چاسمين

فريد….بمعني
بيري…..مش عارفه يا فريد يعني في سر بينهم اكيد يخليه بيقول حاضر وطيب ونعم علي كل حاجه مهما كان الراجل طيب او بيحب الست اللي معاه فا ده مش مبرر لضعف شخصيته
فريد….وليه شايفه ان في سر بينهم ما يمكن تكون شخصيته ضعيفه فعلا قدامها في رجاله يا بيري ملهاش شخصيه يمكن يكونوا مش كتير و حالات فرديه بس موجودين ليه شايفه ان ممكن يكون في سر احكيلي يمكن نقدر نوصل لحاجه
بيري…..انا مفيش حاجه فكراها ممكن احط ايدي عليها واقول هو ده السبب بس يمكن كلام صح اه في رجاله شخصيتهم ضعيفه بس ده بيرجع لعقده او سبب من طفولته مع اهله مع امه ابوه لكن اللي اعرفه انه معندوش حاجه من النوع ده و بعدين الراجل لما بيبقي ضعيف الشخصيه بيبقي ضعيف مع الكل سعيد الصاوي مش ضعيف اوي بالشكل ده مع كل الناس اوقات كنت بشوفه متعصب في الموبايل علي حد من الموظفين حتي لو كانت ست اوقات كان ممكن يتعصب عليا انا واخواتي لما بنغلط يعني اب عادي مسالم احيانا وعصبي احيانا عصبيته متفاوته مع كل الاشخاص علي حسب المواقف لكن معاها مستحيل يرفع صوته سرحت بيري وهي بتتكلم يعني مش قادره اتخطي مواقف كتير كانت بتحصل بينهم كنت بسمعهم و اشوفهم من بعيد من غير ما يحسوا بيا مش قادره انسي كام موقف كانت بتشخط و تزعق فيه و هو واقف زي الطفل اللي غلط غلط كبير اوي و هايف حتي يرفع عينه فيها دي اوقات كانت ممكن تغلط تعمل مشكله مع حد تاخد مبلغ كبير منه وهو يعرف بالصدفه مكانش بيقدر يتكلم و لو فكر انه يعاتبها او حتي يفهم هي عملت كده ليه كان بيكلمها بكل هدوء عصبيته كانت ديما جواه عمره ما ظهرها قدامها مهما كان غلطها عمره ما قدر يقف قدامها و يتعصب عليها بېخاف اه بېخاف و خوفه منها ده كان بېقتلني قبل ما اعرف حقيقه انهم مش امي وابويا يا فريد كنت اوقات ببقي نفسي اشوف لابويا موقف و وقفه قويه تخليها تقف عند حدها كنت بضايق اوي منه لما اشوفه ساكت و كنت بمۏت لما اشوف في عينه نظره خوف منها و كان بيبقي هاين عليا اروح اقوله انت ساكت اتكلم زعق اتعصب مش عشان معاملتها معايا والله هي مهما كانت بتعمل كنت بحبها لانها بالنسبالي امي بس كمان اي بنت في الدنيا بتحب تشوف ابوها بشكل تاني يعني الاب ده حاجه كبيره قدوه هيبه كيان و مينفعش الكيان ده تهز في عين البنت و عشان كده اتمنيت كتير اشوف ليه اي موقف بس للاسف ده مكلنش بيحصل و كان سكوته بيموتني
فريد….طيب قوليلي يا بيري ايه اسوء موقف او اكبر موقف حصل بينهم و شايفه انه كان لازم ياخد فيه اكشن و محصلش
بيري….لا كتير اوي يا فريد يعني مثلا موقف بسيط زي اللي مازن قاله ده انها حبست مريم و سمع مريم وهي بټعيط وبتترجاه يفتح وهو خاف و زي موقف الڤيلا اللي خدتها من مهيب من غير ما هو يعرف و عداها عادي من غير ما حتي يلومها انها عملت كده من غير مترجعله يمكن هي قالت انها عملت كده عشان تعملها مفجأه بس علي حسب كلام مهيب الڤيلا دي خدتها لما خدت الڤلتين بتوع مازن و مريم و
—
دول من حوالي سنه ونص تقريبا مفاجاه ايه دي اللي تقعد سنه ونص
فريد….طيب قوليلي هي كانت بتجيب منين حق الڤيلا اصلا
بيري…من مرتبه هو
فريد….وازاي و هو ميعرفش
بيري….ماهي دي من ضمن الحجات اللي كانت بتضايقني هو كان ممنوع اصلا يمسك في ايده فلوس بمجرد ما يقبض يرجع جري يديها و مستحيل يقدر يتجرأ ياخد مليم من الفلوس من غير ما يرجعلها كان بياخد مصروفه اللي يمشيه زيه زينا و ميقدرش لا يطلب اكتر ولا حتي يعترض هي اللي كانت بتتصرف في كل حاجه و بتعمل كل حاجه مش هو .
وبس هي كل المواقف زي كده انا في مواقف كتير لو قعدت وافتكرتها هتتصدم بس يمكن في مواقف معينه بالنسبالي عمري ما قدرت افهمها و لا قدرت حتي اتكلم فيها كنت بضايق من سكوته فيها و كان بيبقي عندي فضول افهم بس تقدر تقول انها مربيالي الړعب مكانش عندي الجرأه اني أسألها لان ابويا نفسه مكانش عنده الجرأه دي بيقولوا ان الولاد بياخدوا الشجاعه و القوه من ابوهم و امهم بس للاسف هو مكانش عنده الشجاعه ولا القوه اللي تخليني شيفاه قدوه ليا و تخليني اعمل زيه ولا هي كانت بتنمي فينا حاجه زي دي للاسف هي كانت بتهد الشجاعه دي بنظره من عينها
فريد….طيب ايه هي المواقف دي
بيري…يعني مثلا هي طول عمرها وحيده ملهاش حد لا قرايب ولا اهل لا ام ولا اب ولا اخوات معرفش اصلا عندها كام اخ واخت معرفش ابوها وامها عايشين ولا لأ ولو ماتوا ماتوا امته ملهاش اي حد و طبعا و مكانش حد فينا عنده الجرأه انه يسالها سألناها مره زمان قالت ان هي وحيده واغلب اهلها ماتوا فا عادي الموضوع عدي بس طبعا مؤخرا لما الموضوع بتاعي اتعرف و طلبت مني ارد الجميل ليها انها ربتني لما حاولت افهم واعرف ايه الجميل ده اللي في رقبتي ليها قالت انها بسببي خسړت كل اهلها واتبروا منها ومبقتش تعرف عنهم حاجه بسبب انهم فكروا انها غلطت مع بابا فيا لانها كانت وعدت بابا انها مش هتقول اني مش بنتهم.
طبعا انا مش عارفه كلامها صح ولا غلط بس مش هقدر انسي نظرتها لسعيد الصاوي لما كان هيتكلم سكت وخاف و انا بقيت تايهه وسطهم و تايهه عن الحقيقه المهم يعني ان معلوماتي البسيطه ان هي ملهاش اهل من وقت ما اتجوزته ملهاش صحاب هي اصلا شخصيه مش بتعرف تكون صداقات و لا بتحب الاختلاط كل اللي كان بيهمها انها تعرف ناس تقيله في البلد ليها علاقات كتير مش هنكر بس علاقتها رسميه ليها نوع خاص يعني مصالح برستيچ معارف تقدر لما تحتاج ليهم يساعدوها لكن صحاب صحاب لأ
المواقف بقي اللي انا بتكلم عنها وكنت بستغربها ان اوقات كانت بتخرج و تختفي بالساعات و اوقات كمان كان ممكن تأخيرها ده يوصل لحد الصبح كنت انا واخواتي نفضل نسأل عليها و ننام علي نفسنا من كتر ما استنينا ترجع و كنا بنشوفها الصبح لما نصحي كل ده كان بيعدي علينا واحنا اطفال بس انا لما كبرت شويه بدأت اركز في تأخيرها واختفائها لما كانت ترجع و بابا مثلا يقولها كنتي فين تقوله عند صاحبتي مكانش بيتكلم ولا بيسأل مع انه عارف انه ملهاش صحاب و اوقات تانيه كانت ترجع و بحس انه هاي يسألها انتي كنتي فين
فا الموضوع بالنسبالي غريب و موقفه اغرب ست لا ليها صحاب ولا اخوات ولا اهل بتروح فين وليه انت مش بتحاول تعرف مع العلم اوقات كان يرجع يسأل عليها يعني ميعرفش هي فين ولما ترجع مكانش بيقدر يسألها
فريد…..طيب وتفتكري كانت بتروح فين
فاتن….صدقني معرفش انا يمكن لحد ما كبرت مكنتش بسأل الموضوع بالنسبالي بقي عادي لان انا لا هقدر اسالها ولا هي اصلا بتقول فا بقيت مش بهتم و لا بحاول افكر بيني وبين نفسي بس بعد اللي حصل معايا و بعد الظروف اللي بنمر بيها الوقت مش هكدب عليك يا فريد انا بفتكر كل المواقف دي و بحاول الاقي ليها تفسير مش عارفه في حاجه غلط ايه هي انا مش قادره اوصلها مفيش راجل في الدنيا ېخاف يسأل مراته كانت فين اتأخرت ليه مفيش راجل ميقدرش يعترض علي الغلط او يدي مراته مرتبها و ياخد مصروفه زي الطفل الصغير كل ده يخليني اكون واثقه ان في سر كبير بينهم قتل سالي و سكوتهم عليهم كمان في سر حتي انا انا يافريد في سر في حياتي هما بيحاولوا يخبوا عني انا عايزه اعرف انا مين بنت مين اسم ابويا وامي الحقيقين ايه طيب ليه سابوني ليه سعيد الصاوي وفاتن هما اللي ربوني طيب انا ابويا وامي الحقيقين غلطوا مع بعض ورموني في الشارع ولا اتخطفت و لا الحكايه اللي حكوها هي اللي صح و سعيد اتجوز امي فعلا و وصيته عليا طيب فعلا اهلها صعايده وخاڤت عليا ابويا فعلا ماټ قبل ما امي تولدني كل دي اسئله نفسي الاقي اجابه واحده بس عليها انا طول الوقت بحاول اشغل نفسي و مفكرش لاني لما بفكر بوص لنفس النقطه ونفس الحاله انا تعبانه اوي يا فريد اوي
فريد…مسك ايدها وبصلها بيري انا حاسس بيكي والله و مش هقدر امنعك انك تفكري بالطريقه دي لان ده ڠصب عنك واي حد مكانك هيمر بنفس شعورك بس انا عايزك تهدي بلاش تضغطي علي اعصابك بالشكل ده كل الاسئله اللي انتي عايزه تعرفي اجابتها هتعرفيها بس اكيد في الوقت المناسب هنوصل لكل سؤال انتي عايزه تعرفيه بس الصبر يا بيري
بيري…لحد امته يا فريد انا تعبت بجد انا يمكن بحاول و بجتهد اني ابقي تمام و يمكن كمان ابان اني كويسه وبقيت افضل بس انا من جوايا تعبانه اوي عايزه اعرف الحقيقه اعرف انا مين مين اهلي اساميهم ايه كمان اخواتي وحشوني يا فريد و زهقت من الحپسه دي اوي عارفه اني مضطره اقعد بس تعبت انا حتي مش مسموح ليا اخرج بره البيت ده يمكن هو اكتر بيت حسيت في بالامان و لجد بحبه والله بس زهقت اوي احساس انك محپوس و متقيد و هربان احساس بشع انت اكيد فاهمني صح
فريد….فاهم طبعا وعشان مقدر الحاله اللي انتي فيها دي انا بقالي كام يوم قاعد معاكي و مش بروح الشغل عشان مفضلش سايبك طول اليوم لوحدك
بيري….وده مش حل يا فريد اكيد مبسوطه انك بتفكر فيا و بتحاول تخليني مبسوطه ومش لوحدي بس انا هضايق اكتر لو حسيت اني مخلياك بعيد عن شغلك وحياتك
فريد…وانا مشتكتش يا بيري
انا مبسوط علي فكره
بيري…..من غير ما تشتكي يا فريد انا عارفه انك بتعمل ده وانت راضي بس انا مش راضيه يا فريد ولازم يكون في حل لازم تشوف حياتك وشغلك و انا لازم اشوف حياتي اخرج و
—
اشوف اخواتي و صحابي انا مش هفضل طول عمري هربانه لو في حد المفروض يهرب يبقي كل اللي غلط في حقي مش انا يا فريد
فريد…بيري صدقيني كل اللي انتي عيزاه هيحصل وقريب اوي بس لازم نفسك يكون طويل انا عارف انك مضغوطه و عارف ان الحپسه دي مش سهله علي اي حد خصوصا لما تبقي ڠصب عنك بس عشان خاطري اتحملي شويه خلينا نوصل للب احنا عايزينه من غير غلط و من غير ما حد فينا يتأذي فهماني يا بيري
بيري….فهماك اطمن انا هتحمل و اكيد يعني مش هبوظ اللي احنا بنحاول نوصله انا بس بتكلم معاك مش اكتر
فريد….و انا هسمعك في اي وقت
بيري….المهم زي ما قولتلك دور وراهم يا فريد اكيد هتوصل لحاجه و حاجه كبيره انا متأكده
فريد…..اكيد هعمل كده اصلا المفروض كنت عملت كده من بدري بس للأسف انا بدرو وراء اكتر من شخص و بحارب في اكتر من جبهه عشان كده مجاش في بالي خالص اركز معاهم او كنت مأجلهم
بيري….لا بعد ما طلعوا عارفين حقيقه مۏت سالي وساكتين مبقاش ينفع تأجل انا واثقه انك هتوصل لحاجه
فريد….ماشي اتفقنا
بيري…طيب سيبك من كلامي اكدت علي امجد ميقولش قدام سهر
فريد…مش هيقول متقلقيش هو اصلا كان بيقولي سهر مش لازم تعرف
بيري…طيب و مازن ومريم انا قلقانه منهم مريم كانت هتقول لسهر
فريد….اخوكي منعها يعني فاهم اكبد ان سهر مينفعش تعرف واكيد فهم مريم يعني متقلقيش
بيري….طيب بخصوص امجد بقي مش شايف انك ضغطت عليه شويه بكلامك و كنت قاسې معاه
فريد…ليه قولت ايه انا
بيري…كلامك عن بباه
فريد…پغضب بسيط حاولت يخفيه و هو انا قولت حاجه غلط مش دي الحقيقه
بيري…مقولتش حاجه غلط انا عارفه بس متنساش يا فريد انه بباه
فريد….انا مش ناسي بس امجد مشتت و اي حد في مكانه بيفضل طول الوقت يفكر يبقي القرار قدامه ومش عارف ياخده
بيري….لو تقصد علي مساعدته لينا فا هو قالك انه مهما حصل هيساعدنا
فريد…انا عارف انه هيساعدنا و مش بتكلم في النقطه دي بس عشان نضمن مساعدته يا بيري لازم امجد يواجه نفسه بالحقيقه يمكن هو صدق و بالدليل و يمكن كمان سمع بنفسه و بلغنا عن معلومات سمعها من والده شخصيا بس عشان هو والده انا كان لازم اتكلم معاه بالشكل ده شوفي يا بيري هقولك علي حاجه ولازم تفهميها كويس
امجد و ملك بيمروا بأصعب فتره في حياتهم اختبارهم يمكن من اصعب الاختبارات اللي حصلت معاهم اه هما خلاص بقوا متأكدين ان والدهم عمل كل المصاېب دي و اه هما رافضين ده بس لانه ابوهم هيفضل عقلهم يجيب ويودي اوقات من جواهم هيحسوا انه لا لازم نقف قصاد الغلط حتي لو كانوا هيقفوا قصاد ابوهم واوقات تانيه بيبقي عندهم جزء من تأنيب الضمير انهم ممكن يسلموا ابوهم بنفسهم
و التشتيت ده مش حلو اولا ممكن يبان عليهم ممكن يبوظوا حجات كتير بتصرفاتهم ثانيا التردد ده ممكن يوصلنا لمكان احنا مش حابين نوصله فهمتي
بيري….انا فهماك اصلا و اكيد حاسه بأمجد و ملك اذا كنت انا نفسي بعد ما عرفت ان عيلتي مطلعتش عيلتي لما بقعد افكر مع نفسي و افكر في اللي ممكن يحصلهم بزعل عليهم مهما كان بينا عشره وسنين ولحد وقت بسيط كانوا بالنسبالي ابويا و امي فا اكيد اللي هما بيمروا بيه ده صعب عليهم لانهم بيواجهوا ابوهم الحقيقي بس اللي اقصده ان عشان الفتره دي بالنسبالهم مش حلوه مش لازم احنا كمان نضغط عليهم و نخليهم يفتكروا الواقع اللي بيحاولوا ينسوا
فريد….واهو عشان النقطه دي بالذات انا اتكلمت مع امجد بالطريقه دي هما لازم يا بيري يفضلوا فاكرين الواقع لانهم لو نسيوا في شعره بسيطه بين صوت القلب وصوت العقل لو مشينا وراها هنبقي تايهين العاطفه ممكن تبوظ كل حاجه لا هنبقي عارفين نعمل الصح و لا ناخد اكشن في الغلط
بيري….تمام يا فريد انا فهمتك و اكيد انت معاك حق بس انا يمكن عشان امجد قريب مني محبش اشوفه في الحاله دي
فريد….بصلها بنظره غريبه كلها ڠضب يعني ايه مش فاهم
بيري….مش فاهم ايه
فريد….بتوتر قرب ايده من راسه وهو بيحاول يخبي شعوره اقصد يعني ايه قريب منك
سكتت بيري و هي بتحاول تداري ابتسامتها.
بيري….احممم قريب مني يعني قريب مني احنا صحاب بقالنا سنين مع بعض يعني عشره
فريد…..اه عشره لا اطمني مش قاصد والله ازعل العشره بس كنت بحاول افوقه مش اكتر يلا انا طالع ارتاح شويه في اوضتي عايزه حاجه
بيري….بابتسامه لا شكرا انا كمان هطلع ارتاح و احاول انام
فريد…..ماشي يلا تصبحي علي خير
بيري….وانت من اهل الخير قفلت الباب
فريد….اه قفلته
طلع فريد علي فوق و ابتسمت بيري وفضلت باصه علي طيفه لحد ما اختفي.
………..
في منزل سعيد الصاوي رجع مازن ومريم علي البيت و كان معاهم اكل جابوا من بره.
سعيد…..حمد الله علي السلامه يا ولاد اتأخرتوا ليه كده
مازن….ابدا شغل
فاتن…..شغل لحد الساعه 11
مازن…..اه عادي فين المشكله يعني
فاتن….يعني مكنتوش عند بيري
مازن….پغضب بسيط اتنهد لا حول ولا قوة الا بالله متشليها من دماغك شويه بقي هو مبقاش في حاجه في بالك غير بيري بجد وعشان اريحك خالص لا مكناش عند بيري و اطمني مش هنروحلها و مش هتوصلوا لمكانها
فاتن…..هو انت فاكر يا مازن بجد انك هتقدر تخبيها طول العمر ما اكيد مسيرها تظهر
مازن…..انا لو عايز اظهر بيري الوقت هظهرها و لو في راجل في الدنيا يقدر يقف قصادي و يأذيها يبقي حكم علي نفسه بالمۏت بس كل الحكايه ان بيري اعصابها تعبانه و انا سايبها علي راحتها بس اول ما تحب تظهر هتظهر و مفيش مخلوق في العالم هيقدر ېلمس شعره منها
فاتن……انت مفكر ان فرد العضلات ده شطاره منك يا مازن لا قوق وقت الجد قصاد ڠضب مهيب و خالد انت هتعمل زي الفار
مازن……ما عاش ولا كان اللي يخليني ابقي زي الفار و شكرا اوي علي ثقتك فيا يا امي بس صدقيني يوم ما احس اني مش قادر عليهم ولا قادر أحمي بيري انا هبقي چثه لاني هدافع عن اختي لاخر نفس فيا
فاتن….پغضب وانا قولتلك الف مره بيري مش اختك
مازن….مش قادره تشوفيها بنتك ولا السنين اللي عاشتها معاكي و في حضنك قدروا يخلي قلبك يتحرك ليها بدافع الامومه انتي حره بس مفيش مخلوق في الدنيا هيقدر يثبت ان بيري مش اختي انا ومريم حتي لو كان اسمنا في البطاقه مبقاش واحد بيري هتفضل اختنا برضاكم ڠصب عنكم هتفضل اختنا اصل الشعور اللي احنا بنحسه تجاه بيري صعب عليكم تحسوا بيه للاسف فا دي مشكلتكم انتوا مش مشكلتنا
فاتن….پغضب بصت لسعيد انت هتفضل ساكت كده ما تنطق و تقول اي حاجه
سعيد…اقول ايه بس يا فاتن
فاتن….قول اي حاجه وقف ابنك عند حده قبل ما افقد صبري
سعيد…..يا مازن يا ابني مش كفايه مشاكل احد كده عايزين نخلص من الموضوع ده بقي هو انت بتفكر
—
في بيري و ناسي ان انا وامك ممكن يروحوا في داهيه.
مازن…..و تروحوا في داهيه ليه انا قولتلكم الحل وانتوا مصممين علي اللي في دماغكم والحقيقه اني مش لاقي لحد الوقت سبب مقنعك علي تصميمكم انكم تنفذوا اللي في دماغكم هقف معاكم في حاله واحده بس لو انتوا نفسكم قررتوا تقفوا معانا ومع بيري و بعدتوا عن مهيب و ابنه خالص لو روحتوا قولتلوا ان مال الدنيا ميسواش ضافر واحد من ولادنا بما فيهم بيري غير كده للاسف يا بابا مش هتصعبوا عليا و لا هقف معاكم وهفضل واقف في صف بيري
فاتن…..وانا مش هسمحلك و خليها بقي هربانه العمر كله
مازن….وانا قولتلك وقت ما بيري تقولي انها هتظهر مش همنعها وهحميها
فاتن….طيب كويس وادينا مستنين انها تظهر عشان وقتها يا مازن لا انت ولا اي حد في الدنيا هيحميها مننا
مازن….منكم !! ايه خدتوا صف مهيب وابنه خلاص يعني اعلنتوا الحړب علينا بعتونا واشترتوهم طيب حلو اوي الكلام ده و انا مستني اشوف هتعملوا ايه
سعيد….يا ابني احنا مش في حرب ريحنا وقول بيري فين متعبتش من المشاكل دي يا مازن
مازن…..بنظره استغراب و قرف علي فكره انا بجد مستغربك اوي انت ازاي كده ازاي قادر تكمل في طريقتك دي ازاي اصلا بتسمع كلامها و مش معترض
فاتن….ايه عايزني انا وابوك نقلب علي بعض بتسخنه عليا
مازن….صراحه اه نفسي اشوفه واقف قصادك نفسي اشوف ليه موقف يخلينا نحس ان لسه ورانا سند
فاتن….وانا اول مره في حياتي اشوف ابن بيتمني ان ابوه يتخانق مع امه
مازن…..وانا اول مره اشوف ام مفيش في قلبها اي شعور بالامومه
سعيد…ما كفايه بقي يا مازن مش هنخلص من ۏجع الدماغ ده انا بجد تعبت ومبقتش مستحمل كل يوم خناق ومشاكل
مازن….هو فعلا كفايه و كفايه اوي يلا يا مريم عشان ناكل
سعيد….مش هتاكلوا معانا يا ابني
مازن….لا جايبين اكل كلوا انتوا بالف هنا
فاتن…..ايه حتي الاكل حرمتوه علي نفسكم في البيت مبقتوش عايزين تاكلوا معانا كمان
مريم…..يلا يا مازن خلينا نطلع
مازن….اه حرمنا علي نفسنا الاكل معاكم و حرمنا علي نفسنا اي لحظه ممكن تجمعنا بيكم زي اي اسره عاديه و من هنا ورايح اي مليم هحتاجه انا ومريم هيبقي بره فلوسكم دي خالص الفلوس اللي جايه من وراء مهيب وخالد مش عايزنها
فاتن….ده علي اساس ان فلوسك اللي بتقبضها دي مش من مهيب
مازن….انا بشتغل مع امجد و باخد فلوسي من امجد و الشخصيه اللي ذكرتي اسمها دي انا قررت انه ميبقاش ليه عليا فضل حتي لو كنت باخد حق تعبي وشقايا تغور الفلوس اللي تيجي منه يلا يا مريم.
فاتن….ماشي يا امجد مااااااشي هخلي بالي معاك طويل لحد الاخر هصبر لحد ما هتيجي في يوم وتطلب اني اسامحك و انا مش هرضي
بصت فاتن پغضب لسعيد اللي مبتلاقيش غيره قدامها تطلع ڠضبها عليه
فاتن….خليك انت كده لا لبك كلمه ولا لبك موقف مع ولادك
سعيد….ما ترحميني بقي يا فاتن مش كفايه بقي ايه انا مش بصعب عليكي
فاتن ….لا مش بتصعب عليا يا سعيد و بعدين مالك كده لهجتك غريبه ليه حنيت انت كمان لبيري بنت ست الحسن و الجمال زي عيالك
سعيد….انا لا حنيت ولا زفت بس تعبت كلكم بتضغطوا عليا عمال افكر في اللي ممكن يعمله مهيب و بفكر في قعدتي من غير شغل و بفكر في كل المصاېب اللي بتحصل دي وانتوا كل شويه خناق قولتلك سيبك من مازن ومريم و متركزيش معاهم طريقتك دي هتخليهم يعندوا اكتر و انتي مفيش فايده
فاتن….اه يا سعيد مفيش فايده عشان اللي في دماغي مش هيتغير ولادك مبقاش ينفع معاهم طبطبه و لا دلع
سعيد….يبقي انتي حره يا فاتن كل يوم هنرجع الف خطوه بسببك
فاتن…..بسببي انا ماشي يا سعيد ماشي بس يكون في علمك طريقتي دي اللي مش عجباك هي اللي هتخرجنا من اللي احنا فيه ده و حط في دماغك انا بوم ما هزهق واكرر اني اشيل ايدي انت اكتر حد هيخسر بس وقتها متبقاش تيجي ټعيط فاهم يا سعيد انت اللي هتيجي ټعيط
سابته فاتن وطلعت علي فوق قعد سعيد علي الكرسي و شرد بتفكيره ورجع سنين كتير اوي لوراء و هو بيفتكر كام موقف جمعه مع والدة بيري.
فلاش باك..
سعيد…ايه ده انتي رايحه فين
عائشه….كنت هشرب المايه اللي جمبي خلصت
سعيد….طيب مقولتليش ليه انتي لسه تعبانه
عائشه….انا فكرتك مشيت و لما خرجت لقيتك نايم عالكنبه صعبت عليا شكلك تعبان
سعيد….امشي واسيبك ازاي وانتي لسه والده كده و بعدين انا لا تعبان ولا حاجه انا زي الفل تعالي انتي اقعدي هنا و ارتاحي وانا هجيب المايه.
عائشه….حاضر.
راح سعيد جاب المايه ورجعلها
سعيد….اتفضلي اشربي
عائشه ….تسلم ايدك
سعيد….بألف هنا
عائشه…. الحمد لله
سعيد….طمنيني القمر الصغيره  نايمه
عائشه….بأبتسامه هاديه اه نايمه
صحيح ايه رأيك فيها
سعيد….زي القمر الاه اكبر عليها طالعه لامها
عائشه….بإحراج تسلم
سعيد….صحيح هتسميها ايه
عائشه….والله مش عارفه لسه بفكر بس في اسم عاجبني اوي
سعيد….اسم ايه
عائشه….بيري
سعيد….بيري وده معناه ايه
عائشه….هو ليه معاني كتير اوي يعني فاكهه التوت او بالفارسي الحسناء اللي تشبه الملايكه
سعيد…الله حلو اوي خلاص يبقي بيري هي اصلا شكل الملايكه الله اكبر
عائشه سكتت وسرحت بحزن
سعيد….ايه مالك وشك اتغير ليه
عائشه….خاېفه اوي و مش عارفه المفروض اعمل ايه لو روحت سجلت اسمها في الصحه و كتبت اسم ابوها اكيد هيقدر يوصلنا و ساعتها مش هيخلي حد يعرف مكاني و اخاڤ علي بنتي منه
سعيد…..طيب قوليلي انتي عايزه ايه وانا هعمله
عائشه….صدقني مش عارفه انا الخۏف مخليني لا قادره افكر و لا اعمل حاجه لازم بيري يطلعلها شهادة ميلاد و في نفس الوقت انا مستحيل اكتبها بأسم ابوها لان لما تكبر و تعرف حقيقته ممكن تكرهني اني. في يوم اختارت ليها اب زي ده عمرها ما هتصدق ابدا اني اتغصبت عليه عمرها ما هتقدر تفهم ان اهلي كانوا ناس بسيطه و مقدروش يقفوا قصادوا
سعيد….اكتبها باسمي يا عائشه
عائشه….انت بتقول ايه
سعيد…اللي سمعتيه مفيش حل غير ده يا عائشه
عائشه….طب وانت ذنبك ايه و بعدين انت عارف اللي هتعمله ده ممكن يسببلك ايه افرض لاسوء الظروف قدر يوصلنا
سعيد…عائشه انا مش عايزك تفكري في اي حاجه هو مش هيقدر يوصلنا هو ميعرفنيش اصلا و بعدين هيعرف منين انك هنا
عائشه…انت متعرفهوش كويس افرض وصلنا عن طريق شهاده الميلاد يا سعيد
سعيد….مش هيوصلنا صدقيني و مش هيجي في باله خالص فكره شهاده الميلاد دي و بعدين ليه نشغل بالنا بحاجه محصلتش احنا اهم حاجه الوقت بالنسبه لينا اننا مطلع للبنت شهادة ميلاد
وبعدين هو مطلقك يعني انتي حره
عائشه….ايوه بس شافني زي ما قولتلك و شاف بطني و قدرت اهرب منه يعني اكيد عرف او فهم ان اللي في بطني ده منه
سعيد….هيدور عليكي شويه وبعدين لما يفقد الامل هينسي صدقيني
عائشه…..بس بردوا يا سعيد انت ايه ذنبك في كل ده مش كفايه شايلنا بقالك ثلاث شهور و حامل همنا
سعيد….اولا مفيش ذنب ولا حاجه ثانيا انا مش شايل همكم بالعكس ده انتوا ماليتوا
—
حياتي كلها
عائشه…..بس انت هيبقي ليك حياه يا سعيد و اكيد هتعمل بيت واسره و اكيد كمان وقتها الموضوع بالنسبالك هيبقي صعب فكر يا سعيد فكر في كل حاجه فكر في المستقبل يمكن انت عايز تساعدنا الوقت و مش بتفكر لبعيد بس بعد كده ممكن ټندم بيري هتبقي مشكله في حياتك لما اسمها يبقي مربوط بيك
سعيد…..تتجوزيني يا عائشه
بصتله عائشه پصدمه و سكتت
سعيد….عائشه انتي معايا بقالك ثلاث شهور و مش هكدب عليكي انا اتعودت علي وجودك و بقيت احس انك واحده مني يمكن الفتره دي مش كبيره بس صدقيني حاسس اني اعرفك من سنين بصي يا عائشه لو انتي رافضه انا مش هزعل و صدقيني انا لسه عند كلامي هكتب بيري باسمي يعني موضوع الاسم والشهاده ده مفروغ منه و رفضك او قبولك مش هيغير حاجه حابه تاخدي وقتك وتفكري معاكي كل الوقت حابه تقولي رايك الوقت قوليه .
عائشه….ااا انا يعني اقصد انت فاجئتني يا سعيد مش هقدر انكر انك ساعدتني و وقفت جنبي وظهرت قدامي في اكتر وقت انا كنت محتاجه فيه المساعده قدرت تحميني و تخليني عندك فتحتلي بيت اهلك القديم و أكرمتني أهتميت بيا و لولاك انا كان ممكن افقد بنتي من كتر التعب والجري والهروب و مش هنكر انا كمان اتعودت عليك وعلي وجودك وسؤالك عني و اهتمامك بيا بس ده مش معناه اني اوافق مش عشان انا مش حابه ده بس عشان حقيقي انت ملكش ذنب ليه تتجوز واحده كانت متجوزه واحده معاها بنت
ليه تشيل هم مش بتاعك انت لسه مدخلتش دنيا و لسه قدامك المستقبل كبير و بعدين يمكن تلاقي بنت الحلال
سعيد…بابتسامه انا لقيتها خلاص وياريت بس هي اللي توافق بيا لاني كبير عنها شويتين و هي تستاهل حد من سنها
عائشه…متقولش كده ده كفايه جدعنتك معايا واحترامك انا مشوفتش منك اي حاجه وحشه
سعيد….ولا هتشوفي يا عائشه انتي بس وافقي و انا اوعدك اني هعوضك عن كل حاجه وحشه شوفتيها مع الراجل ده هحطك انتي وبيري في عيني هبقي ليها اب و هبقي ليكي زوج واب واخ وصاحب قولتي ايه
بصتله عائشه بأبتسامه بسيطه وفضلت ساكته
سعيد…انا عارف يا عائشه ان حالي مش احسن حاجه و ظروفي علي قدها بس يمكن ربنا يكون باعتلي رزقي الحلو علي وشكم
عائشه….متقولش كده انت مش مقصر معايا و من يوم ما جيت وانت بتصرف عليا اكل وشرب حتي الهدوم و حتي مصاريف ولادتي
سعيد…..دي حاجه بسيطه مش قيمتك انتي تستاهلي اكتر من كده ولو عليا كان نفسي اعمل معاكي اكتر من كده بكتير قولتي ايه بقي فرحيني
عائشه بإبتسامه احراج بصت لتحت
سعيد….ايه بيقولوا ان السكوت علامة الرضا صح ولا ايه
عائشه….بهدوء رفعت راسها موافقه
سعيد….بتتكلمي جد طب احلفي
ضحكت عائشه وبصتله
عائشه….موافقه يا سعيد
سعيد….بفرحه قام وقف طب ايه انا هروح أجيب المأذون حالا
عائشه….بضحك استني هنا مأذون ابه بس انا لسه والده امبارح خليني بس اشد حيلي كام يوم كده او عالاقل بعد سبوع بيري
سعيد….ده انا هعملها احلي سبوع في الدنيا
عائشه…..بابتسامه سبوع ايه بس كان نفسي والله بس لا انا ليا حد ولا حتي انت
سعيد….وماله هنعملها انا وانتي احلي سبوع بس قبل السبوع بيوم هنكتب كتابنا ونتجوز قولتي ايه
عائشه….موافقه
سعيد…يا فرج الله بقولك ايه قوليلي نفسك في ايه الوقت حالا انا عايز اجيبلك الدنيا كلها
عائشه….بابتسامه هاديه ولا حاجه والله يا سعيد و بعدين انت مش مخليني محتاجه حاجه
سعيد….طيب اسمعي انا هروح اجيبلك فرخه مشويه و حبه كفته كده يقوكي شويه
عائشه….استني هنا كفايه مصاريف انت امبارح عامل اكل وفراخ مسلوقه و انا مكلتش منهم حاجه
سعيد….فراخ مسلوقه ايه واكل عيانين ايه انا هجبلك احلي اكله
عائشه….استني بس يا سعيد والله ما ليه لازمه
سعيد….بفرحه مش هتأخر عليكي وبعدين انا جعان اوي ونفسي مفتوحه و مش باكل مسلوق و انتي هتاكلي معايا
ابتسمت عائشه عليه و نزل جري.
فاق سعيد من شروده بحزن و رجع تاني افتكر موقف كمان وتاه مع ذكرياته اللي بيحس انها احلي ذكريات في عمره.