار عادي بجد مش مبالغ فيه ايمي....دي هيافه والله ايه....انا بحب الحلو بس لا حرام بجد وليه اصلا اكل كحك ب39 الف جنيه ليله....انا مليش في الخلو بس عندي فضول اعرف العلبه فيها ايه مصطفي....بضحك فيها كحك معمول بماية الدهب حماده...والله انت معاك حق حرام و تفاهه و هيافه و احنا اللي بندي الناس الفرصه انها تستغل عقولنا مصطفي....انا اروح ايجب توكتوك اشتغل عليه احسن او اطلع عمره حماده....مش حكايه توكتوك و لا حكاية احط المبلغ اللي معايا في ايه حكايه انه ليه بجد اشتري علبة كحك بمبلغ زي ده تامر....المشكله ان في ناس بسيطه بيصعب عليها حالها وبيحسوا انهم مش عايشين حماده....يبقوا عبط وهبل و ناقصين عقل المفروض يصعب عليهم اللي راح اشتري مش يصعب عليهم نفسهم لان هما ناس طبيعيه انما اللي مشي وراء الهبل ده هو اللي مش طبيعي حسان.....و العيب اكتر علي اللي بيعملهم اعلانات و بيسوقلهم بڤديو بيعملوا سيط علي الفاضي ليهم عشري....بهمس سيبك منهم عايزه علبه كحك من ام 39 الف يا قلب عشري ليله.....بضحك لا حوشهم عشان الشاشه اللي هتتكسر علي راسك قريب يا قلب ليله عشري....بضحك طب انا غلطان ليله....كحك ايه و كلام فاضي ايه ماله الفسيخ والرنجه عشري...الله يقرفك ده انا اروح أجيبلك عشر علب ارحملي ضحكت ليله ونامت علي كتفه حماده...بصوا ياولاد من الاخر كده مش اي حاجه سعرها غالي قيمتها فيها و مش معني انكم معاكم فلوس و ربنا كارمكم تصرفوها من غير وعي ختي لو عندكم فلوس مبتخلصش ربنا هيحاسب كل بني ادم علي كل قرش صرفه هيسالوا صرفتوا في ايه وعلي ايه و لمين الحفاظ علي النعمه اللي ربنا رزقك بيها مش بخل و لا حتي حرص بس لازم تكون عندك عقل و انت بتطلع الجنيه من جيبك تبقي عارف هو يستاهل المكان اللي طالع فيه ولا لا و خدوا بالكم من حاجه يا بنات قيمه الراجل مش في علبة كحك غاليه او اي حاجه عموما غاليه و منظره علي الفاضي قيمه الراجل في حبه وعشرته يبقي حنين و ميستخسرش فيكي اي حاجه اللي بيحب بجد بيبقي عايز يجيب نجمه من السماء للي بيحبها بس انتوا لازم تبقوا معاهم علي الخط و توجهوههم صح و قلبكم عليهم متفرحوش لما يدخلوا عليكم بعلبة كحك غاليه فكروا في الموضوع صح ده بزخ علي الفاضي و قلة عقل ليله....بهمس معايا نسخه يا حماده لا سعر ولا عقل عشري....بضحك بس بيموت فيكي ليله....بابتسامه وانا بموت في امه محمود....هو بزخ بس هيتقال علينا بخلاء يا عم حماده أحمد....في جمله كده شوفتها قبل كده و عجبتني بتقول ايه يامحمود الجمله دي (عاشر اللي فيه الخير مش اللي عنده الخير) يعني يعني مش كل واحد معاه فلوس يبقى غني ولا كل واحد مركزه عالي يتعاشر الغنى الحقيقي ف القلب و النيه الصافيه في الشخص اللي يخاف عليك بجد ويفرح لفرحك لان ببساطه كده اللي عنده خير ممكن يديه يوم ويمنعه يوم لكن اللي فيه الخير عمره ما يبخل بمشاعر ولا دعم ولا كلمه طيبه دا اللي يطبطب عليك وقت ضعفك ويقف جنبك من غير مصلحه ويختارك حتى وانت ف اسوء حالاتك اختاروا القلوب قبل الجيوب اختاروا الأصل قبل المظاهر لان اللي فيه الخير ده نعمه تتشال عالراس و صدقني اللي فيه الخير مش بخيل و زي ما قالها مصطفي ده شغل احداث ناس جعانه بجد او شبعه بعد جوعه حتي لو كان غني و منصبه كبير يسمحلوا انه يشتري حاجه بالمبلغ ده صدقني هو في الاصل جعان و محدث نعمه حماده.....الله عادل....الله عليك يا احمد معاك حق والله ده مش بخل والله يا ولاد لو ربنا مارمكم و عايزين تهادوا باحسن من كده واكتر هادوا مش عيب بس حطوا الفلوس في حاجه تستاهل مش تفاهات مصطفي....و معروف علبه الكحك دي هتروح فين بعد كده ضحكوا كلهم علي مصطفي ايه... الله يقرفك مصطفي...قال كحك قال 39 الف يا شيخه بلاش هبل فضلوا يتكلموا و يضحكوا و يخرجوا من موضوع يدخلوا في موضوع و شويه كلام جانبي بين الستات الكبيره و بين الرجاله مع بعض و شويه بين كل اتنين الوقت بيعدي و قعدتهم عماله تحلو و شويه و مسك عشري الموبايل اتكلم بهمس كده و بعدين وشوش ليله و راحت هي وشوشت حماده و الرجاله ثواني و قام عشري وقف علي الباب ودخل عليهم عشري الكبير بكل هيبه هو و الشباب وفضل و معاهم امينه و نجود بس . عشري الكبير.....السلام عليكم متجمعين في الخير ديماً الجميع....عليكم السلام قاموا كلهم سلموا تقي ونسمه بصوا بصدمه لما شافوهم و شافوا عدي و سليم. تقي....بهمس هو في ايه انتي كنتي عارفه انهم جايبن عدي مقليش نسمه....بابتسامه لا والله ما عرف يمكن كانوا قريبين من هنا او جايين يقعدوا معانا تقي.....انا كنت بكلم عدي من شويه و قالي انه فطر و نزل علي الكافيه ده نهاره مش فايت نسمه.... بضحك وانا كمان بس عادي المهم اني شوفت سليم تقي.....بضحك ده اللي هامك طب اتقلي بقي علي التوتر اللي هبقي فيه انا وانتي الوقت قدام ابويا وابوكي نسمه....بضحك لا خليكي جنبي عشان ميبانش علينا حاجه و عموما انا ابويا عارف تقي..... بضحك اه يا واطيه ما طبعا مرتاحه الدور والباقي عليا انا بقولك ايه هو لو جريت هيحصل حاجه نسمه....بضحك اه اثبتي مكانك سلموا كلهم و نسمه كانت مبسوطه زي الهبله تقي اللي كانت متوتره و عماله تستحلف لعدي قعدوا كلهم بعد ما سلموا حماده.....خطوه عزيزه يا حاج عشري بس مش كنتوا جيتوا فطرتوا معانا عشري الكبير.....تتعوض باذن الله و نتجمع علي خير كلنا ديماً حماده....يارب اللهم امين منورين والله يا جماعه علي.....بنورك يا حاج حماده ماريز.....منوره البيت يا ست امينه امينه....منور بصحابه والله الله يديم لمتكم ويجعل بيتكم عامر ماريز....يارب نجود....اخبارك يا نجلاء عامله ايه نجلاء....بابتسامه زي الفل والله وحشاني نجود....انتي اكتر والله امينه....كيفك يا ست الكل انتي وقمر اميمه.....بخير يا حبيبه قلبي عشان شوفناكي قمر.....بخير والله امال فين البنات مجوش ليه امينه....مع عيالهم بقي و ان شاء الله يبقوا معانا المره الجايه قمر....سلمي عليهم كتير امينه...يوصل يا حبيبتي ايه يا حبيبتي كيف اتوحشتك ليله ....انا اكتر يا امونتي كملت بهمس ايه القمر ده امينه....بضحكه هاديه والله مافي غيرك جمر قامت ماريز مع البنات عملوا قهوه تاني و جابوا عصاير و كل الحلو اللي كانت ماريز عملاه و اللي الشباب و البنات جابوه معاهم اتقدم تقي.....بعتت لعدي انت نهارك مش فايت هو ده اللي فطرت و نزلت الشغل عدي.... بابتسامه قلي ادبك و طولي لسانك عشان هوري الرساله لابوكي والمرادي لو علقك هقف اتفرج ضحكت و كتبت تقي.....ولا بيهمني كنت بتصيع فين انطق عدي.....كنت بجيب حاجه لخطيبتي تقي.....بابتسامه جيبتلي ايه؟ عدي.....بقول لخطيبتي انتي خطيبتي تقي....بقي كده تبقي يحاها حلال لما اقفشك لوحدك يا عدي عدي.....دم دم يا عدي بصت علي الرساله و ضحكت بهدوء و مبعتتلوش تاني عشري الكبير والشباب مع حماده و عادل و احمد كانوا عمالين يتكلموا و هما بيشربوا القهوه اتصلت ليله بنعيمه بهدوء نعيمه.....ايه يا قلبي ليله....وحشتيني نعيمه...انتي اكتر طمنيني جم ليله...اه قولت اتصل بيكي زي ما قولتلك عشان تبقي معانا نعيمه....بابتسامه ماشي هققل الصوت بس عشان بعمل حجات في المطبخ بس انا معاكم ليله....ماشي بعد وقت بسيط عشري الكبير....طيب يا جماعة الخير عندي كلمتين ورايد أقولهم بس قبل لا أبدى الله يزيد لمتنا ويجمعنا على خير دايم وسمعونا الصلاة ع النبي الجميع....عليه افضل الصلاه والسلام عشري الكبير....طبعاً في البدايه بشكرك يا حاج حماده علي جمعتنا في دارك و استقبالك الزين انت وجماعتك لينا ما قصرتوا والله والكرم ما هو غريب عليكم الله يديم عزكم ويبارك فيكم. حماده.....علي راسنا يا حاج عشري البيت بيتك و احنا اهلك وناسك تقي...بهمس هو في ايه نسمه....مش عارفه بس واضح انها حاجه تخص نعيمه وفضل انا خايفه اوي ميرجعوش تقي....لا لا ان شاء الله خير يارب عشري الكبير...الله ينور دربك و يجعل دارك عامر طيب ندخل في الموضوع في البدايه انا ما احيد علي الاصول و بعرف ان الاصول بتقول ان الصح ادق باب الدار اللي قاصده بس وش اسوي ربنا رزقني بمرت ابن و عيال مقدرتش عليهم ضحكت ليله و بصت لعشري واخواته و ابتسمت عشري الكبير...انا عارف زين ان ليله حكت معك يا حاج عادل و معك يا وليد و عندكم فكره عن الموضوع و يمكن هاد اللي مريحني و الاهم ان الحبايب كلهم متجمعين عادل...بابتسامه حصل ليله و عشري و حتي نعيمه كلمتني و عارف طبعاً عشري الكبير....طيب زين شوف يا حاج عادل وشوف يا وليد يا ولدي ما چيناكم إلا و نيتنا طيبه و وچهنا ابيض و يشرفنا نطلب يد نسمه و تقي لولادي سليم و عدي بصوا كلهم علي نسمه و تقي كانوا قاعدين جنب بعض ابتسامتهم اختفت فجأه و ملامح الصدمه اترسمت علي وشهم و بقوا قاعدين جنب بعض متسمرين البنات كلهم كانوا عمالين يضحكوا بهدوء و الشباب كمان و عدي و سليم بيحاولوا يكونوا عاقلين عين تقي كانت رايحه جايه و حاسه انها اتصدمت بجد نسمه اللي رجعت ابتسمت بهدوء و وشها احمر اوي و اتكسفت جدا وبصت بسرعه في الارض. عشري الكبير....قولتوا ايه؟ عادل....بابتسامه طبعاً موافق يا حاج عشري نسبكم شرف لينا عشري الكبير....و النعم فيكم هاد من اصلك قولت ايه يا ابو العروسه انت كمان وليد.....بابتسامه حضرتك عارف رايي كويس يا حاج عشري انا موافق ولا ايه يا عروسه بص لتقي بطريقه مضحكه وهو رافع حاجبه مبصتش تقي جنبها و كلهم كانوا بيضحكوا عليها وهي حاسه ان قلبها هيقف ليله....بهمس البت هتموت مني عشري...بضحك دي هتنفخك انتي وعدي ليله.....حقها بصراحه حاسه بيها والله عشري الكبير.....قولتوا ايه يا عرايس موافقين ها يا نسمه ابتسمت نسمه وبصت علي عادل و نادر اللي كان واقف بيضحك عادل....بايتسامه ردي علي عمك هزت نسمه راسها بهدوء و مبصتش لحد سليم كان قاعد ماسك نفسه من الضحك عشري الكبير.....علي بركه الله و عروستنا تقي وليد....بضحك ها يا عروسه موافقه تقي...ااا انا ااا يعني اللي تشوفوا وليد.... بضحك الله اشوفوا ها علي بركه الله يا حاج عشري عشري الكبير......بابتسامه طيب تاني حابب اقول اني ما بحيد عن الاصول و الاصول بتقول اني ادق باب داركم بس دار الحاج حماده ديما مجمعه الحبايب و اللي صار بين عدي و سليم كانت مشكله مين فيهم يروح الاول و مين يروح التاني و بما اننا كلنا متجمعين ليله اللي اقترحت علينا نتجمع هنا كلنا عادل.....هنا واحد وعندي واحد وعند وليد واحد كلنا عيله واحنا عارفين كويس يا حاج عشري انك راجل عارف الاصول بس اهل و الفرحه واحده في كل بيوتنا حماده....ده بيتهم و بيتك و دول عيالي و فرحتنا كلها واحده لما عرفت منهم اتبسطت والله انكم اعتبرتونا جزء ولو بسيط من فرحتكم و جمعتنا عشري الكبير.....الله يديم الود و العشم و الفرح بيننا احنا هنقرا الفاتحه و نلبس الدبل و انتوا خابرين زين ان حقوقهم علي الراس والعين كيف ما عملنا مع ليله و نعيمه الله يسهل دربها هنسوي مع تقي ونسمه و بس ترجع نعيمه بالسلامه يا حاج عادل و تكون نسمه خلصت دراستها و تبقي اختها معاها الله يسهل باقي الاتفاق عادل....علي خيرة الله يا حاج عشري عشري الكبير....وانت يا وليد يا ولدي انا عارف ان تقي لسه باقي عليها سنه و اللي تريده بيحصل رايد تخلص تقي دراستها نستني رايد نتمم الجواز في الاجازه الكبيره و تكمل اخر سنه ليها علي راسي وليد....بابتسامه ااا طبعاً انا معاك في اي حاجه عدي انا بحبه و عارف انه راحل و بعتبره ابني او صاحبي و عشري ونعم النسب خد الغاليه يعني نسبكم غالي عندي بس بعد اذنك طبعا انا شايف ان الافضل تقي تخلص السنه دي علي خير عشان تكون فاضيه علي الاقل بعد كده هما احرار الوقت اللي ينسابهم انا موافق عليه يعني الفاتحه و الخطوبه دي بس عشان عدي يبقي مرتاح و مطمن عشري الكبير....و كلامك سيف علي الرقبه والراس اللي تريده بيكون نقرا الفاتحه ؟ حماده....سمعونا الفاتحه يا حبايب تقي و نسمه كانوا لسه مصدومين بصوا علي عدي و سلبم و هنا بيقراوا الفاتحه ابتسموا بهدوء و قرأوها معاهم ماريز.....سمعونا زغروطه ريهام و امنيه زغرطوا مع بعض امينه.....بابتسامه يلا لبسوا عرايسكم وليد..... بابتسامه تعالي يا اخويا انت وهو لبسوهم همس لتقي ورحمه لاهنفخك ضحكت تقي و حضنتوا اوي و حضنت مها و كانت مبسوطه قرب سليم من نسمه و عدي من تقي كل واحد فيهم فتح العلبه و طلعوا منها خواتم شكلها يجنن لبسوهالهم بهدوء و بعدين هما لبسوهم الدبل امينه كانت واقفه جنبهم هي و ليله و البنات تقي.....بهمس انت بتعمل فيا انا كده عدي.....مش قولتلك كنت بجيب حاجه لخطيبتي اعمل انتي اللي مش ذكيه تقي....بضحكه جميله انت مجنون بجد انا قلبي هيقف عدي....بحب سلامه قلبك المهم مبسوطه تقي....طبعاً عدي.....كنت قد الوعد تقي.... بضحكه جميله قده و بحبك اوي عدي......بحب وانا بحبك اكتر يا مجنونه قربت ليله من نسمه و هي جايبه الموبايل عليها ليله...نسوم يا عروسه كلمي بصت نسمه علي الموبايل زغرطت نعيمه زغروطه طويله و الكل سمعها ابتسم فضل شبح ابتسامه بسيطه و فضل مكانه واقف. اول ما شافتها نسمه و سمعتت زغروطتها حطت ايدها علي وشها و فضلت تعيط في حضن عادل عادل.....بعيون مدمعه ابتسم بس بس يا حبيبتي سليم كان واقف مش عارف يقول حاجه او يعمل حاجه مبتسم و متأثر عيطت نعيمه و ابتسمت ليله...يابت بطلي نكد و كلمي اختك بصت نسمه للموبايل نعيمه.... بدموع مبروك يا قلب اختك نسمه....بهمس والله ما كنت اعرف يا نعيمه اكيد لو اعرف مش هعمل ده من غيرك نعيمه...بضحك مسحت دموعها ما اكيد مش هتعرفي دي مفجأه بس انا كنت عارفه و كلمت ابوكي و امك و ليله كلمتهم وخلصنا كل حاجه ضحكت نسمه من بين دموعها نسمه.....طب ارجعي والنبي نعيمه....بتأثر هرجع والله بس افرحي الوقت يا جزمه مبروك يا سليم معلش انا نكديه شويه سليم.....بضحك الله يبارك فيكي يا نعيمه عقبال ما ترجعلنا بالسلامه يارب نعيمه...يارب يا حبيبي وربنا يتمملكم علي خير خد بالك منها سليم....بابتسامه في عيني متقلقيش ليله....يلا اسببكم بقي الكل كان عمال يبارك و يهني و مبسوط فضل سلم علي عدي و سليم و تقي و نسمه و كان مبسوط عشانهم و بعدين رجع قعد علي جنب كمل قهوته و سيجارته ليله....بهمس و هي بعيده نعيمه انا قلبي بيتقطع علي فضل لو وريتك منظره هتتوجعي نعيمه....بتأثر ليله كفايه والنبي كفايه اللي انا فيه انا كارهه نفسي بسبب اللي هو فيه ليله...طيب نظبط الدنيا شويه مش هنقول حاجه علي الاقل بس نتكلم نسلم نعتذر عن اخر مره نعيمه فضل فاهم انك قفلتي في وشه يعني شايف انك لتاني مره بتحرجيه و بتقللي منه نعيمه.....مش كده والله انا مقدرش اعمل فيه كده ليله.....بس بالنسبالوا عملتي يا نعيمه هو واجع قلبي بجد لو هو غالي عندك بجد كلميه و حياتي يا نعيمه نعيمه...مسحت دموعها تمام يا ليله هاتيه ليله....بابتسامه ايوه كده فرحي قلبي بقي استني خلبكي معايا عشري عشري قرب عشري منها عشري....هلا حياتي ليله.....حبيبي عيزاك تجيب فضل نعيمه هتكلموا عشان تعتذر عن اخر مره بص عشري لنعيمه وابتسم و هو رافع حاجبه عشري.....هاين عليا امسك راسكم انتوا الاتنين واكسرها عشان اخلص منكم نعيمه....بضحك من بين دموعها كسرها يا سيدي بس هو لا حرام عشري...بضحك لا يا شيخه خايفه عليه ليله...بضحك بطل رخامه مش وقتك يلا بقي روح عشري.....ماشي وانتي راضي الواد بيحبك خلي في شويه من الاحمر واتحملي زفارة لسانه حقه نعيمه.....ااا احم طيب خليه يجي ده لو رضي يعني ليله....حقه بس هيجي و متتكلميش في حاجه غير بس تلطفي الدنيا شويه نعيمه.....ماشي عشري....الله غالب يا نعيمه ليله....بضحك عشري لا طايقك ولا طايقني نعيمه.....بضحك حقه ماهو واقف في النص هو كمان ليله....انا هسيبلوا الموبايل و هدخل بس عشان خاطري قولي كلمتين حلوين علي الاقل يروح و هو مبسوط شويه و الاه هترجعي تعيطي لما يتاخد منك نعيمه...بقولك ايه انا مش هتكلم في حاجه انا هقولوا بس اني مقفلتش في وشه ليله....قولي اللي تقوليه المهم ميبقاش دبش نعيمه....طيب ......... فضل.....مش هتكلم مع حد يا عشري عشري....هتخچلني فضل.....لا بس مش عايز هتغصبني عشري....لا مفيش غصب بس مش هتخسر حاجه فضل.....لا هخسر هتزعل انت وليله من كلامي معاها كفايه قلة قيمه تسافر و تبعت دهبها و تقفل في وشي اكيد مش هعديها عشري.....ياعم ما تعديها بس هي رايده تعتذر و تعرفك ان النت قطع يعني لو انت مش فارق ليه هتحاول تراضيك ما هتقول يفهم اللي يفهموا فضل....انت عايز يا عشري بكفايه يا اخوي و الله تعبت عشري...بحب الله يسعد قلبك ريح قلبي عشاني حتي و عشان ليله لا تخچلنا البت بتحبك يا بغفل و رايده تراضيك يلا فضل....تمام يا عشري انت اللي قولت عشري....بس بالهداوه فضل...دي بتاعتي بقي عشري...بضحك ماشي سوي اللي بدك اياه بت حلال و تستاهل خرج فضل معاه علي بره ليله....بابتسامه هاديه ااا احنا جوه ماشي هز فضل راسه بهدوء و خد منها الموبايل وهما دخلوا نعيمه كانت متوتره و مرعوبه و وشها اصفر وقلبها كان بيدق بعنف رفع فضل الموبايل بهدوء علي وشه و بصلها وسكت نعيمه...ااا ازيك يا فضل فضل...بخير نعيمه.....اااا احمم ااا انا يعني كنت عايزه اقولك متزعلش عشان اخر مره يعني لما كنتوا عند ليله ووو يعني لما كان باصصلها و شايف ارتباكها و مش عارفه تقول كلمتين علي بعض نعيمه....ااا اقصد يعني اني مقفلتش الموبايل زي ما انت قولت و زعلت النت بس قطع و رجع تاني بس انت كنت مشيت و انت عارف الوقت ده الدنيا بايظه و النت مش كويس ووو بس متزعلش يعني فضل....خلصتي بصتلوا نعيمه بترقب وهي خايفه من اللي هيقولوا اكيد هيشتم او يضايقها هزت راسها بهدوء وبصتلوا فضل......طيب ريحي حالك و وفري كلامك انا مش زعلان و لا فارقلي اصلاً انا بس فارق معايا سؤال واحد انا ازاي اتغفلت التغفيلع دي فيكي ازاي مخدتش بالي انك كدابه كده بصتلوا نعيمه و هي مش عارفه تنطق عيونها اتلمت دموع بس مسكت نفسها وسابته يقول كل اللي جواه عشان يرتاح فضل....بابتسامه وهو بينفخ دخان سيجارته يعني اول مره لما قولتي ان سلمي وايه اللي ضايقوكي و طلعتي كدابه تاني مره لما جيتلك و شميت ريحة السجاير و طلعتي كدابه و لما شوفت الطفايه معرفتيش تنكري تالت مره لما قولتي لنادين انك رايحه البنك وانتي كنتي طالعه المطار و اخر مره لما شوقتك بعيني بتقفلي التليفون بايدك و كدبتي و قولتي ان النت قطع و الله اعلم بالكدب اللي كان بيحصل وانا متغفل بس ربنا بيحبني و صدقيني يا نعيمه يمكن في الاول زعلت بس كل حاجه بتحصلنا ليها حكمه وانا الوقت مش زعلان لان ربنا نجاني ابتسم لو حاسه انك زعلتيني و مفكره انك هتراضيني بكلمتين زي العيل الصغير وفري كلامك مبقاش يفرق عارفه ليه يا نعيمه بتصلوا و نزلت دموعها غصب عنها بس كانت كاتمه نفسها خالص و قاعده ثابته قدامه بتسمعوا فضل......عشان اتعودت لما ازعل بجد ازعل علي حاجه ليها قيمه مش حاجه متستاهلش بس لو زعلان زعلان من نفسي عارفه ليه لاني للاسف كنت شايف المطب بس كنت واثق في الفرامل بزياده و دي غلطتي بس كويس اني كلمتك عشان عندي كلمتين عايزك تسمعيهم كويس بصلها بغضب و هو شايف دموعها ابتسم و اتكلم بثقه بس اللي جواه كان عكس اللي براه فضل.....قولتهالك في رساله بس بقولهالك تاني صوت و صوره انا عمري ما هسامحك يا نعيمه مش عشان انتي فارقه معايا لا عشان انا مكنتش استاهل الرخص ده بس بقولهالك و سميها ثقه او غرور او اي حاجه تحبيها جايز انتي اخترتي ده بمزاجك و عيزاه فعلا بس قدام شويه هتندمي و هبقي واقف فرحان فيكي وانا شايف حياتي وانتي حياتك واقفه مش هتلاقيني في حد تاني مهما لفيتي يانعيمه مش غرور ولا تكبر بس أنا مش نسخة بتتكرر روحي ليها طبع خاص وطريقتي في الحب كانت مختلفة واهتمامي مش بيتعاد بنفس التفاصيل يمكن تلاقي شبهي ويمكن تقابلي ناس أحسن في حاجات كتير بس الإحساس اللي كنت بحطه في كل كلمة وكل موقف ده مش سهل يتعوض أنا مش كامل بس كنت حقيقي والحقيقي نادر ومش بيتنسي بسهولة بس اللي زيك يتنسي و انا خلاص فوقت و خرجتك من جوايا و هشوف حياتي وهكمل و هشوف حياتك وهي واقفه و برضوا مش هسامحك حتي لو كنت اسعد راجل في الدنيا كانت حاسه ان هي بتتخنق و نفسها بيروح من كتر ما كتمته عشان متبينش وجعها قدامها عيونها خانتها ونزلت دموعها قدامه بس محبتش انها تنهار اكتر من كده قدامه. فضل.....بابتسامه شكراً علي الاعتذار اللي ولا فارق معايا عايزه تقولي حاجه هزت راسها بهدوء فظيع و هي دموعها نازله و مدت ايدها بسرعه قفلت الموبايل غمض فضل عينه بوجع و حزن فظيع و بعدين رفع راسه للسماء وخد نفس طويل و رجع تاني ابتسم بهدوء عشان يبان طبيعي و دخل علي جوه فضل.... بابتسامه موبايلك يا ليله عشري.....ها اتكلمتوا ليله....حصل ايه شكلك مبسوط فضل.....لا عادي يعني قالت النت فصل وتمام يعني الموضوع خلص ليله....يعني كل ده بتقولوا بس علي النت فضل....بضحكه هاديه هنقول ايه يعني اعتذرت و قولتلها تمام وبس عشري....طيب متكلمتوش في اي حاجه فضل.....مفيش حاجه نقولها خلاص هي قالت اللي عندها وانا سمعتها و قولت اللي عندي بس ليله...امممم مع اني مش مرتحالك بس تمام المهم انكم اتكلمتوا فضل.... بابتسامه صح بقولك ايه معلش هتعبك ممكن فنجان قهوه ليله....بابتسامه ماشي يا سيدي عيوني تشرب يا قلبي عشري.....ماشي اشرب .................. قفلت نعيمه وهي منهاره حرفياً لاول مره في حياتها تعيط بالقهر و الوجع ده يمكن مزعلتش منه و يمكن كانت عارفه ان الكلام اللي قالوا هو وجع مش اكتر و بيردلها كرامته بس الكلام وجعها بجد او يمكن مكانش وقته توقيته كان غلط كانت عيزاه يخرج اللي جواه وراضيه بس اللي خرج منه كان تقيل علي قلبها اوي و احساسه كان فظيع اوي و يمكن وجعه ليها حسسها قد ايه هي وجعته من غير ما تحس عيطتت و انهارت و مكانتش عارفه تسكت نفسها و سابت نفسها علي الاخر عشان ترتاح . .................. قضوا الوقت مع بعض جميل و في سعاده بيحتفلوا مع بعض فضل كان بيصحك و مبسوط و فاكك اللي عرف ان نعيمه وفضل اتكلموا ترجموا ضحكتوا دي علي ان في حاجه كويسه حصلت بينهم بس ليله كانت مش مرتاحه و عايزه تطمن اكتر من نعيمه و تعرف ايه اللي حصل بينهم عشان ترتاح انتهي اليوم بسعاده تجنن علي الجميع الا نعيمه وفضل .. ................ في صباح اليوم ال26 من رمضان كان يوم عادي و هادي جداً و اتفقت ليله مع ريهام انها هتنزل الشغل بس بليل بعد الفطار اتصلت علي نعيمه علي الساعه اربعه عشان تضمن انها خلصت اللي وراها نعيمه...الووو ليله....ايه يا قلبي بتعملي ايه نعيمه....ااا ولا حاجه بفطر ليله ....عملتي اكل ايه انهارده نعيمه....معملتش كسلانه وطلبت اكل طبعا لا كانت بتفطر ولا حاجه مكانش عندها نفس اصلا ليله....طيب ارغي كده وانتي بتاكلي طمنيني حصل بينك انتي وفضل ايه امبارح نعيمه....ولا حاجه مقلكيش هو ليله....لا مقالش حاجه مفيده تريحني قال انك اعتذرتي و هو سمعك وخلاص نعيمه.....زي ماقالك عادي فهمتوا اللي حصل عشان ميبقاش مضايق و بس قالي خصل خير و مبروك لنسمه و اطمن عليا و سال عن الوضع هنا و قالي خدي بالك من نفسك ولو احتاجتي حاجه عرفيني وبس ليله....بابتسامه بجد شايفه باللي معندكيش دم الواد بيحبك والله نعيمه....ااا المهم بس انه ميبقاش زعلان من حوار التليفون ده و خلاص اتكلمنا ليله.....طيب انتي مال صوتك ليه حساكي مش مبسوطه او فيكي حاجه نعيمه....لا انا صحيت متأخر انهارده و يادوب طلبت بس الاكل و مصدعه من كتر النوم ليله....بجد ولا فيكي حاجه اوعي تكوني تعبانه بابتسامه....لا انا زي القرده شويه كده وهبقي انزل اشتري شويه حجات واتمشي شويه بقولك ايه لو في صور لنسمه ابقي ابعتيلي ولا مصورتوش ليله.....البت ايه صورت كتير هبقي ابعتلك نعيمه....ماشي يا قلبي هي مبسوطه صح ليله....مبسوطه اوي كان ناقصها بس تكوني معاها بس تتعوض ان شاء الله قريب نعيمه....ان شاء الله ياقلبي ليله....ااا طيب انا هسيبك تكملي فطارك و هبقي اطمن عليكي بليل عشان انا نازله بعد الفطار المطعم شويه نعيمه.....طيب يا قلبي علي مهلك ليله.....يلا باي نعيمه....باي قفلت نعيمه و سابت الموبايل علي السرير و نزلت دموعها.. ............... عشري.....ايه حكيتلك حاجه ليله ...قالتلي انه قالها حصل خير وباركلها علي نسمه و اطمن عليها في الاوضاع دي و قالها لو احتاجتي حاجه طمنيني بس صوتها مش عاجبني حاسه انها مضايقه معيطه فيها حاجه عشري.....هو فضل كان باين عليه مبسوط امبارح يعني بيتهيألي الدنيا تمام ليله....مكانش مريحني هو كمان اصلا عموما هنشوف .................. عدي.....بابتسامه قالك ايه لما روحتوا تقي.....بضحك انت حطتنب في موقف يا عدي اضطريت احكيلوا كل حاجه هو و ماما بس انا عايزه اعرف امته وازاي كنتوا مرتبين لكل ده من امته عدي.....من حوالي خمس ايام كده ليله وعشر يكانوا عندنا بنتسحر مع بعض و فتحنا الموضوع وانا سليم اتكلمنا مع ابويا وامي و اخواتي كانوا موجودين طبعا و فرحوا ابويا قال يلا لو عايزين انا جاهز فضلنا بقي بعدها انا اقول لسليم انا اللي هروح الاول و انت يوم تاني و هو يقولي ليله اقترحت بقي حوار اليوم اللي هتنجمعوا فيه خصوصا ان كلكم كنتوا موجودين و عشري قال حلوه فكره بدل ما نروح مره لوليد و مره لعم عادل و نتكلم وبعدها نحدد معاد لادبل خلوها علي طول تلبيس دبل و هو وليله يمهدوا الموضوع لابوكي و لعم عادل و فعلا اتكلموا و عرفوهم اللي هيتم و نعيمه عرفت وكلمت ابوها وامها من وراء نسمه و بعدها ابويا كلمهم هما الاتين لانه كان خايف يزعلوا ان ده مش هيحصل عندكم في البيت او عند نسمه بس والدنيا و كله عرف وانتي وهي اتغفلتوا تقي....بضحك انا اتغفلت فعلا بس تغفيله حلوه زي يوم عيد ميلادي كده عدي....بابتسامه الخاتم عجبك ده زوقي علي فكره تقي....يجنن بس المقاس ظبطوا ازاي عدي..... ليله برضوا اللي ظبطتلك انتي ونسمه كل حاجه تقي.....ربنا يخليها لينا يارب عدي....حاسه بايه الوقت تقي...مبسوطه طبعا ومرتاحه يعني لما هشوفك علي الاقل مش هتوتر عدي...خلاص مبقاش في توتر بقيتي خطيبتي رسمي عقبال ما تبقي مراتي تقي......بحبك يا عدي عدي....وانا بحبك والله العظيم و فرحان اوي تقي.....يارب ديما تكون فرحان ............. سليم....مجاش في بالك خالص لما شوفتينا داخلين عليكم يعني نسمه....خالص والله انا في الاول فكرت ان في حاجه بخصوص نعيمه يعني خوفت اوي و مكنتش فاهمه متوقعتش اصلا حاجه زي دي سليم.....بضحك بس شكلك انتي وتقي يموت من الضحك نسمه....بضحك اتصدمنا لان انا الاول قولت لتقي انا هايفه شكل في كلام هيحصل بخوص حوار نعيمه قالتلي لا اهدي خير وحسيت ان هي كمان شكت في كده بس لما سمعنا معرفناش ننطق بجد و كنت مكسوفه جدا سليم....بضحك عارف و وشك احمر وقلبتي لخمه وشكلك كان صعان عليا اوي المهم ان اليوم بجد كان حلو اوي نسمه.....ده بجد والله كان يوم جميل انا كل شويه ابص علي الخاتم عشان اتأكد اني مش بحلم سليم.....بابتسامه لا يا ستي مش بتحلمي بقيتي خطيبتي خلاص و انا ارتحت عشان نبقي براحتنا اكتر نسمه.....ربنا يخليك ليا سليم.....ويخليكي ليا يا قلبي. .................... نادين....بضحح انت بتهزر اكتب ورقه واديها للراجل عشان بقول عليا هبله عسال....بصحح با حبيبة قلبي ماهو انتي لو روحتي قولتي للراجل. اسمها هيضحك عليكي و يقول هباه برضوا نادين.....بضحح ماهي اللي اسمها غريب ايه ورق رورا ده و بعدين حنون مش لاقيه حاجه تاني تتحط غير دي عسال....بضحك الله يخربيت عقلك والله نسيتي اسمها نادين....بضحك متحاولش حرف اللام مع باقي الحروف مش بيتنطق عسال...اسمعي مني اكتبيها وقوليلوا عايزه من دي نادين....بضحك لا والله مش هجيب خلاص عسال.....بضحك طب خلاص انا هبقي اجيبلك و خليها عندك نادين.....ماشي عسال.....بتعملي ايه بقي الوقت نادين..... ولا حاجه مستنياك تيجي تفطر معايا ولا مش هتعرف عسال.....لا طبعا هجيلك بس هاجي علي الفطار بالظبط نادين...ماشي بس لو مش هتعرف خلاص يا قلبي خليك عسال....واسيب بنوتي القمر تفطر لوحدها مش هعرف طبعا نادين.....بابتسامه خلاص هستناك عسال...طيب قوليلي القمر بتاعي عايز ايه اجيبوا معايا وانا جاي نادين.....ولا حاجه عيزاك انت بس عسال....ما انا هاجي بس عايز اعرف محتاجه ايه نادين....والله ولا اي حاجه عندي متجيبش حاجه خالص عسال...طيب عموما لو احتاجتي حاجه كلميني نادين.....تمام يلا روح شوف اللي وراك وانا هقوم اخلص اللي ورايا عسال....ماشي يا عمري باي يا حبيبي نادين....باي بابيييي عسال.... بضحكه جميله باي يا قلب بابي .................... في المحل عند ايه كانت شغاله اتصل عليها سلامه ايه.... ايوه يا حبيبي سلامه.....ايوه يا حلاقة الكلاب ايه.....بضحك طب و لما اطول لساني هتتبسط سلامه.....هاجي اقطعهولك ولا تقدري ايه.....اللهم اني صايمه انا مش هرد عليك سلامه....صايمه ايه يا بت احنا هنمثل طب قوليلي بتصومي لحد الضهر ولا العصر ايه.....لا بصوم لحد ال..... يا ابني خليني محترمه و محافظه علي صيامي سلامه......بضحك لا وانتي لو فاطره تعرفي تنطقي اوي ايه.....بعد الفطار نشوف الحوار ده مع بعض بس متبقاش تزعل سلامه.....ولا تعرفي تعملي حاجه يا حلاقه ايه....بضحح طب يا سيدي الله يسامحك هو انت مالك الڤولت عندك عالي ليه سلامه....بصحك فاضي و زهقان و وحشتيني قولت اتصل انكشك ايه.....وانت عشان فاضي هتقرفني سلامه.....عاجبك ولا لا يابت ايه....ياعم عاجبني اعمل اللي انت عايزه سلامه...طب ايه مش هتشتمي و لا تطولي لسانك ايه...بضحك ده ايه العلاقه النتنه دي متصل بيا عشان تتشتم سلامه...اتشم ايه يا جزمه قديمه ايه....بضحك مش انت اللي بتقول سلامه....ماهو انا زهقان و الله و وحشني النكش معاكي ايه.....طب تعالي بعد الفطار و انا هنكش فيك الوقت مش هينفع سلامه.....طب مش عايزه بوسه ايه....بضحك الله يخربيتك دي دماغ صيام دي ولا ايه سلامه....بصحك عرض مش هيتكرر انتهزي الفرصه ايه..... بضحك فرصه ايه باللي منك لله ده حتي الشياطين بتتسلسل في رمضان اهي دي بقي النفس البشريه القذره سلامه....بصحك طب ابقي شوفي مين هيديكي بوسه بعد الفطار وحياة امك ايه.....بضحك اديك قولت بعد الفطار بس تعالي هنا انت شارب ايه اعترف او متسحر ايه سلامه......والله ما اتسحرت بعد ما روحنا امبارح محدش كل كنا شبعانين اصلا ايه....يعني دي دماغ رباني سلامه.....لا وحشاني ايه.....بجد سلامه....اه والله يا اللي معندكيش دم ايه....طب قوم تعالي اقعد معايا شويه سلامه.....لا ما انا مش هلحق اصلا و بعدين مش هعرف اسيب المكان الوقت ايه.....طب قوم يا اخويا اقرأ شويه في المصحف ادام فاضي و بلاش مرقعه سلامه.... بضحك انا يا بت بتمرقع ايه.....اه و معطلني عن شغلي سلامه....تصدقي يا بت انا غلطان اني عبرتك يا بوكه ايه.....اااااااه لساني بياكلني عشان اشتمك بس بعد الفطار هروق عليك وربنا سلامه...بضحك طب يلا امشي جتك القرف في حلاوتك ايه....بحبك يا سلامه الكلب سلامه....بضحك وانا بحبك يا بومه سلام ايه.... بضحك باي يا قلبي قفلت وهي بتضحك ابه....اه با الن المجانين وربنا لا هروق عليك بليل .................... رن موبايل سلمي. سلمي....ايوه يا حبيبي حسان....ايه يا قلبي هتجهزي علي امته كده سلمي....الساعه اربعه ونص الوقت يعني خمسه خمسه وربع بالكتير هكون مخلصه حسان....طيب تمام انا خارج الوقت هروح اخد هنا بسرعه وهعدي عليكي بس متتأخريش عشان نلحق نروح لان في التوقيت ده الدنيا بتبقي زحمه سلمي.....هخلص والله علي طول علي فكره هنا لسه قافله معايا و فكراني هروح معاك حسان....من الصبح بتتصل بيا كل خمس دقايق تقريبا متحمسه جدا سلمي.....بابتسامه معلش هب مبسوطه اننا هنفطر مع بعض احنا الثلاثه لوحدنا حسان....بابتسامه عارف بس روشتني عموما يلا انا ركبت العربيه اهو ورايحلها سلمي....وانا قايمه هلبس اهو علي طول حسان....اوك يا قلبي سلام ................ في المطبخ احمد كان واقف و معاه نغم بتساعده .. سلمي.....خرجت و بصت عليهم بابا انا هروح البس عشان خسان راح يجيب هنا وشويه و هيعدي عليا محتاجين اي مساعده احمد....لا يا حبيبتي روحي سلمي....نغوم عايزه حاجه نغم....لا يا قلبي روحي اجهزي انتي محتاجه مني حاجه سلمي...تسلمي يارب نغم....ايه هتفطر معانا صح سلمي...اه هتخلص شغلها وراجعه شويه وتيجي نغم.....طيب تمام راحت سلمي تاني علي اوضتها. احمد.....كملي يا نغم نغم.....بس مفيش حاجه تاني انا الوقت مش عارفه فين الصح ولا عارفه اعمل ايه احمد.....بصي يا نغم انا يا حبيبه قلبي مقدرش اقولك اعملي ايه و متعمليش ايه لان قرار زي ده لازم يكون طالع منك عشان لو قولتلك متتنازليش لو لا قدر الله اللي انتي خايفه منه حصل و مقدرتيش توصلي معاهم لحل هتضايقي انك خسرتي حقك في عقابهم وحقك انتي واختك في الفلوس او الشقه و لو قولتلك اتنازلي اخاف مع الوقت تندمي و تحسي انك مش مرتاحه عشان كده لازم القرار ده يطلع منك انتي كل اللي انا اقدر اعملوا عشانك اني افضل معاكي علي اي قرار تاخديه سواء هتكملي او هتتنازلي نغم.....انا محتاره و مش عارفه اخد قرار حتي انا صليت امبارح استخاره محلمتش بحاجه احمد....مش شرط تحلمي انتي يا هتلاقي نفسك مكمله يا لا وفي الحالتين هو ده اللي ربنا هيبقي عايزك تعمليه انتي حاسه بايه من جواكي نغم.....متلغبطه و مش عارفه اخد قرار او افكر و لا عارفه الصح ايه بس بجد محتاجه اسمع رأي حضرتك يعني اللي هتقولي عليه هعملوا حضرتك اكيد فاهم اكتر مني و بعدين انا بعتبر حضرتك حد مهم في حياتي يعني انا مليش غيركم حاليا و من اول ما جيت هنا و انتوا عارفين كل حاجه عني و انا قولتلكم كل حاجه بصراحه و وقفتوا معايا و اي حاجه هتقولوا عليها هبقي متاكده انها نصيحه طالعه من قلبكم و هعمل بيها صدقني لا هضايق ولا هندم و لا اي حاجه احمد.....طيب بصي يا نغم هقولك علي حاجه بسيطه من فتره حصل مشكله في محل ايه و كانت هتدخل في حوار كبير مش عارف البنات حكولك عنه ولا لا نغم....ايوه ايه حكيتلي و احنا بنتكلم مع بعض احمد.....تمام في اليوم ده ايه كانت مظلومه اتعرضت لموقف وحش محلها اتكسر عشان يوم صعب و شافت اكتر حاجه بتحبها بتدمر قدام عينها و طبعاً انا اب و ميهونش عليا اشوف بنتي حقها ضايع و اسكت بلغنا و كنت مصمم اجيب حقها بس لما اتقال انها ممكن تبات في الحجز عشان العرض علي النيابه حسيت ان فداها الدنيا بحالها و انا هعوضها عن اي حاجه باظت بس متباتش ليله واحده في القسم كنت مشتت بين اني تجيب حقها و بين اني اضيعوا عشان متتحبسش نفس الوضع بالنسبالك مع اختلاف الاحداث انا عايز اجيبلك حقك لان احساس الظلم والقهر وحش اوي بس من ناحيه تانيه قلقان من كلام المحامي لان المحامي اللي مع خالتك معروف بالاعيبه و شغله الشمال اينعم احنا معانا ادله و معانا محامي شاطر و معانا واسطه بس هما كمان نفس الوضع المحامي اللي معاهم مش كويس بس شاطر معاهم وسايط كتير و زي ما في نفوس كويسه ممكن تقف معاكي في نفوس وحشه ممكن تاخد من خالتك فلوس او تعمل معاهم مصالح عشان تخرج منها فا احنا واقفين في النص اخاف اقولك نكمل تطلعي خسرانه كل حاجه و في نفس الوقت حبسهم مش هيعدي بسهوله هيبقي في اذيه ليكي و حجات مش حلوه و اخاف اقولك اعملي كده ترجعي انتي تندمي يمكن انا اتفاجىت بكلام تقي و نسمه يعني ماشاء الله سنهم صغير بس فكروا بطريقه حلوه و عجبنتي و لو حابه تسألي عن رايي الشخصي بعد الكلام اللي سمعتوا من المحامي و بعد ما شوفت خالتك وجوزها ده قلقت و حاسس ان هما في كل الاحوال هيخرجوا منها و حتي لو خدوا حكم والقانون كان في صفنا شكلياً ظاهرياً هيحصل استئناف و يمكن خروج بكفاله كبيره نغم....يعني حضرتك مع التنازل احمد....بتنهيده مش عارف يا نغم يمكن هو قرار مش سهل بس كمان في جزء من التعويض ليكي يعني جزء من حقك هيرجعلك مش هتخرجي خسرانه اوي هترجعي بيتك او فلوسك هتبقي بخير و بعيده عن اذيتهم ودي اهم حاجه و الاهم بالنسبالي موضوع موت اختك زي ما المحامي قال وزي ما البنات قالولك دي مش هيتحاسبوا عليها لان اختك انتحرت و ده اتثبت فعلا فا لو انتي داخله القضيه من البدايه عشان تجيبي حق اختك هتطلعي خسرانه لان لو هنتكلم في الحق مش هما اللي قتلوها هما يمكن كانوا سبب في حالتها النفسيه مش اكتر فا من رأيي بما ان اهم حاجه انتي عيزاها مش هتحصل ولا هيتحاسبوا علي موت اختك فا انتي عايشه يا نغم رجعي حقك انتي سواء البيت او الفلوس انتي حره فهماني وبرضوا فكري نغم....انا قولت لحضرتك ان اللي هتقولي عليه هعملوا انا مش عارفه اخد قرار في حاجه زي دي انا بعتبر حضرتك زي ابويا يمكن احسن كمان اللي عملتوا معايا من يوم ما دخلت بيت حضرتك اكتر بكتير اوي من اللي هو عملوا من يوم ما جيت الدنيا دي احمد....بابتسامه وانا بعتبرك يا نغم زي بنتي مش عشان يعني قولتي انك بتعتبريني زي ابوكي بس ربنا عالم اني خدت عليكي و علي وجودك و بعتبرك زي ايه وسلمي و تامر و بقيت اخاف عليكي زيهم نغم....بابتسامه خلاص لو بجد بتعتبرني زي ايه وسلمي قولي اعمل ايه و انا هعمل اللي تقول عليه احمد....بابتسامه و مش هترجعي تندمي بعدين نغم....خالص والله انا في كل الاحوال راضيه الحمد لله احمد.....خدي بيتك يا نغم مقابل التنازل رجعي بيتك و حقك انتي واختك اللي اتسلب منكم باقل تمن و لو موافقه بعد الفطار هتصل بالمحامي وهعرفوا كل الكلام ده و هو يتواصل مع المحامي بتاع خالتك ويتفقوا و مفيش تنازل قبل ما الشقه تتكتب باسمك و تتسجل كمان نغم.....تمام وانا موافقه بس الشقه دي هي كتبتها باسمه يعني ممكن متعرفش ترجعهالي احمد.....دي مش بتاعتك بقي هما احرار مع بعض و هنديهم حل تاني لو مش عايزه ترجع الشقه كده كده انتي مش هتقعدي فيها و لا عيزاها لان وجودك جنبهم مش حلو تتمن الشقه بتمنها الحقيقي و تحطلك المبلغ باسمك في البنك و ماشاء الله هي مبسوطه يعني بالنسبه ليها الفلوس مش قصه وهما كانوا عارضين اصلا يزودوا المبلغ نغم.....تمام انا موافقه علي اي حاجه حضرتك تقولها احمد.....يعني اتصل بالمحامي بعد الفطار نغم.....هزت راسها اتصل احمد......بابتسامه تمام اللي فيه الخير يقدمه ربنا وعايزك تعرفي حاجه ان حقك وحق اختك مش هيضيع و هتشوفيه قدام عينك و انتي عايشه حتي لو طال الزمن غير حقكم يوم الموقف العظيم ربنا كبير و مبيضيعش حق مظلوم صدقيني سيبي كل حاجه في ايد ربنا و ارتاحي من كل المشاكل الكبيره علي سنك دي و شوفي حياتك اشتغلي و انجحي و حققي نفسك نغم......بابتسامه حزينه وهي عينها كلها دموع طيب هما بيقولوا الميت بيحس تفتكر كده ماما و انغام هيزعلوا مني احمد.....بالعكس اللي بيموت بيرتاح يا نغم اللي بيشيل الهم هو اللي عايش و هما لو حاسين بيكي فعلا هيبقوا مبسوطين انك اختارتي الصح انك تبق يفي امان بعيد عن شرهم انك ترجعي بيتك اللي اتاخد بلعبه مش كويسه انك تعيشي مرتاحه ده اللي هيسعدهم بجد مش عايزك تفكري بالطريقه دي خالص و اطمني برضوا حقكم هيرجع و بكره تقولي اني قولتلك هتشوفي حقكم بعينك و هو بيرجعلك و انتي حاطه رجل علي رجل ماشي يا نغم نغم....حاضر اااا هو انا ممكن احضنك بصلها احمد بتأثر وهي دموعها عماله تنزلي بسرعه وابتسم وهز راسه وضمها احمد...متعيطيش والله ربنا هيجيبلك حقك دموع المظلوم دي مش حاجه سهله عند رب العباد صدقيني نغم....بعدت عنه وهي بتمسح دموعها و نغم بالله احمد.....ممكن بقي تبطلي عياط و تروحي تغسلي وشك و ترجعيلي هنا عشان انتي وعدتيني تعملي كنافه زي اللي عملتيها من كام يوم نغم....بصحكه جميله حاضر هعملك احلي كنافه والله احمد....طيب يلا روحي بسرعه وتعاليلي بسرعه نغم....حاضر احمد......بحزن حسبي الله ونعم الوكيل في كل ظالم ..................... عند فضل ساب الكافيه و راح الورشه شويه كان مشغول في تظبيط حاجه في ماتور عربيه و الكافيه كان فاضي لان الجو صيام فا قرر يقعد شويه في الورشه كان قاعد وسرحان و عمال يحاول في الماتور سمع خبط علي مكتب خشب بره بص وراه لقي رحاب فضل....بابتسامه هاديه اهلا يا رحاب رحاب.....ازيك يا فضل فضل....الحمد لله انتي اخبارك ايه رحاب.....انا كويسه هو ينفع ادخل ولا فضل....لا طبعاً ادخلي بس خليكي بعيد عشان في شحم هنا رحاب....بابتسامه تمام مبروك صحيح علي المكان بتاعك معلش جات متأخره فضل.....بابتسامه لا ولا يهمك الله يبارك فيكي معلش بقي مش هقدر اقولك تشريي ايه الدنيا صيام رحاب.... بضحك تتعوض وقت تاني ان شاء الله فضل.....انتي رايحه عند رضوي ولا كنتي فين رحاب.....اه رايحه عندها انت عارف بقي انا مشيت اول يوم رمضان بعد الفطار بشويه و من وقتها مجتش خالص و رضوي عماله تزن اروحلها وانا بصراحه كان عندي شغلك كتير قولت اخلصوا بقي الاول واجي هقعد معاها انهارده و بكره و هرجع تاني فضل.....ربنا يخليكم لبعض تنوري طبعاً رحاب....ميرسي يا فضل اخبار الشغل هنا تبه شكلك مبسوط فضل....الحمد لله يعني ده كان حلمي اصلا رحاب.....بس انت مش دارس يا فضل صح فضل....لا خالص هوايه انا بحب العربات و بهتم بيها و اتعلمت اصلح حجات كتير بتبوظ فيها و تقريباً بقيت نادراً لو احتاجت حد يصلحلي حاجه رحاب.....بصراحه هو الشغل في العربيات ممتع جدا فضل....اه انتي مهندسيه ميكانيكا يعني بتفهمي في الشغلانه طبعاً رحاب....بضحك ميكانيكيه قد الدنيا فضل....بضحك مش متخيلك علي فكره الا في مكتب رحاب....لا ليه انت عارف اني اشتغلت في كذا ورشه ميكانيكا و كنت بشتغل بايدي و بنزل تحت العربيات وكده فضل....بضحك ولبستي عفريته رحاب.... بضحك لبست عفريته و علي فكره التروس اللي في ايدك دي انت بتفكها غلط دي مش بتتلف هي كبس فضل.....رفع حاجبه هي ايه اللي كبس لا بتتلف رحاب.....بضحكة ثقه يبقي هتلف فيها من هنا لسنه قدام و في الاخر هتكتشف انها كبس جرب مش هتخسر حاجه بصلها و رفع حاجبه و سندها علي طاوله خشب كبيره و نزل عليها مكبس وسحبها اتسحبت ابتسم و بصلها ضحكت ضحكة ثقه فضل....دي طلعت كبس فعلا رحاب....بضحك مش بقولك ميكانيكيه مش مصدقني فضل....ايه ده انتي طلعتي شاطره بجد من غير زعل يعني انا كنت فاكرك مهندسه بالكلام يعني رحاب....شهاده تتحط علي الحيطه وكده لا خالص انا دخلت قسم الميكانيكا ده لاني بجد بحبه و حاليا انا بشتغل في مركز صيانه كبير بس مدير تنفيذي للمكان مبقتش اشتغل بايدي اوي فضل....بابتسامه اترقيتي يعني رحاب....يعني بس علي فكره الشغل بالايد امتع بكتير من اني اقعد علي مكتب و اشرف و ادي اوردرات و ابص علي الشغل بعد ما يخلص لان زي ما قولتلك هو بالنسبالي متعه فضل.....مبقتيش تشتغلي بايدك خالص رحاب....حاليا للاسف لا بس بعمل اللي عيزاه في عربيتي بطلع مواهبي كلها فيها عشان كده انا بقول يا بختك فضل.... بضحك و يابختي ليه لو الشحم وحشك تعالي يلا اشتغلي رحاب.... بضحك متحمسه لاول عربيه هتطلع من تحت ايدك لان انت بالنسبالي مش مجرد بتصلح وبس انت بتخترع يعني حاجه جديده عليا و بحبها فضل....ادعيلي لسه قدامي وقت طويل رحاب....ان شاء الله تخلص علي خير و تبهرنا فضل....يارب يا رحاب رحاب.....اااا طيب انا مش هعطلك بقي انا كنت معديه بس وقولت اسلم عليك و اباركلك فضل....مفيش عطله ولا حاجه ده انتي كويس انك جيتي عشان التروس دي بقالي ساعه بلف فيها رحاب....بضحك اي خدمه و اي حاجه تحتاجها اسالني فضل....اكيد رحاب....يلا مش عايز حاجه فضل....لا تسلمي و شكراً علي زيارتك دي رحاب.....العفو يا فضل يلا باي فضل....سلام وقفت و بصتلوا تاني و هو بصلها و هز راسه بهدوء بمعني في ايه؟ رحاب.....فضل هو انت كده علي طول ؟ فضل....بابتسامه استغراب كده. علي طول أزاي يعني؟ رحاب...يعني هو أنت مش بتخرج خالص من يوم ما عرفتك و تقريباً مش بشوفك غير في الكافيه او البيت مش بتخرج تروح اي مكان مش بتعمل أي أكتيڤتي خالص فضل....بابتسامه لا اكيد بخرج مع عشري و الشباب بنقعد في كافيه في قهوه عادي يعني رحاب....بابتسامه القهوه والكافيه الأكتيڤتي بالنسبالك فضل....بضحك ايه اروح ملاهي والعب خلاص بقي كبرنا علي الكلام ده رحاب.....بضحك هو انا مقصدش ملاهي او لعب مع ان يعني مش عيب و دول ملهمش سن انا اقصد خروج يعني يا فضل تعمل حاجه بتحبها غير طبعاً الشغل في العربيات تروح مكان بتحبه تتجنن كده يعني فضل...امم لا اكيد بعمل كده يعني بنسافر و كنت بروح اركب خيل ديما بس بقالي فتره كبيره مروحتش رحاب....حلو الخيل برضوا طيب وليه مش بتروح فضل....مش عارف يعني الفتره اللي فاتت كلها كنت مشغول بتحصل حجات تخليني معرفش كمان كنت بجهز البيت مكنتش فاضي بس انا بحب الخيل و كنت بروح انا وعشري علي طول لكن في العموم خروجي معروف سفر كافيهات يعني حجات كده مع الشباب بس ليه بتسألي رحاب....عادي زي ما قولتلك بحس اني ديما شيفاك في الشغل وبس فضل.....لا خالص بس جايز الفتره دي المود مش احسن حاجه رحاب....بابتسامه امم طيب ما ده سبب كافي عشان تخرج و تغير مود و تبقي احسن تحب نخرج انهارده؟ بصلها فضل و سكت ثواني فضل...اااا نخرج بصي انا رحاب....بابتسامه قاطعته وهي بتفتح شنطتها و قربت منه بص انا عارفه حبك و اهتمامك للعربيات و بما اني مهتمه انا كمان بالعربيات و المجال ده حبيت اشاركك حاجه جايز تغير مودك دي انڤيتيشن لإيڤنت بيتعمل فيه شو يجنن للعربيات تقربياً نفس اللي انت بتعملوا دي مجموعه شباب عندهم نفس الحلم بتاعك و بيعيدوا تصنيع العربيات من تاني و بيصنعوا قطع مش موجود منها غير واحده بس اكيد انت تسمع عن الإيفناات دي فضل....بابتسامه اه طبعاً و بتابعها كمان و بتفرج علي الڤديوهات بتاعتها انا يمكن حضرت مره حاجه زي كده في مصر الجديده و بصراحه عجبني اوي و اتحمست اكتر بس انا معرفش حد من الشباب دي و معرفتش احضر تاني رحاب....لو تحب اعرفك عليهم انا ديماً بحضر الايڤنت ده هو بيتعمل مره كل سنه بيستمر 3 ايام و ده اكبر من الايڤنت اللي انت حضرتوا في مصر الجديده بكتير ده اصلا الاساسي اي ايڤنت تاني هو تقليد للفكره و بيتهيألي ده فرصه ليك و هتستفاد جداً من الشباب عندهم افكار تجنن و شطار اوي و كمان بيساعدوا بعض يعني اي حاجه هتقف قدامك هيفيدوك و كمان لو عندك فكره معينه لتركيب اجزاء مش راكبه علي بعض هيعرفوك لو تمام تكمل لو مش تمام هينصحوك بالبديل و ليهم كمان جروب خاص ممكن تدخل فيه و غير كل ده في ناس عاديه ممكن تروح عادي تتفرج بجد اجواءهم تجنن والاكتيڤتي بتاعتهم مميزه هتتبسط في كل الاحوال أيه رايك موافق نروح مع بعض فضل....بابتسامه و حماس ااا اه ليه لأ موافق طبعا و بجد شكراً اوي انا سمعت عن الايڤنت ده كتير و شوفت ڤديوهات اكتر و كان بيعجبني اوي و في حتي شاب كده اسمه او لقبه الديزل انا بتابعه وبحبه جدا رحاب....بابتسامه ثقه و لو تحب اعرفك عليه شخصيا كمان هو موجود فضل...تعرفيه رحاب....طبعاً احنا صحاب و علي فكره الاينڤيتيشن دي منه فضل....بضحكه جميله بتتكلمي جد رحاب....والله العظيم و هعرفك عليه انهارده هو شاطر جدا و موهوب و صدقني هيفيدك كتير و كمان ممكن يعرفك افضل الاماكن اللي تروح و تتعامل معاها و نجيب منها الخامات اللي ممكن تحتاجها فضل....حلو اوي خلاص موافق طبعا رحاب....بسعاده اوك يبقي بعد الفطار نتقابل ونروح مع بعض انت هتفطر عند جوجو صح فضل....لا هو الحقيقه انا هفطر مع الشباب اللي بيشتغلوا في الكافيه انهارده لاني ولا مره فطرت معاهم بس عادي خلصي و تعالي هنا علي الورشه و نمشي مع بعض رحاب....اوك هو المعاد الساعه ثمانيه بس احنا هنفطر و نمشي عشان نلحق قبل زحمة الطريق هو علي طريق السخنه بس متقلقش مش بعيد اوي فضل.....لا عادي خلاص هستناكي و بجد شركاً اوب يا رحاب رحاب....علي ايه بس انت تؤمر فضل ابتسم بهدوء فضل....شكراً رحاب....ااا يلا انا هروح بقي و اشوفك بعد الفطار فضل.....اوك مستنيكي باي رحاب....باي ابتسم فضل و هو باصص علي الانڤيتيشن بسعاده.. ................. الاذان اذن و فطرت ليله هي و عشري كانت جاهزه عامله ميكب بسيط و مظبطه شعرها و بعد الاكل قامت شالت و ظبطت الدنيا و راحت تلبس عشان تنزل عشري كمان كان بيجهز عشان ينزل. عشري.....لولي تحبي اخدك في طريقي و ابقي ارجع اخدك انا رايح الكافيه الجديد ليله....لا يا حبيبي خليك انت عشان ممكن اخلص و احب ارجع او ممكن اقعد شويه و اروح اشوف ايه او نودي كده يعني هتحرك بالعربيه كمان عايزه اجيب حاجه لبكره عشان عزومه اميمه عشري....متجيبيش حاجه انا هجيب كل حاجه ليله....انا كنت هجيب حاجه للولاد بس عشري....تمام انا هجيب متجيبيش انتي ليله...تمام بقولك ايه فضل بيفطر تحت صح عشري.....في الكافيه تقصدي ليله....اه سمعتك امبارح بتتكلم معاه وقال هيفطر مع الشباب عشري...اه ليه ليله....مفيش بفكر اعدي عليه الوقت اسالوا كده علي اللي حصل بينه وبين نعيمه يعني في الرواقه كده اكيد هيتكلم معايا عشري....براحتك شوفي كده وأساليه اجي معاكي ليله....يعني بقول خليك انت عشان يتكلم براحته مش عارفه ليه حاسه انه لما بيتكلم في الموضوع ده قدامك انت والشباب بيبقي مكسوف من اللي حصل عشري.....خلاص روحي و شوفي كده ايه اللي حصل ليله....تمام يا حبيبي كملت لبسها و هو كمان كمل و بعدين نزلوا مع بعض عشري.....بقولك ايه انا همشي علي طول بقي عشان لو حد من اخواتي شافني هقف و هتعطل و الكافيه هناك في شغل كتير ليله....تمام انا هخلص مع فضل و هروح علي المطعم علي طول مش هتأخر عشري....تمام خلصي كده و كلميني و علي مهلك في الطريق ليله....حاضر يا روحي بحبك يا بلطجي عشري.....بحب وانا بموت فيكي ليله....اوعي البنات تعاكسك عشري...بضحك لا متخافيش انا اللي هعاكسهم ليله....بضحك لو كان كده ماشي بس براحه عليهم هما مش قدك يا بلطجي عشري....بحب مفيش في القلب غيرك يا تاج راسي ليله....بابتسامه بحبك عشري....و انا بحبك اكتر يلا علي مهلك ليله...باي ركبوا هنا الاتنين عربياتهم حدفلها عشري بوسه قبل ما يتحرك و بعدين طلعوا وراء بعض و مشي هو و هي راحت علي الكافيه. لمحها سليمان قرب منها جري سليمان....خير يا ليله في حاجه ليله....بابتسامه لا خالص مفيش انا كنت عايزه فضل هو مش بيفطر هنا انهارده سليمان...اه فضل لا كان بيفطر مع الشباب بس انا جيت و هو راح علي الورشه هتلاقيه هناك ليله.....طيب اوك انا هروحلوا ميرسي يا سليمان سليمان ...علي ايه يا غاليه بس طمنيني محتاجه اي حاجه انا اقدر اعملها ليله....بابتسامه لا خالص تسلم انا بس كنت هتكلم معاه في موضوع تسلملي يا سليمان سليمان.....الله يسعدك يلا علي مهلك ليله....حاضر يلا باي سليمان....بالسلامه ركبت عربيتها تاني و لفت عشان تروح علي الصف التاني ركنت قدام الورشه و نزلت راحت عليه جوه ليله...بابتسامه السلاااام عليكم لف فضل و بصلها و ابتسم بهدوء فضل...عليكم السلام ازيك يا ليله ليله.....الحمد لله يا فضل اخبارك ايه فضل...ااا تمام نورتي اول مره تيجي هنا ليله....بنورك اممم يعني اه اول مره اجي انت ديما بتشتغل بليل اكتر فضل.....انا مقضي اليوم انهارده كله هنا قبل الفطار مفيش شغل اكيد و بعد الفطار بروح و برجع تاني علي 11 بفضل اشتغل لحد السحور ليله....كويس و اخبار الشغل ايه فضل....اهو لسه بنقول ياهادي ليله....ربنا معاك يارب بص بقي انا مش هعطلك عشان راحه المطعم بس عايزه اتكلم معاك و فجأه سمعوا صوت رحاب جاي من الورشه جوه بس هي مش باينه بص فضل علي رحاب و علي ليله بتوتر رحاب.....من جوه ماشاء الله يا فضل الخامات اللي جيبتها تجنن و هتعمل بيها شغل يجنن ظهرت رحاب و خرجت من المكان جوه بخطوات هاديه و ابتسامه علي وشها رحاب....ليله ليله...سكتت ثواني رحاب رحاب....قربت منها و هي مبتسمه ابتيامه واسعه اخبارك ايه و حشاني باستها و سلمت عليها لياه عينها كانت علي فضل اللي متوتر توتر كأن مراته قفشته ليله....بابتسامه ثابته بخير انتي عامله ايه رحاب....انا تمام الحمد لله ليله.....انتي لسه جايه لرضوي رحاب....بابتسامه لا انا جيت قبل الفطار بس خلصت و نزلت علي طول عشان خارجه انا وفضل بصت ليله بعينها علي فضل وابتسمت و هزت راسها هزه بسيطه ليله....امممم طيب حلو اوي عموما انا مش هعطلكم و مبسوطه اني شوفتك رحاب.....تعطلينا ايه بس فضل لسه بيقفل انا كنت بتفرج علي الشغل لحد ما بخلص شوفي كنتي جايه ليه مش انت لسه بتقفل يا فضل بصلها فضل و بعدين بص لليله اللي كانت بصاله وهي مبتسمه بس ابتسامتها رعبت فضل سكت مردش رحاب....خليكي مش انتي جايه تتكلمي معاه تحبوا استني بره عشان تتكلموا براحتكم مسكتها ليله من كفها بسرعه وابتسمت ليله....لا خليكي انا قولت بس اعدي علي فضل و اسلم عليه و بالمره اشوف المكان عشان مجيتش ولا مره من ما فتح مبروك يا فضل حلو المكان بالتوفيق يلا مش هعطلكم رحاب.....هشوفك تاني يا ليله ليله....بابتسامه اكيد يلا باي رحاب....باي خرجت ليله بخطوات ثابته و هاديه بس من جواها كانت هتموت كأن فضل ده يخصها مش يخص نعيمه غيرتها علي نعيمه كانت زي غيرتها علي نفسها. فضل....ااا رحاب لحظه واحده راجع تاني رحاب.... بابتسامه طبعاً براحتك خرج فضل بسرعه وراء ليله فضل....ليله ليله لحظه مشيت ومردتش عليه و قفت قدام الباب و لسه هتفتحه مد ايده وقفلوا تاني فضل....ليله استني بعد اذنك لازم نتكلم ليله....بابتسامه نتكلم في ايه يا فضل بصت من بعيد علي رحاب كانت واقف باصه عليهم و مربعه ايدها ومبتسمه رجعت بصتلوا تاني وشاورت بصباعها علي رحاب مش عايزه اعطلك واضح انك مشغول وانا جيت في وقت غلط فضل...ليله انتي اللي فاهمه غلط و انا محتاج افهمك الصح ليله...متعودتش علي فكره اني احكم علي حد حتي لو شوفت بعيني الا لما اسمع بس بيتهيألي توترك مش محتاج كلام ولا انا غلطانه فضل....غلطانه طبعا و اه اتوترت مش هنكر بس لاني عارفك كويس يا ليله و شوفت ملامحك اتغيرت ازاي انتي فاهمه غلط صدقيني ليله.....وانت مش محتاج تبرر يا فضل انت حر في اي حاجه في حياتك انا مش ولية امرك و لا هحاسبك اعمل اللي يريحك واللي انت شايفه صح من وجهة نظرك فضل..... تمام بس برضوا انتي فهماني غلط ليله....و هيفرق معاك يا فضل فهماك غلط او فهماك صح هيفرق معاك اي حد اصلا فضل.....هيفرق معايا ليله اني اغير نظرتك اللي شوفتها جوه دي عشان انتي غاليه عندي ومحبش انك تزعلي مني ليله....و هزعل منك ليه يا فضل بالعكس انا مبسوطه اني جيت الوقت علي الاقل عشان ابطل اتكلم في حاجه منتهيه بالنسبالك يمكن مش هكدب عليك كنت الاول عندي شك ان انك مش فارق مع نعيمه و كنت ممكن اظهر اني جايه عليك بس من جوايا انا كنت معاك اكتر لكن الوقت فهمت المشكله فين نعيمه اللي مش فارقه معاك يا فضل فضل....انتي يا ليله اللي بتقولي كده ؟ ليله....اه و انا مش بحاسبك علي فكره انت حر و دي اخر مره اوعدك اني هفتح معاك موضوع نعيمه ده خالص لان دي غلطتي اصلا مكانش المفروض افضل احاول في حاجه واكدب احساسي و هي باينه قدامي فضل....و ايه اللي كان باين قدامك يا ليله ليله.....مش مهم مش فارقه خلاص فضل....لا قولي فارقه يا ليله علي الاقل اعرف نظرتك فيا شكلها ليله.....فضل انا كنت معاك في كل حاجه وكل تضرف و كل شعور حسيت بيه و كل وجع و رغم اني عارفه ان نعيمه بتمر بظرف نغسي زي الزفت الا اني برضوا كنت معاك و رفضت الطريقه اللي سابتك بيها مع ان ده غلط مني لاني معرفش ايه اللي ممكن يوصلها انها تاخد خطوه زي دي الا لو بجد كانت فيها حاجه و برضوا عذراك في زعلك من الطريقه بس انت محاولتش يا فضل للاسف نسيت كل حاجه و خدت الموضوع علي كرامتك انا معاك ان الكرامه مطلوبه في الحب و العلاقات بس كمان انت محاولتش تفهم او تسال محاولت تدي فرصه محاولتش تسمع فضل...اسمع من مين يا ليله ؟ هي نعيمه فين من اول ما سافرت أصلا ؟؟ نعرف عنها ايه؟؟ ده انتوا اول مسافرت قعدتوا حوالي اسبوع متعرفوش عنها حاجه قافله موبايلها ولما فتحت و اتصلت تطمنكم محاولتش تبرر انتوا اللي المفروض اقرب ليها من اي حد حتي اناااا بحكم عشرتكم و بحكم انكم بنات مع بعض بتتكلموا و تعرفوا اسرار بعض معرفتوش منها حاجه مبررتش اللي عملتوا محاولتش تبعتلي او تتصل زي ما عملت معاكم و مع اهلها كاني ممرتش في حياتها اصلا و اووووعي اوعي تقولي يا ليله عشان مش هتقدر عشان مكسوفه لان الاصول وش واحد و بحكم اللي بينا علي الاقل كانت حاولت بس هي معملتش كده و كلكم برضوا شايفين ان فضل غلط و محاولش و بتيجوا عليه مش مهم احاول في ايه تاني يا ليله انتي نفسك من اول ما نعيمه سافرت و انتي رجعتي و انتي بتحاولي تعرفي مكانها و عنوانها و معرفتيش منها العنوان الا بعد الضرب اللي حصل و اتكلمنا عندكم و جيتوا عليا وانا رضيت برضووووا و كلمتها حصل ايه قفلت في وشي و اوووعي تقولي مقفلتش لاني شوفتها و ده كان عاشر يوم رمضان اظن انتي فاكره عزمتينا امته بالظبط وامبارح كان 25 رمضان يعني فات 15 يوم يا ليله ايه مقدرتش تعتذر فيهم مقدرتش تبعتلي بتكامني امبارح تقولي انا عرفت انك زعلت وفهمت غلط طيب اما هي عرفت محاولتش ليه اول ما عرفت تعمل كده قوليلي يا ليله عايزيني احاول في ايه اكتر من كده ؟ و هتفضلوا لحد امته شايفين ان انا اللي غلط وهي اللي صح ؟ انا اعصابي اتحرقت و محدش فيكم حاسس بيا من حقك و حق البنات تدافعوا و تزعلوا عشانها و انا مش مضايق من ده بس مش عايز حد يجي عليا لاني صدقيني انا كنت حقيقي مع نعيمه و حاولت كتير بس اكتر من كده مش هقدر احترم نفسي بعد كده نعيمه اختارت و مرتاحه كده و انا مرتاح و طريقنا مش واحد يا ليله بس مش معني ده ان زعلك مني هيهون عليا لانك تفرقي معايا انتي اختي يا ليله و بيتهيألي لو كان عندي اخت بنت مكنتش هحبها قدك صدقيني انا عارف كويس انك انتي بتعملي ده حباً في نعيمه وفيا و مش قادره تصدقي انها خلصت خلاص بس انتي بتعافري و بتحاولي علي الفاضي الموضوع مقفول و اللي قفلوا كان نعيمه مش انا ليله....بحزن كل اللي قولتوا علي راسي و يمكن معاك حق فيه بنسيه كبيره اوي بس الست يا فضل مهما غلطت الراجل بيبقي الطرف اللي بيصلح مهما ضعفت الراجل اساس القوه في العلاقه التحمل والصبر والاهتمام في وقت صعب بتمر بيه الست بيفرق معاها اوي و فوق نا تتخيل فضل انا لما قررت امشي و اختفي كنت فاكره اني بقفل صفحة عشري ورايا بس تمسكوا بيا فرق في حياتي عموما هتقولي عشان كان غلطان و بيصلح غلطوا صح بس انا كمان غلطت والست لما بتتوجع بتلوش يا فضل و انا لو علي التلويش معترفه اني بوظت الدنيا انا جرحت عشري باسوء طريقه قدام الكل خرج مني الفاظ لعشري قدامكم تجرح اي راجل و تخليه لو بيعشق التراب اللي الست ماشيه عليه هيختار كرامته و صدقني وقتها كنت بعمل كده من وجعي بس كنت عارفه ان عشري مش هيبص في وشي تاني حبسته بهدلته خلبته واقف وسطكم زي العيل الصغير مستني حد يقولوا اي حل كان بيسمع لاي حد هيقدر يساعده و للاسف دي مش شخصيه عشري بس عمل عشاني كده و اتحملني و خرجت من المشكله دي و انا مش بس بحب عشري انا خرجت و انا مش شايفه غيره في حياتي هو غلط وانا غلطت بس كانت تجربه زودت حبنا لبعض اضعاف و ده اللي بقولوا هي غلطت و مش هقولك انت غلطت عشان الكلمه متزعلكش بس انت حاول رجعها لعقلها حسس نعيمه في عز ضعفها انها كل حياتك ان ليها اهميه انها فارقه معاك ان اللي حصل منها مش مزعلك انت زعلان عشانها فضل.....وانتي فاكره اني مش زعلان عشانها فاكره انها مبتجيش علي بالي كل لحظه فاكره ان انا مش فارق معايا الضرب والاحداث اللي حاصله هناك و انا عادي انا مليش في سياسه ولا بتابع كل ده بس عشان مش قادر اوصلها طول الوقت بتابع عشان اطمن عليها فاكره اني متوجعتش عليها امبارح و هما بيقرأوا فاتحه تختها وانا واثق هي حاسه بأيه فاكره ان كان سهل عليا اكلمها و اقولها اوسخ كلام في الدنيا وابقي شايف دموعها و متوجعش لا يا ليله انا مش قاسي زي ما انتي فاكره ولا وحش و لا عمري اتمني ليها اي حاجه وحشه حتي بعد عملت فيا كده وسافرت انا الحاجه الوحيده اللي قولتها كلمه في رساله قولتلها انا عمري في حياتي ما هسامحك بس ده من غضبي و وجعي بس والله العظيم لما حصل القلق ده خوفت يكون ده حصل بسببيي بسبب وجعي منها خوفت عليها بس غصب عني يا ليله حسي بيا صدقيني نعبمه كسرتني و خلاص هي مرتاحه وانا بحاول اكون مرتاح خلصت يا ليله صدقيني.. ليله....بتنهيده حزينه هزت راسها تمام تمام يا فضل اوعدك دي اخر مره هتكلم في الموضوع ده و اسفه بجد لو بضايقك بس انا عندي نصيحه صغيره اوي من اختك حطها ديماً في بالك متروحش تحب جديد ولسه ريحة القديم فيك يافضل لأن اللي بييجي بعد حد لسه ساكن فيك غالباً بييجي مظلوم هتفتكر إنك بدأت من جديد لكن الحقيقة إنك لسه واقف عند نفس النقطة بتقارن من غير ما تقصد وبتحاسب حد ملوش ذنب على حاجات معملهاش اللي جواك لما ما يخلصش يا فضل بيطلع على غيرك و كأنك أعمى ماسك سكينة يمكن تجرح ويمكن توجع ويمكن تكسر قلب كان كل ذنبه إنه صدقك المشاعر الحقيقية مش بتستخبى وبتبان في التفاصيل الصغيرة وفي الكلام و انت رغم كل كلامك اللي قولتوا مهما خبيت نعيمه جواك يا فضل و دي حاجه انا اقدر احسها كويس علشان كده بصت بطرف عينها علي رحاب قبل ما تدخل حياة حد او تسمح لحد انه يدخل حياتك اسأل نفسك بجد هل أنا فعلًا جاهز أبدأ ولا أنا بس بحاول أنسى حد بوجود حد تاني؟ القلوب مش محطات مؤقته يا فضل واللي يدخل حياة حد لازم يدخلها بقلب كامل مش ببقايا قلب حد تاني. ابتسمت ابتسامه بسيطه اتمني تكون كويس و اتمني تفكر صح و اوعدك دي اخر مره هتكلم معاك في موضوعك انت و نعيمه يلا اسيبك لضيوفك و مشوارك باي يا فضل بعد فضل خطوه صغيره عن الباب ركبت ليله و طلعت بسرعه من قدامه وقف ثواني و هو بيحاول يخرج من كلام ليله و بعدين راح علي الورشه و ابتسم بهدوء فضل....ااا يلا هقفل و نمشي حالا رحاب.....بابتسامه اوك يا فضل ................. عند نعيمه بصت بهدوء للدكتور و بحزن فظيع.. الدكتور....تأخيرك في السيشن هو اللي بيخلي نفسيتك مبتتحسنش انا قولتلك وقت ما تحسي انك عندك كلام نعمل سيشن بس مش معني كده انك تاخدي الوقت ده كله اخر سيشن كانت قبل رمضان نعيمه....غصب عني كنت بحاول اتأقلم و اجرب اعيش حياتي لوحدي بس الاوضاع اللي حصلت هنا برضوا كان ليها عامل كبير في تأخيري الدكتور....المهم انك بخير نعيمه....الحمد لله الدكتور ...ملتزمه بكل التدريبات نعيمه.....ايوه ملتزمه بس يمكن بقالي كام يوم مش ملتزمه خالص الدكتور....طيب احكيلي يا نعيمه ليه حاسس انك مش كويسه خلينا نبدأ كل حاجه حصلت معاكي من اخر سيشن بالتفصيل. نعيمه.....اول كام يوم التزمت بكل حاجه عملت كل التدريبات مش هنكر انها فرقت معايا خصوصا موضوع الكتابه واني اكتب اي حاجه تيجي في بالي حاولت اشتت نفسي اكتر بقيت انزل اتمشي اشتري و اشتركت في چيم الدكتور....براڤو خطوه هايله نعيمه...بس الحقيقه نزلت فيه كام مره بس لكن بحاول ابتسمت بهدوء دخلت المطبخ لاول مره في حياتي كنت حابه اني اعمل بايدي الاكل يمكن انا كنت بدخل بس عشان اعمل فطار او عشاء خفيف مش اكل يعني الدكتور.....بابتسامه جميل طيب قوليلي يا نعيمه لما كنتي بتحاولي تشتتي نفسك و تعملي التدريبات مين اكتر شخص كان بيتردد علي بالك نعيمه.... بابتسامه كذا شخص مش شخص واحد يمكن الفتره دي فيهم شخص ديما في بالي بس في البدايه كان كذا شخص الدكتور....طيب ممكن تسميهم و تقوليلي ليه هما بالذات اللي جم في بالك ؟ نعيمه.....هزت راسها اول حد كان بيجي في بالي بعد اخر سيشن باستمرار نسمه اختي و كمان أيه صاحبتي و ليله و فضل الدكتور....جميل طيب ايه اكتر سبب كان بيخليهم يجوا علي بالك غير انك بتحبيهم طبعاً نعيمه....ااا يعني نسمه بعد اخر سيشن حقيقي مكانتش بتروح من بالي كان جوايا شعور قوي اني حابه اقرب منها اغير فكرتها عني و الاهم كنت عايزه اعرف لما هقرب هتتقبلني ولا هيفضل جواها جزء مطفي من ناحيتي الدكتور....ولقيتي ايه نعيمه...بابتسامه نسمه طفله وبريئه و قلبها مفيش زيه محستش باللي كان مخوفني بالعكس كانت مبسوطه و متقبلاني يمكن الفتره دي قربنا من بعض رغم ان في بينا مسافه وسفر طول الوقت بكلمها بتكلمني نفتح ڤديو و نعمل الاكل مع بعض و هي اللي بتقولي اعمل ايه تفرجني علي حاجه جابتها انضف البيت وهي معايا و يمكن التفاصيل دي بينا مكانتش موجوده في الحقيقه ديما كنت بشوفها اصغر و ان انا الكبيره مع ان هي قالتلي كلمه فضلت معلمه جوايا قالتلي اني بعيده عنها عشان السن رغم ان ايه قريبه مني سني و هي اصغر واحده في صحابك و بتحبيها اكتر الدكتور ....ودي حقيقه نعيمه...اكيد لا بس مش هنكر اني عمري ما لاحظت حاجه زي دي بيني وبين نفسي شايفه ديما اني الكبيره وهي بالنسبالي طفله علي عكس طريقتي مع ايه و يمكن اكتشفت اني كنت غلطانه و مش بس نسمه اللي كانت محتجاني انا كنت محتجاها اكتر الدكتور ....فرق معاكي كلامك معاها وقربك منها نعيمه....فوق ما تتخيل الدكتور....طيب قربتي منها عشان تعوضيها عن اخر صدام حصل بينكم و لا انتي حسيتي انك عايزه تعملي كده نعيمه....يمكن في الاول كان عندي شعور اني عايزه اعوضها اخليها تصالحني او تنسي اللي حصل كنت بحاول اراضيها بس بعد كده لا بكلمها عشان عايزه اكلمها و لما بتكلمني برد يمكن اوقات كنت بكنسل او بقولها في مسدچ هكلمك بعدين و اوقات مكنتش بكلمها بعدين دي في حاجه اتغيرت بيني وبينها بس ايه هي مش عارفه لكن مبسوطه حتي علاقتي بامي بابويا اخويا مختلفه من بعيد بنضحك بنهزر بنتفاعل بشكل او باخر اه احنا مش مع بعض بس المكالمه اللي بتجمعنا بتحسيني اننا عيله و عيله جميله. الدكتور.....جميل طيب ووو أيه ليه بتفكري فيها نعيمه.... بضحكه واضحه علي ملامحها بحبها و يمكن مفتقده طاقتها الايجابيه هي مجنونه و مهيبره اوقات كتير كنت ببقي مش في المود بس غصبي عني تعنل اي حاجه تضحكني و حشتني و مش عارفه ليه هي بالاخص اللي جات في بالي الدكتور....طيب و ليله نعيمه.....يمكن ليله الوحيده اللي مش قادره احدد هي بتيجي في بالي ليه يعني بسال نفسي هل عشان حاسه بالذنب من ناحيتها اني عملت كده ولا عشان هي مش بتعدي يوم غير لما تكلمني كذا مره خايفه عليا بجد شايله همي مضايقه عشاني فا كل افعالها ديما في بالي و وحشتني اوي الدكتور ...جميل طيب وفضل نعيمه....شعور بالذنب مش بيقف مفتقداه بشكل ميتوصفش طول الوقت اي موقف واي كلمه و اي نظره بتتعاد في بالي كأنها بتحصل لاول مره و حشني اوي و زعلوا فارق معايا بشكل مش طبيعي الدكتور.....طيب كملي يا نعيمه ايه تاني حصل الفتره دي غير الاشخاص اللي جات علي بالك و التغييرات الحلوه اللي بينك و بين عيلتك نعيمه ....في مكالمه حصلت بيني و بين ليله يوم عشره رمضان و الحقيقه ان المكالمه دي كنت اول مره اكلم فيها عشري بعد ما حصل الي حصل و مشيت يمكن هو بعت رساله زي ما الكل بعت يطمن عليا و بعت رساله يقولي كل سنه وانتي طيبه عشان رمضان بس محصلش بينا كلام خالص في اي حاجه و اليوم ده كلمني و كان ڤديو و ليله كانت جنبه الدكتور....احكيلي عن المكالمه دي اكتر ايه شعورك وانتي بتسمعي صوته وبتشوفيه لاول مره ايه شعورك وانتي من جواكي عارفه ان السبب في كل ده هو نعيمه....بابتسامه في البدايه اما شوفته اتخضيت بس مش الخضه اللي هي بتحصل اما تشوف حبيبك قدامك او شخص في بالك طول الوقت الدكتور.....امال ايه نعيمه....بصراحه خوفت منه خوفت من رد فعله خوفت من مواجهته ليا بعد اللي حصل لانه اكيد زعلان عشان فضل كنت مكسوفه اوي لانه في النهايه ابن عمتوا وهيزعل عليه بس اتكلمنا و يمكن الخضه دي كانت اول كام ثانيه بعد كده راحت الدكتور.....شوفتيه ازاي يا نعيمه؟ مشاعرك كانت ازاي في اللحظه دي و انتي شيفاه قدامك و جنبه ليله نعيمه....عادي جدا صدقني كان واحشني واحشني هزاره كلامه حسيت اني مفقتده صاحب جدع اخ صاحب مواقف بجد لدرجه اني حسيت اني مختله عقليا ازاي وانا قدامه طول الوقت كنت ديما افتكر اول نظره واول انبهار واول موقف و الوقت و انا بعيده احس انه عادي و مش مفتقداه هو كا شخص في حياتي انا مفتقده الصاحب الاخ الدكتور....مش يمكن الرؤيه وضحت ليكي اكتر و دي الصوره اصلا اللي كانت في بالك نعيمه....مش عارفه بس صدقني مشاعري نجاهه عكس اللي جوايا ليه اللي جوايا ليه كنت خايفه يكون غير انه اخ او صديق بس اتأكدت انها كده بجد مشاعري ليه كان فيها لغبطه بين اول انطباع و الاحداث اللي كانت بتحصل بعد كده بس اللي انا حساه الوقت حالا لا مش هو اللي كان بيجي في بالي و لا هو الشخص اللي سيبت حياتي كلها عشان انساه و اختارت البعد عشان خوفت اعمل حاجه غلط بالعكس هو فضل موجود و لما اتكلمت معاه كنت بتكلم عادي مش بمثل علي نفسي الدكتور.....مكالمتكم كان فيها ايه نعيمه....كانت كلها عن فضل الدكتور....عاتبك نعيمه....عاتبني و حاول يفهم مني بس بصراحه يعني مكانش متحيز لفضل عشان قريبه كان بيتعامل عادي هو عايز يظبط الدنيا بينا و اكيد صعبان عليه فضل الدكتور.....في عتاب او نبره منه ضايقتك نعيمه....لا خالص بالعكس عشري شخص محترم و طيب و بيتعامل معانا كلنا علي اننا واحد يمكن في كلمه قالهاهي بس اللي شوشتني اوي الدكتور.....كلمه ايه نعيمه....كنا بنتكلم و قولتلوا والله كلكم وحشتوني اوي قالي احنا بس كان يقصد فضل و الحقيقه ان الكلمه دي وقفت عندها لاني بجد مفتقداه و وحشني اوي و يمكن كمان مكنتش متخيله انه يفرق معايا بالشكل ده. الدكتور.....وايه تاني نعيمه...مفيش في نفس اليوم هما اتجمعوا عند ليله وعشري و فطروا معاهم و حصل بقي الاحداث دي و الدنيا هنا باظت اتصلوا بيا و اطمنوا كلهم كانوا بيكلموني و الحقيقه اني في الوقت ده كان المطار قدامي من الشبابك متدمر و النار و الدخان كتير و قبلها الصوت اللي سمعتوا خلاني موت في جلدي صوت الانفجار او الضرب و طول الوقت كان في صوت طيران غير الرسايل اللي بتيجي تحذر كلها تقلق في الحقيقه كنت مرعوبه و انا بتكلم معاهم و خوفهم عليا اتنقللي و خوفني اكتر و قبلهم امي و اختي و ابويا كانوا بيكلموني و مرعوبين فا التوتر عندي كان فوق طاقتي و في وسط ماهما بيكلموني لاقيته جه وقف وراهم و بص عليا الدكتور....حسيتي بأيه وقالك ايه نعيمه....هو وقف مقالش بس كان باصص عليا حسيت وقتها اني عايزه اقفل مش قادره اشوفوا خوفت منه عارف لما تبقي عامل حاجه غلط في حق حد وفجاه تلاقيه قدامك اكيد بتتلغبط و تتوتر و تخاف وقلبك يدق جامد و كل ده كوم واني اشوفه و انا مفتقداه كوم تاني و يمكن وقتها لا شوفت عشري بقي ولا البنات و لا حد عيني كانت عليه هو شويه و لاقيت الموبايل في ايده هو و باصصلي و بيتكلمني قالي متخافيش و مش فاكره يعني قالي ايه تاني انا كنت بصاله و مردتش معملتش حاجه غير اني قفلت بسرعه الدكتور ....طيب ليه قفلتي نعيمه....صدقني معرفش اللحظه دي كانت غريبه كلها لغبطه و خوف كل الاوضاع اللي بتحصل وانا لوحدي و مس معاهم و هما كمان خايفين كل ده وترني و حوده وترني عارف اما تخاف و تشوف حد بتحبه و تبقي عايز تترمي في حضنه عشان بطمنك و في نفس الوقت خايف منه عشان اللي عملتوا معاه و تهرب منه انا كنت حاسه بكده الدكتور.....طيب و رد فعله نعيمه....هو اكيد اضايق فضل متخيل او خلينا نقول انه حقه يعني شايف و مقتنع اني كل مره بحاول اقلل منه لما سيبته ولما سافرت و لما قفلت بس والله مش كده خالص يمكن امبارح بس اتكلمت معاه كانوا متجميع و ليله وعشري كلموني و قالولي لازم تكلميه و تعتذري عشان ميفهمش غلط و كلمتوا بس للاسف اتمنيت اللحظه دي متحصلش ابدا الدكتور....ليه نعيمه....بحزن قالي كلام يوجع معاه حق في كل كلمه طبعا و يمكن انا سيبته يقول كل حاجه عشان انا عارفه انه موجوع مني بس الحقيقه اني اتوجعت جايز مش من حقي اتوجع بس الكلام كان قاسي اوي الدكتور ....طيب و عذراه ولا زعلتي نعيمه...عذراه طبعا ومزعلتش هو راجل و بيردها عشان يحس ان كرامته متجرحتش بس مكنتش اتمني نوصل لكده فضل مجروح مني جرح مش هيتلم الدكتور......احساسك كان مختلف اما شوفتيه في المكالمه عن احساسك في مكالمه عشري الخضه والخطفه كانت واحده نعيمه....مستحيل خضتي من عشري كانت مختلفه زي ما قولتك هما صحاب وقرايب فا الطبيعي اني اخاف من رد فعلوا عتابه يعني لما اجي و اجرح حد منك الطبيعي لما هشوفك هبقي متلغبطه و متوقعه كلامك وعتابك ليا لكن فضل لا لا كان واحشني خوفت منه خوفت من اللي عملتوا نظرته موتتني كلها عتاب و خوف في نفس الوقت كان نفسي في اللحظه دي اترمي في حضنه عارف لما تشوف امك ابوك و انت في مصيبه و اول ما تشوفهم تعيط كانك لقيت الراحه والامان نفس الشعور كنت حاسه بيه يمكم كمان علي عكس مكالمتي لامي وابويا انا كنت بطمنهم مع اني كنت مرعوبه بس لو شوفتوا كان نفسي اترمي في حضنه واقولوا الحقني.. الدكتور.....كلامه ليكي امبارح عمل فيكي ايه ؟ نعيمه....فوقني خلاني احس قد ايه كنت غبيه قد ايه كنت سايبه عقلي في مكان لوحده و مخلياه يسيطر عليا و ده مكانش صح خلاني حسيت قد ايه حبيته يمكن كمان في موقف ليله حكيتلي عنه يعني اخت مرات اخوه غالبا معجبه بيه و مصدقت ان اللي حصل بينا ده حصل و بتحاول تستغل الموقف انا بينت لليله انه عادي و خلاص احنا سيبنا بعض و مش فارق معايا بس الحقيقه انه لا الدكتور... فرق معاكي؟ نعيمه....بوجع و صوت طالع من قلبها و هي دموعها نازله اوووووووي غيرت عليكي و حسيت انه لا مينفعش عارف لما تحس بقيمة الحاجه بعد ما تروح منك احساس وحش اوي بس والله كان غصب عني انا كنت محتاجه ابعد عشان اوقف مشاعري و اخليها تروح للاتجاه الصح كنت محتاجه اعرف انا بجد بحب عشري فا خليني بعيده عشان مخسرش حد و ابان خاينه و لا مش بحبه و بحب فضل انا مكنتش هعرف قد ايه انا بحب فضل الا لو كنت بعدت صدقني الدكتور....اكيد طبعا معني انك توصلي للشعور ده الوقت ان سفرك كان ليه فايده مكنتيش هتفهمي نفسك يا نعيمه الا لو بعدتي بس لسه في امل نصلح نعيمه....بالعكس مبقاش انا خسرت فضل و خسرته للابد انا عارفه فضل مستحيل يسامحني مستحيل يقبلها علي كرامته والاهم من كل ده ان لو قرر يديني فرصه هتكون بمقابل الدكتور....يعني ايه بمقابل نعيمه....مقابل انه يعرف سبب سفري و بعدي عنه واني اسيبه بالطريقه دي و يمكن دي الحاجه الوحيده اللي هتسمحلوا يسامح لو كان المبرر قوي غير كده فضل لا هيقبلها علي كرامته ولا رجولته حتي لو كان بيحبني او تعبان من غيري وانا للاسف معنديش سبب او مبرر يتقال لان اللي عندي للاسف ميتقالش و لو اتقال مش هيتفهم و لو اتفهم برضوا مش هيتقبل الدكتور.....بس اللي بيحب بيسامح و يمكن بيخلق اعذار مش موجوده عشان بس يدي نفسه مساحه يسامح نعيمه.....بس انا وجعته و جرحته و جيت عليه و مش هيقدر لا يسامح ولا يخلق اعذار الدكتور....طيب قوليلي يا نعيمه ايه اكتر شعور مسيطر عليكي الفتره دي او بالاخص بعد مكالمتك لفضل نعيمه.....مش عارفه بس يمكن في شعور ملازمني من اول ما شوقت فضل في العزومه بتاعت ليله مش بس امبارح لما كلمته و هو شعور اني ضعيفه اوي قدام دماغي قدام الفلاش باك اللي بيجي فجأه من غير استئذان علي بالي مواقف ضحك هزرا كلام اغنيه مكان ريحه بحس وقتها ان كل حاجه في الدنيا في لحظه قفلت عليا و رجعت تاني لنفس اللحظه اللي خدت فيها القرار ده الدكتور.....الحنين نعيمه...اااااه شعوره صعب اوي الحنين و انك تفتكر و يعدي من قدامك شريط يحسسك بالضعف والعجز و يعمل نغزه في قلبك صعبه الدكتور ....لو رجع بيكي الزمن الوقت يا نعيمه كنتي هتعملي ايه نعيمه.....اكيد كنت هعمل نفس اللي عملتوا ما انا مكنتش هوصل لمرحله الفهم والوعي ده الا لو بعدت الدكتور.....لو كنتي قولتي غير كده كنتي هتبقي بتضحكي علي نفسك وده معناه تنك مغلطتيش لما خدتي القرار ده حتي لو حاسه الوقت بالوجع نعيمه....بس يمكن انا بقيت موجوعه اكتر الاول كنت عايزه ابعد و مش فارق معايا غير اني موجعش حد مبقاش خاينه مضعفش او اغلط لكن الوقت وجعي اتضاعف لاني خسرت فضل و فوقت بعد فوات الاوان الدكتور.....كل حاجه في حياتنا يا نعيمه ليها فرص تانيه حتي انتي شايفه الدنيا مقفوله خالص و متعقده ليها فرص صدقيني نعيمه انتي مش بتفكري ترجعي انا شايف ان دي خطوه كويسه انتي الوقت علي الاقل مشاعرك بقت واضحه نعيمه....يمكن بس مش قد مواجة اي حد مش قد اسالتهم اللي ملهاش اجابه عندي مش قد اني اشوف فضل بقي غريب عني صدقني الموضوع صعب اوي الدكتور.... حاولي خدي وقتك و قولي اسباب مقنعه لحالتك عشان يصدقوها و في نفس الوقت يدوكي عذرك نعيمه...انا اكيد هنزل بس مش الوقت محتاجه اكون احسن اكتر الدكتور.....بس انتي تقدري تنزلي و تعملي كل اللي بتعمليه عندك هنا في مصر و لو الخصوصيه اللي حاصله دي عجباكي مريحاكي تقدري تتكلمي مع صحابك لان الطبيعي ان نزولك هيخليهم يفرحوا يبقوا عايزين يجوا يفهموا عرفيهم انك هتريحيهم وترجعي عشان ميبقوش قلقانين بس في نفس الوقت انتي محتاجه تبقي مع نفسك بصي يا نعيمه كل اللي حصل ده مفيش اي حاجه تقدر تغيره او تبدلوا افتكر ان اهم حاجه حصلت حاليا هي وضوح مشاعرك الحقيقه تجاه فضل و عشري بيتهيألي انتي قدرتي تفهمي نفسك تعرفي انتي عايزه ايه بتحبي مين شايفه حياتك مع مين وعشان كده أنا شايف إن الوقت خلاص جه إنك ترجعي. الهروب يمكن اه بيدي مساحة نفهم بس مش بيدي إجابة كاملة الإجابة الحقيقية بتبقى في المواجهة ارجعي يا نعيمه مش عشان حد ارجعي عشان نفسك عشان تختبري إحساسك على أرض الواقع مش وسط ذكريات ولا مسافات ولو قرارك واضح جواكي بجد هتعرفي تاخديه وانتي واقفة قدامهم مش بعيدة عنهم لو حسيتي وانت وسطهم و قدام عشري بالتحديد ان نظرتك ليه لسه زي ما هي ان مشاعرك بتتلغبط قدامه ارجعي تاني لو تحبي لكن لو حسيتي العكس او نفس احساسك الوقت يبقي حمد الله علي السلامه و قدامك اهم طريق بقي انك ترجعي فضل ليكي و نصيحتي متستسلميش ولا تقولي مستحيل او خسرته انتي اتجبرتي انك تضيعيه من ايدك عشان كنتي مشوشه بس لازم ترجعيه ليكي من تاني و بطريقتك. نعيمه....بهدوء هزت راسها هحاول اعمل كده مع اني عارفه ان فضل خلاص قفلها الدكتور....وقت الغضب و الوجع بنتصرف و بنقول كلام يثبت عكس اللي جوانا واتعلمي متصدقيش اللي بيتقال خصوصا لو وقت جرح ....................... وللحديث بقيه.......

مقالات ذات صلة

حـ,,ـكم من يصلي جالسا

ابن ليل

لماذا أحالت نقابة الأطباء

تعاهدنا

باب الشقه مفتوح

ساحرة من تبوك تم القبـــــ،ـــض عليها عام 2014 واكتشفو انها قامت

اترك تعليقاً إلغاء الرد