چاسمين

فلاش باك
سعيد…..مبروك يا عائشه
عائشه…الله يبارك فيك يا سعيد
سعيد….مبسوطه
عائشه….اوي اوي يا سعيد ربنا يديك علي قد نيتك و ان شاء الله كل حاجه حلوه عملتها معايا ربنا هبعوضك عنها كل خير عشان انت راجل جدع و محترم و طيب وحنين
سعيد….كل ده ده ايه الكلام الحلو ده كله ده كتير عليا
عائشه….مفيش حاجه تكتر عليك ابدا انت تستاهل اكتر من كده بكتير و عشان كده ليك عندي مفجأه
سعيد….مفجأه ايه
عائشه….تعالي معايا ولا اقولك خليك هنا عشان بيري متصحاش انا راجعه تاني
سعيد….ماشي يا ستي مستنيكي
غابت عاىشه شويه ورجعت وفي ايدها شنطه قعدت قدامه و طلعت شنطه تانيه من جوه الشنطه كانت قماش و ليها سوسته.
عائشه….امسك يا سعيد
سعيد….ايه دي
عائشه….افتحها بس
فتح سعيد الشنطه و بص پصدمه  علي اللي فيها و بعدين بص لعائشه
سعيد….ايه ده يا عائشه بتوع مين دول
عائشه….بتوعي والله العظيم يا سعيد الشنطه اللي معاك دي فيها دهب حوالي 3 كيلو و فيها 250 الف جنيه في كمان طقم الماظ الحاجه دي كانت شبكتي ومهري و في كمان دهب بتاع امي الله يرحمها و جزء من الفلوس كان ورثي من ابويا الله يرحمه اداهولي وهو لسه عايش كان عنده بيت باعه و قالي ده حقك و نصيبك قالي اخبيه عشان جوزك مش هيوافق و هيقول انك مش محتاجه حاجه طول ما انتي معاه كان عارف اني مش موافقه علي الجواز و كان عار اني ممكن يجي عليا يوم وامشي فا خاف يسيبني لوحدي من غير حاجه اتسند عليها كان عارف اني هحتاج الفلوس الباقي حاجته هو يمكن مكنتش عيزاها ولا حتي لبست اي حاجه موجوده معاك لاني مكنتش عايزه حاجه منه بس انا الوقت محتاجه كل مليم و بيري محتاجه الفلوس دي
سعيد…ايوه يا عائشه بس ليه بتديني الفلوس دي دي حقك انتي وبتاعتك امسكي شيليها لحد ما اخدك تروحي تفتحي حساب في البنك و كمان لو حابه نشيل الدهب ده في خزنه في البنك شيليها مش حابه بيعي الدهب و الفلوس حطيها في البنك مع باقي الفلوس لحد ما بنتك تكبر
عائشه….بنتي ! قصدك بنتنا
سعيد….اكيد بنتنا بس في الحق يا عائشه دي فلوس بنتك انتي الفلوس دي امان وحمايه ليها
عائشه….بس لا انا ولا بيري محتاجين الفلوس دي يا سعيد الفلوس دي ليك انت
سعيد…انا لا طبعا مستحيل انا صحيح ظروفي مش احسن حاجه بس انا مش محتاج و زي الفل و كل حاجه تحتاجيها انتي وبيري انا ربنا هيقدرني و هعملها
عائشه…..انا عارفه يا سعيد ومش محتاج تقولي انا شوفت بعيني كل اللي عملته معايا من غير مقابل و لا طمع انت اصلا مكنتش تعرف حاجه عن الفلوس دي يعني كل حاجه عملتها معايا كنت حقيقيه ومن قلبك بس صدقني الفلوس دي نصيبك الحلو و رزقك من ربنا انت قولتلي ان حلمك تعمل شركه عقارات و
شوفت بعيني انك بتسعي وبتشتغل ليل ونهار عشان تحقق حلمك ده الفلوس دي مش هقدر اعمل بيها اي حاجه و لا في حاجه في دماغي اصلا خدها يا سعيد اعمل بيها مشروعك و اللي هيعود عليك هيبقي رزقك و رزقي ورزق بيري شغل الفلوس دي يا سعيد
سعيد….ايوه يا عائشه بس مش هقدر صدقيني مش هقدر
عائشه….عشان خاطري يا سعيد ريحني الفلوس دي مش هعرف اشغلها اعتبر يا سيدي انهم سلف او اقولك اعمل بيهم مشروعك انا و بيري هنبقي شركاء معاك بالفلوس وانت بالاداره والشغل خلينا نبدأ حياه جديده وجميله و كلها رزق وشغل و احلام جميله
سعيد….بأبتسامه بدل ما انا اللي اجبلك شبكه ومهر انتي اللي تديني كل ده
عائشه….انت ادتني انا وبنتي اللي اكتر من الفلوس يا سعيد ادتنا الامان والحب والدفا حميتنا وحافظت علينا فتحتلي بيتك وانت مش عارف ممكن يكون ورايا ايه صرفت عليا من تعبك وشقاك و انت بتحاول تحوش قرش عشان مشروعك اللي بتحلم بيه كنت بمۏت و بنتي كان وضعها خطړ في بطني جبتلي دكتور و عالجتني و فضلت رابح جاي عليا جبتلي واحده تولدني و كل مصاريف الولاده والعلاج والاكل جبتهم جبتلي لبس و جيبت لبيري فرحت بيها كأنها بنتك عملت اللي اكتر من كل ده يا سعيد كتبتها علي اسمك حافظت عليها و امنت مستقبلها حميتها من غدر الايام خليت ليها اسم و بسببك هتقدر تتعلم وتكبر و يبقي ليها اوراق في البلد.
سعيد…..ده واجب عليا يا عائشه
عائشه….لا يا سعيد مش واجب انت مكنتش ملزم بكل ده بس عشان انت راجل محترم عملت كل ده و عشان كده انا لازم ارد ولو جزء بسيط ليك يمكن انا طول الفتره اللي فاتت مقدرتش اعرفك و بصراحه كنت متردده وحابه اشوف مواقفك معايا بس اتأكدت انك تستاهل كل خير وبعدين انا بقيت مراتك وبيري بقت بنتك يعني بقينا واحد احنا الثلاثه خدهم بقي عشان خاطري وبعدين انت ناسي انك عايز تعمل سبوع لست بيري بكره
سعيد…لا معلش سبوع بيري ده عليا انا بقي انا ناويها والله من الاول عشان افرحك
عائشه….وانا عارفه والله ممكن تاخد بقي الفلوس و عايزه في اقرب وقت اشوفك بتعمل المشروع عايزين نفرح بنجاحك ونجاحنا
سعيد….ماشي يا عائشه هاخدهم بس انتي هتبقي شريكه معايا و ربنا يعلم ان كل قرش هيدخل جيبي هيبقي ليا انا وانتي وبيري
عائشه….وانا موافقه.
ابتسم سعيد وضمھا بحب
في صباح يوم جديد
جهز سعيد كل حاجه جاب حاجة السبوع كلها.
عائشه….براحه يا سعيد هقع
سعيد…مټخافيش انا ماسكك كويس بس غمضي عينك واوعي تشوفي
عائشه….مش شايفه والله و بعدين انت حابسني في الاوضه بقالي ساعتين بتعمل ايه كل ده
سعيد…..هتشوفي الوقت يلا افتحي عينك
فتحت عائشه عينها وابتسمت بسعاده البيت كله كان بلالين و شمع و السبوع علي التربيزه و جايب الغربال اللي بيتحط فيه البيبي
عائشه…..ايه كل ده انت عامل سبوع بجد
سعيد….امال هو انا عندي كام بيري عجبك
عائشه…..عجبني بس ده حلو اوي
سعيد….طب يلا بينا عشان نعمل السبوع فين بيري روحي هاتيها بسرعه
عائشه….حاضر
راحت بسرعه جابت بيري وحطوها في الغربال
سعيد….يلا بينا
مسك الهون وبدق يدق
سعيد…اسميعي كلام امك
ضحكت عائشه بكل صوتها
عائشه….اسمعي كلام ابوكي
سعيد….يلا عدي بس براحه صحيح هما بيقولوا ايه الاوله بسم الله صح كده
عائشه…..تقريبا اهو قول اي حاجه انا راضيه
ضحك سعيد و عمل ا السبوع مع بعض وقضوا وقت جميل كله سعاده و فرحه
فاق سعيد من شروده علي دموعه اللي بتنزل ڠصب عنه
سعيد…..وحشتيني يا عائشه وحشتيني اوي سامحيني حاولت احافظ علي بنتنا علي قد ما اقدر بس الظروف اجبرتني علي حجات عمري ما تخيلت اني اتحط فيها سامحيني يا حبيبتي كان لازم اعمل كده عشان احافظ علي بنتنا اضطريت اقول حاضر ونعم عشان خۏفت علي بيري فاتن شيطانه بعد ما عرفت السر اللي انا وانتي خبيناه بقي صباعي تحت ضرسها و كلمه واحده منها ممكن تدمرني و تدمر بيري عشان كده سكت و بقيت في نظر بيري ونظر ولادي اب ملهوش اي قيمه اب ملهوش شخصيه مراته اللي ممشياه بس ڠصب عني خۏفي علي بيري منعني من اني اقف قدامها بس صدقيني يا عائشه خلاص انا عارف هعمل ايه كويس هصلح كل حاجه بأيدي حتي لو بعدها ھموت المهم تسامحيني و لما اجيلك يا حبيبتي تبقي راضيه عني يا احلي حاجه في حياتي
يا عشرتي الجميله اللي مكانش ليا فيها نصيب غير شهور بسيطه
بحبك يا عائشه و هعمل كل حاجه تخليكي مرتاحه في تربتك
وبيري مفيش اي حاجه هتمسها من هنا ورايح اطمني عليها هحميها و اخواتها هيحموها حتي لو مبقتش موجود سامحيني يا ملاك .
مسح سعيد دموعه وطلع علي الاوضه بص لفاتن بنظره ڠضب وهي نايمه وبعدين نام واداها ضهره و فضل تايه في ذكرياته ودموعه نازله في صمت.
…………….
وللحديث بقيه