لقاء كارثي

لقاء كارثي أميره أسامه صاحبة البطل الواحد . البارت المئه 126. ............................. في صباح يوم جديد.. علي قد ما كان اليوم يجنن و جميل بكل تفاصيله و علي قد ما كان يوم الكل فيه متحمس و مبسوط و فرحته من قلبه بجد علي قد ما كان يوم مرهق اوي و متعب علي الجميع محدش فيهم نزل شغله كانوا محتاجين يرتاحوا و يقضوها نوم لحد الساعه ثلاثه العصر الكل كان نايم بدأوا يصحوا بالتدريج بس حتي اللي كان بيصحي فيهم كان قاعد همدان و مش بيعمل حاجه نادين و نعيمه صحيوا فطروا و فضلوا قاعدين قدام التلفزيون مش بيعملوا اي حاجه و ساكتين باين عليهم الارهاق. ايمي و رشيد كمان صحيوا و رشيد منزلش الشغل كان عنده دور برد بسيط مهمده اكتر ماهو همدان ايه وسلمي كمان صحيوا و قررت سلمي تفوق و تدخل هي تعمل الغداء و تخف شويه عن احمد ايه كانت مش قادره خالص رجلها وجعاها و جسمها مكسر كانوا كانهم واكلين علقه و ديماً اليوم اللي بعد اي مناسبه بيكون في العاده يوم ممل شويه لان التعب بيكون مسيطر و في نفس الوقت مفيش حاجه تتعمل غير اكل و نوم او تلفزيون. سلامه و عسال كمان صحيوا فضل سلامه قاعد علي السرير في الاوضه هو كمان كان عنده برد و عسال عمال ياكل الكلب بتاعه و يلعب معاه شويه مصطفي اللي نزل شغله و ريهام كمان راحت علي المطعم من الساعه واحده مقدرتش تروح بدري عن كده لان هي كمان كانت تعبانه وحاسه انها خدت برد و زورها بيوجعها جداً اما فضل كان مهدود و نايم لانه منامش غير بعد ما النهار طلع هو واخوات عشري و اخواته.. فكانوا كلهم نايمين و الكافيهات كانت مقفوله و واخدين اجازه يومين يوم للفرح و يوم بعد الفرح. حسان بقي كان اسوء حظ فيهم هو و تامر لانهم مرهقين جدا بس صحي من بدري لان تامر راحلوا هو و العمال كان عايز يخلصلوا البيت لانه عارف انه تعب من البهدله اللي هو فيها .. نسمه كانت نايمه قلقت علي الساعه واحده دخلت الحمام و راحت شربت و بعدين قامت صلت الضهر و دخلت تاني المطبخ كانت جعانه و رجعت دخلت اوضتها نامت علي السرير بصت علي الموبايل تشوف سليم باعتلخا حاجه ولا لا ملاقتهوش باعت فا نامت تاني .. تقي صحيت و هي كمان مسكت موبايلها ملاقتش ولا اتصال ولا رساله من عدي عرفت انه اكيد لسه نايم فضل قاعده مرهقه و نايمه قدام التلفزيون . ....................... اتصل عسال علي نادين كانت قاعده قدام التلفزيون هي و نعيمه و رجعوا ناموا وهما قاعدين علي نفسهم فتحت علي صوت التليفون. نادين....الووو عسال.....انتي لسه نايمه يا نودي نادين.....لا صحيت عسال....صحيتي ايه صوتك نايم الساعه تلاته يا قلبي نادين......صحيت والله و قاعده انا و نعيمه قدام التلفزيون بس عيني غمضت تاني جسمي مكسر و تعبانه خالص عسال....طيب قومي كلي وخدي مسكن نادين.....كلت انا و نوني من شويه و خدت باندول عسال....طيب اسيبك تنامي تاني نادين.....انت صحيت خلاص عسال....اه كنت باكل ارثر و بلاعبه شويه الجو بره حلو نادين.....انت نازل او رايح اي مكان عسال.....و الله لسه مش عارف يا نودي انا كده كده اجازه من الشغل انهارده فا معنديش اي حاجه بس ممكن اخر النهار كده اخد ماما و ننزل نجيب حجات من الماركت نقصاها انتي وراكي اي حاجه نادين....لا لا انا قولتلك مش نازله انهارده عسال.....هتفضلي مع نوني انهارده كمان ولا هتروحي نادين.....لا هفضل معاها مش هسيبها لاننا اجازه و هي هتبقي قاعده مضايقه لوحدها خليها لما ننزل الشغل علي الاقل هتتلخم و تتشغل عسال....احسن برضوا علي الاقل متبقيش انتي وهي لوحدكم نادين....ايوه ما انا هعمل كده عسال.....ماشي يا روحي يلا روحي ارتاحي شويه و انا هشوف هعمل ايه و هبقي اكلمك نادين....ماشي يا حبيبي عسال...باي يا حبيبي نادين....باي. .............. عند زوزو و حماده. حماده......متعرفيش ايمي صحيت ولا لا يا زوزو ماريز.....مكلمتهاش بس اكيد صحيت الساعه تلاته ايمي حتي لو سهرانه مبتعرفش تنام كتير عايز منها حاجه ولا ايه حماده.....لا بس كنت عايزك تطمني عليها كده امبارح تعبت و كان يوم طويل ماريز......محمود محمود انت با واد ياللي نايم علي الكنبه محمود....عايزه ايه يا زوزو ماريز.....قوم هات التليفون ده بمحمود ....بطريقه مضحكه اديكي بتقولي دن يعني قدامك يا زوزو ما تاخديه ماريز.....شايف قلة الادب بتاعت ابنك حماده....ما تقوم تشوفها عايزه ايه يا رخم لازم نناهد محمود....يعني انا راضي ذمتك يا حماده تقومني من الكنبه و الموبايل قدامها حماده....اه تقومك و اسمع الكلام محمود ...ما طبعاً يعني هتقف في صفي انا ربي لا اسالك رد القضاء اتفضلي يا ست زوزو اي اوامر تاني تحبي اجيبلك رقم ايمي و اتصلك عليها احسن تتعبي ماريز.....انت بتتريق امشي من قدامي يا واد امشي محمود ...ابقي شوفي مين هيسمع كلامك تاني راح نام تاني علي الكنبه ماريز.....وهي بتجيب رقم ايمي مشوفتش تربيه محمود....خد بالك يا حماده انا ساكتلها عشانك حماده بابتسامه غمزلوا ماريز.....لا متسكتش وريني هتعمل ايه محمود....بضحك هي صاحيه تقول شكل للبيع ليه ايمي....الوووو ماريز.....استني عليا بس اخلص مكالمه و هربيك الوووو ايمي.....بصحك بتخانقي دبان وشك عالصبح ليه يا زوزو ماريز.....انا خلاص تعبت من اخوكي علي فكره اما امشي و اسيب البيت محدش يبقي يزعل ايمي..... بضحك استهدي بالله يا زوزو و بعدين هتروحي فين انتي ليكي مكان غير البيت ايمي....قصدك ايه يا ست ايمي لا انا ليا اهل محمود.....من بعيد كلهم ماتوا متمثليس يا زوزو ماريز......شايفه قلة الادب ايمي..... بضحك معلش امسحيخا فيا انا ماريز....ما انتي كمان عايزه تتربي خلتيه بقل ادبه ايمي.... بضحك يا ست الكل لا عاش ولا كان الي يزعلك انا اقصد ان هو اللي يطلع بره ده بيتك و بعدين تسيبي حماده لمين هو من غيرك يعرف يعمل حاجه ماريز.....و لا الجزمه ابو لسان طويل ده يعرف يعمل حاجه من غيري ايمي.....كلنا يا زوزو من غيرك ولا حاجه و الجزمه اللي مزعلك ده بيموت فيكي اصلا انتي عارفه هو متعلق بيكي قد ايه ماريز.....كلام ده حارق دمي محمود....من بعيد و هو بيضحك طيب قوليلها انا عملت ايه شهديها ايمي.... بضحك عملك ايه يا زوزو صحيح ماريز....ابوكي بيقولي اتصل بيكي و اطمن عليكي عشان تعبتي امبارح من الوقفه بقولوا قوم يا محمود اديني الموبايل ليه وليه بقي فتحلي محضر بتقوميني جيبيه انتي محمود.... بضحك يا زوزو اتقي الله احكي اللي حصل بالظبط يا ايمي امك بتسرح بيكي الموبايل علي التربيزه قدامها و بتقومني من علي الكنبه لو مدت ايدها الموبايل هينط عليها ايمي ....بضحك خير يا زوزو دي هرمونات ولا ايه صحيح ماريز.....انا مليش غير امنيه هي اللي بتقف في صفي محمود....اتصلي طيب احكيلها والله اول واحده هتضحك عليكي ماريز....بصت لحماده خد بالك همشي و محدش هيعرف طريقي بسبب قليل الادب ده احمد....بابتسامه و هو كاتم ضحكته يا ابني اسكت بقي شويه محمود....بضحك صعبه يا حماده بجد بغزاله خد بالك ماريز.....غزاله في عينك يا قليل الربايه ايمي....بضحك زوزو خليكي معايا و سيبك منه انا هبهدله الوقت حقك عليا انا ماريز.....طيب طمنيني عليكي انتي كويسه ايمي.....زي القرده ماريز.....بجد و لا بتضحكي عليا ايمي....والله بخير الحمد لله ماريز.....طيب مفيش وجع مغص مش حاسه باي حاجه الكعب اللي كنتي لبساه امبارح ده متعب ايمي....والله ولا اي حاجه الحمد لله عدي اليوم علي خير و مش حاسه باي تعب ماريز.....طيب الحمد لله اطمنتي علي ليله ايمي.....لا لسه مكلمتنيش اكيد نايمه وقت ما هتصحي هتتصل عليا ماريز.....يومها كان جميل اوي يا ايمي فرحت من قلبي عشانها كأنها انتي واختك ايمي..... بضحك لا اغلب يا اختي علي الاقل مرقصتيش انتي في فرحي ولا في فرح امنيه هديتي امبارح انتي الدنيا رقص ماريز.... بضحك قلبي كان فرحان بيها اوي انتي عارفه ليله ليها غلاوة كبيره و بعدين ايه الكدب ده لا رقصت في فرحكم ايمي....كده يعني مجامله هزتين و خلاص انما امبارح مقعدتيش ماريز.....والله كنت فرحانه اوي و اليوم كان تحفه و بحبها غلبانه و جدعه ايمي..... بابتسامه هي كمان بتحبك اوي ماريز....عارفه والله ربنا يسعدها و يفرح قلبها و يعوضها كل خير ايمي......اللهم امين يارب بقولك ايه اديني حماده ماريز....خدي اهو كان قلقان عليكي ايمي...هاتيه حماده.....ايوه يا حبيبة ابوها ايمي....احيييييه قدام زوزو ماريز.....ما طبعاً حبيبه ابوها و التاني اسكت يا محمود مبتجيش غير عليا ايمي....بضحك اهو اشرب بقي لسه بقولك الحق نفسك بقي بكلمتين حلوين حماده....بضحك انا اقدر يا زوزو مين ده اللي يجي عليكي محمود.....من بعيد ده انتي تيجي علي بلد يا زوزو ماريز......تصدق بالله انا صاحي نفسك في علقه من بتوع زمان و طلبتها و نولتها قامت راحت عليه ضربته وهو نايم و عضته بقي يضحك حماده....بضحك اهي قامت عضته و ضربتوا ايمي..... بضحك والله يستاهل جابه لنفسه هي مالها صاحيه مش طايقه روحها ليه حماده......بهمس فيكي من يكتم السر ايمي.... بابتسامه طبعاً افتن عليها حماده.....زعلانه مني عشان صحيت شربت قهوه قبل ما هي تصحي و تعملي الفكر فا مطلعه غلبها علي الواد ايمي.....بأبتسامه حقها بصراحه يا حماده انت لما ضغطك بيعلي بتبقب تعبان و بعدين احنا مش اتفقنا نخف قهوه عشان قلبك علي الاقل افطر حماده....كانت نايمه صعبت عليها اصحيها و ريحة القهوه دخلت جوه مناخيري مقدرتش اقاوم ما انتي طلعالي وعارفه ايمي.....اسكت يا حماده متفكرنيش هموت علي فنجان و مش قادره عشان الحما حماده.....لا اوعي قهوه ايه و بتاع ايه انتي حامل و هتتعبي ايمي....بصحك شوف مين بيتكلم و ينصح تصدق بالله يا حماده العضه دي انت اللي تستاهلها مش محمود حماده.... بضحك اه يا بنت الكلب بتقويها عليا ايمي....بصحك لا ده بيني وبينك هي مش سامعه حماده....طيب طمنيني انتي بخير ايمي....زي الفل يا حبيبي والله اطمن حماده....الحمد لله يا حبيبة ابوكي خدي بالك من نفسك و ريحي بقي انهارده خالص ايمي...حاضر يا حبيبي و عشان خاطري بلاس قهوه من غير اكل وراضيها بقي متزعلهاش لما بتتعب هي اللي بتتعب معاك و بتشيل همك حماده.....حاضر يا ستي هراضيها ايمي....بضحك هي لسه بتضرب حودا حماده.....لا عمالين يضحكوا دول مجانين باين عليهم ايمي.....بضحك طيب ايديني حودا حماده...خد يا حودا اختك ابقي صبحي علي رشيد ايمي.....حاضر يا حبيبي حماده...اخوكي معاكي محمود....بضحك الوو ايمي....اتكيفت انت كده لما خدت الطريحه عالصبح محمود.....بضحك والله ما جيت جنبها يا ايمي عارفه الكنبه اللي ثدام التلفزيون جوه انا نايم عليها و هي قاعده في اخر الريسيبشن عالكرسي والموبايل قدامها تقولي قوم ناولني التليفون ده و بتشاور عليه يعني لو مدت ايدها هتمسكوا ايمي....بضحك ياعم سايسها وخلاص متزعلهاش محمود.....بضحك لا ما خلاص اتصالحنا بعد ما عملتلي ساعه في ايدي بالعض بتاعها صعبت عليها وراحت تعملي حاجه اكلها ايمي......بحب والله مجانين محمود...انتي عامله ايه و رشيد ايمي....بخير رشيد شكله واخد دور برد و تعبان محمود ....الف سلامه عليه طيب الحقيقه بقي بسوايل دافيه و حاجه للبرد هو امبارح كان عمال يقلع و يلبس في الچاكت اكيد برد ايمي....ممكن قولي انت اجازه ولا ايه منزلتش يعني شغلك محمود....فاصل والله با ايمي مكسر عالاخر و مرمي علي الكنبه من وقت ما صحيت ايمي.....مش وراك اي حاجه يعني محمود....لا قوليلي عايزه حاجه ولا ايه ايمي.....بابتسامه امممم لا بس يعني قولت لو فاضي و مش وراك اي حاجه تبقي كده تروح تبص علي المطعم و تطمن علي الناس اللي فيه محمود...بابتسامه وطي صوته هي راحت ايمي...بضحك هي مين محمود.....لا هنسي انك اختي الكبيره و هقل ادبي ايمي....بضحك لا قلبك ابيض اه راحت محمود.....بجد فكرتها هتقعد انهارده ايمي....لا نزلت والله لسه قافله معاها من شويه وصوتها تعبان علي فكره شكلها هي كمان خدت برد قولتلها تروح بس مرضيتش قالتلي ان عندها رشح خفيف وزورها واجعها شويه و هتشرب حاجه دافيه فا قولت يعني اعرفك اصل اوقات الاهتمام في التعب بيفرق محمود.... بابتسامه يعني ايه اروح؟ ايمي....اممم والله براحتك انا مقولتش تروح انا بس عرفتك شوف بقي انت حابب تروح ولا لا محمود....ماشي يا ستي خلاص هاكل واروحلها ايمي.....بضحكه جميله ماشي يلا قوم اجهز محمود.....تمام انتي مش عايزه اي حاجه ايمي.....سلامتك يا حبيبي محمود.....ماشي يا قلبي يلا هبقي اكلمك ايمي....اوك باي يا حبيبي محمود.....باي ............ قفلت ايمي لمحت رشيد خارج من الاوضه و شكله تعبان خالص ايمي.....تعالي يا قلبي قرب رشيد منها نام عالكنبه و حط راسه علي رجلها رشيد.....بتضحكي علي ايه ايمي......بحب باست راسه كنت بكلم زوزو وحماده و محمود عمالين يناقروا في بعض و زوزو ضربته و عضته رشيد....بابتسامه عضاضه زي بنتها ايمي.....مش عاجبك ولا ايه هعضك رشيد....لا حرام عليكي انا مش قادر خالص ايمي.....شكلك تعبان يا روحي خالص انت حاسس بأيه طيب رشيد....جسمي مكسر حاسس اني واكل علقه محترمه و عندي رشح ايمي.....اعديني بقي انا و ولادي رشيد.....افتكر و اتخض اه صحيح انا نسيت ايمي.....تعالي هنا رايح فين خليك رشيد....لا لا عشان متتعديش مني ايمي....تعالي بس مش هتعدي ولا حاجه رجعتوا تاني علي رجلها و فضلت تلعب في شعره ايمي.....بقولك ايه اطلبلك دكتور رشيد....لا مش لدرجه دكتور انا بس مرهق اليوم كان طويل و مقعدناش و عرقت وكل شويه اقلع و ارجع احس اني بردت البس فا عشان كده تعبت بس خدت دواء البرد الوقت ابقي كويس ايمي.....سلامتك يا قلبي رشيد....الله يسلمك يا حبيبي بقولك ايه ليله متصلتش بيكي ايمي.....لا اكيد نايمين عروسه بقي و بصراحه مش عايزه ارخم عليهم و اكيد البلطجي قافل الموبايلات رشيد....بضحك حصل اتصلت عليه كان مقفول ما صدق الواطي ايمي....بضحك والله انت رخم سيبه حرام عليك هو فعلا ما صدق رشيد....ربنا يسعدهم يارب ايمي.....يارب يا حبيبي علي فكره احنا عندنا بعد بكره معاد مع الدكتوره رشيد.....عارف و فاكر متقلقيش ايمي.....بسعاده تفتكر ممكن نعرف بكره هما ولاد ولا بنات رشيد.....والله مش عارف بس هي قالت احتمال المره الجايه نعرف و عموما مش هتفرق بنات ولا ولاد المهم ان صحتك و صحتهم كويسه ايمي......رشيييييد رشيد......قلب رشيد ايمي.....هو انت ممكن تزعل لو الثلاثه بنات رشيد.....بابتسامه بصلها انتي تفتكري اني ممكن ازعل ايمي....امممم مش عارفه يعني انا سواء بنات او ولاد هفرح بس بصراحه لو الثلاثه ولاد ممكن ازعل شويه او مش ازعل بس اكيد هتمني يكون فيهم بنت علي الاقل و نفس الكلام لو كلهم بنات ممكن احس ان كان نفسي في ولد معاهم رشيد....لا انا مش هزعل هو ممكن ازعل شويه لو كلهم ولاد لاني بحب البنات اوي بس والله لو كلهم بنات مش هزعل بالعكس هفرح اوي ايمي.....يعني لو بنات مش فيهم ولد مش هتزعل ولو ولاد ومش فيهم بنت هتزعل يا كداب رشيد.....اه والله العظيم هو الولد بيشيل اسم ابوه وكل حاجه بس البنت احساساها مختلف حبيبه ابوها زي ما بيقولوا انا عمري ما زعلت ان معنديش اخ بالعكس طول عمري مرتبط بي اميره و بعتبرها بنتي مع ان الفرق بينا مش كبير بس هي الدلوعه بتاعتي طول عمرها فا انا بحب البنات و خصوصا بقي لو جم شبه القمر بتاعي كده ايمي.....بابتسامه طيب هتفرح لو جم بنات و ولاد رشيد....بابتسامه طبعاً ده كده يبقي ربنا بيحبنا اوي بس في كل الاحوال والله انا حاليا مش فارق هما ايه غير بس انهم يكونوا بخير و بعدين مش كفايه ان ربنا رزقنا بيهم ايمي.....عندك حق يجوا زي ما يجوا المهم يكونوا بخير رشيد.....ان شاء الله هيجوا بخير و نفرح بيهم ايمي....يارب يا قلبي رشيد....بقولك ايه هي چوي فين مختفيه ايمي....انا لما صحيت كانت صاحيه و سألتني لو محتاجه حاجه بس حسيت انها تعبانه و مرهقه قولتلها تروح تريح ولو عوزت حاجه هقولها حرام اكيد هي كمان تعبت اليوم كان طويل علي الكل رشيد.....خلاص سيبيها ترتاح حرام كده كده مفيش حاجه تتعمل و شويه كده و نطلب اكل ايمي.....انا هقوم اعمل الوقت مطلعه الاكل رشيد...لا لا شيلي ارتاحي انهارده كفايه وقفتك امبارح خليما مرتاحين انهارده ايمي....اممم ماشي زي ما تحب طيب وسع كده هقوم اعملك حاجه دافيه وابص علي چوي رشيد...ماشي يا روحي ايمي....امسك الريموت لو عايز تتفرج رشيد.....تمام. قامت ايمي علي المطبخ تعملوا يانسون و بعدين راحت تبص علي چوي لقتها قاعده علي حرف السرير و تانيه جسمها لقدام و ماسكه بطنها و شكلها بتتألم جامد قربت منها بهدوء. ايمي.....چوي? are you okay چوي.. yes ايمي.....But you look tired چوي....It’s just period pain ايمي....بصتلها بصدمه Oh, I’m sorry اااا ارتاحي طيب هجيبلك مسكن تمام هزت چوي راسها لايمي ايمي.....Do you need anything چوي....I need some pads بصتلها ايمي و هي بتسأل نفسها ازاي نسيت حاجه زي دي هزت راسها وخرجت وقفلت الباب عليها خرجت ايمي و راحت علي اوضتها تدور علي bad بس مكانش عندها هي اول الجواز مجابتش و حملت علي طول خرجت بره تجيب الموبايل بتاعها عشان تتصل بالصيديله و افتكرت اليانسون بتاع رشيد راحت الاول حطتلوا و حطت كمان لچوي عشان ترتاح و خدت مسكن راحت الاول عليها ادتها تشرب و ادتها مسكن و بعدين راحت ادت لرشيد رشيد.....تسلم ايدك يا روحي هو في ايه چوي كويسه ايمي....رشيد انا عايزه اطلب من الصيدليه bad رشيد....بصدمه في ايه انتي كويسه ايمي.....اهدي انا تمام دي چوي تعبانه شويه و محتاجه bad رشيد....اووف انا ازاي نسيت حاجه زي دي واحنا بنجيبلها حاجتها ايمي.....عادي بتحصل انا كمان نسيت الحوار ده خالص بس انا عايزه رقم الصيدليه رشيد....استني خدي من عندي علي الموبايل و شوفي لو محتاجه اي مسكن او ادويه تانيه ايمي....لا لا انا ادتها مسكن خلاص بس حرام شكلها تعبانه انا فكرتها مرهقه مش اكتر و هي مقالتش حاجه غير لما سألتها الوقت رشيد.....طيب في حاجه اعملها انا ايمي....لا لا يا حبيبي مفيش رشيد....طيب اطلبي يلا و هاتيلي حاجه لزوري عشان بدأت احس انه وجعني ايمي....حاضر طلبت ايمي و ربع ساعه بالظبط جالها الديلڤري بتاع الصيدليه خد رشيد منه الحاجه و اداها لايمي راحت ادتها لچوي المسكن خلاها ارتاحت شويه و سابتها ايمي ترتاح لحد ما الغداء يجي. ................ وصل محمود علي المطعم و طلع علي فوق خبط و فتح كانت ريهام بترفع راسها من علي المكتب كان باين عليها التعب اوي اول ما شافته ابتسمت بهدوء وقامت وقفت عشان تقري و تسلم عليه. ريهام....محمود تعالي محمود.... بابتسامه هاديه ايه الاخبار مد ايده يسلم عليها ريهام....الحمد لله انت كويس محمود.....اه الحمد لله ريهام....كنت قريب من هنا ولا ايه قعدت علي الكنبه و هو قعد علي الكرسي جنبها محمود....لا انا جاي مخصوص عشانك ريهام....ابتسمت باستغراب عشاني انا محمود....اه كنت بكلم ايمي و قالتلي انك تعبانه شويه بس واضح انك تعبانه كتير شكلك باين عليه التعب ريهام....بابتسامه لا خالص انا زي الفل شويه برد خفيا و زوري بس في احتقان سلامه تعبان و عداني شكله كده محمود....الف سلامه عليه معرفش والله بس انتي مش شويه برد انتي مش شايفه منظر عينك جمراء جدا ريهام....عيني حمراء لا لا انا بس كنت مغمضه و نايمه علي المكتب ااا قولي تشرب ايه محمود....سيبك من الشرب الوقت انتي حاسه بأيه و خدتي اي علاج ريهام....ياعم متقلقش انا زي القرده والله خدت الصبح مسكن عشان جسمي كان مكسر محمود.....المسكن هيريح جسمك بس انتي محتاجه علاج قوليلي حاسه بايه و انا هروح اجيبلك من الصيدليه ريهام.....لا لا انا تمام يا حودا والله لما اروح هبقي اجيب قبل ما اطلع قام محمود وقف محمود....طيب يلا قومي قومي روحي قبل ما تتعبي اكتر ريهام....لا مش هروح طبعاً محمود....ريهام اسمعي الملام لو قعدتي اكتر من كده هتتعبي اكتر و بعدين مش هتقدري تشوفي شغلك و انتي مش عارفه تفتحي عنيكي قومي يلا ريهام.....محمود والله انا تمام و بعدين لو روحت ماما هتقلق هي و ميدو الاتنين بيتوتروا لو شافوا حد تعبان و كفايه عليهم سلامه انا بخير والله محمود....هو ايه اللي كفايه عليهم سلامه قومي اسمعي الكلام انتي محتاجه ترتاحي انا هكمل بدالك لو خايفه تسيبي الشغل لوحده اصلا معنديش شغل واخد اجازه ريهام....واخد اجازه عشان ترتاح مش تيجي تقعد بدالي محمود....لا ملكيش دعوه انتي وبعدين اغلبنا محدش فينا نزل انهارده كله مرهق وتعبان انتي ايه اللي جابك مقعدتيش ليه في البيت ترتاحي و لما حسيتي انك تعبانه نزلتي ليه ريهام....اقعد بس متفضلش واقف كده انا نزلت لانه كله قاعد زي ما قولت ايمي مش هينفع تنزل و ليله عروسه و البنات تعبانين و مش بيجوا المكان هنا محمود.....طيب قومي و اسمعي الملام و متعصبنيش هما تعبانين و ارتاحوا انهارده و ده الصح المفروض كنتي عملتي زيهم مفرقتش من يوم ريهام.....يومين يا محمود امبارح المكان كان مقفول مينفعش انهارده كمان منزلش محمود.....ريهام انا هقعد بدالك متبقيش عنديه ريهام....مسكت زورها بوجع والله مش بعند بس صدقني ماما هتقلق اوي هي و ميدو و انا هبقي مضايقه والله لو مشيت و سيبت المكان محمود.....مكان ايه وزفت ايه متعصبنيش بجد انا بقولك هقعد مكانك اخلصي يلا قبل ما تتعبي اكتر و مش هتعرفي تسوقي ريهام.....حودا بالله عليك اهدا انا بخير والله و بعدين انا لو روحت هفضل نايمه محمود...طب ما تنامي انتي مش تعبانه ارتاحي ريهام.....مبحبش الرقده يا محمود بتتعبني اكتر والله محمود....والقاعده دي هتزود تعبك و برضوا وقتها هترقدي اكتر ريهام......طيب بص خليني شويه لو حسيت والله اني مش قادره خالص هبقي اروح محمود.....علي فكره انتي طلعتي عنيده جدا ريهام....مش عند والله بس انا خلاص نزلت خليمي بقي اكنل اليوم محمود....طيب قوليلي حاسه بايه عشان اجيبلك علاج ريهام.....مش مستاهله والله انا هشرر حاجه دافيه الوقت محمود.....بنرفزه واضحه و هو مش سهل اصلا يتعصب بس هي كانت تعبانه و بتقاوح هو انتي مبتسمعيش الكلام ليه يا ريهام طيب بصي لو مقولتيش والله العظيم هتصل علي ميدو الوقت و اقوله انك تعبانه و اخليه يجي ياخدك ريهام.....والله يا محمود انا بخير بالله عليك ما تعمل كده محمود.....يبقي قولي انتي فيكي ايه ريهام انتي سخنه اصل منظر عينك و وشك احمر يعني ده مش عشان كنتب نايمه علي المكتب ريهام.....سخنه ؟ معرفش حطت ايدها علي راسها و بصتلوا و هي بتهز كتفها مش عارفه عادي بيتهيألي قرب منها محمود و حط كفه علي راسها محمود....اقسم بالله انتي بتهرجي ريهام انتي سخنه جداً لا لا قومي قومي مش هينفع تفضلي ريهام.....طيب بص خلاص هقولك انا فيا ايه والله بصلها و سكت ريهام.....انا جسمي بس واجعني جدا و زوري كمان في وجع فظيع وعندي رشح بس محمود....بقلة حيله و نظره غضب بسيطه طيب بتكحي ريهام......ااا لا بس حاسه ان نفسي مكتوم شويه ممكن من البرد او السخونيه محمود.....انتي كلتي يا ريهام؟ ريهام.....شربت نسكافيه الصبح و مقدرتش اكل عشان زوري واجعني اوي محمود.....تمام بس لازم تاكلي عشان تاخدي العلاج هقولهم الوقت يعملواك حاجه بسيطه علي ما اروح وارجع ماشي ريهام....طيب قامت وقفت بهدوء طيب استني لحظه بس خد الفلوس محمود....بصلها بغضب تصدقي بالله انتي عايزه تضربي اقعدي يا ريهام متعصبنيش خرج و قفل الباب وراه و سابها واقفه. ريهام....بصت علي الباب بغضب اعوذ بالله عامل زي ميدو وسلامه رخمين زيك كده قعدت تاني علي الكنبه و سندت راسها بتعب واضح. نزل محمود قال للشيف يجهزلها اكل وبعدين راح يجيب العلاج من الصيدليه غاب حوالي تلت ساعه ورجع تاني و دخل يشوف الشيف خلص ولا لا كان خلص خلاص و بيحط الاكل في الطبق خدوا منه و طلع علي فوق معاه الاكل و شنطه فيها علاج خبط وفتح لقاها نايمه علي الكنبه دخل بهدوء ساب الحاجه علي التربيزه. محمود.....ريهام ريهام فتحت عينها وقامت براحه محمود....قومي يلا انا رجعت هزت راسها و قامت عدلت نفسها و حطت ايدها علي راسها بتعب محمود....ممكن تقومي تغسلي وشك عشان تفوقي شويه و ترجعي تاكلي ريهام.....ماشي قامت بهدوء بصلها محمود...اساعدك ريهام....لا لا انا تمام راحت علي الحمام غسلت وشها و بعدين خرجت قعدت تاني علي الكنبه كان مطلع هو العلاج وعماله يشوف كل حاجه بتاعت ايه محمود....يلا اقعدي كلي عشان تاخدي العلاج ريهام....ايه كل ده هو انا عامله عمليه محمود....ضحك غصب عنه كمان ليكي عين تهزري ريهام....ماهو كتير اوي محمود....ده مسكن و ده للاحتقان وده للسخونيه و ده للبرد وده برضوا لزورك وده بيتمص زي البونبوني كده ريهام.....حلو البونبوني ده محمود.... بضحك لا ده علاج مش حاجه حلوه يا مصيبه يلا كلي ريهام....بابتسامه تعب طيب مش هتاكل محمود....لا انا سبقتك كلي انتي يلا عشان تاخدي الدواء ريهام.....ماشي بدأت تاكل و هي باين علي ملامحها الوجع مكانتش عارفه تبلع محمود....علي فكره انا بجد مضايق منك كنت فاكرك بتسمعي الكلام ريهام.....والله يا محمود انا نايمه كويسه صحيت حسيت بوجع بسيط في زوري و جسمي بس اللي كان مكسر خدت المسكن حسيت اني احسن شويه و نزلت عادي بس لما المسكن راح تعبت اكتر محمود.....ايوه بس المفروض لو حاسه انك تعبانه متنزليش و بعدين لو كنتي اتصلتي عليا عرفتيني كنت جيت انا ما البيت قريب يعني مش بعيد مش هتعب ريهام....مكنتش عارفه والله اني هتعب كده محمود.....طيب حصل الخير المهم هتاخدي العلاج و المسكن و لما تحسي انك احسن شويه هتمشي و هتسمعي الكلام ممكن ريهام.....خد بالك انت بترغي كتير وانا تعبانه و مش قادره اتكلم محمود.....بضحك مش عاجبك كمان صح ريهام.....زوري واجعني مش عارفه ارد عليك محمود....بصح والله انتي مصيبه ريهام....خد بالك ايمي فتانه برضوا هي السبب في الزن ده محمود....بضحك يعني انا زنان و ايمي فتانه حلو كل ده هتتحاسبي عليه بعدين ريهام...اه زود عليهم بقي انك رغاي و ممل و رخم جدا مجمود....بضحك وايه كمان طاعي اللي جواكي طلعي انا هعتبر انك بتخرفي من الحراره انتهزني الفرصه ريهام..... بابتسامه صح لا حرج علي المريض محمود....بالظبط قولي بقي و اشتمي براحتك ريهام....لا يعني مش لدرجه شتيمه بس بصراحه يعني مش طيقاك يا محمود محمود....بضحك طب ليه انا عملت ايه بس جاي اطمن عليكي و طلبتلك اكل عشان مكلتيش وروحت جيبتلك علاج ريهام....ذل اللي خلفوني بقي خد بالك انا كنت هديك الفلوس وانت اللي مرضتش صحيح انا امي عمرها ما قالت حاجه و طلعت غلط محمود.....بضحك قالت ايه بقي اشجيني ريهام.....رفعت عينها تفتكر قالت ايه محمود.... بضحك ايه نسيتي ريهام....اااا اه افتكرت كانت ديما تقولي انا واخواتي متاكلش في طبق مش دافع فيه منعاً لاحتماليه واحد في الميه انك تتعاير بيه في وقت خلاف مع واحد ناقص بصلها محمود بصدمه و فطس من الضحك محمود....نهارك مش فايت انا ناقص ريهام.....انا مالي ماما اللي كانت بتقول كده مش فاكره هي قالت ناقص ولا واطي محمود...بضحك كمان واطي طيب و فين بس الخلاف انا عمال اقولك روحي و مضايق عشانك مش بتخانق يعني ثم اني انا معايرتكيش ريهام.....عمال تقولي جيتلك و جيبتلك اكل وعلاج محمود.....بضحك انتي بتقولي مش طيقاك وانا بقولك عملت ايه انا جاي اطمن عليكي وجيبتلك علاج مش بعايرك يعني لا انتي التخريف عندك عالي ريهام.....امسك امسك اكلك كده انا مش قادره خلاص محمود.....كملي اكلك ريهام.....ياعم ابعد عني بقي زوري واجعني بقولك و بعدين انت مالك ومالي انا كلت خلاص محمود.....بضحك طيب ماشي يلا خدي العلاج ريهام......هات خليني اخلص منك و ياريت تتكل علي الله بقي عشان صدعت منك بصلها و ضحك و هو بيهز راسه شمال و بمين و بيطلعلها العلاج كان ملاحظ ان وشها احمر اكتر و عينها كمان و حراتها شكلها رفعت اكتر محمود....امسكي دي بتاعت الاحتقان ريهام.....ايه كل دي هبلعها ازاي انت متأكد ان دي برشام مش لبوس فطس محمود من الضحك محمود.....والله برشام اكسريها ريهام....والله انا لو قادره هكسرك انت محمود....طيب يا ستي شكراً عموما مش هعتب عليكي الوقت تهفي كده و هعلقك علي باب المطعم ريهام....يا شيخ بقي ماسلسمكيت محمود....بضحك اييييييه ايه الجمله الاخيره دي دي شتيمه بالهيروغليفي صح ريهام......هات خلصني يلا محمود....خدي يلا دول كمان خدت كل العلاج واداها اخر حاجه اللي زي البونبوني خدتها منه و بصتلوا محمود.....بضحك ايه في ايه ريهام.....انا بلعتها محمود....بضحك بلعتي اللي زي البونبوني فطس من الضحك و عينه دمعت ريهام......اضحك اضحك استغل تعبي واتريق محمود.... بضحك امسكي يا مصيبه واحده غيرها ريهام.....انت بقي هتفضل قاعدلي كده محمود.....اعمل ايه طيب اسببك وانزل تحت ريهام....لا سيبني وروح بيتك محمود....ما انا مش هسيبك وانتي تعبانه و بعدين لو مشيت انتي هتنامي ريهام....طب ما انام يا عم هو انا واخده سريرك دي حتت كنبه صغيره محمود.... بابتسامه افرضي حد طلع وشافك نايمه كده هينفع و بعدين هتتعبي ريهام.....اااه انت قصدك بقي اني بنام في شغلي و مش شايفه اللي ورايا صح طمعان في مكاني قول متتكسفش محمود....بضحك لا يا ستي مش طماع انا بس عايزك تسمعي كلامي و تقومي يلا تروحي انتي اصلا مش هتقدري تروحي كده والله خليني انا اوصلك وارجع تاني ريهام......يخربيت الزن مصطفي بعينه رجعت راسها لوراء و ربعت ايدها و غمضت عينها ابتسم محمود و فضل يضحك بهدوء و قام وقف عند الشباك ولع سيجاره فضل واقف شويه و بصلها لقاها نايمه اتصل علي ايمي ايمي.....ايوه يا حودا محمود.....انتي جنب رشيد ايمي....لا انا بره في ايه محمود....بقولك ايه انا جيت لاقيت ريهام تعبانه بجد و سخنه و قالبه معاها بتخريف و مش راضيه تمشي ابداً و نامت علي نفسها ايمي.....ده بجد ولا بتهزر محمود ..والله العظيم مش بهزر شكلها عندها التهاب في زورها مخلي حرارتها مرفوعه و تعبانه اوي ايمي....طيب روحها يا محمود انت مخليها عندك لسه وبتكلمني ما تتصرف محمود....مرضيتش ابدا والله و الوقت نايمه ضابعه خالص و لا عيزاني اتصل باخواتها حتي بتقولي ان سلامه تعبان هو كمان و خايفه امها و ميدو يقلقوا ايمي.....ايوه يا محمود بس متسمعش كلامها طبعا لازم تمشي السخونيه دي غلط و بعدين اتصرف هاتلها علاج لحد ما تروح و يشوفوا يجيبواها دكتور او حاجه محمود.....اكيد جيبتلها يا ايمي مش هسيبها كده و اديتها العلاج بس انا مش عارف اعمل ايه خايف اتصل علي ميدو يخاف فعلا و في نفس الوقت هي ضايعه خالص حاسس اني لو قومتها هتقع مني ايمي.....طيب اسمعني انت جيبتلها حاجه للسخونيه محمود.....اه و للبرد والاحتقان كل حاجه نفس الاعراض اللي قالتلي عليها قولتها للصيديلي وقالي ان العلاج قوي و كويس ايمي.....طيب كويس بص تعرف تعنلها كمادات محمود....اعملها بايه طيب ايمي....انزل تحت في المخزن بتاع المطبخ هتلاقي فوط كتير صغيره لسجه جديده خد منها اتنين و هات تلج و اطلع اعملها كمادات و بمجرد ما تحس انها فاقت معاك كده و كويسه تاخدها من ايدها و تروحها و لما توصل اتصل بميدو ينزل باخدها منك لان فعلا ميدو بيتوتر اوي شوفتوا انا كذا مره مع نادين و سلامه قالي في حوار التعب ده بيخاف فا بلاش تقلقوا كلموا لما تبقي تحت بيتهم هتعرف تتصرف ولا اجيلك انا محمود....لا لا خلاص هعمل كده ماشي ايمي.....لو البت تعبانه اوي يا محمود و مش عارف تتصرف هجيلك حالا انا و رشيد محمود....هي تعبانه اه بس هتصرف متقلقيش انا مجاش في بالي حوار الكمادات ده عشان كده قولت اكلمك عموما متخافيش خلاص انا هتصرف ايمي.....طيب اسمعني بس اجيلك احسن محمود....والله هتصرف متقلقيش خلاص هي بس لو حرارتها نزلت هتفوق ايمي....طيب ابقي طمني و زي ما قولتلك تفوق و تروحها علي طول تمام و عرف ميدو انها متنزلش الشغل غير وهي كويسه لانها دماغها ناشفه هي كمان فضلت اقولها كتير تروح ترتاح مرضيتش محمود....ماهي عملت معايا كده والله خلاص انا هرجع اكلمك تاني ماشي ايمي.....ماشي يا حبيبي و انا معاك محمود.....يلا باي ايمي.....سلام خرج محمود بره المكتب و نزل تحت عمل زي ما ايمي قالت خد الفوط و طلب من شاب تلج في طبق و بعدين خدهم و طلع علي فوق دخل حط شويه مايه علي التلج و حط الفوط فيها وراح قعد جنب ريهام و ساب الطبق علي التربيزه خد الفوطه و قربها من راسها. كشرت وشها بسرعه و رفعت ايدها تشيل الفوطه ريهام.....لا لا لا محمود.....سيبي الفوطه يا ريهام عشان حرارتك تنزل ريهام.....لا لا ابعدي ابعدي قربت ايدها تاني مسك كفها عشان متشيلهاش سكتت شويه ساب ايدها بهدوء و جهز الفوطه التانيه و فضل يعيد كل شويه و يجسها تاني ريهام....ده بابا مش انا يا مصطفي بصلها محمود و بقي يسمع اللي بتقولوا مكانش فاهم حاجه خالص ريهام....ايوه بابا هيجي في رمضان هنفطر مع بعض ابتسم بهدوء و كان مضايق في نفس الوقت كل كلامها عن ابوها صحيح كلام مش وحش بس مش مفهوم و مذكرتش غيره هو و مصطفي ريهام.....متزعلش يا مصطفي هناخدك معانا انا و بابا محمود.....ريهام ريهام فتحت عينها بهدوء و مسكت الفوطه وبصتلوا محمود....متقلقيش دي كمادات ريهام....كمادات ايه محمود....حرارتك عاليه و مسمعتيس كلامي قولتلك شكلك باين انك هتتعبي اكتر ريهام....انا كويسه الحمد لله محمود....طيب امسكي الفوطه دي كمان حطيها علي راسك و انا هشيل الحاجه دي و يلا عشان اوصلك ريهام....محمود انا كويسه والله محمود.....سمعتييي قولي زي ما تقولي هروحك يلا خلصي خدت منه الفوطه حطتها علي راسها و سكتت كانت حاسه انها دايخه اوي و راسها تقيله و مش قادره ترد قام حط العلاج في الشنطه وساب الطبق والتلج علي جنب و سابها شويه لحد ما الفوطه تسحب الحراره اكتر محمود......ايه خلاص ريهام......اه خلاص محمود....طيب يلا قومي فين مفاتيح العربيه بتاعتك ريهام....في شنطتي جابلها شنطتها والموابيل محمود....امسكي هاتي المفتاح وشوفي لو في حاجه ليكي هنا تاني ريهام....لا مفيش محمود اسمعني طيب هروح والله خلاص بس خليك انت محمود....لا مش هخليني ريهام.....هترجع ازاي و انت هتزصلنب بعربيتي محمود....هرجع علي جمل ما اكيد هركب اوبر يا ريهام يلا قومي قامت بهدوء و طلعت المفاتيح ادتهاله و خرجوا من المكتب محمود نزل قدامها و كان عمال يبصلها كل شويه احسن تقع اتكلم مع المسؤول اللي بيمسك المكان بدالهم و بعدين خدها وخرج ركبها وراح ركب محمود....بضحك انتي مقربه الكرسي اوي كده ليه قصيره اوي ما انتي طويله ريهام....مبعرفش اسوق غير كده اتريق بقي محمود.... بابتسامه لا مش هتريق خلاص طلع بالعربيه و راح عشان يوصلها .............. صحي عدي و اتصل علي تقي بس علي ما جات ترد عليه كان قفل قامت عدلت نفسها عشان تتصل عليه لقت رساله. عدي....صباح الخير انا صحيت طريقته كان باين عليها انه زعلان اتصلت عليه. عدي....الو تقي....ايوه يا عدي معلش جيت ارد لاقيتك قفلت كنت نايمه عدي....لا ولا بهمك خلاص روحي كملي نوم لما تصحي كلميني تقي.....لا انا صحيت خلاص انا اصلا صحيت و قعدت شويه و مكانش في حاجه اعملها نمت تاني عدي......تمام انتي كويسه تقي....الحمد لله مالك عدي....مالي مفيش تقي....صوتك ماله عدي....لسه صاحي يا تقي تقي.....و رسالتك عدي....مالها رسالتي تقي....يعني مش متعوده انك تبعتلي رساله فيها كلمتيني عدي.....لا عادي عشان لسه صاحب بس تقي.....مش عشان قالب يعني و زعلان سكت عدي و مردتش تقي....ايه سكت ليه عدي......تقي احنا قفلنا الحوار خلاص امبارح و مات بتفتحي ليه تاني تقي.....ماهو لو اتقفل بجد كان صوتك اتغير طريقتك اتغيرت بس انت قفلت الحوار و لسه زعلان وبعدين يعني ما احنا لما اتكلمنا رجعت تاني تهزر و تضحك و كنت كويس امبارح لحد ما وصلنا ليله عدي.....هو انا المفروض اني افضل مضايق في فرح اخويا انا بعرف افصل يا تقي و عديت اليوم واتكلمت عادي عشان منكدش عليكي تقي....اااه فا انت الوقت افتكرت بما انه يوم جديد و عايز تنكد عليا مش كده عدي.....علي فكره انا متكلمتش انتي اللي بتفتحي الحوار الوقت يعني لا نكدت عليكي ولا عايز انكد تقي......ولما مش عايز تنكد عليا قالب ليه و صوتك مضايق مني عدي.....عشان مضايق يا تقي و عشان محروق دمي و عشان مش راضي عن اللي حصل و لا المفروض اعدي و اسكت و اتعامل عادي كأن مفيش حاجه حصلت تقي.....لا بس يعني خلاص يا عدي الحوار حصل و انت زعلت واتكلمت و جه يوم جديد زعلان ليه لحد الوقت عدي.....ماهي مبتخلصش كده يا تقي مش زرار هو تقي.... امال تخلص ازاي انك تفضل قالب عليا مضايق و زعلان طيب اعمل ايه تاني انا صالحتك علي فكره عدي.....و انا مش عارزك تصالحيني يا تقي انا عايزك بس متكرريش اللي حصل تاني تقي....طيب و اتكلمنا و قولتلك حاضر قالب ليه بقي الكلام ده تقولوا لو حصل تاني عدي....يا بنتي انتي اللي فتحتي الحوار انا صحيت و بكلمك عادي تقي....ماهو انا مش مجنونه ولا بعمل مشكله انت صوتك متغير عدي....قولتلك لسه صاحي تقي......وقولت كمان انك مضايق و محروق دمك عدي.....انتي مش سألتي و فتحتي الحوار انا رديت عليكي مش عايزه تسمعي رد يضايقك و انتي متوقعاه اصلا متسأليش سامعه ان صوتي متغير و اني عشان بني ادم طبيعي ابقي لسه مضايق متقوليش مالك بقي دي خالص تقي.....ماهو الطبيعي ان لما احس ان صوتك كتغير اسألك عدي....ماهي مش محتاجه سؤال انتي عارفه انا مضايق من ايه قولتلك لسه صاحب عشان مفتحش الحوار انتي مسكتيش يبقي اسمعي بقي اللي يضايقك تقي.....وليه اسمع اللي يضايقني و ليه تقلب صوتك اصلا ادام الحوار خلص عدي......تقي انتي عايزه تعملي مشكله صح تقي.....انت اللي عايز تعمل مشكله عدي.....وطي صوتك تقي.....لا مش هوطي صوتي متعصبنيش وتقولي وطي صوتك عدي.....وطي صوتك با تقي عشان مقفلش و انا معصبتكيش انا لسه صاحب وانتي اللي بتنكشي علي مشكله تقي......انا اللي بنكش علي مشكله يا عدي يعني لما الاقي صوتك كده و بترد علي قد الكلام مش الطبيعي اني اعرف مالك عدي......ما انتي عارفه انا مالي تقي....عارفه بس انت قولت ان الحوار خلص زعلان ليه بقي عدي....تقي انتي عندك مشكله في دماغك هو المفروض يعني عشان الحوار خلص ابقي عادي مش محروق دمي علي الاقل عشان انا بني ادم مضايقش وانا شايفك لابسه بدلة رقص مش فستان تقي.......عدي خد بالك من كلامك عدي....بعصبيه متفتحنيش و ترجعي تزعلي وتقولي خد بالك من كلامك الحوار عدي و سكت عشان خاطرك شيفاني لسه مضايق خلاص سيبيني ما اصل الحوار مش بقاله سنه يعني ده امبارح و اكيد لسه شكلك قدام عيني بلبسك و اكيد مضايق حقي تقي......تمام يا عدي خليك مضايق بقي سنه قدام ادام انت شايف انك محتاج تاخد وقتك عدي......تمام يبقي متنكشيش و تعصبيني عشان متزعليش من كلامي تقي.....ماشي يا عدي ليك عليا لا هسأل مالك و لا هيفرق معايا صوتك اللي انت قالبه عليا حلو كده عدي......تقي اتظبطي عشان واضح ان في خيابه بتحصل في الكلام و انا مليش فيها هتزعلي مني اقسم بالله تقي....هو انت مش عاجبك حاجه مش زعلان اني سألتك و نكشت خلاص مش هسأل عدي....احسن برضوا تقي....سلام يا عدي عدي.....سلااااام قفلت تقي الموبايل و هي مضايقه و عملتوا وضع طيران خالص هو كمان قفل وهو متعصب و قام دخل الحمام. ....................... اما عند نسمه و سليم الوضع كان مختلف صحي سليم و اول ما فتح عينه مسك الموبال يقلب فيه و لمح رساله من نسمه خليته ابتسم بهدوء. نسمه......صباح الخير هو صحيح المغرب خلاص هتأذن بس بما انك نايم لحد الوقت يبقي صباح الخير انا قومت صليت الضهر و العصر و طبعا انت نايم و مصلتش حاجه يعني المفروض انا اللي اعاقبك المرادي بس هطلع اطيب منك و هديك عذرك و كمان ربنا هيديك عذرك لو صليت اللي فاتك بص انا عارفه انك زعلان مني شويه هو احنا اتكلمنا بس يعني حبيت اقولك متزعلش تاني و اوعدك يعني اني هسمع كلامك عشان انت صح و ان شاء الله حتي في فرح نعيمه مش هلبس حاجه زي دي تاني انا عارفه انك بتنصحني و بتخاف عليا و انا بحترمك و بحترم نصايحك و كفايه اوي انك بتسمعني و بتضيع وقتك معايا في تفاصيل كتير و انا مش حابه اعمل اي حاجه تزعلك ابداً يارب تقبل اعتذاري و يارب لما نصحي ميبقاش الفجر اذن لان كده هيبقي في عقاب بجد. ضحك سليم ضحكه جميله و بعدين اتصل عليها اول ما شافت رقمه بسرعه ردت عليه و هي باين علي صوتها السعاده. نسمه....صحيت اخيراً سليم......صباح الفل نسمه...نقول مساء الفل بقي سليم....ماشي مساء الفل و بعتذر يا ستي عن النوم الكتير وعن الصلاه اللي فاتني و بصراحه معاكي حق يعني راجل رخم عمال يقول ده صح وده غلط و لا زم نصلي واتقلب في الاخر القلبه دي ومصليش يعني استاهل العقاب بصراحه نسمه....بابتسامه لا لا انت طيب و معلش ربنا هيسامحك وانا كمان مش هعاقبك بس انت صليت الضهر والعصر ولا لسه سليم.....لا لسه انا يادوب مفتح عيني و شوفت رسالتك وقولت اكلمك عشان اشوف ايه حوار الرساله ده نسمه....طيب بص سيبك مني و من الرساله الوقت روح يلا الاول صلي اللي فاتك قبل المغرب ما تأذن و بعدين ارجع كلمني انا موجوده سليم.... بابتسامه ماشي اوامرك انتي صح هصلي و اكلمك نسمه.....وانا مستنياك سليم......بابتسامه باي يا قمر نسمه....باي قفل سليم و هو مبسوط اوي و نسمه كمان كانت عامله زي الاطفال و فرحانه اوي .. ................. وليد كان قاعد كل شويه يبص علي الموبايل و جواه شعور غريب كده هو مش فاهمه حاسس انه متوتر قلقان كان عقله كله مع ليله شويه حاسس بغيره و شويه فرحان من قلبه عشانها شويه حاسس جدا ان في حد خد بنته منه رغم انه بيحب عشري جدا بس كان عنده مشاعر مش قادر يفهمها واخر ما جاب اخره اتصل علي اميمه. قربت مها قعدت جنبه علي الكنبه و حطتلوا الشاي و سكتت اميمه....ايوه يا نور عيني وليد.....عامله ايه يا اميمه اميمه....زي الفل يا حبيبي وليد...بقولك ايه اميمه...قول يا حبيبي وليد...هي ليله متصلتش بيكي اميمه....بابتسامه انت عارف ان دي تالت مره تتصل بيا و تسلم عليا و تسألني ليله اتصلت بيكي اقولك لا كلمتني امبارح و انا يادوب لسه واصله كانت بتطمن تشوفنا روحنا ولا لا ايه كبرت يا وليد وليد....ماهي بصراحه يعني اتأخرت اوي اميمه.... بضحك اتأخرت علي ايه بس وليد....انها تطمنك عليها يا اميمه كويسه بخير مبسوطه مضايقه في حاجه مزعلاها تعبانه اي حاجه اميمه.....بعد الشر عليها و بعدين ايه اللي هيضايقها او يزعلها بس دي فرحها كان امبارح و كانت طايره من الفرح ربنا يسعدهم يا حبيبي ويبعد عنهم الهم و المشاكل و بعدين هنا لحقوا وليد....طيب امال هي فين دي الساعه خمسه ماهو مش طبيعي يعني مختفين كل ده ابتسمت مها و هزت راسها اميمه...بضحك الله مش عروسه تلاقيهم سهروا سيبهم يفرحوا ببعض و بعدين هي امبارح قالتلي بكره لما اصحي هتصل عليكي فيك ايه يا وليد مالك عامل زي اللي تايه منك حاجه ليه اللي يشوفك الوقت ميقولش ان انت وهي طول عمركم زي اللي مولودين فوق راس بعض وليد.....وحشتني يا اميمه عندي حاجه جوايا مخلياني حاسس ان بقالي كتير مشوفتهاش و حاسس ان من الاخر بقي عشري خدها مني اميمه....بضحك خلاص اتصل عليه وليد....علي مين عشري هتكسف و بعدين والله يجي يجبني من رقبتي ده مصدق و كان هياكل صحابه امبارح علي رأي ليله بلطجي ضحك و ضحكت اميمه و مها اميمه.... بضحك بيحبها و ما صدق و بعدين اول مره لما اتجوزها اداك كلمه و الراجل عداه العيب اتحمل عشر ايام سيبهم بقي يفرحوا والله انا هتجنن واطمن عليها اكتر منك بس سيباها براحتها هما اكيد والله نايمين وليد....طيب بالله عليكي اول ما تتصل بيكي طمنيني اميمه....جاضر يا حبيب ربنا ما يحرمكم من بعض و يحميكم و يحفظكم يا نور عيني وليد ....ويخليكي لينا يلا هسيبك الوقت اميمه.....ماشي بالسلامه انت وليد....سلام قفل و بص علي التليفون ورفع عينه لقي مها بتضحك وليد.....بغيظ بتضحكي علي ايه مها.....بابتسامه صراحه مستغرباك وليد....ليه بقي ان شاء الله مها.....بضحك عمال رايح جاي من وقت ما صحيت بتمسك الموبايل و تبص علي الساعه في الثانيه الف مره و مش قاعد علي حيلك ما تهدأ اختك عروسه سيبها يا رخم وليد....وانتي شوفتيني روحت انام في حضنهم ما انا هادي بس عايز اطمن علي اختي مها.....بضحك الغريب بقي ان اكتر حد بتتخانق معاه ليله يعني عمري في حياتي ما شوفتك بتتخانق مع اميمه او قمر وليد....وايه يعني هو عشان بتخانق معاها مبقاش بحبها مها....لا مش كده عارفه انك بتحبها و بتحبها اوي كمان بس يعني مش ملاحظ انك متوتر زياده عن اللزوم وليد.....مش حكايه متوتر انا عارف انها مبسوطه و مطمن عليها فوق ما تتخيلي مع عشري لانه بيحبها بجد مشوفتيش انتي فرحته بتجهيز الفرح و لما روحت معاه كان ناقص يجيبلها حته من السماء عشان بس يفرحها بس هي وحشتني يا مها مها....بابتسامه احقت توحشك ده انت سايبها بليل وليد....اه لحقت قبل ما تتجوز حتي لو مكنتش بشوفها كتير عشان ظروف شغلي و شغلها بس هي بالنسبالي كانت موجوده و اقدر اسيب اللي في ايدي و اروحلها اي وقت حتي لما عشري كتب كتابه عليها وحدها بيته العشر ايام دول و رغم ان كنت عارف انها ممكن تطين عيشتي علي اللي عملتوا ده بس برضوا كنت متطمن انها هترجع تاني بيتها لحد ما عشري يخلص كل حاجه بس الوقت هي خلاص بقت مع جوزها مقدرش اشوفها الوقت اللي يعجبني ولا الساعه اللي تعجبني مقدرش بقت تحت عيني انا مها.....انت غيران عليها يا وليد وليد....والله مش عارف يا مها انا بحب عشري والله و مبسوط عشان اختي بتحبه بس عندي احساس كده ان في حد سرق مني روحي ليله مش اختي يا مها ليله بنتي بنتي الصغيره اللي تاعبه قلبي و مجنناني بنتي العنيده اللي راسها ناشفه و علي طول بتخانق معاها بس بحبها و قلبي بيحبها وروحي بتحبها انا طول عمري متعلق بيها من وهي صغيره كانت جميله يا مها كنت اوقات كتير بحس انها لعبتي اللي مينفعش حد ياخدها مني الله يرحمها امي لما كنت تزعقلها او تمد ايدها عليها كنت بتعصب لدرجه اني بمسك نفسي اوي عشان مزعلش امي مني و اتحاسب علي صوتي العالي في وشها طول عمري بعتبرها بنتي و بحبها بجد و هي عارفه اني بحبها انا وقت ما اميمه و قمر اتجوزوا فرحتي بيهم و انهم راحوا بيتهم كانت واصله للسماء بجد كنت فرحان اوي اني بجوز اخواتي واسترهم في بيوتهم و حاسس اني عامل دوري علي اكمل وجه اب واخ بس ليله علي قد فرحتي فيها علي قد ما حاسس والله ان في حاجه وجعاني اوي مها.....لا يا حبيبي افرحلها متقولش كده هي كمان راحت بيتها و بتبدأ حياتها وليد....عارف و فرحان والله العظيم بس وحشتني بنت الجزمه ام لسان طويل هتصدقيني لو قولتلك ان حتي خناقها معايا و طولة لسانها و عندها كنت بحبهم متمرده طول عمرها بس بحب تمردها و قوتها بحبها يا مها مها....بأبتسامه و انا كمان بحبها اوي ليله طيبه اوي و جميله و بتحبك من قلبها بس افرحلها و اوعي الاحساس ده يسيطر عليك انت بس اول ما تكلمك و تسمع صوتها فرحان هتفرح لفرحتها وليد.....اكيد والله بس تتصل مها....هتتصل مستعجل ليه سيبها تعيشلها يومين ما احنا عملنا زيها لما اتجوزنا وليد....يومين وانا لسه هستني يومين و الله اروح انا اجيب عشري من رقبته ضحكت مها و هو بصلها وضحك وليد.... والله بحبه بس برضوا مش طايقه مها.....لا ادعيلهم ربنا يسعدهم و يفرحهم و يبعد عنهم اي حاجه وحشه وليد.....يارب اللهم امين .................... نادين كانت قاعده زهقانه نعيمه مكتئبه و اللي جاي عليها بالنوم قامت نادين دخلت اوضه ليله بهدوء وراحت قعدت علي سريرها كانت حاسه ان البيت من غيرها دمه تقيل و ملهوش روح حتي الاوضه اللي كانت بتنام مع ليله فيها و في حضنها مفيهاش روح رغم ان يعتبر حاجتها كلها فيها مسكت الموبايل و اتصلت علي عسال. عسال.....ايه يا حبيبي نادين.....انت صاحي عسال.....اه صاحي كنت بطمن علي سلامه نادين...ليه هو ماله عسال....تعبان شويه نادين....تعبان أزاي عسال......واخد دور برد بس شديد شويه نادين.....طيب ليه كان كويس امبارح عسال.....والله مش عارف يا حبيبي بس غالباً برد و هو الجو متعب اصلا شويه برد و شويه حر نادين....طيب لو تعبان اوي خليه يروح للدكتور عسال....هو بيقول مش عايز بس طلبتله دواء و خد منه و ان شاء الله يبقي كويس نادين....ان شاء الله الف سلامه عليه عسال.....الله يسلمك ياروحي كنتي عايزه حاجه ولا ايه نادين....لا خلاص روح انت بقي خليك مع سلامه عسال.....لا انا سيبته بيكلم أيه في ايه يا ماما قولي نادين....طيب بص انا هسألك سؤال و هقفل عسال....قولي يا حبيبتي نادين....هو يعني هيبقي عيب لو اتصلت علي ليله ؟ عسال.....بابتسامه لا هو مش عيب يعني بس ليه ؟ خلينا نسيبها براحتها احسن نادين....طيب تمام عسال.....طيب قوليلي انتي عيزاها في حاجه يعني تخص شغلك او حاجه حصلت نادين....لا لا انا بس كنت هطمن عليها و وحشتني البيت وحش اوي من غيرها يا ميدو عسال....بأبتسامه عروسه بقي يا قلبي نسيبها احسن و بعدين انتي فاكره ان عشري هيخليها تسيب موبايلها مفتوح اكيد قافلين موبيلاتهم وشويه و ممكن تتصل تطمن عليكم نادين....طيب عسال.....مبوزه ليه يا توتيتي نادين.....لا مش مبوزه والله بس بجد البيت ممل من غيرها و نوني كمان زعلانه خالص و حساها مكتئبه عماله تقوم و تنام فا قولت لو كلمتها و خليت نوني كمان تكلمها هتتبسط عسال.....معلش يا حبيبي هي اكيد هتتصل عليكم بس نستني احنا خلينا نسيبهم براحتهم اتفقنا نادين.....حاضر ........... وصل محمود تحت البيت عندهم كانت نايمه خالص الدواء بدأ يعمل مفعول و نيمها اتصل علي ميدو. عسال......تويتي بقولك ايه حودا بيتصل بيا هرد عليك وابقي اكلمك اوك نادين....طيب روح باي عسال....باي قفل ورد علي محمود الوو محمود....ايه يا ميدو اخبارك يا حبيبي عسال....الحمد لله يا حودا محمود.....بقولك ايه انت في البيت منزلتش صح عسال....اه في البيت محمود....طيب حد جنبك ولا لوحدك عسال.....بأستغراب لا لوحدي في حاجه ولا ايه محمود.....طيب انا تحت البيت عندك ينفع تنزلي خمسه كده عسال.......طب وتحت ليه اطلع محمود....معلش انزلي انت بس عسال....طيب في ايه بس طمني انت كويس محمود.....ياعم كويس و زي الفل والله يلا تعالي عسال......طيب دقيقتين وابقي تحت محمود....ماشي يلا سلام بص علي ريهام محمود.....ريهام ريهام يلا قومي وصلنا قمت بهدوء و بصتلوا محمود.....يلا فوقي كده ميدو هينزل ياخدك ماشي ريهام......ماشي محمود.....خليكي بس لحد ما ينزل ريهام......طيب فتح محمود الباب و نزل يستناه مفيش دقيقه و لمح ميدو خارج من المدخل اول ما شافه و شاف عربيه ريهام بصلوا بصدمه وقرب عليه محمود.....ايه يا صاحبي عسال.....ايه ده في ايه ريهام مالها محمود....اهدي ولا اي حاجه هي بس تعبانه شويه و جيبتها عشان متتعبش اكتر عسال....تعبانه ازاي يعني راح ميدو عليها و محمود وراه فتح الباب وقرب منها عسال....ريهام فيكي ايه مالك يا ماما ريهام.....بخير متقلقش يا ميدو انا كويسه والله عسال....كويسه ايه مالها يا محمود محمود....ايمي كلمتني و قالتلي ان ريهام صوتها تعبان و مرضيتش تروح فا روحتلها عشان اكمل انا بدالها لقتها سخنه جدا و زورها بتقول انه واجعها و عندها برد مكانتش راضيه تروح خالص بس حرارتها حسيت انها بتعلي اكتر و اكيد مش هتقدر تسوق فا جيبتها انا بس عسال....مكلمتنيش ليه ريهام....مش مستاهله والله يا ميدو محبتش اقلقك كمان عارفه ان سلامه تعبان عسال......كان لازم تكلميني افرضي محمود مكانش جالك محمود....خلاص حصل خير خدها بقي طلعها عشان ترتاح عسال....طب انت هتروح ازاي محمود...انا مش هروح انا هروح علي المطعم هطلب اوبر هتعامل انا ياعم يلا اطلع بقي عسال....طب يلا اطلع معانا شويه محمود.....لا مره تانيه والله عسال.....اخلص يا عم حودا بقولك و الله لا تطلع محمود.....والله ما هقدر عايز ارجع المطعم مره تانيه والله خدها بس يلا و اطلع بيها عسال....انزلي يلا محمود....خدي الشنطه بتاعت العلاج معاكي عسال.....تسلم يارب يا حودا تعبناك والله كان لازم تتصل بيا بدل التعب ده محمود....تعب ايه متقولش كده احنا واحد متزعلنيش منك عسال.....طبعا يا حبيبي تسلم يارب ريهام....شكرا يا محمود محمود...بابتسامه علي ايه بس الف سلامه عليكي ميدو متجيبهاش بكره عشان اختك راسها ناشفه تعبتني و تعبت ايمي و مرضيتش تروح لما تبقي كويسه تبقي تنزل عسال.....ماشي متقلقش مش هتنزل طبعاً محمود.....خد المفتاح متنساش عسال......طب ما تطلع شويه خليك جدع محمود....مره تانيه والله وسلم علي سلامه كتير الف سلامه عليهم عسال....حبيبي الله يسلمك هتركب تاكسي ولا اوبر محمود....اطلع انت بيها بقي ملكش دعوه هتفضل واقف يلا هي مش قادره اصلا عسال....ماشي يا حبيبي متحرمش منك يا صاحبي سلام علي مهلك محمود ....سلام يا حبيبي حاضر خدها ميدو و طلعوا علي فوق و مشي محمود. ........................ عند ليله و عشري قري عشري بهدوء من لياه و قعد علي حرف السرير بصلها بحب كانت لابسه بچامه ستان لونها ابيض شورت و التيشرت بتاعها حمالاته رفيعه ابتسم عشري و بعدين رفع حاجبه.. عشري.....ليله هانم انتي يا ست ليله فتحت ليله عينها بهدوء و ابتسمت اول ما شافته ليله.....بهدوء صباح الخير عشري......صباح النور يا هانم و عشان ابقي عملت اللي عليا للاخر صباحيه مباركه يا عروسه كده بقي يبقي عداني العيب ابتسمت ليله وبصتلوا ليله.....مالك عالصبح يا بلطجي حد يصحي حد كده عشري.....اه انا مش عاجبك ولا ايه؟ ليله......بضحك في ايه عالصبح شكلك صاحب بقالك شويه و فايق عشري....اقولك انا في ان الساعه خمسه ونص و قربت كمان تبقي سته الا ربع و حضرتك انا صاحي من الساعه ثلاثه ونص ليله......كاااام انا نمت كل ده؟ عشري.....شوفتي بقي حقي اكسر دماغك عالدلع والمرقعه دي ولا لا ليله.... بابتسامه لا بص انا براحتي عشري.....لا بصي انتي براحتك ده في التجمع مع نعيمه مش معايا خلاص يا حلوه اتجوزنا يعني المفروض تصحي قبلي مش انا اللي اصحي قبلك و كمان تقومي تحضريلي فطار ليله....رفعت حاجبها فطاار! عشري......ايه خير اه فطار جو القهوه و البسكوت بتاعك ده مينفعش معايا انا عايز اصحي الاقي فطار كامل محطوط عالسفره ليله...كماااان عشري.....ايه مش عاجبك اه كمان متجوز انا ولا لسه سنجل ده فطار و غداء و عشاء كمان خلاص الدلع خلص امبارح كنتي عروسه و ملكه بس امبارح خلص احنا ولاد انهارده و انتي انهارده مش عروسه تقومي زي الشاطره كده تنجري قدامي تحضريلي الفطار ليله.... بضحك وصدمه ايه القلبه دي عشري.....بابتسامه بسيطه و هو رافع حاجبه قلبة ايه ليله.....انا قولت يعني هتبقي راجل شيك و رومانسي و هصحي علي كلمه حلوه هصحي علي فطار متجهز بما اني عروسه و كده او مش شرط فطار يا سيدي انا اجهز عادي بس في ايه امبارح كانت في سابع سماء مع المجوم بتاعتك اللي في السقف جايبني علي الارض ليه عشري.....هو كده خلاص قولتلك احنا ولاد انهارده و انتي اهو بتعترفي بنفسك امبارح كنتي ملكه وطلعتك السماء انهارده انتي زوجه حضرتك قومي يابت انجري عالمطبخ انا لما بجوع بنسي امي ليله.....بضحك بت و انجري اااااه شكلك مستغني عن الشاشه يا بلطجي ومستغني عن راسك اللي هفتحهالك ان شاء الله عشري....بضحك مسكها زي الحراميه من كتفها قومي يابت قدامي الشاشه دي هتتكسر علي دماغك لو الفطار متجهزش في عشر دقايق بالظبط ليله.....بضحك انت قد الماسكه دي عشري.....اه قدها قومي يلا ليله....طيب اغسل وشييييييي عشري.....انتي بتزعقي ده انتي نهارك مهبب ليله.....بضحك والله يا عشري هطين عيشتك احترمني انا عروسه عشري.....قدامك دقيقتين بالظبط تخلصي ليله.....اوامرك يا سي السيد حاجه تانيه عشري.....افطر و اقولك ليله.....وماله ده باينها صباحيه مهببه عشري......صح شكلها كده اخلصيييي بصتلوا ليله بغيظ وراحت علي الحمام وهي عماله تبرطم عشري....متبرطميشششش سامعك رزعت الباب وراها ودخلت ضحك عشري و فضل قاعد مستنيها شويه و بعدين نتدي عليها عشري.......هفضل مستني كتير يا هاااانم فتحت ليله الباب و خرجت و بصتلوا وهي رافعه حاجبها قام وقف وراح مسكها من رقبتها عشري....قدامي عالمطبخ ليله ...بضحك خد بالك اللي بيحصل ده ضد طبيعتي عشري.....هو ايه ده اللي ضد طبيعتك ان شاء الله ليله.....انا واحده بتحب تصحي تفضل ساكته مبحبش الازعاج و انت مصحيني علي صوتك المزعج و كمان عمال تديني اوامر عشري.....ايه مش عاجبك انسي خالص بقي نظامك الاول ده زي ما قولت ده كان في التجمع عند نعيمه تصحي تقعدي ساكته ساعه اتنين تشربي قهوتك بمزاج كل ده انسيه انتي هنا مع جوووووزك يعني تصحي قبله تجهزي الفطار تدخلي تصحيني بهدوء و تقوليلي الفطار جاهز يا سي عشري ليله.....بضحك دي حته ب200 اللي عامله معاك الدماغ دي صح عشري......ضحك غصب عنه انتي هتهزري معايا ليله.....لا واهزر ليه يا سي عشري اوامرك قولي طلباتك ايه تاني مش عايزني انقعلك رجلك في شويه مايه وملح عشري.....فكره برضوا بقالي كذا يوم واقف علي رجلي و امبارح مقعدتش تفطريني و بعدين تنقعي رجلي في مايه وملح ليله....اممم و قولي بقي الفطار اللي هحضروا ده هاكل منه ولا هستناك يا سي عشري تخلص فطار واكل بعدك عشري......والله ده بقي يعتمد علي المود اللي هصحي عليه لاقيتك عامله كل ده بهدوء هخليكي تفطري معايا عامله ازعاج او بتتمرقعي وانا اللي بصحي جنابك مفيش فطار اصلا غير بأذني ليله......بصتلوا رفعت حاجبها تصدق بالله الحشيش لو بتاخده لبوس ما هيعمل معاك الدماغ دي ضحك عشري علي كلمته وفصل من الضحك ابتسمت بغيظ و فضلت بصاله عشري.....هنهرج صح خدتي عليا اوي خدي بالك فكراني عشري بتاع امبارح لا خلاص مفيش منه انسيه هو كان يوم كده عشان احسسك انك عروسه و اطلع راجل شيك للاخر و عملت اللي عليا برضوا وقولتلك صباحيه مباركه اكتر من كده مفيش ويلا انجري قدامي ليله....امال فين الاكل عليا والرقص عليكي كنت بتجيب رجلي انت وامك عشري.....لا مفيش منه الاكل و البيت و الرقص وكله عليكي ليله....اه بااااشا عشري...طبعاً يلا يابت قدامي ليله....و ماله خدها من قفاها و مشيوا في الطرقه و خرجوا بره عند المطبخ ليله....عشري باشا تحب تفطر ايه عشري......استني قبل الفطار تعالي معايا ليله....اللهم طولك ياروح علي فين يا عشري باشا عشري.....انتي هترغي معايا كتير هااا هتصاحبيني يلا يابت اخلصي ليله.....بغيظ و ماله لما اشوف اخرته عشري لا ضهره ليها وراح ناجيه الروف و هو كاتم ضحكته ليله....فاضلك تكه معايا ورحمه امي هحدفك من فوق عشري.....سامعك علي فكره طلع و بصلها وقفت علي اخر درجتين رافعه حاجبها ليله.....خير عايزني امسحلك الارض قبل ما تدخل عشري.....لا عايزك تنشري الغسيل يا ظريفه قدامي يلا دخل عشري و هي ماشيه وراه بتستحلفلوا وقف و وقفت و هي بصاله بغيظ و مش واخده بالها من الروف بعد من قدامها خطوه علي جنب بصت لقت القاعده اللي فوق عليها فطار شكله يجنن و بوكيه ورد ابتسمت بصدمه و بصتلوا بغيظ عشري....ابتسم بحب صباحيه مباركه يا احلي عروسه في الدنيا ابتسمت و رفعت حاجبها ليله......تصدق بالله انت مستفز عشري.... بضحك ليه طيب انا اصلا كنت ناوي امثل الدور اكتر بس انتي ضحكتيني كذا مره ليله.....بضحك خد بالك كنت متعصبه منك انا بتصحيني كده و بتقولي انجري عشري....بضحك قرب منها ضمها من ضهرها مقدرش طيب بذمتك انتي تصدقي اني اعمل كده ليله.....بابتسامه اكيد لا بس انت رخم علي فكره قولت اتجنن امبارح كان يجنن و انهارده بجد اتجنن عشري.... بابتسامه مقدرش امبارح كنتي في سابع سماء و انهارده لازم تطلعي تفطري وانتي جنب السماء تقعدي و تتدلعي و تتمرقعي ياستي و تحطي رجل علي رجل و تفضلي عروسه العمر كله ليله.... بابتسامه دلع امممم و بالنسبه للمايه والملح ؟ عشري.....انا اللي هحطلك فيهم رجلك انا معنديش غير ليله واحده حبيبتي و مراتي و شريكه عمري كله و بنتي و اختي و صاحبتي وكل حاجه ليا في الدنيا حضنتوا ليله بهدوء باس راسها و طبطب عليها بحنان يجنن بعدت عنه و ضحكت ليله....انا بس عندي مشكله واحده معاك عشري....رجع شعرها لوراء وهي ماسكه في رقبته ايه هي بقي ليله... نفسي اعرف انت لما بتصحي بتعمل كل ده امته لما البيت كان بيتكسر كنت بصحي الاقي كل حاجه زي ما كانت و الوقت صحيت امته جيبت الورد ده كله منين و امته انت نزلت عشري.....بضحكه جميله صراحه لا بس تقدري تقولي المنقذ بتاعي اللي انقذني ليله..... بابتسامه يبقي محمود عشري....هو بعينه اي مصيبه بفكر فيها هو بيبقي معايا و بينفذ يلا تعالي بقي ناكل قربوا من التربيزه الفطار كان يجنن ليله.....بابتسامه تاعب انت محمود معانا علي طول عشري.....بضحك بس الحمد لله المرادي ورد مش شاشه ليله....بضحك كويس انك لحقتني قبل ما اكسرها علي راسك يا مستفز عشري....بضحك تعرفي اني لما اتصلت عليه بقولوا محمود انا عايزك تجيبلي حاجه ضروري قالي يا نهار اسود مين فيكم اللي كسر الشاشه ليله.....بضحك ياعيني ده اتعقد مننا عشري.....والله فصلني من الضحك قولتلوا لا مش شاشه ليله......بس هو محمود علي طول طيب كده و بيسمع كلامك انا لو مكانه اتبري منك عشري......محمود بيحبني بس خدي بالك ده شيطان هو صحيح هادي و طيب بس انا وهو طول عمرنا بنتفق علي مصايب كده ليله.... بابتسامه هتقولي ما انتوا ضحكتوا علي عدي الغلبان و خليتوا يرضي بالدور الاول عشري....لا قصه عدي دي كانت بسيطه احنا لينا مصايب اكبر من كده بكتير ليله....واكيد لما كنت بتتقفش كنت بتلبسوا هو عشان طيب عشري.....عمري والله خدي بالك اوقات هو اللي كان يعمل المصيبه و كنت اخاف عليه من ابويا واقول انا اللي عملتها محمود غالي عندي اوي طول عمري محبش اي حد يزعلوا او يزعقلوا ليله.....اشمعني محمود مع انه مش هو الاقرب ليك في السن عشري.....لا انا بين عمر وسليمان بس محمود اقرب ليا هو من صغره متعلق بيا و انا كمان متعلق بيه محمود كمان واخد من طباعي كتير اوي ليله.....حرام عليك ده طيب و مؤدب عشري....بصحك قصدك ايه يومك مش معدي ليله.....بضحك لا انت بلطجي يا عشري مش هجاملك طباع ايه اللي واخدها منك عشري.....والله واخد كتير من طباعي بس هو علي اهدأ ليله.....هو جميل اوي و علي فكره خطيبته شكلها طيبه زيه امبارح لما شوفتها جميله خالص و حضنها حلو اوي اول مره اشوفها بس وهي بتحصني حسيت اني اعرفها وهي تعرفني عشري....مها طيبه و محترمه اوي ليله.....ربنا يسعدهم يارب عشري....يارب ليله....قولي بقي صاحي من امته عشان تحضر كل ده عشري....من ثلاثه ونص والله ليله.....محستش بيك وانت قايم و دي مبتحصلش عشري....قومت براحه اوي و خرجت بس انتي كنتي غطسانه في النوم علي فكره ليله.....انا كنت تعبانه اوي والله نومي مكانش متظبط بقالي كام يوم و امبارح اليوم كان طويل و الهيلز خلتني مش قادره عشري......المهم نمتي كويس ليله.... بابتسامه اه نمت كويس اوي عشري....ما طبعاً يا بلطجيه نايمه في حضني لازم تنامي كويس ليله.....لا مش اوي كده يا مغرور عشان كنت تعبانه بس عشري.... بابتسامه طب احلفي كده ليله..... بابتسامه ورحمه امي حضنك يجنن عشري.......بضحك ايوه كده يلا كلي و ياريت تفطري كويس.. ليله.....هو انا هفطر عشان جعانه بس ايه كل ده انت متخيل اني هاكل ده كله عشري....اه انا هأكلك كل ده ليله.....ناوي تزود وزني يا بلطجي عشري.....بابتسامه وماله بحبك في كل الاحوال ليله.....وانا موافقه بس انسي الرقص بقي خالص عشري....بضحك لا يعني ااا هناكل بالعقل ضحكت ليله و فضلوا يهزروا ويتكلموا و خلصوا فطارهم الهواء كان جميل و القاعده تجنن و احلي مافيها ان الدنيا فاضيه قدامهم خالص كانت نايمه في حضنه و قاعدين يتكلموا و السيجاره في ايدهم عشري....بقولك ايه صحيح لما ننزل ابقي اتصلي علي اميمه و ايمي بصتلوا ليله ليله....ليه في حاجه ؟ باسها من شفايفها بوسه خطفها عشري....لا يا قلبي اتصلي بيهم عادي يعني طمنيهم عليكي ليله....اطمنهم علي ايه عشري.... بضحكه جميله عادي يعني هما اكيد قلقانين و عايزين يطمنوا خصوصا اميمه ليله.....اطمن يا بلطجي اميمه مش هتسأل و لا انا هقول عشري.....بضحك عادي كلميها وخلاص و هي هتفهم من صوتك وهتطمن بصتلوا ليله وابتسمت بكسوف جميل عشري......بحب مسك مناخيرها يا خرابي عالقمر ده لما بيتكسف ليله.....بطل رخامه و بعدين اشمعني ايمي و اميمه عشري.......اوقات بحس ان ايمي بتعتبرك بنتها و علاقتها بيكي سعات بحش فيها شويه امومه في بعض المواقف كده عشان كده عارف انها اكيد هتتجنن و تطمن عليكي اميمه كمان بنسي اوقات كتير انها اختك الكبيره ديماً بتعامل معاها علي انها امك و مش انتي بس علي فكره يعني اخوانك كلهم هي مش بتقوم بدور الام انا بشوفها ام ليكم بجد قمر عارف انها بتحبك بس بحس ان قمر علي الله اوي يعني بحس ان انتي اللي اكبر منها طيبه اوي و ملهاش في اي حاجه انتي و وليد بقي بحس انكم توأم مش طايقين بعض طول الوقت مع انكم بتحبوا بعض جدا يعني اللي يشوف علاقتكم يفكر ان انتي و وليد اللي وراء بعض ليله...بابتسامه صح جيبتها ازاي كده فعلا اميمه ام لينا كلنا و قمر بحس ان كلما مسؤولين عنها من كتر ما هي طيبه و علي سجيتها و مش خبيثه خالص هبله بجد وليد ديما تقولي انا وهو مولودين فوق راس بعض من كتر ما بنتناقر و بنعاند في بعض عشري.....علاقتكم ببعض كلكم واضحه و شخصيتكم برضوا واضحه بس وليد بيحبك بجد من قلبه هو اكيد ده الطبيعي بس اقصد حبه ليكي اكتر من الطبيعي ليله.... بابتسامه حب عارفه انا كمان بحبه اوي عشري....ربنا يخليكم لبعض يا قلبي مش بردانه ليله...هو الجو تحفه بس بصراحه بردانه عشري....طيب يلا يا قلبي تعالي ننزل و انتي اتصلي طمنيهم و انا اكون نزلت الاطباق دي ليله....استني اخد معاك كام طبق هتفضل طالع نازل عشري....مش مهم انا مبسوط سيبي انتي الاطباق بس خدي الورد بتاعك مش كنتي عايزه ورد يا بلطجيه ليله...بضحك اه صح امبارح ورد و انهارده ورد هاخد علي كده و هاخد عالدلع ده عموما عشري.....وماله و انا مش هبطل ابداً ابتسمت ليله و خدت الورد عشري......يلا انزلي وانا جاي وراكي ليله....ماشي نزلت ليله علي تحت حطت الورد علي التربيزه وراحت علي الاوضه تتصل بأميمه و ايمي و عشري فضل ينزل في الاطباق. قفلت ليله الباب و قعدت علي السرير فتحت الموبايل و اول ما فتحت جالها رسالتين واحده من نادين و واحده من ايه.. فتحت بتاعت ايه اول واحده. ايه......صباحيه مباركه يا عروسه عيشت و شوفتك في بيتك يا بلطجيه بقولك ايه اوعي تكوني عامله فيها عروسه ولا بسه فرو و شبه الفراخ البيضا بعتتلها ايموشن ضحك و كتبتلها في الاخر بحبك ضحكت ليله علي تفاهتها ليله......اه يا جزمه قديمه طب لما اشوفك يا واطيه فتحت رساله نادين وابتسمت بحب نادين.....لولي وحشتيني اوي و البيت من غيرك وحش اوي و نعيمه زعلانه وانا كمان زعلانه علي فكره انا سألت ميدو اتصل عليكي و لا عيب قالي عيب بس مقدرتش مبعتلكيش مسدچ و حشتيني يا لولي ليله .....بحب يا عمري انتي يا صغنن. اتصلت علي اميمه الاول. اول ما شافت رقمها ردت في لحظه ليله......بابتسامه وحشتيني اميمه....يا نور عيني يا حبيبه قلبي صباحيه مباركه يا احلي عروسه في الدنيا الهي يجعل كل ايامك مباركه و جميله وهاديه و يطمن قلبك وبالك و يفرحك يا ليله يا بنت قلبي و يهديلك سرك و يهديلك جوزك و يخليكم لبعض ليله.....بضحك الله الله ايه كل الدعوات الحلوه دي اميمه....بدموع قلب يفرحان يا ليله بيكي ليله....احيه عليكي يا اميمه انتي بتعيطي من امبارح اميمه....لا خلاص مش هعيط طمنيني عليكي انتي كويسه ليله.....الحمد لله بخير اميمه.....اااا يعني كله زي الفل ليله....بابتسامه جميله اه اطمني كله زي الفل سمعت زغروطتها و فضلت تضحك ليله عليها. اميمه.....يا قلب امك يا حبيبتي يا نور عيني ديما يارب بخير و كويسه اخوكي هينجنن عليكي يا ليله عامل زي العيال الصغيره كل شويه يتصل عليا ويقولي ليله اتصلت كلمتك طمنتك شوفيها طيب مبسوطه مضايقه خاوتني من الصبح ليله....بضحك يا عمري هتصل عليه الوقت اطمنوا اميمه.....لا خليكي انتي مع جوزك انا هطمنوا هو وقمر ليله..... بابتسامه لا خليني اتصل انا عليه اميمه.....ماشي يا قلب احتك روحي يلا خلصي معاه عشان تروحي لجوزك ليله.....حاضر يا قلبي اميمه انتي مش هتيجي اميمه....هجيلك طبعاً يا نور عيني بس نعدي بكره كمان حتي انتي مسافره امته ليله......لسه يعني اخر الاسبوع اميمه.....خلاص يومين كده وهجيلك ماشي ليله......متطوليش يومين كتير يا اميمه اميمه....يابت انتي عروسه مش عايزه ابقي عزول ليكي انتي وجوزك افرحوا ببعض شويه يومين وهجيلك والله ليله....ماشي يا ستي اميمه.....خدي بالك من نفسك و اي حاجه كلميني ليله....حاضر يا قلبي اميمه.... بالسلامه يا نور عيني ليله......سلام يا حبيبتي قفلت معاها واتصلت علي قمر.. قمر....بصوت فرحان ايوه يا ليله ليله.... ايوه يا عمري صباح الفل قمر....صباح الهنا نقول صباحيه مباركه ليله....بضحك قولي صباحيه مباركه زغرطت قمر كتير و ليله كانت مبسوطه بفرحتهم اوي قمر......ربنا يسعد قلبك يا ليله يا بنت حواء وادم و يديكي من السعاده اللي تتمنيه ليله.....ويخليكي ليا يا احلي اخت في الدنيا طمنيني عمر وعلي بخير قمر....زي الفل يا حبيبتي كلمتي اميمه ليله....اه لسه قافله معاها و هتصل علي وليد قمر....ماشي يا حبيبتي روحي يلا كلمي اخوكي قلقان عليكي والله ليله.....حاضر هتصل عليه الوقت اهو قمر....طيب يا قلبي قولي لعشري مبروك ليله....حاضر هقولوا يلا باي يا روحي قمر....سلام يا قلب اختك. قفلت واتصلت علي وليد. رد وليد بسعاده وليد.....اه يا بنت الكلب ما صدقتي اتجوزتي قافله موبايلك و لا معبره اي حد ليله....بضحك انت عامل دوشه ليه عالصبح عمال تتصل باميمه وقمر و مش ساكت خير في حاجه وليد.....بضحك انا غلطان اني بعبرك والله خلاص روحتي لسي عشري و نسيتي الدنيا ليله......بحب مقدرش وحشتني وليد....وانتي كمان يا جزمه مكنتش عارف انك هتوحشيني اوي كده انتي كويسه ليله....انا زي الفل يا حبيبي و مبسوطه وكله تمام وليد...قلب اخوكي ربنا يسعدك ويبسطك و اشوفك ديما احسن الناس صباحيه مباركه يا عروسه ليله....الله يبارك فيك يا عمري وليد....قوليلي الباطجي بتاعك مضايقك والله اجي اموته ليله....بضحك لا قلبك ابيض البلطجي كويس متقلقش وليد.....سلمي عليه و قوليلوا مبروك ليله....يوصل يا حبيبي البنات ومها كويسين وليد.....كلهم بخير يا قلبي المهم انتي كويسه محتاجه اي حاجه يا ليله ليله....مش محتاجه غير سلامتك و دعوتك ليا وليد.....مش محتاجه توصيني قلبي بيدعيلك طول الوقت وانتي عارفه ليله....عارفه يا حبيبي عارفه انا طمنتك عليا اهو بلاش زن بقي علي دماغ اخواتك وليد....بضحك لا خلاص ادام سمعت صوتك ولا هعبرهم ليله....بضحك اصيل يا ابو صلاح ضحك وليد بحب وليد....يلا روحي لجوزك قبل ما يطول لسانه واجي اضربه ليله..... بضحك لا متقلقش سلم علي مها كتير وليد....يوصل يا حبيبتي يلا مع الف سلامه ليله....سلام يا حبيبي.. قفل وليد وهو مبسوط مها ....خلاص الحمد لله اطمنت وليد....بسعاده اه يا مها اه والله قلبي ارتاح مها....هي كويسه وليد ...زي الفل صوتها مبسوط و بتسلم عليكي مها....الله يسلمها يارب و يبارك في حياتها. وليد....يارب ............ ايمي.....احييييييه اخيراً هل هلالك ليله..... بابتسامه و حشتيني ايمي....انتي وحشتيني اكتر ليله ....قولت هفتح الموبايل الاقيكي متصله و باعته مسدج وقالبه الدنيا ايمي....لا ما انا سيبتك بقي تعيشي يومك براحتك محبتش ارخم عليكي و بيني وبينك قولت احافظ علي كرامتي من زماره عشري ليله..... بضحك والله هو اللي قالي اتصلي علي ايمي ايمي.....بضحك اخووووويا المهم طمنيني ليله....الحمد لله بخير ايمي....لا طمنيني يا ليله ليله.....بضحك عايزه ايه انتي في يومك ده ايمي...اخلصي يا بت بدل ما اجي اجيبك من شعرك والمصحف انا من امبارح عقلي معاكي انطقي حصل ليله.....بابتسامه كسوف اااا اه ارتاحتي ايمي.....بسعاده متتوصفش احييييييببه عليا وعلي القمر بتاعي اللي بقت عروسه رسمي يا فرحه قلبي بيكي مبروك ليله....بسعاده الله يارك فيكي يا احلي ايمي في الدنيا ايمي....انا هاين عليا اقوم ارقص ليله.... بضحك اتنيلي مش بتعرفي ايمي.....مش مهم المهم ارقص طيب قوليلي انتي كويسه البلطجي كان بلطجي ولا ابن ناس ليله..... بضحك لا متقلقيش البلطجي كان جميل ايمي.....امووووت انا ربنا يسعدكم و يفرحح قلبكم يا حبايب قلبي قولي للبلطجي ايمي بتقولك عاش يا بطل ليله.... بضحك اه يا واطيه لما تيجي انتي يا اختي ابقي قوليلوا ايمي.....وماله ابننا رفع راسنا لازم نشجعه ليله.....اه يا اختي مين يشهد للعريس ما ده اللي في القلب ايمي....بابتسامه حصل اخويا يا رخمه بقولك ايه روحي يلا خلاص مش عايزه اكلمك روحي للواد ليله....ما طبعاً يا اوطي من الرصيف خدتي مصلحتك واطمنتي ايمي.....يابت عيزاكي تتبسطي ليله....ماشي يا ستي بحبك يا ايمي ايمي....وانا بموت فيكي يا قلب ايمي خدي بالك من نفسك ليله....حاضر وانتي كمان باي يا عمري ايمي...حاضر باي يا قلبي خلصت ليله و اتصلت علي نادين ونعيمه و كلمت ايه و سلمي كلهم كانوا فرحانين اوي نادين اتبسطت انها اطمنت عليها وسمعت صوتها مبسوط نعيمه كمان كانت مكتئبه و مضايقه ليله فضلت تضحكها و فضلت تزغرطلها كتير و بهدلت ايه علي رسالتها وفضلوا يضحكوا سلمي كمان كانت مبسوطه اوي عشانها.. عشري كان سايبها براحتها تخلص مكالمتها و بعد شويه خبط ودخل. لقاها قاعده علي السرير و مبتسمه و باين انها مبسوطه عشري....ايه خلصتي ليله ....اه خلصت كلهم بيسلموا عليك وبيقولولك مبروك عشري....بابتسامه قرب منها الله يبارك فيهم يارب امونه كمان بتقولك مبروك يا عروسه ليله ... بابتسامه الله يبارك فيها عشري....بقولك ايه نقفل بقي الموبايل شويه و تعالي عشان في كلمتين كده واقفين في زوري هموت واقولهم ليله..... بابتسامه دلع متأكد انهم واقفين في زورك عشري.....بضحكه تجنن هنتأكد الوقت يا بلطجيه من مكانهم ضحكوا الاتنين و راحوا مع بعض في دنيا تانيه ........................... رشيد.....بتعملي ايه يا قلبي ايمي....ولا حاجه يا حبيبي كنتي بطمن علي چوي و بعمل عصير رشيد....هي كويسه ايمي...اه الحمد لله احسن بس انا قولتلها ترتاح كده كده مش محتاجه اي حاجه رشيد....تمام يا قلبي شويه كده والاكل هيوصل ايمي....طلبت خلاص رشيد....اه طلبت بقولك ايه ايمي.....قول يا حبيبي رشيد...ااا عندك مشكله لو اتصلت بحسان يجي يتغدي معانا بصتلوا ايمي بصدمه. ايمي......انت بتهرج يا رشيد رشيد...انا بسألك يا قلبي لو عندك مشكاه خلاص ايمي.....انت لسه مكمل رشيد هزعل منك بجد انت بتستأذني حسان يجي ولا لا طبعا يجي رشيد انت عبيط بجد رشيد.....يا قلبي انا قولت اقولك عادي انا بس حاسس انه طالع عينه و مش بياكل كويس عشان كده قولت بجي ياكل معانا ايمي.....لا مش عادي يا حبيبي ده حسان و بعدين دي اقل حاجه تعملها معاه حسان وقت ما انت كنت بتعمل البيت مكانش سايبك فا مينفعش تاخد رأيي في حاجه زي دي انت فاكر اني ممكن ارفض او اضايق رشيد....لا طبعا بس جايز متبقيش قادره تستقبلي حد ملكيش مزاج مرهقه حابه تكوني براحتك ايمي....لا طبعاً بلاش هبل كلموا اكيد وشوف لو تامر معاه خليه بجي هو كمان رشيد....بابتسامه ماشي يا حبيبي. ايمي....مخصماك علي فكره رشيد...بحب باس خدها خلاص بقي ميبقاش قلبك اسود والله قولت يمكن تكوني ملكيش مزاج ايمي.....لا بعد كده متاخدش اذني حسان اخويا والشباب كلهم رشيد...ماشي يا قلبي هكلموا اهو ايمي....ماشي يلا. اتصل رشيد علي حسان حسان.....الووو ايه رشيد رشيد....ايه يا حبيبي ايه الاخبار حسان....كله تمام رشيد.....اخبار البيت ايه طالع عينك طبعا حسان....اه والله يا رشيد جايين من بدري بس وقفنا من شويه رشيد....ليه حسان.....الدور اللي فوق خلص الحمد لله تامر شد شده كبيره انهارده و طبعا هيبداوا تحت فا تامر قالي هنوقف عشان تطلع حاجتك فوق و متتبهدلش رشيد....طيب ما كانوا سابوا الاوضه الانت فيعا للاخر حسان.....ماهي بهدله بقي اطلع الحاجه احسن رشيد...بس الحمد لله دي هانت خالص اهي حسان.....يعني الحمد للن بس لسه تحت ثلاث اوض و الريسيبشن كله بالجنينه يعني لسه شويه رشيد...هتخلص علي طول متقلقش حسان......يارب هو قالي كفايه كده و بكره كمان هيوقف لحد ما اقولوا اني طلعت كل حاجه هيكمل بقي هو انهارده وبكره عند سلامه و عسال عشان ميضيعش وقت رشيد....طيب كويس ارتاح بقي انت و نشوف حد يطلع الحاجه ويظبطلك الدنيا حسان....ما انا هعمل كده بس مش قادر والله اشوف حد لو ملاقتش هطلع انا واخلص رشيد....لا هنلاقي سيبها عليا انا دي المهم من غير كلام كتير ولا اعذار ولا حجج تاخد بعضك الوقت وتيجي تتغدي معايا انا وايمي و هات في ايدك الواد تامر حسان.....تامر مشي بقولك راح شقه عسال وسلامه وانا هقوم كده اطلع جزء من الحاجه لحد ما اشوف حد مش هقدر رشيد....سيب اللي في ايدك عشان والله ما هناكل غير لما تيجي و متطلعش حاجه ارتاح انا بقولك هجيبلك حد يطلعلك ماشي حسان.....اسمع بس رشيد....اسمع انت ايمي حامل و متقدرش تستني الاكل اخلص بدل ما اروقك ايمي....يلا يا حسان هنموت من الجوع رشيد....سامع يلا بقي حسان......طيب خلاص هغير بس واظبط نفسي و هاجي رشيد....قدامك قد ايه طيب حسان....يعني نص ساعه بالكتير رشيد.....حلو يلا اخلص و مستنينك حسان....ماشي يا حبيبي عايزين اي حاجه اجيبهالكم رشيد....ولا اي حاجه متجبش كله موجود ايمي....حسان لو جيبت حاجه وانت جاي هتروح بيها ويلا اخلص حسان....بايتسامه ماشي مش هتأخر رشيد....يلا يا صاحبي سلام حسان.....سلام. ................... فضلت نسمه مستنيه سليم يتصل عليها اتأخر شويه راح صلي الضهر و العصر و استني المغرب كمان صلاها و فطر هو و عدي و بعدين راح علي الاوضه بتاعته كلمها.. سليم.....الوووو نسمه.....اتاخرت ليه سليم....بابتسامه ايه ده انا اتأخرت نسمه...اه اوي سليم....اوي نسمه...اممم اوي كل ده بتصلي دي المغرب اذنت كمان سليم.....اه شكلي اتأخرت فعلا و أستاهل العقاب كمان نسمه....بضحك هو انت ايه حكايتك حاسه انك بتحب تتعاقب و بتطلب كمان انك تتعاقب سليم....بضحك بصراحه بتلكك نسمه....بتتلكك علي ايه. سليم.....عايز اجرب العقاب بتاعك نسمه....بس كده عيوني بس هتصعب عليا سليم.....لا اصعب عليكي ليه انا ما بصدق تغلطي عشان اعاقبك نسمه......اه قول بقي انك عايزني انسي اي صلاه عشان تبطل تكلمني يومين سليم....لا يمكن اعاقبك بطريقه تانيه نسمه.....لا ريح نفسك انا مش هعمل حاجه غلط يعني مفيش عقابك كنت فين كل ده بقي سليم.....انا روحت صليت و لاقيت المغرب اذنت صليتها برضوا عشان لو كلمتك متفوتنيش و امي عملتلي فطار انا وعدي فا قولت افطر واكلمك بقي و انا فاضي خالص عشان محدش ينادي عليا نسمه.....طيب فطرت كويس سليم....الحمد لله انتي كلتي نسمه....اه كلت الحمد لله سليم....طيب الحمد لله قوليلي بقي ايه المسدج القمر دي نسمه....بابتسامه جميله حلوه سليم...اه اوي نسمه....يعني قبلت اعتذاري سليم....لا سكتت ثواني و ابتسامتها راحت نسمه....طيب ليه؟ سليم.....لاني مش زعلان منك اصلا نسمه....بابتسامه بجد سليم... اه بجد هو بمكن بصاحه اكون زعلت امبارح لما شوفتك خارجه مع وليد اتصدمت من الفستان و كنت متعصب و حاولت اسكت بس بصراحه معرفتش عشان كده كلمتك و قولتلك تجيلي بس انا نسيت زعلي منك اصلا و انتي بتتكلمي معايا نسمه.....اشمعني سليم.....اشمعني ! هقولك لاني بصراحه اتكسفت منك نسمه.... بابتسامه مني انا طب ليه سليم....لاقيتك بتتكلمي بهدوء و مزعلتيش مني او من عصبيتي و حسيت انك مش بتكابري في الغلط فا قولت يعني خلي عندك دم و اسكت و بصراحه محستش اني زعلان منك نسمه....بس انا محستش انك متعصب علي فكره سليم....ايه ده بجد بس انا كنت متعصب شويه نسمه.....بابتسامه هاديه لا خالص و حتي لو كنت متعصب شويه يعني انا تقبلت عصبيتك دي و مش زعلانه لان عارفه انك خايف عليا سليم.... بضحكه جميله نسمه ممكن اسألك سؤال نسمه....اكيد سليم....هو انتي بجد طيبه اوي كده نسمه.... بضحكه جميله انا طيبه ؟ ده انا شريره جداً سليم....لا والله طيبه واوي كمان انا من يوم ما عرفتك عمري ما شوفتك شريره خالص انتي حد مريح جدا في التعامل يا نسمه و ده بجد مش هزار انا بحس انك طفله و مش طفله عنيده او شقيه انتي طفله هاديه و مطيعه و حتي لما بتغلط بتعتذر نسمه.....بابتسامه تجنن اااا يعني هو بس انا مش بحب اعمل مشكله مع اي حد بحبه و كمان بالاخص لو هو معاه حق سليم.....بابتسامه تجنن مع اي حد أيه؟ نسمه.....بحبه سليم.....امممم علي كده انتي بتحبيني نسمه......اه بحبك ضحك سليم علي هبلها واتصدم من صراحتها هو فاهم ان هي بتتكلم في العموم بس حتي وهي بتقول الكلمه بتقولها بكل براءه. حست نسمه من ضحكته بالكلمه اللي قالتها فا راحت ابتسامتها و سكتت و هي مصدومه مبقتش عارفه تقول ايه و اتكسفت جدا سليم.....بابتسامه ايه سكتي ليه نسمه....اااا لا مفيش يعني انا عيزاك بس تفهم كلامي سليم.....بابتسامه لا ما انا فاهمه نسمه.....بص يعني انت امبارح اما كنت بتتكلم معايا اه شكلك كان مضايق و متعصب شويه بس انا مزعلتش عشان عارفه انك بتنصحي بتتكلم معايا و انا لما بحتاجك في حاجه بلاقيك بتديني من وقت بتسمعني و بتفهمني و اكيد لما احس انك متعصب من حاجه خصوصا لو في مصلحتي هسمعك و مش هضايق سليم......طيب هسااك سؤال تاني و تردي بصراحه نسمه.....هرد بصراحه والله سليم......يعني لما كلمتك وجيتي لاقيتي متعصب و قولتلك علي ان الفستان مضايقني و الكلام ده كله مقولتيش حتي بينك وبين نفسك هو ماله بيدخل ليه او بصفته ايه بيقولي كده نسمه.....بصراحه سليم....بابتسامه اه بصراحه شتمتي فيا من جواكي صح نسمه....بضحك لا والله العظيم مقدرش اعمل كده اصلا و كمان مقولتش هو ماله ولا كل الكلام ده سليم....خالص نسمه....اه خالص والله تقبلت كلامك و عصبيتك زي ما هو سليم....طيب ليه مشوفتيش ان انا مثلا بتدخل فيكي او في حاجه تخصك نسمه....عشان محستش إنك بتتدخل حسيتك زعلان عشاني أنا يمكن قلبي على طول بيشوف الحاجات ببساطة ولما حد يكلمني بالطريقة دي بفهم إنه مهتم مش أكتر فا مفكرتش أسأل هو ليه ولا بصفته إيه بيقولي كده وانا لما بحس اني غلطانه بجد مبتكلمش كتير يعني نادر اخويا عمره ما بيعلق علي لبسي او تصرفاتي بس في اوقات ممكن يستفزه لبس معين يضايق من حاجه معينه فا يكلمني فيها حتي لو متعصب شويه لما بقولوا حاضر و مبردش عليه بلاقيه لوحده صوته بيهدأ و يتكلم براحه ويقولي انا هايف عليكي وعلي فكره هو كمان علق علي فسااني بس قبل الفرح هو شافه واضايق جدا بس مكانش في وقت اجيب غيره و قولتله كمان ممكن البس اي حاجه من اللي عندي هو محبش يزعلني قالي خلاص البسيه بس بعد كده بلاش تجيبي حاجه قصيره اوي كده فا انا مش بزعل منك انت ونادر سليم......رفع حاجبه اممم تقصدي يعني ان انا عندك زي نادر نسمه......يعني ايه مش فاهمه سليم.....يعني النصيحه اخويه بالنسبالك نسمه.....لا مش كده النصيحه مش شرط تكون اخويه يا سليم انا اقصد ان اي حد في الدنيا بيحب شخص بجد بينصحه يعني تقي بنت زيي زيها ممكن تنصحني باي حاجه مش شرط في اللبس بس و ابقي واثقه انها بتنصحني من حبها فيا فا هي صاحبتي زي اختي و متقبله منها اي حاجه.. انت لما نصحتني علي موضوع الصلاه جايز اوي يكون في غيرك كتير نصحوني ماما بابا ممكن نادر كنت بصلي وبقطع شويه اقول لا احترم نفسي هما معاهم حق بس مكنتش ملتزمه بصراحه و انا بشوف ان موضوع الصلاه او اي حاجه ليها علاقه بالدين محتاجه تركيز طولة بال و ده مش عيب فيهم بس كانوا بينصحوا علي فترات طويله لما يحسوا اني بصلي خلاص يسكتوا مفيش تشجيع مثلا و لما ابطل ممكن ياخدوا بالهم بعد فتره طويله لكن الموضوع معاك يمكن مختلف لان كلامك اصلا معايا كان مختلف سؤالك عن الصلاه بصفه يوميه بتخليني ديما فاكره الصلاه سؤالك بيخليني ديما مركزه فا نصيحتك ليا هنا كانت مهمه و بالنسبه للفستان جايز يكون بان عليك شويه انك مضايق بس انت بالذات يا سليم مبقدرش ازعل منك و بتقبل كلامك سليم....طيب واشمعني انا بالذات نسمه.....عشان بحس زي ما قولتلك ان ده مش مجرد نقد تقيل علي قلبي انت بتنتقد و بتنصح بطريقه قريبه من قلبي انا بحب الطريقه دي اللي هو حتي لو انت متعصب عصبيتك مش بتبقي مش في مكانها و في نفس الوقت بتتعصب علي حاجه في مصلحتي وده اكيد معناه اني حد مهم بالنسبالك او حد عزيز عليك مش حابب انه يغلط او يتحاسب علي حاجه زي دي و الاهم اني مش بحب ازعلك سليم.....بأبتسامه ده بجد زعلي بيفرق معاكي ؟ نسمه....ايوه والله بيفرق معايا جدا لسببين سبب عادي و سبب ممكن تعتبروا اناني شويه سليم....مش فاهم تقصدي ايه نسمه....يعني السبب العادي اني مينفعش ازعلك وانت خايف عليا و بتنصحني و السبب التاني ان بكل بساطه يا سليم معنديش استعداد ازعلك مني لان وجودك في حياتي مهم اوي مش حابه اخسرك اضايقك ازهقك مني اخليك تحس ان وجودي في مشاكل او مناهده كتير سليم انا بحب اهتمام وسؤالك عني كلامك معايا مكالماتك هزارك خوفك عليا بحب اوي انك بتسمعني حتي عصبيتك اللي انت شوفتها كتير انا مشوفتهاش كده و مقولتش بيني وبين نفسي هو ملهوش دعوه ولا اقدر اقولها يعني كل ده بالنسبالي مهم اوي انا مش عارفه انا مهمه بالنسبالك لأي مدي مهمه زي ما انت مهم و لا اقل شويه معرفش انت بتعتبرني صاحبه ولا اخت و لا حد تعرفوا بس انا بقولك يا سليم انا مش بزعل منك واي وقت تحس اني بعمل حاجه تضايقك قولي لو في نصيحه لحاجه غلط عملتها من غير ما اخد بالي عادي انصحني مش هزعل منك لو حاسس انك متعصب مني في حاجه متحاولش تداري عصبيتك دي لان لو دارتها هتفضل شايل مني لكن لو خرجتها هترتاح واكيد انا مش هضايق لاني فاهمه ان معني ان الشخص يتعصب فا اكيد ليك غلاوه عنده لان لو هو مش فارقك هتبقي بارد و عمرك ما هتتعصب او يفرق معاك فا انت ليك كل الصلاحيات يا سليم و انا متقبله اي حاجه منك بس يعني خليك ديما موجود... ابتسم سليم و حس انه اتاثر بكلامها. سليم.....نسمه هو انتي بعتيلي الرساله دي عشان خوفتي ازعل او مبقاش موجود نسمه....بهدوء بصراحه سليم....اه بصراحه نسمه....ايوه يا سليم سليم.....بس ليه تفكري كده مين قال اني مش هبقي موجود و بعدين انا لو مضايق كان ممكن من البدايه لما شوفتك بالفستان اخد جنب و مبقاش موجود مش اعاتبك و ابين زعلي عشان انتي تفهمي اني اضايقت نسمه.....انا اكيد مبسوطه انك عملت كده بس انا حبيت ابعت المسدچ عشان لو لسه زعلان متزعلش او تاخد جنب مني سليم....انا مش هعمل كده يا نسمه و زي ما انتي حابه وجودك معايا انا كمان حابب وجودك يا نسمه و علي فكره انتي مهمه بالنسبالي زي ما انا مهم بالنسبالك مش بدرجه قليه ولا حاجه انتي جميله اوي يا نسمه و طيبه اوي لدرجه محيراني نسمه...يعني ايه محيراك سليم.....يعني مش عارف هو في حد كده بجد ولا انتي شريره بجد و بتضحكي عليا نسمه....بضحك لا انا شريره و بضحك عليك سليم....بضحكه جميله لا مش مصدقك عموما انا جنبك و هفضل انصحك واسمعك و اهتم بيكي و اخاف عليكي يعني مش هبعد نسمه....بسعاده ماشي سليم.....مبسوطه نسمه.....بضحك اه مبسوطه طبعاً سليم......طيب هو انا ينفع يعني اشوفك نسمه.....تشوفني نخرج يعني سليم....لو مش عايزه خلاص بس انا حاسس اني عايز اشوفك و اوي كمان نسمه.....ااااا ماشي وانا كمان سليم.....عايزه تشوفيني بجد نسمه....بضحكه جميله اه والله عايزه اشوفك سليم.....طيب اشوفك بكره؟ نسمه.....اوك تمام بس انت بكره عندك شغل و بقالك يومين مش بتفتح هشوفك امته سليم.....عادي هتصرف انا بس قوليلي الوقت المناسب ليكي امته و اصلا هتعرفي تنزلي ولا لا نسمه.....اه هعرف بس يعني من اول خمسه لحد عشره تقدر تشوفني في الوقت ده سليم......طيب حلو علي سته مناسب ليكي نسمه....طيب مناسب هجيلك فين سليم....انا اللي هجيلك في نفس المكان اتفقنا نسمه....بابتسامه حاضر اتفقنا سليم....ماشي نسمه.....انت هتعمل ايه الوقت سليم.....ولا حاجه قاعد هروح بس اشوف عدي كده واتكلم معاه شويه و لو فاضيه هبقي اكلمك تاني نسمه.....اه فاضيه لو كنسلت عليك اي وقت ممكن اكون بعمل حاجه سليم.....ماشي هتقفلي نسمه.....اه روح يلا شوف عدي سليم.....خدي بالك من نفسك نسمه....بابتسامه حاضر سليم.....باي يا قمر نسمه....بتنهيده باي ابتسم سليم وقفل ............................... ليله وعشري سرقوا من يومهم لحظه جديده و جميله متتنسيش من غير خوف ولا رعب كانت مبسوطه بشكل ميتوصفش مشاعر و احاسيس جديده بتعيشها لاول مره مع حبيب عمرها خرجت ليله من التويلت بعد ما خدت شاور لبست فستان ساده خالص كب و قصير لونه موڤ غامق شكلها كان يجنن عملت ميك اب يهبل و ظبطت شعرها لبست صندل شيك كانت متفقه مع عشري يغيروا مودهم شويه بقعدوا مع بعض يتفرجوا علي فيلم يعملوا اي حاجه عشان ميحسوش بأي زهق. و فجأه مسكت بطنها و نادت علي عشري و هي بتقولوا الحقني. دخل عشري جري عليها و هو مرعوب. عشري....في ايه ليله.....عشري بطني بتتقطع وللحديث بقيه....

مقالات ذات صلة

ابن ليل