لقاء كارثي

لقاء كارثي
أميره أسامه
صاحبة البطل الواحد

~° البارت الحادي العشرين°~
……………

طلع عشري علي الدور الثاني نزل من الاسانسير و بص شمال و لمح الشقه.

راح وقف قدام الباب و طلع الموبايل أتصل عليها كانت قاعده علي كنبه بتلعب في الموبايل و البنت اللي معاها بتنضف في الاوض جوه اول ما رن ابتسمت و ردت علي طول.

ليله….بأبتسامه خير

عشري….بأبتسامه جميله و مالك بتقوليها كده ليه

ليله….بثقه عادي متشغلش بالك المهم قولي عايز ايه

عشري…..بأبتسامه عايز أعرف لابسه ايه يا ليله

ليله….وانا قولتلك مش هقول غير لو اتكلمت بأدب

عشري…..وانا قولتلك متتشرطيش عليا

ليله…..اوك ياروحي خلاص.مش هقول وبعدين انت مش عملت فيها جامد اوي وقولت هتعرف تلاقيني ايه استسلمت ولا ايه

عشري……بابتسامه انتي عارفه يا ليله لو انتي قدامي الوقت هعمل ايه؟

ليله…..ولا تعرف تعمل حاجه

عشري….متأكده؟!

ليله…..اه متأكده

عشري….مش كنت بلطجي و متشرد و مسجل خطر

ليله……لا حبيبي علي نفسك وبعدين لما تعرف توصلي و ابقي قدامك وقتها تبقي تعمل اللي انت عايزه

عشري…..ما بتقلبي قطه و بتصعبي عليا

ليله….بضحكه جميله ميصعبش عليك غالي و بعدين اوصلي الاول يا بلطجي و بعدين نبقي نشوف

عشري…..لا مفيهاش نبقي نشوف لو وصلتلك مش هحلك يا ليله

ليله…..بضحك هتعمل ايه يعني

عشري…..انا بقول تتفاجئي احسن

ليله…..ليه لا بحب المفاجات اوي و بعدين قولتلك ده في حالة لو وصلتلي

عشري….هوصلك يا ليله يعني هتكوني فين مثلاً

ليله….طيب بلاش فتحة الصدر دي عشان لو لفيت عليا الدنيا مش هتعرف مكاني

عشري…..يا بنتي بلاش استفزاز

ليله…..وانا بستفزك يا عشري بقي ايه رايك بس علي فكره انت قولتلي مش هتعرف من اي حد

في اللحظه دي رن عشري

عشري…..لا مش هسأل حد اطمني

ليله….بابتسامه اتفقنا لحظه خليك معايا

عشري….بابتسامه معاكي

راحت ليله فتحت الباب و هي مبتسمه و اول ما فتحت وشافته اختفت الابتسامه و وقفت مصدومه

عشري كان واقف ساند بأيد واحده علي الباب و رافع حاجبه بأبتسامه بسيطه و هو بيعض علي شفايفه و بص عليها من تحت لفوق

عشري……حلو شوز ابيض و فستان چينز قصير و بنص كم لا حبيت طب ما كنتي قولتيلي انك لابسه فستان جينز و تقصري عليا المسافه دي كلها

ليله بصتلوا بصدمه و هزت راسها شمال ويمين

عشري…ايه مالك مصدومه ليه و فين لسانك الطويل و لا القطه كلتوا

ليله…..اااااا

عشري…..ايه هو ايه اللي ااااااا نسيتي الكلام ولا ايه

ليله…..بابتسامة صدمه انت هنا ازاي

عشري…..لا دي بتاعتي معلش

ليله…..مستحيل انت عرفت من حد

عشري….انا قولتلك مش هسأل اي حد

ليله…..بضحكة ذهول انا اكيد مش هصدقك لان مستحيل تعرف مكاني لوحدك

عشري…..بس ده اللي حصل و عموماً المهم اني جتلك اهو عشان بس متبقيش تطولي لسانك ولما اسألك تردي و متعمليس فيها سبع رجاله في بعض و تفكري يعني عشان بينا تليفون اني مش هقدر اجيبك

ليله…..بضحك عشري انت مراقبني.

ابتسم عشري و نزل ايده وقرب منها خطوه رجعت لوراء فضل يمشي عليها وهي ترجع

عشري…..لا بس منين ما تختفي هقدر اجيبك يا ليله و يكون في علمك انتي ليلتك سوده معايا ليه بقي عشان انا مش حاسس بجسمي و امبارح جاي من سفر وصحيت جيت من زايد للتجمع و كل ده بسببك

ليله….بابتسامه حطت ابدها الاثنين علي صدره و اتكلمت بهمس استني هنا اقف في بنت جوه

عشري….ايه عامله حساب البنت و مش عامله حساب الغلبان اللي اتمرمط علي الصبح من زايد للتجمع و نزلت من غير فطار و حتي قهوتي شربتها في العربيه

ليله….بضحك طيب خلاص حقك عليا

عشري….لا ياقلبي حقي انا هعرف اخده وبعدين انا قولتلك لو وصلتلك مش هحلك و انا مش هحلك يا ليله

ليله…..بضحك بقولك ايه يا بلطجي انت اقف مكانك واياك تيجي جنبي انا بقولك اهو و بعدين يعني انا كنت بهزر علي فكره

عشري….ايوه اقلبي فار الوقت بتهزري و من دقيقه كنتي بتقولي اللي عندك اعملوا

ليله…..بضحك هتعمل عقلك بعقل بنت

عشري…..اه عادي

ليله….لا عادي ازاي بس انت راجل و بعدين الراجل ميعملش عقله بعقل بنات انت عارف احنا عقلنا مفوت

عشري بضحك مسك دراعها و لفوا وراء ضهرها وقرب منها

ابتسمت ليله بصدمه ووهي بتبص علي الاوضه اللي فيها البنت و حاولت تبعده بأيدها الثانيه

عشري……هنتلم و نبطل عند و شغل جنان و تسمعي الكلام و تسبيني اشوف شغلي ولا هتلففيني وراكي

ليله….بضحك عشري خليك جدع و ابعد البنت هتشوفنا يخربيتك

عشري…..بابتسامه جميله ردي الاول

ليله……انت بتساومني خد بالك

عشري…..اه بساومك ردي

ليله…..طب مش هرد بقي ايه رايك و علي فكره انت بتستقوي عليا عشان انا في موقف ضعف الوقت

عشري….بضحك كده موقف ضعف امال لو قربت اكتر و ناديت علي البنت هتعملي ايه و انتي عرفاني انا مجنون واعملها

ليله….بضحك عشري بطل جنان الله يخليك و ابعد

عشري…..هتسمعي الكلام ولا لا

ليله…..بضحك هسمع هسمع

ابتسم عشري و ساب ايدها وبعد خطوه لوراء

ليله…..علي فكره بقي انت مش جدع

بصلها و ابتسم ورفع حاجبه و قرب منها تاني

ليله…..بضحك ما قولتلك احنا عقلنا مفوت متركزش معايا

عشري…..و الله يا ليله لو مبطلتي شغل العيال ده لا هبقي اعيل منك و لسانك الطويل ده لو طول عليا مره تانيه ووعنلتي فيها جامده انا هعرف ازاي اقطعه

ليله….بابتسامه بالسكينه و لا المقص

عشري…..بنستظرف صح

ليله……بضحك بهزر معاك الله

عشري…..هزري و عموما مش هقطعه لا بسكينه ولا بمقص انا هقطعه بحاجه تانيه

ليله….بضحك طيب خليك مؤدب و انا عايزه اعرف الوقت انت عرفت مكاني ازاي

عشري…..بابتسامه يعني اااا نادين

ليله….ااااااه انا قولت مفيش غيرها و بعدين انت مش قولت والله ما هسأل حد

عشري….بضحك والله العظيم ما سألت انا بس شغلت دماغي اتصلت بيها و عملت نفسي مش عارف اوصلك وانك مش بتردي و قولتلها انك قولتيلي هتقابليها قالتلي اه بس مش الوقت عشان هي في الشقه راحت تجيب بنت تنضفها عشان هتتأجر بعد بكره قولتلها اه ما هي قالتلي بس انا نسيت اسالها الشقه فين عشان ابقي مطمن عليها قالتلي انها بعد بيتي وانا جيت و فضلت ادور علي العربيه بتاعتك وبس و تحت قابلت ولد صغير سالته عنك وعملت فيها المستأجر الجديد و هو قالي انتي فين بالظبط ادي كل الحكايه انا مقولتلهاش تقولي هي اعترفت لوحدها

ليله….اه يا نادين الكلب و الله ما هعديهالك

عشري….بضحك.بقولك ايه اوعي تقوليها احسن تزعل و تفكر اني كنت بغفلها

ليله….بضحك لا وانت برئ اوي

عشري….قولتلك شغلت دماغي و بعدين انتي السبب لو كنتي رديتي علي سؤالي كان زماني في شغلي و انتي بتشوفي شغلك بس ليه الاستاذه ليله بتحب التعب و شغل العيال

ليله….بابتسامه دلع والله انا براحتي عاجبك ولا لا

عشري…..بابتسامه رفع حاجبه يعني.

ليله…..طب اعترف و خليك.صريح وقول انك كنت بتتلكك عشان تيجي

عشري….بضحكه جميله من غير ما اعترف مش باين عليا اني عامل زي العبيط و انا قاعد اخطط واللف وراكي

ليله…..يعني بجد كنت عايز تشوفني

عشري…..وحشتيني يا رخمه

ليله….بحب انت كمان يا عمري وحشتني اوي

عشري…..لا بقولك ايه جو الرومانسيه و الكلام الحلو ده مش هيدخل عليا

ليله….بضحك طب ايه عايز ايه

عشري…..عايز افطر يا اللي معندكيش دم بقولك قفلت معاكي و خدت القهوه ونزلت يلا فطريني

ليله….بضحك افطرك ازاي مفيش هنا اكل هو ده بيتي

عشري…..بيتك ايه انزلي يلا فطريني في اي مكان و يكون في علمك انتي اللي هتحاسبي مش كنتي زعلانه اني بحاسب يلا بقي قدامي فطريني و حاسبي كمان

ليله….بضحكه جميله عيوني بس انا اللي هحاسب و اللي يرجع يبقي عيل

عشري…..فكراني هحاسب بعد المشوار ده ولا ايه انجري قدامي واحمدي ربنا اني مقولتلكيش هاتي حق البنزين

ليله…..بضحك عادي علي فكره انا سداده

عشري…..بابتسامه هنشوف يلا قدامي

ليله….طيب لحظه اعرف البنت

عشري…..يلا بسرعه علي ما اجيب الاسانسير

ليله….ماشي

دخلت ليله عرفت البنت انها هتنزل شويه وترجعلها و بعدين خدت شنطتها وراحت لعشري

فتح عشري الاسانسير و ركبوا مع بعض

عشري….بقولك ايه صحيح قدام الواد اللي تحت كأني المستأجر الجديد

ليله…..بضحك ده يومه اسود هو كمان عشان يبقي يطلع اي حد كده تاني

عشري…..انا اي حد ده انتي يومك اسود

ليله…..بضحك افتح يلا

خرجوا من البيت مكانش في حد واقف وراحوا ركبوا العربيه بتاعتوا و اتحركوا

عشري…..هتفطريني فين

ليله….هوديك مكان حلو و بطل طفاسه بقي صدعتني اللي يشوف كده يقول بياكل كتير

عشري…اه باكل ولو مش باكل عند فيكي هاكل كتير انهارده

ليله….بضحك ده عشان هحاسب وكده يعني.

عشري…..اه طبعاً ده انا هخرب بيتك اتقلي عليا عشان تبقي تشحططيني وراكي كده تاني

ليله….والله لو عاجبك بقي و يكون في علمك لو هشوفك كل يوم كده يبقي مس هعرفك لابسه فين ولا انا فين اصلا

عشري….طب جربي عشان و ديني اعقلك من قفاكي

ليله…..الله بقولك عشان اشوفك

عشري….لا يا اختي متتلككيش انتي بس قوليلي تعالي في اي وقت هتلاقيني قدامك

ليله….بابتسامه هنشوف بس قولي ايه الحلاوه دي

عشري…..بطلي بقي معاكسه انا مرتبط

ليله…..بضحك و مين القمر اللي انت مرتبط بيها دي

عشري….يا حر جلبي حراه هاذي ماهي قمر هاذي دقاقه تقصف العقل قصف

ليله….بضحكه جميله هما حضروا

عشري…..هما حاضرين علي طول في خدمة القمر

ليله….بابتسامه طب ادخل يمين في شمال

عشري…..ماشي يا تاج راس البنات

…………….

عند عسال كان واقف بره قدام المبني بتاع المعرض الجديد مضايق بسبب نادين اللي موبايلها غير متاح رن عليها كتير و بعت مسچات اكتر و مفيش اي استجابه

وقف شويه سند علي تربيزه مضي علي شويه ورق و رن موبايله في الوقت ده كانت نادين رد عليها بسرعه

عسال……الو نادين انتي بخير

نادين….بكل هدوء صباح الخير

عسال…..انتي كويسه

نادين…..اه الحمد لله اسفه انا لسه الوقت حالا واصلي شبكه ولاقيتك متصل وباعت مسچات كتير

عسال…..انتي فين يا نادين ؟

نادين…..انا كنت في المخزن مع نوني كان عندنا جرد لشغل كتير و جوه مفيش شبكه خالص انا يادوب لسه خارجه وسيباها سوري بجد لو قلقتك

عسال…..قلقتيني انتي عارفه انا بتصل من امته و بعدين هو انا مش قولتلك لما تصحي و تنزلي تعرفيني

نادين….ايوه بس انت قولتلي هتنزل علي الضهر و انا نازله من تسعه مرضتش اقلقك عشان عارفه انك لما بتصحي مش بتعرف تنام تاني

عسال….بس انا قولتلك اتصلي يا نادين و بيتهيألي اني معرفش انام احسن من اني افضل قلقان عليكي و حتي شغلي معرفش اركز فيه

نادين…..سوري يا ميدو

عسال…..تمام يا نادين المهم انك بخير شوفي يلا اللي وراكي و انا هروح اشوف شغلي

نادين…..ميدو استني

عسال…..نعم

نادين….مالك ؟ انا كويسه علي فكره

عسال…..بصوت باين عليه انه مضايق جداً بس كان هادي خالص و انا كنت هعرف منين انك كويسه

نادين……طيب سوري بجد انا لو اعرف ان ده هيحصل والله كنت اتصلت بيك بس انا محبتش اصحيك

عسال……تمام حصل خير يا حبيبي بس ارجوكي بعد كده بس تعرفيني لو انتي في اي مكان و مش هيبقي في شبكه انا بتصل بيكي من حوالي ثلاث ساعات و المشكله اني معرفش انتي ممكن تكوني فين عشان اجي اشوفك بنفسي ولا عارف اتصل بمين من البنات يبقي عارف تحركاتك

نادين…..طيب خلاص متزعلش بجد انا اسفه والله انا اصلا مكنتش هقعد كل ده انا كنت هستني نوني توصل و هشوف معاها كام حاجه واسيبها تكمل وامشي بس خدنا وقت و محستش بنفسي وانا بعمل الجرد ان الوقت اتأخر كده

عسال…..تمام يا نادين خلاص مفيش اي حاجه المهم فطرتي

نادين….ااا لا كنت مستعجله

عسال…..طيب ممكن تاكلي

نادين….طيب سيبك من الاكل الوقت انت هتفضل مضايق كده

عسال….مش مضايق يا حبيبي انا بس كنت قلقان عليكي

نادين…..طيب بجد اسفه و متزعلش و اكيد مش هتتكرر تاني

عسال…..ماشي يا حبيبي خلاص مفيش اي حاجه انتي راحه فين الوقت

نادين……عندي كام مشوار كده و في.كام مكان هروح اشوفهم و ليله قالتلي ان في شقه محتاجه شوبه حجات هبقي اروح اجيبهم لما اخلص

عسال….طيب تمام المهم و انتي بتتحركي كده اي مكان مش فيه شبكه عرفيني ان شالله تقعدي كذا ساعه فيه بس ابقي عارف

نادين….بابتسامه هاديه حاضر هعمل كده اكيد

عسال….ماشي يا حبيبي يلا روحي و خلي بالك من نفسك و ياريت تفطري

نادين…..حاضر

عسال……باي يا حبيبي

نادين……باي

…………….

عند.عشري و ليله.

بصت ليله علي التربيزه وهي بتضحك كانت مليانه اكل

عشري…..وهو بياكل انتي مش بتاكلي ليه يلا كلي

ليله….بضحك ايه كل الاكل ده

عشري…..ااااااه هنبدأ بقي في تسميع الكلام عشان هتحاسب انتي بصالي في الاكل

ليله…..بضحك يا عمري بالف هنا بس انا صحيح عارفه انك بتحب الاكل و بتحب تطبخ بس انت مش اكيل اوي يعني ده اكل يكفي ناس كتير

عشري…..ولا يكفي ناس كتير ولا حاجه ده ليا انا وانتي و بعدين انا جعان.

ليله….بضحك بصتلوا بحب طيب كل يا سيدي

عشري…..يلا كلي انتي هتقعدي تتفرجي عليا

ليله….لا ما هو انا فطرت قبل ما انزل

عشري……و ايه يعني افطري تاني و بعدين فطرتي ايه ؟

ليله….كلت توست و شربت قهوه

عشري….وهو بيقلدها بطريقه مضحكه كلت توست كلي يابت بلاش مياعه قال توست قال

ليله….بضحك مش جعانه و الله

عشري…..لا ماهو انا مش هاكل لوحدي و بعدين ايه موحشكيش الفطار معايا

ليله….بحب لا وحشني بس يعني بلاش تقول مش هعرف اكل لوحدي دي انت قربت تاكل التربيزه

عشري….بابتسامه تجنن انتي عارفه لو جرالي حاجه هعمل فيكي ايه

ليله….بضحك لا والله مش قصدي بقولك ايه انا هاكل عشان تسكت و مسمعش صوتك بقي

عشري…..مش هسمعك صوتي يلا كلي يا بتاعت التوست

ابتسمت ليله و كلت معاه و فصلت بصاله بحب و هو بياكل

بصلها عشري و حطلها لقمه في بوئها

عشري…..كلي كلي دوقي دي حلوه اوي

ليله…..بحب طب كفايه عشان انا باكل عشانك انا اصلا مش قادره

عشري…لا بس حلو المكان ده و الاكل بتاعه حلو

ليله…..اي خدمه انا شايفه انك تسيب زايد و تيجي تقعد هنا

عشري….هنا فين لا مليش في التجمع يا بتوع التجمع

ليله…..بضحك ومالهم بتوع التجمع ان شاء الله

عشري…..بطريقه مضحكه بياكلوا توست

ضحكت ليله وضربتوا علي كتفه

ليله…..رخم

بعد وقت بسيط.خلصوا فطار و كملوا شرب قهوه مع بعض

اتصل عليه فضل في الوقت ده

عشري….ايوه يا فضل

فضل…..انا عايز اعرف انت فين ؟ بقالك اكتر من ساعه تقول جاي انت جاي منين مش فاهم

عشري…..انا في مشوار و جاي خلاص بطل زن و لا مش عارف تمشي الشغل لوحدك يا جوييهل

فضل…..باتسامه وينك انت مش مطمنلك عالصباح

عشري….بضحكه جميله ويش ودك بي انت يلا سردب

فضل…..بابتسامه حاضر بنسردب بس لا تنسي توصل سلامي لليله

عشري…..بضحك الله لا يوفجك سردب

قفل عشري وهو بيضحك وبص لليله

عشري…..قفشني الواطي

ليله…..بابتسامه اؤه عرف انك معايا

عشري….بضحك وباعتلك السلام

ليله….بضحك احسن تستاهل يلا اشرب خلينا نقوم و تروح تشوف شغلك

عشري….الواحد ميعرفش يتهني ابداً

شاور عشري للويتر يجيب الحساب
ثواني و قرب منه الويتر حط الشيك و مشي

حطت ليله ايدها علي الشيك حط كفه فوق كفها و سحب الشيك بالايد الثانيه و بصلها وهو رافع حاجبه

ليله……ايه !! لا بقولك ايه احنا اتفقنا و قولنا اللي يرجع يبقي عيل

عشري…..وانا عيل يا ستي و كنت بهزر عشان اخدك ونفطر سوا

ليله….بابتسامه طيب علي فكره بقي انا اللي هدفع

عشري….علي فكره بقي يكون في علمك جربي تمدي ايدك في شنطتك وانا معاكي والله يا ليله بقطعهالك

ليله….بابتسامه جميله بس علي فكره انا كنت مبسوطه اني هعزمك و كمان مفيش فرق بينا

عشري….طبعاً مفيش فرق بس في اي حاجه تخص الحساب في الف فرق ولو علي العزومه يا ستي ابقي اعزميني في المطعم بتاعكم مش عنديكم مطعم

لياه….بابتسامه جميله اه عندينا مطعم بس عموما انا عرفت هعزمك علي ايه

عشري….بضحك لو اللي في بالك بعينك

ليله…..بضحك والله لا هتاكلوا

عشري…..بابتسامه قومي يا معفنه يا بتاعت الفسيخ طب انا راضي ذمتك فسيخ و توست ازاي يركبوا مع بعض

ليله…..بضحك انا بركبهم ملكش دعوه

خرجوا مع بعض من المطعم فتحلها الباب و ركبها و راحوا مع بعض تاني وصلها لحد البيت

عشري….يلا يا ست البنات علي فوق

ليله…..هتمشي

عشري….هروح اشوف شغلي كفيانا دلع

ليله….طيب هتوحشني

عشري…..وانتي هتوحشيني و بعدين.متقلقيش كل ما احس اني فاضي وهعرف اخلع هتلاقيني جنبك اتفقنا

ليله….بحب اتفقنا يا عمري خد بالك من نفسك

عشري….بحب باس كفها وانتي كمان لما تخلصي كلميني وعرفيني هتعملي ايه

ليله…..بضحكه جميله مش هعرفك عسان تدور عليا و تجيلي قربت منه بسرعه باسته من خده و فتحت ونزلت بسرعه

عشري….بضحكه جميله وصوت عالي شويه علي فكره غفلتيني بس تمام

بصتلوا ليله بحب وباسته بوسه علي الهوا وطلعت بسرعه علي فوق

عشري ابتسم و اتحرك بالعربيه.

……………….

بعد حوالي ساعه وصل عشري علي الكافيه و لمح والده واقف بره مع الشباب بيتابعهم و هما بيظبطوا المكان الخارجي كان واقف بكل هيبه لابس اللبس البدوي و حاطت علي راسه الشماخ والعقال و في ايده المِشعَب اللي هو (العكاز)

قرب عشري منهم ركن عربيته ونزل بإبتسامه جميله وراح علي والده باس ايده باحترام

عشري…..يابااااه حياك الله

عشري (الاب)….وينك انت من الصباح

ابتسم علي اخوه الكبير.

علي…مش شايف وشه منور ازاي يا حاج اكيد كان في مشوار كده ولا كده

عشري…..بابتسامه بلا هالسوالف و اتركك عني يا راعي النسوان

علي…..بضحك والله معترغ راعيهم ورافع راسي بعد

عشري الاب….ويش فيهم النسوان؟ فيهن شي؟

علي….بضحك قولها يا بااااه قولها بصوت عالي

عشري….بضحك حتي انت يا باااه طب بلا هالسوالف بدل ما اروح افتن و انت تدري امي لو سمعت حرف بس بتقلب الدنيا والعرق الصعيدي هيطلع.

عشري الاب….طيب جرب و انا بروح افتن لمريم

عشري…..ااااااه طيب كويس بقي انك فتحت سيرة مريم عشان كنت عايز اتكلم معاك في موضوع كده

عشري الاب….خير

علي…..صحيح انهارده العزاء بتاع عمها

عشري….اه عارف بس مش ده اللي كنت هقولوا

علي…..في ايه ؟ خير

عشري…..خير اكيد بس خليها بعدين بقي مش هنعرف نتكلم الوقت

عشري الاب…..لا احكي انا سامعك

عشري……طيب تمام بص يا حاج انا فكرت كتير و خدت القرار خلاص و مش عايزك تضايق انا من الاخر كده هسيب مريم

عشري الاب…..ويش صار بينكم

عشري….مفيش انا مش قادر و لا عايز الجوازه دي مريم بنت كويسه و نسبها يشرف بس مش رايدها ياباااه

علي….يا ابني انت دماغك دي فيها حاجه ده فرحكم لولا اللي حصل لعمها كان هيبقي بعد ثلاث اسابيع تسيبها الوقت طيب الناس تقول ايه

عشري…..الناس تقول اللي تقوله يا علي و اهي جات من عند ربنا كده كده الفرح هيتأجل و حتي لو متأجلش انا مش هكمل

عشري الاب…طيب ليش

عشري….مبحبهاش يا بااااه وبعدين انت مش كل همك تفرح بيا انا واخواتي و تشوفنا مبسوطين انا مش هكون مبسوط مع مريم و دي حياتي

عشري الاب….بنظرة حنونة وصوت فيه شوية عتاب
أكيد يا ولدي أنا ما في شي يفرحني قد ما أشوفك مبسوط إنت وإخوانك ودي حياتك وانت حر فيها، بس لله يا ولدي لله لين متى بتتهرب من الجواز؟

أنا قلبي بيحِن، ودي أشوف عيالك قبل ما أغمض عيني ودي أسمعهم ينادوني جدي بس الزمن بيعدي، وأنا ما ضامن عمري.

عشري…بعد الشر عليك يا باااه والله لا افرح قلبك و هتزوج عن قريب كمان

علي….. بضحكه خبيثه اوباااااا يبقي في حد تاني و شكلك كده المعاد اللي كنت فيه معاها

ابتسم عشري و ضربه بكوعه

علي…بضحك ااااه

عشر الاب….بابتسامه كيف الحال يا راعي النسوان

عشري….بضحك بص هقولكم كل حاجه بس في وقتها المهم الوقت انكم تعرفوا ان حوار مريم ده لازم يخلص في اسرع وقت

علي….ايه طبيت يا عشري يا صغير

عشري….بابتسامه اه طبيت اخيراً ويش تريد انت

علي….بضحك ما وديش الله يسهلك امورك يا سيدي

عشري الاب…..في حد تاني يا محمد

عشري….في يا باااااه و لاول مره يكون في و مستحيل اتخلي عنها كيف ومتي بحكيلك كل شي في الوقت المناسب

عشري الاب…..طيب بس الوقت مش مناسب عند مريم

عشري….عارف انت هستني شويه يعني اسبوع عشر ايام و هقولها و بعدها انا وانت تبقي نتكلم مع ابوها و نقوله كل شي قسمه ونصيب

عشري الاب…..يصير خير و الله يسهل امورك يا ولدي بس انا ما رايدك تتعجل شاور عقلك تاني يمكن تغير رأيك

عشر….انا خدت قراري يا بااااه و عارف ويش ودي

علي…..بضحك تصدق بالله بقي عندي فضول اعرف مين اللي شقلبت كيانك كده

عشري….بضحك بعينك يا راعي النسوان يلا بالاذن يا باااااه هشوف الشباب و الشغل

عشري الاب…..ويش اسمها يا محمد

بص عشري لوالده بابتسامه

عشري…..ليله

علي….بابتسامه جميله و الله هي ليله فعلاً

عشري….بضحك والله بنسي انك اخوي الكبير و بكسر راسك

ضحكوا الثلاثه و شويه و بدأوا الشباب يشوفوا شغلهم.

………….

الوقت كان بيمر و كل واحد فيهم في شغلوا ايمي و ليله كان ليهم اكبر قدر من السعاده في اليوم ده و بالاخص ايمي اللي كانت طايره من السعاده و قررت تفضي شويه من ضغط الشغل و تبعتلهم علي الجروب اللي ايه عملتوا وهما في دهب صوره خدتها مع رشيد و هو في بيت اهلها .

عند نعيمه بعد ما خلصت جرد طلعت علي بيت اهلها تطمن عليهم وتشوفهم.

اول ما وصلت فتحت الباب بالمفتاح لمحت قدامها نسمه كانت بتلبس ونازله

نسمه….بابتسامه نوني و حشتيني

نعيمه…..بابتسامه هاديه ضمتها انتي اكتر ايه الاخبار

نسمه….كله تمام انتي كويسه

نعيمه….الحمد لله انتي رايحه فين كده

نسمه….كنت نازله اقابل صحابي و اشتري كده كام حاجه نقصاني انتي عارفه بقي من يوم اللي حصل في البلد و مكانش حد فينا عارف يعمل اي حاجه ما صدقنا الدنيا اتظبطت

نعيمه…..طيب ما تخليها لبكره او حتي استني شويه بلاش رخامه انا كنت جايه اقعد معاكم شويه

نسمه…..معلش بقي يا نوني احنا متفقين انا والبنات بس هعوضك و هبقي اجيلك انا اصلا عايزه اخلع من البيت ده شويه زهقت من خناقهم

نعيمه….بابتسامه سخريه ايه مش قادرين ياخدوا راحه

نسمه….ما انتي عارفه اللي فيها بقي

نعيمه….طيب امسكي ده اوردر كنت عملاه عشانك قبل ما اسافر

نسمه…..والله انتي ما في منك حطيه في الاوضه ولما اجي هشوفوا يلا هاتي بوسه

نعيمه…..بابتسامه بسيطه باي يا رخمه هما فين طيب؟

نسمه….نادر في الاوضه بتاعته الحقي اقعدي معاه عشان بيلبس و هيخلع هو كمان و ماما في المطبخ و بابا كالعاده دي الساعه اللي بيحب ينام فيها

نعيمه….طيب يا اختي شكراً علي الطاقه السلبيه اخلعي

نسمه….بضحك باي يا نوني

قفلت نسمه الباب و اتنهدت نعيمه و راحت علي المطبخ تشوف والدتها كانت واقفه بضهرها في المطبخ بتكلم نفسها و بتتخانق

نعيمه….القمر بيخانق دبان وشه ليه؟

بصت نجلاء عليها و ابتسمت بسعاده

نجلاء…..نوووووني حمد الله علي السلامه يا قلبي

حضنتها نعيمه اوي

نعيمه…..الله يسلمك يا نوجا و حشتيني اوي

نجلاء….انتي اللي وحشتيني كل ده حاسه انك غايبه بقالك سنه

نعيمه….ده هو اسبوع واحد يا نوجا متأڤوريش

نجلاء……بردوا كتير

نعيمه….طيب طمنيني عملتوا ايه في الحو اللي قلب ده؟

نجلاء….ولا حاجه عملنا زي كل الناس اتحبسنا مع انها مش جديده يعني انا علي طول محبوسه

نعيمه….مش قولتلك تعالي اسافر انا و انتي و البت نسمه

نجلاء…..لا مش عايزه هروح اعمل ايه يعني

نعيمه….تغيري جو يا نوجا يعني هو انتي عملتي ايه وانتي قاعده هنا

نجلاء….بسخريه ولا حاجه بتخانق انا وابوكي

نعيمه…..ولحد امته يا نوجا هنضيع عمرنا كله في خناق

نجلاء…..مش يمكن يزهق و يتغير

نعيمه….كنتي انتي زهقتي يا نوجا و بطلتي تتكلمي في اللي محتجاه

نجلاء…..بابتسامه حزينه معاكي حق

نعيمه…..بقولك ايه انا هروح اشوف الواد نادر و اسلم عليه قبل ما ينزل و اسلم علي بابا و اجي ارغي معاكي و احكيلك اللي حصل معايا هناك

نجلاء…..في ايه انتي كويسه يا نوني

نعيمه….بابتسامه كويسه متقلقيش بس خلبني اعملك تشويق كده بنتك و اصحابها اتحبسوا في بيت واحد مع ست شباب يا نجلاء صوتي و سمعي الجيران

ضحكت نعيمه وادتها ضهرها قفشتها بسرعه من ايدها

نجلاء…..ست شباب ايه يا بت اللي اتحبستوا معاهم

نعيمه….يا ستي هحكيلك اسلم علي نادر اللي هيخلع قبل ما اشوفوا ده

نجلاء….طيب بسرعه و اسمعي انتي هتتغدي معانا مش هتمشي

نعيمه…..عامله اكل ايه

نجلاء….باميه و ملوخيه ورز و شربه

نعيمه…..هاكل طبعاً دي باميه يلا جيالك

سابتها نعيمه وراحت علي خبطت علي نادر و فتحت

نادر…بضحك يخربيت عقلك انتي لسه عايشه ؟

ضحكت نعيمه و حضنته

نعيمه…..مانا لو عندي اخ عدل زي الناس كان سأل عليا

نادر…..انتي هتستهبلي يابت ما انا مكلمك كذا مره باماره ما قولتلك في صوت شباب جنبك هاااا وعملتي عبيطه و قولتي دول عالشاطئ

نعيمه…..بضحك صراحه كنت بكدب عليك عشان متقلقش

نادر…..يعني ايه مين دول يا بت انطقي

نعيمه….بضحك هقولك بس وديني لو عملت فيها سبع رجاله لا اديك علقه من بتوع زمان

نادر…..يابت انا بقيت اطول منك و بعدين انتي فيكي نفس هو كف واحد اكومك انطقي مين دول

نعيمه….دول الشباب اللي كنا هنسلتم منهم الڤيلا يعني كانوا ساكنين فيها قبلنا ونفس اليوم اللي هنوصل فيه هما هيمشوا فيه

نادر….وايه عجبتهم القاعده كملوا

نعيمه….هما كملوا صحيح بس مش عشان عجبتهم القاعده عشان مكانش ينفع يمشوا يا ابني الدنيا اتدمرت في لحظه و القيامه كانت قايمه و البيت غرق و اتحبسنا

نادر….نعم يا روح امك يعني كنتوا قاعدين مع بعض في نفس البيت

نعيمه….اه وبطل طولة لسان وقلة ادب

نادر…..بصدمه انتي بتتكلمي جد

نعيمه…..اه والمصحف اصلا احنا وصلنا قبل معاد الاستلام بكام ساعه و نادين تعبت واتعورنا واتبهدلنا من الثلج طلبنا منهم نفضل جوه شويه لحد ما يمشوا دخلونا بس بعدها الجو بقي اصعب و لا عرفوا يمشوا ولا عرفنا نوصل لاي حد يجيبلهم مكان تاني و الجنينه بره المايه فيها وصلت للعجل و العربيات باظت و كانت ليله مكناش سامعين غير صوت تكسير زجاج و هواء بيطير كل حاجه

نادر….طيب مرجعوش لؤه مس كده كده كانوا ماشين

نعيمه….ياغبي ما هما اعلنوا حالة الطواري ومكانش في سفر علي الطريق

نادر…..ودول كانوا كام واحد

نعيمه….سته

نادر…..نهارك اسود سته وانتوا سته وبقي فرح

نعيمه….بضحك لا بس هما اصلا مش صغيرين يعني و مراهقين كلهم محترمين جداً و جدعان بجد و بصراحه محدش فينا شاف منهم اي حاجه وحشه وتعبت هناك و خدوني علي المستشفي بس ده بعد خمس ايام تقريباً

نادر…..طيب و كنتوا بتناموا ازاي ان شاء الله

نعيمه…..انا والبنات خدنا اوضتين وهما اوضتين

نادر…..الله يخربيتك و بيت مصايبك طيب ليه مقولتليش

نعيمه….هتعمل ايه يعني لا هتعرف تيجي ولا هتعرف تعمل حاجه كنت هتقلق و بس و بعدين مقولتش كمان لاني مكنتش قلقانه بصراحه يعني كلهم جدعان بمعني الكلمه

نادر…..اختي انا تبات مع شباب في نفس المكان

نعيمه….ولا متأڤورش اعتبر اني كنت قاعده في فندق و بعدين يا اخويا كنا محبوسين اصلا يعني مش بمزاجنا

نادر….امممم طيب وايه مفيش حد فبهم عمل حاجه كده ولا كده

نعيمه….يا ابني بقولك.محترمين كلهم و اصغر واحد فيهم 30 سنه

نادر….انتي عارفه الحسنه الوحيده في كل ده ان ايمي و ليله كانوا معاكم

نعيمه…..بضحك متقلقش عليهم دول مسيطرين المهم بطل رغي و خد دول

نادر……ايه دول

نعيمه…..هديه يارب يطمر فيك

نادر…..هديه ايه الوقت حرقتي دمي يا اللي منك لله و جبتيلي العار

ضربتوا علي راسه

نعيمه…..عارف في عينك يا حيوان

نادر….بضحك ابو تقل ايدك بقولك ايه اوعي تكوني كنتي بتلبسي لبس عريان

نعيمه…..عريان ايه انت كمان ما تحترم نفسك ياض بدل ما اضربك وربنا

نادر….ما انا عارفك

نعيمه….لا يا اخويا اطمن كنت بلبس كويس و اصلا الجو هناك بليل كان ثلج و علي فكره في يوم كده هبقي اعرفك عليهم و هتحبهم اوي

نادر….بضحك و دول اوريهم وشي ازاي بعد ما اختي باتت معاهم في نفس البيت

نعيمه….بضحك والله هضربك يا غبي بقولك كنا مضطرين

نادر……طيب انتي جيبالي ايه

نعيمه….مصيبه تشيلك و تريحني منك جيبالك كام تيشرت و شوز هتعجبك اوي

نادر…..طب مش كنتي تيجي بدري قبل ما انزل

نعيمه….انت رايح فين صحيح

نادر….عندي كام مشوار شغل

نعيمه…..مش هتتغدا معانا طيب انا جايه اقعد معاكم شويه

نادر…لا بليل لما اجي و بعدين ابقي تعالي يوم الاجازه عشان اعرف اقعد معاكي

نعيمه….لا وانت الشهاده لله بتقعد اوي يوم الاجازه

نادر….ماهو اللي يعيش في بيت المجانين ده يطفش اءا كان انتي طفشتي و خلعتي مننا

نعيمه….ماشي يا خويا عموما هبقي اكلمك يلا كمل لبسك هروح اشوف بابا

نادر….ماشي هشوفك قبل ما انزل

نعيمه….اوك باي

خرجت نعيمه وراحت علي اوضه والده كان نايم قعدت جنبه بهدوء و باسته من خده

فتح عينه براحه واول ما شافها التسم و فتح دراعه

عادل…..وحشتيني اوي

نعيمه…..وانت وحشتني اكتر طمني عليك

عادل….زي الفل انتي اخبارك ايه

نعيمه….زي ما انت شايف بخير الحمد لله

عادل….هقوم اغسل وشي واجيلك

نعيمه….لا خليك نايم انا كده كده قاعده معاكم شويه قولت بس ادخل اسلم عليك

عادل…..ماشي قوليلي امك لسه بتبرطم بره؟

نعيمه…..بضحك اه دي قربت تولع في البيت عملتلها ايه المرادي يا دولا

عادل….والله يا بنتي ما عملت نسيت اجيب ليمون وانا جاي من الصلاه ما صدقت حاجه تتخانق عليها قولتلها نطلب من السوبر ماركت قالتلي لا مش عايزه نزلت تاني قولت عشان تسكت و جيبته و بردوا مبطلتش هي شكلها صحتها مبقتش تيجي غير علي الخناق

نعيمه….بابتسامه هاديه طيب و بعدين لحد امته يا بابا

عادل…..بتقوليلي انا يا نعيمه قوليلها هي بقت تتخانق علي اسباب تافهه

نعيمه….وانا قولتلك قبل كده ميت مره متمسكش في الظاهر و مش كل خناقه تافهه يا حبيبي هي دي اللي بتبقي مضيقاها انت عارف هي بتحبك قد ايه

عادل…..ولنا بحبها يا نعيمه وانتي عارفه بس بصراحه هي بقت لا تطاق تعبت من الخناق يا بنتي و المشاكل انا السكر و الضغط عندي علي طول مرفوعين

نعيمه….يعني هي اللي كويسه ما هي كمان علي طول تعبانه

عادل….ماهي دي المشكله تاعبه نفسها وتعباني معاها و مبقتش فاهم هي عايزه ايه يرضيها

نعيمه…..انت عارف هي عايزه ايه كويس هي عيزاك انت

عادل….وانا سافرت ما انا قتعد معاها 24 ساعه في البيت

نعيمه…اهو ادبك قولت في البيت غيروا جو شويه يا حبيبي اخرجوا من جو المشاكل والخناق جددوا طاقتكم انت قاعد وهي قاعده و طبيعي القاعده دي.بتجيب اكتئاب

عادل…..انتي عارفه كويس اني مليش في الخروج انا قعدتي معاكم تسوي الدنيا

نعيمه…..بس البني ادم لازم يغير الروتين عشان ميتعبش و بعدين انت لو خدتها وخرجتوا قعدتوا في مكان رايق وهادي هيحصل ايه ما انت هتبقي معاها و كمان انا مش معاكم و نسمه ديما بره مع صحابها و نادر بيشوف شغلوا و مع صحابه و انت يا نابم يا بتتفرج علي الاخبار يا بتقرا كتاب بذمتك الغلبانه اللي بره دي مش بتصعب عليك و هي قاعده يا اما طول اليوم في المطبخ يا حاطه ايدها علي خدها قدام مسلسل

عادل….طيب ما تخرج تتمشي تروح تجيب اللي عيزاه انا قولت لا

نعيمه….ماهي المشكله انك مش بتقول لا بس قولي انت كده مين في الدنيا بيقدر يتبسط لوحده الا لو مكانش في حد في حياته بيحبه يا بابا يا حبيبي انا لو بطولي في الدنيا هقدر اسعد نفسي بنفسي لكن لو حواليا ناس بحبهم و غالين عندي اكيد هحب اني اعيش معاهم لحظات حلوه طيب جرب انت كده تقولها ايه رايك نتعشي بره و تروح انت وهي تقعدوا في مكان رايق تتعشوا و تشربوا حاجه تتكلموا او تمسك ابدها وتتمشي معاها من غير حتي كلام صدقني هترجع من بره حاسه انها مالكه الدنيا وبعدين يعني انت شايف انها بقت لا تطاق طيب جربت تيجي علي نفسك مره و من غير ما تحسسها انك جاي علي نفسك و تخرج انت وهي وتغيروا الروتين الممل ده تفتكر بعدها هتفضل تتخانق و تبقي لا تطاق زي ما بتقول انت عارف ماما كويس بتحب الضحك والهزار و ملهاش في المشاكل بس هي مضغوطه و بعدين مش لاقيه حد تطلع عليه كل ده غيرك

عادل…..يعني المشكله بقت فيا انا

نعيمه….مش فيك انا عارفه ان ده طبعك.وهي عارفه بس هي ست و من حقها تعيش كل لحظه حلوه مع الراجل اللي بتحبه و بعدين يا حبيبي ده كويس ليك كمان اخرج و اتبسط و شوف الدنيا انت تعبت كتير في شغلك وجه الوقت اللي تعيش حياتك فيها احنا هنعيش مره واحده يا بابا بذمتك حلو انك تعيش حياتك دي بين السرير و التلفزيون و بس مس حلو خالص اخرج يا حبيبي اتبسط و ابسطها عيشوا ايامكم

عادل…..بابتسامه و تفتكري هترضي عني بوم ولا اتنين وهنرجع تاني ما انا جربت كتير

نعيمه….عشان بين كل مره والتانيه شهور و سنين فيها ايه لو كل اسبوع خرجتوا مره فيها ايه لو قولتلها كل يوم بعد صلاه العشاء قبل ما تطلع انزليلي نتمشي و نروح مع بعض نشتري طلبات البيت اهي حاجه بسيطه وانا واثقه انها هتبسطها اوي

هي مش بتشوف الشارع تقريباً غير كل فين وفين يا انا انت اللي بتجيب طلبات البيت او السوبر ماركت او حد فينا انا واخواتي

عادل…ماشي يا ستي هعمل كده حاضر

نعيمه….عشان خاطري متزعلهاش بالله عليك و تبقي عملت حاجه حلوه لو خدتها بليل و نزلت اتعيشتوا بره او حتي تتمشوا

عادل….بابتسامه جميله باس كف نعيمه حاضر يا قلب ابوكي مش هزعلها

نعيمه….اهو كده و بعدين انت لسه شباب يرضيك الشباب ده يضيع في الحبسه دي

عادل….بضحك لا ميرضنيش يا ستي

نعيمه….يكون في علمك با دولا لو متعدلش مع نوجا هيجبلها عريس

عادل….عريس في عينك يا جزمه طب جربي تسأليها كده و شوفي هتقولك ايه

نعيمه…..مش هتوافق طبعاً عشان بتحبك و المشكله انك عارف ده كويس

عادل…..حاضر والله يا نعيمه انا هراضيها

نعيمه…..اما نشوف عايزه اكلمها بليل الاقيها مبسوطه وامسك يا عم عيزاك قمر انهارده جيبالك بقي تيشرت كده شبابي و بنطلون قمر و كوتضي مريح عشان تمشيها كتير و متقولش تعبت يا راجل يا عجوز

ضحك عادل وخدها في حضنه

نعيمه….ربنا ما يحرمني منك يا بنت ابوكي و يخليكي لينا

نعيمه…..و يخليكم انتوا ليا يلا هروح اشوفها بتعمل ايه و متطولش هاا بطل كسل بقي و قوم شويه

عادل….بضحك ماشي يا ستي هقوم اهو

ابتسمت نعيمه وخرجت علي بره راحت علي المبطخ

نجلاء…..انتي بتعملي ايه كل ده و سيباني بهري و بنكت في نفسي

نعيمه….علي اساس جديد عليك يعني بقولك ايه انا عابزه عصير

نجلاء….افتحي الثلاجه خدي اللي عيزاه بس يلا احكي

نعيمه……طيب حاضر استني

طلعت نعيمه العصير و قعدت جنبها علي الكرسي و بدأت تحكيلها كل حاجه و هي مصدومه.

نعيمه…..بس و هو ده كل اللي حصل

نجلاء….انتي ازاي متقوليش حاجه زي دي انا كنت كل شويه بكلمك

نعيمه….محبتش اقلقك علي الفاضي لان اصلا مكانش في حاجه في ايدكم تعملوها وبعدين لو كان في حاجه كنت قولتلكم اكيد بس والله كلهم كانوا محترمين جداً

نجلاء….طيب انتي فيكي حاجه حد عملك حاجه

نعيمه….ما انا زي الفل قدامك اهو يا نوجا وبعدين انيت مستقليه ببنتك ولا ايه علي فكره انا كان ممكن معرفكيش عشان متقلقيش واقول خلاص حاجه وحصلت بس انا بحكيلك اهو

نجلاء….الحمد لله ربنا ستر بس مكانش ينفع يفصلوا معاكم يا نعيمه و ازاي ليله وايمي وافقواهم اصلا وقبلوا

نعيمه…..اولا احنا اللي قولنالهم يفضلوا هما كانوا مصممين يمشوا وخرجوا شنطهم و كل حاجه بس الوضع كان مرعب فوق ما تتخيلي مكانش ينفع نبقي سبب في اذيتهم

كمان كل المحاولات كانت فاشله لا في طرق مفتوحه ولا المكان بره في الشارع مهيأ ولا حتي في حد.بيرد علينا عشان ياخدهم علي بيت تاني المهم يعني ده اللي حصل وانا بخير اهو والشباب وجودهم معانا نفعنا بجد محدش فينا كان هيعرف يتصرف في العربيات و جابونا لحد هنا

نجلاء…..الحمد لله ربنا ستر

نعيمه….طب ايه انا جعانه

نجلاء…..هأكلك اهو روحي قولي لعادل هياكل الوقت ولا هينام لسه

نعيمه….لا جاي ورايا هناكل مع بعض فين نادر

نجلاء….نزل وانتي عند ابوكي

نعيمه…..اه يا جزمه قالي هشوفك قبل ما انزل

نجلاء….طيب يلا بلاش رغي وقومي هاتي الاطباق

نعيمه…..ماشي

……………

طول اليوم كان الوقت بيمشي بهدوء علي عكس اليوم في دهب حتي وهما شغالين و مشغولين كان في ملل و زهق بالاخص عند ايه و سلمي و حسان و سلامه

في مساء اليوم مسكت ايمي الموبايل بتاعها وفتحت الجروب اللي ايه عملتوا

ايمي…..هاي يا حلوين عاملين ايه و حشتوني اوي مختفين ليه ؟ شكلكم كده مصدقتوا تخلصوا مننا انا قولت ادخل بس انكشكم و ابعتلكم الصوره دي.

استنت شويه و بدأ الشباب يدخلوا كلهم و يشوفوا

فضل…..بعت ايموشن صدمه ايه ده ؟

رد بعده حسان و بعت ايموشن ضحك

حسان…..عرفت انا يا ست ايمي اللي حصل عامله ايه

ايمي…..الحمد لله يا حسان انت اخبارك ايه

حسان……انا زي الفل

ايمي….ايه رأيكم في المفجأه دي

حسان…..حلوه طبعاً حكالي لما جه و قالي انه مكانش عايز يمشي

رشيد….بضحك خيانه بتشرديني

فضل…..ايه يا عم اللي بيحصل ده من ورانا

عشري…..نهارك اسود انت بتغفلنا ولا ايه

رشيد….بضحك ياعم مش زي ما انت فاكر والله هي جات صدفه كده اقول عليكي ايه يا ايمي

ليله……ايه اللي انا شيفاه ده ؟ ده انتي يومك اسود

ايمي….بضحك لا والله كنت هحكيلكم بس اليوم كله شغل

ليله….ايوه يعني ايه ما انا مش فاهمه

حسان…..بضحك واضحه يا ليله حضروا الفساتين و احنا هنحضر البدل

لياه….بضحك مش فاهمه والله يا حسان ده الخيانه دي

ايمي….بضحك والله مقابله بريئه كنا بنفطر مع بعض

عشري….بتفطروا هااا طب كان في شربات

رشيد….بضحك لا كان في صن بلوك

ضحكت ايمي

ليله…..صن بلوك ايه

رشيد…..زوزو حطتلي صن بلوك

ليله….بضحك يبقي حبيتك يا رشيد ابسط يا عم

فضل….صن بلوك الله يرحم جدك

رشيد…بس يا قهوجي يا راعي الغنم

ليله…..علي فكره انتي ليلتك سوده

ايمي….هبقي احكيلكم بقي والله يا باي عليكي

نعيمه…..دخلت بعتت ايموشن حد مستغرب ده ايه احلام العصر دي

ايمي….بضحك نامي انتي.

فضل….هي اكيد نايمه اصلا

نعيمه….بضحك لا بجد ايه الصوره الغريبه السريعه دي

رشيد….بضحك احنا في عصر السرعه يا نوني عقبالكم كده لما تواكبوا العصر

عشري…..انا واكبت العصر خلاص يا عم

عسال……مساء الفل

ليله….اهلاً يا ميدو

ايمي…..يا خربيت القمر و حشتني اوي

عسال….بضحك والله كلكم وحشتوني يا ايمي ايه الصوره الحلوه دي

ايمي…..شايفين الجمال دخل قال رأيه في الصوره مش فتح تحقيق

رشيد….ده الرايق بتاعنا ده

عشري…..انت فين يا عسال

عسال….والنبي سيب عسال في حالة عشان فاضل شويه و اقلع هدومي في الشارع زي المجانين

ضحكوا كلهم علي عسال اللي طلع مره واحده.

ليله…بضحك ايه ده في ايه مالك يا ميدو

عشري….مالك معاك مشكله ولا ايه

عسال….بغير الاستبن و متبهدل علي الاخر

فضل…..اجيلك ياض

عسال….لا يا صاحبي انا بتعامل

حسان…..انت فين يا ميدو

عسال….انا في مصر الجديده قريب من المطار كده

حسان……انا قريب منك هجيلك

عسال….لا لا خليك تيجي فين

حسان…ابعت بس اللوكيشن انا جنبك خالص يعني خمس دقايق بالظبط وابقي عندك و معايا هنا

عسال…..ايه ده هنون لا تعالي

ايمي…..غير رأيه في لحظه عشان هنا

حسان…..بضحك طبعاً هنا اللعبه بتاعتهم كلهم

عشري…..ولا يا عسال انت بتعمل ايه عند المطار

عسال…..ما تفوق بقي يا عشري من الدماغ اللي انت عاملها علي طول دي كنت في المعرض يا عم و مشيت

ليله……انت بتعمل دماغ يا عشري

رشيد…بضحك ايه اوعي تكوني مش ملاحظه

ليله…..ايه ده بجد

عشري…الله يحرقك انت و هو دي ما هتصدق دماغ ايه يا مجنونه انتي

نعيمه…..لولي انتي فين ؟

ليله…..بجيب لست زفته المفارش اللي كانت طلباها و هروح بعد كده اجيب حاجه لولاد اميمه و قمر

عشري…..قدامك كتير يا ليله

ليله…..يعني شويه

عشري…..ماشي هبقي اكلمك

نادين…..هاي

ليله….اهلا باللي ليلتها سوده معايا

عشري….بضحك منوره يا نودي

رشيد…..نودي اخبارك ايه و حشتيني

نادين….بنورك يا عشري
انت اكتر يا رشيد

وانتي مالك يا مجنونه

فضل….نودي يا قمر اخبارك ايه

نادين….يا فضل انا بخير انت اخبارك ايه

فضل…كله تمام والله

ليله……بقي بتبعيني كده يا جزمه لعشري و بتعرفيه مكاني

رشيد….بضحك يابت يابت قولنا ايه بقولك ايه يا نودي اوعي تصدقيها

نادين…..بضحك لا مش فاهمه

ليله….عرفتيه مكاني ليه لما كلمك

نادين….انااااا محصلش هو اصلا مسألنيش عشان اقول

عشري….اهوووو شوفتي

ليله….لا يا هبله عرفتيه مكان الشقه و طب عليا

نادين….بضحك والله كنت فكراه عارف هو قالي مش عارف يوصلك و كان قلقان عليكي

ليله….كان بيشتغلك يا هبله

حسان…..هو في ايه انا مش فاهم حاجه ازيك يا نودي يا قمر

نادين…..كده يا عشري

عشري….بضحك اوعي تصدقيها

نادين…..الحمد لله يا حسان انت عامل ايه

ايمي….خير ان ساء الله طيب ما هو سي عشري طب عليكي اهو ولا هي جات عليا

رشيد….خدتي بالك انتي يا ايمي

عشري….بضحك والله جات صدفه بردوا

فضل…..صدفكم كترت اوي

ايمي…..بقول ايه هو سلامه و ايه وسلمي مختفين فين؟

طبعاً الثلاثه كانوا موجودين بس محدش فيهم اتكلم و حسان اول ما شاف اسم سلمي سكت و استني يمكن تدخل

رشيد….مش عارف مختفين البت يويو وحشتني اوي

ايمي…..وسلامه والله بقول ايه انا مش نافع معايا كتابه هو مينفعش نتصل ڤديو

رشيد…..لا ينفع

اتصل بيهم فديو عسال في نفس اللحظه و هو معاه حسان و بنته

عسال…..بابتسامه جميله ايه الاخبار

ايمي…..ايوه كده يا راجل

رشيد….ايمي وحشتيني

فتحت ليله الكاميرا و هي بتلف في المكان

ليله…..هاي ميدوووو ايه الصغنن القمر ده يا رووووحي

ايمي……حسان دي هنا صح.

عشري…..هنوووون

حسان….بابتسامه سلمي عليهم

هنا….هاااي

ليله….هاي يا عمري

ايمي…..يا خرابي علي القمر هاي يا عمري

رشيد…..قلبي يا قلبي و حشتني

هنا…..بابتسامه و حضرتك

ايمي….يا عمري انا

نعيمه….ايه ده الله ايه القمر ده ربنا يحفظها يارب

فضل…..بابتسامه عقبالك يا نوني

نعيمه…..بابتسامه شكراً يا مغرور

عسال…..نودي

نودي…..معاكم لحظه

عسال….افتحي الكاميرا

نادين…..حاضر ثواني

ليله….حسان احنا لتزم نشوف هنا

حسان….اكيد انا جاهز

رشيد…هي مروحه معاك و لا هترجعها

حسان….لا ارجع ايه انا لسه واخدها الوقت هتروح معايا

رشيد….هتعدي عليا و انت جاي اكيد

حسان…..تمام هنعظي عليك هي عايزه تشوفك اصلا

عسال…..نادين

ليله…..خير يا فنانه جينا في وقت غلط ولا ايه ما تفتحي الكاميرا

نادين….يا ساتر اهو فتحت نادين الكاميرا و ركزت معاهم ايه ده هااااي هنا حسان دي مش شبهك خالص

عشري….طبعاً ايش جاب لجاب دي هنا قمر

حسان…..بضحك طبعاً قمر

ليله….مش بنقول كده يا بلطجي

عشري….بضحك اكدب يعني بذمتك شبهه

ليله….مش اوي بس حسان مش وحش يعني

حسان….يا شيخه الله يكرمك بس متشغليش بالك ده قهوجي

ليله….بضحك احسن يا عشري

عين عسال كانت علي نادين بهدوء

عشري…..ولا يا عسال هو سلامه فين مختفي يعني

عسال….والله ما عارف كان في المعرض مع رشيد و حسان

حسان….انا مشيت وهو هناك

رشيد….مشي بعدك بشويه

فضل…..غطسان فين ده ؟

ليله…..كلهم غطسانين

ايمي….ايه ده سلمي اهي

رشيد….ايه ده اهلا بالدكتوره

سلمب….بابتسامه جميله وهي لابسه البالطو و نظاره طبيه شكلها كان حلو ازيك يا رشيد

رشيد….ايه الحلاوه دي لت دكتوره دكتوره

عشري…..اوبااااا ايه اليونيفورم الجامد ده

سلمي…..ايه رايك يا عشري انفع دكتوره

عشري…طبعاً يا باشا

فضل…..ازيك يا سلمي اخبارك ايه

سلمي….الحمد لله يا فضل ازيك يا ميدو

عسال…..الحمد لله يا سلمي انتي اخبارك ايه

سلمي….الحمد لله بخير والله هاي يا حسان

رفع حسان حاجبه بابتسامه بسيطه هاي يا سلمي

سلمي…..بابتسامه جميله هاي يا هنا اخبارك ايه

هنا….هاي

نادين…..حسان ممكن اطلب منك طلب

حسان…..عيوني ليكي يا نادين

نادين….انا عايزه اشوف هنا

حسان….بابتسامه ياسلام عيوني والله

ليله….هو احنا مش هنتقابل ولا ايه

ايمي…..اه بجد خلونا نتقابل و حشتوني كلكم

رشيد…..يلا انا جاهز

عشري…..ما طبعاً صاحي علي الفطار و قاعد في بيت حماك و حماتك مين قدك

رشيد….بضحك يا ابني بقي طلعني من دماغك

سلامه…..مسا مسا

ليله….اهلاااااا

ايمي……قلبي والله لسه بسأل عنك

رشيد….ولا انت غطسان فين ؟

عشري…..ايوه هات الكاميرا كده علي الشارع و انا اقفشك

سلامه…..بضحك مالكوا و مالي شاغلين بالكم بيا ليه نودي سلمي نوني و حشتوني كلكم والله وايمي و ليله طبعاً

فضل…..ايوه و ايه لا يعني

رشيد….ايوه صح اشمعني مقولتش ايه

سلامه…..لا ماهي مش موجوده يعني انا قولت للموجودين

عشري….ولا سيبك من الرغي ده انت فين انا مش مرتاحلك خد بالك

عسال…..سلامه في عباس العقاد

سلامه….بضحك يا ابن اللذينه

عسال…..انت روحت ؟

سلامه…..انا قريب بس لسه مش هروح الوقت هلف شويه كده

ايمي…..ايه ياسلامه معاك موزه ولا ايه في العربيه

سلامه….بصدمه لا والمصحف برئ اهوو

ايمي….بضحك ده بيفرجني بجد

سلامه….بضحك ما انتي هتلبسيني مصيبه

رشيد….لا بس انت مش سالك علي فكره و متوتر كده و مش طبيعي

سلامه….والله ابداً

فضلوا يتكلموا مع بعض و يهزروا

وكلهم كانوا فاتيحين الكاميرات

قرب شاب من ايمي باين عليه انه الشيف

ايمي…..لحظه يا جماعه هعمل ميوت

قفلت الصوت و فضلت تتكلم مع الشاب و تضحك و بعدين رجعت فتحت الصوت

رشيد….خير ان شاء الله مين ده و بتقفلي الميوت ليه

ايمي……استني هفرجكم

جابت الصوره علي الاكل كان فيه ثلاث اصناف

فضل…..اوباااااا ايه الاكل ده

ايمي…..ده تيست بجربه عشان لو تمام نعتمده في المنيو

سلامه….اعتمدي يا ايمي واتكلي علي الله شكلهم حلو اوي

نعيمه…..شكلهم يجنن

سلمي….بتجربي من غيري

ايمي….بضحك خليكي في عيادتك لو سمحت

رشيد….انا جاي ادوق

عشري….ايوه روح عشان يبقي فطار و غداء

ايمي…..بابتسامه يلا تعالي و العشاء لما توصلني في البيت عشان نغيظ عشري

عشري…..الله يسهلكم يا ست ايمي
يلا يا جماعه بستأذن انا عشان ارجع للشغل

ليله…..يلا انا كمان هروح بردوا

انسحبوا كلهم واحد وراء التاني

راح عشري علي العزاء مع ابوه و علي اخوه عشان يقدموا واجب العزاء في عم مريم.

سلامه كان مضايق بسبب ايه و مكانش علي بعضه كان شايفها بتشوف من بره كل الرسايل و كانت موجوده بس لا اتكلمت ولا دخلت

حسان كمان كان مضايق اوي لما سلمي دخلت موجهتش ليه اي كلمه سلمت بس عليه و سكتت

هي كمان اضايقت كان نفسها ينكشها او يقول اي حاجه بس معملش كده

عسال كمان كان هيتجنن و مكانش علي بعضه و مكانش فاهم ليه نادين مفتحتش بسرعه الكاميرا

اما ايه فا كان ليها النصيب الاكبر من الغضب بسبب لا مبالاة سلامه و لما دخل سلم علي الكل و مقالش اسمها و اكتفي برده انها مش موجوده.

الوقت كان بيجري و الساعه بقت 12 ونص

راح رشيد خد ايمي و رجعها البيت

سلامه طلع علي البيت و حسان كمان روح هو وهنا و معداش علي رشيد عشان كان بيوصل ايمي

عشري وفضل كانوا لسه في الكافيه

سلمي وايه و نعيمه و ليله كمان روحوا.

و عسال خلص مشاويره و قبل ما يرجع اتصل علي نادين يعرف هي فين .

ردت نادين عليه علي طول.

نادين….الووو

عسال…..ايه يا حبيبي فينك؟

نادين….انا مروحه بس كنت بخلص مشوار

عسال…..طيب يلا يا قلبي الساعه 12 ونص

نادين…..حاضر مروحه خلاص

عسال…..كلتي ؟

نادين….لما اطلع هاكل علي طول

عسال…..انتي مكلتيش خالص

نادين……مكنتش عارفه خالص والله

عسال……انتي بتهرجي صح؟

نادين….غصب عني والله كل ما اخلص مشوار اطلع علي مشوار

عسال….انتي عايزه تقنعيني انك مكلتيش من الصبح

نادين….لا والله مكلتش و جعانه بس هطلع اكل

عسال……نادين بجد هزعل منك كده و بعدين انا قولتلك كلي قولتي هاكل فين انتي من بدري

نادين……خلاص هاكل والله لما اطلع البيت

عسال…..قدامك كتير

نادين……لحظه كده خليك معايا

عسال…..معاكي

نادين……خلاص وصلت اهو و ركنت كمان

عسال……طيب تمام يلا اطلعي و لما تخلصي اللي وراكي كلميني

نادين…..باتسامه هاديه عايز تقفل

عسال…..لا يا حبيبي انا عشان تعرفي تخلصي اللي وراكي

نادين…..مممم طيب

عسال…..لو مش هضايقك خليني معاكي لحد ما تطلعي

نادين…..بابتسامه لا مش هتضايقني

عسال…..اكيد

نادين…ااااا اه

عسال…..طيب ممكن اسالك سؤال

نزلت نادين من العربيه قفلتها وراحت علي البيت

نادين……اكيد اتفضل

عسال…..هو انتي فيكي حاجه انهارده ؟

نادين….حاجه زي ايه ؟

عسال….يعني حاسس انك مش طبيعيه

نادين…..لا خالص ليه بتقول كده

عسال…..يعني مجرد احساس

نادين…..كل ده يعني عشان الصبح ضايقتك شويه

عسال….مين قال اني مضايق منك او انتي ضابقتيني انا قولتلك كنت قلقان عليكي

نادين…..طيب ممكن تخليك معايا عشان الموبايل ممكن يفصل في الاسانسير

عسال….معاكي يا عمري

طلعت نادبن بالاساسنسير و الخط علق شويه و الصوت راح فضل ميدو معاها علي الخط و هو بيشرب السيجاره.

نادين…..معاك يا ميدو هفتح اهو وادخل

عسال….طيب يلا ادخلي

فتحت نادين و دخلت علي جوه

نادين…..خلاص معاك يلا كمل

عسال…..بقولك ايه اقفلي هكلمك ڤديو احسن ممكن

نادين…..اوك تمام

قفل عسال الخط ثواني و رجع اتصل بيها تاني كانت حاطه الموبايل علي البار بتاع المطبخ و واقفه قدام الموبايل اول ما شافته ابتسمت بتوتر

عسال…..بابتسامه و حشتيني

نادين…..ااا وانت كمان

عسال…..بجد

نادين…..بجد اااااا يلا كمل كنت بتقول ايه

عسال…..طيب انا عايز اسالك سؤال تاني بصراحه عندي فضول اعرف اجابته

نادين….سؤال ايه ؟

عسال…..لما كنا بنتكلم و قالتلك ايمي تقريباً افتحي الكاميرا كنتي بتعملي ايه

نادين…..امممم ولا حاجه

عسال…..امال ليه مش فتحتي علي طول و فضلتي تقولي لحظه

نادين…..انا كنت رايحه علي العربيه و مرضتش افتحها غير لما ادخل و اقعد بس

عسال….امممم طيب

نادين…..بابتسامه ليه بقس السؤال ده

عسال….قولتلك فضول

نادين…..بس انا حاسه انه مش فضول

عسال….بابتسامه جميله امال ايه

نادين…..يعني حسيت كده انك كنت عايز تتأكد من حاجه او مش مصدقني

عسال…..خالص والله بس يعني انا حسيت انك مش حابه تفتحي او يعني كان في سبب خلاكي مش عارفه تفتحي الكام

نادين…..خالص والله بس كنت رايحه علي العربيه

عسال…..تمام

نادين…..تمام هو انت روحت صحيح

عسال…..اه انا تحت البيت بس في العربيه بكلمك

نادين….طيب يلا اطلع

عسال….زهقتي

نادين…..لا اكيد بس عشان متفضلش قاعد كده

عسال….طيب يلا انا هطلع وانتي روحي كده كلي و ظبطي نفسك و هبقي اكلمك تاني

نادين…..حاضر

عسال….يلا يا حبيبي سلام

نادين….سلام.

…………..

طلع عسال علي فوق لقي سلامه قاعد مع حنان و اخواته بيتكلموا في موضوع السفريه و اللي حصل فيها و مقابلتهم بالبنات

دخل سلم عليهم وقعد شويه معاهم

مصطفي…..بقي كده يا ميدو مش تقزلي ان السفريه فيها بنات

عسال….بابتسامه مش عملت فيها رجل اعمال و مرضتش تيجي معانا

مصطفي…..ما انا او اعرف ان هيبقي في بنان مكنتش قعدت بس قولت السفريه كلها رجاله

عسال….بضحك تموت انت في الهيصه

مصطفي…..بضحك طبعاً

كملوا كلامهم مع بعض و حست حنان من كلام عسال انه اتعلق ببنت فيهم و حست كمان ان سلامه متغير

اتكلمت معاهم و سألتهم و عسال رد عليها و حكي ليها كل حاجه كانت مبسوطه اوي و متحمسه و كانت نفسها تتعرف عليهم.

فضلوا يتكلموا كتير مع بعض و بعد وقت مس بسيط دخلوا علي اوضهم عشان يناموا اتصل عسال علي نادين و فضل يتكلم معاها كتير

ونفس الحال كان عند كل الشباب معادا الرباعي اللي متحفز لسه للعلاقه.

و كل واحد فيهم كان بيقاوح من جواه كل شويه يفتحوا الواتس و يراقبوا بعض في صمت مين متصل و مين قافل مين منزل استوري و مين لا.
……………..

في صباح يوم جديد كل واحد فيهم راح علي شغلوا و طول الوقت هما مع بعض علي التليفون راحت ليله خلصت كام مشوار و علي الساعه خمسه اتحركت بالعربيه عشان تروح لاخواتها و اتصلت بعشري.

عشري…..و هو بيشتغل هااا يا حبيبي

ليله…ايه الاخبار

عشري…..تمام يا حبيبي ايه فينك كده؟

ليله…..خلصت ورايحه علي اخواتي قولت اعرفك

عشري….لحظه خليكي معايا

ليله…اوك

كلم عشري شاب من اللي بيشتغلوا معاه في الكافيه.

عشري…..اني ما اعرف يا خوي انت كيف تفكر جولتلك هاذي ما بتنحط كذي هاد مكانها و جولتلك طرحي بطن الثلاجه و غسلها بميه وملح خلي روحها ترد فيها و بعدين رچع كل شي مطرحه

سعيد….والله الثلاجه نظيفه غسلناها و مابجي فيها اي وسخ هاذي اتغسلت عشيه

عشري…..تتغَسل تاني جدام عيوني

سعيد….حاضر

عشري…..يلا انجلع و نادي علي فخر

سعيد…..حاضر

عشري…..ايوه يا حبيبي

ليله….بابتسامه جميله القمر بتاعي مين معصبه

عشري….بابتسامه مفيش يا قلبي معلس لحظه

ليله…..اقفل طيب

عشري….لا لا خليكي

فخر…..ايوه يا مستر محمد

عشري…..فخر بالله يا رچال انا كم مره جولت هاذي الثلاجه بدها تتغسل و كام مره جولت ما اريد المح غبار في المكان

فخر…..والله يا مستر محمد المكان زين و نظفناه من الغبره

عشري…..كيف ياعني وهاد ايش حرك صباعه علي سطح التربيزه و فرجوا التراب شوف يا فخر انا ما بدي مزاجي يتعكر أنت تدري زين الغبره بتعفرتني

فخر…..حاضر يا مستر محمد

عشري…..يلا سردب

ليله…..هو انت مالك بتخانق دبان وشك ليه

عشري….مش بخانق دبان وشي بس لازم الكلام يتعاد الف مره

فضل…..مالك ياخوي طايح في الشباب ليه

عشري…..هااا لحجوا يخبروك و يشتكوا

فضل…..لاه بس شايفك بتعاركهم

عشري…..شوف بنفسك المكان صاير كله غبره و هما مصممين ان المكان نظيف و سوف بنفسك هاذي منظر ثلاجه شد عليهم يا فضل عشان اني لو شديت عليهم بكرههم حالهم

فضل….طيب خلاص هديي انا بروح اقف معاهم

عشري…..ماشي ايوه يا حبيبي

ليله……علي فكره لو كلمتك تاني و سيبتني كده علي التليفون مش هتكلم تاني

عشري…..قولتلك لحظه و بعدين بشوف الشغل

ليله…..طيب اقفل معايا و شوفوا

عشري…بابتسامه بتتعصبي شكلك

ليله…..ما انت مستفز علي فكره وانا بضايق من الحركه دي

عشري…..حقك عليا يا ست البنات قوليلي هتقعدي قد ايه

ليله…ااااااااه دخلنا بقي في هتقعدي قد ايه و هترجعي امته خد بالك انا رايحه لاخواتي هااا

عشري…..يا ستي ان شالله تنامي هناك انا بسأل

ليله…..طيب انا مش عارفه احنا هنتغدي مع بعض و هقعد معاهم شوبه عشان واحشني و لما امشي هقولك

عشري……ماشي يعني هفضل لنا قاعد مستني كل ده و انتي بعيد عني

ليله….ايه هوحشك

عشري…..امممم يعني

ليله….بابتسامه والله طب يلا امشي

عشري…..لا خلاص هتوحشيني اكيد يا مجنونه

ليله……هبقي ابعتلك رساله كده ولا حاجه عشان هتصعب عليا

عشري…..ماشي يا ستي

ليله…..يلا يا حبيبي قبل ما اطلع هكلمك اوك

عشري….ماشي خدي بالك من الطريق

ليله…..حاضر يلا باي

عشري…..سلام يا قلبي

……………

وصلت ليله و عرفت عشري و بعدين طلعت سلمت اهلها كانت مبسوطه اوي بيهم و واحشينها اوي اتغدوا مع بعض علي طول عشان كانوا مستنينها و قعدوا بقي بعد الاكل كلهم ادت ليله الهدايا اللي جيباها لولاد اخواتها كلهم كانت مبسوطه ان وليد اخوها موجود و معاه البنات

ليله…..دي ليكي يا تقي و دي ليكي يا رقيه و دي ليكي كنزي انا قولت احنا كبرنا و بقينا انسات بقي

تقي…..بسعاده والله يا عمتو انا بموت فيكي

ليله…. انا هشوف الشبشب الوقت كام مره قولت يا بت بلاش عمتو دي.

قمر……بلاش عمتو دي بتفكرها بعمتو الحربايه

تقي….بضحك لا لا خلاص ليله

رقيه….لولي بجد شكراً

ليله….العفو يا روحي

استاذ حمزه و استاذ نوح ده بلاي استيشن بدل اللي باظ

حمزه…..طب والله كنت حاسس من حجم الشنطه

نوح…..والله انتي احلي خاله في الدنيا

ليله…..اي خدمه علي الله بس نسمع الكلام

اميمه….والله ما حد هيبوظ العيال دي غيرك

ليله…..لا احنا متفقين هيسمعوا الكلام هجيبلهم كل اللي هما عايزينه

احمد….انتي بتحلمي يا ليله والله لو عملتي ايه يتعدلوا يوم و يبظوا عشره

ليله……والله يا احمد و بتكلم جد هما عارفني لو حصل منهم اي حاجه لا هقلب عليهم قلبه ربنا ما يرويهالهم

حمزه…..والله ابداً احنا وعدناكي يا ليله و علي فكره بقي و ماما و بابا بيأڤروا شويه

ليله…..لا انتوا اللي دناغكم صعبه و اوعي تفكر اني باجي في صفكم يبقي انتوا مش بتغلطوا انا بس بمشي الدنيا معاكم مش اكتر بس هما معاهم حق و انتوا واجعين قلبهم

حمزه….طيب اساليهم يا ليله والله انا بذاكر و بعدين انا علي طول من الاوائل

اميمه…..وانا مقولتش انك مش شاكر او مش بتذاكر بس بقول انك واجع قلبي انت و اخوك

ليله….راضي امك وابوك يا حمزه انت ونوح عشان لو لفبتوا الدنيا كلها مش هتلاقوا حد في حنيتهم

نوح….حاضر يا خالتو

حمزه….بابتسامه حاضر يا لولي

ليله….بابتسامه بصوا سليم و عمر باصين ازاي علي الشنطه

سامح…..بضحك مستنين دورهم في الهديه

ليله…..بضحك شيفاهم يا ياسمح والله هيتجننوا طيب ايه يا سامح اديهم و لا تاعبين قلبك انت وقمر

سامح…..بابتسامه ااااا ماشي نديهم

قمر……والله مفرجين عليا الدنيا و صوتي الجيران حفظتوا

ليله…..الكلام ده بجد يا عمر انت و سليم

سليم…..بضحكه جميله مش هتعبها تاني

احمد…..بضحك استسلم بسرعه

ليله….طبعاً عشان الهديه بقولك ابه انت وهو نفس الكلام اللي قولتوا لحمزه ونوح بقوله ليكم انتوا كمان ماشي

عمر…..حاضر

سليم….حاضر

ليله….بابتسامه يلا جبتلكم انتوا كمان بلاي استيشن

اتصدموا من فرحتهم و فضلوا يتنطتوا و اترموا في حضن ليله

خضنتهم ليله بحب .

قمر…..بس عرفيهم يا ليله ان البلاي استيشن في الاجازه بس

ليله….لا من غير ما اقول مفيش لعب عليه غير في الويك اند لما تيجي الاجازه بقي يبقوا يلعبوا براحتهم اتفقنا

سليم….حاضر

عمر…..حاضر يا خالتو

ليله….ومش عايزه خناق مع بعض خلاص ده بقي بتاعكم انتوا الاثنين

اميمه…..بقولكم ايه خدوا الهدايا بتاعتكم بقي و سيبونا شويه

قاموا الولاد كلهم و سابوهم.

فضلت ليله تتكلم مع اخواتها

سامح واحمد كانوا قاعدين مع بعض بيتكلموا و سايبينهم مع بعض

حكيتلهم ليله علي اللي حصل في السفريه كله و طول الوقت وهي بتحكي عينها كانت علي وليد مكانتش عارفه ليه هي بتحكي قدامه و سألت نفسها الف سؤال انا بحكي عشان انا فعلاً حد صريح و مش بيحب الكدب ولا بحكي عشان محتاجه احس ان ليا ضهر و اشوف رد فعل اخويا بحكي عشان ده الصح ولا بحكي عشان محتاجه احس اني مش لوحدي.

و الحقيقه ان رد فعل وليد كان زي ما توقعت مقالش ولا علق علي اي حاجه غير.

وليد…..عدت علي خير المهم انك كويسه

بصتلوا ليله بابتسامه بسيطه وهزت راسها

اميمه…..انتي ازاي متعرفنيش كل ده انا كلمتك كتير

ليله….كنتي هتعملي ايه يعني يا اميمه

اميمه….اي حاجه كنت هجيلك كنت هبعتلك احمد و سامح او ابعتلك اخوكي

ليله….لا اطمني مكنتش محتاجه حد لان من البدايه كنت عارفه انهم مش وحشين وبعدين انا لوكنت حسيت بكده مكنتش سيبتهم يقعدوا لحظه

قمر….ايوه يا ليله افرضي كانوا بيمثلوا ولا بسبب الوضع اللي كنتوا فيه مكانوش لسه ظاهرين علي حقيقتهم كنتي هتعملي ايه

وليد…..ما خلاص با بنات عدت علي خير و هي قدامكم كويسه اهي و بعدين ليله ميتخافش عليها دي بميت راجل.

ليله….بنظره طويله ايوه صح يا وليد انا بميت راجل و ميتخافش عليا

اميمه….بلا ميت راجل بلا ميت زفت
ربنا هو اللي سترها معاكي مش اكتر لكن مش ديماً الصدر المفتوح يا ليله هينقذك

ليله….سبيها علي الله يا اميمه و غيروا الموضوع بقي صحيح يا وليد انت ايه اللي حصل معاك في الشغل

وليد….ولا حاجه ياليله الشغل ف
ي مشاكل من قبل ما الجو يقلب كده و بعد اللي حصل باظ اكتر و بيصفوا كمان عماله كتير و كل واحد فينا حاطت ايده علي قلبه

ليله….طيب و انت هتفضل حاطت ايدك علي قلبك و مستني دورك دور علي حاجه تانيه

وليد….انا مكلم كذا حد

ليله…لا مش كفايه دور بنفسك اللي هيقولك حاضر و طيب مش هيسيب دنيته و ينزل يدورلك بنفسه كل واحد عنده دنيته و بالكتير اوي لو جه قدامهم حاجه بالصدفه هيعرفوك و ميتهيأليش الصدف تنفع في حاجه زي دي

وليد….طيب اعمل ايه يا ليله انا مقدرش اسيب الشغل و قتها هيستغنوا عني بجد و معنديش غير يومين اجازه يعني صعب و بعدين انا بخلص علي الساعه ثمانيه يعني متأخر امتي بس هلحق

ليله…..هتلحق يا وليد علي الاقل تبقي دورت بنفسك كمان و حاولت في اكتر من مكان

اميمه…..ياما قولتلك يا وليد اعمل حساب للزمن معاك بنات مش كل اللي في ايدك تصرفوا

وليد…..ماهو علي يدك يا اميمه اللي بيجي رايح عليهم و علي البيت انا عمري ما استخسرت فيهم حاجه

قمر…..اميمه متقصدش يا حبيبي كلنا عارفين انت بتحبهم قد ايه بس لازم نعمل حساب الزمن لانه مش مضمون واللي كان معاك كله حطيته في جهاز البنات

وليد….اديكي قولتي في جهاز البنات يعني علي الاقل في ظرف زي اللي انا فيه ده مبقاش حامل غير هم اكلهم و دراستهم بس و شلت هم جهازهم ده من علي قلبي

ليله…..غلط يا وليد طبعا هو اللي حصل حصل بس كمان الفلوس دي كان زمانها نفعتك لو حطتها في البنك و اللي يطلع منهم يأمنك شويه انت استعجلت علي جهازهم اوي البنات لسه صغيرين اكبر واحده فيهم في تانيه جامعه غير ان كل يوم بتطلع حاجه جديده

وليد…..اللي حصل بقي احنا في انهارده

ليله….خير ان شاء الله.

فضلوا يتكلموا مع بعض كتير و رجعوا تاني الولتد قعدوا معاهم و قضت ليله معاهم جو حلو لحد الساعه 11 اميمه مكانتش راضيه تسيبها تمشي.

ليله…..بقول ايه كفابه كده انا لازم امشي

قمر….وانا كمان العيال بتنام علي نفسها

اميمه….لسه بدري خلينا سهرانين شويه ده انا ما بصدق نتجمع

ليله….خليها يوم تاني يا اميمه انا عندي شغل و بعدين كان بقالي اسبوع بعيده عن الشغل و اتكوم فوق راسي

اميمه….طيب مش جعانه والنبي

ليله….جعانه ايه يا اميمه انا كلت لسنه قدام انتي عماله تأكلي فيا من وقت ما جيت

اميمه….طيب هعملك طبق للبت نعيمه هي بتحب المحشي بتاعي

ليله…..لو اني يعني اكيد هروح الاقيها نايمه بس اعمليلها هي اصلا قالتلي والله

اميمه…..من عنيا هعملها طبق حلو

ليله….بس بسرعه يا اميمه

اميمه…..اهو علي طول

ليله…..احمممم اااا وليد تعالي عيزاك شويه احمد انا هدخل انا وليد اوضه الولاد ثواني

احمد…..ادخلي يا عبيطه بتستأذني في بيتك

وليد…..يا بنات حضروا نفسكم يلا عشان اخلص مع ليله و نمشي

راح وليد وراء ليله علي اوضه الولاد

ليله….اقفل الباب وراك وتعالي

وليد….ادي الباب اهو خير في ايه يا ليله.

قعد قدامها علي السرير التاني طلعت ليله من شنطتها لفه في ورق شبه الظرف بس اكبر و كان فيها مبلغ كبير اوي .

ليله…..بهدوء امسك يا وليد

وليد….ده ايه ده ؟

ليله….شوفوا

مسك وليظ منها و فتحه لقي في مبلغ كبير جداً بصلها بهدوء

وليد….ايه الفلوس دي

ليله…..دول 100 الف يا وليد هتاخدهم تمشي بيهم نفسك حطهم بقي في بنك شغلهم بطريقتك انت حر

وليد….انتي عبيطه يا ليله لا طبعاً امسكي فلوسك انا مس هاخد حاجه و بعدين انا مش محتاج يا ليله

ليله…..اولاً فلوسي هي فلوسك انت واخواتك ثانياً انا مقولتش انك محتاج ده مبلغ بسيط يوقفك علي رجلك لحد ما الدنيا ترجع تمشي تاني و تشوف هتكمل في شغلك ولا هتدور علي غيره

وليد…..بس انا لسه في شغلي و محدش طلب مني اني امشي

ليله….وانت ليه تفضل مرهون تحت ضغط كلمتهم افرض روحت بكره قالولك خلاص استغنينا هتعمل ايه وقتها

وليد….انا قولتلك اني مكلم كذا حد

ليله….تمام بس الكذا حد دول مش في بوم وليله هيقدروا يوفرولك شغل و يمكن يلاقوا والشغل ميعجبكش او يبقي راتبه اقل من مصاريفك هتعمل ايه وقتها هتفضل حاطت ايدك علي خدك

وليد…..بس انا مش هاخد الفلوس دي يا ليله

ليله….بلاش تنشف دماغك يا وليد و اسمعني كويس انت عندك ثلاث بنات و مبقوش صغيرين و انا عارفه كويس اوي مصاريف البنات و طلباتهم و اهتمامتهم عامله ازاي كمان مراتك ياوليد ليها حق عليك انت مراتك غلبانه و طيبه و راضيه بكل حاجه معاك سواء حلوه او وحشه يعني بنت اصول ولازم تلاقي هي كمان كل طلباتها من غير ما تطلب

وليد….ربنا يعلم اني مش بقصر معاهم في اي حاجه

ليله…..عارفه يا حبيبي انك حنين عليهم كلهم و عارفه ان شيماء طيبه و محترمه و ملهاش اصلا طلبات و مربيه بناتك احسن تربيه و هما كمان مقدرين الظروف بس مش عشان هي طيبه وملهاش طلبات نيجي عليها و نشيلها الهم و بعدين منظرك لوحده كفايه انها تشيل الهم معاك خد الفلوس يا وليد و بطل عند احنا اخوات

وليد….المفروض انا اللي اديكي انتي واخواتك يا ليله مش العكس و بعدين انتي ناسيه ان انا اخوكي الكبير

ليله….بابتسامه هاديه لا طبعاً مش ناسيه ان كبيرنا يا وليد بس احنا اخوات و مفيش بينا الكلام ده و اي حد.فينا معرض يتحط في نفس الظروف دي حتي انا ايه وقتها مش هتقفوا معايا

وليد…..بس انا عمري ما وقفت معاكي يا ليله في اي حاجه انتي طول عمرك شايله نفسك بنفسك

ليله…..وانت عمرك ما قصرت مع اميمه وقمر و وقت جوازهم ساعدتهم الاثنين و كل اللي كان نفسهم فيه عملتوا و متقلقش يا سيدي لما ابقي اجي اتجوز هبقي اخرب بيتك بس يارب متزهقش مني ابتسمت بهدوء وليد احنا ملناش غير بعض و انا يوم ما يحصلي حاجه او اقع مش هدور غير عليكم و عارفه انك اول حد هيقف في ضهري

وليد…ليله انا عارف انك اوقات كتير بتزعلي مني و اني مش ديماً قريب منك بس انتي عارفه اني بحبك صح

ليله…..اننا منبقاش قريبين عشان دماغنا مختلفه عن بعض وضع و حبنا لبعض وضع تاني يا وليد انت اخويا و من دمي و انا اختك و من دمك اينعم احنا صحيح ديماً بنتناقر و دماغنا بعيده خالص عن بعض بس انا عارفه انك بتحبني و انت عارف غلاوتك عندي يعني كل ده ملهوش علاقه بحبنا لبعض يكفي ان قلبي يوجعني لما اشوفك شايل الهم كده و انا موجوده و بعدين يعني انت مش ديماً تقول عليا بميت راجل تفتكر بقي لما اشوف انك في مشاكل في شغلك هسيبك

وليد….بنظره وجع عينه دمعت يمكن انا عارف ان الكلمه دي اوقات بتضايقك بس انتي بجد بميت راجل يا ليله و ديماً تعملي اللي انا مش بعرف اعملوا

ليله…..بنظره حزن ابتسمت و هي عينها مدمعه مسكت ايده بسرعه اوعي تقول كده انت طول عمرك خيرك علي الكل و بتجامل الكل و احن حد في الدنيا مش عيب انك تقع العيب اننا لما نشوفك كده منقفش معاك و بعدين انا اختك و سترك و غطاك يعني لو معملتش كده مستاهلش اننا نبقي اخوات

قرب منها وليد وضمها بحب ابتسمت ليله وضمته اوي

وليد….ربنا يخليكي ليا و ميحرمنيش منك انتي واخواتك بس اسمعيني كويس مسح دموعه ورجع مكانه انا مش هاخد الفلوس دي و صدقيني لو الدنيا قفلت في وشي اوي هقولك

ليله…..ورحمه امي يا وليد لو ما نزلت و الفلوس دي معاك مش هيحصل طيب و انت عارفني مجنونه سحبت منه الشنطه بتاعته اللب كانت في ايده فتحتها و حطت فيها الفلوس و بصتلوا انا مش هستني الدنيا تقفل في وشك يا اخويا ولا هستني انك تيجي تطلب مني خد الفلوس يا وليد و اللي هتعوزوا تاني هتلاقيه و لو حسيت انك محتاج تشتغل حر نفسك و تفكر في مشروع و محتاج مبلغ اكبر انا موجوده اتفقنا

ابتسم وليد بهدوء و هو محرج جداً

وليد….ماشي يا ليله

ليله….امسح دموعك دي يلا عشان بناتك ميشوفوهاش و ارفع راسك يا وليد و اه متنساش يعني تبقي تحضر نفسك لجهازي

ابتسم وليد

وليد…..ارضي انتي بس عن الرجاله الاول

ليله….بضحك اعمل ايه طيب ما انتوا مش بتيجوا معايا عدل و انا خلقي ضيق بس يعني اوعدك قريب هبقي اسمعك اخبار حلوه

وليد….ربنا يفرحني بيكي و اشوفك احلي عروسه بس قوليلي هو حصل ولا ايه

ليله…..متبقاش حشري بقي و تاخد عليا كده خليها لظروفها هبقي احكيلك بس يعني خليها عليا تقدر تقول اه حصل

وليد….بابتسامه ده بجد و مين اللي امه داعيه عليه ده

ليله…..حبيبيييييي ده امه دعياله

وليد….بضحك طب والله امه دعياله ربنا يسعدك يارب و يرزقك براجل يعوضك خير عن كل حاجه في حياتك

ليله….ويخليك ليا يا حبيبي يلا بقي خلينا نخرج

وليد…..يلا بينا

خرج وليد بنفسيه افضل كتير عن اللي كان عليها من اول ما جه

اميمه…..انا خلصت علي طول وانتي اللي عماله ترغي جوه

ليله….خلصت خلاص يلا هاتي بقي طبق الطفسه دي خليني امشي

راحت سلمت علي الكل و نزلت نع وليد و قمر و جوزها و الولاد

سلموا علي بعض تاني تحت وركبت ليله العربيه و مشيت و هي مبسوطه اوي مسكت الموبايل وكلمت عشري.

عشري…..الووو

ليله…..الوو طيب مفيش وحشتيني فينك كل ده ولا ما صدقت هلصت مني

عشري…..هايزه مني ايه انا مش بكلمك اصلا

ليله….بضحك ابه ده مخاصمني

عشري….اه مخاصمك

ليله….وانا مقدرش.علي خصام القمر بتاعي

عشري…..بزعل يلا يا بت منها اقفلي

ليله….بصحك ايه ده بقي ده انت مخاصمني بجد

عشري….اه مش باين عليا ولا ايه

ليله….طيب ليه انا عملت ايه بس

عشري….اخر مره كلمتيني كانت الساعه سته 35 دقيقه و الوقت الساعه 12 بالظبط يعني بقالي حوالي خمس ساعات ونص و خمس دقايق مسمعتش صوتك ولا هان عليكي حتي تردي علي رسالتي

ليله…..رساله ايه انت بعت رساله ؟

عشري….ما طبعاً من لقي احبابه هتركزي يعني في رسالتي و لا هتركزي مع حبايبك

لياه….بابتسامه جميله طيب استني كده خليك معايا

فتحت ليله الرسايل و جابت اسمه لقت رساله مكتوب فيها وحشتيني

ابتسمت ليله وقفلت الرسايل و رجعت ردت عليه.

ليله….انت كمان وحشتني

عشري….لا بعد ايه بقي

ليله….بابتسامه والله ما مسكت الموبايل من وقت ما طلعت وهو في الشنطه و بعدين انت باعتها الساعه سبعه يعني بعد نص ساعه من اخر مكالمه

عشري…..اه عادي سيبتك تطلعي و تسلمي عليهم و ترتاحي و بعدين بعتهالك بس مسألتيش فيا

ليله…..بابتسامه جميله طيب حقك عليا و الله ما خدت بالي يا قلبي

عشري…..لا زعلان و مخاصمك ومش هكلمك تاني ابداً

ليله…..طيب بذمتك هتقدر

عشري…..لا بس هاجي علي نفسي عشان زعلان منك

ليله….وانا مقدرش علي زعل القمر بتاعي طيب قولي اصالحك ازاي

عشري…..مش عايز

ليله….بضحك لا بقولك ايه متعملش فيا كده هعيط زي العيال الوقت

عشري….علي فكره انتي وحشتيني بجد

ليله….وحشتك بعد نص ساعه

عشري….اه يا ليله وحشتيني من اول ما قفلتي هشان كنت عارف ان اهلك واحشينك و لما تشوفيهم وتقعدي معاهم هتنسي الدنيا لاني عرفت منك انتي قد ايه انتي بتحبيهم و حبيت يعني احسس نفسي اني موجود في الحب ده و بعتلك رساله عشان بصراحه يعني كنت حاسس اني غيران ان هما معاكي وانا لا وقولت لما تردي عليا هبقي راضي شويه بس انتي مردتيش

ليله….بابتسامه تأثر و حست انه بجد عامل زي الطفل اللي زعلان وغيران هو انت فين يا عشري

عشري…..ملكيش دعوه

ليله….لا بقولك ايه هعيط والله

عشري…..بابتسامه زعل بسيطه احسن عيطي

ليله….اهون عليك ؟

عشري….ما انت هونت عليكي

ليله….وغلاوة عشري في قلبي من وقت ما كلمتك و قولتلك اني وصلت حطيت الموبايل في شنطتي و مطلعتوش غير الوقت عشان اكلمك و بعدين احنا فوق كنا كتير اميمه و جوزها وولادها وقمر و جوزها وولادها و وليد اخويا و بناته مسمعتش صوت الرساله و حياتك عندي سماح بقي متبقاش عامل زي العيال الصغيره

عشري….انا عيل يا ستي و اقولك خليهم ينفعوكي

ليله….بضحك عشري انت غيران بجد؟

عشري….اااااا بقولك ايه يلا امشي خليني اشوف شغلي و لما توصلي طمنيني

ليله….استني هنا مش هقفل معاك

عشري….عايزه ايه

ليله….عايزه اصالحك

عشري….لا مش هتصالح انا

ليله….بضحك متبقاش رخم بقي طيب بقولك ايه اجيلك

عشري….لا متجيش روحي الوقت متأخر

ليله….مش عايز تشوفني

عشري…عايز بس علي ما تيجي هتبقي واحده وعلي ما تروحي الوقت هيكون متأخر اوي يلا علي البيت علي طول

ليله….بابتسامه طيب هروح واكلمك و هصالحك كمان

عشري…..انتي قدامك قد ايه كده ؟

ليله…..يعني ممكن نص ساعه الطريق كويس.

عشري….ماشي لما توصلي عرفيني

ليله…..طيب بحبك

عشري….شكراً

ليله….بابتسامه ماشي يا قماص يلا باي

عشري…..باي

بعد حوالي 40 دقيقه وصلت ليله تحت البيت كانت الساعه واحده الا تلت ركنت و خدت الشنطه من جنبها و نزلت بهدوء قفلت اللوك بتاع العربيه و بترفع راسها بهدوء برقت بصدمه و ابتسمت لما لمحت عشري واقف قدام عربيته و السيجاره في ايده و باصصلها بابتسامه

ليله…..بابتسامه انت مجنون صح

ابتسم عشري و هز راسه بهدوء

سابت من ايدها الشنط علي العربيه و راحت عليه بهدوء و هي مصدومه و بتضحك

ليله….انت بتعمل ايه هنا وجيت امته اصلاً

عشري….بابتسامه جميله بعمل ايه هنا جيت اشوفك جيت امته جيت قبل ما تكلميني بخمس دقايق قولت استناكي و بعديداً بقي عن اني مقموص و زعلان و حشتيني و بحبك يا ليله

ابتسمت ليله بحب و معملتش حساب المكان والشارع ولا ان حد.يشوفها قربت منه ولفت ايدها علي وسطه و ضمته من سكات

حط عشري ايده علي راسها بحب و باسها من وسط راسها

عشري…..ابعدي يا مجنونه هنتاخد اداب

ابتسمت ليله و بعدت عنه شويه و مسكت بايدها الاثنين في التيشرت بتاعه

ليله…..يعني لما كنت عامل فيها مقموص مني كنت واقف هنا؟

عشري…..اه كنت مستنيكي

ليله….هو انا وحشتك اوي كده؟

عشري…..انتي شايفه ايه ؟ انا بسببك بقيت راجل خايب يا ليله

ضحكت ليله من قلبها و بصتلوا كان مبتسم ورافع حاجبه

عشري….ايه فرحانه فيا

ليله….بضحك يعني ايه راجل خايب

عشري….يعني بعمل حركات غريبه كده و مش بتاعتي بقيت خايب و مايع كده و بعمل شغل مراهقين و انا مكنتش كده انتي عارفه لو اخواتي او صحابي او حد من اللي بيشتغلوا معايا شافني في الحاله دي هطلع مسرح بسببك

ليله…..بابتسامه حب طيب وده وحش ولا حلو؟

عشري…..هو بالنسبالي حلو بس بالنسبه لشخصيتي اللي هي عكس الي بعملوا ده خيبه خالص يعني

ليله…..والله المهم انه حلو بالنسبالك

عشري…..حلو وطلع الخب بهدله بجد و علي فكره انا بجد كنت مضايق و غيران

ليله….بحب بجد

عشري….والله العيظم انا اصلا انهارده طول اليوم متعصب و مش علي بعضي و مكنتش فاهم انا فيا ايه بس فهمت خلاص

ليله….اممممم عشان كده كنت عمال تتعصب علي الشباب اللي بيشتغلوا معاك شوبه الثلاجه مش نضيفه و شويه المكان فيه تراب صح

عشري…بضحك عض علي شفايفه وبعد وشه عنها

ليله….طيب كل ده عشان اتشغلت عنك خمس ساعات ونص امال لو اتشغلت عنك يوم هتعمل ايه

عشري….مش هسمحلك اصلا و لو ضروري تتشغلي هبقي رجلي علي رجلك و لا عاجبك منظري كده

ليله…بحب صراحه عاجبني اوي و بحبك اوي

عشري…..وانا كمان بحبك اوي و يلا اتفضلي اطلعي علي فوق

ليله….هتمشي

عشري….اه همشي انا سايب الشغل من عشره ونص عشان اجيلك و استناكي

ليله….طيب ما تيجي نشرب قهوه فوق

عشري…..اطلعي يا بت يلا قهوه ايه انا لو طلعت مش هنزل

ليله….بضحك خلاص خليك بايت معايا

عشري….وماله و نجيب عشري ولياه صغيرين

ليله….بضحك اتلم نعيمه فوق اصلا

عشري….تلاقيها نامت يعني الشيطان هيبقي تالتنا وانا من هنا لحد ما يتقفل علينا باب واحد يا ليله مش هقعد معاكي في مكان واحد واحنا لوحدنا

ضحكت ليله من قلبها وهي بصاله

عشري….بضحك اسمعي مني انا عارف نفسي اهي بدأت معايا بخيبه وشغل مراهقين و عمال انطلك كل شويه صدقيني انا عشان اقابلك لازم يكون في معانا ناس و صحابنا و الجو ده

ليله….بضحك ماشي يا سيدي اللي تشوفوا

عشري…..بحب يلا اطلعي علي طول

ليله…..بقولك ايه لما اطلع هكلمك اسليك في الطريق شويه

عشري…..ماشي يا حبيبي يلا علي فوق

ليله….بحبك

عشري….وانا بموت فيكي.

راحت ليله خدت الشنط و طلعت علي البيت و هو اتحرك بالعربيه

و فضلت معاه طول الطريق ليله علي الموبايل .

انتهي اليوم نهايه جميله مش بس علي لياه و عشري علي باقي الشبا معادا الرباعي المتحفز..
……………

في صباح يوم جديد نزلوا علي شغلهم كالعاده و خلصوا شغلعم بدري شويه و علي الساعه.8 البنات راحوا مع بعض علي السوبر ماركت زي ما اتفقوا والشباب كلهم اتجمعوا مع بعض في الكافيه عند عشري و فضل.

اشتروا البنات كل الحجات اللي محتاجينها و بعدين خرجوا حطوا الحاجه في العربيات وراحوا مع بعض قعدوا في مكان يتكلموا.

ايمي….علي فكره انا لاحظت لما دخلتي الشات و لاحظت طريقتك وانتي بتسلمي عليه هاي يا حسان

سلمي….ماهو مستفز و مضايقني بجد

ليله….طيب ليه هو عمل ايه ؟

سلمي….المشكله انه معملش يا ليله و بجد يعني بدأت احس اني كنت غلطانه او كنت واهمه نفسي و بعدين يعني ماهو مش منطقي بردوا ان احنا كلنا نرتبط بالشباب يعني مشرط لو عشري و رشيد و عسال و فضل عملوا خطوه واهتموا ان الباقي يهتم جايز اصلا مكنش في بال حسان

ايمي….لا يا شيخه وغيرته اللي كانت واضحه لما لبستي المايوه و غيرته اللي كانت واضحه لما كنتي لابسه فستان وجاب المخده علي رجلك يغطيكي و كلامه و نظراته و قعدته اللي كانت معاكي طول الوقت و اهتمامه انه يسأل عن رايك لو اتقدملك عريس مطلق او ارمل او حتي معاه عيال كل ده كان ايه

ليله…..سيبك منها دي عبيطه

سلمي….مش عبيطه و يمكن قال كل ده من باب انه يفتح اي موضوع

نعيمه….طب وغيرته عليكي يا حيلتها

سلمي….من باب الصداقه مثلاً

نادين…..طيب انا عايزه اقول حاجه ممكن

نعيمه….يا اختي ما تقولي هو حد ماسكك

نادين….ماهما بيتكلموا هقاطعهم يا عديمة الذوق انتي

ليله…قولي يا نودي

نادين….ااا بصي يا سلمي يعني انا حاسه انك اوڤر شويه

سلمي….انا اوڤر طب ليه

نادين…..عشان بيتهيالي دي شخصيه حسان يمكن هو مشغول مع بنته مانسيش انه بقاله شويه مشفهاش يمكن كمان هو محرج يتكلم او محسش مثلا منك انك بتبادليه نفس الشعور فا هايف ياخد الخطوه

ايمي…هو ده اللي بقوله يعني بيتهيألي كانت هتبقي حركه حلوه بعد ما وصلونا الشباب وهو معاهم انك تتصلي عادي وصلت ولا لا انت كويس حمد الله علي السلامه اي حاجه تحسس الراجل انك مهتمه بس لا انتي والبومه التانيه سكتوا وهما اكيد خافوا ياخدوا الخطوه

ايه…..بنظره زعل والنبي اسكتي

ليله….بصراحه يا ايه يعني سلمي و اتوقع منها اللي حصل ده لان هي ممكن تتكسف شويه بس انتي بجحه و بعدين سلامه شخصيته مختلفه عن حسان مرح و بيضحك و كول الوقت بيهزر و علاقتك بيه كانت قويه ليه معملتيش كده ليه خدتي جنب انتي كمان

ايه….ولما هو كل ده ليه متصلش ليه مبعتش رساله حتي ليه لما سالتوا عني هو مسألش ليه لما قال لكل واحده فيكم بالاسم وحشتوني و رد رشيد قاله اشمعني ايه قاله ماهي مش موجوده يعني حتي رشيد لاحظ اسال ازاي و انا مش في بالي حتي علي سبيل الصداقه او الوقت الحلو اللي قضيناه سوا

ليله….بصي هو سلامه بالذات اللي استغربتوا بس يمكن عنده ظروف تمنعه.يمكن في عنده شغل كتير يمكن عنده سبب محدش فينا يعرفوا

نادين….علي فكره كمان يعني لو علي سبيل الصداقه زي ما قولتي سلامه مكلمس اي حد فينا خالص احنا الخمسه يعني لو هنقول انه مفيش في دماغه حاجه من ناحيتك غير صداقه حتي احنا مسالش عننا و علي فكره هو دخل متأخر يوم الشات و كان باين عليه انه مش مبسوط و لا بيضحك زي ما احنا متعودين

ايمي….بالظبط و حتي رده لما رسبد قاله اشمعني ايه كان غريب يعني هو ضايقك بس كمان انتي لو ذكيه شويه تعرفي انه يمكن هو اللي زعلان منك انك مسالتيش

سلمي….هو مين اللي المفروض يسأل عن التاني يا ايمي احنا ولا هما و بعدين انتوا سألتوا عن حد من الشباب و لا هما اللي اتكلموا عادي

ايمي….والله العظيم انا اللي كلمت رشبد عشان اعرف روح ولا لا

نعيمه….بضحك بصراحه انا نمت و معرفتش وصل ولا لا بس هو بعتلي رساله و تاني يوم انا اللي كلمته عادي و صحيته كمان

ليله….انا فضلت مع عشري علي الموبايل بس عادي يعني حتي لو كنتوا اتصلتوا انتوا تسألوا من باب الذوق مش اكتر كان هيجرا حاجه

سلمي…..لا بس يعني مش عارفه بصراحه حسيت اني للحظه كنت غلطانه

ايه…..يمكن انا اكتر حد حاسس بسلمي لان ده نفس شعوري انا كمان حسيت ان سلامه كانت طريقته مجرد صداقه مش اكتر و احساسي في الاول انه مستصغرني و شايفني عيله رجع تاني

ايمي….حتي لو مجرد صداقه يا ايه انتي محاولتيش تطمني عليه من باب صديقه حتي يعني هما وصلونا و اطمنوا اننا روحنا و كانوا لسه هما في الشارع علي الاقل احنا اللي نتصل و نطمن مفيهاش حاجه و لا حتي كان هيبان انك نرمين عليهم زي ما بتفكروا ده مجرد سؤال

سلمي…..معرفش بقي انا اصلا من وقت ما رجعنا وانا مش في المود خالص بسبب الموضوع ده

نعيمه….باين عليكي انتي و ايه اصلا

ايه…..انا مضايقه لان حاسه اني بجد اتعلقت بيه سطتت شويه و عيطت

ليله….ايه ده ايه ده بت لا اوعي تعملي كده

نادين….يويو هعيط والله

حضنتها نادين و طبطبت عليها

ايمي….بابتسامه طيب لما هو واحشك اوي كده ليه مجربتيش تسألي عنه او تنكشيه برساله

ايه…..بدموع عشان يا ايمي بدأت احس اني مش فاهمه حاجه كل ما افتكر طريقته واهتمامه و قربه و كل حاجه عملناها سوا في الاسبوع ده اقول لا في حاجه جوه سلامه ليا و لما الاقيه بعد ما رجعنا مش مهتم و لا حتي فاضي ينكشني برساله زي ما كان بيعمل واحنا هناك بينكشني باي طريقه اضايق بجد و احس انه كان بيضيع وقت مش اكتر او مبسوط باللحظه اللي احنا فيها هناك مش اكتر و بجد حاسه اني تايهه و مش عارفه اصلا انا ليه مضايقه و بعيط و مكتئبه

ليله…..عشان حبتيه يا ايه

ايمي….انتوا الاتنين زينا بالظبط اتعلقتوا بالشباب بس حسان كان هادي شويه يمكن قلقان بسبب موضوع انفصاله او انه معاه بنت جايز يكون بيفكر او يكون خايف ياخد الخطوه و ترفضي يعني حسان لازم تلتمسيله العذر يا سلمي

سلمي…. انتي عارفه يا ايمي ان كل ده مش فارق معايا

حسان….بس هو لسه ميعرفش

سلمي….بس لما سالني رديت عليه

ايمي….سألك في المطلق مسألش بصراحه عن رايك فيه هو يمكن كان حابب يعرف ردك المبدأي و يمكن مقدرتيش تقنعيه فا قلق يمكن مستني يشوف اهتمامك بيه و سؤالك عنه هيحصل و يتأكد انك بتبادليه نفس شعوره ولا لا جايز مستني خطوه منك حتي لو رساله عشان يقدر يقرب اكتر و يعرف انك معجبه بيه و معندكيش اي مشكله معاه ولا يستني

وانتي يا ايه مفيش ولا مره اتعاملتي مع سلامه غير بطريقتك اللي كلنا عارفينها

ايه…..يعني امثل يا ايمي ما هي دي طريقتي

ايمي….لا طبعاً متمثليش انا مقولتش كده

ليله….يا غبيه هي تقصد ان طريقتك مع سلامه بعيدا عن الهزار و الضحك لازم يكون فيها حاج سبيشيال شويه يعني انا مثلا طريقتي مع الشباب كلهم واحده بس مع عشري انا اكيد مختلفه

ايه….ما انا حاولت بس سلامه طول الوقت هزار وضحك مش عارفه اعمل ايه معاه

ليله….عشان انتي نفسك عاجبك هزاره و ضحكه و بتعملي زيه مفكرتيش مثلا تغيري تسأليه عن حياته تتكلمي معاه شويه بعقل علي فكره سلامه عاقل جداً و بياخد ويدي سيبك من الضحك بتاعه بس انتي مجربتيش تشوفي الجزء ده فيه لو جربتي صدقيني هتلاقيه بيتكلم و هتروحوا لمكان بعيد شويه مع بعض و هتلاقوا مواضيع كتير تتكلموا فيها

سلمي…..خلاص جربي يا ايه كده وشوفي علي الاقل تفهمي

ايمي….شوف مين اللي بيقول وبينصح

سلمي….انا وضعي مختلف

ايمي….بالعكس انتي اسهل منها الراجل اكيد قلقان ياخد خطوه غير لما يحس انك مهتمه

سلمي…..بزعل مفتكرش

نعيمه….والله انتوا الاثنين عايزن ميت شبشب

ايه…..بقولكم ايه انا لا هتصل ولا هبعت حاجه خليني اشوف اخرتها معاه

سلمي….وانا كمان و لو متصلش او سال براحته بقي

ليله….ماشي بس يارب بقي تفك التكشيره و نبطل زعل هاااا ونبطل نعيط يا ست ايه و الست سلمي تبطل تاكل وتهري في نفسها

بصولها الاثنين و سكتوا

سلمي…..صحيح نسيت اقولك علي صدفه مش هتصدقيها

ليله….صدفه ايه

سلمي…..مش تامر طاع صاحب اخو عشري

ايه….بضحك اه صحيح انا نسيت اقولك

ليله….ازاي

ايمي….بضحك ده بجد

سلمي….اه والله هو عشري عنده اخ اسمه سليم و عمر

ليله….بابتسامه صدمه اه دول اصغر اتنين

سلمي…..اهو طلع صاحبهم

ليله….بفرحه حلو عشان تامر يجيبلي قراره و يقولي لو بيلعب بديله

سلمي…..بضحك لا اطمني قالي انهم ناس محترمه جداً وعيله كبيره و معروفه اصلا لما حكيتلهم اللي حصل هناك تامر كان باين عليه انه مضايق و لما عرف ان عشري.كان واحد من الشباب سكت شويه قالي محترمين جدا و والده كبير.و الناس بتحترمه

ليله….بجد

سلمي….اه والله العظيم و بصراحه انا اتبسطت طمني عليكي

ليله….بضحك بعني مطلعش بلطجي

سلمي….بضحك لا حرام عليكي غيري اللقب ده بقي

ايمي….لا يابت يا ليله لايق عليه والله بس مننكرش يعني انه محترم و بيحبك

ليله…..بابتسامه ماشي يا ستي

نعيمه….بصوا ضحكت ازاي.

ليله….ماهو الكلام علي سي فضل يا اختي

ضحكوغ كلهم و كملوا كلام مع بعض .

عند الشباب الحال كان نفسه عن سلامه و حسان

رشيد….والله العظيم انا ما عارف الغبي ده بيفكر ازاي

عسال….اديك قولت غبي

سلامه…..ما انا مش فاهم هي مسألتش ليه

عشري…..يا ابني مين يسأل عن التاني انت عبيط

سلامه….ما قولتلك قلقان احسن اعملها مشكله

حسان….ده نفس السبب اللي هلتني متصلش او ابعت رساله بصراحه كمان انا احد الوقت بصراحه مش عارف موقف سلمي مني ايه

فضل…..واضح يا حسان انت هتتعدي من سلامه.انت نفسك عارف انها بتبادلك نفس الشعور

حسان….عارف بس محتاج اكتر من حاجه تأكد ده عشان اعرف اخد خطوات اكتر يا شباب متنسوش ان انا اب

عشري….استني صحيح هي فين هنا

حسان….طلع عندها معاد دكتور و صلتها و هبقي اروح اخدها بكره

عشري….طيب بص يا خسان احنا مش هنفضل نفكر و نسأل بعض خد انت الخطوات دي و شوف بنفسك الدنيا هتمشي ازاي وانت كمان يا حمار

سلامه…الله يخربيت الحمار يعني اعمل ايه

عسال….ما قالك خد الخطوه

سلامه….بضحك انا بفكر اطب عليها في المحل بتاعها

عسال….حلو روح والله

عشري….وانت روح لسلمي العياده

حسان….بضحك والله كنت بفكر فيها خصوصا ان واحنا في دهب قولتلها هبقي اجيلك اتوترت وقعدت تضحك وقالتلي اياك تعمل كده

عشري…باااااس يبقي تروح و انت وهو تطبوا عليهم

حسان….بس انا معرفش مكان العياده بتاعتها

عشري….انا هحيبهولك من ليله مش قصه

حسان….بس انا مش عايز ليله تقولها انا عابز اشوف رد فعلها

عشري….متقلقش سيبها عليا انا دي

ايمي….طيب بقولكم ايه ما تيجي كلنا نطب عليهم من غير ما يعرفوا

فضل…..هو انت ساكت ما انت عمال تطب كل شويه الببت والمطعم مش راحم

رشيد….بضحك اعمل زيي يا اخويا

فضل….بضحك ماشي هعمل

عشري…..بكره تروح انت وهو و تعرفونا هتعملوا ايه

حسان…..تمام هروح بس متنساش تجيبلي العنوان

عشري….هجيبه بليل لما يروحوا بس عشان هما مع بعض الوقت

سلامه….وانا هشوف اخرتها مع ايه بس صحيح اقولها جاي ليه

عسال….بضحك قولها انك جاي تطمن علي سلامه الكلب يا حمار

ضحكوا كلهم و ضرب سلامه عسال في كتفه.

وللحديث بقيه…..