لقاء كـ،ـ،ـارثي
ليله….طيب بعيداً عن التطبيل بقي انت مش هتفطر
مصطفي…..تصدقي وتأمني بالله انتي خدتي قلبي محدش فيهم سأل فيا غيرك
ليله….بضحك ماهو انت بصراحه مش مدي لحد فرصه اقعد افطر يعني و طبل بقي لنفسك براحتك
قعد مصطفي جنبهم و خد واحده.
مصطفي…..يا نهار اسود تسلم ايدك يا صاصا يا قمر
فضل…..بضحك ده بيشكر في نفسه بجد.
ريهام…..اه عارف اغنيه انا نرجسييي بحب نفسي دي اتعملت عشان مصطفي
محمود…..ياستي حقه والله بس بقولك ايه انت لو زوزو اكتشفتك مش هتحلك و هتفضل تقولك اوصلفي ده و اوصفلي ده
مصطفي….بضحك والله عيني ليها.
عدي….مصطفي الكرواسون ملوش حل
مصطفي….بضحك لا انت كده اوڤر و بتطبل بزياده
عدي…..بضحك برضي غروروك قبل ما تقفش في حد مشكرش فيك
ايه…..تاخد بالشوكلت حلوه اوي
سلامه…..لا مليش في الحلو اوي خدي دوقي انتي فظيعه حطاها تخر حته في بوئها
ايه….طيب انا مش عايزه دي خلاص
سلامه…..معرفش بتاكلوا ازاي شوكلت علي الصبح
ايه….ااااه دي حلوه اوي بجد
سلامه….مش قولتلك
ايه…طيب انا عايزه من دي
سلامه…..مصطفي في بالجبنه تاني
مصطفي….اممم مش عارف لا خلصت ده ساده و في شوكلت
سلامه…..ايه عجبتها الجبنه وسابت الشوكلت
تامر….خدي يا ايه دي انا كلت خلاص
ايه….لا لا خلاص كل انا كلت
تامر….امسكي كلت والله
ايه….مش عايزه والله خلاص
تامر….امسكي بقولك
سلامه….طب خد انت دوق دي بقي
تامر…..ماشي امسكي وانا هاكل الشوكلت
ايه…..هي تحفه علي فكره بس الجبنه حلوه اوي
تامر….ودي حلوه والله انا مليش في السكر اوي بس فظيعه
رشيد…..القمر ساكت ليه
ايمي….وانت سائل في القمر من وقت ما جينا
رشيد…وحياة أمك امال مين اللي كان بيرغي معاكي بره للصبح
ايمي….بابتسامه هقول لزوزو انك بتقولي وحياة امك
رشيد….مش هتصدقك اصلاً
ايمي….مش مهم المهم اني هفتن عليك
رشيد…..ماشي يا ستي قوليلي بقي ساكته ليه
ايمي….ما انت عارف لما بصحي بفضل متنحه شويه كده
رشيد…..طب انا وحشني حضنك
ايمي…..بأبتسامه ليه حضن المخده مش حلو
رشيد…..لا طبعاً
ايمي….انت كمان حضنك وحشني يا رخم
رشيد أبتسم رشيد و ضمها اوي لحضنه ولا كان فارق معاه حد و لا في دماغه اصلا وهي كمان مفرقش معاها
مصطفي….بابتسامه في سناااااجل
رشيد….بضحك وانت مالك متغاظ اعمل زينا خلي الشغل و المستقبل ينفعوك
مصطفي….بضحك ما انا لو مشتغلتش و عملت مستقبل مش هلاقي حد احضنوا هحضن المخده
رشيد…..بضحك خلاص اشتغل و ركز في مستقبلك لحد ما تغير
ايمي….و بعدين انت مالك يا رخم
مصطفي…..يا ستي بقي ركزي في اللي جنبك ده استبدلك بمخده
ايمي….بضحك اه يا واااااطي
جري مصطفي بعيد و هو بيضحك
حنان….يا ابني اسكت شويه و حط لسانك في بوئك و بطل قله ادب شويه
عسال….يموت ده لو سكت عايز يترفع
فضل…..بهمس و ده هيترفع علي ايه
نعيمه…..بصتلوا و ضحكت بصوت عالي
مصطفي….اللللعب
فضل……بصلها و برق و هو مبتسم يا بنتيييي
نعيمه….بضحك انت اللي بتضحكني
عشري…..بهمس ابتسم اااا رقبتك
بصتلوا ليله و رفعت الهدوم شويه علي صدرها
عشري….رقبتتتتتك يا غبيه
ليله….مالها رقبتي
عشري….بضحكه جميله العلامه نسيتي تداريها
برقت ليله و حطت ايدها علي رقبتها و قامت بهدوء طلعت بسرعه علي فوق وهو فضل يضحك .
عدي…..بابتسامه تسلم ايدك
تقي….علي ايه
عدي….مفي قال انك ساعدتيه
تقي….بابتسامه امممم اه طيب ميرسي
عدي….بابتسامه غيظ متصلتيش ليه لما صحيتي
تقي…..انا صاحيه علي 11 و ربع كده خدت شاور و نزلت
عدي….وايه يعني كنتي صحيني
تقي…مرضتش اقلقك ثولت تصحي براحتك اصل انا عندي ذووووق
عدي…..بضحك قطع لسان اللي يقول غير كده بس عادي يعني كام ممكن تصحيني و لا قولتي اريح دماغي بقي منه و من غيره الصحاب
تقي…..بابتسامه يعني حاجه زي كده
عدي….طيب كويس منزعلش بقي بعد كده
تقي…..بضحك مش هزعل
نزلت ليله و بصت لغشري و هي جايه و ابتسمت فا ابتسم و غمزلها
و فجأه صرخت نسمه بصوت عالي و قامت كله بصلها
سليم….في ايه
نعيمه……ايه ده مالك
نادر…..في ايه يت نسمه
نسمه….مفيش مفيش بعدت عنهم و ضهرها كان ليهم قربت منها ليله
ليله….في ايه يابت
نسمه….بهمس قفلت السوسته علي جسمي
ليله….بصت علي صدرها من فوق يخربيتك يا غبيه دي علمت
قرب نادر منها
نادر….في ايه ؟
نسمه….رفعت السوسته جامد قفلتها علي جسمي
نادر…..طب تعالي حطي ثلج بسرعه دي علمت خالص
ايمي….في ايه مالها
نسمه…نهار اسود اتفضحت
ليله…..بأبتسامه مفيش
نعيمه….قربت منها و راحت معاها علي المطبخ اتعورتي جامد
نسمه….لا مش اوي بس وجعتني
نادر….يلا خليكي معاها انتي
نعيمه….ماشي روح
تقي….انتي عملتي ايه
نسمه….بضحكه هاديه ققلت السوسته عليا
تقي….دي علمت مش واخده بالك
نسمه….والله ما خدت بالي
تقي….طيب بسيطه خلاص معلش حطي بس التلج شويه
……………
ايمي…..ضحكتي علينا و سبتينا نايمين يا حنون وعملتي الأكل
حنان…..والله قولت اتسلي يا ايمي و بعدين انتوا عملتوا امبارح انا اعمل انهارده متخافيش انا نضيفه اوي و الله و بيقولوا اكلي حلو
ايمي…..يا نهار ابيض متقوليش كده يا ست الكل ده انتي علي راسي انا اطول اصلاً اكل من ايدك انا مش عيزاكي تتعبي بس والله عارفه ان العيال دي مطلعين عين عينك و عرفت انك مش بتخرجي كتير فا عيزاكي ترتاحي و تنسي المطبخ شويه اصل انا عندي نسخه منك زوزو كده لا بتحب تخرج و لا بتحب تخرج من المطبخ
حنان…..لا والله المطبخ بالنسبالي مش متعب و بتسلي
ايمي….المهم تتبسطي بس
حنان….الحمد لله هو في احلي من كده
قربت نسمه قعدت مع البنات بهدوء
سلمي….في ايه يا هبله
نسمه….بابتسامه مفيش خلاص السوسته عملت مشكله
سلامه…..انتي وقعتي قلبي علي فكره بصوتك طالعه لاختك
نعيمه….بضحك عشان تعرفوا اني مش انا بس اللي صوتي عالي..
سليم…بهمس في ايه مالك؟
نسمه….بأبتسامه ااا مفيش
سليم….امال صوتي ليه كده
نسمه…..ااا رفعت السوسته من غي رما اخد بالي فا قفلتها عليا يعني
سليم….غمض عينه و ابتسم طيب اتعورتي
نسمه…..علمت شويه بس بسيطه
سليم…..بابتسامه سلامتك
نسمه….بضحكه هاديه الله يسلمك
تامر…و هو بيضحك بص لسلامه انهارده انا اتقطع خلفي مرتين مره بسبب نسمه و الصبح بسبب سلامه
بصلوا سلامه و الاتنين فضلوا يضحكوا.
سلمي….بابتسامه عمل ايه
تامر….بضحك افضحك
سلامه….بضحك افضحني هما عارفين اني بتخانق ديماً وانا نايم بس والله ما فاكر
عسال….بأبتسامه ايه صحيت علي صوته
تامر….نهار اسود صحيت حطت ايده علي وشه و ضحك سلامه صرعني ثلاث مرات قولت هستني عليه في الرابعه هاخد بعضي و اجري عشان كده يبقي ملبوس
سلامه….بضحك والله انا اصلا مش فاكر
مصطفي….كان بيتخانق مع مين
تامر….بضحك هو غالباً كان قافش فخناقك
حنان…..انا في مره كنت سهرانه انا وهو بنتفرج علي فيلم فا هو نام علي الكنبه و حط راسه علي رجلي و راح في النوم و انا بروا عيني غفلت و مره واحده صحيت علي صوته و هو بيقول انت عبيييط
ضحكوا كلهم
ايه…..بضحك انت بتتكلم وانت نايم
سلامه….بضحك بيفتروا عليا والله محصلش
تامر…..مش بيتكلم يا هبله هو غالباً بيحلم بصي احنا رغينا شويه بعد ما طلعنا و بعد كده نمنا انا كنت بغمض و بفتح يعني لسه مدخلتش في النوم اوي فتحت علي صوته عمال يقول مصطفي مصطفي اسكت
عشري…..حتي في الحلم مرازي الخلق
مصطفي…..بضحك انتوا اللي حاطني في دماغكم
تامر….اسمعوا انا قومت بصيت عليه خوفت يكون عنده كابوس قولت عشان اصحيه يعني لاقيته نايم خالص و هادي فرجعت تاني نمت سمعته بيقول ولاااا فتحت سكت رجعت غمض فا صوته علي شويه تاني ولاااااا قولت هو يوم طين فا قومت سندت علي كوعي شويه عشان اشوف بيحصل معاه ايه فا هدي خالص رجعت نمت لاقيته بيقول ولاااااااااا قومت بسرعه من علي السرير فتحت النور
سلامه….بضحك صحاني فتحت عيني لاقيته باصصلي بقوله في ايه
قالي هو في ايه انت يا عمممم قطعت خلفي
فضلوا كلهم يضحكوا
تامر ….والله خوفت بجد اصل مش بيتكلم بهدوء لا صوته يخوف يعني خد بالك ده لو صاحي هيفرمك
مصطفي…..مفتري انا عارف بس انا عملت ايه يعني في الحلم
سلامه….مش فاكر والله الحلم اصلاً
مصطفي…..انتوا في حد فيكم بيتكلم و هو نايم
ليله….انا لا
ايمي….و انا لا
رشيد….بابتسامه هو ايه اللي انا لا ده انا بيبقي هاين عليا ادخل احجز بينك و بين اللي بتتخانقي معاه
ايمي…..بضحك انت بتفضحني طب علي فكره بقي لو نايمه و انا بفكر او لو في مشكله لكن في العادي لا
رشيد….بتتكلم والله و بتهيس اسمع مني
مصطفي…..طب وانت
رشيد….لا معرفش بتكلم يا ايمي
ايمي….لا مش بيتكلم
مصطفي….بضحك طب بيشخر افضحيه يلا
ايمي….بضحك لا حرام والله ده كيوت
مصطفي….بضحك رشييييد و كيوت
رشيد…بضحك اه يا واطي اكيد انت بترخم علي الناس في احلامهم
عسال…..لا مصطفي هادي خالص
عشري….اه هادي انا اول مره انام معاه في مكان واحد و هادي و بينام بسرعه جداً
مصطفي….ظالمني كده علي طول ميدو كمان هادي هو سلامه بس اللي كده
عشري….لا ميدو ملهوش حس و الجنب اللي ينام عليه تصحي تلاقيه عليه
حنان…..علي فكره طول عمره كده من وهو صغير حتي وهو صاحي مكانش بيتحرك كتير
مصطفي….طب مين تاني
سلمي…..انا هاديه الحمد لله
حسان….وانا كمان بس احياناً هااا احياناً عشان ماقوليش بعد الجواز اني ضحكت عليكي لما ببقي تعبان اوي او مطبق ممكن اشخر
سلمي….بضحك ربنا يستر
محمود…..انا بيتهيألي نومي كويس
امنيه….اه حودا نومه طبيعي و مش بيشخر ولا بيتكلم وهو نايم و انا كمان بس عمرو بيشخر
عمرو…..بضحك والله ظلماني
امنيه….طب والله واحنا في شهر العسل مكنتش بعرف انام و مكانش بيصدق لحد ما سجلتلوا
عمرو….كنا بنسهر للسهر و بنصحي بدري عشان نلحق اليوم من اولوا طبيعي اشخر
مصطفي….بضحك بحب انا جو المسرح ده اوي يلا افضحوا بعض مين تاني ليله عشري نومه ايه
ليله….بابتسامه حب لا والله طبيعي و يا حرام بيخاف يتحرك اصلا عشان انا نومي خفيف
مصطفي….زي ميدو يعني لو حرامي فكر يدخل بيتنا يبقي امه داعيه عليه من كتر ما هو نومه خفيف تحسي انه مش بينام اصلا
ليله….انا كده بصراحه مع ان زمان نومي كان تقيل اوي
مصطفي….طب و القمر
تقي….بضحك لا انا نومي تقيل بصراحه هو مش تقيل اوي بس مش خفيف
مصطفي…..طيب و انتي يا نسمه
نسمه…بردوا نص نص علي حسب تعبانه و سهرانه ولا عادي
نادر….انا كمان نومي عادي
تامر…..وانا عادي بردوا بس مشكلتي لو قلقت مش بعرف انام بسهوله
سليم…..انا طبيعي بردوا
عدي….وانا طبيعي جداً
ريهام….بضحك متبصليش انت عارف اللي فيها
مصطفي….بضحك ريهام لو الدنيا اتهدت و ده بجد والله تصحي بعد ما القيامه تقوم تقولك هو في ايه
سلامه….يا دييييني لا ريهام نومها فظيع هي و ميدو عكس بعض
عشري…..فضل بقي بيجز علي سنانه
ابتسم فضل
مصطفي…..يعني ايه بيجز
عشري…..بيضغط علي فكه جامد و هو نايم و سنانه من كتر الجز بتعمل صوت
نادر….نهار اسود و انا كنت فاكر حد بينكش بره هو انت اللي بتعمل كده
فضل…..بضحك انت سمعتني علي فكره انا مكنتش بصدقهم
نادر….لا والله انا ركزت الوقت لما قال فعلاً صوت جز
نعيمه….طب ليه بتعمل كده؟
فضل…..وانا ايش عرفني ببقي نايم والله ما بحس
عشري…..هو طول عمره كده بس لما كبر زادت اكتر
تامر……طيب و سنانك مش بتوجعك
فضل…..مش عارف هي عاديه انا اصلا مش بحس خالص
محمود…..علي فكره ده تفكير و ضغط
فضل….لا خالص
عشري….ولا تفكير ولا حاجه بقولك من صغره
سلمي…..يعني من وانت صغير خالص
فضل….والله بيقولوا يا سلامه
سلمي…..ايوه بس انت ليه ساكت انت عارف ان ده غلط
فضل…..يعني ايه انا بصحي طبيعي
سلمي….ايوه حتي لو مفيش الم بس ده غلط جداً مع المدي البعيد لا قدر الله بيحصل تآكل في المينا بتاعت السنان
فضل…..طيب دي مرض يعني
سلمي….مش مرض عاده في ناس بتعملها اصلا وهي صاحبه و سرحانه في ناس بتعملها لما تضايق بس اسوء حد فيهم اللي بيبقي نايم لانك بتنام فتره طويله و طول الوقت بتبقي بتعملها
حسان…..ايوه بس هو نايم ازاي هيتحكم فيها
سلمي…..ليها علاج طبعاً و اكتر من حل هو لسه صغير بس كل ما هيكبر هتبقي مشكله و الطبيعي اننا مع تقدر العمر ممكن نصاب بامراض كتير و من ضمنهم الهشاشه و بعدين فضل مدخن و التدخين بيساعد في ده
ايمي…..طيب هو السرحان او اللي مضايق معروف بيجز ليه بس النايم ليه بيعملها
سلمي….عضلة الفك بتبقي اتنشين شويه يعني اثناء النوم بيجمع كل قواه في عضله الفك
رشيد….طيب وايه علاجها
سلمي….حجات كتير يعني تمارين لعضاه الفك و في طرق طبيعيه و سلوكيات لازم يمشي عليها فتره
ممكن كمادات دافيه قبل النوم علي الفك ميشربش سجلير او اي حاجه فيها كافيين خالص و في طريقه ودي اللي احنا كا دكاتره بننصح بيها و هو الواقي بتستخدمه قبل النوم
فضل….رفع حاجبه واقي ! ايه الواقي ده
عشري….بهمس ضحك مش ده
رشيد …..بضحك للفك للفك ركز
بصوا الشباب لبعض و ضحكوا و ايمي ضحكت و سندت علي كتف رشيد تخبي ضحكتها
ليله….بهمس بتضحكوا علي ايه
عشري….بضحك بعدين
سلمي….الواقي ده حاجه كده رابر يعني زي كده تقويم سليمون بتحطه بس اثناء النوم هو انا قولت حاجه غلط
حسان….بابتسامه لا يا حبيبي دي عيال مجانين سيبك منهم هي تقصد حاجه بتلبسها في سنانك يا فضل
فضل…..في سناني
ضحك الشباب جاب الڤيلا كلها و ايمي كانت مخبيه وشها في ضهر رشيد و مقتوله ضحك و نعيمه فهمت نيتهم فا ضحكت بهدوء و اتكسفت من اخوها
و بدأت سلمي تفهم قصدهم ابتسمت و وشها جاب الوان و انكسفت جداً
ليله مفهمتش و بان اوي انها هبله و محدش توقع انها تبقي علي نياتها كده بالرغم من انها شخصيه جريئه
ونادين و ايه و ريهام و نسمه و تقي طبعاً مفهموش اي حاجه بس كانوا حاسين ان المقصود مش تمام
حتي حنان رغم انها ام و كبيره بس مفهمتش كانت بتضحك معاهم و خلاص
ليله…..طيب انا عايزه اعرف انتوا ميتين من الضحك ليه بجد حاسه ان في حاجه وصلت ليهم بنيه مش تمام بس مش عارفه انتي قولتي ايه
سلمي….بايتسامه احراج ااا مقولتش انا بس بفهموا مش اكتر
نادين….بهمس لعسال في ايه
عسال….بضحك مفيش يا عمري دي عيال قليله الادب
ابتسمت نادين بهدوء و سكتت
ليله….بابتسامه قربت من عشري افهم عشان شكلي وحش
عشري….بضحك بعدين طيب
ليله…..بهمس لايمي بتضحكي علي ايه
ايمي….بضحك هبقي اقولك عدي الليله عشان سلمي شويه و هتعيط
حسان…..بابتسامه اااا طيب انت لازم تبقي تشوف حل عشان زي ما سلمي قالتلك كده هو غلط مع الوقت
فضل….بضحك وهو عينه مدمعه ماشي ان شاء الله
عشري….الله يخربيت عقلك يا شيخ
فضل….بضحك كل ده يرجع في الاصل عند مصطفي هو السبب
مصطفي….بضحك يادي مصطفي هو اي مصيبه مصطفي طب يا سيدي انا اللي كلت الجبنه
فضل…..بضحك مش انت اللي فتحت قصه النوم دي
مصطفي….طب علي فكره بقي تامر اول واحد فتحها
تامر…..وهو ميت من الضحك ياعم انا مالي انا منطقتش حكيت بس موقف مش اكتر انت اللي سالتهم
عسال…..طيب نغير بقي الموضوع
مصطفي….رضحك استنوا افكرلكم في موضوع
عشري….بضحك بالله عليك بلاش انت ياض جنبي وجعني من الضحك انا واحد عامل عمليه
مصطفي….بضحك والله موضوع مؤدب
رشيد….بضحك يخربيييييتك
ايمي….اووووف لا لا قوموني من هنا تعبت من الضحك والله
ليله….بهمس لعشري انا لو معرفتش هما بيضحكوا علي ايه هعيط
عشري….بضحك طيب تعالي قربي
قريت ليله بهدوء منه فا فضل عشري يوشوشوها شويه و بعدين برقت و ابتسمت و بعدين حطت ايدها علي وشها و فضلت تضحك بإحراج
ضحك عشري عليها و مكانش قادر من كتر الضحك.
مصطفي….بضحك انتي بتسبينا و تمشي تعالي هشحكوا والله
ايمي….بضحك هجيب مايه و هشرب سيجاره يا مصيبه اتكلم انا سمعاك
حسان….بهمس لسلمي ابتسم ايه مالك
سلمي….بابتسامه احراج علي فكره انتوا ملكم قللات الادب
حسان….بضحك انا مالي طيب انا ضحكت علي ريأكشن فضل
سلمي….بابتسامه و انا بتكلم معاه بعشم اوي و بطريقه طبيه عشان يفهم
حسان…..بضحك حقك عليا انا دي عيال مش متربيه
مصطفي…..بضحك ياعم اسكت بقي
عمرو….و الله انت مصيبه سوده يا مصطفي
مصطفي…..بضحك طب نغير الموضوع بقي عشان ميدو عمال يبرقلي و حاسس اني هتنفخ
عسال…طب ما انت عارف اهو غير بقي
مصطفي….بضحك طب يا شباب مين فيكم راح الجيش و ايه المواقف اللي حصلت مش ناسيها
رشيد….انا لا معنديش غير اميره
حسان…..انا مروحتش بردوا
محمود…..و انا كمان لا معنديش اخوات صبيان
عمرو…..انا روحت حسن اخويا اللي مراحش بس كانت اسوء سنه ليا
مصطفي…..مفيش اي مواقف
عمرو….لا كان في كتير بس انا نفسيا كنت تعبان جدا معرفتش احس بالجو اوي مع اني بسمع حكايات في الجيش ده
سلامه…..مصطفي اسمعوا بقي وهو بيحكي هتموت من الضحك
مصطفي…..استنوا هضحكوا بس خلينا نشوف مين تاني
فضل…..انا مدخلتش فلت اخواتي كلهم دخلوا انا كنت الكبير وخدت اعفاء
نادر….انا مدخلتش معنديش صبيان
تامر….وانا كمان مدخلتش
مصطفي….بضحك ايه ده ؟ ده الكل خلع معادا انا و عمرو
عشري….انا روحت سنه
مصطفي…..حلو عمرو و عشري وانا
ايه…..انت مروحتش يا سلامه
سلامه….لا خدت اعفاء انا الكبير بقي و كده
عمرو…..طب ميدو مدخلتش
عسال….بأبتسامه هو انا واقعياً للاسف معنديش اخوات
عمرو…..اوووووف اسف اسف والله نسيت
عسال….بضحك لا عادي دي حقيقه
عمرو…..بس علي فكره دي حاجه حلوه انا ناسي خالص الموضوع و ده يدل علي علاقتكم ماشاء الله
عسال……علي فكره انا كان نفسي والله ادخل جداً
عمرو….يا عم كويس انك مدخلتش انا تعبت اوي هناك
مصطفي….طيب سليم وعدي
سليم….انا دخلت يا درش
عدي….انا لا
عشري….انا واخواتي كلنا دخلنا معادا عدي ابن المحظوظه فلت
مصطفي…..طب اشمعني هربان يلااااا
عدي….لا كنت مكسور قبلها بفتره و مركب شرايح و مسامير و خدت اعفاء
مصطفي…..بس علي فكره كان معايا حد مكسور بردوا و ركب مسامير و اتاخد
عدي….انا اصابتي كانت قويه و وقت ما روحت اقدم كان لسه في اثار للكسر يعني كنت بعرج بسيط فا متاخدتش
مصطفي….اه فهمت
سلامه…..احكيلهم مغامراتك في الجيش يا مصطفي
مصطفي…قام وقف و ابتسم طبعاً انا عايز بس الاول احكيلكم حكايتي بإختصار لاني طول عمري حاسس بإضطهاد من المجتمع
رشيد….بضحك طريقته وهو بيتكلم لوحدها بتفصلني
سلامه….بضحك لا استني و ركز معاه هتفصل خالص
قربت ايمي قعدت جنبهم كلهم كانوا باصين عليه و مبتسمين
مصطفي….يعني من البدايه خالص من وانا لسه صغير كنت يومياً اروح المدرسه اضرب ليه عشان بتأخر و طبعاً انا كنت بروح مشي
ليله….بضحك فاكره انا معانتك دي حكيتهالي قبل كده
مصطفي…بضحك هي دي باختصار يعني كنت صغير اوي و جسمي مش ماشي مع سني و شنطتي اكبر مني و كانت حالتي بالبلاء كنت علي ما اوصل يكون الطابور خلص و الحصه بدأت فا اتذنب و اخد كام عصايه و اكلع معيط
تقي….بضحك مكنتش بتروح بدري ليه
مصطفي…..كنت كل يوم اروح بدري شويه و مش بلحق مش عارف امد و ماما مكانتش بترضي توديني بدري عن كده لان الشارع كان بيبقي لسه ساكت وهادي يعني من الاخر كنت بروح اتضرب علي حاجه مليش ذنب فيها و ده كان اول اضطهاد و معاناه ليا و المشكله ان اخواتي مكانوش بيتضربوا و بياحقوا عادي
المهم كبرت شويه حلوين قولت اعنل زي صحابي احب بقي وارتبط و الجو ده ملاقتش مكان في القصه دي كمان كنت اخ للكل جمله بنت جزمه قولت عادي طبعاً في معاناة في حجات كتير زي اني انزل احري عشان الحق المواصلات و اتحطن في وسط الزحمه و اخرج مكرمش لبس وجسم اطلع و ربنا يكرمني و اقعد الاقي كام بنت راكبين مع بعض و واحده فيهم تقولي ممكن صاحبتنا تقعد ابتسم واقول بس هعلق واحده فيهم و اعمل جدع و افضل اقعد فيهم ابص الاقي نفسي نزلت من العربيه خالص قصه طويله كده
كلهم ضحكوا علي مصطفي
مصطفي….لحد بقي ما وصلنا للجيش مش هكدب عليكم في البدايه كنت متحمس الجيش للرجاله بقي و هخرج جسم و عضلات و هطوووول
عشري…..بضحك ازاي
مصطفي….مش عارف بس كنت عارف اني هطول من التمارين المهم اتحمست و قولت بس كبرت بقي و فرحان سكت شويه و بصلهم بطريقه مضحكه اناااااااا كان في اعتقادي اني هروح اقعد في اوضه لوحدي زي ما انا ليا اوضه و هاكل الاكل اللي يعجبني و لو مش عاجبني انا هتصرف و اعمل اي حاجه ماهو الطبخ و المطبخ لعبتي و هيبقي بقي في سرير و تلفزيون انام عليه بليل و عشت في الوهم اللي هو انا رايح بيتي
مصطفي كان بيحكي و كلهم فطسانين من الضحك
مصطفي…..و خدوا عندكم بقي من اول التقديم خالص كان بيحصل حجات المفروض الحمااااار اللي هو انا اخدها انها اشارات اللي هو ارجع يا حمار بس مفهمتش روحت و قدمت و الدنيا حلو المفروض بقي اللي راح عارف ان في كشف و في بلاوي زرقاء كده بتحصل فا اتعرفت علي كام شاب كده و احنا بنقدم
فا كان معايا شابين كده واحد فيهم ابن سوق اللي هو قرد يعني و بيعرف يتعامل و التاني علي الله حكايته البنات بتعرف تتصرف عنه يعني ميكس رهيب بينهم هنا الاتنين
فا الواد ده مكانش عايز يدخل و عايز ياخد اعفاء بأي طريقه فا قرب كده مني و طبعاً الشاب التاني كان سامعه فا قالي ايه بقي هو ايه شروط الاعفاء
فا بصتلوا مش فاهمه بس رديت عليه الرد اللي انا اعرفوا قولتلوا يعني عندك مرض مذمن انت اللي شايل عيلتك ومفيش غيرك عندك كسر عندك اصابه عندك عاهه ممكن تخليك تترفض
فا سكت ثواني و بصلي قال انا زمان و انا عيل صغر كنت بتهته في الكلام شويه تفتكر لو دخلت الوقت و عملت كده ممكن اترفض
بصتلوا و مش عارف اقولوا ايه ده و فجأه الشاب التاني مال بجسمه وراسه علينا و هو بيوجع كلامه للواد
كلهم كانوا مركيزن معاه و طريقه مصطفي و هو بيقلد صوت ده و صوت ده و نظراته وسطهم كانت تموت من الضحك
مصطفي….بضحك استنوا طيب لسه الضحك بصوا هو كان شاب من الشباب السرسجيه شويه بس كان جدع اوي والله فا واضح انه استفزه شويه قام قالوا بقرف كده عايز تتهته عشان تاخد إعفاء طب اسمع يا زميلي نصيحه من أخوك يا قلب أخوك
متسوحش روحك يا صاحبي انا جايلك من الماضي يعني من اسبوع فات و حاولت أخلع بالطريقه زي ما انت عايز تعمل كده بس اتقفشت و لولا ان ورقي مش كامل كان زماني اتاخدت يومها و اتعلقت في عمود بس ربك ستر و خدت فرصه اسبوع عشان يكونوا نسيوا الخلقه
متحاولش تعمل كده جوه عشان طلاق تلاته لو دخلت عوجت بوئك لا هيتعمل في بوئك ده الحرام قبل الحلال
صوت ضحكهم بقي يعمل صدي في الڤيلا و ضحكه رشيد و عشري خلت الكل دمع من الضحك و رنه ضحكه نعيمه فصلتهم الشباب من الضحك كانوا غطسانين في الكنب.
مصطفي…..بضحك مسح عينه انا وقفت بقي عندي ذهول يعني هو بدأها بأنا جايلك من الماضي قولت بس بقالوا كتير قام قالوا من اسبوع قولت مش مهم ماهو ماضي بردوا
كمل بضحك هو حبيبي كان بيديلوا نصيحه يعني خايف عليه بس طريقته فصلتني انا وقتها يعني مكنتش مترجم اوي و هموت واعرف ايه الحرام اللي قبل الحلال اللي هيتعمل في بوء الراجل ده
ضحكهم زاد و بقول مش قادرين
مصطفي….بضحك قا كان بدايه الذهول من اول هنا يعني كان عندي اختلاط في المشاعر فظيع بين اني مبسوط و متحمس و حاسي بقي اني كبرت و بين قلبي اللي عمال يقولي يسطااا اهرب و بين اني مش فاهم حاجه اصلاً
خلصنا من كل ده جه يوم الكشف الطبي و ما أدارك ما الكشف الطبي
ضحك و هما ضحكوا علي ضحكوا
مصطفي….انا طبعاً اخواتي ميعرفوش حاجه اوي لانهم مراحوش و محدش فادني ولا انا اهتميت اني اسأل عادي كشف بس بدأت هنا بقي احس بشعور الاضطهاد تاني اللي هو سلامه و ميدو خلعوا و انا لبست
انا داخل علي اساس ان الكشف ده بقي هعمل تشيك اب ببلاش علي جسمي اللي هو هتطمن علي صحتي كلها بس لا لا انا يومها حسيت بإهانه فظيعه عارفين احساس لما تكونوا في الحمام و فجأه يتفتح عليك الباب من حد غريب انا كان وضعي كده بالظبط انا اتطلب مني حجات
كانت اتمني الارض تتشق و تبلعني يا جدع انا افتكر بعد اليوم ده خرجت بني ادم تاني يعني اليوم ده بالنسبالي بعيداً عن الجيش خالص غير حياتي و نظرتي لنفسي و المجتمع
ليله…..بضحك عملوا فيك ايه
مصطفي…..بس يا ليله عشان انا اتهانت
رنة الضحكه بتاعت الكل شباب و بنات مبقتش معروفه هي مين الكل بيموت
مصطفي….خلصت من اليوم الاسود ده و بدأت هنا احس بإكتئاب و لا يسطا انا قلبي كان معاه حق
طبعاً روحت و دخلت كل افكاري بقي القديمه اترمت في اقرب باسكت زباله قبل ما ادخل علي العنبر ايوه هو عنبر مش اوضه خاصه ولا تلفزيون ولا كل الدلع اللي كنت عايش فيه ده اول يوم كنت مصدوم و بجد والله كنت مضايق يعني مش واخد علي كده انا في بيتنا ليا اوضه و سرير و حجات خاصه هناك انت بينتهك خصوصيتك اصلاً و مفيش حاجه اسمها خصوصيه تنساها دي بس قولت خلاص انا دخلت هفضل مكتئب لازم اتاقلم عشان السنه دي تعدي و بصراحه بعد وقت بسيط اوي اتأقلمت يمكن تاني يوم او تالت يوم بالكتير و هنا كانت مرحله تانيه بقي خالص من رحله الجيش.
اولاً انت بتقابل جوه مستويات ملهاش علاقه ببعض في عبث بيحصل بس انت مش فاهم هو ايه
انا قابلت جوه اللي علي الله حكايته عارفين اللي بيتقال عنه عبيط و ملهوش في حاجه اللي هو بالبلدي كده الخام ده قابلتله بس ده يعني كان بيتعمل معاه جواه الغلط و قابلت الصايع و قابلت ابن البلد و قابلت الشاب المخلص و اللي باين عليه من مكان شعبي بس مبسوط و قابلت المستويات العاليه و قابلت المستويات العاليه بس اللي هو بابي و مامي و نناه العيال اللي هي صوتها شتوي دي عارفينها
رشيد…..بضحك اتعمل فيهم ايه دول
مصطفي….بضحك دول خرجوا رجاله بعون الله
مات رشيد من الضحك عليه
مصطفي….ده كان بالنسبه لفرق الطبقات نيجي بقي لفرق اللهجات لان انا كان معايا من محافظات كتير
الصعيدي و الاسكندراني و الطنطاوي و اللي من الارياف علي البورسعيدي علي الشرقاوي انا خرجت بتكلم لغات بسببهم اولاً اللي كان بيسلك جوه اوي الاسكندراني و الطنطاوي ليه بقي بياعين كلام يعرفوا كده ياكلوك اونطجيه زي ما بيقولوا
الشرقاوي ده بقي حتي وهو بيتكلم جد و متعصب انت واقع من الضحك
الصعايده بقي كان في منهم ناس لا تتكلم معاهم و هما صاحين ولا وهما عايزين يناموا ولا وهما عايزين يستحموا ليه لان الحموم ده كان قصه بتقف طابور العذاب عشان تقدر بس تدخل تستحمي و معاك حرفياً نص دقيقه يعني اللي كان عايز يستحمي يقلع وهو في الطابور عشان يوصل مخلص و يلحق يستحمي بسرعه قبل ما يتهان و الكل يشوفوا
ده كان بالنسبه لاول 45 يوم بعد كده نزلنا اجازه و لما رجعنا اتوزعنا بقي كل واحد علي الجيش بتاعه و الخدمه اللي هيقضيها في مكانه
