لقاء كارثي

لقاء كارثي أميره أسامه صاحبة البطل الواحد . البارت المئه 153. ............................. في منزل احمد.. احمد.....طيب هي كويسه اديها كويسه يعني ولا فيها حاجه؟ سلمي....هي كويسه يا حبيبي و احنا مسبنهاش غير لما ضحكت و نسيت الوجع بس ايدها علمت جامد و فيها بروز شويه من اللسعه بتاعت الحصان متخيلتش اصلا انها تعمل كده احمد.....ديل الحصان قوي و مليان عضلات و هو ديما بيحرك ديله عشان يبعد الدبان او الحشرات فا لو حد جنبه و جه عليه لسعته بتبقي شبه الكرباج بجد و بتوجع جدا ده من لطف ربنا بيها انها مجاتش علي وشها سلمي.....لا الحمد لله هي جايه حاجه بسيطه علي رقبتها و علي دراعها احمد.....متعرفيش نايمه ولا صاحيه اطمن عليها سلمي...والله ما عارفه يا بابا عشان احنا وصلناها هي و أمنيه و بعدين روحنا علي المطعم تامر كان بيسمع وساكت. احمد.....صحيح انتوا روحتوا ليه علي المطعم مشكله ايه دي سلمي.... مشكله في الكاميرات بس المشكله الاكبر ان ايمي و ليله شدوا مع بعض جامد احمد....ليله وايمي مستحيل سلمي.....شدوا مع بعض والله اليوم كان تحفه ويجنن كلنا اتنكدنا بسببهم ايه.....هي والله عين الحيوان بتاع الحنطور بيقول هما كتيرو واقفين تحت اهي نغم ايدها علمت و ختمت بنكد مع ايمي و ليله احمد....يا ساتر يارب طيب اتخانقوا اوي يعني ايه.....شدوا اه جامد تامر.....هيتصالحوا متقلقوش الاتنين ميقدروش يبعدوا عن بعض سلمي...اكيد هيتصالحوا بس كان موقف رخم و كله شد اعصاب احمد....خير ان شاء الله بكره يكونوا راقوا وهيتكلموا مع بعض سلمي....يارب ايه.......انا هقوم ادخل مش قادره احمد...طيب طمنيني ناقصك حاجه ولا جيبتي كله خلاص ايه....اه يا حبيبي جيبت خلاص مش ناقصني اي حاجه و طبعا مش هفرجك علي اي حاجه الوقت خليها مفجأه احمد...بابتسامه مش مهم خليها مفجأه المهم انكم مش ناقصكم حاجه سلمي....جيبنا كل حاجه يا حبيبي و نغم كمان جابت احمد....طيب الحمد لله بقولك ايه ابقي شوفيها كده لو لسه صاحيه و عرفيني عشان اطمن عليها سلمي....بضحكه جميله مش هتسكت يا حمودي غير لما تطمن بنفسك احمد.....يعني اسيبها يا بنتي البنت لوحدها ولازم نطمن عليها سلمي.....ماشي يا حبيبي هشوفها الوقت ولو صاحبه هقولك تكلمها احمد....طيب تمام يلا ادخلوا و دخلوا حاجتكم دي سلمي.....ماشي يا حبيبي دخلوا علي اوضهم ايه حطت الشنط علي جنب و دخلت خدت شاور و غيرت و بعدين خرجت لقت سلامه متصل بيها مرتين اتصلت عليه ايه......ايوه يا سلامه سلامه....مبترديش ليه ايه....معلش كنت باخد شاور و لسه خارجه سلامه.....طيب ايه الاخبار صوتك خلصان ايه.....اه مش قادره والله تعبنا اوي انهارده من واحد لحد سبعه ونص و احنا بنتفرج و بنلف و بنقيس سلامه...المهم انك خلصتي خلاص ايه....اه الحمد لله سلامه......في اي حاجه نقصاكي ايه......الشوز بس بتاعت الفرح ممكن بكره اجيبها غير كده خلصت الحمد لله سلامه....طيب تمام انتي صوتك مضايق ولا مرهق و عايزه تنامي ايه..... بابتسامه الاتنين سلامه.....مالك ايه......ايمي و ليله شدوا مع بعض سلامه.....نعممم ازاي ايه.....مشكله في المطعم قلبت لخلاف بينهم و شدوا مع بعض جامد و زعلوا سلامه......ايمي وليله ؟! ايه.....ريهام محكتلكش اللي حصل سلامه.....لا والله العظيم زعلوا من بعض ليه خلاف ايه يعني ايه....يعني واحده امبارح اسورتها ضاعت و اكتشفت انهاردهو هي اخر مكان كانت فيه المطعم راحت سألت و طلبت تشوف الكاميرات عشان تعرف وقعت منها ولا خرجت وهي في ايدها المهم الكاميرات يعني طلعت مش شغاله ومستر عصام اللي مسؤول عن المطعم في غياب ايمي او ليله او ريهام كان مبلغ ليله من كام يوم ان الdvr مش بيسجلو محتاج صيانه وليله مش عارفه نسيت ولا فكرت ان الموضوع بسيط المهم مقالتش حاجه و طبعا لما مستر عصام حكي المشكله الي حصلت ايمي اتعصبت ان ليله كانت عارفه و متصرفتش او بلغتها هي تتصرف فا قلتلها مقولتيش ليه ليله ردت عليها قالتلها عادي مكنتش فاكره الموضوع كبير ايمي اتجننت من كلمه عادي و بس قامت المشكله بينهم هنا ايمي كانت متعصبه وليله اضايقت من صوتها العالي بس مشيت وهي مضايثه وطبعا ايمي هتتجنن انها زعلتها سلامه.....ايوه بس ايمي مش غلطانه الكاميرات دي مينفعش فيها اي اهمال ايه.....عارفه بس ليله خدت كلام ايمي بطريقه تانيه يعني ايمي بتقولها لو مكانتش الست لقت الاسوره و بلغت ان الكاميرات مقفوله كانت هتبقي مشكله كبيره ليله استفزتها تاني قالتلها لو هتخلص علي تعويض انا هدفعه و مش هدفع فيكم حد ايمي اتجننت قالتلها انا بقولك كده عشان نطلع نفسنا من الخساره سلامه.....طيب هي الاسوره اصلا البنت لقتها ايه....اه هي خرجت من المطعم وهي في ايدها و ركبت ثواني في عربيه صحبتها و بعدين راحت عربيتها لما نزلت مكانتش في ايدها كلمت صحبتها نزلت شافت العربيه لقت الاسوره سلامه....طيب بسيطه ان شاء الله خلاف بسيط و هيتراضوا الاتنين ميقدروش يبعدوا عن بعض ايه.....يارب اكيد هيتراضوا بس اضايقت بجد انهم زعلوا سلامه....معلش خير ان شاء الله هو ضغط و وقت مزنوق و اكيد الاعصاب مشدوده و ده طبيعي يحصل ايه......الحمد لله سلامه.....ممكن تاكلي حاجه و تنامي بقي عشان ترتاحي شويه ايه....انا شبعانه كلت انا والبنات لحدالوقت مش قادره سلامه....طيب هتنامي خلاص ايه....اه انت مش هتنام سلامه....لا هنام مش قادر هتصل بس اطمن علي ميدو و هنام ايه....طيب تمام سلم عليه سلامه....يوصل يا قلبي يلا نامي علي طول ايه.....اوك يا حبيبي تصبح علي خير سلامه....وانتي من اهل الخير باي ايه....باي ................ قفل سلامه مع أيه واتصل علي ميدو. عسال......ايه يا حبيبي سلامه.....طمني عليك عسال....كله تمام الحمد لله روحت سلامه....اه روحت من شويه انت تحت ولا ايه عسال....لا انا طلعت الغرفه خلاص سلامه....طيب طمني عملت ايه انهارده انجزت اي حاجه ولا لا عسال......انجزت حجات كتير الحمد لله حجزت الغرف و اختارت كل حاجه في البوفيه و ظبطت حجات كتير مع الويدنج بلانر المفروض بقي هو هيعمل تصميم علي كل اللي قولتوا و الصبح هيفرجني عليه لو تمام هيبدأوا بقي يشتغلوا علي التجهيز سلامه......طيب كده المفروض حجزت خلاص صح ولا ايه عسال....بابتسامه يوم عشرين بامر الله سلامه....طب حلو ده بعد فرحنا باسبوت بالظبط عسال....اه ما انا حاولت اظبطها من كل النواحي عشان الكل يبقي مرتاح انتوا هتتجوزوا يوم 13 كلمت انا والد نادين و والدتهاو المفروض ان والدها هيجي هنا يوم 18 بدري و والدتها هتيجي يوم 18 بليل قولت احجز يوم عشرين علي اساس انتوا يبقب بقالكم اسبوع و برضوا والدها يبقب راح من اجازته بس يومين عشان لو حابب يشوفها تاني قبل ما يسافر يبقي عنده وقت هو قال هيقعد اسبوع و فنفس الوقت يجوا قبل سفرنا احنا بيوم يعني هما هيوصلوا 18 احنا هنتحرك من القاهره يوم 19 علي اتنين كده سلامه....طب ليه اتنين ما نمشي بعد العصر بشويه براحتنا كده كده الوقت مش كتير عسال....لا ماهو لو اتحركنا علي اتنين قول نوصل علي اربعه او اربعه ونص عشان نمشي براحتنا و بعدين في نفس اليوم ده في احتفال كده و سهره حلوه هنقضيها مع بعض علي تسعه فا اللي حابب يروح يرتاح شويه قدامه كام ساعه سلامه.....طيب كويس خلاص انت كده يعتبر مستني بس تشوف التصميم اللي طلبتوا بعدها بقي هترجع بكره و لا ايه عسال....لا مش راجع بكره انت عارف انا جاي اقعد هنا ليه اصلا مش هلحق بكره انا هاجي بعد بكره علي كتب كتابك انت وحسان علي طول سلامه.....اوعي تتأخر يا ميدو عسال.....مش هتأخر باذن الله انا هخلص اللي بعملوا و هتحرك علي 3 كده و هوصل اغير و اظبط نفسي و نتحرك مع بعض باذن الله سلامه......المهم علي مهلك و خد بالك من نفسك عسال....متقلقش سلامه.....انت هتنام الوقت ولا نازل ولا ايه عسال.....هكلم نادين بس و هنام لاني هصحي علي سبعه الصبح هخلص اللي بعملوا و علي الضهر كده هكمل بقي مع الودينج بلانر سلامه......ماشي خلي بالك يا ميدو لما تنزل الصبح بالله عليك عسال....متقلقش والله الدنيا امان متخافش سلامه....ربنا يحفظك يارب طيب يلا روح كام نودي و ارتاح بقي شويه عسال....تمام يا حبيبي ماما كويسه هي وريهام و مصطفي سلامه....كله تمام متقلقش عسال.... ماشي يا حبيبي يلا تصبح علي خير سلامه.....وانت من اهل الخير سلام عسال.....سلام ..................... في غرفة تامر مسك الموبايل و فضل يسأل نفسه يتصل علي نغم ولا لا طيب يتصل احسن و لا يبعت مسدچ ساب الموبايل اكتر من مره و في الاخر مسكه و قرر يتصل عليها. نغم.....الووو ايوه يا تامر تامر....من غير مقدمات ايدك عامله ايه ابتسمت نغم ثواني و اتلغبطت شويه نغم....اااا تمام كويسه تامر.....سلمي وايه بيقولوا انها مش بسيطه نغم.....يعني بس الحمد لله احسن تامر.....محتاجه طيب اي كريم او اي حاجه اجيبهالك نغم....لا والله ليله جابتلي و حطيت منه متقلقش انا تمام تامر.....طيب رايحه بكره امته ؟ نغم.....فين ؟ تامر...انتي غيرتي رأيك ولا ايه لاستاذ رزق نغم...ااااه لا رايحههو معادي هنا 12 يعني هنزل من هنا 11 او 11 الا ربع عشان الطريق تامر.....الصبح هكلمك قبل ما انزل و أشوفك جهزتي ولا لا نغم.....انت رايح فين تامر.....معاكي يا نغم هكون رايح فين نغم.....هو انت علي طول متعصب كده تامر....ما انتي بتسالي أساله مش مفهومه نغم.....طيب خليك انا هروح لوحدي هعرف اروح متتعبش نفسك تامر....انتي مش عيزاني اجي؟ نغم..... بضحكه جميله هو انت عايز تطلعني غلط وخلاص انا مقولتش كده انا عشان متتعبش بس تامر.....بكره الساعه 11الا ربع هبقي واقف تحت البيت تمام نغم....بابتسامه طيب تمام تامر....يلا تصبحي علي خير نغم.....وانت من اهل الخير باي قفل تامر و هو مكشر و ثواني و ملامحه ابتسمت بهدوء ظبط الموبايل و بعدين نام. ...................... الصداقه انواع و في نوع من العلاقات ما بيتسماش وما بيتوصفش بسهولة. علاقة بتكبر بهدوء لحد ما تبقى جزء من تكوينك مش إضافة لحياتك لأ ! دي حياة تانية جوه حياتك. في العلاقات دي الكلام بيبقى قليل لأن الفهم ديماً سابق بالف خطوه والقرب فيها مش محتاج مجهود لأنه طبيعي زي النفس اللي بنتنفسه. وفي العلاقات دي ما بيبقاش في تعريف واضح و صرح زي مين إيه بالنسبة لمين ؟ لأنها بتعدي كل المسميات وأكبر من إنها تتحط في كلمة هي مش مجرد صداقة ولا حتى قرب عادي دي حالة كده بتخلي وجود شخص في حياتك زي وجودك أنت بالظبط تلاقي نفسك في الشخص ده من غير ما تدور وتلاقيه هو كمان فيك من غير ما يطلب. مش محتاجين يشرحوا ولا يبرروا ولا حتى يتكلموا نظرة كفاية وسكوت مفهوم وضحكة بتطلع من غير سبب بس بتكمل حاجة ناقصة جواك العلاقة دي ما بتتوزنش بوقت ولا بتتقاس بمواقف لأنها ببساطة علاقه ثابتة. ثابتة جواك مهما الدنيا اتلخبطت حواليك ويمكن عشان كده تحديداً بتبقى أغلى من أي علاقة تانية لأنها مش اختيار بيتاخد كل يوم دي إحساس بيتزرع مرة واحدة ويعيش. مش بيطلب وجود ولا بيخاف من غياب لأنه عارف مكانه كويس وعارف إنه عمره ما كان بره القلب أصلًا وفي وسط كل ده تفضل الحقيقة الوحيدة اللي مبتتغيرش إن في علاقاتما ينفعش تتوصف غير إنها روح لروح. رشيد....بصلها بابتسامه بقالي ساعه بسألك مالك و مش طيقاني و مش عايزه تقولي و عماله تقوليلي ملكش دعوه و في الاخر قولتي ان انتي و ليله شديتوا مع بعض و زعلتيها طيب لما انتي زعلانه كده اتعصبتي عليها ليه من الاول؟ ايمي....استفزتني اول مره اشوف ليله بتتعامل في الشغل بطريقه فيها لا مبالاه ممكن اتوقع ده من نعيمه من أيه حتي سلمي اوقات بتروح منها لانها من فتره طويله يعتبر مش ماسكه شغل المطعم فا الطبيعي يكون ليها غلطات هفوات انما انا و ليله و نادين لأ رشيد....بس الغلط وارد في الشغل ده اكبر عنتيل في السوق يا ايمي بيغلط عادي يعني ايمي....انا عارفه ان الشغل بيحصل فيه مشاكل كتير و غلطات و اخطاء بس المشكله هنا ان دي غلطه مش بسيطه اينعم خلصت علي خير بس اللي مجنني ان ليله شخصيتها ديما بتتوقع الاسوء عشان لو حصل متتفاجئش يعني ديما بتركز بس معرفش ايه اللي حصلها و كل ده مش فارق معايا يعني كان ممكن تقولي نسيت اتشغلت تاه عن بالي افتكر حوار الكاميرات ده وسط كل المشاوير الي بعملها عادي مش مهم انا عارفه انها مضغوطه و شايله كتير من بعد ما رجعت من شهر العسل بس اللي جنني جملتها عاااادي طب يعني ايه عادي احنا ممكن نروح في مصيبه ممكن نخسر قالتلي عادي لو هتخلص علي تعويض انا ملزومه بيه و مش هخسركم معايا جننتني فاكره ان كلامي في الخساره عن الفلوس طيب ياريت اي حاجه في الدنيا ممكن الفلوس تعوضها لكن خسارتها هي او اي حد من البنات او حتي من الناس اللي شغاله معانا مصيبه كبيره يعني فرضنا الست دي جه معاها شويه عيال بلطجيه و ض*ر*بوا حد من الشباب و لا عوروا بعض حق الشباب دي مش هيرجع لو مفيش كاميرات هي لو موجوده وحصلها حاجه مش هنعرف نثبت ده غير بكاميرا رشيد...طيب ليه مفهمتهاش كده براحه ايمي.....بقولك استفزتني يا رشيد اولا كلامها ده كان قدام ريهام و البنات ريهام يعتبر جديده في شغلنا لما تسمعنا بنتهاون في الشغل بالشكل ده غلطها هيبقي سهل ماهي شافتنا بنتعامل ازاي في اي مصيبه بكل برود ولا مبالاه و مش هي بس البنات كمان رشيد انا لما عصام حكالي اللي حصل اول حاجه جات في بالي المشكله الي حصلت في محل ايه افتكرت الشاب اللي دخلها عن طريق الشغل و ازاي ضحك عليها تخيلت نفس الموقف حصل بقي مع ليله مع اختلاف الاحداث كمان دي واحده يعتبر ليها حق جايه تدور عليه فا تخيلت ليله في موقف زي ده و محدش معاها كانت هتبقي مصيبه كان لازم اعمل كده يا رشيد عشان هما يعرفوا ان الشغل شغل بس والله العظيم انا مكنتش هتعصب لو كان ردها عليا غير كده و اللي جنني اكتر انها فكرتني بتكلم عن فلوس وتعويض و اتجننت اكتر انها مشيت وسابتني رشيد...بضحكه جميله يعني عيزاها تعمل ايه تقف تتخانق معاكي والموضوع يكبر ولا تقف تسمعك وانتي عماله تتعصبي فيها قدام الكل وبعدين انتيعارفه ليله مبتحبش حد يتعامل معاها كده ايمي.....يعني انا غلط يا رشيد رشيد...مقولتش انك غلط موقفك بالنسبه للشغل والحوار كله صح مليون في الميه بس يمكن عصبيتك عليها كانت زياده شويه و ليله عشان عرفاكي و عشان انتي اقرب حد ليها زعلت ايمي....طب انا مش غلطانه بقي يا رشيد هي اللي استفزتني و هي الليعصبتني بفهمها الغلط وعصبتني اكتر عشان مشيت و سابتني رشيد...بضحك طيب عيزاها تعمل ايه ؟ ايمي....انا وليله مش بنشد مع بعض كتير ولينا كل فتره يمكن كل سنه او اتنين مره كده نشد فيها مع بعض بس عمرها ما سابتني ومشيت حتي لما كانت بتتعصب مني و تمشي كانت تلف عشر دقايق بالعربيه والاقيها رجعالي بس المرادي مشيت و مرجعتش عشان زعلت مني بجد رشيد....لا يا قلبي ليله بتحبك و انتي عارفه كده كويس و لو فرضنا انها زعلت وفهمتك غلط و اضايقت انك اتعصبتي عليها قدام الكل يبقي نراضيها ايمي.....قافله موبايلها و انا مش هتصل بيها تاني اصلا عشان هي قافله الموبايل مخصوص عشان تضايقني رشيد....بابتسامه مش يمكن فاصل شحن ايمي....لا هي مش عايزه تكلمني انا عارفه رشيد.....خلاص استني لبكره كده كده هي روحت و عشري كمان روح يمكن مش حابه تتكلم الوقت وهي مضايقه و بعدين هي مش هتفضل مخصماكي انتي عارفه ليله من وقت ما حملتي وهي مش بتسيبك لحظه ولو مشغوله بتفضل معاكي طول اليوم بالموبايل عشان تطمن عليكي مش هتهوني عليها و هتبقي عايزه تطمن عليكي و اكيد مش هتسيبك مضايقه كده ايمي.....هي اصلا اللي مضايقه مني انا مضايقه عشانها انا برضوا طلعت فيها زي القطر بس والله استفزتني رشيد....بابتسامه جميله ضمها في حضنه وباس راسها بكره كلميها و هي هترد عليكي و هتتصالحوا يعني ريا وس*كينه مينفعش يبعدوا عن بعض ايمي.....مش مكلماها عشان تبقي تسيبني وتمشي اوي رشيد....بضحك طيب خلاص متزعليش اهدي كده و بكره نشوف هنعمل ايه يلا تعالي في حضني نامي نامت ايمي في حضن رشيد و فضلت مضايقه .................. عند ليله و عشري خلص عشري شاور و بعدين طلع علي السرير قلب شويه في الموبايل و بعدين قفلوا و غمض عينه مكانش عارف ينام اوي عايز يعرف ليله مالها و في نفس الوقت زعل منها عشان رفعت صوتها واتعصبت فضل عمال يتحرك كتير في السرير لحد ما عينه غمضت . ليله كانت قاعده علي البار بره من وقت ما دخل وسابها عماله تشرب في سجاير و مضايقه عشان زعل منها ونام من غير اكل طفت السيجاره و راحت علي الاوضه قربت منه بهدوء. ليله....عشري عشري عشري.....ايوه ليله.....ممكن تقوم تاكل عشري....مش عايز يا ليله ليله.....عشان خاطري قوم يلا انا خلصت الاكل عشري....وانا قولتلك مش عايز اداها ضهره و نام بصت عليه بحزن و قامت بهدوء من جنبه و خرجت علي بره فتحت التلفزيون و فضلت قاعده قدامه شويه و بعد حوالي ساعه الا ربع قامت قفلت كل حاجه و راحت علي الاوضه عشان تنام طلعت جنبه بهدوء بصتلوا كان مديها ضهره و رايح في النوم نامت هي كمان و اديته ضهرها فضلت باصه شويه في الفراغ و بعدين ظبطت المنبه و نامت مرضتش تفتح الموبايل .. ...................... في صباح يوم جديد.. نزلت نغم الساعه 11 الا ربع لقت تامر واقف قدام العربيه بيشرب سيجاره ولابس نضاره شمس قربت منه و هي مبتسمه و هو عينه من تحت النضاره علي رقبتها بكتفها نغم.....صباح الخير تامر.....صباح النور ايه منظر ايدك ده و رقبتك هو ده اللي بسيطه نغم.....بصتلوا اااا هتروح امبارح كانت اكتر تامر.....وجعاكي نغم.....برضوا بسيط كانت وجعاني في الاول اكتر بس الوقت احسن تامر....طيب يلا اركبي ركبت نغم و ركب تامر و طلع بالعربيه.. طول الطريق كل شويه يبص علي كتفها و يرجع يبص علي الطريق تامر...احممم انتي بتحطي كريم ولا لا نغم.....اه حطيت لما رجعت امبارح و لما صحيت حطيت شويه لحد ما خلصت اللي بعملوا وبعدين مسحته تامر.....هو ايه اللي خلاها علمت كده انتي امبارح كنتي لابسه نص كم مش كت يعني عشان توصل لرقبتك نغم.....ايوه بس علمت والله حتي لما رفعت النص كم عشان بحطولي مايه كانت معلمه هي مش باينه كلها الوقت اصلا كلها من فوق اكتر بدون مقدمات مد كفه و رفع النص كم كانت لابس تيشرت اوڤر سايز فا رفع الكم بسهوله برقت نغم و هي باصه قدامها و قلبها فضل بدق بسرعه و منطقتش تامر.....ده ايه المنظر ده هو انتي كنتي قريبه منه اوي كده نغم....بلغبطه ااااا مش اوي يعني بس هو ديله طويل ووو يعني جه عليا تامر.....خلينا نخلص المشوار ده و نعدي علي صيدليه كويسه يشوف ايدك و نجيب حاجه اقوي عشان متعلمش نغم....ملوش لزوم يا تامر الدكتور قال احط من الكريم ده كويس تامر.....معلش نشوف غيره يمكن يدينا حاجه افضل و كمان عشان قبل الافراح اللي جايه علبنا دي تكون ايدك خفت نغم...بابتسامه مظنش العلامه تلحق تروح كملت بجمله تبان سخريه بس كلها وجع يظهر كده ان جسمي خد علي العلامات والض*ر*ب بصلها تامر بصدمه الكلمه اثرت فيه اوي و حس انها بتقولها بوجع رغم انها بتضحك تامر...ليه بتقولي كده دي حادثه عاديه يعني هتروح و بعدين انتي متعودتيش علي كده ولا حاجه نغم....بابتسامه خير الحمد لله تامر...ااا قوليلي اتبسطي امبارح مع البنات نغم....اه جدا كان يوم حلو اوي تامر....جيبتي حاجتك نغم....اه جيبت كل حاجه هو انا ممكن اطلب منك طلب تامر....اكيد نغم......انا عايزه اروح مكان بعد ما نخلص مشوار الشغل ده يعني لو فاضي لو مش هينفع انا هبقي اروح تامر....لا فاضي عايزه تروحي فين نغم.....عايزه اجيب حاجه لنادين و البنات عشان فرح نادين في حجات شبه تاج كده بتتلبس كلها ورد و اساور بتتربط علي الايد برضوا كلها ورد عارفها تامر....بابتسامه اه عارفها بس اشمعني نادين...عادي هتبقي مناسبه لشكل الفساتين و اجواء الفرح علي البحر انا اقترحت الفكره و عجبتهم كلهم بس محدش عارف بتتباع فين فا بدل ما يدوروا و يتعبوا نفسهم و يضيعوا وقت انا اعرف مكان بيبيع اكسسوري واي حاجه ليها علاقه بالفرح قولت اروح اجيبهم تامر....خلاص نخلص و شوفي عايزه تروحي فين و هوديكي نغم....بابتسامه اوك شكراً تامر....العفو فطرتي؟ نغم...اه شربت نسكافيه تامر.....ده فطارك نغم....لا وكلت بسكوت تامر.... بضحك ده فطارك برضوا نغم.....بضحكه جميله طيب اعمل ايه هقوم احضر فطار كتير وانا لوحدي و بعدين مفيش وقت انا صاحيه عشره يادوب خلصت بسرعه بس انا شبعانه الحمد لله تامر.....ماشي .................... علي الساعه 12 و نص صحيت ليله من النوم علي صوت المنبه قامت بهدوء بصت حواليها التويلت كان بايز من الزجاج انه فاضي والدريسينج النور بتاعه مقفوله قامت بهدوء غسلت وشها وخرجت تشوفوا لفت عليه البيت كله مكانش موجود مسكت الموبايل فتحته و اتصلت عليه. عشري.....الووو ليله.....صباح الخير عشري....صباح الخير ليله....عشري هو انت نزلت؟ عشري....اه ليله....نزلت امته وروحت فين عشري.....روحت الكافيه الجديد نزلت من ساعه ليله....طيب ليه مصحتنيش عشري.....عادي سيبتك نايمه براحتك ليله.....امممم طيب تمام بس في العادي انت بتصحيني عشري....عادي بقي قولت اسيبك براحتك شكلك تعبتي امبارح ابقي افطري انا جهزتلك فطارك في المطبخ ليله.....انت فطرت؟ عشري....الحمد لله نازله المطعم ؟ ولا عندك مشاوير مع البنات ليله....لا مش راحه المطعم انا راحه لمها عشان وعدت خديچه اخدها هي و كنزي نجيب مع بعض الفساتين عشان زعلت ان تقي مخدتهاش امبارح عشري.....تمام و بعد كده هتروحي مكان ليله....لا هرجع عشري.....تمام ليله....وانا نازله هقولك عشري.....براحتك سكتت ثواني وهي مضايقه اوي نبرته كلها زعل عشري...اااا يلا انا هقفل عشان هشوف اللي ورايا ليله....اوك باي عشري....سلام خدت نفس طويل و غمضت عينها و بعدين قامت راحت علي الاوضه طلعت لبس و دخلت خدت شاور و خرجت ظبطت نفسها و راحت عملت قهوه في المج بتاعها و خدته ونزلت ومفطرتش.. ركبت عربيتها واتحركت اتصلت عليها نادين. ليله..... ايوه يا نودي نادين....صباح الخير يا قلبي ليله.....صباح النور يا حبيبي نادين.....صوتك في الشارع نزلتي ولا ايه ليله....اه رايحه لمها عشان اخدها هي والبنات نادين.....طيب كويس عشان تتبسط المهم انتي كويسه ليله.....زي الفل يا صغنن نادين....بأبتسامه يارب ديماً يا روحي خلاص روحي يلا انا بس كنت بتطمن عليكي ليله....ماشي يا قلبي نوني بخير نادين...اه تمام ليله....انتي رايحه اي مشوار انهارده؟ نادين....غالباً لا عايزه حاجه ليله.....لو فضيتي ابقي روحي بصي علي المطعم و متخليش ايمي تنزل نادين.... بابتسامه انا لسه قافله معاها قبل ما اكلمك يا لولي وهي في المطعم اصلا من الساعه 11 محبتش تسيب ريهام لوحدها سكتت ليله ثواني بضيق فظيع ليله......طيب ابقي روحي يا نادين و خليها تمشي من فضلك قعدة المكتب دي و طلوع ونزول السلالم غلط عليها نادين.... بابتسامه حاضر يا قلبي هروحلها ليله.....باي يا نودي نادين....باي ................... نعيمه.....ليله دي نادين....اه اضايقت علي فكره لما عرفت ان ايمي نزلت و عيزاني اروح المطعم و امشيها واقعد بدالها نعيمه...الاتنين اعند من بعض عاملين زي التوأم الملتسق يقلبوا و يبهدلوا الدنيا و كل واحده فيهم تبقي هتموت علي التانيه ايمي مستحيل تمشي هي عارفه ان ليله لو عرفت هتتجنن نادين....بضحك وليله عارفه انها بتضايقها نعيمه.....طيب ايه احنا هنسيبهم كده عايزين نصالحهم نادين.....لا مش هنسيبهم اكيد بس لولي لما بتبقي مضايقه مش بتحب تتكلم ولا بتحب حد يتكلم معاها. ايمي لما بتكون علي حق مش بتحب حد يجادلها او يطلعها غلطانه بصراحه مش عارفه ابدأ بمين فيهم نعيمه...خلينا نلبس و نروح لايمي شويه و نشوفها كده و نتكلم معاها نادين.....ماشي بس المشكله ان ليله حلفت لا هتنزل المطعم ولا هيبقي ليها علاقه باي شغل نعيمه.....عشان كان الموضوع لسه في الاول و هي كانت متعصبه نصالحهم بس الاول و بعدين نشوف حوار الشغل ده نادين.....طيب تمام هشوف ميدو و اقوم البس علي طول نعيمه...طيب انا رايحه البس نادين....اوك قامت نعيمه و اتصلت نادين علي ميدو نادين.....الوووو عسال......حبيبي نادين.....طب انت وحشتني بقي وانا زهقت من غيرك عسال.... بضحكه جميله وحشتك اوي بجد نادين....اوي يا ميدو و حاسه اني مفتقداك جدا ارجع بقي عشان خاطري عسال..... بكره وحياتك عندي هكون عندك نادين....لسه بكره يا ميدو ده بكره كتب الكتاب عسال.....معلش يا نور عين ميدو انا لازم اخلص كل حاجه هنا قبل ما امشي و بعدين هانت خلاص انهارده بس و بكره هكون في حضنك نادين.....طيب انا موافقه بس اوعدني تبات معايا عسال.....بابتسامه طيب هو عدك بس انا عايز اقولك حاجه تاني و من غير زعل نادين....قول عسال.....بعد فرح سلامه وحسان هسافر كمان يوم عشان لازم اكون مخلص كل حاجه قبل الفرح بتاعنا نادين....لا انت بتهرج تاني يا ميدو عسال.....غصب عني يا قلبي الفرح بيجهز في مكان بعيدعننا ولازم اتابع كل حاجه بنفسي عشان ميبقاش في اي غلط و بعدها يا ستي والله العظيم ما هسيبك تاني ابدا نادين....طيب خلاص خدني معاك المرادي عسال.....قولنا نسمع الكلام بقي من الاخر كده انا مش حابب انك تشوفي اي حاجه غير يوم الفرح و لا عايز تعرفي انا بجهز ايه حابب انك تتفاجئي و تتبسطي وبس نادين.... بابتسامه طيب هتسافر امته عسال.....هما هيتجوزوا يوم 13 ممكن يوم 14 بعد المغرب او فجر يوم 15هقعد هناك 15 كله و 16 و هرجع بقي خلاص و نسافر مع بعض يوم 19 نادين.....طيب انت هتجيب امته لبسك و البدله عسال.....بعد بكره باذن الله مفيش وقت عشان الحق كمان اجيب حاجه لفرح محمود اخو عشري نادين.....فرح محمود يوم 9 وبكره سبعه يعني حضرتك مش قدامك غير بعد بكره فعلا لازم تنجز عسال.....ايوه بس لسه قدامي كام يوم بعد فرح محمود لحد فرح الشباب يوم 13 متقلقيش هخلص كل حاجه في الوقت بقي اللي هسافر فيه تانب لازم تكونوا خلصتوا فرش البيت نادين....متقلقش هظبطها انا والبنات و كمان هشوف مامي عشان تفرش معايا عسال....بابتسامه ااااه طب بصي هو احتمال كبير مامي متبقاش موجوده نادين....بصدمه مش هتنزل عسال....لا اقصد علي الفرش نادين.....انت خضتني يا ميدو عسال.....بضحك حقك عليا اقصد انها ممكن تروح علي طول علي السخنه نادين.....ازاي وليه طيب متمشيش معانا عسال.....عشان ميبقاش مجهود عليهم هما هيوصلوا يوم 18 مش معقول هيفضلوا رايحين جاين و تانب يوم يسافروا معانا عالطريق فا هيروحوا عن طريق مطار العاصمه و انا مظبطلهم كل حاجه بعني هنروح نلاقيهامستنياكي هي و بابا كمان نادين.....طيب اوك مش مهم المهمانهم جايين عسال....جايبن يا قلبي متقلقيش انا بمجرد ما حجزت عرفتهم و المفروض انهم هيحجزوا انهارده نادين......بسعاده طيب تمام بس انت وعدتني هتبات معايا عسال....حاضر يا قلبي عيوني هتعملي ايه الوقت بقي نادين....هروح انا ونوني لايمي المطعم عشان نزلت عسال.....متصالحتش هي وليله نادين....لا لسه انا مضايقه اوي بجد عسال.....هيتصالحوا ان شاء الله ليله وايمي ميقدروش يستغنوا عن بعض انتوا كمان حاولوا تصالحوا بينهم نادين....هنعمل كده ان شاء الله خلاص يلا روح شوف بتعمل ايه و هبقي اكلمك تاني عسال.....اوك يا روحي خلي بالك من نفسك نادين....وانت كمان عسال....حاضر باي يا تويتي نادين....باي يا عمري ................ وصلت ليله تحت البيت عند وليد و استنت مها والبنات ينزلوا دقايق بسؤطه و لمحتوا خارجين من المدخل فتحت الباب و ابتسمت للبنات جريوا عليها بسرعه حضنتهم كنزي.....لولييييييييي ليله.... بضحك قلب لولي من جوه ديچا القمر خديچه.....كنت خايفه متجيش ليله...بابتسامه مش انا وعدتك يبقي مستحيل اخلف الوعد مها....بابتسامه تاعبينك معانا يا ليله قربت ليله باستها ليله....تعبكم راحه يا مها عامله ايه يا قلبي مها....الحمدلله انتي اخبارك ايه ليله....انا زي الفل وليد عامل ايه نزل مها....انا نازل من تسعه الصبح اح المزرعه و تقي راحت الجامعه و بعدين تروحلوا تاخد منه شغل ليله...حلو يعني براحتنا يلا يا بنات بسرعه علي وراء يلا يلا كنزي....بضحك طيب متزغزغنيش ليله....بصحك لا براحتي اعمل اللي عيزاه انا هااااكلك اصلا فضلت تزغزغها وكنزي عماله تضحك ليله.....بضحك يلا خبي الفستان اترفع و الدنيا بانت ضحكت كنزي و شدت فستانها بسرعه قفلت عليهم الباب و راحت ركبت ليله....مستعدين خديچه.....ايوه ليله.....مش سامعه يا ست كوكو هنزلك تاني مستعدييييييين الاتنين مع بعض ايووووووه ليله.....ماشي يلا بينا هخدكم الاول علي المكان اللي كنا فيه امبارح تشوفوا الفساتين اللي جننتني دي و انتي كمان يا مها هيعجبك هناك الفساتين اوي مها.....ماشي يا لولي المكان اللي يعجبك يارب بس الانسه ديچا تبقي راضيه عننا ليله....لا ديچا خلاص مع لولي انسي صح يا ديچا خديچه...صح يا لولي طلعت ليله بالعربيه و شغلتلهم اغاني و قعدوا يغنوا و يرقصوا و كانوا مبسوطين اوي و هي ومها عمالين يضحكوا عليهم ...................... وصلت نجود عن رحاب و قفت قدام الباب و خبطت ثواني بسيطه و فتحت رحاب الباب وقفت كام ثانيه مصدومه و مش بتتكلم نجود....بأبتسامه ازيك يا رحاب ايه مش هتسلمي عليا و تدخليني رحاب....بابتسامه يا خبر يا جوجو انتي بتقولي ايه بس قربت منها ضمتها نجود....عامله ايه يا رحاب رحاب.....بخير يا جوجو والله تعالي ادخلي دخلت نجود علي جوه و هي وراها كانت متوتره شويه من زيارتها المفاجأه بس حاولت تبان طبيعيه رحاب.....تشربي ايه يا جوجو قهوه صح نجود....بابتسامه ماشي قهوه رحاب....طيب خدي راحتك هعملها وأرجعلك علي طول نجود...تمام راحت رحاب عملت القهوه و رجعت نجود كانت ماسكه الموبايل سابته اول جات نجود...تسلم ايدك رحاب.....اجيبلك طفايه يا جوجو نجود...اه ياريت راحت تجيب الطفايه و لعت نجود سيجاره قربت منها رحاب و قعدت قدامها نجود.....عامله ايه وحشاني رحاب....انتي اكتر والله نجود....لو وحشاكي كنتي سالتي جيتي رحاب.....خالص والله بس اكيد عرفتي من رضوي اني كنت مسافره نجود.....كنتي فين بقي و بتعملي ايه رحاب....كنت في الغردقه روحت كده قعدت اسبوع بغير جو مش اكتر و رجعت علي الشغل علي طول كان عندي شغل كتير نجود.....يعني ده السبب فعلا بتغيري جو مش واخده جنب مني و من اختك رحاب.....اه لا طبعاً و ليه هعمل كده انا اصلا كنت بكلم رضوي كل يوم او هي بتكلمني نجود.....بس انا عارفه انك واخده جنب يا رحاب و حرمتي البيت عليكي رحاب.....اااا لا خالص بصي يا جوجو لو تقصدي بكلامك الكلام اللي رضوي جات هنا و وصلتهولي علي لسانك فا صدقيني مش ده السبب انا بس يمكن كنت عايزه اخد بريك من نفسي شويه و ابعد و ابقي في مكان هادي مع نفسي مش اكتر بس اكيد يعني مقدرش ابعد عنكم نجود ....لو فعلا بعدتي عشان تفصلي زي ما بتقولي فا حلو اوي انك عملتي كده انما لو مقرره تاخدي جنب يا رحاب تبقي غلطانه لان سيبك من اي حاجه انتي ليكي اختك و مينفعش تبعدي عنها مهما حصل رحاب....اكيد يا جوجو والله نجود....طيب انا حبيت اجيلك بنفسي عشان كنت شاكه انك واخده جنب و زعلانه و بصراحه كنت خابه اتكلم معاكي شويه بيني وبينك في هدوء و بما انك مش زعلانه فا خليني برضوا اتكلم معاكي عشان تبقي صافيه من جواكي رحاب.....انا صافيه يا جوجو والله متقزليش كده انتي عارفه غلاوتك عندي نجود....عارفه و انتي لو مش غاليه عندي مكنتش هجيلك لحد عندك بس خليني اتكلم رحاب.....سمعاكي يا جوجو نجود....بصي يا رحاب انا معنديش شك فيكي او في شخصيتك ولو واحد في الميه عارفه انك بت جدعه و محترمه وطيبه و بتحبينا من قلبك و علاقتك بينا حلوه بنعتبرك كلنا زيك زي رضوي او اي بنت في البيت .. انا ام يا رحاب و اي ست في الدنيا في اول جوازها بتبقي حابه نفسها شايفه نفسها عايزه تسعد نفسها بس بمجرد ما تبقي ام بتحط كل حاجه كانت بتعملها لنفسها علي جنب و ولادها بيبقوا عندها في المرتبه الاولي بتفكر في سعادتهم و تركن سعادتها بتفكر في راحتهم وتركن راحتها بتفكر في حياتهم و تتسرق منها حياتها مستقبلها بيكون مرهون بمستقبل ولادها انتي لسه صغيره وجايز متفهميش كلامي اوي بس لما تبقي ام صدقيني هتفهمي كل كلمه بقولهالك اي ام في الدنيا يا رحاب تتمني ان ولادها سواء بنات او رجاله يلاقوا نصهم التاني يبقوا مبسوطين مرتاحين عايشين حياه هاديه و انا اكيد لو ليا الحق اني اشارك ابني في اختياره لشريكة حياته هتنماكي و هختارك ليه عشان انا عارفه كويس ان معدنك كويس و اظن رضوي اختك متجوزه حته مني يعني اكيد اختها تشرفني و تشرف ابني و نسبك لينا يشرفني بس ابني اختار يا رحاب و حب و عشق و اختار بنت متتخيرش عنك انتي و رضوي و خديچه و شاهنده و نرمين و نعيمه انا لو مش واثقه انها بتحب ابني زي ما هو بيحبها حتي لو مليش في اني اقول اه او لا بس علي الاقل هنصح ابني كا ام هلفت نظره انها متنفعوش بس انا ست و افهم كويس الست اللي زيي و نعيمه انسب حد لفضل كلامي مع رضوي يا رحاب مش عشان انا مثلا مش حباكي او مش شيفاكي مناسبه او شايفه فيكي حاجه غلط صدقيني لو نعبمه مش موجوده ولا دخلت حياة ابني انا اكتر حد كان هيفرح بالعلاقه دي لاني عرفاكي و عارفه اختك واتعودتا علي بعض و طباع بعض يعني باختصار انا مش رفضاكي يا رحاب و دي اهم حاجه جابتني عندك هنا انهارده انك تفهمي النقطه دي كويس. و عشان نتكلم بوضوع اكتر و بصراحه و بما اننا اصحاب حتي لو في فرق عمر بينا انتي عارفه وانا عارفه انك حاولتي تقربي من فضل حقك و انا مش شايفه انك عملتي حاجه غلط اي بنت في الدنيا او اي ست من حقها تشوف الراجل المناسب ليها و تقرب منه مش عيب ادام في الحلال بس غلطك الوحيد يا رحاب انك قربتي في وقت غلط انا عارفه انك ذكيه و عمري ما شكيت في ذكائك بس الرمادي يا رحاب مكنتيش ذكيه مشاعرك هي اللي ساقتك برضوا مش عيب احيانا اي ست فينا بتضعف قصاد حاجه بتتمناها لنفسها بس كمان زي ما قولتلك التوقيت كان غلط لاسباب كتير اولهم انتي فكرتي ان فضل خلاص انفصل و بقي فاضي بس دي مش حقيقه جايز يكونوا انفصلوا بس طول ما في حب بيفضل الرابط قوي الراجل يا رحاب ممكن يتجوز علي مراته و احده تانيه الس*كينه تسرقه و مراته الاولي كرامتها توجعها و تنفصل و بما ان السك*ي*نن بتبقي ارقه الراجل بيطلقها بس بعد وقت بيندم و بيرجع للاولي حتي لو الاولي كرامتها موجعتهاش و حاربت عشان ترجع جوزها بيروح يلعب بديله شويه و بيرجعلها اوقات كمان يا رحاب يتشد للتانيه اكتر يحس انه مرتاح اكتريميل ليها و يحبها اكتر بس سبحان الله غصب عنه بيرجع للاولي مش بس عشان العيال لا بيكون في رابط غريب بين الست والراجل مش مفهوم متفهميش عشره تعود راحه حتي لو كان في بينهم مصانع الحداد مبالك بقي لو الراجل حب و اتدهول و عشق مهما زعل و مهما بعد و مهما حصل بينهم خلافات الحب بيرجعهم غصب عنهم زي المغناطيس و فضل يا رحاب حب نعيمه من قلبه و حالته من غيرها انتي بنفسك شوفتيها حتي نعيمه لما سابت ابني كانت حالتها شبه حالته تفتكري انا ليه مقولتش لابني سيبها انساها متفكرش فيها دي متستهلكش ليه مقوتهوش عليها مع انه في الفتره دي اي كلمه مني او من غيري كانت كفيله تأيد جواه نار كرامته و كبرياءه ماهو موجوع و مجروح من الطريقه اللي اتساب بيها و انا كا ام مش هكدب لو قولت متضايقتش علي ابني بالعكس انا كنت هتجنن عليه و الفتره اللي بعد عن نعيمه فيها زي ما كنت صعبه عليه كانت اصعب عليا لاني ام و مش طالبه غير راحته وبس و شيفاه قدامي تعبان فا طبيعي تعبي عليه يبقي الضعف. بس انا معملتش كده و لا شوفت نعيمه وحشه ولا اضايقت منها عشان وجعت ابني و كل اللي كان فارق معايا حاجه واحده ابني لسه بيحبها ودي كفايه تخليني احط لساني جوه بوئي و مكرهوش فيها و اعمل حماه مش عشان انا بحب نعيمه بس لا لاني كا ست كنت عارفه ان نعيمه بتعشق ابني و في حاجه غلط حطيت الف احتمال عشان مجيش عليها. قولت جايز حصل بينهم خلاف جايز زعلت من ابني في حاجه جايز ابني غلط معاها بقصد او من غير قصد جايز عندها مشاكل اجبرتها تعمل كدن و ابني اللي معرفش بحتوي مشكلتها دي ماهو برضوا تعب الست و نفسيتها بيبقي جزء من مسؤوليه الراجل لو مش هو السبب فيه يبقي علي الاقل يعرف يخرجها منه و انا مشوفتش ابني عمل كده او بمعني اصح ادام نعيمه وصلت للحاله دي يبقي ابني للاسف قصر حتي لو من غير قصد في احتوائها و بمعني اصح كمان مفيش حد بيوصل للحاله دي في يوم وليله طيب كنت فين انت يا فضل لما كانت نعيمه يوم عن يوم قرار بعدها عنك و عن الكل بيكبر جواها و كده ابني كان مقصر و عشان كده حطيت لنعيمه الف عذر و اللي حسبته لاقيته نعيمه متقدرش تعيش من غير فضل زي ما هو ميقدرش يعيش من غيرها يمكن مش هيموتوا لو هما مش مع بعض بس حياتهم من غير بعض هتبقي حياه مطفيه مفيهاش روح.. و لو كنت سيبتك يا رحاب تقربب من فضل اكتر في اكتر وقت هو كان مجروح فيه و قدرتي تقرببه منك كان هيقرب و الس*ك*ينه هتسرقه بس حياته معاكي كانت هتبقي الحياه المطفيه اللي مفيهاش روح و انتي تهميني يا رحاب و مقدرش اخليكي لعبه في حياه ابني يلعب بيها شويه و بمجرد ما يلاقي نعيمه قصاد عينه يرميكي اللعب ببنات الناس مش حاجه حلوه و لا انا الام اللي تشجع ابنها يتسلي مع اي بنت عشان مزاجه يتظبط مع العلم ان فضل مش الشخص اللعبي اللي ممكن يلعب ببنات الناس بس هو بشر و كان ضعيف و مكسور و مجروح و لو كان كمل معاكي يا رحاب صدقيني كان هيكمل بس عشان يرد كرامته و يثبت لنعيمه انها مش فارقه معاه وعايش تمام من غيرها و القصه دي كلها كانت هتخلص علي وجعكم انتوا التلاته وجع نعيمه في الرساله اللي فضل حب يوصلها و وجع فضل لانه كداب في مشاعره عشان قلبه لسه معاها و انتي هتبقي اكتر طرف اتظلم في كل القصه دي الراجل اللي حاولتي تقربب منه و سلمتيه قلبك هو قلبه مش معاكي و قتها هتفقدي روحك و نورك هتطفي كل يوم عن الاول اعصابك و مشاعرك و دمك هيتحرقوا بالبطيئ لانك هتبقي عامله زي اللي بني و تعب في ارض مش ملكه... جايز تكوني فكرتي انك هتقدري تداوي جرحه تشغلي وقته تعوضيه بس صدقيني يا رحاب مفيش عوض بينفع في خساره خسرها القلب يعني مهما حاولتي مكنتش هتقدري حتي لو كان ظاهر قدامك ان فضل بيقرب منك بيرتاح معاكي بيخرج معاكي وجعه و بيتكلم و يفضفض دي كلها مسكنات ظاهره قدامك بس الحقيقه هو مش معاكي هو جابز بيحكيلك بيفضفض بيضيع وقته معاكي وهو مبسوط بجد بس من جواه شايفك اخته لان اللي في قلبه واحده غيرك و الراجل لما بيحب بجد مش بسهوله بيعرف يحط ست مكان ست و لو عمل كده و اثبت انه قدر و كمل اللي جواه بيبقي مقارنه طول الوقت تخيل للاولي في صوره التانيه طول الوقت و دي قمه الاهانه لاي ست قويه و ذكيه و عندها كرامه مينفعش احط نفسي في موقف زي ده مينفعش اخد مكان في قلب راجل لسه محجوز لغيري كان ينفع في حاله واحده بس يا رحاب لو كان باب نعيمه اتقفل نهائياً خطوه زي اللي انتي خدتيها دي كانت هتنفع لو كانت اتأجلت بعد رجوع نعيمه و مواجهتهم يا اما رجعوا وانتي لسه علي البر و بعديه و تقفلي الموضوع او مرجعوش و قصتهم انتهت لحد كده وقتها دخولك في التوقيت ده كان هيبقي حقك و كان هيبقي بطريقه تليق بيكي بطريقه تنسابك طريقه مفيهاش تقليل او استهانه بيكي لانه خلاص الباب اتقفل نهائي و فضل فعلا بقي فاضي مفيش حد في حياته.. انا بعتبرك بنتي يا رحاب و بحبك و محبش ابدا حد يشوفك بتستغلي موقف بتستغلي ضعف بتستغلي مشاعر بتبوظي علاقه حتي لو كانت ظاهريا بايظه لكن داخليا مكانتش انتهت انا لو مش بخاف عليكي يا رحاب و بعتبرك جزء من العيله دي كنت سيبتك حاولتي و ابني اتبسط و غير مزاجه كنتي سيبتك تبسطي ابني تخليه يفضفض تطلعيه من اللي كان فيه و عادي بقي نعيمه ترجع و هو يرجعلها ومش مهم انتي او مشاعرك بس انا معملتش كده ولا اقدر لا معاكي ولا مع غيرك حتي لو غريب صدقيني يا رحاب انا لو عندي ابن اتمني تكوني مرات ابني يعني رفضي ليكي مش عشان انا رفضاكي رفضي ليكي لان عارفه ان ابني راحته مع غيرك و لاني عارفه ان نعيمه راحتها مع ابني و لاني عارفه كمان ان انتي كنتي هتتعبي و وقتها هتحصل مشاكل معاكي مع فضل مع اختك و جوزها هتكرهيني هتكرهي اي حد تبع فضل هنخسر بعض بس انا حبيت احافظ عليكي و علي علاقتنا كلنا بيكي زي ما فكرت في راحة ابني و نعيمه فكرت في رحاتك انتي و رضوي انا مش عيزاكي تزعلي مني و لا تشوفيني وحشه عيزاكي ترجعي تاني زي ما كنا مش عيزاكي تحرمي علي نفسك بيت اختك مش عايزه اختك تبقي مكسوره من غيرك و لا عايزه ولاد اختك يبقوا بعاد عنك مش عيزاكي تزعلي من فضل هو في العموم ميعرفش اي حاجه من كل ده مش عيزاكي كمان تاخدي جنب من نعيمه او تكرهيها من غير سبب او تشوفيها خصم ليكي نعيمه طيبه وجدعه عيزاكم كلكم تبقوا ايد واحده يمكن انا عارفه ان كان في تلميحات من ليله و ايمي في النهايه هما صحاب نعيمه و زي اخواتها و هما كنان شافوا اللي انا شوفته عارفين ان صاحبتهم حتي بعد ما سابت فضل بتحبه و عارفين ان فضل بيحب نعيمه فا طبيعي انهم بغيروا علي علاقتهم بس صدقيني البنات دي مكسب و جدعان بجد مش عيزاكي تخسريهم او تاخدي منهم جنب عيزاكي تكوني مبسوطه متبعديش عننا وعن لمتنا و تعتبرينا عيلتك ولا انتي شايفه ان في حاجه بقولها غلط. بصتلها رحاب بحزن مسكت ابدها في بعض و بصت بعيد عنها وهزت راسها بلأ. رحاب....مفيش اي كلمه قولتيها غلط يا جوجو انتي معاكي حق في كل حاجه انا غلطت و يمكن سبب بعدي الفتره دي و سفري كان نوع من انواع جلد الذات انا مش هقاوح او اجادل معاكي في حاجه انتي صح فيها و بما اننا بنتكلم بصراحه خليني اكون صريحه معاكي جايز انتي صح في كل حاجه اتقالت بس كمان انتي ممكن تكوني فاهمه غلط شويه. انا من يوم ما دخلت وسطكم و رضوي اتجوزت عبدالله و انا بتعامل مع فضل و كل اخواته علي انهم اخواتي و عمري ما شوفت فضل غير اخويا لما اتخطبت و لا انفصلت و لما سافرت و لما رجعت و لا مره ركزت مع فضل او حسيت ان عندي مشاعر تجاهه خالص والله كنت بتعامل معاه و معاكم كلكم علي انكم عيلتي لما فضل ساب نعيمه انا هنا بدأت اركز و دي غلطه غلطاها و معترفه بيها بس انا وقتها مفكرتش بالطريقه دي انا فجأه لاقيت فضل انفصل فجأه عرفت سبب الانفصال نعيمه هي اللي سابته و عرفت كمان الطريقه الي انفصلت عنه بيها مش هكدب عليكي اشفقت علي فضل لانه راجل عنده كرامه وقعها كنت حاسه ان الكل جاي عليه و هو وقتها كان متعصب و غضبان و رافض ان اب حد في البيت يجيل سيرتها و شوفته في مره وهو بيتخانق معاكي في اول المشكله خالص لما عرف انك بتكلمي ماكت نعيمه و قالك وقتها حابه تكلميها عنك و عنها تمام بس متجيبيش سيرتي او سيرة اللي حصل عشان الموضوع اتقفل وقتها انا شوفت ان خلاص فضل انفصل عن نعيمه ولا يمكن يرجعلها و من هنا حسيت انه ليه لا فضل كا راجل مناسب سنه مناسب لو ارتبطت بيه هبقي جنب اختي غير اني بحبك و بحب البنات و بحب فضل واخواته بحب طنط امينه و العلاقه اللي بينا كلها برتاح معاكن كا عيله معنديش معاكم مشاكل فا اكيد هكون مرتاحه لاننا عارفين بعض يمكن محبتش فضل بس مش هتكسف منك يا جوجو انا وقتها فكرت بعقلي شخص مناسب و جوازه مناسبه فضل كاراجل حلو شخصيته حلوه عرفاه متقبلاه يبقي ليه لا فا قررت اقرب منه و احاول انا كده كده مش هأذي حدو لا هدخل حياته و هو مرتبط لانه خلاص انفصل فا دخلت لفضل من اكتر حاجه هو بيحبها و مهتم بيها قولت اجرب و الحقيقه ان كل حاجه كانت سهله هو اتبسط و اتكلمنا مع بعض حكيتلوا عن حجات عني ميعرفهاش و سمعته و فضفض بكل اللي جواه مش هنكر ان محاولتي في القرب منه عشان شيفاه راجل مناسب اتحولت لاعجاب و اتشدبت ليه و لشخصيته اكتر لاني ولا مره من يوم ما عرفتكم اتكلمت مع فضل او قربت منه جايز كمان بدأت اخد الموضوع تحدي اكتر لما ليله شدت معايا اول مره و خدته تحدي اكتر لما هي و ايمي اتكلموا معايا و كان كلامهم كله تلميح زي ما قولتي عن الست خرابه البيوت اللي بتستغل ضعف اي علاقه كنت عارفه انهم يقصدوني و علي قد ما كنت بحس ان كلامهم واجعني لاني مش كده بس خدته تحدي لاني وقتها اقنعت نفسي و قولت طيب هما مالهم زعلانين ليه و ليه اصلا شايفني كده ما صاحبتهم اللي سابت فضل بالطريقه دي و خلاص موضوعهم خلص يبقي ليه هو ميدخلش علاقه تانيه او ليه زعلانين اني بقرب منه بس مش هنكر اني فوقت اكتر لما رضوي جاتلي وقتها قولت انا لازم اعمل استوب قبل ما ادخل اكتر في علاقه انا اللي هطلع منها خسرانه حسيت اني كنت هبقي انانيه لو فضلت نفسي علي حياة اختي انا مكنتش حابه ابدا اعملها مشكله او اتسبباها في اي اذي خالص والله بس لما حسيت من كلامها ان ده ممكن يحصل قولت لا خصوصا لما عرفت ان نعيمه رجعت قررت وقتها ابعد و اشوف فضل هيعمل ايه هيرجعلها و يسامحها او بنسي اللي حصل ولا لأ لو رجع يبقي انا لسه علي البر مش هحارب في قلب مش ملكي خصوصا اني موصلتش لدرجه اني احارب لاني زي ما قولت مكنتش لسه حبيت فضل هو بالنسبالي كان شخص مناسب و لو مرجعش لنعيمه يبقي انا كده قربي من فضل مش هيأذي اي حد ولا هخرب حياة حد و عرفت طبعا انه رجعلها من رضوي و قررت اني ابعد وانسحب تماما و فضل يرجع زي ما كان اخويا و اخو جوز اختي و اللي بينا علاقه طيبه مش اكتر بس صدقيني يا جوجو انا مش وحشه ولا خرابه بيوت و لا كنت قاصده كل ده و الدليل انهم لما كانوا في حياة بعض فضل بالنسبالي كان اخ عمري ما بصتلوا بصه اعجاب حتي كل ده حصل بعد انفاصلهم بس لما قعدت مع نفسي شوفت اني غلط اضايقت و استغربت اصلا ازاي هانت عليا نفسي احط نفسي في موقف زي ده ازاي سمحت لنفسي اسمع من اي حد تلميح زي ده يمكن معاهم حق و الغلط عندي لاني انا اللي سمحتلهم يشوفوني كده بعدت و سافرت و جلدت نفسي كويس اوي رجعت تاني ركزت في شغلي من وقتها مكلمتش فضل ولا حاولت اكلموا و بعدت تماما و احترمت اوي انه هو كمان انسحب هو يمكن اصلا مكانش موجود عشان ينسحب بس اقصد من انسحابه كلامه معايا فضفضته و الاهم ان انا كنت واثقه اني هطلع خسرانه لاني لمست حب فضل لنعيمه اكتر من مره جوجو انا كنت بحاول اعيش حياتي زي اي بنت معترفه اني غلطت بس والله مكنتش قاصده ابوظ حياته او حياة نعيمه انا كنت بقنع نفسي ان فضل بعد ما اتجرح كده مستحيل يرجع بس رجوعه ونعيمه اثبتلي انه بيحبها بجد و انا لو حاولت بعد كل ده هبقي فعلا وحشه و خرابة بيوت انا مشكلتي الوحيده الوقت يا جوجو اني مش عايزه فضل يشوفني بالنظره دي مش عايزه نعيمه لما تشوفني ابقي بالنسبه ليها عدوتها مش عايزه اي تجمع يحصل و ليله و اصحابهم يكونوا موجودين يشوفوني البنت اللي بتصطاد في الميه العكره يمكن انا بالنسبالهم كنت كده وحقهم يشوفوني كده بس والله العظيم مكنتش قاصده كل ده و الاكيد ان فضل خلاص اتحرم عليا في وجود نعيمه يعني مش انا الشخص اللي يتخاف منه زي مريم بس للاسف في انطباعات بتتاخد علي اي حد يغلط و بيبقي صعب تغيريهاو ده اللي انا مش عيزاه عشان كده لا قادره اجي عندك ولا قادره اجي عند اختي و لا قادره احط عيني في عين اي حد مش حابه ان وجودب يسبب قلق ولا انا هبقي متحمله نظره مش حلوه منهم نجود.....بابتسامه و انا مش هسمح لاي حد يشوفك بنظره مش حلوه او يزعلك او حتي يضايقك بصي يارحاب كلامك معايا وفتح قلبك ليا كبرك في نظري اكتر بس صدقيني هروبك من وجودك وسطنا يأكد لغيرك ان في حاجه جواكي لفضل عشان كده عيزاكي ترجعي تاني تيجي و تقعدي معايا و مع اختك و نتجنع مع البنات فرح محمود كمان كام يوم لازم تيجي نعيمه هتكون موجوده هي و البنات لازم تشوفيهم و تسلموا علي بعض انا عارفه انك ذكيه و هتقدري بطريقتك تحتوي الموقف هتقدري تثبتي لنعيمه و البنات ان فضل بالنسبالك اخ لازم نكسر الموقف اللي حصل ده و نداويه بموقف احلي نتجمع تباركيلها علي رجوعها من السفر علي رجوعها لفضل نسيها خالص اي شك في دماغها او دماغ البنات خليهم يحسوا ان هما كانوا غلطانين في شكهم ده موقف علي موقف مقابله علي مقابله كفيله تمحي اي شك و تبدل مشاعركم لبعض صدقيني يا رحاب نعيمه جميله اوي و صحابها اجمل متزعليش منهم ده حقهم عليها حقهم علي عشرتهم لبعض و انا واثقه يا رحاب انكم هتبقوا صحاب و قريبين و رجوعك تاني وسطنا هيخليكي انتي شخصيا تشوفي انك تستاهلي حد احسن من فضل تستاهلي انك تتحبي و تبقي مبسوطه و تتحطي علي الراس متهربيش لانك معملتيش حاجه غلط هروبك هيخلي اللي حواليكي يتأكدوا من شكهم هيخليكي انتي نفسك الموضوع ديما في بالك عشان كدن ارجعي و حطي عينك في عين فصل و نعيمه و اي حد و شوفي قلبك و عقلك و هما بيقولولك انتي تستاهلي يتحارب عشانك مش انتي اللي تحاربي فهمتي يا رحاب رحاب....بابتسامه هاديه فهمت يا جوجو بس انا بصراحه خابفه وقلقانه و جودي في الفرح يضايقهم خايفه يحصل اي حاجه منهم تلفت نظر الكل اني عملت كده و خصوصا قدام عبدالله نجود....وانا واثقه ان ده مش هيحصل لا من نعيمه ولا من صحابها يمكن انتي لسه علاقتك بيهم مش قويه بس انا عرفتهم و عارفه انهم مش كده هتبجي و هنروح مع بعض و متقلقيش من اي حاجه هنتبسط و نبقي كلنا سوا و طريقتك مع الكل هتمحي اي شك و انا عارفه انك هتقدري تعملي كده و واثقه فيكي انك هتغيري الصوره دي عنك و لا ثقتي بقي مش في محلها رحاب.....بضحكه هاديه لا في محلها و حاضر هاجي و هعمل كل ده بس خليكي جنبي نجود...هبقي جنبك و متقلقيش محدش فبهم هيقولك اي كلمه او يزعلك او يدوسلك علي طرف بالعكس انا واثقه انكم هتبقوا صحاب و صحاب حلوين اوي كمان رحاب......انا بحبك اوي نجود... بضحكه جميله وانا كمان بحبك و مش عيزاكي تزعلي مني ابدا رحاب.....مقدرش يا جوجو انتي اجدع ست شوفتها في حياتي بجد نجود... بضحكه جميله طب ايه مش هنجيب بقي الفستان و نيجي اليومين دول نقضيهم مع بعض عشان نجهز للفرح رحاب....بضحكه جميله حاضر هروح بكره اجيبه و هجيلكم والله نجود....وليه بكره ما تنزلي انهارده مفيش وقت افرضي معجبكيش حاجه تنزلي بكره تاني رحاب.....مش عارف حاسه اني مش قادره نجود....بقولك ايه ما تقومي تلبسي و نروح نشوفه سوا رحاب.... بضحك الوقت يا جوجو ايه الحماس ده نجود....اه الوقت انا فاضيه يلا قومي بلاس كسل بصتلها رحاب بتفكير و ضحكت نجود...يابت قومي خلصي رحاب.....بابتسامه طيب تمام هقوم نجود.... بضحكه جميله يلا مستنياكي قامت رحاب تلبس ابتسمت نجود و خدت نفس طويل كله راحه ...................... وصلت نعيمه و نادين قدام المطعم لمحوا ريهام واقفه هي و محمود مع بعض قربوا منهم و سلموا عليهم. نعيمه.....هي فين ايمي اوعوا تقولوا روحت محمود....لا فوق نادين....طب ايه كويسه ريهام.... بابتسامه بقولكم ايه اطلعوا كده شوفوها لانها مش بخير نعيمه...بتطلع نار من عينها صح ريهام...نار بس ده نار و شرار محمود....بضحك مش للدرجادي بس قربت ريهام......اسمعوا مني انا من رأيي تاخدوا ساتر كمان نادين.....نوني بقولك ايه ما تيجي نمشي ريهام....بضحك انا بقول كده انتي عروسه و مش وقته خالص الوش القمر ده يبوظ انتي شايفه انا فين انا سيبتلها المكتب خالص نعيمه.....بضحك الله يحرقك يا ريهام الكلب بطني وجعتني ريهام....بضحك والله عماله تشرب في سجاير و قهوه و حاجبها مرفوع مش راضي ينزل و الملامح حدث ولا حرج بقي محمود....بضحك منك لله شردتي اختي ريهام...بضحك طب بذمتك انا بكدب محمود.....بضحك خدوا بعض و امشوا يا نعيمه ارتاحتي كده نادين.....نوني لو مصممه نطلع ادخلي انتي الاول نعيمه.....تعالي يابت نطلع هنخاف منها ولا ايه مش ناقصين شغل عيال بينهم هما الاتنين محمود...اوووعي يا نوني يا جامد نعيمه.....بضحك خلي معاك مفتاح العربيه عشان لو سمعت صوت كده ولا كدن دورهالي بسرعه محمود.....بضحك اه يا جباااانه ريهام....بقولكم ايه بصوا خليكم عادي في الاول و متجيبوش سيرة اي حاجه ضحكت هزرت ركزت معاكم في اي موضوع اتكلموا معاها في اللي حصل غير كده متدخلوش هجم نادين....ريهام هي الكاميرات طيب اتصلحت ريهام.....لسه في شاب الوقت كان هنا جه فك الdvr وخدوا يصلحوا هو حاول هنا يظبط الدنيا بس غالبا منفعش ولازم ياخده نادين...طيب تمام ايه هنطلع نعيمه.... بابتسامه هو انتي ليه محسساني اني جامده انا لو لمحتها بتتحرك من المكتب هطير و اسيبك نادين....بضحكعلب راي لولي يا اوطي من الرصيف طب اطلعي ريهام....بضحك ما تطلعي انتي وهي متبقوش خوافين نعيمه.....طب بلاش انتي عشان وقفتك هنا تشهد عليكي ريهام....بضحك قصدك اني خوافه نعيمه....اه انتي وحودا محمود....انا معترف هي مش قد كده بس اعوذ بالله من عصبيتها نادين....بقولك ايه انا طالعه ولللي يحصل يحصل هتعمل ايه يعني نعيمه....طب اتفضلي قدامي يا جامده ضحكوا كلهم و طلعوا البنات علي فوق نعيمه خلت نادين قدام خبطت نادين و فتحت الباب و الاتنين ابتسموا ابتسامه عبيطه ايمي.....تعالوا يا بنات نعيمه.....قلبي احلي اوزعه في الدنيا خليكي خليكي قربت منها باستها في مكانها نادين....هاي ايمي امووووه ايه القمر ده ايمي....انتي اللي قمر ايه الاخبار و خير ايه اللي جايبكم بصوا عشان نتفق لو جايبن هنا تتكلموا في اللي حصل امبارح فا تلفوا كده و توروني عرض افاقكم و تتكلوا نعيمه و نادين كانوا واقفين لازقين في بعض و مبتسمين ايمي.....فا نختصر علي بعض و خليكم دوغري جاييين ليه نعيمه...بصت لنادين و ضحكت اااا انتي جايه ليه نادين....بضحك انا انا جايه معاكي نعيمه....طب وانا جيت ليه ايمي.....خير فقدتوا الذاكره هنا نعيمه....في ايه يا قمر بس مالك يا بطل عالصبح بتخانق دبان وشك ليه بقي بالذمه ينفع القمر ده يتعصب كده نادين.....بقولك ايه بقي احنا ساكتنلك بس من الاخر اه جايين نتكلم معاكي في اللي حصل و هتسمعينا نعيمه.....بضحك مليش دعوه بيها هي اللي قالت اتحملي بقي فتحة الصدر دي نادين....بضحك يا واطيه طب ادخلي معايا نعيمه.....بضحك ادخل فين دي هتدخل عليا بصتلهم ايمي و ابتسمت غصب عنها نعيمه....ضحكت و ربنا ضحكت نادين ....بضحك ماهي بتضحك في اي حاجه فيها قلة ادب ايمي....ابتسمت و عضت علي شفايفها بغيظ و رفعت حاجبها خير انتي وهي عايزين ايه نعيمه....ولا حاجه جايين نطمن علي القمر نشرب حاجه نرغي ننم ميمنعش نقل ادبنا من الاخر احنا الجوز فاضيين و مش لاقين حاجه نعملها هي جوزها مسافر و انا خطيبي مشغول سنه قدام يعني هتتحملينا غصب عنك ايمي...ااااه ملكوش متوي غير هنا يعني و لا شغله ولا مشغله فا قولتوا تيجوا ترازوني نادين.....بالظبط نعيمه....ض*ربتها في كتفها هو ايه اللي بالظبط نادين....بهمس هي ترازوني دي عيب نعيمه....بضحك لا يعني نخنقها و نقرفها و انتي بتقوليلها بالظبط هتقوم حدفانا من هنا نادين.....لا يا ايمي مش هنرازيكي احنا جايين نتسلي معاكي ايمي....لا ما هي مش ملاهي يا روح امك نادين.....بصت لنعبمه دي كده شتيمه نعيمه.....بضحك لا قدها ان انتي روح امك يعني حياتها وقلبها متاخديش في بالك انتي بس ايمي....بت انتي وهي يا تترزعوا يا تتكلوا متفضلوش واقفين تغنوا وتردوا علي بعض كده انا مش فضيالكم نعيمه زقت نادين و راحوا بسرعه قعدوا علي الكنبه بصتلهم ايمي و بعدين بصت علي اللاب توب نادين بصت لنعؤمه بطرف عينها و ابتسمت نعيمه....بهمس خدي بالك انا مقدره انها حامل انما لو مش حامل كنت لفتها علي ايدي و طحنتها حطت نادين ايدها علي وشها و كتمت ضحكتها نعيمه....اه والله اسمعي مني مش شايفه فرق الطول هو كف هينزل علي خلقتها هبططها و هخليها شبه السوسته او شبه الكنزايه كده لما بتضغطي عليها نادين....بضحك اسكتي بقي لو سمعتك هتفرمك نعيمه ....ماهي طايحه في الكل و عامله خلقها ضيق و انا كمان خلقي ضيق والله هلفها علي كفي و هروقها بصتلهم ايمي و رفعت حاجبها ايمي.....تلفي مين علي كفك يابت نعيمه....بصتلها بصدمه وضحكت ااا ايه ايمي....ايه اتطرشتي نادين كانت ميته من الضحك نعيمه....اااااه انا بتكلم علي الشنطه ايمي....الشنطه اااه طب روقي علي روحك يا نعيمه بدل ما اعرفك الكنزايه دي ممكن تعمل فيكي ايه انتي واللي مسخسه علي نفسها من الضحك جنبك دي نعيمه....بصت لنادين و ضحكت ما تتلمي بقي جيبالنا الكلام كده بنوزع نكت جايين نقعد مع الست المحترمه الكمل مش جاين نهزر احنا ايمي.....الله اكبر عاقله نعيمه....الله يسترك يارب هو انتي مش ناويه تطلبيلنا حاجه نشربها ايمي.....اممممم عيني تشربي ايه نعيمه.....اغلي عصير في المكان ضحكت نادين اكتر و ضحكت ابمي و هزت راسها شمال ويمين نعيمه....بضحك ايه في ايه بقلد أيه كل مره بتقول كده بنت المحظوظه بيجيلها عصير شكلوا حلو اوي ايمي.....بضحك ماشي و الاستاذه اللي هتموت من الضحك نادين....بضحكه تجنن ايس كوووفي ايمي.....بأبتسامه ماشي اتصلت ايمي بلغتهم و بعدين قفلت قامت نعيمه قعدت علي الكرسي اللي قدام المكتب و قامت بسرعه نادين عملت زيها ايمي....اللهم طولك ياروح ما تقعدي علي حيلك منك ليها شاربين ايه عالصبح نعيمه.....ايمي ممكن نتكلم معاكي شويه ايمي.....لا نعيمه...مش هنرغي كتير ايمي.....لا ض*ربت نعيمه نادين برجليها نادين...ااااه ااا يعني كلمتين طيب ايمي....صبرني يارب خير يا نعيمه خير يا نادين في ايه نعيمه....من الاخر بقي اللي حصل امبارح ده مش عاجبنا ايمي....و انتوا بقي جايين تحاسبوني و تقولوا اني غلطانه نعيمه....لا لا مقولناش كده احنا مش جايين نغلط حد نادين.....هو لو احنا بنتكلم في شغل فا انتي معاكب حق مليون في الميه بس من الاخر كده مينفعش انتي و ليله تزعلوا من بعض يا ايمي نعيمه ....متنكدوش علينا يا ايمي بالله عليكم منقدرش نشوفكم انتوا بالذات زعلانين من بعض نادين....وبعدين يعني بكره كتب كتاب أيه وسلمي هتفضلوا كده يعني نعيمه....ما هو اكيد مش هتشوفوا بعض و تفضلوا زعلانين نادين.....هو مينفعش اصلا تشوفوا بعض و تفضلوا زعلانين انا مش هسكت نعيمه.....ايمي بصي انتي كنتي صح في كل كلمه بس يمكن لولي فهمت غلط و زعلت بس من الطريقه نادين.....لا لا هي مزعلتش من الطريقه هي عارفه ايمي لما بتتعصب كويس بس يمكن هي فعلا فهمت غلط والنبي يا ايمي كلميها طب اقولك علي حاجه بقي والله والله كنت بكلمها و طلبت مني اجي المطعم مع ريهام عشان انتي متنزليش و لما قولتلها انك هنا من 11 صوتها اتغير و كانت مضايقه اوي و قفلت معايا نعيمه.....لولي بتحبك يا ايمي و يومها مش بيبقي حلو من غيرك و انتي كمان ما انتي موعصبه و مطلعه عين الكل اخوكي و ريهام واقفين تحت خايفين يقربوا منك ايمي.....بهدوء خلصتوا نعيمه.....ايه هتقلي ادبك و تقولوا وروني عرض كتافك والله ما هنمشي ايمي....لا مش هقول بس انا مش محتاجه اسمع منكم كل اللي بتقولوه ده مش محتاجه اعرف ليله بتحبني قد ايه او انا بحبها قد ايه و لا ينفع اصلا با نادين انتي و نعيمه يجي في بالكم اني اشوفها او تشوفني و نفضل زعلانين بطلوا هبل بس انا مش هكلمها ليه بقي لان امبارح لما سابت المفاتيح جننتني قولتلها اكتر من مره خدي المفاتيح وبطلي هبل مسمعتش حاولت اتكلم بهدوء عشان تقعد لاني عرفاها ادام خدت موقف يبقي خلصت قولتلها متمشيش و تسيبيني برضوا مشيت اما روحت قولت اكلمها كلمتها كتير و هي قافله موبايلها و قفلاه مخصوص عشان متكلمنيش او ترد عليا نعيمه....طيب يمكن فصل شحن نادين انهارده من ساعتين كده كانت بتكلمها ابمي.....ما انا لما جيت علي هنا جالي اشعار انها فتحت الموبايل و اكيد هي كمان جالها اشعارات اني متصله بيها فوق الخمس مرات و مع ذلك معبرتنيش و انا بقي مش هعبرها نادين....بطلوا شغل العيال ده مع بعض هي اكيد بس مضايقه او يمكن مش حابه تكلمك و هي مضايقه كده نعيمه.....او يمكن فاكره انك هتتصلي تكملي اللي حصل امبارح و مش عايزه تزعل اكتر ايمي....مفيش الكلام ده و بطلي انتي و هي تدوا مبررات عبيطه ليله عارفه اني بكلمها عشان اصلحها او اطمن عليها مش عشان اتصل اكمل هي حفظاني كويس الموقف اللي باخده بيكون في وقته مش بفضل اعيد وازيد انا نعيمه....طيب معلش جربي تاني الوقت اكيد هترد عليكي هي راحت لمها والبنات يعني مش مشغوله في حاجه هترد ايمي.....لا مش هتصل لاني لو اتصلت و مردتش والله لا هاخد منها موقف اوسخ عشان هي عارفه كويس انها لو مشيت و سابتني هزعل منها و انا هونت عليها و مشيت وسابتني زعلت من عصبيتي بس هي عارفه اني كنت علي حق و عارفه ان عصبيتي كانت خوف عليها بس عشان هي عارفه كويس ان هي غلطت لما متصرفتش في حوار الكاميرا فا قلبت عليا التربيزه و طلعتني بكلمها في تعويض و فلوس و خدت كلمه مش بروفيشنال قالتلي انا عشوائيه مع ان الحيوانه سمعتني بقولها دي مش طريقه بروفيشنال و انتي المفروض بروفيشنال بس انا حافظه دماغها التربيه الوسخه لما بتحب تقلب التربيزه صايعه و انا بقي اصيع منها ومش هعبرها نادين.....طيب بصي يا ايمي هو الموضوع غلط بس انا مش قصدي اطبلها لكن مش يمكن ليله كانت مضغوطه يعني بيتها و عشري و الفتره اللي فاتت كانت بتنزل معانا و ممكن ترجع تاني علي المطعم او تنزل بدري تعدي علي المطهم و تروح جيالنا يعني هي كانت مشغوله و يمكن نسيت غصب عنها مش طنشت ايمي..... عارفه يا نادين انها شايله فوق طاقتها الفتره دي ده كفايه شغلي اللي هي شيلاه بس انا منطقتش كل اللي قولته ليه متصرفتيش يا ليله او حتي بلغتيني بصتلي و سكتت هنا ليله عرفت انها غلط بس ياريتها قالت كل ده هي استفزتني و طلعتني عن شعوري لما بكل برود قالتلي عادي اقولها يعني ايه عادي ده الموضوع كان اتطور كان ممكن يحصل مصيبه ترد تقولي هتخلص علي تعويش و متخافيش مش هدفعكم حاجه طب احـ...... بقي هو انا بكلمك يا حيوانه عشان تقولي مش هدفعكم مش بقولك يعني انك ممكن تتأذي او يبقي فيها محاضر و قواضي و سمعه زفت للمكان لا هي شايفه ان فلوسها كتير فاكره اصلا ان الحوار حوار فلوس نعيمه....بضحك طب اهدي كده احنا بنتكلم بهدوء ايمي....هدوء ايه هي خلت فيها هدوء انا دمي محروق من امبارح و اللي معصبني اني هموت عليها الحيوانه نادين....بضحك والله العظيم هي كمان هتموت عليكي ايمي.....احيييييييييه عليها لما بتلبس ماسك البرود بتبقي شخصيه وسخخخخخه شوفي انا مش سهل حد يستفزني و بتعامل ببرود مع اي حد و شخصيتي زباله في البرود بس قدام ليله مبقدرش بتخليني اتشال و اتحط و هي ولا هنا نادين......بضحك عشان متبقيش انتي وهي عصبين ايمي....لاااااا ليله لما بتكون مش غلطانه و علي حق انا وهي بنبقي عاملين زي الديوك عنالين نناطح في بعض و بنتخانق و بنتعصب انما لما هي بتبقي عارفه انها غلطانه بتعمل زي ما شوفتوا البت شيفاني علي اخري و بصالي و مبتسمه و ساكته و برداااااااا نعيمه.....بضحك طب زعلانه ليه لما هي اللي غلطانه نادين......بضحك متقدرش علي بعدها ايمي......زعلانه عشان هي زعلانه مع ان انا المفروض اكون زعلانه مش بقولكم استاذه في قلب التربيزه و الله ما هعبرها نعيمه....بضحح طب خلاص اهدي و بطلي عصبيه انا هخليها تكلمك هي بس تعرف انك متعصبه و تعبانه هتتجنن عليكي ايمي.....لا مش عيزاها تكلمني نادين.....بضحك خلاص هنخليها تجيلك ايمي....ولا تجيلي هديها باوسخ شبشب نعيمه....بضحك اقسم بالله ولا تعرف تعمل معاها حاجه متقدرش مع لولي بالذات هتشوفها هتضعف ايمي......بزعل عشان قلبي عــ//ق رنة نعيمه الضحكه و ضحكت نادين نعيمه......ااااه همووووت دي معترفه ايمي.....ايوه و هي عارفه انها نقطه ضعفي الواطيه نعيمه....والله العظيم وانتي كمان نقطه ضعفها طب اقولك علي حاجه بعيداً يعني عن اني مش هاين عليا تزعلوا من بعض بس بحبكم و انتوا زعلانين اوي بحس انكم راجل ومراته ايمي.....بغضب هي الراجل اكيد عشان بارده زيهم الست تتشال وتتحط قدامهم و هما مفيش في برودهم نعيمه....روق يا قمر بقي هنخلي جوزك يجي يصالحك نادين.....بس علي فكره ممكن متجيش انهارده ممكن متعرفش رن موبايل نعيمه طلعتوا نعيمه......ايه ده ؟ ده عشري نادين.....طب شوفي لا يكون في حاجه ايمي....حاجه ايه هي ليله معاه نعيمه....لا لا استني الووو عشري..... بابتسامه هلا نوني نعيمه.....هلا يا بلطجي عامل ايه عشري.....كله تمام الحمد لله اخبارك انتي ايه و الواد فضل عامل معاكي ايه نعيمه....كله تمام والله متقلقش عشري.....يارب ديماً بقولك ايه نعيمه....قول عشري.....سؤال بس كده هي ليله كويسه ؟ حصل حاجه امبارح يعني و انتوا بتجيبوا الفساتين نعيمه....بابتسامه و الله السؤال ده بقي ترد عليك ايمي فيه عشري....بكلمها مش بترد بس كده في حاجه صح نعيمه....بضحك خد اهي معاك انا و نادين عندها في المطعم عشري.....في المطعم طب هاتيها نعيمه....معاك اهي ايمي......ايوه يا عشري عشري....اهلا ريا ايمي.....طب اصطبح و قول يا صبح لسه اليوم في اوله وانا عفاريت الدنيا بتتنطط في وشي عشري....بضحك ماهو واضح عامله ايه ايمي....بابتسامه تمام عشري...في ايه بقي انا مش فاهم حاجه بسأل نعيمه حصل حاجه امبارح مع ليله بتقولي ايمي تقولك البت مالها يا اوزعه ايمي....بغضب اتخانقنا مع بعض عايز حاجه عشري...بصدمه ابتسم انتي وليله ايمي.....اه عشري.....طب ليه؟؟ ده انتب لو مزعلاها هطلع عينك عارفه ليه لانها قلبت عليا حتت قالبه امبارح و زعلان منها اصلا ايمي....نكدت عالبت يا بلطجي عشري....بضحك ولا جيت جنبها و بعدين حوشي يا ملاك الرحمه ما طلع المصيبه منك اصلا ده انا هنفخك حصل ايه ايمي....بضحك هقولك .................. خرجت نغم و هي مبسوطه اوي لمحها تامر جايه من بعيد كان بيكلم مريم تامر....مريم نغم خرجت هبقي اكلمك تاني مريم....ماشي بس ابقي طمني يا تامر تامر....حاضر سلام قربت نغم منه وهي طايره من السعاده تامر.....ادام بتضحكي يبقي خير نغم....بابتسامه هنزل من بداية الشهر الجاي تدريب تامر....شهر خمسه نغم....ايوه تدريب ثلاث شهور و بعدها لو كل حاجه تمام هتثبتك و هيبقي ليها عقد مع المصري اليوم و هطلع كارنيه النقابه تامر.....طيب ليه مش من بكره نغم.....معرفش بس هو قالي من اول الشهر بس في زي محاضرات كده هتتعمل المفروض هحضرها و دي هتبدأ شهر خمسه و كمان هنزل تدريب اغطي اخبار عن جرايم و حوادث كده يعني تامر....بابتسامه مبروك نغم....الله يبارك فيك يا تامر بجد شكراً كل ده بسببك تامر....انا معملتش اي حاجه يا نغم ظفيش حاجه بسببي انتي تستاهلي كل حاجه حلوه و كويس اهي فرصه تدي خلفيه للبنات الفتره دي عشان يبقوا عارفين هتظبطوا الشغل ازاي نغم....ايوه فعلا انا هعرفهم طبعا هي نادين عرفت اني المفروض عندي مقابله فا عندها خلفيه بس اكيد هنتكلم تاني مع بعض عشان نشوف هنمشيها ازاي و كده كده احنا وقفنا شغل اوردرات خلاص يعني سلمنا كل حاجهو المفروض ان نودي قالت مش هنرجع نكمل الا بعد اجازة جوازها تامر....طيب كويس اوي عشان تفضي الفتره دي تجهزي نفسك تستعدي نفسياً اكتر للشغل و ان شاء الله خير نغم....يارب انا مبسوطه بجد ومش عارفه اقولك ايه تامر....متقوليش اي حاجه و يلا خلينا نروح نشوف صيدليه كويسه عشان ايدك دي و بعدين نروح مع بعض المشوار بتاعك نغم.....بابتسامه تمام ................... عند ايمي عشري....وبعدين ايمي.....بس و مشيت وسابتني و كمان قافله موبايلها امبارح و الله ما هسكتلها عشري.....بضحك طيب خلاص اهدي و بطلي عصبيه انا هتصرف ايمي....اتهلي تتصرف ايه ما هي طايحه فيك انت كمان عشري....بضحك اتلمي يا اوزعه عشان مروقكيش انتي والبلطجيه ايمي....متقدرش و بعدين انت ازاي تزعل البت عشري....والله ما زعلتها انا وصلت وهي مضايقه شكلها باين جدا و اخر مره كلمتني لما عملتوا المقلب كامت بتضحك و بتهزر فا سالتها مفيش لا في لا مفيش بس انا حافظها فا سالتها تاني قامت اتعصبت ايمي.....هي اكيد مكانتش عايزه تحكي عشري....وانا مكنتش عابزه تحكي خدي بالك يا ايمي انا مش فضولي و عارف ان ليله ممكن تحكيلي اي حاجه بس لا بتحكيلي عن مشكله بين اخواتها ولا لينها وبينكم ودي حاجه بحترمها وبقدرها بس لو كانت قالتلي مضايقه شويه او في تاتش حصل هسكت بس مقالتش و انتوا كنتوا تمام و بتضحكوا فا فكرت في مشطله تانبه معاها عشان كده سالت بس هي بقي اتعصبت و علت صوتها وبصراحه ضايقتني ايمي.....طب صالح البت يا بلطجي عشان متشوفش العين الحمرا مش معني اني مش طيقاها هخليك يا اخويا تزعلها عشري....بضحك ماشي يا ريا المهم روقي كده و حصل خير و انا هظبط الدنيا ايمي.....ماشي يا عشري متقولهاش اني فتنتلك احسن تقلب عليا اكتر عشري....بضحك لا مش هقولها يلا عايزين حاجه ايمي....لا يا حبيبي سلامتك مع السلامه عشري....سلام ............... الوقت كان بيمشي تقي راحت خدت من اوبها الشغل هي و نسمه وراحوا وصلوه للشباب. نجود نزلت هي ورحاب يجبوا الفستان و رحاب كانت مبسوطه ان نجود مش زعلانه منها و نجود كمان كانت مبسوطه انها مش واخده منها موقف. ايه و سلمي نزلوا مع بعض يجبيوا الشوزات اللي هيلبسوها في الفرح ليله كانت مشغوله مع ولاد اخوها كانت مضايقه بس كانت بتحاول تتبسط معاهم و تفرحهم. نغم كمان كانت مبسوطه اوي مع تامر و مبسوطه بالشغل اللي هتبدأوا سلامه وحسان كانوا بيخلصوا كل اجراءات كتب الكتاب رشيد كان في المعرض و عشري في الكافيه الكبير وفضل في كافيهات زايد مع اخواته و اخوات فضل اللي مشغولين بتحضيرات جواز محمود نادين جالها تليفون من شخص حابب يشوف الشقه بتاعت نغم علي الطبيعه و كان واضح من كلامه ان الشقه عجباه و متحمس بس حابب يشوفها علي الطبيعه من غير صور اتصلت نادين علي نغم نغم.....الوو ابوه يا نودي نادين....ايه با نغومه عامله ايه يا قلبي نغم....الحمد لله بخير نادين...عملتي ايه في الانترڤيو نغم....بابتسامه الحمد لله هنزل من اول شهر خمسه تدريب ثلاث شهور وبعدها هتثبت في المكان نادين.... بابتسامه الله حلو اوي مبروك يا قلبي نغم....الله يبارك فيكي يا نودي نادين....ربنا يوفقك يا قلبي نغم....يارب يا روحي نادين...طب قوليلي انت كده خلصتي فينك كده نغم.....انا معايا تامر هو وصلني و فضل معايا و الوقت رايحه اجيب التاجات بتاعت الورد لفرحك نادين.....يا عمري انتي طيب هتتأخري نغم....لا هجيبهم ونرجع في حاجه نادين.....انا لسه الوقت في واحد قافل معايا و حابب انه يشوف الشقه علي الطبيعه يعني من كلامه كده هي شكلها هجباه وعايزها بس غالبا محتاج يتاكد ان هي علي الطبيعه زي الصور نغم...بصت لتامر اااا طب ايه مش عارفه نادين....لا مش عارفه ايه خلينا نروح و نشوف طبعا يمكن تعجبه وياخدها و اهي فرصه بالمره الفتره اللي جايه ممكن منبقاش فاضين كلنا نغم....طيب انا معنديش مانع خلاص نادين....طيب تامر هيجي معاكي نغم....معرفش هو فاضي ولا لا نادين.... طب اسأليه كده وانا معاكي الراجل هيكون في العنوان بعد ساعه تقريباً نغم.....طيب اممم تامر هو انت فاضي ؟ تامر.....اه في ايه؟ نغم.....في حد حابب يشوف الشقه علي الطبيعه يعني و نادين اديته معاد بعد ساعه تامر....مفيش مشكله نروح و هي تقابلنا هناك نغم....طيب خلاص يا نادين تامر موافق نادين....اوك ساعه و هكون هناك نغم.....وانا هجيب الحاجه و هنمشي علي طول نادين....تمام يا قلبي يلا باي نغم....باي ....................... عند ليله اختاروا البنات فساتين فرح نادين نفس اللي عجبوا ليله و اختاروا كمان فستان فرح سلمي وايه و اختاروا لفرح محمود مها كمان اختارت فساتينها و بعد ما خلصوا خرجوا مع بعض و خدتهم ليله علي مكان ياكلوا فيه راحوا وطلبوا الاكل ليله.....بابتسامه عجبكم الفساتين يا بنات كنزي....حلوين اوي خديچه....عجبومي يا لولي اوي ليله....مبسوطه يا ست ديچا ولا لسه زعلانه خديچه.... بضحك لا خلاص مس زعلانه و بحبك اوي ليله....يا ناااااس انا اللي بموت فيكي والله مها......تسلم ايدك يا لياه تعبناكي معانا والله ليله.....تعب ايه بس يا مها انا بسبب عياطها والله اضايقت جدا امبارح بس للاسف مكانس هينفع نيجي ناخدهم هناخد وقت المهم انهم اتبسطوا بس فداهم اي تعب مها ...ربنا يخليكي لينا يا حبيبتي و ميحرمناش منك ابدا ليله....ولا يحرمني منكم ابدا مها.....بابتسامه دي اميمه بتتصل ليله....كلمتها وانا جايه الصبح مها....ماهي عارفه انك جايه استني ارد الووو قفلت مها حواجبها شويه بصتلها لياه وهزت راسها بمعني في ايه مها....طيب ممكن تهدي انتي عارفه انا مع ليله و بعدين ليه ندخل وليد بس ليله....في ايه يا مها مها.....طب استهدي بالله عشان متتعبيش ليله....فيها ايه اميمه مها.....بصت علي البنات و بعدين بصت لليله متخانقه مع حمزه ليله....طب اديهاني مها....طب ابعدي شويه و كلميها براحتك خدت ليله الموبايل و فهمت ان مها مش عايزاها تتكلم قدام البنات ليله....ايه يا اميمه في ايه مالك اميمه.... تتصلي باخوكي لو فاضي يعدي عليا قبل ما احمد يرجع و يتصرف مع الحيوان ده قبل ما اموته واطين عيشته ليله.....طيب ممكن براحه و اهدي شويه عملك ايه حمزه المذاكره برضوا امينه.....مذاكره ياريتها تيجي علي المذاكره ووجع قلبي في المذاكره الحيوان اللي هيموتني لاقيت في شنطته سجاير و كل اللي فارق معاه ازاي افتح شنطته هرتكب في ج*ر*يمه ياليله فاكر نفسه كبر وبقي راجل ناسي انه بيلعب رياضه ملموم علي شويه صيع شبه ليله....طيب استهدي بالله و صلي علي النبي كده عشان الصغط و السكر مينزلوش و ابعدي عنه خالص و انا هخلص مع مها والبنات هروحهم و اجيلك اميمه.....مش هينفع احمد هيكون رجع ولو عرف والله يا ليله لا هي*ق*تلوا ليله......كش هطلع اصلا انا هتصل عليه لما اجي و هو ينزلي كأني عيزاه في اي حاجه انا هتكلم معاه المهم متتصليش بوليد ولا تبوظي الدنيا اكتر ابنك مبقاش صغير يا اميمه متخليهوش ياخد موقف من وليد اميمه....ياخد موقف ولا يتحرق بجاز وسخ هو كمان ليه عين ليله.....خلاص يا اميمه اهدي بقي قولتلك انا هتصرف ممكن بعد اذنك ملكيش دعوه بيه ولا تتكلمي معاه في حاجه اميمه....ماشي يا ليله ليله....ورحمه امك يا شيخه لا تزعقي ولا تمدي ايدك ولا تيجي جنبه خالص اقعدي كده مع نفسك وانا لما هاجي هتصل عليه ينزلي ماشي اميمه....تمام يا ليله ليله....يلا يا حبيبتي روحي صلي كده ركعتين و اهدي ماشي اميمه...طيب يا نور عيني بالسلامه ليله...باي يا حبيبتي قربت ليله من التربيزه كان الويتر بيحطوا الاكل بصتلها مها مها....ايه ليله....متكلميش وليد ولا تقولي حاجه انا هتصرف مها....مش هقولوا طبعا انا قولتلها بلاش يدخل اصلا المهم خليها تاخده براحه هو صغير لسه برضوا ليله....هتكلم انا معاه عيب اميمه انها مش بتعدي اي غلطه ديما تعتب علي قمر لما تشد علي ولادها و هي دماغها اوسخ كل حاجه وخداها علي اعصابها مها......بصراحه اه وهي اللي بتتعب اميمه مش مقتنعه ان السن ده كله كده في المذاكره والعند مع بعض و اللعب هو جيل مهبب انا عارفه بس براحه دول صبيان مينفعش يجوا بالعند ليله....قولي زي ما تقولي اللي في دماغها في دماغها تقولك احمد طيب و لو انا مشدتش العيال هتبوظ يعني سعات بعذر قمر في النهايه ولادها اطفال لازم تعرفهم الصح من الغلط بس اميمه ولادها ماشاء الله بقوا شباب العيال ربنا يحميهم بقوا طول ابوهم مينفعش العصبيه و الجنان اللي هي فيه ده مها....هي بتخاف عليهم بس اميمه الشهاده لله حنينه اوي ليله....حنينه بغباء بس اوقات بتقفل دماغها الله يهديها و اجي اتكلم ولا اغلطها تقولي انتي اللي مبوظه العيال مها....بضحك هي العيال كلها بتحبك يا ليله و بتسمع كلامك ليله.....يبقي تهدا بقي و تسيبها عليا مها.... انتي هتروحيلهم ليله....لا هوصلك و اروح علي هناك بس هو هينزلي عشان لو احمد رجع متبقاش مشكله مها....احسن برضوا الولاد في السن ده بتضايق لو حد قلل منهم او اتعصب او حسسهن انهم صغيرين عشان كده قولتلها بلاش وليد هو وليد اصلا بيموت في حمزه و نوح و عمره ما هيعملوا حاجه بس عشان حمزه ميتحرجش ليله.....بالظبط حمزه بيموت في وليد هو كمان مش عيزاه ياخد منه موقف مها....ربنا يهديه يارب ليله....يارب يلا يا بنات كلوا .................. بعد حوالي ساعه ونص نادين اتقابلت هي و نغم و تامر في الشقه بتاعت نغم و وصل شخص كده في الأربعينات و معاه شاب اصغر منه بسنتين ثلاثه واضح من الشبه انهم اخوات استقبلوهم و حبوا بيهم اتعرفوا عليهم دخلهم و بعدين سابهم يتفرجوا علي الشقه براحتهم نغم واقفه علي جنب و ساكته خالص و نادين معاهم عشان لو حبوا يسألوا علي حاجه و بعد ما اتفرجوا علي كل حاجه رجعوا قعدوا الشاب....طيب ندخل في الموضوع علي طول يا استاذه نادين نادين....طبعاً اتفضل الشاب...مبدأياً البيت ماشاء الله حلو اوي و انا مش اول مره اتعامل معاكي نادين....بابتسامه اكيد طبعاً الشاب....و عشان اكون صادق هو عجبني و انا حابب اخده بس انا حابب نتكلم في السعر شويه طبعاً البيت يستاهل و الفرش اللهم بارك يعتبر جديد بس انا لا حابب اسيب البيت ولا هقدر ادفع تمنه كله لاني ملتزم بحجات كتير جدا و فتره طويله نادين.....بابتسامه طيب قولي حضرتك معترض علي انك تدفع المبلغ علي دفعه واحده و لا معترض علي المبلغ كله طبعا تامر كان ساكت و مش عارف اصلا نادين عارضه الببت بكام و نغم زيه مش عارفه كانت قايله لنادين هي تتصرف الشاب....هو مبدأياً القصه مش قصة اعتراض زي ما قولتلك البيت يجنن الموقع بتاعه ممتاز و باين انه متشطب من قريب خالص الفرش حلو جدا فا هو لو هتكلم بالحق البيت يستاهل و انا اكيد مش بتكلم عن الدفع انا بتكلم عن الثمن المعروض يعني نهزهم شويه اربعه كتير بص تامر بهدوء لنادين و بصت نغم بصدمه لنادين و لتامر و منطقتش نادين.....بص اولا زي ما قولت في بدايه كلامك ان ده مش اول تعامل بينا ثانياً انا ديماً في طريقه شغلي بحب اكتر التعامل بتاعي يكون مع ناس اتعاملت معاهم قبل كده مره واتنين وثلاثه صحيح كل فتره بتعامل مع ناس محترمه و بيكون اول مره بس في الغالب برتاح مع الناس القديمه اللي حافظني وانا حفظاهم طبعاً انا مقدرش اخسر شخص زيك لان التعامل معاك مريح جدا و اي حاجه بعرضها عليك بنخلصها بسرعه و مش بحس بيها يعني في كل الاحوال ادام الشقه عجبتك و ادام انا برتاح في التعامل معاك يعني اكيد مش هنختلف بس كمان خلينا نتكلم بصراحه اولا الشقه موقعها متميز جداً ليها ناصيتين و الناصيتين واحده فيهم علي شارع رئيسي و التانيه علي شارع فرعي بس مساحته عظيمه بينك و بين البيت اللي قدامك مسافه حوالي من 100 ل110 متر و بعيداً عن كل ده انت هنا تعتبر في وسط البلد قريب من اي مكان يخطر في بالك مكان حيوي 24 ساعه كل الخدمات متاحه ليك في اي وقت امان لان هنا محدش بينام تقريباً قريب من الازهر الحسين المعز وسط البلد الاوبرا التحرير كل ده بينك وبينهم دقايق بالعربيه البيت في اسانسير في حارس الواجهة الخارجيه متشطبه كل ده انا بكلمك عن مزايا البيت و المكان والموقع نيجي بقي للشقه نفسها مساحتها زي ما قولتلك وانت جيت وشوفت بنفسك الغرف كلها مساحتها تجنن و كبيره الشقه مفروشه بالكامل معادا غرفه واحده اجهزة كهربائة اخر موديل نزل منها تكييفات في اغلب البيت يعني مش ناقصها حرفياً اي حاجه الفرش اللي فيها بالاجهزه يعدي المليون و اكيد حضرتك عارف ده كويس فا الاربعه مليون بيتهيألي علي الاسعار الموجوده في نفس النطاق و بالتشطيب والفرش ده ولا حاجه وانا واثقه انك جاي و عارف ده كويس الشاب....بابتسامه هو انا عارف اني مش هقدر اغلبك بس كمان كل اللي قولتيه ده مقدرش اعارضك فيه زي ما قولتلك من الاخر الشقه عجباني و مش هسيبها و اكيد باذن الله مش هنختلف بس عشان التعامل اللي بينا حركي المبلغ شويه تامر.....اااا طيب لو تسمحلي بس ادخل الشاب....طبعاً اتفضل تامر....ايه الحركه المناسبه ليك عشان نكون بنجيبها من الاخر بص الشاب لاخوه اخوه....بابتسامه طيب سمعونا كلمتكم انتوا الاول تامر....بضحكه جميله كلمتنا سمعتوها زي ما قالت انسه نادين اربعه مليون فا انتوا قولوا المناسب ليكم و احنا نشوف اخوه بصله و رجع هو بصلهم الشاب....اااا ثلاثه 200 نادين....لااااااا تنزل 800 مستحيل الشاب.....حلوين نادين.....صدقني صعب وصعب اوي انت بتتكلم في مليون الا 200 عمرك شوفت حد بينزل ب800 مره واحده الشاب....انا جيبتلك من الاخر عشان مفضلش انقض وانتي تزودي و كنت دوغري معاكي نادين.....صدقني صعب شوف انا اي وقت بجيبلك اي حاجه و بعرضها عليك او علي غيرك من الناس المحترمه الي بتعامل معاهم بكون مجرد وسيط كل اللي بعملوا بوصلك بالبايع و اخد نسبتي و امشي انما المرادي الوضع مختلف انا هنا مش بصفتي وسيط و لا بصفتي بشتغل و هاخد نسبه و همشي انا هنا مع شخص يهمني شاوتلهم علي نغم دي اختي الصغيره و ده كان بيت والدتها كانت عايشه فيه يعني اكيد انت عارف انه صعب تسيبه بس هي خدت قرارها خلاص و انا مش هقدر ابداً انزل مبلغ زي ده عشانها هي لان هي مفوضانب في الموضوع كله الشاب.....تمام علي راسي طيب قولي بقي انتي كلمتك و تحضرنا يا استاذ تامر تامر.....بابتسامه انا معاكم ها يا نادين.. نادين....امممم طيب ممكن استأذنكم خمس دقايق اتشاور كده مع صاحبه الامر و ارجعلكم تاني واقولكم كلمتي الاخيره الشاب.....طبعا اتفضلي نادين....لو حابين تشوفوا المكان تاني و تتفرجوا اكتر اتفضلوا طبعاً الشاب....تمام نادين...تعالي يا نغم قامت نادين و خدت نغم معاها تامر....خدوا راحتكم و اتفرجوا تاني الشاب....تمام قام الشاب و اخوه يتفرجوا تاني وراح تامر وراهم. دخلت نادين علي البلكونه و هما دخلوا وراها. تامر....ايه يا نودي هتقولي ايه نادين....ثلاثه مليون ونص ايه رايك تامر.....بصي خو الراي في الاخر لنغم وليكي انتي ادري في الموضوع ده مني بس بيتيهألي يعني كده انتي ماسكه العصايه من النص اكتر كويس نادين....نغم ايه رايك نغم....كانت مصدومه و ملامحها فيها ذهول بسيط رأيي في ايه يا نادين نادين.....المبلغ بالنسبالك كويس نغم....بسخريه و ذهول 3 مليون ونص نادين.....لو معترضه قولي حتي لو هما مش موافقين عادي هنعتذر و اكيد هنلاقي غيرهم نغم.....معترضه علي ايه يا نادين انا اصلا مش مستوعبه السعر اللي انتي حطتيه من الاول اربعه مليون طب ازاي نادين....شوفي هو انا شايفه انه مناسب لان الشقق اللي بتكون في اماكن حيويه بالشكل ده بيبقي ليها ناس معينه يعني في ناس مش هتحب الزحمه و الدوشه حتي لو البيت عاجبها يعني باختصار الدوشه و الهيصه و الناس اللي مبتنامش 24 ساعه دي ليها زبون خاص و قليل عشان كده انا مش حابه اعلي السعر بس لو انتي حابه اننا نرفعه تمام نغم....لا يا نادين انتي فهمتيني غلط اصلا انا شايفه ان المبلغ كبير اوي انا بجد اااا مش مستوعبه اصلا انه يجيب الرقم ده نادين....بابتسامه طيب انتي زعلانه ليه المفروض تفرحي يعني الحمد لله ان المبلغ عجبك نغم.....بالعكس يا نادين انا اتصدمت اكتر نادين البيت ده لما اتاخد مني انا ونغم خدنا منه 160 الف مريم خدته مننا بي 160 الف جنيه و انتي الوقت جايه تقوليلي 3 مليون ونص بصتلها نادين بتأثر و تامر كمان اتأثر جدا بنبره صوتها وحزنها وصدمتها نغم....انا كل شويه بتصدم اكتر في مريم بجد كل ما احس ان في حته جوايا محتاجه تساعدها وتقف جنبها بتقفل منها اكتر نادين.....طيب ممكن تهدي قربت منها وخدتها في حضنها نادين.....نغم ربنا مش بيعمل اي حاجه وحشه البيت زي ما اتاخد منك رجعلك تاني و انهارده اهو انتي بتطلبي فيه الرقم الي يعجبك و يرضيكي يعني افرحي و اتبسطي و حتي مريم يا نغم متزعليش منها هي غلطت بس زي ما ربنا رجعلك حقك هي كمان فاقت و رجعتلك حقك بنفسها رجعته مفروش كمان و تمن الفرش الي فيه يعدي المليون تامر....نغم نادين معاها حق كان ممكن اوي لما تحطي التنازل قصاد البيت تقولك هاخد الفرش بكل حاجه في الشقه بس هي معملتش كده و بعدين هي صلحت غلطها افرحي مسحت نغم دموعها بحزن فظيع نادين.....نغم اتبسطي و يلا عرفيني موافقه علي المبلغ اللي هعرضه عليهم نغم.....طبعاً موافقه لو عايزه كمان زي ما قال موافقه لو عايزه اقل موافقه نادين....بضحك لا انتي تسكتي خالص و مسمعش صوتك اقولك خليكي هنا هتبوظيلي شغلي و اتفاقي ابتسمت نغم بحزن نادين....يلا تعالي نروحلهم و امسحي دموعك دي نغم....حاضر خرجوا تاني وراء بعض اول ما شافوهم قعد ا و نادين قعدت هي و تامر و نغم الشاب.....بابتسامه ها هتسمعيني كلمتك نادين....بابتسامه بص انا هقولك كلمتي و صدقني والله العظيم هتبقي صعبه شويه بس ده عشانك انت و بعد كلمتي دي مش هقدر انزل جنيه واحد لان كده هتبقي خساره الشاب....تمام قولي كلمتك الاخيره نادين.....تمام ثلاثه مليون 500 وصدقني ده اخر سعر ليها بص الشباب لبعض تامر.....تقدروا تتشاوروا مع بعض و تتكلموا و تقدروا كمان لو مش حابين تردوا الوقت خدوا وقتكم نادين....لو حابين تتكلموا مع بعض اتفضلوا الشاب...اه ياريت تامر....اتفضلوا طبعاً قام الشاب و اخوه تامر....بهدوء فكي شويه نادين....نغومه افرحي يا قلبي نغم....بهدوء انا كويسه والله واكيد فرحانه بس كمان مصدومه و ده غصب عني مش متخيله ان مريم خالتي و اقرب حد لينا يعمل فينا كل ده و عشان مين عشان هاني تامر.....ماااا ننسي هاني بقي شويه هو غار في داهيه خلاص و ننسي بقي اللي مريم عملتوا نغم....انا بحاول بس كل شويه اكتشف حاجه تقفلني منها اكتر تامر....وانا مقدر كل ده و مقدر صدمتك بس زي ما نادين قالتلك هي رجعت حقك و فاقت لنفسها ننسي بقي احنا كمان و نفرح ليه مصممه كل شويه تنكدي علي نفسك نادين......صح يا نغم بلاش تنكدي علي نفسك ربنا خرجك من محنه كبيره و رجع كل حاجه لوضعها الصحيح لازم تتبسطي باللي حاصل ده عشان تقدري تنسي اي حاجه بتنكد عليكي صح ولا ايه نغم...بهدوء صح قربوا الشباب تاني و قعدوا. الشاب.....بابتسامه انا قولت في الاول محدش يقدر يغلبك حابب بس اعرفك ان لولا الظروف اللي انا ضاغط نفسي فيها صدقيني مكناش هنختلف ابدا بس عموما انا مش هنزل كلمتك و موافق نادين...بابتسامه مبروك عليك و شكرا لثقتك الشاب.....انا اللي بشكرك و الحقيقه شهادتي فيكي مجروحه لان ديما اي حاجه بتكوني وسيط فيها بيبقي وشك حلو عليا نادين....بضحكه جميله يارب ديما طيب قولي بقي حابب تخلص امته و تسجل امته لان الفتره الجايه عندنا مناسبات كتير و مواعيد فا لازم نظبطها مع بعض الشاب....اي وقت يعجبك المبلغ يعتبر جاهز ناقص بس حاجه بسيطه بس متشغليش بالك هتكون حاضره يعني لو حابه بكره او بعده انا تمام و المبلغ هيكون جاهز بكره الصبح لو تحبي نادين....انا تمام يعني لو بكره كويس اوي نروح بدري نسجل في الشهر العقاري و نعمل تنازل معنديش اي مشكله نغم انتي تمام بكره نغم....بهدوء تمام ايوه الشاب....يبقي علي خيرة الله طيب اتفضلي كده دول 500 الف يعني كنت عامل حسابي اني مش همشي غير والشقه بتاعتي اعتبريهم عربون نادين....طيب خليهم بكره مع المبلغ لو تحب مستعجل ليه الشاب....بضحك ما انا قولتلك عايز انزل و الشقه بتاعتي ربط كلاك يعني المهم باقي المبلغ تحبي يكون كاش ولا احوله علي الحساب نادين....بصت لنغم يتحول علي الحساب افضل و لا ايه يا نغم مش الحساب بتاعك جاري نغم.....ااا ايوه بس اللي يريحك انا مش عارفه تامر.....خليه في الحساب افضل نادين....انا كمان شايفه كده خلاص خليه في الحساب الشاب....تمام بكره انا هنزل بدري و طبعا هحتاجكم معايا هنعمل تحويل و نطلع علي الشهر العقاري بعدها نادين....تمام نتقابل 9 عشان نلحق نخلص الشاب....معنديش اي مشكله نادين....يبقي اتفقنا الشاب.....طيب ممكن تعدي بقي المباغ اللي معاكي نادين...طيب بعدين بقي الشاب...لا معلش عدي الوقت ده حقكم ابتسمت نادين بهدوء و هزت راسها و طاعت المبلف من الشنطه ادت تامر جزء و هي خدت جزء و دقايق كانوا عدوا المبلغ نادين.....بابتسامه تمام مظبوطين الشاب.....قام وقف يبقي علي خيرة الله نتقابل بكره وقفوا و سلموا عليه و باركولوه و بعدين نزلوا نادين....بابتسامه هاديه مبروك يا نغم نغم....بابتسامه بسيطه الله يبارك فيكي شكرا يا نادين علي كل حاجه بجد تعبتك معايا كتير اوي مش عارفه اقولك ايه نادين....ولا اي حاجه كفايه انك تكوني مبسوطه وراضيه نغم.....جدا والله الحمد لله تامر....بابتسامه مبروك يا نغم نغم....الله يبارك فيك يا تامر نادين.....امسكي بقي دول خليهم معاكي و بكره هنحطهم في حسابك مع المبلغ الباقي نغم......لا لحظه دول هتاخدي منهم الاول تمن البيت الجديد نادين...نغم هنتكلم بعدين ليه مستعجله نغم....معلش ريحيني احنا كنا متفقين من الاول انا وافقتك و معترضتش علي كلامك و ياريت تاخدي فلوسك الوقت حالا نادين ...احنا مش هنطير من بعض يا نغم نغم....اكيد طبعا بس معلش كده انا هرتاح اكتر تامر من فضلك طلع المبلغ بتاع نادين و اديهولها تامر.....ريحيها يا نادين هي حابه تخلص اي حاجه عليها نادين....عارفه بس احنا مع بعض و مفيش فرق بينا نغم.....والله العظيم عارفه يا نادين بس عشان خاطري هرتاح كده والله نادين....تمام يا نغم زي ما تحبي يا قلبي نغم....في حاجه كمان يا نادين نادين....قولي نغم....انا معرفتش اقول ايه لما سال نحطهم في الحساب ولا كاش بس انا مش عارفه هعمل ايه بالفلوس دي كلها المبلغ ده كبير اوي يعني مش هعرف اتصرف فيه نادين.....انتي مش هتعملي اي حاجه فيه هيفضل في الحساب بتاعك و بس حابه تعمليهم شهادات باحتك حابه يكونوا في الحساب بس برضوا براحتك بس اظن الشهادات افضل عشان تطلعلك ارباح تقدري تسدي بيها اي احتياجات ليكي من غير ما تقربي من المبلغ الاساسي نغم......لا انا مش حابه اعملهم شهاده مش عايزه المبلغ يكون متقيد بمده معينه انتي كنتي وعدتيني لما الشقه تتباع هتفكري معايا في حاجه نعملها و طلبت منك تعملي معايا زي ما بتعملي مع البنات وانتي وافقتي نادين....انتي عايزه تشغلي الفلوس يا نغم نغم....بابتسامه هاديه اه ياريت شوفي ايه المناسب واعمليه اعتبري ان الفلوس دي بتاعتك و اتصرفي فيها نادين....طيب ما نخليهم شهادات احسن و الارباح تطلعلك مش عشان اي حاجه بصي يا نغم انا والبنات في بينا عشره وسنين محدش فيهم بيسالني هتعملي ايه و ليه هتدخلينا في ايه جديد محدش بيعترض محدش فيهم بيعرف ياخد اي مبلغ في اي وقت لانهم عارفين ان الفلوس محصوره جوه مشاريع و انتي اي وقت هتحتاجي لو في حاسبك هتقدري تتصرفي انما لو معايا هيبقي صعب وتامر عارف حاجه زي دي كويس و عارف انا بعمل ايه مع سلمي وايه و باقي البنات نغم....وانا مش هحتاج اي حاجه خالص المبلغ اللي هيحولوا الصبح كبير مش عايزه منه اي حاجه خديهم في حسابك انتي اما ال500 الف دول هتاخدي منهم المبلغ اللي اتدفع في البيت الجديد والباقي هنحطه في حسابي عادي و ده اللي هسحب منه لو احتاجت كمان انا بشتغل معاكي و ان شاء الله هبدا شغلي الجديد من اول الشهر يعني مش هبقي محتاجه و هبقي مظبطه الدنيا فا عشان خاطري خديهم نادين.....بصت لتامر بتوتر اااا نغم عشان خاطري فكري خدي وقتك اكتر او خلينا بكره نحطهم في حسابك عادي و بعدين نبقي نشوف هنعمل ايه نغم.....هو انتي عندك مشكله اني اشارك معاكم في اي شغل او انك تشغلي الفلوس دي نادين....لا طبعا خالص انا معنديش اي مشكله والله بس الفكره اااا يعني نغم انا بالنسبالك غريبه و نصيحه مني متثقيش في حد الثقه دي مش معني اني وقفت معاكي في حجات او حد وقف معاكي في اي حاجه انك تأمني كده انتي عايزه تروحي تحطي الفلوس بكره في حسابي و مذكرتيش اصلا في كلامك اي ضمان يضمن حقك ولو حابه تشاركيني بجد او ادخل فلوسك في اي شغل دي اول حاجه هعترض عليها انا مش بعرف اتعامل مع اي حد بيدي الامان بسهوله كده لان لو دخلتك في شغل و لاقيتك بتتعاملي بالطريقه دي مع الناس الموضوع هيبقي صعب مينفعش نمشي نوزع ثقه كده تامر....نادين معاها حق يا نغم طبعا نادين لا غبار عليها و اللي معاها ديما كسبان شهادتي فيها مجروحه بس نفس الكلام ده كانت بتقولوا لايه أيه عامله زيك كده لا بتفكر و لا بيفرق معاها بس اتعلمت اينعم البنات مسلمينها رقبتهم و مبقاش حد فيهم بيسأل و في بينهم امان ربنا يحفظهم بس كمان هما في بينهم سنين و عشره انما انتي يا نغم مش معني انك ارتاحتي لاي حد فينا انك تثقي نادين...بالظبط وزي ما بقول نغم مذكرتش اي ضمان في كلامها اكيد انا قبل ما هاخد منها اي مبلغ لو هي فعلا حابه تشاركنا هتضمن حقها بالمبلغ ده بس هي منطقتش نغم.....عشان انا مش محتاجه يا نادين سنين وعشره تخليني اثق فيكم انا من يوم ما عرفتكم كلكم و انا بثق فيكم و ماشيه وراكم من غير ما اسال لما تامر و ايه خدوني معاهم روحت و انا مش عارفه ممكن يحصلي ايه معاهم او في بيتهم جايز عشان اللي كنت فيه اصعب ومكانش فارق معايا خلاص اي حاجه بس كمان اللي لاقيته في بيتهم كان اكبر من اي ثقه انا لاقيت بيت وعيله و دفي لاقيت اب اتمنيت من كل قلبي يبقي هو ابويا الحقيقي ربنا عوضني ببنتين اعتبرتهم اخواتي زي انغام عملوا معايا حجات كتير اوي القريب معملهاش وتامر كان صاحب و ضهر و سند و مفيش مره احتاجته و ملقتهوش حتي انتي والبنات و اي حد اتعرفت عليه من طرفكم انا في حياتي مشوفتش كده حب من غير شروط امان سند حتي الشباب جم معانا وقت التنازل و جم معانا وقت ما جينا نشوف الشقه مكنتش خايفه وانا وسطكم و انتي يا نادين انا اما قولتلك اعرضي الشقه مكانش يجي في الي اصلا المبلغ اللي انتي طلبتيه ده و يوم ما فكرت في المبلغ قولت هيبقي ضعف اللي مريم ادتهولي انا وانغام او بالكتير ضعفين انا لو مش واثقه فيكي مكنتش هسيب كل حاجه في ايدك و لو انتي حد مش اهل للثقه دي كان ممكن تعملي الف حوار تتفقي مع اللي جيباهم علي مبلغ غير المبلغ تعملي اي حاجه مكنتيش هتتعبي نفسك و تتفقي وتقعدي و تفاوضي و تتمسكي باعلي سعر مكنتيش هتدفعيلي تمن البيت ايجار سنتين بدل ثلاث شهور انتي جيبتلي سعر مكنتش اتخيله في الوقت اللي كانت من دمي بتنزل من سعر البيت لسابع ارض بعد كل ده مش عيزاني اثق فيكي و امشي وراكي وانا مغمضه و مطلبش ضمان . نادين بتاثر ادموع نغم قربت منها وضمتها اوي نادين....بطلي عياط هعيط والله وانا علي تكه تامر....بابتسامه هاديه حط كفه علي راسها بطلي عياط يا نغم احنا معملناش حاجه كبيره زي ما انتي متخيله نغم...بعدت عن نادين بالعكس انتوا عملتوا اللي بقي صعب يتعمل الوقت نادين....بتاثر ابتسمت نغم انا حابه اقولك حاجه لو انتي شيفانا حلوين اوي كده يبقي لازم تعرفي ان انتي كمان جميله ربنا ديماً يوقع الناس الكويسه في بعض لو احنا كويسين في نظرك يبقي انتي من جواكي جميله و ربنا بيحبك احنا معملناش غي اللي المفروض يتعمل و مش معني انك قابلتي في حياتك ناس مكانوش قد الثقه يبقي كل الناس وحشه بس كمان قبل ما ندي الامان اوي لازم نثق و ده حقك انك تثقي و تضمني حقوقك كلها نغم....بس انتي مطلبتيش ضمان مني يا نادين لما دفعتيلي مبلغ كبير في البيت الجديد نادين......لان انا شوفت كتير اوي يا نغم مريت بتجارب كتير تخليني اعرف و افهم دماغ اللي قدامي و معدنه و انتي بالنسبالي مكنتيش محتاجه مجهود عشان اعرفك و في نفس الوقت المبلغ مكانش كبير بالنسبه لفلوسك الوقت نغم....تمام موافقاكي المهم ان الثقه موجوده بينا انا مش عايزه ضمان يا نغم نادين....لو حابه تشاركيني انا والبنات لازم تضمني حقوقك يمكن انا والبنات في بينا ثقه كبير و محدش فيهم بقي يراجع ورايا و لا يسالني هتعملي ايه بالفلوس بس كل جنيه ليهم انا ضامنه بيه حقهم اي حاجه بتتعمل بتبقي باسم الكل اي فلوس بتتاخد بيبقي ليها ضمان مش عشان هما مش واثقين فيا بس حقهم افرضي انا حصلي حاجه نغم....بعد الشر متقوليش كده نادين.....بس ده واقع و ممكن تحصل محدش فينا ضامن عمره انا لو جرالي حاجه و كل حاجه باسمي هما هيضيعوا هتروح لاهلي انا واثقه ان اهلي مش هيقبلوا جنيه مش بتاعهم بس كمان انا اتعلمت مثقش اوي مديش امان اوي النفوس بتتغير في يوم وليله و لو ده مش هيحصل هما من حقهم يبقوا متطمنين علي فلوسهم يعني لو مطمنين لاهلي زي ما هما متطمنين ليا انا مش هرتاح غير لو ضمنت حقوقهم تامر....وده اللي زود الثقه بينهم اكتر يا نغم ان نادين ديما عامله حساب كل حاجه نغم....تمام يا نادين لو الضمان ده هيريحك اعملي كده بس لازم تعرفي ان الورق مش هو اللي يخليني اثق فيكي انا واثقه فيكي من غير اوراق او ضمانات و مش انتي بس كلكم عشان كده عشان خاطري بكره هنعمل زي ما قولتلك نادين....بابتسامه تمام يا نغم و انا هعمل اللي يريحك و اللي يريحني نغم....بسعاده اتفقنا تامر....طيب اتفضلي يا نادين دي فلوسك و امسكي يا نغم دي باقي الفلوس نادين....الفلوس دي بكره هتتحط في البنك مش هتفضل معاكي تمام نغم....بابتسامه تمام نادين.....يلا نمشي بقي نغم......يلا بينا نزلت هي و نادين و تامر بعد ما قفلوا الشقه بصت نادين من بعيد علي مريم بس مشافتهاش و مكانتش موجوده كان جواها حاجه حابه تطمن عليها تشوفها بخير ولا تعبانه و في نفس الوقت جواها غضي منها مشاعرها كانت متلغبطه بس قررت متركزش و متضيعيش فرحتها ركبت علي طول العربيه وركبت نادين كمان و اتحركوا وراء بعض .................... علي الساعه 8 ونص وصلت ليله تحت بيت اميمه بعد ما وصلت مها و البنات اتصلت علي حمزه اول مره مردش اتصلت تاني رد وهو باين عليه التوتر كان عارف ان ادام ليله بتتصل عليه يبقي امه كلمتها. حمزه....الووو ليله.....انا واقفه تحت البيت يا حمزه انزلي حمزه...اااا طيب واقفه ايه اطلعي ليله.....لا انا مش جايه عشان اطلع انا جايه عشان عيزاك يلا انزل روح بس لامك قولها انب تحت هتديك حاجه جيبهالي منها عشان ابوك ميعرفش انت نازل ليه حمزه....ااا طيب اوك باي لبس بسرعه تيشرت و بنطلون وخرج من الاوضه اميمه كانت قاعده حاطه أيدها علي خدها قدام التلفزيون و احمد مش موجود حمزه..ااا ماما ليله تحت و قالتلي اخد منك الحاجه بصتلوا اميمه بزعل اميمه....انزلها حمزه....احمم هو بابا فين؟ اميمه....نايم شويه في الاوضه عشان تعبان ربنا بيحبك اخلص و انزلها هز راسه و راح فتح الباب و نزل علي تحت. ............. لمحته ليله جاي علي العربيه لف و فتح الباب ركب جنبها وقرب يسلم عليها حمزه....ازيك يا ليله ليله....بابتسامه هاديه ضمته بخير الحمد لله اخبارك ايه حمزه....تمام ليه مطلعتيش ليله.....انا جايه عشانك مش عشان اطلع و بعدين انا من بدري بره البيت يادوب هخلص معاك وامشي حمزه.....طيب تمام ليله....اخبار مذاكرتك ايه ؟ حمزه....الحمد لله كله تمام ليله....هنجيب مجموع يعني ولا هنججح بدعا الوالدين حمزه....بابتسامه هندسه ان شاء الله ليله.....بابتسامه جميله اما نشوف و انا عند وعدي لسه هات مجموعها و هتلاقي عربيتك عندك حمزه.....متقلقيش من غير العربيه كمان هجيب مجموعها باذن الله ليله......و انا واثقه فيك و عارفه انك شاطر و هتفرحنا كلنا بيك طلعت علبة السجاير فتحتها و بعدين بصت لحمزه وهي مبتسمه و مدتلوا ايدها ليله.....امسك حمزه...ابتسم و فهم كده ليله جايه ليه حس باحراج بسيط و فضل مبتسم اااا لا انا ليله....انت مكسوف مني ياواد ولا ايه انت بقيت اطول مني ومن امك و من ابوك كمان امسك محدش هيعمل معاك الاوبشن ده غيري حمزه....بضحكه جميله مش عايز والله و علي فكره انا كده عرفت انتي جيتي ليه ماما هي اللي قالتلك صح ليله.....سيبك من امك الوقت ولعت السيجاره و فكت الحزام و لفت ناجيته و بصتلوا و ابتسمت ليله....انت عندك 17 سنه ولا 18 يا حمزه حمزه....يعتبر 18 خلاص ليله....بابتسامه عارف يا حمزه اول سيجاره شربتها كانت امته؟ حمزه....بابتسامه لما تيته الله يرحمها اتوفت صح ليله....غمزتلوا تؤ لا لا لما امي اتوفت انا بقيت اوسخ في شرب السجاير بس اول سيجاره سيجاره شربتها كان عندي 15 سنه بصلها حمزه وضحك ليله.....اه والله مش مصدقني حمزه....لا مصدقك بس اول مره اعرف انك شربتي بدري كده ليله....هو وقتها مش هنقول كنت بشرب و مدخنه يعني بس انا طول عمري فضوليه و بحب اجرب اي حاجه و شيطاني خلاني اعمل كده سرقتها من وليد اخويا و شربتها كنت ديما اسمع ان اللي بيشربها بيقعد يكح و يتعب و عينه تحمر بس الحقيقه اني محصليش اي حاجه بس طعمها بالنسبالي كان وحش بس كمان حبيت الموضوع كل فتره كنت المح علبة وليد اخد واحده و اشربها ستك كمان الله يرحمها كانت بتشرب بس مكانتش بتشرب كتير كانت تجيب علبه كيلوباترا و كل يوم بعد الغداء تعمل فنجان القهوه و تولع سيجاره كانت بتقعد معاها كتير كملت بابتسامه بس مكنتش بعرف اسرقها كانت العلبه فيها عشرين سيجاره تقعد معاها عشرين يوم يعني لو عرفت ان سيجاره نقصت ترفعني ضحك حمزه وهو باصصلها ليله....بضحك اه والله فا فضلت انا بقي اسرق من خالك و اشربها و محدش ياخد باله من اي حاجه و انا بصراحه كنت بحب السجاير بتاعت وليد اكتر امي كانت علي قد حالها و مش صاحبة مزاج اوي علبة كيلوباترا تنفخ فيها وتقضي الغرض انما خالك من يومه وهو نزيه كان بيشرب مارلبورو احمر و انت عارفني طول عمري بكيزه الدرملي في نفسي لو هسرق هسرق الغالي فضل حمزه يضحك من قلبه عليها ليله....بضحك اه والله المهم اول علبة سجاير اشتريها كنت في ثانيه ثانوي حوشت من فلوس شغلي و اشتريت علبه مارلبورو كل يوم كنت اشرب واحده و اتقفشت لاول مره من سنتين و انا بشرب و محدش حاسس بيا ستك كانت بتطبق الهدوم و لاقتها في وسط هدومي كان فيها 11 سيجاره اول ما رجعت استقبلتني من علي الباب و هي ماسكه شعري في ايدها و انا معرفش في ايه و هي عماله تشتم و تض*رب و انا اجري منها وهي تحدفني باي حاجه لحد ما عرفت هي بتض*ربني ليه انا كنت واخده عهد علي نفسي مكدبش عمري بعد حادثه مياده صاحبتي اكيد عارفها حمزه....ايوه عارفها طبعاً ليله....بضحك بس قدام ض*رب ستك كل العهود بتقع و عشان انقذ نفسي من ايدها قولتلها دي مش بتاعتي دي علبه لاقيتها في المواصلات و انا عارفه ان وليد بيشرب النوع ده سيبتهاله عشان لما يجي اديهالوا وامي علي قد قوتها بس كانت غلبانه و بتصدق و فعلا صدقتني بس خدت العلبه و شربتها هي كنت هموت عليها ده انا محوشه من فلوسي بس مكنتش اقدر انطق و بعدها بقيت اخد بالي اكتر و اخبيها في مكان ميخطرش علي بالها كنت بلفها في شراب اسود و احطها جوه جزمه سوده من جوه خالص لان ستك كانت نضيفه اوي كان عندها استعداد تقوم تهد البيت كل يوم فا اكيد كانت هتلاقيها وهي بتنضف انا بقي كنت صايعه برضوا عارفه انها صدقتني بس اكيد هيفضل جواها شك كنت علي طول معايا لبان و البرفيوم ده مش بيفارقني حتي شعري كنت بحط عليه فضلت كده لحد ما امي اتوفت و بقيت اشرب بقي خلاص و اتقفشت اول مره من وليد بعد وفاة امي بعشرين يوم هو اتصدم لما شافني و طبعا انا وقتها كنت منهاره و نفسياً زي الزفت قولت فرصه يعرف بقي و انا كده مش هيجي جنبي هو شافني و وقف متنح قولتوا وانا بعيط بقولك ايه انا بشرب و من زمان و امك كانت عارفه ملكش دعوه بيا طبعاً هو معرفش ينطق او قال البت مش في وعيها و بتعمل اي حاجه تهون عليها صعبت عليه خدني في حضنه كان فاكر انها احظه ضعف وانا بقولوا كده بس مع الوقت بقي الموضوع عادي وبقيت اشرب ودي كل قصتي مع السجاير يا حمزه بداتها قبلك بثلاث سنين بشوف ان موضوع السجاير ده حريه شخصيه في النهايه انت مش بتأذي اي حد انت بتأذي نفسك وبس و بعدين انا عارفه انك زعلان من امك انها قفشتك و فتشت في شنطتك و انت ماشاء الله بقيت راجل و اطول منها وعندك 18 سنه يعني عادي انك تشرب حمزه....بابتسامه انتي بتتريقي يا ليله ليله....لا والله العظيم ما بتريق انا بتكلم جد انا ضد فكرة ان الام تفش وراء ولادها و تقتحم خصوصيتهم انا عن نفسي لما ربنا يكرمني وابقي ام عمري ما هعمل كده انا هعلم الصح والغلط والحلال والحرام وبس هما بقي يختاروا اينعم طول الوقت هبقي علي راسهم و رقيبه عليهم بس حتي لو شوفتهم بيغلطوا بعيني مش هعمل زي اميمه هحاول انصح لان دي وظيفه الام تفضل تنصح طول الوقت بس كمان عايزه اقولك ان اميمه تربيه قديمه شويه و اميمه كلها ستك الله يرحمها طبعا امي مكانش ليها زي بس هي واخده منها كتير قمر كمان واخده منها بس مش للدرجه انا بقي و خالك يمكن تفكيرنا بره الصندوق شويه مع ان خالك برضوا دماغه وسخه لما بيقفل بس هو في العموم اللذ منهم شويه و الطف فا فكرة انها تفتش هي صحيح غلطانه فيها لانك بقيت شاب بس لازم يا حمزه بما انك من جيل متفتح اكتر و عندك وعي و ذكاء اكتر تبقي محترم عقليه الجيل الاكبر منك يعني متزعلش من امك انها عملت كده زي ما هي المفروض تحترم انك بقيت شاب انت كمان احترم انها ام و يهمها مصلحتك و خايفه عليك و بتحبك و مش عايزه تشوفك غير شخص مثالي طبعا مفيش حد مثالي بس هي دي الام عايزه ولادها احلي واشيك ناس عايزه ولادها اشطر ناس في دراستهم عايزه ولادها انجح ولاد عايزه ولادها اقرب لربنا الام يا حمزه حتي لو طريقتها مش بتعجبنا بس بتفضل ام انا اكتر حد في الدنيا اتم علي امه طبعا كنت بحترمها بس ديما كنت معترضه علي طريقتها بس لما ماتت اكتشفت يا حمزه انها كانت صح في كل حاجه انها كانت بتحبني حب غير مشروط بتحبني حب امتلاك مش عابزه تشوفني بغلط مع اني بشر مش عايزه تشوفني بهمل في دراستي مش عايزه تشوفني بعمل مشاكل مش عايزه تشوفني بعمل اي حاجه الناس تعايرها بيا او جدك يمسكها عليها فرصه كانت ديما تقولي انا مش هسيبك تغلطي او تعملي اللي في دماغك انتي هتطلعي بت زي الكتاب ما بيقول و غصب عنك جايز طريقتها وقتها مكانتش بتعجبني و كنت بحاول اعند معاها كتير بس غصب عني طلعت زي ما هي عايزه والحقيقه ان بعد موتها اكتشفت انها زرعت جوايا حجات كتير حلوه بجد و نفعتني اينعم شربت سجاير من وراها و كنت بغلط بس كان عندي حدود في الغلط يا حمزه بص يا حمزه انت كبرت و بقيت شاب او خلينا نقول بقيت راجل يعني انت عارف الصح من الغلط لو مشربتهاش في سن صغير هييج عليك وقت و تشربها في سن اكبر المهم انك هتجربها لان مفيش راجل في الدنيا معندوش حب استطلاع او مش حابب يجرب البنات الوقت بقت تشرب عادي انا نفسي بدأتها وانا 15 سنه فضول لحد ما لاقيت نفسي مش عارفه اخرج منها نسبه المدخنين بقت ستات اكتر من رجاله الكل بيشرب الكل بيجرب الكل اول ما يحس انه طول شويه شاب نفسه راجل واللي شافت نفسها كبيره حوار تفتيش اميمه وراك يا حمزه انا هخليها تمنعه و وعد مني مش هخليها تقرب جنب حاجه تخصك تاني و اقولك حاجه كمان لو حابب انك تشربها انا هعرفها و هعرف ابوك كمان هقولهم سيبوا حمزه براحته حمزه بقي راجل و لنا تبقوا عارفين انه بيشربها احسن ما يشربها من وراكم اللي انت عايزه و هيرضيك انا هعملوا بس انا حابه اقولك حاجه اخيره.. لو رجع بيا الزمن يا حمزه صدقني مكنتش هجربها لان اللي فاكر ان السجاير بيخرج فيها طاقه غضب او بتساعده انه يهدي من عصبيه او او غلطان احنا بنضحك علي نفسنا هي مش بتعمل كل ده و فكرة ادماننا للتدخين مش عشان هي بتريحنا بالعكس جسمك اتعود علي كميه نيكوتين بتدخله يوميا عشان كده بيعرف يكمل يومه و الدليل اني اتعصبت كتير و اتحطيت في مواقف ضغط نفسي كتير و السجاير للاسف مكانتش بتهديني يعني السجاير حجه للي بيشربها و مش عارف يبطلها بسبب النيكوتين اللي دخل جسمه.. انا محترمه فضولك كا شاب و محترمه فضول اي حد في سنك سواء ولد او بنت دي مرحله الكل بيمر بيها عارف يا حمزه ديماً الحاجه الغلط او الحرام فضولنا فيها بيبقي كبير و بنبقي شايفينها حلوه اوي اي حاجه بتبسط البني ادم ديما هتلاقيها يا اما غلط يا اما حرام وللاسف السجاير غلط و حرام و هي من ضمن الحجات اللي فضولنا بيقربنا منها و للاسف كمان في شباب مش بيعرفوا يفرملوا السجاير اول باب للغلط لو هتوقفها علي سجاير يا حمزه اشرب بس لو انت معندكش سيطره علي نفسك وقف لو كان حد وقتها نصحني او لو كانت امي شكت اني بشرب و معالجتش الموضوع بض*رب و بهدله و خدتني علي قد سني و كلمتني براحه كنت هقتنع بس زي ما قولتلك كنت عنيده و متمردهو اي بني ادم في الدنيا بييج باللين مش بالعنف و الغضب حابب تشرب يا حمزه اشرب بس حط فيدماغك اهم نقطه بعيدا بقي عن امك و ابوك و عن اي حد انت مش شاب عادي انت احسن من غيرك كتيرانت بالنسبالي يا حمزه شاب مميز رياضي و حط تحت رياضي دي الف خط انا جابه من بعيد و بقولك مع الوقت السجاير بتدمر الصحه و ده حرفيا اي شويه برد بتتكوم جسمك مش بيقدر يقاوم لكن الشخص الرياضي كوبايه ليمون و ينام شويه و يصحي كويس لان جسمه قادر يقاوم و السجاير يا حمزه بتضعف جهازك المتاعي بتضعف الرىه و بتمرها علي المدي البعيد فضولك هيسوقك شويه و هتتبسط و تحب الموضوع و هتلاقي نفسك شويه شويه بتتسحل فيه بس قدام هتندم لما تلاقي نفسك مش قادر تلعب الكوره اللي انت بتحبها و نفسك تحترف فيها مش هتقدر تكمل سباحه لان المقاومه عندك زيرو اي مجهود بيخلي عندك الرئه تبدأ تتعب و السباحه عايزه صدر سليم صحه سليمه جسم سليم.. جسمك يا حمزه ماشاء الله في مليون شاب زيك يتمني يعمل الشيب بتاع جسمك ده يتمنوا يكون شكلهم رياضي من غير حقن او بروتينات او لعب في هرموناتهم انت بتلعب رياضه وانت عندك اربع سنين يعني من 14 سنه عمر و وقت طويل مجهود سنين و تعب حرمان من بعض الاكلات نظام معين ماشي عليه نزول في عز الشتاء في الفجر عشان تروح تمارينك غيرك يا حمزه كان بيبقي قاعد علي قهوه و هاري نفسه سجاير و شيشه و انت نازل تشوف صحتك معقول يا حمزه تضيع كل السنين والتعب و الارهاق و السنين الجايه اللي كنت ناوي تضيعها عشان توصل لحلمك عشان خاطر فضول عشان خاطر دقيقتين تشرب فيهم سيجاره و تبسط نفسك متخيل ان دقيقتين يضيعوا تعب 14 سنه اكيد مش من سيجاره بس دقيقتين هتجر اتنين غيرهم هيجروا عشره و عشرين وهووووب مبروك عليك السحله يا حمزه بدل ما كنت بتشرب كل يوم سيجاره بقوا اتنين بقوا خمسه لحد ما تبقي علبه في اليوم و شويه بقت علبه ونص بتخسر صحتك و فلوسك و كل حاجه مع الوقت الشكل الرياضي اللي انا فخوره بيه ده هيبقي جسم هذيل لان السجاير اكتر حاجه بتسد النفس انت بس عايز سجاير و قهوه او شاي و مش مهم اي حاجه فا بالتالي انت بتتبدل وانت مش حاسس عينك هيبان عليها و ملامحك و بدل ما تبقي شاب شكلك قوي و جسمك اي حد يحسدك عليه بححح انت حابب تحترف بعد ما تخلص ثانويه و كان حلمك تسافر و تدرس بره و تلعب كوره بره انت عارف يا حمزه اول حاجه بتديك فرصه الاحتراف ايه ان جسمك يكون بالشكل ده ان صحتك تكون كويسه ان تحاليلك تكون مفيهاش ولا ملي نيكوتين و كده انت مش هتبقي بس بتضبع صحتك لا انت كمان بتضيع مستقبلك و حلمك و بتحرمنا كلنا من لحظه الفخر اللي احنا مستنينها انت قدامك حاجه من اتنين يا تحط خوف امك و كل اللي هي عملتوا ده قدام عينك و تقدره لان محدش هيحبك و يحبلك الخير زيها يا اما تكمل الطريق اللي انت شايفه هيبسطك بس اوعي تزعل او تندم بعدين السعاده يا حمزه لحظه بس الندم بيعيش سنين و جايز يعيش العمر كله بلاش قاموس حياتك يبقي في اوسخ كلمتين بيخلوا حياه البني ادم سوده ((ياريت.. ولو)) الاتنين دول اوعي توصلهم حابب تشرب سجاير اشرب بس علي الاقل مش الوقت حقق حلمك اوصل لكل حاجه نفسك فيها ابني مستقبلك افرح انجح خلي الناس كلها تشاور عليك زي محمد صلاح و لما تبقي تعتزل ابقي اشرب بسيطه اهي بس صدقني لو مشربتهاش الوقت و حبيت نفسك اكترعمرك ما هتحبها و هتكمل حياتك وانت رياضي لا باين عليك سن و لا تقدم عمر هتبقي قدوه لشباب زيك واصغر هتبقي قدوه لاخوك اللي فوق ده جايز اوي يفكر يقلدك و يضيع هو كمان بس جايز يبقي عنده غيره حلوه منك و عايز يبقي شبهك في كل حاجه حلوه اختار يا حمزه عايز تبقي انهي قدوه بالظبط الكل يقلدها قدوه ايجابيه ولا سلبيه و اوعي تستغرب ان الكلام ده طالع مني انا قولتلك بكل صراحه انا شربت 15 سنه يعني اصغر منك بثلاث سنين بس ده مش معناه اني صح انا جربت الغلط و حابه انصحك بالصح بس ليك كل الاحترام و التقدير و انت اللي تقرر حياتك لاني مش بتكلم مع عيل صغير انا في وقت من الاوقات مريت بنفس عمرك و فضولك وكل حاجه فا قادره اني احترم دماغك و شيفاك قدامي ماشاء الله راجل اقدر اعتمد عليه انا خلصت كلامي يا حمزه و بيتهيألي رسالتي وصلت حمزه....بابتسامه ليله انا بحبك اوي و مش بحبك عشان انتي بتفهمني بس ولا عشان بعرف اكون مرتاح معاكي انا بحبك عشان اوقات كتير بحس اني واقف قدام ضميري يعني اوقات كتير ممكن اعمل اي حاجه غلط حتي لو مثلا زعلت حد من صحابي و اقعد بليل مع نفسي الومها انتي بالظبط عامله زي نفسي بتقفي قدامي تواجهيني بغلطي بس بطريقه تخليني اقتنع تخليني اللوم نفسي و انا مش بكابر بتقوليلي اعمل ده و حتي لو غلط انا معاك فيه بس في نفس الوقت بتحكيلي حجات و مواقف حصلت معاكي و بتوصليلي منها اللي انتي عيزاني افهمه و يمكن ده الفرق بينك وبين ماما انا عارف انها طيبه ومفيش حد في حنيتها و كل كلامها خوف بس اوقات بتخليني اعند معاها و انا مببقاش قاصد والله بس بحس انها ممكن تقلل مني اغلب الوقت بتتخانق معايا علي المذاكره و انا مش بقصر ممكن تزعق و تبهدل قدام نوح و انا مبحبش كده بس هي امي وانا بحبها وبحبها اوي والله العظيم بس حبي ليكي انتي يا ليله عير حب اي حد انا بجد بحبك و معترف اني غلطت و اوعدك يا ليله هخليكي تفضلي فخوره بيا و مش هزعلك مني و لا خليكي تفقدي فيا املك انا جايز اكون حبيت اجرب و انا والله العظيم مليش في السجاير و دي اول تجربه في حياتي بس كلامك فوقني او جه في وقته لان بصراحه بعد اللي ماما عملتوا الصبح حسيت اني قررت اعند اكتر و قولت والله لا هشرب بس لا انا هكمل في حلمي و هحافظ علي كل اللي وصلتلوا و هخليكي ديما فحوره بيا ليله...بحب انا طول الوقت فخوره بيك مش انت بس انت ونوح و علي و عمر و تقي وديچا وكوكو انا بحبكم و بعتبركم ولادي و اصحابي و ديماً اتمني اشوفكم احسن مني و من امك و من خالك وخالت و اي حد في الدنيا و يمكن انت بالذات اللي يصعب عليا اشوفوا بيدمر نفسه عشان حاجه عبيطه لان انت بالذات بعيداً عن عشري وخالك انت الراجل بتاعي مليش غيرك انت سندي و كل حاجه حلوه تفتكر يعني ينفع اتسند علي حد السجاير واكله صحته يعني وليد وعشري مفيش فيهم امل خلاص و لا حتي انا ميغركش ياض اني بتخانق و بض*رب و عامله فيها شبح كام سنه كمان و مش هقدر اتحرك وقتها بقي هيبقي عندي اقوي مهاجم في حياتي يحميني و يحمي امه و خالته و خاله ولا ايه يا اعظم رياضي هيكسر الدنيا حمزه.....بضحكه جميله اوعدك اني حتي لما هبطل رياضه عمري ما هشربها ليله....بلاش وعد عشان لو خلفته مش هثق فيك اوعدني بس علي الاقل الوقت انك مش هتشربها تاني ولا هتيجي جنبها و هتخليني ديما فخوره بيك و شايفه نفسي بيك و بتباهي بيك و هقول لولادي يارب اشوفك زي حمزه و بعدها ابقي شوف حابب تكمل الوعد ولا هنشرب مع بعض ضحك حمزه من قلبه و ضمها جامد حمزه....يبقي بلاش اوعدك عشان بصراحه هموت و اشرب معاكي فنجان قهوه وسيجاره ليله.....بضحك يبقي مستنيه ماتش الاعزال و انت عندك 35 ولا شوف بتعتزلوا امته و قتها هكون كبرت بس هنشرب مع بعض حمزه.....بسعاده بحبك يا ليله ليله...و انا بحبك اوي يا حمزه ربنا يسعدك و يوفقك و خد بالك من نفسك وحبها و اتمني ليها ديما الاحسن عشان انت شاب تجننو تستاهل كل حاجه حلوه عيزاك بقي تطلع تراضي ست الحبايب و تديها وعد من القلب يدخل قلبها اتفقنا يا سيد الرجاله حمزه....حاضر اتفقنا يا احلي ليله في الدنيا ما تطلعي والنبي ليله....مش هقدر والله لازم اروح هالتك بقت ست بيت يا ولا عندي اكل لازم يتعمل حمزه.....طيب هتيجي تاني امته ليله...تجي فين يا ض اصلا اليومين الجايين انت اللي هتيجي و هنشوف بعض كتير عندنا شويه مناسبات عنب اوعي تكون مش جاي بكره كتب الكتاب ايه و سلمي هينفخوك حمزه......ممكن مقدرش والله عندي تمارين و مذاكره بس باذن الله هاجي فرحهم و فرح نادين كمان هسافر معاكم ليله....ماشي يا سيدي مش مهم المهم تخلص اللي عليك عشان هانت خلاص شهر سبعه قرب و مستنيه نقعد مع بعض و احنا ايدنا علي قلبنا نطلعلك النتيجه في نتيجه حلوه في عربيه للباشا مفيش نتيجه في شبشب يا ولا حمزه....بضحك لا وعلي ايه هحترم نفسي ليله.....ماشي يا سيدي يلا يا حبيبي اطلع بقي و اشوفك في فرح البنات راضي امك يا حمزه حبي ليك صفر عالشمال جنب حبها حمزه....حاضر يا لولي ضمها و باس كفها بحب يلا علي مهلك ليله....بسعاده حاضر يا حبيبي بوسهالي ها حمزه....بضحك حاضر يلا سلام نزل و هي اتحركت و اتصلت عي اميمه اميمه....ايوه ياليله ليله....هو طالع و هيصالحك اهدي عليه انتي عندك راجل ربنا يحميه خديه بالراحه يا اميمه الواد بيحبك و عارف انه غلط و رحمه امك لما يصالحك خديه في حضنه و بلاش تخسريه بعصبيتك اميمه....بابتسامه حاضر يا نور عيني ربنا يخليكي ليا ليله...ويخليكي ليا يا احن ام بكره هتصل احكيلك اللي حصل مش هعرف الوقت عشان هو طالعلك بس اطمني خدت منه وعد و انا واثقه فيه اميمه....تمام يا ليله ليله...يلا سلام يا قلبي اميمه...بالشلامه يا ضنايا قفلت اميمه و دقيقه بالظبط فتح حمزه الباب و دخل بصت علب التلفزيون وعملت نفسها مش شيفاه قفل حمزه بهدوء و قرب منها قعد علي ركبه قدامها و مسك كفها باسه بحب حمزه....حقك عليا يا ست الكل انا اسف و وعد مني مش هعمل حاجه تزعلك تاني و مش هشربها تاني كانت اول مره و اخر مره صدقيني هركز اكتر في مذاكرتي عشان افرحك و هحقق حلمي في الكوره اميمه.....بتأثر نزلت دموعها انا خايفه عليك يا حمزه خايفه علي تعبك يضيع انا عيزاك احسن حد في الدنيا يا حبيبي حمزه....والله عارف انا غلطت و الشيطان لعب في عقلي شويه و عادي وارد اغلط بس صدقيني مش هغلط تاني و هفرح قلبك عشان زي ما انا تعبت انتي كمان تعبتي معايا كتير متعيطيش بقي لو بتحبيني اميمه.....طبطبت علي راسه خلاص مش زعلانه يا حبيبي حمزه....طب هاتي حضن اميمه....بضحك امشي يا واد حضن ايه انا قدك حمزه....بضحك ما هو يتديني حضن بالزوق يا هاخده بالعافيه و مش هتقدري عليا اميمه....بحضك لا وعلي ايه تعالي قام حمزه وخدها في حضنها وباس راسها حمزه....سامحتيني خلاص اميمه...خلاص مش زعلانه والله حمزه...طيب انا عندي طاقه مذاكره حلوه اوي بس جعان اميمه....بس كده ادخل يلا و انا هقوم اعملك احلي اكل و كوبايه عصير كمان حمزه...ماشي يا ست الكل بحبك اميمه....وانا بحبك يا نور عيني دخل حمزه علي اوضته اميمه....ربنا يهديك ويبعد عنك الشيطان و النفوس الوحشه يا حمزن يا ابن اميمه و يسعدك ويراضي قلبك يا ليله يا بنت نهاد زي ما انتي ديما مفرحه قلبي ...................... عند نعيمه و نادين خلصوا مع ايمي من بدري نادين راحت مع نغم و تامر و نعيمه راحت مع محمود علي البيت كان جايب حد بيظبط المكان و بيجهزوا و بيعمل ديكور شيك عشان كتب الكتاب و خطوبته علي ريهام زود كراسي و سط الفرش بنفس شكل الفرش كان الشكل شيك اوي و كله متناسق مع بعض و بعدين سابها و مشي نادين رجعت كانت فرحانه اوي بالمكان دخلت نعيمه خدت شاور هي و نادين و بعدين خرجت نادين بره لقت نعيمه بتعمل اكل. نادين...بابتسامه ايوه الشيف بتعمل ايه نعيمه.....بضحك اسعا اكله عند الشعب المصري مكرونه و بانيه نادين......بضحك بس والله حلوين بحبهمو انا جعانه جدا نعيمه....وانا كمان مش هتأخر ان شاء الله اقل من نص ساعه و ناكل نادين....لا و بقينا بنخلص بسرعه كمان نعيمه.....عيب عليكي يا بت حطوني بس علي الطريق وانا هنطلق نادين....تسلم ايدك يا قلبي طيب اساعدك في ايه نعيمه....وعلي حاجه انا سلقت المكرونه و تبلت البانيه نسيبه بس شويه و ابقي تعالي حطيه في البقسماط نادين.....طيب اعمل سلطه نعيمه....نسيتها دي تعالي يلا اعملي فتحت نادين التلاجه و وفقت تغسل الخضار نعيمه.....بت يا نودي انا نفسي في حاجه اوي نادين ...نفسك في ايه ؟ نعيمه.....نفسي اكل حمص نادين....ايه حمص ده حمص الشام يعني نعيمه....اه امال حمص الخليج هو في الف حمص نادين...علي فكره في حمص تاني يا رخمه الناشف اللي بيتاكل نعيمه.... بضحك طب ما ده ناشف مش طري و بيتاكل برضوا نادين.....ده لازم يتحط علي النار التاني بيتباع عادي بت انتي غبيه نعيمه.... بضحك والله انتي اللي غبيه هو ده الحمص نادين..... بضحك نوني متغظنيش والله في حمص كمان صغنون كده نعيمه....ما علينا انا بتكلم علي اللي فيه مايه نادين....بضحك و الله هموت واجيبلك التاني الوقت عشان احطه في عينك نعيمه.....معرفش والله يمكن اعرفه بس انتي مش عارفه توصفي او ليه اسم تاني نادين....والله اسمه حمص و بيتباع في كيس بقولك ايه خلاص انسي ااا اطلبلك طيب من الماركت و تعمليه انا بصراحه مش عارفه بيتعمل ازاي نعيمه....وانا معملتوش قبل كده بصراحه بس انا عايزه اكله بره مش عايزه اعملوا عايزه كده ابقي في الشارع نادين......خلي شيخ العرب بتاعك ياخدك علي النيل يأكل نعيمه.....بضحك لو قولتلوا هينفخني ده مشغول يا عيني و مقعدش طول اليوم انهارده نادين....موبايلك بيرن يا ست نوني مش كنتي اتمنيتي امنيه نعيمه.....شيخ العرب احلي امنيه يا جزمه هاتي الووو فضل.... ايه يا حبيبي خلص محمود و الشباب نعيمه....انت لسه فاكر يا شيخ عرب ده خلص ومشي و نودي جات و بنجهز الاكل و كنا بنتكلم عليك فضل.....في الخير و لا نعيمه...بضحك عيب عليك يا شيخ العرب في الخير طبعا بص كنت بقولها نغسي اكل حماص دخلنا في حوارات انهي حمص اقولها مفيش غير حمص واحد اللي هو حمص الشام و هي مصممه ان في حمص تاني المهم يعني سيبك منها دي هبله عايزه تطلبلي اعمل و انا عايزه اكله بره بتقولي خلي شيخ العرب يوديكي علي النيل وتاكلي قولتلها انك مش فاضي بس كده فضل....بضحك طيب مبدأياً كده انتي اللي طلعتي هبله عشان غي حمص تاني هي صح نعيمه....ده بجد حمص تاني ازاي نادين....بضحك شوفتي بقي عشان تبقي تقاوحي فيا نعيمه....بضحك بت اسكتي انتي انت بتطبلها يا فضل فضل....بابتسامه والله العظيم مش بطبلها في حمص تاني بيبتاع في المقله عند بتوع اللب ازاي مش عرفاه زمان كان بيتحط في السبوع نعيمه.....ده بونبوني ابيض يا فضل فضل....يابت والله في حمص غير البونبوني اكيد عرفاه المهم يعني سيبك من الحمص انا هبقي اجيبهولك خلينا في المهم سيبي الاكل اللي في ايدك ده انا هعدي عليكي روحي البسي انتي و نودي و هنروح ناكل حمص نعيمه.....بشعاده طب احلف انت مش في زايد فضل.....انا لسه متحرك من زايد قولت اروح لعشري شويه الكافيه كده كده الشباب كلهم موجودين في الكافيهات بس هجيلكم اكلكم حمص نعيمه.....طيب طيب هروح الوقت علي طول فضل....هاتي نودي معاكي متسيبيهاش لوحدها نعيمه.....هجيبها طبعا بس احنا لسه هناكل فضل....هتاكلي ايه نعيمه....مكرونه وباينه فضل....بضحكه جميله طب خليهم لبكره و اقفلي الوقت علي الاكل و هناكل سوا انا جعان و مكلتش نعيمه...بضحك حالا هقفل علي امه فضل....بضحك طب يلا يا مجنونه مش هتأخر عليكم نعيمه...ماشي يا قلبي باي فضل....باي قفلت نعيمه و بسرعه قفلت الاكل و بصت لنادين نادين....في ايه يابت نعيمه.....حالا تروحي تلبسي فضل جاي و هياخدنا ناكل مع بعض و هياكلنا حمص نادين....بضحك ايه نون الجمع اللي حصلت دي انتي مالك ومالي روحي انتي مع فضل نعيمه....مش هروح واسيبك لو مش هتيجي هتصل بيه اقولوا ميجيش نادين...بت بطلي رخامه عليه يعني هو جاي يبسطك تقوليلوا لا روحي انتي انا لازمتي ايه بينكم محرم نعيمه....بضحك لا ما احنا عدينا المرحله دي مش لسه بنتعرف علي بعض عشان ناخد محرم اخلصي يلا نادين....مش هعرف والله ايه الرخامه دي ازاي اجي معاكم نعيمه...رخامه ايه يعني لو خرجتي مع ميدو و خدوتوني معاكن هبقي رخمه نادين....لا بس هو جايلك مخصوص عشان يوديكي هتكسف والله نعيمه...طيب لحظه بقي نادين...بضحك بت متبقيش رخمه متتصليش عليه نعيمه.....استني علي رزقك هيديكي احلي سحبه الوقت نادين....بضحك يا حيوااانه فضل...ايه يا قلبي نعيمه....فضل نودي مش راضيه تيجي و مكسوفه بتقولي هو جاي عشانك هبقي رخمه لوجيت فضل...افتحي الاسبيكر نعيمه....اهو اتكلم هي سمعاك فضل.....نودي لو مجتيش معانا مش هاجي و لا هخرج نوني و هليها بقي تروقك نعيمه....طيب اياك متجيش نادين...بضحك فضل والله مش هينفع اخرجوا انتوا اتبسطوا فضل......مش هنخرج من غيرك و بعدين احنا مش رايحين date رومانسي يعني احنا رايحين نفك دماغنا و نتجنن شويه يلا بلاش رخامه البسي انتي وهي عشان ميت من الجوع نعيمه....اقفل يلا هلبسها غصب عنها فضل....تمام يلا باي قفلت نعيمه و بصتلها نعيمه....قدامي يلا نادين....بقلة حيله طيب هقول لميدو الاول نعيمه...تمام حقك وحقه بس انا عارفه ان ميدو مش هيقول لا بس والله لو قولتي انه قال لا هكلموا اسالوا نادين...بضحك والله لو وافق هاجي خلاص نعيمه.... طيب يلا كلميه حالل قدامي قبل ما البس نادين....ده انتي رخمه استني نعيمه....لازم العين الحمرا نادين.....الووو عسال.....ايه يا روحي نادين....انت تحت شكلك صح عسال...اه لسه نازل من ربع ساعه كده نادين.....طيب بقولك ايه هو انا ينفع اروح مع نعيمه وفضل عسال....في حاجه ولا ايه نادين...لا مفيش بس هو جاي ياخد نوني هيوديها تاكل حمص و عايزني معاهم عسال.....بأبتسامه جميله فكرت في حاجه والله طيب روحي يا قلبي نعيمه....شكلك وووووحش حبيبي يا ميدو عسال....بضحك نوني اخبارك ايه نعيمه...زي الفل يا عريس هنسرق نودي شويه منك يا ميدو هنتغدي مع بعض و هنروح ناكل حمص عسال....بابتيامه خديها طبعا متسيبوهاش لوحدها واتبسطوا نعيمه....خدتي الاذن يا ستي يلا بقي انا راحه البس نادين....بضحك ماشي يا رخمه ايه يا حبيبي عسال....روحي يا قلبي واتبسطي و ضيعي اليوم بسرعه عشان بكره اكون معاكي نادين.....حاضر يا قلبي عسال.....بحبك نادين....وانا بحبك اوي انت كلت عسال.....انا طالب الاكل بس لسه بيجهز يعني نادين....طيب كل بقي انت من بدري كل شويه تقول هاكل عسال....كنت بخلص حجات كتر ورايا و مضغوط والله بس خلاص هاكل نادين...اوك يا روحي وانا نازله هقولك عسال....تمام يا حبيبي يلا باي نادين....باي ............. بعد حوالي نص ساعه وصل فضل تحت البيت و اتصل علي نعيمه عرفها نزلوا بسرعه كانوا جاهزين نادين....حبيبي انا نازله عسال....بابتسامه ماشي يا عمري خدي بالك من نفسك و اتبسطي معاهم علي فكره فضل كلمني قالي انك هتروحي معاهم نادين.....طيب تمام لما ارجع هبقي اقولك بس الموبايل في ايدي يعني لو احتاجتني كلمني عسال....تمام ياروحي يلا باي نادين...باي نعيمه....اهلاااا شيخ العرب فضل.....اوعي الدقاقه القمر ايه يابت الحلاوه دي لفي كده وريني الاوت فيت نعيمه....بضحك اتلم و بطل قلة ادب فضل....بضحك الله بطمن علي الاوت فيت نعيمه.....اطمن يا سافل نادين.....فضل عامل ايه فضل.....اهلا يا نودي مش عايزه تيجي معانا نادين....ما انا جيت اهو فضل.....طيب يلا اركبوا ركبت نادين وراء و ركبت نعيمه جنبه و اول ما ركبت شغلت اغاني نعيمه....احيه علي الاغاني اللي انت و عشري بتسمعوها متتفهمش فضل....بضحك ايش فهمك انتي نعيمه.....ما انا مش بفهمها فضل.....شغلي اللي يعجبك يا ستي قولولي بقي تحبوا تاكلوا ايه نعيمه....بضحك احل اقولك ان الساعه تسعه ونص يعني قدامنا ساعه ونص قبل ما الدنيا تقفل فضل....لا متقلقيش في اماكن مش بتقفل متخافيش زي الكافيه عندنا سياحي نعيمه....طيب الحمص هيمشي من علي النيل فضل....بضحك مش هيمشي و بعدين ما نروح ناكله في مكان حلو احلي من العربيه الحزينه دي نعيمه....بضحك مش مهم المهم اني عايزه اكل حمص فضل....طب اربطي الحزام بس نعيمه....استني هربطه اشغل بس اغاني فضل......بص لنادين في المرايا ايه يا رعووووسه هتتجوزا قبلي ده انا هاخدك رهينه الوقت يبقي يفرجني الواطيه هيتجوز قبلي ازاي نادين....بضحك طب انا بقول تنزلني احسن فضل....انزلك دي فرصتي بقولك ايه يا نوني احنا نروح علي النيل و نرميها عشان تبقي عروسه النيل و نصور فديو لميدو نعيمه....بضحك ماشي يلا بينا نادين.....ماشي يا حيوانه بدل ما تدافعي عني نعيمه....بضحك مش جوزك بيضايقه و كل شويه يقولوا هتجوز قبلك نادين....طب انا مؤدبه مقولتش نعيمه....خلاص يا فضل نسامحها هي غلبانه برضوا فضل....عشان خاطرك بس يا نوني يلا قولولي هتاكلوا ايه نعيمه...انا اي حاجه فضل...نودي تاكلي ايه نادين.....و انا اي حاجه و الله فضل.....طب انا هتصرف بقي كمل فضل طريقه و كانوا مبسوطين جدا و الجو كان جميل. ............ علي الساعه 12 ونص اتصل عشري علي ليله كانت في المطبخ بتجهز الاكل ليله.....الوو عشري....ايوه ياليله انتي بتعملي ايه ليله....بجهز العشاء عشري....طيب اقفلي علي الاكل و البسي و انا ربع ساعه وابقي عندك ليله.....في ايه يا عشري في حاجه عشري....لا مفيش هنخرج شويه ليله...نخرج فين الوقت عشري في حد حصلوا حاجه عشري....مين اللي حصلوا حاجه بقولك هنخرج هنتعشي بره ليله....بره فين الوقت الساعه 12 ونص عشري....يا ستي ملكيش دعوه انتي اخلصي بس ليله.....طيب البس ايه عشري.....يعني ايه تلبسي ايه البسي اللي يعجبك ليله....ايوه يعني هتاخدني فين مش لازم اعرف عشان البس حاجه تمشي مع المكان عشري.....البسي اي حاجه تعبجك يا ليله البسي بنطلون و تيشرت البسي فستان كله تمام ليله....هو انت واخدني فين عشري.....هق*ت*لك يا ليله ما تخلصي ليله....هو انت بتزعق ليه عشري.....اتعلمت منك الصوت العالي يلا انجزي انا قربت ليله.....لا انت هتستني شويه انت فاجئتني و انا مش بحب المفاجات دي لسه هلبس عشري.....قدامك عشر دقايق تكوني لابسه واياك توقفيني يلا باي ليله......باي يا ساااتر دخلت ليله بسرعه طلعت طقم و لبست كانت عامله ميك اب مش محتاجه تحط تاني ظبطت بس شعرها و لبست الهيلز والشنطه و راحت اكدت تاني علي المطبخ كانت مبسوطه اوي لانه من امبارح زعلان منها و كلامه معاها علي قد الاطمىنان مش اكتر كانت ناويه تصالحه لما يرجع بس هو فاجئها بالخروجه. اتصل عليها تاني.. عشري.....انا تحت ليله....نازله اهو باي نزلت ليله ثواني و كانت بتفتح باب الاسانسير لمحته واقف جنب الباب اللي هتركب منه و جايبها من فوق لتحت كانت زي القمر لابسه بنطلون چينز و شيميز ابيض قصير بكم بس عامل زي الكروس من علي الصدر و مفتوح شويه بسيطه و السلسله نازله وسط صدرها لابسه هيلز و شنطه صغيره في ايده قربت من العربيه و بصتلوا و هي مبتسكه ابتسامه بسيطه و رافعه عاجبها بصلها هو كمان و هو رافع حاجبه و قالب وشه وبعدين مد ايده فتحاها الباب عشري....اتفضلي يا ليله هانم ضحكت غصب عنها ليله....ميرسي عشري....اركبي يا بنت المارديني اركبي فضلت تضحك بهدوء راح ركب و دور العربيه و طلع و للحديث بقيه.....

مقالات ذات صلة

تعاهدنا

تعاهدنا

لقاء كارثي

ابن ليل

ابن ليل

لقاء كارثي

اترك تعليقاً إلغاء الرد