أميره أسامه صاحبة البطل الواحد . البارت المئه 135. ............................. اتصل عدي علي تقي.. تقي......ايوه عدي.....هلا بالجمر ابتسمت تقي غصب عنها تقي.....اهلا يا سيدي خير عدي.....ايه يابت مالك متظبطي كده وانا جاي اشحت منك ولا ايه والله اقفل تقي.....بالسلامه يا حبيبي هتهددني ولا ايه عدي...بضحك ايه يابت الجحود ده طب امسكي فيا شويه تقي.....لا انا مبمسكش في حد انا بيتمسك فيا عدي.....ما انا همسك فيكي الوقت لو مقولتليش وحشتني ضحكت بهدوء و بان علي صوتها عدي......بتضحكي هاااا تقي....لا مش بضحك عدي.....كدابه تقي.....عايز ايه يا عدي عدي....عايز بوسه تقي....احترم نفسك واتلم بدل ما ارزع الموبايل في وشك عدي.....و تقفي قدامي تبقي زي القطه تقي.....ليه يا حبيبي ماسك عليا ذله و بعدين مين فينا اللي كان زي القطه يا قطه انهارده عدي.....بضحك طب اتلمي بدل والله اجيلك حالا واروق عليكي تقي....لو جدع اعملها عدي.....انتي بتستفزيني يعني تقي....بابتسامه اعتبرني بستفزك يا قلبي يلا وريني هتيجي ازاي و تقول لبابا ايه عدي....هقولوا جوزني بنتك يابا الحج تقي.....بضحك ابا الحج في عينك عدي.....ايوه كده اضحكي يا نكديه تقي....انا نكديه عدي....بس الشهاده لله قمر تقي.....بضحك هو انت عندك مشكله في دماغك يا عدي تقول كلمه وحشه ووراها كلمه حلوه عدي.....بضحك اه انا عندي شوية لطف كده تقي.....طب خير عايز ايه عدي.....يابت بقولك وحشتيني تقي....وانا مش هقولك وانت كمان عدي.....قولتيها يا هبله خلاص تقي....علي فكره انت رخم وبكرهك عدي....اهون عليكي تقي....اه عادي علي فكره مش انا هونت عليك واقف تتمرقع مع البنات عدي.....بضحك اتمرقع انا بتمرقع يابت تقي.....اه عمال تضحك و مبتسم و بتتكلم عدي......بضحك اعمل ايه بقي في حب المعجبين انا راجل مشهور تقي......بضحكة غيظ عدي متبقاش مستفز عدي.....وراي امي بحبك يا مجنونه يا هبله و غلاوتك عندي اتنين فيهم اخوات صحابي ودي صاحبتهم و ساكنين جنبنا وديما يجوا الكافيه و سلمت عليهم انا وسليم و بعدين انتوا جيتوا هو ده كل اللي حصل و بعدين ايه مفيش ثقه تقي...ااا لا يعني هو في عدي.....طب امال ايه يا جزمه تقي.....برضوا زعلانه منك عدي.....هصالحك تقي...امممم ماشي عدي.....طب مفيش وحشتني تقي......لا في بحبك عدي.....ااااااه قلبي كمل بضحك وانا بموت فيكي و بحبك و يعني بصراحه بصراحه كنت مبسوط انهارده وانتي غيرانه تقي....مكنتش غيرانه عدي.....طب احلفي تقي.....لا مش هحلف بس كنت عايزه اكسر دماغك عدي.....بضحك عنيفه اوي علي فكره تقي.....لو عاجبك عدي.....عاجبني طبعاً بس بجد بقي انا مفيش حد يملا عيني غير القمر بتاعي قلبي اختار خلاص وده ابن جزمه لما بيحب حاجه بيقفش فيها و هو قفش خلاص تقي....بضحك طب خلاص صعبت عليا مع اني يعني كنت ناويه اطلع عينك و بصراحه بقي كنت عامله خطيه انا ونسمه عليكم عدي.....نسوووومتي تقي.....بضحك يلا يا رخم من هنا عدي.....انا ها يلا فعلا عشان مستني حد كده و زمانه جاي تقي......مستني مين تاني عدي.....يضحك لا والله واحد معاه مصلحه كده بس بقولك ايه ادعيلي دعوه حلوه تقي......ده بخصوص المغسله عدي.....اه بس ده بقي صاحب المكان اللي عايزين نعمل فيه المغسله المكان جنبنا علي طول يعني تقريبا في الصف التاني قدام الكافيه و مكان كبير اوي و بصراحه لما عرفت انه للبيع اتبسطت اوي و نفسي ربنا يكرمني فيه انا وسليم و لو بامر الله ربنا سهل الموضوع ليكي عندي هديه كبيرررررره جدا تقي....بابتسامه وانا مش عايزه هديه غير انك تبقي مبسوط وربنا يكرمك بس وان شاء الله وشي هيبقي حلو عليك و هتاخد المكان عدي.....يارب يا قلبي ادعيلي بقي كتير تقي.....هدعيلك يا عمري خير ان شاء الله عدي.....يارب يلا هروح بقي و شويه واكلمك و نمسك العقل هااا قلبي مفيهوش غيرك يابت تقي....بسعاده حاضر هنمسك العقل باي يا قلبي عدي....باي ................... سليم.....بابتسامه ده القمر غيران بجد ايه يا بوووه مفيش ثقه في شلبي خالص كده نسمه.....لا في طبعاً سليم....طب امال ايه بقي نسمه....عادي بس اول مره اشوفك واقف مع بنات و كنت بتضحك وبتتكلم و مبسوط سليم.....بس عادي لو اخوات ليا مش اكتر و سلمت عليهم عادي والله و بعدين يا عبيطه انا لو بعمل حاجه غلط هعملها وانا عارف انك جايه نسمه... ايه ده يعني انت بتعملها وانا مش جايه سليم....بضحك انتي عبيطه يا نسمه ده اللي فهمتيه نسمه.....طيب خلاص انا عموما فهمت و عادي مش غيرانه يعني سليم.....بجد نسمه.....بابتسامه اااا نص نص سليم....بضحك مفيش مبدأ كده خالص نسمه.....بصراحه بقي انا مضايقه عشان كنت عايزه اقعد معاك شويه سليم....لا والله ما انا قولتلك خليكي قولتي ورانا شغل حصل ولا لا نسمه.....حصل بكنت وقتها غيرانه سليم.....بضحك اعترفتي اهو نسمه....بضحك ااا برضوا نص نص سليم....بأبتسامه طيب بصي يا ست البنات انا ربنا رزقني بنصيبي و راضي بيه معايا حبيبتي و بنتي و ان شاء الله ربنا يكرمنا وتبقي مراتي نسمه...بابتسامه اااا بجد راضي بيه سليم....اوي اوي ايه مش مصدقاني نسمه....لا مصدقاك سليم....يعني مش زعلانه نسمه....مقدرش ازعل منك اصلا و اكيد واثقه فيك كنت بس بهزر معاك يعني سليم.... بضحك ااااه صح حسيت انا برضوا انك بتهزري نسمه....بضحك بتتريق سليم....لا يا قلبي مقدرش المهم قوليلي بتعمل ايه نسمه.....ولا حاجه كنت قاعده في اوضتي سليم....طيب صليتي نسمه......اه طبعاً وانت سليم......الحمد لله يلا روحي شوفي كنتي بتعملي ايه و شويه واكلمك نسمه....ماشي يا شلبي سليم....بضحك جميله باي يا احلي بوووه نسمه....بااي .................... عند نادين و نغم نادين....بتوتر مييييين تامر.....افتحي يا نادين انا فتحت نادين بهدوء نادين.....تيموووو حرام عليك خضتنا نغم خدت نفسها بهدوء و حطت ايدها علي قلبها تامر.....ايه ده في ايه مالكم خايفين كده ليه حصل حاجه نادين....لا محصلش بس لما خبطت اتوترنا لان في العادي محدش بيجي هنا ونغم خافت شويه تامر.....لا متخافوش محدش بعرف يجيلكم هنا اصلا الامن قريب منكم و مش اي حد بيدخل نغم.....انا فكرت حد مراقبني منهم تامر.....مفيش حد متقلقيش المهم اخبارك يا نودي نادين....تمام يا تيمو انت كنت رايح فين كده تامر....مفيش كنت جاي اخد نغم لو خلصت ايه عرفت اني راجع بدري قالتلي اعدي اخدها هي مش هتعرف مع سلامه نادين.....طيب وليه تعبت نفسك انا كنت هوصلها اصلا تامر....مفيس تعب ولا حاجه انا كده كده كنت مروح و كنت قريب منك اصلا خلصتوت ولا استناكم بره نادين.....لا احنا خلصنا خلاص و كنا هنمشي تامر....طيب يلا بينا نغم.....طيب نادين انتي مش هتمشي يلا عشان متفضليش لوحدك نادين...لا همشي تامر....اخرجي يلا معانا طيب هاتي اقفل المكان نادين....لا سيب انا هقفل بس خد من نغم الشنط دي بدل ما تنسي حاجه نغم....ااا لا لا انا هشيلهم تامر....الشنط اكبر منك هاتي هاتي ابتسمت نغم بهدوء و ادتلوا الشنط من ايدها نادين.....ناسيه حاجه يا نغن نغم....لا مش ناسيه نادين...طيب يلا استنوني بره متقفوش كده تامر....يلا اخلصي انا واقف معاكي نادين.....ماشي يا تيمو خدت حاجتها و شدت الباب و قفلتوا بالمفتاح تامر....اساعدك نادين....لا يلا خلصت خلاص تامر....يلا بينا خرجوا مع بعض من المكان نادين..... بابتسامه انت جاي من انهي شقه فيهم كده تامر.....بضحكه جميله انا واخدها كعب داير من سته الصبح لما خلصت خلاص نادين....بضحح والله صعبان عليا يا تيمو انا بيتهيألي انت تخلص و تروح تستجم في اي مكان تامر.....بتقولي فيها مش هتشوفوا وشي طول الصيف هنطلق نادين....بضحك لا وانت الشهاده لله هتنفذ اوي تامر.....لا والله بجد انا فصلت و بجد محتاج اخد بريك الفتره دي اتضغطت انا و التيم ضغطه ما يعلم بيها الا ربنا البيت عندك و عند ايه و عند سلمي و المحل غير الشغل اللي بره فصلنا نادين....ماشاء الله ربنا يقويك يارب معلش انت خلص علي خير و ارتاح بقي شويه عشان تقدر ترجع تاني تامر.....هعمل كده باذن الله يلا فين عربيتك نادين....اهي يلا انتوا اتحركوا بقي تامر....اوصلك طيب نادين.....توصلني ايه يا تيمو دول خطوتين تامر....طيب اجيبلك اي حاجه نادين....ربنا يخليك ليا تسلم والله سلم علي يويو وسلمب وحمودي تامر....بابتسامه بوصل ان شاء الله نادين....باي يا نغومه نغم....بابتسامه باستها باي بكره هاجي بدري مش هتأخر تاني مع ايه نادين....بضحكه جميله لو اخرتك هعلقها نغم....لا متقلقيش يلا علي مهلك و شكراً بجد نادين....علي ايه يا عبيطه يلا باي يا روحي نغم....باي راحت نادين تركب و هو فتح العربيه تامر....اركبي يلا فتحت نغم الباب و ركبت و هو فتح الباب وراها حط الشنط وراح ركب و طلع تامر.....باي يا نودي نادين....باي يا حبايبي نغم.... بابتسامه باي اتحرك تامر و فضلت نغم ساكته خالص و مكسوفه اول مره تركب معاه العربيه من اخر مره شافها و طول الفتره اللي فاتت مشافتهوش غير كام مره تتعد علي الصوابع. تامر....بهدوء ااا نغم احنا محتاجين حجات من السوبر ماركت في البيت هنعدي نجيبها عندك مشكله ولا تحبي اروحك الاول نغم....ااا لا لا خالص انا معاك تامر...تمام. كمل طريقه وهي فضلت ساكته و هو كمان كان حاطت الايربودز في ودنه و فجأه لاقته بيتكلم بصتلوا فكرت انه بيتكلم معاها في الاول تامر....ايه الاخبار طمني بصت نغم و بعدين رجعت بصت قدامها تاني تامر.....يا ابني انت بتفهم ازاي انت كمان انا قولتلك اللي ناقص من الاول مش عارف انت بتمشي وراء كلام احمد ليه ..... تامر....لا هو زي ما قولتلك بالظبط محتاج تعديل ثلاثه سم ..... تامر....عيب عليك متبقاش تراجع ورايا تاني و ابقي عرف احمد بقي اني كسبت الرهان ...... تامر.....بضحكه هاديه ماشي ياعم نغم كانت باصه جنبها شويه و قدامها شويه متوتره و مكسوفه شويه.. تامر....اخبار الشغل ايه؟ مردتش نغم و فكرت انه بيتكلم بصلها بهدوء تامر.....نغم سمعاني نغم....ااا انا اااا اسفه فكرتك بتتكلم في الموبايل تامر.....لا بسألك انتي اخبار الشغل نغم....ااا حلو حلو اوي تامر.....اتبسطتي يعني نغم....اه الحمد لله تامر....الحمد لله كمل طريقه و سكتوا و بعدين وصل ركن العربيه في الباركينج بتاع العربيات تامر.....يلا انزلي فتحت و نزلت و مشيت جنبه بهدوء و دخلوا مع بعض السوبر ماركت كان موت بالضرب عشان رمضان خلاص قرب و المفروض بكره الرؤيه تامر.....ايه الزحمه دي كلها بصتلوا نغم و سكتت كانت مصدومه من الزحمه زيه تامر....نغم خليكي جمبي نغم....حاضر تامر....تحبي تستني في العربيه نغم....لا خليني معاك تامر.....ماشي تعالي نشوف عربيه بس عشان نحط فيها الحاجه نغم....طيب فضل تامر رايح جاي من كتر الزحمه مكانش في عربيات خالص الناس وخداهم كلهم تامر ...مفيش عربيات خالص نغم....بهدوء ممكن تسأل اللي شغالين دول تامر.....سالت قالوا مفيش خالص نغم....طيب ممكن نمسك الحاجه في ايدنا لو مش كتير تامر....لا محتاجين حجات كتير مينفعش في ايدنا نغم....بتفكير امممم طيب لحظه انا هحاول كده تامر....تحاولي ايه استني رايحه فين نغم.....هروح وراء الست دي هي خارجه ممكن ناخدها منها بره بصلها تامر و سكت راحة نغم للست نغم.....لو سمحت حضرتك خلصتي و ماشيه الست....ايوه في حاجه نغم.....يعني لو ممكن اخد منك العربيه الست.....نمام بس انا هخرج بره عند العربيه بتاعتي احط الحاجه نغم....طيب اوك هاجي معاكي اخدها لو مفيش ازعاج الست...اتفضلي طبعاً بصت نغم علي وراء لتامر و هزت راسها راح وراها و خرجوا مع الست تاني لحد الباركينج حطت حاجتها كلها الست.....خلتص اتفضلي نغم....شكراً اوي تامر.....شكراً الست....العفو خد تامر العربيه و مشيوا تامر....طلعتي شاطره نغم....بابتسامه هاديه مفيش غير الحل ده وإلا هنقف كتير تامر.....صح دخلوا تاني علي جوه و طلع الموبايل بتاعه يشوف الحاجه اللي سلمي كتباها هي و ايه و احمد و طلبات البيت كله و حاجة رمضان تامر....نغم ممكن بقي تمسكي الموبايل بتاعي و تراجعي ورايا اللي نشتريه امسحيه نغم....طيب تمام تامر....هتلاقي سلمي مقسمالي الحاجه من كل قسم عشان منفضلش رايحين جايين نغم....اوك هو اول حاجه المنظفات بس بيتهيألي خليها في الاخر عشان الاكل ميبوظش من الريحه تامر....اممم ماشي عادي اتحركوا مع بعض و بدأوا يشتروا الحاجه و يحطوا في العربيه و مخليها جنبه ماسكه معاه في العربيه من الزحمه و محاوط عليها و عمال يجيبها شمال و يمين و هي كانت متوتره شويه من الزحمه و خايفه من اهلها يكون حد فيهم مراقبها حد يعمل حاجه و فجأه في شاب خبطها جامد تامر......حاااااسب الشاب....براحه مش في زحمه تامر.....ادام في زحمه اعمل مسافه و خلي بالك اللي موجودين هدوا الدنيا قبل ما تبقي خناقه و مشوا الشاب نغم....تامر خلاص والنبي محصلش حاجه تامر....ماشي زي الحمار و بعدين انتي خايفه ليه هو اللي خبطك نغم....انا خايفه عشان متوتره اصلا يبقي حد من اهلي ماشي ورايا ولا بيراقبني دول اتوقع منهم اي حاجه و اتوقع كمان انهم يزقوا حد يعمل مشكله عشان في الزحمه دي ياخدوني منك تامر....بهدوء طب خلاص متخافيش مفيش حد يقدر يقرب منك اصلا بقولك ايه تحبي اروحك احسن وانا ابقي اجيب الحاجه دي بدري شويه نغم.....لا لا خلينا خلاص بس بلاش تعمل مشكله مع حد انا كويسه و تمام تامر....طيب متخافيش خلاص يلا خلينا نكمل رجعوا تاني يكملوا و يشتروا كانت بتساعدوا تقرا و تجيب الحاجه و اي حاجه في مكان عالي هو يجيبها و كان عمال يرتب في العربيه لان الحاجه كتير تامر....نغم صحيح اي حاجه عايزه تجيبها جيبي لان الحاجه المكتوبه دي طلبتهم شوفي محتاجه ايه وهاتيه نغم....لا مش محتاجه اي حاجه تامر....شوفي كده ناقصك ايه بتحبي ايه نغم....مش محتاجه والله راحوا عند المنظفات جابوا الحاجه المكتوبه و كان من ضمن المكتوب لسلمي وايه باد كانت هي عماله تقولوا و يجيب بس اتكسفت فا قربت هي بهدوء تجيب من غير ما تقولوا كان بيجيب هو حاجه تانيه قربت بسرعه تحطهم و هو مش واخد باله و وقفت بصت تامر بهدوء و سكت و كمل عادي نغم....اااا تامر هو انا ممكن اطلب منك طلب تامر.....اكيد نغم.....يعني انا في حاجه عايزه اجيبها بس انا عايزه احاسب عليها تامر ....انتي بتهرجي صح ما انا بقولك شوفي محتاجه ايه يعني انتي مش عايزه عشان مش انتي اللي هتحاسبي نغم....ااا لا هو مش كده بس بصراحه انا عايزه اجيب حجات بسيطه لسلمي و ايه و عمو و كمان يعني انا انهارده خدت من نادين نص المرتب بتاعي فا حابه افرحهم معايا بفلوسي انا تامر....بابتسامه فهمت طيب ماشي يا ستي بس يعني ممكن تجيبلهم حاجه و تهتاريها بنفسك و انا هحاسب عادي و كده كده هتبقي انتي اللي اختارتيها هما مش كاتبينها نغم ...بس انا عايزه اجيب بفلوسي انا بعد اذنك يعني مبسوطه و حابه افرحهم تامر.....بابتسامه هاديه خلاص زي ما تحبي بس يعني مش هنضيع الفلوس بسبب فرحتنا ممكن نجيب حاجه بسيطه في النهايه اي هديه بسيطه بقيمتها مش تمنها نغم.....طيب هو انت ممكن تساعدني انا بصراحه اه عرفتهم الفتره دي بس لسه معرفش هما بيحبوا ايه و مبيحبوش ايه يعني مش عارفه ممكن اجيبلهم ايه من هنا ولا نجيب من بره حاجه بعيده عن الاكل او الحلو و كمان عيزاك بصراحه تساعدني في حاجه انا كنت قولت لزوز ان اول ما هشتغل هجيبلها زرعه هديه و بصراحه مش عارفه ممكن اجيبها منين تامر.....طيب موضوع الزرعه ده سهل في مكان قريب مننا بيبيع زرع ممكن نجيبها واحنا ماشيين عادي اما بقي موضوع الهديه بتاعت ايه و سلمي و بابا ممكن نجيب لايه وسلمي شوكلت و بابا ممكن قهوه هو بيحبها نغم ....ماشي بس انا شوفت حاجه تانيه حلوه يعني في مصليه شكلها عجبني اوي و كده كده احنا داخلين علي رمضان يعني مناسبه حلوه مش كده تامر.....بضحكه جميله صح طيب يلا خلينا نروح نشوف عابزه ايه و نجيبه و لما نخرج هنروح نجيب لزوزو الزرعه و نديهالها كمان لو عايزه نغم.... بابتسامه هو ينفع تامر.....اه طبعا هي في طريقنا اصلا نغم....طيب اوك يلا. راحت نغم هي و تامر اول حاجه جابتها هديه لاحمد اختارت سجادة صلاه شكلها جميل اوي و جابتلوا مصحف و بعدين جابت لايه و سلمي شوكلت و جابتلهم من قسم اللعب عروستين طمطم كان واقف تامر علي جنب مبتسم و هو شايفه فرحانه باللعب نغم.....نجيب بقي البن منين تامر....هو مبدايا من بره مش من هنا ثانيا انتي جيبتي خلاص لبابا متجيبيش حاجه تاني نغم.....لا معلش انا عايزه اجيب البن كمان تامر....نغم كفايه كده مش هنضيع الفلوس كلها مره واحده احنا اتفقنا علي هديه رمزيه نغم.....عشان خاطري لو سمحت بص هو انا اصلا مش محتاجه الفلوس تامر.....هو في حد في الدنيا مش بيحتاج الفلوس نغم....مقصدش بس مش ناقصني حاجه صدقني و بعدين لسه معايا فلوس كتير و لسه في باقي المرتب هاخده اخر الشهر و النبي خليني ابقي مبسوطه تامر....بضحكه جميله حاضر والنبي هخليكي تبقي مبسوطه قوليلي طيب محتاجه حاجه تاني او لسه في حاجه في الموبايل نجيبها ولا نحاسب نغم....هو اخر حاجه مكتوب حاجة رمضان مش فاهمه تقصد ايه اللي جيبناه ده كله ولا في حاجه تانيه تامر....اه دي المكسرات و الحاجه بتاعت رمضان خلينا نجيبها ونخرج نغم....تمام راحوا مع بعض جابوا الحاجه و بعدين راحوا يحاسبوا مسكت حاجتها علي جنب و مرضتش تحطها تامر.....بهدوء حطي الحاجه عشان نحاسب نغم ....دي حاجتي تامر....ماشي بس حطيها نحاسب عليها و بعدين هبقي اخد منك حقهم نغم.....طيب احلف انك هتحاسبني تامر....بضحك خلصي يلا نغم....احلف الاول تامر....حاضر والله هحاسبك سابت نغم من ايدها الحاجه تامر.....تعالي ياا كده قدامي عشان الزحمه دي وقفت نغم قدام العربيه و هو وراها وسايب مسافه بينهم اللي قدامها حاسب و خد حاجته و بدأت هي و تامر يحطوا الحاجه علي السير و بعدين وقفوا يحطوا الحاجه في الشنط ويرجعوها العربيه دفع تامر الحساب و بعدين اتحركوا علي بره حطت نغم معاه الحاجه في شنطه العربيه و كانت بتساعده و بعدين راحوا ركبوا نغم....ممكن بقي اعرف حساب الحاجه كام تامر.....ماشي هبقي اقولك نغم....طيب قول الوقت تامر.....ماهو انا مش عارف الريسيت حطيتوا في شنطه من الشنط نغم....طيب ممكن تجيبوا وانا اشوف تامر.....هو انا عايز اعرف انتي ليه بتزني كتير بتصلوا و سكتت تامر.....بابتسامه انا حلفت اني هاخد منك الفلوس صح نغم....طيب انا عايزه احاسبك قبل ما نروح مش هعرف اديهم الحاجه وانا مش دافعه تمنها تامر.....ااااه حاضر يا نغم ركن تامر علي جنب في مكان رايق شويه و نزل يبص جوه الشنط لحد ما جاب الريسيت ركب و اداهولها تامر ...اتفضلي شوفي انتي بقي نغم....بابتسامه شكراً تامر....العفو مشي شويه و بعدين وقف تاني و سابها نزل يجيب البن شويه ورجع حط الكيس وراء علي الكنبه لفت بهدوء جابت الكيس و فتحته بصلها بطرف عينه تامر....انتي بتعملي ايه نغم....بشوف حسابها تامر....كنت بقول علي ايه زنانه طلعتي زنانه اكتر منها نغم.....انت وعدتني و انا طلبت منك عشان عارفه انك هتساعدني فا مترجعش في كلامك تامر.....انتي حره اعملي اللي انتي عيزاه و ابقي اتصرفي معاهم و مع بابا بصتلوا و بعدين بصت قدامها نغم....عادي يعني مش هيعملوا حاجه بصلها بطرف عينه و سكت نغم....اااا يعني هنجيب الزرعه تامر....ابتسم و هز راسه شمال ويمين الوقت بس فهمت نغم.....فهمت ايه ؟ تامر....كنت ديما اسمع ان الصحفيين زنانين و رغايين و الوقت اتأكدت ان زنك ده مش فراغ نغم.....قصدك اني زنانه ورغايه يعني تامر....لا العفو وقفها عند مكان بيبع زرع زي مشتل كده صغير نزلت معاه و دخلت اختارت زهره عباد الشمس خرجت وهي مبسوطه بيها اوي تامر....خلصنا كده ولا لسه باقي شويه فلةس عايزه تفرتكيها بصتلوا وضحكت بهدوء نغم.....هو انا ليه حاسه انك مضايق مني تامر.....حاسه مش متأكده يعني نغم....ايه ده هو بجد انت مضايق تامر....بابتسامه لا ياستي بهزر المهم اشمعني عباد الشمس يعني كان في ورد جميل جوه نغم....هي دي وحشه تامر....لا حلوه اوي بس اشمعني نغم....بابتسامه بصت للورده معرفش بس حاسه انها لايقه علي زوزو يمكن مشوفنهاش غير مره واحده بس قعدت معاها كام ساعه و الحقيقه ان كلامها معايا و روحها الحلوه والطاقه الايجابيه اللي خدتها منها عامله زي الورده دي حسيت ان كلامها ليا كان زي نور وسط ضلمه ممم عرفش بس حاسه انها تشبهها تامر....امممم طيب حلو هنروح بقي نديهالها و نمشي ماشي نغم....تمام. بعد وقت مش طويل اوي و صلوا عند بيت زوزو نزلوا هما الاتنين كانت قاعده هي وحماده بره علي الكنبه بيشربوا شاي. تامر....بابتسامه يا اهل الدار سلام عليكم ماريز....اهلاااااا بالقمرات ده ايه النور ده حماده....وعليكم السلام اهلا اهلا اتفضلوا سلم تامر عليهم و سلمت نغم علي زوزو و حضنتها و سلمت علي حماده. ماريز.....ايه المفجأه الحلوه دي بس حماده.....منوره يا بنتي نغم....شكرا لحضرتك تامر....نغم هي اللي صممت تيجي عشانك يا زوزو ماريز.....مجاتش منك يا واد فيكي الخير والله و حشتيني اخبارك ايه نغم...وحضرتك والله يا زوزو انا كويسه ماريز....عامله ايه الوقت ورجلك طمنيني نغم....لا احسن كتير الحمد لله ااا اولا اسفه اني جيت من غير معاد ماريز....اسفه ايه ده بيتك و البيت ده مفتوح اصلا علي طول لا ليله مواعيد ولا قوانين تامر....بابتسامه ده تقدري تعتبري انه بيت العيله يا نغم حماده.....ده بيت الحبايب كلهم بعني تيجي اي وقت نغم.....ربنا يخليكم يارب ااا ثانياً انا كنت وعدتك يا زوزو اني هفكر في كلامك وهقف علي رجلي ووعدتك كمان ان اول مرتب ليا هيكون هديه ليكي في حاجه بتحبيها ووو جيبتلك الزرعه دي يارب تعجبك خرجتها نغم من الشنطه ماريز....الللله دي تجنن تعرفي اني معنديش هنا عباد الشمس نغم....بسعاده بجد ماريز....اه والله شوفتي بقي الزرع بتاعي اهي دي حياتي بس مفيهاش عباد الشمس خالص نغم.....يعني عجبتك ماريز.....طبعا عجبتني و اوي كمان و مش عارفه انتي جيبتيها صدفه عشان عجبك شكاها ولا عشان عارفه معناها نغم....بضحكه خجوله ااا بصراحه معرفش بس يعني تامر سالني السؤال ده وقولتلوا اني حساها شبهك اوي كلها طاقه ماريز....بضحكه جميله يا حبيبه قلبي انتي تعرفي ان ده معناه بجد هي بتعبر عن البهجه و التفاؤل و الطاقه الايجابيه و النور و الاشراق نغم.....بضحكه جميله يبقي انا اختارت صح عشان حضرتك كنتي كل ده لما انكلمتي معايا ماريز.....بصتلهم يا خبر ابيض طب اعيط ولا اعمل ايه الوقت تعالي يا بت هاتي حضن حضنتها نغم اوي و هي مبسوطه حماده....تسلم ايدك يا بنتي و يسلم ذوقك و شكرا انك فكرتي فيها وفرحتيها كده وخدي بالك هي كده حبيتك اوي عشان الزرع عند زوزو اهم من روحها نغم....بابتسامه الله يسلمك و بجد انا اتبسطت اوي انها فرحت ماريز.....فرحت اوي والله و مش عارفه اقولك ايه كمان انا هسميها نغم علي اسمك اي زرعه هنا ليها اسم نغم....بضحك ماشي تبقي نغم ماريز.....ايه رايك نروح نزرعها مع بعض في الطين نغم....ماشي بس انا مش بعرف ازرع ماريز....لا الموضوع بسيط تعالي و انت يا واد تامر روح هات عصير ليك و لنغم ولا اعمل شاي ولا حاجه تتشرب يلا اعمل بلقمتك تامر.....بضحك بقي كده يا زوزو ماشي بس احنا لازم نمشي ماريز....تمشي في عينك هي لحقت روح هات عصير من الثلاجة اللي قدامك و خلي عندك دمك يلا انا لسه عاصره برتقال فريش حلو اوي تامر....بضحكه جميله ماشي يا ست زوزو تشرب عصير يا حماده حماده.....بالف هنا يا حبيبي بشرب شاي بالنعناع من ايد زوزو تامر....ماشي ياعم حماده....ابوك عامل ايه تامر.....كويس الحمد لله خدتها ماريز و راحت قعدت علي حرف المكان بتاع الزرع ونغم كانت شايله الزرعه ماريز....بصي بقي بنحفر كده حاجه بسيطه مش قوي يادوب علي قد الطين اللي في القصيص بتاع الزرعه و بس كده نغم....طلعت سهله ماريز....هي مزروعه اصلا مبنعملش حاجه يلا كفايه كده تعالي يلا حطي الزرعه قربت نغم تحطها ماريز....بضحك لا استني انتي هتحطيها بالاصيص البلاستيك نغم.....يعني ايه اعمل ايه طيب ماريز....نزليها منه هاتي هوريكي خرجت زوزو الزرعه بالطين بتاعها و ادتهالها ماريز....اهو كدن دي بقي بتترمي خلاص يلا حطيها واردمي عليها نغم.....بسعاده ماشي نزلتها في الحفره و بصتلها اعمل بايدي عادي ماريز....اه وروحي اغسليها بعد كده خلصت نغم و ابتسمت نغم....هنشربها ماريز.....تعالي حطي حاجه بسيطه لان انا كنت ساقيه الزرع انهارده التربه فيها مايه و كده بقي خلصنا و بقي عندي فرد جديد في عيلتي الحلوه اسمها نغم نغم....بضحكه تجنن و سعاده المهم انها عجبتك ماريز...عجبتني و الحقيقه انها هتبقي زرعه غاليه عندي اوي و مبسوطه اوي انك شيفاني كده في عينك نغم.....حضرتك يا زوزو حد جميل بجد و كنتي سبب في اني احس ان في امل ماريز....طول نفسك طالع وداخل في امل مشاكلنا دي يا نغم قدام قدره ربنا زي شكه الدبوس و يمكن ابسط حتي لو كانت كبيره او صعبه او مشكله مش متوقعه كل حاجه بتهون المهم مهما كنتي بتمري باي ظرف وحش او مشكله حاسه انها كبيره عليكي او حاسه ان طاقتك خلصت اوعي تفقدي الامل زي ما اتحطيتي فيها خلي عندك يقين انك هتخجري منها عارفه لما تواجهي اي مشكله بنفس الطريقه دي كل حاجه بتهون اضحكي و ابتسمي في عز وجعك وقولي ربنا كريم و صدقيني هيطلع كريم معاكي نغم....بابتسامه امتنان معاكي حق و بجد شكراً يا احلي زوزو في الدنيا ماريز....يا خراااشي علي القمر يلا روحي اغسلي ايدك عشان تشربي البرتقال و تقوليلي ايه رايك في زرعتي نغم....هو حضرتك اللي زرعاه ماريز....طبعاً انا بزرع كل حاجه نغم....ربنا يدي حضرتك الصحه اااا اغسل ايدي فين ماريز.....هناك الحوض وراء البار نغم....ماشي راحت نغم بهدوء غسلت ايدها و رجعتلهم تاني حماده....زرعتي الزرعه بتاعتك نغم....بابتسامه زرعتها خلاص ماريز.....ما تديها ياواد العصير بتاعها تامر.....امسكي يانغم متجيباناش الكلام نغم....بابتسامه ماشي شكراً ماريز.....ابوك والبنات عاملين ايه تامر.....الحمد لله بخير معلقتوش يعني الزينه لحد الوقت ماريز....بكره هنعلق و هتيجي تعلق مع محمود زي كل سنه ملناش دعوه بقي مشغول ولا مش مشغول تامر....انا اقدر اقول كده يا زوزو عيوني هتصل بحودا و اشوف هيعلق امته بس نخليها اخر النهار كده قبل الوقت عشان اكون رجعت وهاجي عليكم علي طول ماريز....ماشي براحتكم بقي بس متتاخرش بكره الرؤيه يعني رمضان ممكن يطلع بعد بكره تامر.....لا متقلقيش حماده.....ربنا ما يقطعها عاده تامر....يارب يا حبيبي ويديك الصحه ماريز.....بنعلق احنا بقي يا نغم الزينه والنور من فوق لتحت تامر.....زوزو بتخليها ديسكو ماريز.....هي زينه رمضان كده لازم يبقي في بهجه تامر ....ياستي انتي شاوري واحنا نعمل ااا يلا يا نغم ماريز....ياواد خليها تشرب هي لحقت نغم.....شربت والله وتسلم ايدك بجد حلو اوي تامر....خلينا نمشي بقي فاصل والله يا زوزو بكره هجيلك و هقعد معاكي كتير ماريز....ماشي نغم ابقي تعالي البيت قريب نغم....حاضر والله هاجي قاموا وسلموا عليهم و شكرتها تاني علي الزرعه وبعدين مشيوا. نغم....ااا تامر هو انا ممكن أسال سؤال تامر.....ااااه رجعنا للزن نغم....خلاص مش هسأل تامر.....لا خلاص اسالي نغم.....هي بجد زوزو مش مسلمه؟ بصلها تامر و ابتسم و هز راسه بلأ تامر.....لا مسيحيه اشمعني عشان الزينه ورمضان وكده نغم.....يعني و مش بس كده انا حساها في كلامها ونصايحها و طريقتها و اهتمامها بالتفاصيل عن رمضان كأنها مسلمه و بصراحه مش حاسه انها مسيحيه يعني لما دخلنا البيت في صوت قران جاي من جوه البيت نفسه تحس انه بيت حد تعرفوا منك من طباعك من دينك فاهمني تامر....فاهمك بس لا هي مسيحيه بس كمان حماده و ايمي وامنيه و محمود مسلمين فا هو في ميكس كده بس الحقيقه ان زوزو محدش مننا ممكن يتخيل انها مسيحيه و اوقات انا نفسي بنسي ده مش عشان اي حاجه انا ليا صحاب كتير مسيحين بحبهم و علاقتي بيهم حلوه و في التيم معايا بنشتغل بناكل وبنشرب في رمضان مستحيل ياكلوا قدامنا فا عادي في مسيحين كتير شبهننا نغم....انا فاهمه بس برضوا انت مش فاهمني زوزو مستحيل احس انها مسيحيه و حتي معنديش مشكله اني اتعامل معاها او مع غيرها لمجرد انهم دينهم غير ديني بس اللي اقصدوا ان زوزو جميله اوي لدرجه انك تحس انها من دينك تامر.....هي فعلا جميله و يمكن السبب في ده علاقتها هي وحماده لبعض و قصه حبهم حطوا كل حاجه علي جنب الدين والعادات و التقاليد و اتمسكوا بس ببعض علمت ولادها الدين يعني هما مسلمين مش بس عشان حماده مسلم هما مسلمين عن طريق زوزو في تعليمهم دينهم واحترامها لدينهم الست دي عظيمه و غاليه عند الكل و يمكن ده مش رايك لوحدك ده راي حد يعرفها و البيت بتاعهم تحسي انك بتعيشي فيه كل المناسبات بجد وكل مناسبه او عيد بتاخد حقها في البهجه و السعاده يعني راس السنه شم النسيم الكريسماس اعيادهم عموما بيحتفلوا بيها مع بعض تلاقي في بيتهم أجواء رمضان والعيد الصغير و اجواء العيد الكبير و الدبح كل حاجه نغم.... بابتسامه بجد هي حاله اول مره اشوفها بس جميله اوي تامر......ركن دي حقيقه ااا يلا بقي نطلع نغم.....يلا بس اتفضل فلوسك تامر.....برضوااا انتي مبتتعبيش نغم....امسك بقي يا تامر لو سمحت احنا اتفقنا خلاص تامر.....ماشي يا نغم يلا بينا ................ عند سلامه و عسال سلامه.....ميدو هتروح انت بقي ولا رابح فين عسال.....ايه ده انت مش مروح الوقت ولا ايه ؟ سلامه.....لا هروح اشوف ابويا كده هو مستني علي القهوه هقعد معاه شويه و كده يعني عسال....طب كويس هاجي معاك انا اصلا كنت هروحلوا بكره بس ادام رايح خدني انا معايا حجات ليه سلامه....حجات ايه انا جايبلوا حجات كتير عسال.....ياعم وانت مالك ما تجيبلوا ان شالله نجيبلوا الدنيا كلها سلامه....بحب ماشي يا عم هطلع منها طيب يلا اطلع ورايا بقي عسال....ماشي يلا بينا. ................ اتصل رشيد علي ايمي ايمي....الووو رشيد....ايه يا قلبي بقولك ايه انا تقريبا جيبت كل حاجه بس قوليلي كده في حاجه محتجاها ايمي....مش هقول و ملكش دعوه بيا عشان تبقي متاخدنيش معاك رشيد....اخدك معايا فين انا كنت هطلع راجل مجنون بجد لو كنت خدتك الدنيا زحمه و بالضرب مكنتيش هتقدري ايمي.....ما طبيعي يعني عشان رمضان رشيد.....بضحح لا هو المنظر ده اكتر من الطبيعي بقولك ماشي بقوة الدفع مش عارف امشي بالعربيه من كتر الناس و الله العظيم كنتي هتتعبي ايمي.....ماشي ياعم خلاص سامحتك رشيد....طيب قوليلي محتاجه اي حاجه تانيه افتكري ايمي.....هبعتلك حجات تخص اكل چوي تجيبها عشان لاقيتها بتخلص خلاص بس هوعرف تجيبها الوقت رشيد....ابعتي الوقت كده وهشوف لو حاجه سريعه كده هجيبها ايمي....ماشي يا قلبي حالا اهو يلا باي رشيد....باي يا قلبي ...................... في منزل احمد احمد.....الله الله ايه يا بنتي ليه كده بس ايه كل ده تامر....علي فكره هي اللي صمتت عشان اطلع بس من الحوار ده انا قولتلها لا وهي مرضيتش سلمي.....ليه كده يا نغم بس نغم.....ليه ايه بس دي حاجه بسيطه والله و بعدين انتوا فرحتوني كتير و عملتوا معايا حجات كتير و كنت حابه افرحكم معايا من اول مرتب احمد....بس كتير يا بنتي ليه بس كده نغم....مفيش حاجه كتير عليكم والله يا عمو انا لو عليا عايزه اعمل اكتر من كده بكتير ايه.....بابتسامه طمطم قمر اوي مجبتيش طمطم ليكي ليه نغم....بضحكه جميله بعدين بقي انا كنت عايزه اجيبلك انتي وسلمي اهم سلمي.....يا عمري انتي بجد شكراً و تسلم ايدك هنيمها جنبي نغم....بضحك ماشي ايه....شكرا يا نغم بجد نغم....العفو يا ايه احمد.....شكرا يا بنتي و بجد فرحتيني بالهديه الحلوه دي نغم......العفو يا عمو ربنا يفرحك ديماً و رمضان كريم احمد....الله اكرم علينا وعليكي يا بنتي نغم...اااا دي بتاعتك يا تامر مدت أيدها بشكولاته زي بتاعت ايه وسلمي تامر.....بصلها بتاعتي انا نغم.....بابتيامه اه جيبتها من وراك عشان مكنتش راضي تامر....بابتسامه ااا ماشي شكراً يا نغم نغم....العفو انا اللي بشكركم كلكم والله و اي حاجه بسيطه عليكم انتوا تساهلوا كل خير احمد....ده انتي جيبتلي احلي واعظم هديه مش بسيطه ولا حاجه وهبقي اقرا من المصحف بتاعك عشان تاخدي الثواب نغم....ربنا يتقبل من حضرتك سلمي.....طيب يلا روحي بقي خدي شاور و غيري لحد ما نجهز العشاء و نفضي انا وايه الحاجه دي كلها نغم....ماشي تامر....استني يا سلمي دي حجات نغم ايه....انا عايزه اتفرج نغم.....بابتسامه هفرجك علي كله ايه.....ماشي في السهره بقي يلا روحي خلصي خدت نغم شنطها ودخلت علي الاوضه. احمد....بابتسامه ربنا يسعدها يارب مش قادر تقنعها بدل ما تضيع فلوسها تامر.....والله مارضيت انا فضلت اتوه لحد ما نزلنا تحت البيت الوقت صممت سلمي.....بابتيامه خلاص يا بابا سيبها تتبسط بطريقتها عشان تبقي مرتاحه احمد.....ماشي يا سلمي يلا خدوا الحاجه علي جوه. ................. وصل سلامه و عسال عند سعيد والد سلامه. عسال.....ازيك يا راجل يا عجوز سعيد....ازيك يا ميدو يا حبيبي كل سنه وانت طيب عسال....وانت بالف خير يارب رمضان كريم سعيد....الله اكرم سلامه..... ايه يا عم سعيد ميدو واحشك اكتر مني ولا ايه ما تسلم ياعم سعيد....كلكم واحشني عامل ايه يا حبيبي سلامه.....زي الفل يا حبيبي انت اخبارك واخبار صحتك ايه سعيد.....في نعمه والله اخبار اخواتك وامك سلامه....زي الفل بيسلموا عليك طبعا ريهام ومصطفي لو عرفوا اننا جايين هيقفشوا فينا بس انا جايلك من الشغل والاخ ده شبط فيا عسال.....لا انا كده كده كنت جايلك بكره بس لما لاقيته جاي قولت اجي معاه وخلاص سلامه....يعني شبطت فيا قول متتكسفش عسال....بضحك ياعم شبطت سعيد...المهم اني شوفتكم اخبار خطيبتك وانت اخبار مراتك ايه سلامه....زي الفل عسال....الحمد لله يا حبيبي بخير سلامه....ايه ياعم سعيد مش هتطلبلنا قهوه ولا انت بقيت بخيل سعيد....قهوه ايه احنا هنتعشي مع بعض انا كنت مستنيك عشان اكلك كفته مشويه سلامه....لا كفته ايه بس عايز حنون تقلب علينا من الصبح واقفه في المطبخ سعيد....ياعم مش هتزعل اقولك كل نص بطن سلامه....بضحك نص بطن ايه انا ادام كلت لازم اكل للاخر سلامه....يعني ينفع كده انا مستنيك انت وميدو سلامه....بضحك ما بلاش كدب يا ابو سعده انت مكنتش عارف انه جاي معايا اصلا سعيد.....بضحك اه يا ابن الكلب عسال....بضحك انت عيل رخم ودمك يلطش سلامه......بضحك مش دي الحقيقه سعيد....طب تصدق بقي هاكل انا وميدو وانت هتقعد تتفرج علينا خد يا شعباااان عسال.....بضحك استني بس يا راجل يا عجوز انت سخنت كده ليه مره واحد خليك يا شعبان خلاااص سعيد....والله ابدا عسال....اسمع بس والله انا مش جعان اصلا انا عايز بس قهوه سعيد....يعني ينفع كده بس عسال.....المره الجايه ان شاء الله هنفطر مع بعض في رمضان كمان خلينا بقي قاعدين معاك شويه طمننا عليك سعيد...بخير طول ما انتوا بخير سلامه.....صحتك اخبارها ايه و بتاخد علاجك ولا لا سعيد.....الحمد لله في نعمه باخده والله سلامه....ناقصك اي حاجه في العلاج سعيد....لا والله سلامه....بتكلم جد ؟ سعيد.....لا والله العظيم هو انتوا مخليني محتاج حاجه سلامه.....يومين و هجيبلك علاج الشهر وصيت عليه انا ملخوم اليومين دول بس كده كده لسه اللي عندك مكمل اليومين دول معاك مخلصش مش كده سعيد....اه بس متجيبش ميدو الله يكرموا جابهولي من حوالي اربع ايام بص سلامه لميدو وسكت عسال....ااا كنت في الصيدليه و الدكتور وائل قالي اعرفك ان العلاج اللي وصيته عليه موجود فا خدته منه و قولت اجيبهولوا سلامه.....متحرمش منك يا اخويا عسال....حبيبي سعيد...طمنوني انتوا اخباركم ايه و الدنيا معاكم اخبارها ايه عسال....احنا زي الفل والله سلامه.....كلنا بخير متقلقش المهم عابزك تاخد بالك من صحتك و ياريت منصومش عشان العلاج وبلاش تنشيف دماغ سعيد....انت عارف اني مش هقدر ده شهر في السنه يا ابني عسال.....ايوه يا ابويا بس العلاج بتاعك ثلاث مرات في اليوم مش هتلحق تاخده وبعدين انت معاك رخصه سلامه.....مهما تقول في الاخر هيقولك حاضر و يعمل اللي في دماغه سعيد....بابتسامه مقدرش افطر والله ربنا بيقوي فضلوا يتكلموا شويه و شربوا القهوه مع بعض و بعدين قام ميدو وسلامه راحوا جابوا حجات من العربيه و جم. عسال......امسك يا حبيبي كل سنه وانت طيب سلامه.....امسك يا ابو سعده هتعرف تاكل مكسرات ولا سنانك مش هتتحمل سعيد.....بضحك نبشرها بقي بس ايه كل ده بس سلامه.....انا مليش دعوه بحاجة ميدو هو اللي جابلك سعيد....ليه كل ده يا ابني بس عسال....كله بفضل دعاك يا ابويا رمضان كريم يا حبيبي بس قولي هتعرف تمشي بيهم ولا نوصلك سعيد......لا ما انت عارف دول خطوتين و ممكن اقول للواد شعبان يوصلني عسال....وشعبان ليه تعالي يلا اركب معانا سعيد...اركب فين مش هتعرفوا تروحوا بالعربيات سلامه....هاجي انا معاك من غير عربيه يلا سعيد....خليك بس متتعبش نفسك سلامه....يا جدع امشي متبقاش لمض هتعب لمين غيرك يا ابو سعده عسال.....يلا تعالي نروح مع بعض طلع سلامه حساب القهوه واداه للولد اللي بيشتغل و خد الشنط هو و عسال و مشيوا مع سعيد يوصلوا تحت البيت طلع سلامه من جيبه ظرف و هو ماشي و حطوا في جيب ابوه سعيد.....ليه يا ابني كده بس سلامه....شششش ما قولنا نبطل لماضه يا ابو سعده سعيد.....ربنا يسعدك انت وميدو و يحفظكم من كل شر يا حبايبي سلامه....اللهم امين عسال.....حبيبي و يديك الصحه وصلوا تحت البيت سلامه....هات يا ميدو الشنطه هطلع احطهماك قدام الباب وانت اطلع علي مهلك سعيد.....طيب يا حبيبي ما تقعدوا نتعشي مع بعض طيب سلامه.....في رمضان بقي قولنا ميدو هنزل علي طول عسال.....ماشي يا حبيبي طلع سلامه طلع عسال كمان ظرف عسال.....امسك يا ابويا سعيد.....لا امسك ايه كفايه اوي كده هو انت وسلامه حد مسلطكم عليا ولا ايه عسال....امسك بقي متزعلنيش منك هو انا مش زي سلامه ولا ايه سعيد....ربنا واحده اللي يعلم غلاوتك يا ميدو في قلبي عامله ازاي عسال.....حبيبي رمضان كريم عليك يارب سعيد....وعليك يا حبيبي الله يسعدك ويسترك و يستر طريقك و يريح بالك وافرح بيك قريب انت وسلامه عسال.....اهو الدعوتين دول احلي حاجه ربنا يخليك لينا يا راجل يا طيب يلا اطلع علي مهلك نزل سلامه ولمح في ايده الظرفين سلامه....بضحك يلا يا عم سعيد اطلع قبل ما حد يسرق الشنط سعيد....ماشي علي مهلكم و سوقوا براحه سلامه.....ربنا يستر يلا اشوفك بخير يا حبيبي سلم سعيد عليه و سلم علي ميدو و بعدين طلع وهما مشيوا راحوا علي العربيات سلامه.....مقولتليش يعني حوار العلاج عسال.....مجاش في بالي و عارف ان دكتور وائل اكيد هيقولك و بعدين هو مش ابويا زي ما هو ابوك سلامه بحب حط ايده علي كتفه و مشيوا لحد العربيات. ................. انتهي اليوم و جه يوم جديد صحيت ليله جهزت الفطار و بعدين راحت طلعت هدومها و طلعت غيار لعشري كان بياخد شاور ليله.....عشررري يلا با حبيبي عشان الفطار عشري....خارج اهو يا قلبي راحت تكمل لبسها و هو خرج لبس و جهز نفسه و بعدين خرجوا بره يفطروا.. عشري......ايه القمر ده ليله....بابتسامه عيونك اللي حلوه هتعمل ايه انهارده عشري.....مفيش هنزل ابص هنا علي الكافيهات و بعدين اشوف عدي و سليم عايزين ايه و هطلع علي الكافيه الجديد ليله....مالهم عدي وسليم عشري....والله ما عارف امبارح سليم كلمني بعد ابويا وامي و اخواتي مشيوا وقالي عايزك انا وعدي بكره في موضوع بخصوص الشغل المهم هتعملي ايه ليله....اممم اكيد هروح المطعم و لسه بصراحه مش عارفه هكلم نادين كده اظبط معاها اشوف لو في اي شغل يتعمل و كمان عايزه اشوفها محتاجه ايه في البيت عشري.....يعني ايه محتاجه ايه في البيت ليله.....طلبات يعني رمضان داخل عليها وهتبقي لوحدها و بعدين نودي كانت متعوده تنزل تشتري حاجتها معايا انا ونعيمه الوقت لا في انا ولا في نعيمه عشري.....كنت بكلم ميدو في الحوار ده قالي انه مش هيسيبها تفطر لوحدها ليله....محدش فينا هيسيبها اكيد بس لازم حاجتها تبقي عندها في البيت برضوا عشري.....ماشي قوليلي انت كمان هتحتاجي ايه عشان هجيب انهارده حجات ليله....حجات ايه يا عشري البيت مش ناقصه حاجه اصلا احنا معملناش اي حاجه من اللي جيبتها قبل الجواز و اخواتي جابوا وامبارح امونه جايبه حجات قد كده والله انا خايفه الثلاجات والديب فريزر يفصلوا من كتر اللي فيهم عشري....نجيب ثلاجه تاني ليله.....بضحك انا عايزه افهم انت ماضي مع توكيلات الاجهزه دي شاشات وثلاجات خير عشري....بضحك الحق عليا اني عايز اريحك ليله....لا يا حبيبي بس في حجات كتير اوي حرام ده حتي المكسرات موجوده و التمر اكتر منه مفيش عشري.... بابتسامه طيب شوفي لو ناقصك اي حاجه ليله.....هشوف بس اكيد مش ناقصني لاني مطبختش ولا مره ولا استخدمت اي حاجه اجنا من وقت ما اتجوزنا قضيناها اكل من بره وبعدين سافرنا و اكيد لو احتجت حاجه هنجيبها عشري....ماشي يا قلبي ليله.....القمر بتاعي بقي عايز ياكل ايه انهارده عشري.....لا نجيب مش هيبقي في وقت ترجعي و تعملي ليله.....ملكش دعوه هيبقي في وقت طبعا انا تقريبا مش ورايا غير مشوار المطعم ونادين وبس كده عشري....اي حاجه سهله وسريعه انتي عارفه انا باكل اي حاجه و بعدين خلينا الاول نعرف بكره صيام و لا لا لو بكره يبقي سحور بليل ليله.....ماشي هنشوف بقولك ايه عشري....قولي يا عمري ليله.....عايزين نتكلم مع فضل انا وانت مش معقول نسكت كده عشري.....انا مليش دعوه بالحوار ده خالص يا ليله علي الاقل الوقت حابه انتي تتكلمي معاه اتكلمي ليله....ليه بقي ؟ عشري.....عشان هو عايز كده ليله....يعني ايه هو عايز كده يا عشري انت لو مكانه فضل هيسيبك عشري....اكيد لا و انا مقولتش اني هسيبه بقول علي الاقل الوقت فضل قافل خالص و انا عارف فضل اكتر منك ليله.....عشري انا مش بقولك كده عشان اظبط الدنيا بينه وبين نعيمه بالغصب ولا انا اللي هروح اتحايل علي فضل عشان نعيمه انت عارف كويس نعيمه ميعيبهاش حاجه عشان اروح احنن قلب عليها عشري.....و هو انا الوقت قولت حاجه علي نعيمه و لا جيبت سيرة غصب افهمي الكلام صح بلاش تتحمقي عشان نعيمه اوي كده ليله.....و متحمقش ليه ان شاء الله عشري.....عشان انتي عارفه و متأكده يا ليله ان نعيمه غلطانه انا في كل الاحوال مش هسيبهم كده كل الحكايه اني مستني الوقت المناسب لان الوضع ده مش عاجبني والهبل اللي هما الاتنين فيه ده لعب عيال و لازم ينتهي ليله....ماشي يا عشري بس نعيمه غلطها الوحيد الطريقه اللي بعدت بيها عن فضل عشري.....ودي انتي شيفاها حاجه بسيطه يا ليله ليله.....ما انا بقولك غلط بس انا بصراحه بقي في كلمتين محشورين في زروي مش هقدر مقولهمش عشري.....قولي ليله.....هو انا ليه حساكم باردين اوي كده كلكم يعني فضل ليه عذره مضايق بس انتوا ليه مش بتدخلوا و متقوليش عشان هو اللي طلب كده يوم مشكلتنا يا عشري محدش سابكم لا من صحابك ولا من صحابي بالعكس ده كلهم ساعدوك في جوازك مني حتي بصراحه فضل مستغرباه انا لو مش عارفه فضل كوبس كنت قولت انه محباش عشري....عشان في فرق يا ليله كبير بين مشكلتنا و بين اللي حاصل مع نعيمه و فضل وقت مشكلتنا انتي لما سافرتي كان في سبي كان في مشكله كان في وجع كان في طرف علي حق اللي هو انتي و طرف غلطان اللي هو انا كان لازم لما تسافري وتختفي اقلب الدنيا عليكي لحد ما ارجعك كان لازم اتحمل اي رد فعل منك لاني عارف كويس اني غلطت في حقك هما كمان ساعدوني لانهم معانا في المشكله دي شافوها و عرفوها انما اللي بين فضل ونعيمه مختلف مكانش في مشكله و لا في اي حاجه حاصله بينهم فضل اتفاجئ زيه زي الكل بسفرها و مش بس كده بعتتلوا حاجته مع نادين و فتحها قدامهم وهو مش عارف هيلاقي ايه و بعد ما كلنا عرفنا ان نعيمه سافرت عرفنا هي عملت ده بإرادتها قالت في كل رسايلها ان مفيش حد مزعلها ان فضل معملش حاجه و انها حابه تبعد و ان هي عايزه تفصل حتي لما اتكلمت مع فضل قالي ان نعيمه لما اتكلمت معاه قالتلوا ان هي بدأت تحس ببرود وده معناه ان نعيمه لما سافرت و قررت تبعد كانت عايزه ده بمزاجها مكانتش عايزه حد يروح وراها ولا يقلب عليها الدنيا و لا سابت فرصه حتي لفضل انه يعمل عشانها المستحيل و لا سابتلنا احنا حتي اي فرصه ندافع عنها او نخلقلها اعذار قدام فضل اللي حاسس ان كرامته اتهانت ليله....مش لازم يا عشري يكون في سبب ظاهر يعني ان حد فينا يوصل للحاله النفسيه دي مره واحده كده اكيد عنده سبب حتي لو حابب يقولوا يعني فضل علي الاقل قبل ما ياخد الموضوع علي كرامته يحاول عشان لما بقرر يبعد يبقي ضميره مرتاح انه عمل اللي عليه لكن هو مره واحده خد موقف و رافض ان اي حد يتكلم معاه طيب يشوفها الاول فيها ايه حاسه بايه ايه اللي وصلها لكده عشري محمود اخوك لما حصل معاه كده كلكم كنتوا هتتجننوا عليه رحمه خطيبته موقفها كان زي موقف فضل بالظبط مره واحده لقت خطيبها و حب عمرها بيقولها انه هيسيبها و يسافر و يبعد فضلت متمسكه بيه ولا زعلت و لا حست ان الموضوع جاي علي كرامتها ولا حتي قالت لاهلها كانت عارفه انه بيمر بظرف نفسي غصب عنه ضاغط عليه و مخليه بيتصرف غلط و لما راح العمره ورجع مقالش سبب للي كان حاصل معاه زي ما انت بتقول كده ان مفيش سبب لنعيمه تخلينا نعذرها او ندافع عنها صح ولا انا بتكلم غلط عشري.....ماشي صح بس تختلف شويه يا ليله من راجل لست ليله.....يعني ايه هي الست المفروض انها تحب اكتر من الراجل المفروض انها تخلق اعذار و تيجي علي نفسها والراجل لا عشري....مقولتش كده بس الست بتقدر اكتر موضوع النفسيه دي عن الراجل الراجل ممكن ياخد الموضوع شويه علي كرامته ليله.....يعني انا لو مكان نعيمه يا عشري هتسيبني قول بصراحه عشري......خد نفس لا انتي مكان نعيمه ولا انا مكان فضل يا ليله ليله....عشري رد علي سؤال انا لو مكانها هتاخد الموضوع علي كرامتك و مش هفرق معاك وهتسيبني عشري....لا يا ليله و ده مش معناه ان فضل مبيحبش نعيمه جايز طباعنا تختلف او جايز عشان الموضوع لسه في الاول هو اتصدم من الطريقه اتجرح شويه اتحرج مننا و قدام اهله انه يتساب بالشكل ده انا يمكن لو مكان فضل مش هيفرق معايا اي حد غيرك بس كمان انا مش مكانه و معرفش هو خس بايه وقتها يمكن في بينهم كلام ومواقف احنا منعرفهاش يمكن فضل حس من كلام نعيمه معاه انها مش حابه تكمل او حاسه انها اتسرعت مش عارف بس في حاجه مش مفهومه كل اللي انا عارفه الوقت ان الموضوع لسه سخن لما يهدأ شويه انا واثق ان هيبقي فيها كلام تاني انا عايزك بس تفهمي حاجه انا مش مع فضل علي نعيمه عشان هو ابن عمتي بالعكس نعيمه غاليه عندي و بعتبرها اختي و مش سهل عليا اشوفها مع حد غير فضل ولا اشوف فضل مع غيرها و لا اشوف اصلا اللي حاصل بينهم ده بس كمان انتي لازم تتكلمي مع نعيمه و تفهمي منها اكتر يعني هي مش هتخبي عليكي اعرفي منها هي بجد بتحب فضل ولا حاسه انها اتسرعت عشان لما نتكلم احنا مع فضل نبقي بنتكلم عن رجوع فهماني ليله.....فهماك بس عشري انا قلبي واجعني بجد و اللي مجنني اكتر انها سافرت قبل ما انا ارجع لو كنت هنا مكنتش سيبتها تسافر و لحد الوقت مبعتتش عنوانها عشان عارفه اننا مش هنسيبها و كمان انا مش عايزه اضغط عليها في موضوع العنوان ده عشان متقفلش موبايلها عيزاها تبقي مطمنه اننا سيبينها براحتها ترتاح و الاهم من كل ده ان كل ده حصل بعد ما اتجوزنا عشري.....ليله ملكيش دعوه بجوازنا لو انتي فاكره اننا عشان اتجوزنا الحياه هتتغير و ان انتي تجري وراء صحابك دي حاجه هتضايقني تبقي غلطانه لو عرفتي منها العنوان و عيزاني انا وانتي نسافرلها من بكره هعمل كده عشان مش عايز اشوفك مضايقه ولا عايز اشوف في عينك احساس انك مقصره مع نعيمه ولا عايز نعيمه تحس ان جوازك او جواز ايمي او جواز نادين لخمكم عنها فهماني فا اطمني يا قلبي لو عرفتي مكانها وحابه تروحيلها من بكره هتكوني عندها و اوعي تحسي في يوم انك ممكن تقصري معاهم عشاني فاهمه يا ليله ليله....بابتسامه هاديه انا بحبك اوي يا عشري عشري.....وانا بعشقك يا قلب عشري مش عابز القمر بتاعي يضايق و لو جابه نصيحتي بجد خلينا نستني شويه كمان نعيمه تهدا وتفكر و هو كمان بهدا وينسي اللي حصل و يمكن ده يكون في مصلحتهم مش جابز بعدهم عن بعض يخليهم يفتقدوا بعض هي فضل بوحشها وتحس انها اتسرعت وغلطت و هو كمان يندم انه محاولش مسمعش فهماني ليله....فهماك يا حبيبي و يمكن معاك حق عشري....يبقي القمر بتاعي يضحك وبلاش ينكد علي نفسه ممكن ليله.....بحب ممكن قولي بقي كلت عشري....اه يا حبيبي الحمد لله ليله.....طيب يلا قوم انزل و انا هشيل الاكل و احط الاطباق في الحوض و هنزل عشري.....لا يلا انا مستنيكي تعالي نشيل و ننزل مع بعض ليله.....اوك . قاموا شالوا السفره رجعت كل حاجه مكانها و سابت الاطباق في الحوض و بعدين نزلوا. ليله.....بقولك ايه تعالي اشوف امونه الاول عشري....بابتسامه يلا بينا ناخد دعوه حلوه قبل ما نمشي ليله.....يلا. راحوا علي البيت فتح عشري و بعدين خبط عشان لو في حد من البنات قاعد براحته مكانش في غير امينه امينه.....يا صباح العسل ليله....بابتسامه صباح السكر علي احلي امونه انا قولت اجي اشوفك قبل ما اروح شغلي عشري.....حصل و طمعانين في دعوه حلوه يا ست الكل امينه......حبايب جلبي الله يسعد قلبكم و يريح بالكم و يچعلكم في كل خطوه سلامه و ستر و يچعل يومكم هنا و رزق و يحفظكم من كل سوء ورضي ليله....بحب و يخليكي لينا يا احلي امونه قوليلي بقي مش عايزه حاجه اجيبهالك و انا جايه امينه....عيزاكي طيبه خدي بالك علي حالك ليله....حاضر يا حبيبه قلبي عشري....يلا يا ست الكل مع السلامه امينه....سلام يا حبايبي .................. عند نعيمه صحيت من نومها عملت كل التدريبات اللي قال عليها الدكتور فطرت و قعدت شويه و بعدين قامت رتبت باقي حاجتها و فضلت تروق في البيت و تنضفه كانت مشغله قران و كانت حاسه ان عندها طاقه عابزه تعمل حجات كتير سمعت صوت موبايلها بيرن راحت بصت عليه لقتها ليله نعيمه.....بابتسامه الووو ليله....صباح الفل علي القمر نعيمه....صباح النور يا قلبي ليله.....اخبارك ايه انهارده نعيمه.....كويسه الحمد لله يا لولي ليله......بتعملي ايه نعيمه...اممم ولا حاجه بس حسيت اني زهقانه قومت انضف شويه و اعمل كام حاجه كده و كنت جايبه حجات برتبها بكره رمضان بقي و بستعد ليله.....كل سنه وانتي طيبه نعيمه....وانتي طيبه يا عمري ليله....مش كان احسن لو كنتي معانا الوقت نعيمه.....نصيبي كده يا لولي و بعدين يعني حتي لو كنت في مصر ما انا برضوا كنت هفطر من غيرك ليله.....لا كنتي هتفطري معايا او مع امك بس هقول ايه مضطره اسكت لساني بدل ما اشتمك نعيمه....بضحك لا خليها عليكي بقي انتي رايحه فين كده صوتك في الشارع ليله.....اه نزلت كفايه كده بقي هشوف الشغل نادين كفرت كل حاجه علي راسها المهم مش ناويه تبعتيلي عنوانك ولا حضرتك ده سر حربي و خايفه اطب عليكي نعيمه..... بابتسامه لا با ستي مش سر حربي هبعتهولك انا نسيت بس هيعتهولك عشان تبقي متطمنه مش عشان تطبي عليا ليله.... يابت بطلي قلة ذوق و لسانك اللي عايز قطعه ده بدل ما تقوليلي تنوري نعيمه....بضحك تنوري طبعا بس والله يا لولي انا بخير و عايزه الفتره دي اكون لوحدي ليله.....ماهو انا مش مرتاحه يا نعيمه و بجد انا ساكته عشان عارفه ان نفسيتك مش احس حاجه بس بجد انا مضايقه و مش قادره اسيبك لوحدك من غير ما اعمل حاجه او اكون جنبك نعيمه.....انا مش لوحدي انا معاكم اعتبريني في البيت و بعدين حتي لو جيتي مش هرجع معاكي يا ليله الا لو حسيت اني عايزه اعمل كده فهماني كل اللي عيزاكي تعرفيه ان السفريه دي جات في وقتها اعتبريني بتفسح بعمل شوبينج عندي شغل كده كده هرجع باذن الله متقلقيش ليله.....ماشي يا نوني لما نشوف اخرتها معاكي بس اتمني متطوليش نعيمه.....حاضر ادعيلي انتي بس ليله.....بدعيلك يا قلبي و عشان خاطري ابعتيلي العنوان حتي عشان ابقي متطمنه عليكي يا نعيمه نعيمه....حاضر والله هبعتهولك ويلا روحي شوفي شغلك بقي خليني انا كمان اشوف اللي ورايا ليله.....بضحك اه يا اوطي من الرصيف عملتلي فيها ست بيت روحي يا اختي يلا نعيمه.... بضحك بحبك يا جزمه ليله....وانا بموت فيكي يا قلب الجزمه خدي بالك من نفسك ماشي نعيمه....حاضر وانتي كمان علي مهلك و بوسيلي البنات لو شوفتيهم ليله....حاضر يا قلبي يوصل باي نعيمه....باي يا روحي ................ عشري.....ها قول في ايه انت وهو مبرتاحش لسكوتكم ده بحس وراه مصيبه سليم....ياعم ولا مصيبه ولا حاجه هي خدمه عايزينك تقف معانا فيها قدام ابوك عشري....تبقي مصيبه الله يستر عدي....والله ما مصيبه هو احنا وشنا مكتوب عليه شكل للبيع كل الحكايه في مشروع حلو و مضمون و انا وسليم بنفكر فيه من بدري و كنا مستنين نجمع مبلغ محترم عشان ننفذه و نلاقي مكان و الحمد لله المبلغ اتجمع و المكان لقطه يا عشري ميتسابش اهووووو شاور علي محل كبير علي الصف التاني واخد مساحه الارض كلها من تحت عشري.....ده ايه ده؟ و مشروع ايه سليم.....مغسله عربيات بس بتقنيات حديثه و شغل عالي يعني تظبيط عربيات صيانه خفيفه كده يعني عشري.....اممم طيب حلو فين المشكله عدي....ابوك المشكله ممكن يرفض عشري....ومن امته ابوك بيرفض او بيقف لحد في حياته سليم....ماهو ده بره شغلنا اينعم احنا زي ما احنا معاكم وانا و عدي هنظبطها و نقسمها و معانا كام شاب من صحابنا هيشتغلوا معانا بس خايفين يرفض عشري.....و يرفض ليه ادام مش هتسيبوا الشغل و هتعرفوا تظبطوا الدنيا سيبوها عليا متقلقوش المهم محتاجين اي فلوس عدي....ربنا ما يحرمنا منك هو لحد الوقت مش محتاجين سليم....ويعني لو عرفت تهز المبلغ مع صاحب المكان شويه تبقي عملت معانا جميل اكبر و وقتها مش هنحتاج فلوس عشري.....ماشي نهز المبلغ بس مش شايفين ان مساحته كبيره عليكم عدي.....يمكن في البدايه اه بس هو مينفعش يتساب سليم.....بس مانساش ان في مكنه رفع للسيارات هتاخد مكان كبير و هنقسم احنا الدنيا عشري.....حتي لو المساحه كبيره يا سليم دي حواي 600 متر سليم....ماهو احنا ماسكين في المكان لانه زي ما انت شايف قدام شغلنا يعني يادوب نعدي الطريق نبقي هنا و احنا بقالنا فتره بنحاول نشوف المحلات حوالينا يا انا مساحات صغيره ميتعملش فيها حاجه او مفيش خالص مصدقنا عشري.....امممم طيب انا موافق هتكلم مع ابوك و هتكلم مع صاحب المكان علي المبلغ و اعتبروا كل حاجه خلصانه و المكان بقي بتاعكم حتي لو من بكره عايزين تفتحوا معاكم بس ليا شرطين عدي..... بابتسامه قول عشره سليم....يا سيدي احنا موافقين من قبل ما نعرف عشري....لا يا اخويا منك ليه اعرفوا شروطي بس قبل ما تعرفوا فلوسكم حاضره سليم....اه حاضره اشمعني عشري.....عشان لو حاضره بليل او بكره تكبتوا العقود سليم....طب احلف كده عشري....ياض مش مصدق كلمتي ولا ايه سليم...لا بس عايز اضمن ابوك الاول عشري....اضمن شروطي الاول ابوك امره سهل عارف انه مش هيرفض عدي.....طب قول شروطك شكلها صعبه عشري.....والله يمكن عموما اول شرط اكون شريك معاكم بالتلت يعني كل واحد فينا يدفع قد التاني بصوا لبعض بابتسامه سليم....موافقين طبعاً ده كده هتشيل عننا كتير و هنقدر نجيب كل الخامات والمكن اللي هنشتغل بيه ومفيش حاجه هتعطل معانا عدي.....ياعم نقرا فاتحه احنا نطول نشاركك يا كبير ضربوا عشري علي راسه عشري.....اعرف الشرط الاهم الاول انا مش هبقي شريكمم في الشغل اصلا وليا ليا علاقه بيكم ولا بشغلكم شرطي التاني هاخد 100 متر و يتقفلوا كأن المكان منفصل يعني ليه باب و ليه كل حاجه خاصه بيه بصوا لبعض تاني بس بأستغراب عدي.....هتعمل بيهم ايه ؟ سليم....هو في كل الاحوال زي ما انت قولت المكان كبير و مش هنحتاج المساحه دي بس فهمنا عشري....ملكوش فيه بقي انا هشارككم في المكان و هاخد منه بس 100 متر و الباقي حلال عليكم عدي ...طيب قولي هتعمل فيه ايه كافيه يعني اصل لو كافيه مش هتبقي ظابطه مش عشاننا عشانك انت مكانه جنب المغسله مش هيبقي مناسب عشري....لا اطمنوا مش كافيه هتبقي حاجه خاصه بالعربيات برضوا سليم.....تمام انا عن نفسي موافق عدي.....وانا كمان موافق جدا عشري....خلاص هروح الوقت اتكلم مع ابوكم و بعدها تبقوا تتصلوا علي الراجل سليم.....بس لو كده نتصل بس نعرفوا ان المكان تمام خلاص و نبقي نخلص معاه بكره او بعده عشان نيجب الفلوس عشري....علي كيفكم انا هقوم الوقت و هرجعلكم بعد شويه قبل ما اروح علي الكافيه الجديد سليم....ماشي يا اخوي الله لا يحرمنا منك عدي.....طمنا هااا عشري.....قولتلك اطمن خلاص ...................... في المطعم عند ريهام كانت قاعده و مش حاسه بنفسها تفكيرها كله مع محمود اللي من امبارح الضهر مشي مضايق و معداش عليها بليل وهو رايح شغله و لا عدي عليها انهارده كانت عمتله تفكر تبعتلوا و تسأل عليه عادي ولا لأ محستش بنفسها غير وهي بتتصل بيه... رن لحد ما فصل و مردش اتكسفت تتصل تاني بس بعتتلوا ڤويس ريهام.....ازيك يا حودا اخبارك ايه انا اتصلت وانت مردتش مش عارفه مشغول ولا نايم ولا انت مش عايز ترد عموما انا بطمن عليك عشان امبارح كان باين انك مضايق حتي معدتش عليا بليل و لا عديت انهارد زي ما بتعمل يارب تكون كويس بعتت و سابت الموبايل و شويه ولقت لياه بتفتح الباب ليله.....السلاااام عليكم ريهام....بابتسامه واسعه اهلاااا بالعروسه ليله....بضحك حضنتها عروسه ايه بقي خلاص قدمت ريهام....قدمتي ايه هتفضلي عروسه سنه قدام و بعدين نبقي نشوف حوار قدمتي ده عامله ايه ليله.....زي الفل الحمد لله انتي اللي عامله ايه و اخبار الشغل ايه ريهام....كله تحت السيطره صحيح انتي جايه ليه ليله....بضحك نهار اسود عليا امشي ريهام....بضحك لا والله مقصدش ده انتي منوره ليله....ااااه كفايه بقي قولت انزل اشوف الشغل ابص عليكي و اشيل شويه عن نادين و بصراحه مش واخده علي الراحه دي ريهام....هو بيني وبينك الشغل طلع حلو اوي يعني لما تعبت و محمود كام بيجي بدالي كنت هتجنن وانزل و يمكن كنت مش قادره خالص بس كمان كنت حاسه ان في حاجه نقصاني ليله.....طبعاً اللي بياخد علي الشغل يا ريهام لما بيقعد بيحس بملل وفراغ و بيحس اصلا ان الحياه غريبه عليه يمكن انا طول الفتره دي اكيد مبسوطه بس حاسه ان ناقصني حاجه ريهام....معاكي حق بصراحه الشغل بيضيع الوقت و بيخليكي تحسي ان انتي ليكي لازمه ليله....دي حقيقه بس قوليلي مبسوطه يا ريهام ريهام....اوي والله يا ليله التيم هنا يجنن و الناس يجننوا و في راحه كبيره و زي ما قولتلك يمكن اول مره احس ان ليا لازمه يمكن موضوع الشغل كان في بالي طول الفتره اللي فاتت بس كنت عادي لاني مكنتش جربت و اوقات كنت احس ان اخواتي معاهم حق مش هعرف مش هقدر مش هسلك مع اي حد و مكنتش بحس بحوار اني ليا لازمه ده خالص بس لما جربت لا الموضوع اختلف ليله....طيب قوليلي حياتك قبل الشغل اتغيرت بنسبة قد ايه بعد الشغل ريهام.....ينهار اسود و منيل لا ده كتير اوي بصي قبل الشغل انا كنت بنت عاديه قاعده وسط عيلتها الصغيره مش بتشوف غيرهم و لا تعرف حاجه عن العالم الخارجي غير بعينهم هما و شويه كنت ست بيت و شويه بنت مستنيه نصيبها من شخص هي واثقه ان معرفتها بيه هتبقي صالونات او يمكن ميبقاش في نصيب خالص و افضل مع امي بس بعد الشغل لا الحياه اتغيرت تماما بقي في طاقه اكتر بقي في روح بقيت اشوف العالم الخارجي ده بعيني انا مش بعين حد غيري اتعاملت مع الناس عن قرب و لوحدي من غير ما اخواتي يبقوا معايا اااا كمان حسيت اني بعمل حاجه يعني مثلا انا في الشغل هنا بتسأل ينفع نعمل ده ينفع تجربي ده ينفع تقولي رايك الاول انا اللي كنت بسأل فهماني يعني عارفه احساس لما الحاجه تتعمل من خلالك و من خلال موافقتك بتحسي وقتها انك ليكي قيمه كمان انا كنت بسوق بس مش ديما كنت بتعامل مع ناس عادي بس مش بطريقه مباشره اقصد اني مكنتش محبوسه بس انا حاليا بحريتي اكتر كملت بضحك ليله انا بقيت تحط بنزين و ازود العجل و اعمل حجات كتير لوحدي الاول سلامه او ميدو لما كانوا يشوفوا المؤشر نازل يروحوا هما يحطوا بنزين يزودوا عجل يصلحوا و انا بركب عالجاهز هي اه الراحه حلوه بس برضوا احساس انك بتعملي ده حلو اوي برضوا ليله..... بضحكه جميله بس الواضح انك مبسوطه ريهام.....جدا والله يا ليله حصلت نقله في حياتي و تغيير و متتخيليش اليوم بتاع عيد ميلاد المطعم و الاحتفال اللي حصل ده غير فيا قد ايه انا بجد كنت طايره احساس انك تشوفي في عيون كل الناس السعاده و ماشيين وهو مبسوطين و راضيين بسببك حاجه حلوه فكره انهم يطلبوا ده تاني اصلا في حد ذاتها بسطتني حسيت اني شاطره ليله.....انتي شاطره فعلا يا ريهام انا شوفت بنفسي الفيد باك بتاعت الجيست تجنن و ده معناه انك بجد شاطره و اشطر مما تصورت كمان و بجد انا مبسوطه عشان انتي مبسوطه ريهام......اللي انا فيه ده بسببك يا ليله لو مكنتيش اقنعتي اخواتي و جازفتي بيا مكنتش هبقي هنا ليله....بالعكس انا كنت محتجالك مش انتي اللي محتجالي و انا مجرد سبب مش اكتر انتي اللي شاطره و عندك طاقه وافكار و مجهودك واضح في فتره بسيطه اوي المطعم اتغير ايرادات شغل جيست حماس حقيقي اتغير ريهام....حبيبه قلبي والله طيب قوليلي انا في سؤال مجنني ليله....بضحك لا انتي كده كده مجنون قولي ريهام....هو المكان بيتقفل في رمضان ليله.....لا طبعا هيتقفل ليه ريهام....يعني الناس بتفطر في بيتها وكده ليله.....بضحك لا طبعا المطاعم بتشتغل عادي و بعدين يلا طلعي افكار حلوه بقي لرمضان و عيشي و بخصوص الشغل هنظبطها مع بعض يعني حد يجي قبل الفطار يشوف الشيفات و طلباتهم و يطمن ان كل حاجه تمام و حد ييجي بعد الفطار ريهام....هو انا معنديش مشكله اجي قبل وبعد يعني ممكن اجي الصبح و امشي قبل الفطار بشويه و ارجت تاني و انتي لو حابه تيجي تعالي بعد الفطار لان قبل انتي حضرتك متجوزه الوقت يعني وراكي اكل و تظبيط انما انا لسه سنجل ليله....بضحكه جميله و انا برضوا مش هتفرق معايا و ملكيش دعوه بحوار الاكل والبيت هعرف اظبط اموري متقلقيش ريهام....ماشي بس خليكي بعد الفطرا احسن لياه....هنبقي مع بعض اكيد و هنتفق اليوم اللي هحس اني مش هقدر او مش هلحق هبلغك قبلها بيوم ماشي ريهام....اشطا انا نسيت اسالك تشربي ايه ليله...هشرب قهوه بس تعالي ننزل و نشوف الدنيا فيا ايه و ناخد القهوه تحت ريهام....يلا بينا. ...................... عند عشري.. قرب عدي و سليم منه هو وابوه عشري الكبير.....بنظره هيبه قلقتهم خير يا ولاد عشري محتاجين اخوكم يتوسطلكم سليم....بص لعشري لقاه مبتسم و بيغمزلوا فا ارتاح ااا لا يا باااه الحكايه مش كده بس عشري الكبير.....ابتسم بهدوء الله يچعلكم سند و ظهر لبعض احكي مع الرچال و شوف متي بتريد نسجل قرب عدي بسرعه نزل علي ركبته و باس كف ايده وقرب سليم بفرحه باس راسه ضحك عشري عليهم عدي....الله يخليلنا اياك يا باااه سليم.....الله لا يحرمنا منك و صدقني شغلنا هنا ملهوش علاقه بالشغل هناك مش هنقصر في شغلنا والله عشري الكبير....بعرف زين انا مخلف رچاله تقدر تقوك بألف مصلحه و لو عليا اريد اشوفكم بتكبروا عشري.....اي خدمه متنسوش الحلاوه بتاعتي عدي.....بضحك اطلب واتمني سليم.....طلبات اوامر تتنفذ حالا عشري....بضحك وهو بيقوم تطلعوا من راسي و بلاش المحكم مع بعض عشان بعرف ان فيها مصيبه سليم....بضحك ربنا ما يجيب مصايب و يخليك لينا يا غالي عشري.....ويخليكم ليا و يخليلنا اياك يا باااه كلموا عاشور يجي علي 12 اكون رجعت ماشي عدي....ماشي هكلموا الوقت عشري.....بتريد شي مني يا باااه عشري الكبير......بريدك طيب الله يسهل عليك باس عشري راسه و بعدين مشي عشري الكبير....يلا انت وياه علي شغلكم و ساعدوا الشباب في الزينه عدي....بضحك هنقلبهالك خيمه رمضانيه يا كبير سليم.....يلا بلاش رغي سيبوا يشرب قهوته جريوا و هما مبسوطين اوي ابتسم ابوهم بحب و دعالهم .............. نادين.....نغم انا هعمل تليفون بره و هرجعلك تاني ماشي نغم.....ماشي خدي راحتك نادين....متخافيش انا بره علي الباب مش هبعد نغم....ماشي يا نودي خرجت نادين بره و فتحت الموبايل لقت اشعارات بتوصل اتصالات من عسال و رساله حست بتوتر اتصلت بسرعه عسال......ايه يا حبيبي نادين....انت كويس عسال....اه ليه نادين....حرام عليك اتخضيت لاقيت اشعارات بتيجي وراء بعض عسال....بابتسامه انا كويس يا قلب بابي بس قولت اجرب يمكن يرن و بعد كده قولتلك لما تشوفي المسدچ كلمبني ضروري نادين....اهي ضروري دي بترعبني بحس في مصيبه عسال.....بضحك حقك عليا انا والله بخير كنت عايز بس اقولك اني هعدي عليكي علي تسعه كده نادين......ماشي هكون خلصت اصلا و احتمال اشوف ليله عشان كانت هتروح معايا الماركت عسال.....لا كنسلي بقي ليله عشان انا كنت جايلك عشان كده عايزه تشوفيها لحد ما اجي اوك بس متجيبيش حاجه نادين.....لا بص انا بحسبك عايز تشوفني عادي بس لو عشان تيجي معايا لا عسال....هو ايه اللي لا انا عشان دماغك الناشفه دي اصلا جيبت كل حاجه خلاص و معايا في العربيه و كنت هجيلك علي البيت نادين...ميدو انت بتهرج بجد عسال....اه بهرج عايزه حاجه نادين ...بابتسامه احراج ااا ميدو بجد ليه عملت كده عسال....هو ايه اللي ليه عملت كده انتي عبيطه يا نادين و لا ناسيه انك مراتي نادين....بابتسامن واسعه ااا لا مش ناسيه عسال....طب نظبط كده عشان مبعتش اجيب جوزك يروقك نادين....بضحك لا بلاش مبقدرش عليه ده عسال....بضحك ولا يقدر يجي جنبك قوليلي بقي انتي خلصتب ولا خرجتي تكلميني نادين....انا خرجت اكلمك و اشوف ليله بس لما لاقيتك باعت اتخضيت عسال.....ماشي يا قلبي اتصلي بقي علي ليله و عرفيها انك كنسلتي حوار الماركت ده بس لو خلصتي شغل و حابه تروحيلها احد ما اجي روحي نادين....هو انا لسه قدامي شويه بس هكلمها ونتفق و هشوف هعمل ايه و اقولك عسال....ماشي يا حبيبي خدي بالك من نفسك نادين....حاضر وانت كمان عسال....باي يا قلبي نادين....باي قفلت واتصلت علي ليله نادين....هاي نودي ليله....هاي يا صغنن نادين....انتي فين في المطعم ليله....اه خلصتي ولا ايه نادين....لسه قدامي شويه بس بقولك ايه مش هروح خلاص ليله..... ايه ده ليه انا تقريباً فاضيه يعني قاعده بس مع ريهام و معاكي اي وقت نادين.....اصل ميدو كلمني و قالي انه هيعدي عليا الساعه تسعه و قولتلوا اني هروح معاكي قالي لا كنسلي انا جايبلك حجات كتير عشان كده هيعدي عليا ليله....اممم فهمت طب ايه مش هشوفك يعني نادين.....لا هشوفك بس انا قدامي حوالي ساعه هتفضلي موجوده ولا عايزه تروحي بدري ليله.....لا لسه طبعاً هو انا لحقت موجوده بصي خلصي و تعالي انتي علي المطعم ايه رايك نادين.....ماشي تمام هوصل نغم في طريقي واجيلكم ليله.....ماشي هستناك يا صغنن سلمي علي نغم نادين....يوصل يا قلبي يلا باي ليله....باي .............. عدت كام ساعه و نادين راحت لليله بعد ما وصلت نغم قعدوا مع بعض شويه و ظهرت الرؤيه ان بعد بكره هيكون رمضان و بكره المتتم لشعبان و ظهر في عدد من الدول ان رمضان بكره و من ضمنهم كانت نعيمه.. واتصلوا بيها و كانوا عمالين يضحكوا عليها. نعيمه.....بابتسامه انتوا فرحانين فيا طب علي فكره بقي انا مش مضايقه ليله.....لا يا شيخه بس احسن فرحانه فيكي اه نادين....مش لو كنتي معانا كنتي صومتي زينا نعيمه....بت غوري انتي وهي و لا هعبركم ليله ...يا عيني علي اللي هتتسحر بليل هبقي اتصل بيكي بعد الفجر اكل كده واتسلي معاكي نادين....وانا كمان يا نوني هاكل مع ليله نعيمه....يارب البريود تجيلكم اول يوم ليله ونادين ضحكوا و وطت الصوت بسرعه ليله....بضحك يخربيت امك فضيحه نعيمه..... بضحك احسن تستساهلوا يلا يا جزم امشوا اما اشوف هعمل ايه ليله.....بضحك يلا باي يا قلبي نادين....متنسيش الزبادي يا نوني نعيمه.....بضحك اه يا حيوانه قفلت في وشها و فصلوا يضحكوا عليها و طلعوا لريهام كانت قاعده عقلها شوبه مع محمود شاف المسدچ و مردش ولا اتصل دخلوا البنات عليها رجعت تاني معاهم تهزر و تضحك و وقت بسيط و مشيت نادين و ليله كمان قالتلها انها هتمشي و سابوها.. ........... ليله.......لسه شايفه المسدج بتاعتك و انت طيب يا عمري عشري....تصدقي بالله يابت انتي واطيه ليله.....بضحك الله الله ليه كده عشري.....من الصبح يا جزمه متصلتيش عليا موحشتكيش ليله.....علي فكره بقي انت كداب و كلمتك اول ما وصلت و بعدين ما انت متصلتش ايه موحشتكش عشري.....وحشتيني بس قولت اسيبك تشوفي شغلك براحتك و قولت هيبقي عندها دم و تتصل بس حتي المسدچ مردتيش عليها ليله.....مسمعتش والله حقك عليا وحشتني عشري.....بابتسامه غيظ ماشي يا ستي و انتي كمان انتي فين كده ليله.....انا لسه متحركه و مروحه عشري.....طيب علي مهلك ليله....حاضر انت هتتأخر عشري......ان شاء الله مش اوي يعني شويه كده و هتحرك علي زايد هستني معاهم شويه عشان سليم وعدي هيشتروا محل و هنخلص مع صاحبه و الشباب بيعلقوا النور في الكافيهات و بيظبطوا الدنيا هقف معاهم ليله....امممم طيب عشري.....عايزه حاجه ولا ايه ليله....لا بشوف كده هتتأخر ولا لا عشان اعرف اعمل اكل ايه مش عايزه اعمل حاجه تقيله اوي عشري.....متعمليش انا هجيب وانا جاي ليله ...بضحك علي جثتي قربت اتشائم من المطبخ زي ما بتشائم من الشاشه عشري....بضحك طيب ياستي اعملي اللي يعجبك بقولك ايه بتعرفي تعملي حواوشي ليله.....ااااااه با ابن اموونه جيتها ازاي دي طبعا بعرف عشري....بضحك اي خدمه المهم مش تعب عليكي ليله....تعب ايه ده بيتعمل بسرعه والله ما عارفه اقولك ايه علي الفكره السريعه دي ربنا يسترك يا شيخ عشري....بضحك ماشي يا بلطجيه امشي علي مهلك ماشي ليله.....حاضر يا قلبي يلا باي عشري....بقواك صحيح ليله.....هاااا عشري....لما توصلي تحت البيت كلميني ليله....اشمعني عشري....في حاجه ممكن اخليكي تاخديها من عند امي عشان علي ما أرجع ممكن معرفش اروحلها ليله....طيب اوك هكلمك عشري....سلام يا قلبي ليله.....باي ................... عسال.....الووو نادين....ايه يا حبيبي عسال....افتحي الباب انا طالع بصي يعني دقيقه بالظبط وافتحي نادين....اوك يلا مستنياك راحت ظبطت شكلها بسرعه و رجعت فتحت الباب ثواني و كان بيفتح الاسانسير و معاه اكتر من شنطه و معاه في ايده التانيه بوكس بتاع رمضان بصلها من وراء البوكس ومال براسه وابتسم نادين.....بضحك ده ايه القمر دي خدت منه البوكس و جريت علي جوه عسال....خدي يا بت تعالي سلمي الاول نادين.....استني هشوف ضحك عليها دخل وقفل وراه راح حط الشنط علي البار و قرب منها خنقها من رقبتها عسال.....اموتك بقي خدتي مصلحتك وجريتي نادين....ميدو ده فانوس و طمطم و عروسه عسال....بحب اه وفي مج و في حجات كتير يلا افتحيه نادين....بس هيبوظ شكله كده حلو عسال....قعد علي ايد الكرسي يعني هتفضلي سيباه كده يلا اتفرجي فتحته و فضلت تطلع من جواه الحاجه و هي مبسوطه اوي عسال.....عجبك نادين.....بحب قامت بسرعه حضنتوا وهو قاعد علي ايد الكرسي يجنن بجد ربنا يخليك ليا عسال....بضحكه جميله و يخليكي ليا يا احلي تويتي كل سنه وانتي معايا نادين...ميدووووو بحبك اوي عسال.... بضحك وانا بموت فيكي والله طيب تعالي نشوف باقي الحاجه نادين.....بعدين بقي عسال....بضحك قومي يا هبله في حجات لازم تتحط في الثلاجه نادين....طب روح روح حطها مسكها من كفها عسال.....تعالي يا عبيطه نادين....طب استني العروسه و طمطم خدتهم من التربيزه في حضنها ضحك عليها وخدها معاه علي المبطخ قعدت هي علي البار حضناهم و سيباه يطلع ساب الحاجه ورفع حاجبه عسال.....هااااااا وبعدين ممكن نسيب اللعب و نركز نادين....بابتسامه معاك اهو عسال....لا انتب مع طمطم و العروسه سيبيهم وتعالي نادين.....هيزعلوا عسال....بضحك بت هضربك تعالي شيلي حاجتك قامت بهدوء و راحتلوا كان جايبلها حجات كتير و بالاخص اللي هي بتحبها و مكسرات و شكولاته وتمر و عصاير و حجات كتير جدا نادين....ميدو انت ايه كل اللي جايبه ده بجد ده كتير اوي و بعدين انا لوحدي يعني لو نوني وليله موجودين معايا هقول عادي هيجوا بس انا مفيش حد بيجيلي عسال.....كله هيجيلك اكيد و حتي لو انتي مش لوحدك و بالمناسبه بقي القمر بتاعي هيفطر معايا اول يوم و هيتسحر بكره كمان وهيبات معايا نادين...بصدمه ابتسمت بتوتر ااا ابات فين عسال.....معايا هاجي اخدك بليل وهنتسحر كلنا مع بعض و تباتي و نفطر سوا تاني يوم كلنا نادين....ااا لا بص يعني ممكن افكر اوك بس اتسحر وابات لا مش هعرف عسال.....هو ابه اللي مش هتعرفي وبعدين مش باخد رايك علي فكره انا بقولك اللي هيحصل نادين....ميدو متهزرش هتكسف بجد ابات عسال.....لا ماهو انا جوزك علي فكره و حنون هوكلمك كده كده بكره نادين.....ابات ايه انت بتهرج مش هعرف عسال.....هتعرفي و بعدين ما انا ببات معاكي نادين....بس انا هنا لوحدي هناك مش هعرف عسال.....لا هتعرفي و هتباتي في حضني نادين....بضحك حضنك ايه يا مجنون لا طبعا عسال.....خلاص يا ستي نامي مع ريهام حلو كده نادين....ميدو وحياتي هتكسف بجد عسال....وحياتي انا قولي موافقه هتتبسطي والله اصلا هيعجبك الجو و انتي اللي هتقولي هبات معاكم كل يوم هزعل بجد نادين..... بابتسامه هاديه ااا طيب بس هنام مع ريهام عسال....موافق والله نادين....اوووف ماشي اما اشوف اخرتها معاك عسال....بحب ضمها اخرتها قمر زي تويتي كده يلا يا روح قلبي خلينا نخلص عشان عايز اشرب قهوه نادين.....يلا بينا ............. راح تامر عند زوزو و علق هو و محمود الزينه و النور زي كل سنه و ظبطوا كل حاجه و عملوا اجواء و بعدين روح .. الاجواء في كل البيوت كانت تجنن تحتفال تجهيزات و تحضيرات تقي كانت عماله تعلق هي واخواتها نسمه كمان كانت عماله تظبط اوضتها و تغير نظامها و تحط ديكورات تناسب رمضان كل واحد من الشباب كان مجهز بوكس للبنات و بيحتفلوا بيهم بطريقتهم سلامه اتصل علي ايه و قالها تنزلوا لحظه نزل ايه لاقته جايبلها طمطم كبيره قاعده علي الكنبه و جنبها بوكس كبير مليان حجات تجنن فانوس و اكتر من عروسه بوجي و طمطم وفنانيس و شكولاته ركبت جنبه و سلمت عليه و حست بخيال طمطم فكرت حد راكب ايه.....بضحك يا مجنوووون ايه ده نطت من الكرسي للكنبه سلامه ...بضحك اه متخلفه بتهببي ايه ايه.....بضحك دول ليا وحياة امك سلامه.....لا دول لخطيبتي ايه......مانا خطيبتك سلامه....ايه ده بجد انتي خطيبتي مسكته من التيشرت ايه....نهارك اسود انت خطبت عليا يا سلامه الكلب سلامه....بضحك بت سيبي التيشرت مش بتاعي ايه....من دولاب المسروقات سلامه....بضحك اه ايه رايك عجبوكي ايه....اوي والله العظيم سلامه.....كل سنه وانتي طيبه يا بومه ابه....بضحك بومه في عينك يا سلامه الكلب سلامه...يابت لمي لسانك و تعالي هنا انتي نطيتي زي القرقعلوز كده ليه ايه....بضحك طمطم حلوه اوي هشيلها ازاي دي سلامه......بضحك هي اللي هتشيلك ايه....كل سنه وانت طيب بجد حلوين اوي شكرا يا احلي سلامه في الدنيا سلامه.....باس كفها علي ايه يا احلي يويو في حياتي كلها كل سنه وانتي طيبه يا قلبي و رمضان الجاي تبقي في حضني ايه......بضحك طب ورمضان مينفعش ابقي في حضنك سلامه.....بضحك بعينك ايه.....انت تطول ده انا بجبر بخاطرك سلامه....بضحك لا مطولش طبعا يا اوزعه ايه.....علي فكره انا بحبك اوي ومش عشان طمطم و الكلام الفارغ ده يعني بس بحبك والله العظيم سلامه.....وانا بموت فيكي و يلا اتكلي علي الله خدي لعبك وحاجتك دي من هنا و ايه الشبشب اللي لبساه ده ايه.....ده اديداس اتنيل سلامه....بضحك اه يا جزمه امشي يا بت ايه.....لا والنبي خليني قاعده معاك شويه سلامه....لا مش فاضيلك انا ورايا تعليق زينه في الروف ايه.....بضحك اه يا تاااافه سلامه....بضحك اه انا تافه وكلنا عيله تافهه ايه.....ماشي يا عم يلا اتكل انا كمان مش فضيالك كنت بعلق زينه سلامه....بضحك ضربها ابو شكلك بحبك ايه.....وانا بحبك انزل بقي افتحلي و خد طمطم عشان مش هعرف انزل منها سلامه.....ماشي استني نزل و شال طمطم و هي نزلت خدت البوكس في ايدها حطلها طمطم في حضنها اختفت ايه......سلامه انت فين سلامه....بضحك هتعرفي تطلعي و لا هتتحشري بيها في الاسانسير ايه......بضحك مش لما اعرف اشوف الطريق الاول انت جيبت الحجم ده منين سلامه ....اي خدمه دي عموله عند منجد معرفه ايه.... بضحك ابو شكلك يلا امشي سلامه... بقولك ايه خدي بالك احسن طمطم تتحول في الاسانيير عفريته وتاكلك ايه.... وقفت و لفت بسؤعه الله يحرقك يا سلامه الكلب لا مش طالعه سلامه....بضحك والله بهزر يا هبله ايه......طب تعالي هات الاسانيير ياللي معندكش دم هشده ازاي سلامه......يابت اتلمي شويه لسانك عايز يتقطع قدامي يلا راح سحبلها الاسانسير ودخلها وسجلها رقم الدور ايه.....ما تجيب بوسه سلامه.... بضحك يابت اظبطي بقي الشيطاين هتتسلسل خلاص اما تطلعي برجلك بقي زوقي الباب ايه.....بابتسامه هزقوا انا وطمطم سلامه....ماشي يا قلبي لما اروح هكلمك ايه.....علي ما توصل اكون وصلت انا وطمطم يادوب سلامه....بضحك سلام يا هبله ايه.....مش هتجيب بوسه قرب باسها بوسه سريعه خطف كده ايه......في رمضااااان سلامه...بضحك يلا يا بوووومه ايه..... بحبااااك سلامه....بضحك وانا يا مجنونه باي ايه....باي ................. وصلت ليله و اول ما ركنت بصت علي البيت كان من اوله لخد تحت نور بطول البيت ابتسمت واتصلت علي عشري عشري.....هلا عمري ليله.... هلا جلبي عشري....بحب طب هاجي والله وانا بتلكك ليله....بضحكه مايعه و تتلكك ليه يلا تعالي عشري.....هاجي فينك كده ليله....تحت البيت اروح لامونه عشري....لا خلاص كلمتها ليله.....يعني اطلع عشري...اه اطلعي و انا معاكي احب فيكي شويه ليله....كان علي عبني بس الموبايل هيفصل عشري...لا مش هيلحق ليله.....ايه النور اللي علي البيت ده مين عمل كده عشري.....ظه محمود وعدي و سليم عشان رمضان و ظبطوا المدخل كمان ليله ....قفلت العربيه و دخلت علي البيت ايه ده ده في فانوس و حجات جميله عشري.....بضحكه جميله اي خدمه ليله....شكرا يا سيدي طيب يلا حب فيا بقي عشري....وحشتي قلبي ليله....بضحك وانت وحشت روحي كملت بخوف احييييييه عشري....بخضه في ايه؟ ليله...عشري قلبي وقف لقيت في وشي قطه سوده عشري.....اوووعي العفاريت ده شيطاني يا بلطلجيه ليله....اتلم والله اتخضيت عينها بتنور وقفت قلبي عشري....تلاقيها نطت من السور او دخلت وهما الشباب بيعلقوا بتخافي ولا ايه يا جبانه البت نوني عديتك ليله....لا مش بخاف بس رعبتني طلعت في وشي مره واحده استني هركب خليك معايا عشري....معاكي ليله.....انت مشيت ولا لسه عشري....لسه بس همشي ..... ليله....استني صوتك راح خليك معايا وصلت ليله وطلعت المفتاح ليله.....معايا عشري....معاكي يا قلبي طلعتي ليله...اه استني هفتح عشري...استني قبل ما تفتحي ليله...ايه قول عشري.....ادبني ثانيه واحده و هكلمك حالا بس متدخليش ليله....في ايه عشري...هكلمك حالا استني ليله....اوك قفل عشري و ثواني واتصل بيها ڤيدو كول ليله.....بابتسامه وهي رافعه حاجبها في ايه مش مطمنالك عشري....كل رمضان وانتي معايا و في قلبي و حياتي و حضني و دنيتي كلها ابتسمت باستغراب ليله...هو اللهم امين بس خير عشري....هو كده بحبك افتحي يلا ليله....عشري انت جوه عشري....جوه فين يا غبيه انا قدام الكافيه اهو يلا ادخلي بس ليله....ماشي هدخل فتحت ليله الاضاءه كانت مفتوحه بصت بصدمه وابتسمت وهو كان مبتسم و باصصلها بحب و عمال ينفخ دخان السجاير الريسيبشن كله كان في ديكورات و نحف رمضان و علي البار بتاع المطبخ ديكورات بتاعت فنانيس و علي السفره و الترابيزات كلها الدباديب بتاعت فنانيس شايله طبق و عليه تمر و عليه مكسرات و عليه حجات تجنن و فوانيس شيك اوي بنفس الوان البيت الاضاءه بتاعتها خارجه من كل مكان عامله شكل مع الرخام بتاع الارض يجنن ليله.....بضحكه تجنن يا مجنوووون عملت كل ده امته عشري.....بضحكه شقيه اطلعب كده علي الروف طلعت وهي معاه و مصدومه واول ماشافت الروف فضلت تضحك علي اول الدخله فانوسين كبار و ديكورات في القاعده تجنن و زبنه وانوار كان في بهجه غير طبيعيه ليله... بابتسامه عشري انت بتهزر بجد عشري....انزلي يلا اتفرجي علي المجلسين و غرفه الصلاه مفيش وقت نزلت بسرعه و بقت تتفرج وتضحك الديكورات تجنن و غرفه الصلاه شكلها مبهج بشكل يفتح النفس علي القاعده فيها طول اليوم تابلوهات عليها اسماء الله الحسنه وايات قرانيه بنفس الالوان كانت عماله تضحك و مبسوطه اوي عشري.....علي اوضه النوم بقي مفيش وقت ليله..... هو انا ليه حاسه اني هلاقيك جوه عشري....يارررريت فتحت ليله باب الاوضه لقت في بوكس علي السرير راحت قعدت بهدوء كان جايبلها بوكس رمضان مليان ورد ابيض و جواه فانوس و عروسه و مصحف و سبحه و مصليه عليها اسمها و شوكولاته كتير و عليه صغيره فتحتها كان فيها سلسله مكتوب عليها اللهم احفظها بعينك التي لا تنام .. ابتسمت بتأثر و بصتلوا ليله....طب ايه عشري.....بضحك بحبك يا ليله ليله....وانا بحبك اوي انت عملت كل ده امته وازاي انت نازل معايا وحتي لو رجعت جيبت كل ده امته و خلصت امته عشري....بحب لما مشيتي رجعت تاني عملتوا انا و محمود و سليم وعدي علقنا النور علي البيت و علقنا في الروف و ظبطنا الدنيا بسرعه ليله....طيب وجيبت كل ده امته عشري....بحب لا انا جيبت كل ده قبل ما نتجوز اصلا و كنت سايب الحاجه دي عند محمود في شقته ليله....بتهرج قبل ما نتجوز عشري.....بضحك اه ما كنت عارف ان بعد جوازنا باسبوعين تلاته رمضان هيجي فا جيبت كل ده و خليته عند حودا و بس طلعنا خدنا الحاجه من عنده هو والشباب ظبطوا المدخل و الانوار و الروف و انا كنت عمال اظبط البيت و كده المهم عجبوكي انا جيبت كل حاجه نفس الوان البيت زي ما بتحبي ليله.....عشري انت تجنن بجد ربنا يخليك ليا البيت شكله يجنن بجد حاسه ان رمضان جه خلاص عشري....بحب كل سنه وانتي في قلبي يا قلب عشري اوعي تلبسي السلسله الا لما اجي البسهالك ليله....بضحكه كلها تأثر مش هلبسها بحبك يا عشري عشري....وانا بموت فيكي ليله.....طب ايه هنفضل في المفاجات دي كتير عشري....لو هشوف ضحكتك دي علي طول هعملك كل يوم مفجاه ليله...اااا انت هترجع امته بقي عشري.....وحشتك ليله.....بضحك اوي يا متشرد عشري.....مش هتأخر والله انا هتحرك اهو و هرجع اعمل اللي قولتلك عليه و هاجي و علي فكره صحيح مكانش في حاجه عند امونه انا كنت عايز اقفشك عشان تشوفي المفجأه وانا معاكي ليله....بضحك قولتلي بقي ماشي يا سي عشري عموما مفجأه تجنن و ربنا يخليك ليا يا احلي حاجه في عمري عشري.....ويخليكي ليا يا تاج راسي يلا هقفل الوقت ليله.....علي مهلك طيب عشري....حاضر سلام يا عمري ليله.... سلام يا حبيبي قفلت معاه و هي مبتسمه و سعيده بصت علي السلسله و قفلت عليها كفها اوي و بعدين قامت تاني تبص علي البيت و افتكرت الاكل جريت بسرعه تجهز .................... نفس فرحة ايمي كانت زي فرحة البنات رجع رشيد علي البيت معاه ورد و بوكس و معاه حجات كتير فوانيس كبيره تتحط في الجنينه و زينه و نور ايمي كانت فرحانه و واقفه معاه وهو واقف علي سلم بيعلق النور و هي و چوي بيساعدوا چوي كمان كانت فرحانه اوي و متحمسه و هي و ايمي عمالين يضحكوا عشان رشيد خايف يوقعوا جابلها هي كمان فانوس و الجو العام كان يجنن وخلوا الجنينه و الريسيبشن جوه كله بهجه و استعداد لشهر رمضان و هي و چوي وقفوا يرتبوا الحاجه مع بعض و يفضوا المكسرات و كل حاجه رجع عشري علي زايد و خلص قعدتوا مع الراجل صاحب المكان و اتفقوا علي كل حاجه و بعدين طلع فتح الباب اول ما سمعت ليله صوت الباب بيتقفل خرجت من الاوضه بسرعه و راحت عليه ابتسم اول ما شافها قربت منه ضمتوا اوي ليله....وحشتني عشري....وانتي كمان وحشتيني اوي ايه القمر ده ابتسمت بهدوء و رجع ضمها تاني و خدها علي اوضتهم. .................. انا عند نعيمه حضرت السحور و قعدت كلت لقمه بس مكانتش حاسه انها بتتبلع حاسه في حاجه ناقصه حاسه بفراغ و فجأه تفكيرها كله راح لفضل كانت بتتمني في اللحظه دي تبقي معاه تقضي اول رمضان جنبه بس هو مبقاش موجود خلاص مسكت الموبايل و جابت الشات بتاعه و بصت علي اخر رساله فضل.....انا عمري ما هسامحك نزلت دموعها بهدوء سابت الموبايل و قامت شالت الاكل و رجعت كل حاجه مكانها و راحت اتوضت و صلت و فضلت تقرا قران ................. في صباح يوم جديد راح حسان هو كمان شاف سلمي قبل ما تروح شغلها واداها بوكس رمضان كانت مبسوطه اوي .. ................ نزل عشري و اخواته و استلموا من صاحب المكان المفتاح عشان كان عارفهم اوي و بيحبهم سلمهم المفتاح و قالهم المكان بقي بتاعكم خلاص لحد ما كل حاجه تبقي رسميه خد نص المبلغ و المحامي كان بيخلص الورق و بعدين لما يسجلوا في الشهر العقاري هياخد النص التاني .. راحوا فتحوا المكان و لحسن الحظ المكان كان يعتبر متقسم جزء كبير مفتوح علي بعضه و جزء اصغر شويه منفصل عنهم مساحة المكان طلعت بالظبط 650 متر و الجزء المنفصل كان اكتر شويه من 100 متر عشري.....طيب هو كده المساحه دي اكبر شويه من اللي طلبتها سليم.....مش مهم كده كده المساحه الباقيه كبيره اوي و كويسه عدي.....احنا مش هنحتاج اكتر من المساحه دي عشري....يعني تمام بالنسبالكم عدي....تمام اوي و لا ايه يا سليم سليم....اه احنا مش هنعمل بكل المساحه دي حاجه بالعكس دي كبيره و حلال عليك الجزء ده بس مش ناوي بقي تقول هتعمل فيه ايه عشري....بابتسامه صاحب المكان بقي يبقي يقولكم هو هيعمل ايه سليم.....صاحب المكان هو مش انت عايزه ليك عشري.....لا ده لفضل عدي.....بابتسامه انا كده فهمت عشان المشروع بتاعه صح عشري.....بابتسامه صح و بيتهيألي ده مش هيضايقكم في شغلكم هو في كل الاحوال هيعتبر المكان ده ورشه مقفوله عليه سليم.....لا طبعا مش هيضايقنا بس هو عرف عشري.....لا ميعرفش حاجه هروح اجيبه الوقت و اخليه يشوف المكان سليم.....ماشي يا حبيبي ربنا يسعدك يا عشري فضل هيفرح اوي عشري....عارف هو الفتره دي محتاج يفرح و يطلع طاقته في حاجه بيحبها يمكن ده يغير موده و نفسيته و نقدر نتكلم معاه لما يهدأ عدي ....عندك حق و متقلقش محدش فينا هيزعجوا خالص و هيبقي مرتاح كده كده هو ليه باب لوحده و المكان منفصل يعني هيعرف يشتغل بهدوء عشري.....تمام هروح اجيبه واجي عدي.....تمام سليم....يلا روح هاته عشان يفرح ابتسم عشري و هز راسه و راح يجيب فضل عشر دقايق ورجع بيه. فضل.....مبروك يا شباب ربنا يجعلها فاتحه خير عليكم سليم....الله يبارك فيك يا فضل ايه رايك في المكان فضل....ماشاء الله تحفه و المساحه الله اكبر حلوه اوي يعني هتعملوا فيها مشروعكم و انتوا مستريحين عشري.....طيب تعالي شوف المكان هنا خرجوا من الجزء الكبير راحوا علي الجزء الاصغر عدي.....ايه رأيك فضل.....تحفه والله اوي هنا ممكن تخلوا الجزء بتاع الصيانه لوحده يعني عشان يبقي منفصل عن المغسله بس طبعا براحتكم المناسب ليكم قسموا عليه عشري.....بابتسامه مسك كف فضل و حط فيها مفاتيح لا انت اللي هتعمل المناسب ليك بصلوا فضل و بص لعدي و سليم كانوا واقفين مبتسمين بص تاني لعشري وهو مش فاهم فضل.....المناسب ليا انا !! عشري.....بابتسامه اه مبروك عليك يا عم ورشتك الجديده و بقولك ايه انا عايز اخد من تحت ايدك عربيه محدش ركبها فضل.....بصدمه بصلوا يعني ايه عشري انت بتتكلم جد وافقت عشري.... بضحكه جميله اه يا عم وافقت و اهو انا شريك معاك بالمكان و انت بالمجهود اما بقي الخامات هنبقي شركاء فيها مع بعض فضل....وحياة اممممك عشري....بضحك وحياة امي حضنوا فضل بسعاده متتوصفش و عدي و سليم وقفوا يضحكوا بصلوا فضل بتأثر واضح فضل.....ربنا يخليك ليا يا عشري عشري....ويخليك ليا يا حبيب اخوك و ابقي عرفني لو العيال دي عملتلك ازعاج بس هنطردهم عدي....بضحك لا ولا هيحس بينا متقلقش سليم....انت في وقت فراغك تقفل عليك المكان وعيش فضل.....بسعاده لا ازعاج ايه يارب بس انا اللي معملش ازعاج سليم....اعمل براحت المهم تطلعلنا تحفه فنيه من تحت ايدك عشري.....هو وشطارته بقي مش متحمس وقارفني بمشروعه ده بقاله كتير يفرجني بقي فضل......وعد هركبك عربيه محدش في مصر ركبها عشري....وانا مستني وريني ابداعك فضل.....بضحك حط ايده علي راسه و هو مش مصدق ان اخيرا عشري اقتنع و هيشاركوا اوعي تكون بتهزر عشري....بضحك مالك ياض مخك فوت ولا ايه ما المفاتيح في ايدك اهي هات الخامات يلا و انطلق حضنوا تاني فضل و هو مبسوط و الشباب حضنوا و شويه و مشي عشري وسابهم مع بعض و كان مبسوط انه فرحوا شويه.. .............. قربت ايمي قعدت جنب محمود و قربت چوي حطتلوا القهوه و مشيت ايمي....ها يا سي محمود مالك بقي امك بتقولي ان مزاجك مش رايق و مأريف حتي و انت بتعلقلها الزينه مزاجك و حماسك مش زي كل سنه محمود....بابتسامه بسيطه امك دي مفتريه عملتلها اللي بعملوا كل سنه علي فكره واكتر روحي شوفي البيت بقي عامل ازاي ايمي.....انا مقصدتش انك مهملتش اقصد ان مزاجك مش رايق محمود.....اااا يعني شويه مأريف بس ايمي...طيب من ايه في مشاكل في شغلك او محتاج فلوس محمود....لا لا لا مشاكل ولا فلوس كله زي الفل والله ايمي...امال ايه ادام لا مشاكل ولا فلوس في ايه بالظبط صحيح اخبارك ايه مع ريهام محمود....عادي يعني هيكون اخباري ايه ايمي....يعني قولت انك عايز تاخد الموضوع بهدوء و انا ملاحظه ان الفتره اللي فاتت كنت ماشي في طريقك كويس و واخد الدنيا ببساطه معاها و ده كويس محمود....اه عادي زي ما انا الدنيا تمام بينا مفيش حاجه يعني ايمي.....طيب وانت حاسس ايه من ناحيتها محمود....اااا مش عارف يعني بصي هي تجنن يا ايمي مريحه نضيفه دمها خفيف علي طبيعتها اوي بيضا من جواها سالكه مبتعرفش تخبي اللي في قلبها علي لسانها عشريه فيها مميزات كتير ايمي....ماشي كل ده انا عرفاه المهم انت شايف ايه غير اللي احنا شايفينه في مميزاتها دي لازم تبقي عندك شهور مختلف يعني بتبقي مبسوط لما بتشوفها بتبقي مبسوط لما تروحلها لو مشوفتهاش او مكلمتهاش بتحس ان في حاجه نقصاك ولا عادي لما بتبقي معاها بتشوفها ىيهام اللي دمها خفيف العشريه و لا بتشوفها بنظره تانيه محمود.....بصي انا ببقي مبسوط لما بروحلها واعدي عليها و يمكن حاسس ان الموضوع ده غريب يعني لما برجع من شغلي عالضهر بلاقي نفسي بروح علي المطعم من غير ما احس يمكن محصلش تلميح مني او اي حاجه تدل علي اعجابي بيها و يمكن بنقعد نهزر و نضحك و نتريق زي اي صحاب عادي بس انا من جوايا مبسوط و اوقات بتلكك لما اتصل بيها او ابعتلها رساله حتي لو كان حاجه تضحك ايمي.....بابتسامه قولتلي بقي اعجابك بيها يعني معترف اهو طيب امال ايه وليه حاسه من كلامك ان في حاجه مضيقاك محمود.....مفيش بس اول امبارح حصل موقف كده و مش لاقي تفسير ليه يا ايمي و يمكن ده اللي مخليني مأريف ايمي....موقف ايه محمود.....روحت عديت عليها زي ما بعدي ركنت و لقيتها واقفه بره مع شاب من سني ممكن او اكبر مش عارف بس هو في اواخر الثلاثينات. كده واقف بيتكلم و بيضحكوا و بعدين سلم عليها و فضل ماسك في كفها عمال يهز ايده و يرغي دخلت عليهم و هي جاتلي سلمت عادي وبتضحك بس بصراحه انا كنت حاسس اني مضايق وبان عليا و حتي هي سألتني قولت مفيش كانت مستغربه اني مش بضحك او ساكت سالتها طبعا مين ده قالتلي ده واحد عادي شوفته بعد الحفله و شكرني وقال ان الحفله كانت حلوه ولما شافها تاني وقت ما انا روحت كان بيفطر و شكرها عالفطار و رجع تاني شكرها علي الحفله و عبرلها عن سعادته و كلام كده عادي بس حسيت اني مضايق مش عارف ليه و مشيت حتي متكلمتش بعتتلي هي رساله تاني يوم تسال عني و قالتلي شكلك كان مضايق و معدتش بليل ولا عديت الصبح و بطمن عليك و قبلها اتصلت مردتش و شوفت الرساله مردتش و مروحتش و من وقتها مبعتتش تاني كنت هروح انهارده قبل ما اجيلك بس معرفش ايمي.....بضحكه جميله اااااه قولتلي ده الموضوع طلع اكتر من اعجاب و في غيره كمان محمود....بابتسامه هرش في شعره بصي بلاش تريقه لان انا علي اخري ايمي....والمصحف ما بتريق قوم ياض بص لنفسك في المرايا وانت بتحكي انت غيران بجد يا محمود محمود....ماهو ده اللي مخليني مش فاهم حاجه و متوتر و مش علي بعض و مضايق ايمي....طب ومضايق ليه هو عيب انك تغير محمود.....طيب هقولك احساسي و من غير ما تشتمي ايمي....بضحك يبقي هشتم محمود.....بابتسامه بصي انا متلغبط يا ايمي و عشان ابقي صريح معاكي اه انا لما شوفت الشاب ده واقف معاها و ماسك كفها و بيضحك و بيتكلم حسيت اني غيران.. و يمكن لو كنت قربت قبل ما هي تسيبه و تجيلي كنت اتكلمت معاه بقلة ذوق و فضحت نغسي قدامها يمكن كنت حاسس اني معجب بيها و بدات ارتاح شويه بس متوقعتش ان الموضوع يوصل لغيره و الشعور ده في حد ذاته مخليني مش علي بعض يعني بصراحه حاسس ان مينفعش احب او اغير او ادخل في علاقه حاسس ان دي خيانه لشخص ضيعت عمري في حبي ليه و في نفس الوقت بدات احس بانجذاب مش طبيعي لريهام انتي فهماني ايمي ...ولاااا انت عبيط خيانه ايه روح امك اللي بتتكلم عليها اديك قولتها بنفسك ضيعت عمرك بتحب حد بس مقولتش ان الحد دن محبكش ولا حس بيك انت كنت عايش وهم مش اكتر يا محمود عيشت قصه حب وهميه في عقلك انت بس ضيعت حياتك كلها اللي قدك كان زمانه اتجوز وخلف و عايش مبسوط زي ما هي عملت اتجوزت و خبت و عاشت حياتها خيانة ايه يا محمود اللي بتقول عليها الخيانه دي لما يبقي في حد في حياتك بتحبه و بيحبك انما انت بتحب حد انت مش في باله اصلا محمود.....انت بدأت تتعلق بريهام وده اللي مخوفك بس خوفك مش صح و لا حقيقي ده عقلك هو اللي مصورلك الفكره دي انت خدت الخطوه و بدات تفوق لنفسك كملها للاخر يا محمود لانك مشيت في طريق صح و رجعت عن الطريق الغلط اللي كان بقالك عشر سنين ماشي فيه الطبيعي انك تتلغبط بس لازم تصدق ان اللي انت فيه الوقت ده هو اللي صح انك تحس بغيره علي ريهام و انك تحس ان رجليك بتسحبك ليها عشان تشوفها و انك تتلكك عشان تبعتلها رساله ولا تعمل اتصال ده اكتر من اعجاب انت بدات تحبها يا محمود محمود.....مش همكر اني اتعلقت بيها و اني غيرت يا ايمي بس انا متلغبط ايمي....لا متتلغبطش احنا مصدقنا انك فوقت لنفسك العمر فيه كام عشر سنين عشان نضيعهم يا محمود هي البنت اللي كنت بتحبها دي لو سابت جوزها هترجعلها اكيد لا صح عيش حياتك وكمل و بطل تجري وراء سراب انا المفروض بعد الكلمتين اللي بسمعهك منك دول اقولك ابعد عن ريهام عشان البت متستاهلش كده متستاهلش انك تقرب و تعلقها و تبق يانت لسه مشتت و عقاك مش معاك بس انا عشان عرفاك كويس مش هقولك كده عارف ايه عشان انا واثقه ان اللغبطه و التشتيت اللي انت فيه ده امر طبيعي و احد قرر يحب من تاني بعد ما وقف حياته مره واحده علي بنت مكانتش بتفكر فيه اصلا و عشان كمان واثقه انك اتعلقت بريهام وبدات تحبها جملتك ليا لما قولت انك عايز تاخد الموضوع براحه عشان خاطر ريهام انت اول حد في حياتها و مش عايز الموضوع يكون انبهار منها و عايزها تحبك من غير تسرع لسه بترن في ودني و بتاكدلي انك كنت بدأت تتعلق بيها محمود.....دي حقيقه يا ايمي انا حاسي اني حد مختلف عارفه لنا تجربي شعور الاعجاب والغيره و الحب لاول مره ايمي....عارفه ويمكن ده انا حسيته مع رشيد مع اني اتجوزت قبله بس احساسي اختلف بعد جوازي من رشيد و فهمت ان هو ده الجواز الصح والعلاقه الصح و انت الوقت بتمر بكل ده انت من جواك واثق ان ريهام هي العلاقه الصح و الشريكه الصح بلاش يا محمود تخلي قلبك يرجع يضلك تاني قلبك ده لغي عقلك عشر سنين متخليهوش يرجع ياثر عليك تاني شغل الاتنين مع بعض وبعدين ايه قلة الذوق اللي انت فيها دي انا لو منها معبركش يعني البت تتصل و تبعتلك و انت تشوف و متردش محمود ....ماهو ده اللي مش عارف بقي اصلحوا ازاي لاني حاسس انها زعلت مجربتش تتصل تاني ولا تبعت تاني ايمي....وانت كمان عايزها تتصل او تبعت تاني يا بجح والله العظيم بت جدعه و المفروض متعبركش محمود....بضحك انتي معايا و لا معاها ايمي.....لا معاها و مع الصح و مع الحق كمان ماهو مش عشان انت اخويا اطبلك يعني روحتلها و قلبت وشك و مشيت وهي مش عارفه مالك اتصلت مردتش بعتتلك مردتش و مبتروحش ده اقل واجب انها متعبركش تاني ايه عايزها تيجي تشوفك في البيت محمود.....طب اعمل ايه الوقت ايمي....ولا حاجه تروحلها يا اخويا و تدخل عليها دخله حلوه تخليها تنسي قلة ذوقك محمود....طب افرضي سالتني كان مالك اكبد مش هقولها غيرت عليكي ايمي..... بابتسامه غمزتلوا مش لازم تقولها بلسانك علي فكره بالاحساس يا عديم الاحساس و بعدين بكره رمضان يعني ده سبب كافي تروح عشانه كل سنه وانتي طيبه كلمه حلوه فانوس هديه بسيطه احنا غلابه و بيتضحك علينا علي فكره محمود....بابتسامه تفتكري ايمي....جرب و شوف و قولي النتيجه ايه انا اللي صح ولا انت محمود....بضحكه جميله ماشي هقولك ايمي....طيب يلا يا اخويا وريني عرض كتافك واتكل محمود....طب اشرب القهوه ابمي.....قهوه في عينك باللي معندكش دم هااااات كده روح يلا اشربها معاها يلا متنحش و المصحف اجيبلها عريس يستاهلها بجد محمود.... بضحك لا وعلي ايه قايم خلاص بس بقولك ايه بموت فيكي ايمي....بحب وانا يا واطي يلا روح و طمني محمود...بحب باس راسها حاضر هطمنك يلا باي ايمي....بحب باي يا قلب اختك خدت نفس طويل و بصت عليه وهي قاعده علي الكنبه من الازاز و ابتسمت. ..................... نجلاء....هو ايه اللي هاكل اي حاجه قومي يلا اعملي حاجه تاكليها هو اكل الشارع ده اكل نعيمه.....مش هعرف با نوجا والله نسمه.....قومي بلاش كسل يلا لسه في وقت نعيمه.....هو انتوا بكره هتاكلوا ايه نسمه....بضحك الراعي الرسمي في مصر اول يوم رمضان محشي طبعا نعيمه....بضحك خلاص خليني انهارده اكل اي حاجه و بعد الفطار هروح تجيب حاجه المحشي واكل زيكم بكره نجلاء....بضحك لا محشي ايه هو انتي اول ما تشطحي تنطحي مش هتعرفي نسمه....بضحك وليه مش هتعرف ناقصها ايد ولا رجلك بلاش احباط يا نوجا شجعيها نجلاء....مش احباط بس المحشي صعب عليها دي اول مره تطبخ و مش عيزاها يجي عليها المغرب متفطرش نعيمه....قصدك ايه يا نوجا اني هعمله وحش نسمه.....لا والله لو حابه تعملي هيطلع جميل ما تسكتي يا نوجا هنبقي معاها من بدري و هنعمل سوا نجلاء....مش قصدي وحش بس المحشي عابز حد يكون عمله كام مره عشان تبقي سريعه تبقي عارفه هتعمل ايه كده يعني نعيمه....بضحك ابه الاحباط ده يعني يا اما بطلع وحش يا اما هتاخر علي الفطار نسمه.....سيبك منها يا نوني و الله مش هتتأخري و هتبقي سريعه وهيطلع حلو كمان و انا هفتح معاكي مكالمه ڤديو زي الوقت و نعمل مع بعض و نجهز كل حاجه نعيمه.....انا هعمل مع نسمه مش هسمع كلامك يا نوجا انتي محبطه نجلاء....الحق عليا اني قلبي عليكي و عيزاكي تفطري علي المغرب زي الناس افهمي المحشي ده مش عايز صيام عشان لو مظبطش معاكي من اول مره كده كده انتي فاطره مش صايمه و مش عارفه تاكلي ايه نعيمه....طيب ايه رايك بقي عشان الكلمتين دول هعمل محشي زيكم بكره و خلاص هي كبرت في دماغي يا نوجا اني اول اكله اعملها في خياتي تبقي اصعب اكله نسمه....بضحك جدعه يا نوني و هيظبط والله ان شاء الله نجلاء.....امشي وراء كلام نسمه لحد ما تجوعي انا غلطانه نعيمه.....لا مش هجوع شجعيني انتي بس و المهم قوليلي اجيب قد ايه نسمه....بعد الفكار انزلي و كلميني و انا معاكي و هنقولك نجلاء.....هتيجيبي حجات بسيطه انتي لوحدك نعيمه....ماشي يا ستي ابقي عرفيني اجيب من كل حاجه كام كيلو نجلاء.....بضحك كام كيلو اتفرجي يا اللي بتشجعيها نسمه....بصحك نوني متكسفيناش كام كيلو ايه احنا هنعد يا قلبي اتنين او تلاته من كل حاجه نعيمه....بضحك ياستي نعد مش مهم بس قوليلي اجيب ايه عشان مرجعش انزل تاني نجلاء.....بضحك المهم هاتي مقوار عشان تقوري المحشي و نشوف موضوع العد ده بعدين نعيمه....ماشي يا نوجا اكتبواي انتوا بس عشان مننساش حاجه نجلاء....ماشي يا قلبي المهم فطار انهارده هتاكلي ايه نعيمه....هشوف الوقت و هطلب متقلقيش نجلاء....ماشي يا حبيبتي نسمه.... بعد الفطار هنكلمك نعيمه...ماشي يا قلبي يلا هبقي اكلمكم باي نسمه....باي نجلاء....سلام يا حبيبتي. قفلت نعيمه وهي متحمسه و مقربه تعتمد علي نفسها في كل حاجه بما انها قررت تبدا حياة جديده. ................... وصل محمود المطعم ركن و بص عليها ملقهاش بس عربيتها كانت نوجوده طلع علي فوق و خبط ريهام كانت عماله تروق في المكتب و تظبط ورق و حجات كتير ريهام.....ادخل فتح محمود و مال براسه و هو مبتسم محمود.....السلااااام عليكم ريهام....بهدوء عليكم السلام محمود....دخل وقفل ايه الاخبار ريهام....تمام يا محمود بخير ابتسم محمود بهدوء و حس انها زعلانه من محمود دي كل مره تقولوا حودا و تبقي بتضحك محمود ....ااا ايه بتعملي ايه ريهام....زي ما انت شايف برتبت المكان في ورق كتير و في صناديق كانت جوه فيها ورق بشوف المهم و بحطه و اللي مش مهم هسيبه لايمي تبقي تشوفوا الاول محمود....اممم طيب ايه مش هتقوليلي اقعد ريهام....لا طبعا اتفضل محمود.....ماشي مش هتقوليلي تشرب ايه ريهام....تمام تشرب ايه؟ محمود.....اااا لا خلاص بقي شكرا بعد ايه ريهام...احممم براحتك محمود....بضحك ايه ده ايه ده انتي مصدقتي بقي تصدقي انا غلطان يعني قولت اجي اشوفك و اجيبلك حاجه بسيطه كده بمناسبه رمضان حطلها شنطه علي المكتب بصت عليها بهدوء ريهام.....ايه ده؟ محمود....افتحي و شوفي قربت ريهام من الشنطه سحبت منها بوكس كان كله خشب و الغطاء بتاعه زجاج جواه فانوس و عروسه شكلها جميل و ميداليه و مج و كوستر كلهم علي شكل رسومات رمضان و حوالين البوكس ورد و شوكولاته و حواليهم لعب صغيره متوزعه بشكل حلو بوجي طمطم فنانيس بكار كلها زي التحف الصغيره بصتلوا بهدوء و ابتسمت ابتسامه بسيطه محمود.....كل سنه وانتي طيبه ريهام....اااا وانت طيب يا محمود محمود.....بضحك هتصومي بقي ولا زي كل سنه ريهام.....بنظره زعل لا زي كل سنه محمود....بضحك طيب ومالك مش طيقاني كده ليه طيب ريهام.....لا عادي مش هطيقك ليه ااا و يعني شكرا علي الهديه الحلوه دي بس مش هقدر اخدها محمود....ليه بقي ان شاء الله ريهام......من غير ليه اخدها ليه اصلا و بعدين هقول لماما واخواتي مين جابها محمود....عادي قوليلهم محمود هو مش احنا صحاب ريهام....لا انت فاهم غلط موضوع الصحوبيه ده الصحاب بيتكلموا مع بعض لما حد فيهم بيبقي مضايق بيحكي للتاني لما حد فيهم بيتصل او يبعت مسدچ للتاني بيترد عليها عادي في حجات كتير اوي في موضوع الصحوبيه ده محمود...ده انتي زعلانه بجد مني ريهام......و الله حط نفسك مكاني و شوف ليا حق ازعل ولا لا يعني لو انا اللي عملت كده معاك هتزعل محمود....ميبقاش قلبك اسود بقي ريهام....انا عمري ما كان قلبي اسود علي فكره بس عادي ممكن تبقي مضايق او زعلان من حاجه و لنا اتصل بيك ترد او حتي ترد علي المسدج و تقولي انك مش حابب تتكلم الوقت و انا وقتها هديك عذرك كفايه انك رديت و متجاهلتش رسالتي لكن تشوف اني اتصلت واني بعت مسدج وانت شوفتها و متردش اكيد بتزعل ولا انا غلطانه محمود....لا انتي مش غلطانه و معاكي حق تزعلي و انا اسف يا ستي و جايلك اصلا عشان اصالحك لاني كنت قليل الذوق ممكن بقي تقبلي اسفي او تقوليلي اعمل ايه عشان تصالحيني ريهام....بابتسامه بسيطه اااا لا خلاص ولا حاجه انا صالحتك محمود....بجد ريهام....اخ بجد مش اعترفت انك غلطان دي كفايه عندي محمود....بضحكه جميلة امال مالك قالبه بوزك ليه ريهام.....ايه مش عاجبك كمان محمود...بضحك لا عاجبني بس مش لايق عليكي اتعودت اشوفك بتضحكي و مبتسمه علي طول ريهام ....ماهو البركه في اللي خلاني اكشر اللي كان جاي و قالب وشه و فضلت اسالوا مالوا و هو مصمم يكشر محمود.....يعني كنت مضايق شويه مأريف مش في المود ريهام ....وايه السبب انت قولت مفيش مشكله في شغلك و كنت جاي كويس وجايبلي شوكولاته كمان اكيد مكنتش جاي تديهالي وانت مكشر في وشي صح محمود.....اااا مفيش والله بس مودي باظ شويه ريهام.....اه لاحظت بس اكيد في سبي محمود...امممم طب بصي نتكلم بصراحه و متساليش ليه بصتلوا ريهام بتوتر بسيط و هزت راسها محمود....تمام من الاخر كده الجدع اللي كنتي واقفه معاه ده ضايقني عشان انا عارف الشخصيات الي زي دي كويس ضحك هزار كلام ملوش داعي و بعدين ماله مسك في ايدك و مسابهاش ليه اللي بيسلم بيسلم علي طول ويسحب ايده انما ده فضل متبت و نازل سلام كانه يعرفك و النوعيه دي من الاخر بتستفزني عرفتي بقي كنت مضايق ليه ابتسمت بهدوء و اتوترت اوي ريهام....اااا بس هو معملش حاجه هو بس كان بيشكرني علي الفطار و علي الحفله وووو محمود.....و يشكرك بتاع ايه عالفطار ما يشكر الشيف اللي عملوا و الحفاه وشكرك عليها قبل كده يبقي لزومه ايه التلزيق و انه يفتح كلام وخلاص عشان يقف معاكي و بعدين هو مش ذوق ولا حتجه هو قليل الذوق اللي بيسلم بايده ده لازم يبقي عنده عشم ويبقي عارف الشخص ده كويس و لو فرضنا انه سلم ما يسلم و يسحب بسرعه خيررررر مسك في ايدك ليه وانتي اصلا ازاي تسمحيلوا يعمل كده ريهام....بابتسامه اااا طيب هو انت ليه مضايق اوي كده محمود....يعني ايه ليه مضايق طبيعي اضايق لان انتي بتتعاملي عادي و نيتك صافيه من ناحيته انما هو باين ان نيته مش تمام وبعدين انتي هبله علي فكره يعني مش هتلاحظي اللي بقولوا ريهام.....انا هبله محمود....اااااه اه هبله لو مش هبله مكنتيش فضللتي سيباله ايدك كده ريهام.... بابتسامه بسيطه يعني ايه سيباله ايدي هو مد ايده و كان بيسلم و اكيد يعني لو كنت حسيت انه مش مؤدب مكنتش سمحتلوا محمود....لا ما انا واثق فيكي علي فكره بصتلوا ريهام بهدوء محمود...ااا اقصد يعني اني مش واثق في هو نيته واضحه لاي حد ملزق كده و بيتلكك عشان يفتح اي كلام و رغاي وبصي بقي عشان نقفل الحوار ده لو جه تاني متتكلميش معاه و لو هو حاول يتكلم او يتحجج باي حاجه يشكرك بقي ميشكركيش في ناس يتعامل معاها انتي مسؤوله عن المكان مش عن راي الجيست و الرغي معاهم و يكون في علمك لو جيت اي وقت لمحته موقفك هزعلوا اشطا ريهام....بابتسامه اااا احممم اا اوك محمود.... بابتسامه ونظرات تجنن تمام اوك ااااا احممم امشي انا بقي ريهام....بابتسامه توتر براحتك محمود..... بضحكه جميله ماشي همشي و هبقي اكلمك ماشي و انتي برضوا كلميني و هرد متقلقيش ريهام....بضحك ماشي هنشوف محمود....هتمشي امته انهارده؟ ريهام...في معادي علي عشره كده او تسعه ونص محمود .....طيب انا مش ورايا اي شغل انهارده يعني ممكن شويه و تلاقيني بعدي عليكي تاني اعدي ولا ايه ريهام.... بابتسامه و شها كان جايب الوان اااا احمم اللي انت عايزه محمود...ماشي بس يارب مجيش الاقي الجدع الملزق ده ريهام.....بضحك اااا انا عموما لو جه مش هنزل يعني تحت محمود....بأبتسامه جدعه انا عايز اشوفك تحت اصلا لو هو موجود ريهام....بضحك هنعمل ايه ؟ محمود.....بضحك لا سيبيها علي الله بقي هنتفاجئ كلنا ريهام....بضحك لا مش هنزل متقلقش محمود....ماشي عايزه حاجه؟ ريهام.....سلامتك و شكرا علي الهديه محمود....شبهك عالروسه هااا ريهام....بضحك احممم شكرا محمود....بابتسامه كل سنه وانتي طيبه ريهام....وانت طيب يا حودا محمود ....ادام حودا يبقي صالحتيني ااااا همشي بقي احسن ريهام....بضحك امشي ياريت بصلها وضحك و راح علي الباب كان متوتر اوي لعب في شعره و بصلها تاني محمود....باي ريهام....باي قفل و مشي حطت ايدها علي قلبها و فضلت تضحك زي العبيطه .................. علي الساعه خمسه عدي و سليم سرقوا نفسهم بسرعه و رواحوا للبنات كانوا عاملينلهم مفجأه و جايبينلهم فوانيس و تقريبا عاملين زي ما الكل عمل تقي كانت مبسوطه اوي بس الوضع كان مختلف شويه عند نسمه و سليم نزلت نسمه تقابل سليم كان واقفلها زي ما بيقف سلم عليها و اداها البوكس و طلعوا بالعربيه مشيوا لحد اخر الشارع لمحت نسمه نادر ورغم انه عرف بس اتخضت اوي و حست انها عامله عامله نسمه....نادر يا سليم سليم....ايه في ايه نسمه.....نادر لسه معدي سليم.....شافنا نسمه...ااا لا لا مشافناش سليم....ركن علي جنب طيب اهدي نسمه.....انت وقفت ليه امشي احسن يشوفنا سليم....لا ماهو انا مش همشي انتي هترجعي الوقت حالا علي البيت هرجعك و اطلعي نسمه...طب ليه خلاص هو مشي سليم....وانا مش هعرف يا نسمه بصراحه الوضع ده مش مريحني ولا حابب الخوف اللي انتي فيه ده و لازم نخلص نسمه....تقصد ايه سليم....اقصد اني هرجعك و هتصل علي نادر هقابلوا حالا و هتكلم معاه نسمه...بابتسامه انت بتتكلم جد سليم...اه بتكلم جد احنا مش بنعمل حاجه غلط و انا مش هقبل اني احطك او احط نفسي او احط نادر في موقف زي الي احنا فيه ده عشان كده لازم اتكلم معاه انا لو مكانه مش هقبلها و احتراما ليه لازم يعرف نسمه....بابتسامه هاديه متأكد سليم....طبعاً متأكد هو رايح فين متعرفيش نسمه.....هو المفروض نزل من شويه معرفش ليه رجع تاني سليم....طيب استني اتصل سليم عليه. نادر.....الوووو اهلا يا عم سليم...حبيبي ايه الاخبار نادر....زي الفل والله واحشني سليم...انت اكتر والله كل سنه وانت طيب يا حبيب نادر....وانت بالف خير مش هشوفك ياعم سليم.....صراحه انا بكلمك عشان كده عايزك و انا قريب من بيتكم انت فين نادر.....انا بجيب حاجه من البيت و هنزل علي طول اديني بس عشر دقايق و هنزل انت فين سليم.....خلص وهتلاقيني تحت البيت عندك نادر....ماشي يا حبيبي مش هتأخر عليك نازل علي طول سليم....لا براحتك يلا سلام. نادر....مع السلامه سليم....بص لنسمه هتنزلي الوقت و ترجعي علي البيت و انا هخلص معاه و هكلمك نسمه....طيب استني لما ينزل سليم.....خليكي خمس دقايق كده و انا مش هقدر ارجعك تمام ارجعي انتي عشان ميشوفنيش معاكي لحد بس ما اتكلم معاه نسمه.....ماشي سليم.....ومش عايزك تخافي تاني احنا مش بنعمل حاطه غلط بس هو لازم يعرف عشان نبقي مرتاحين اكتر لحد ما اخد خطوه رسميه و ان شاء الله هتبقي قريب ماشي نسمه.... بضحكه جميله اللي تشوفوا يا سليم سليم.....بابتسامه بحبك يا بوووه نسمه....وانا بحبك اوي انزل بقي سليم....استني بس ينزل و يكلمني تنزلي وانا هروح اخده و اطلعي علي طول نسمه....حاضر انا مش هكلمك الا لما انت تكلمني اوك سليم....اوك يا حبيبي دقايق بسيطه و نزل نادر ملقاش سليم كلموا و قالوا انه تحت سليم نزل نسمه وراح هو تاني رجع قابل نادر سلم عليه وبعدين خدوا وراحوا يقعدوا مع بعض في مكان نسمه رجعت بسرعه علي البيت .. اتكلم معاه سليم شويه وبعدين فاتحه في الموضوع نادر طبعا كان عارف بس عمل نفسه مش عارف عشان برضوا منظره قدامه سليم في الاول كان متوتر بس من ملامح نادر ارتاح انه مش زعلانه منه. سليم.....بس هي دي كل الحكايه يا نادر من بداية ما اتعرفت علي نسمه انا مش عايزك تبقي زعلان مني صدقني انا مكنتش قاصد انك تبقي بعيد كنت بس حابب اتاكد من نفسي عشان اما اجي واقعد القاعده دي معاك ابقي عارف انا عايز ايه نادر....بابتسامه وانا مش زعلان منك يا سليم و كلامك ده عندي كبير اوي اولا نسمه مش صغيره و بثق فيها جدا و انت حد غالي عندي و بثق فيك اكيد مبسوط و مش مضايق و اكيد فاهم وضعك و كفايه اوي عندي انك لما حسيت انك اتأكدت من مشاعرك دي كلمتني سليم....يعني مش زعلان نادر....خالص والله سليم......انا اكيد هفاتح اهلي اليومين دول و هاخد خطوه رسميه عشان وضعنا يبقي مريح اكتر و عشان انت موقفك يكون مريح ليك و ليا انا بعتبرك اخ و مش عايز ابدا اعمل اي حاجه تضايقك نادر....بضحكه جميله و الله يا سليم انا مش مضايق و يمكن ده كبرك في نظري اوي سليم.....بابتسامه و دي اهم حاجه عندي مش عايزك تبقي قلقان علي نسمه و اي حاجه هتطمنك عليها انا هعملها نادر....و انا مطمن من الوقت و الله العظيم و ربنا يسعدكم و يقدم اللي فيه الخير يا صاحبي انتهت القاعده بينهم و حس سليم براحه كبيره و بعد ما وصلوا لعربيته سابه و مشي و اتصل علي نسمه حكالها كانت مبسوطه اوي ................. اتصل عشري علي ليله.. عشري.....هلا حياتي ليله....هلا جلبي عشري.....اتصلت بيكي من شويه كنسلتي ليله.....كنت بطمن علي نوني و بشوفها فطرت ولا لا بس عشري....اه هي اول يوم صح هي كويسه ليله....الحمد لله بخير قولي في ايه عشري....بصي هو براحتك طبعا بس احنا متعودين نتسحر و نفطر اول يوم مع بعض عند ابويا و انهارده الكل هيتجمع لو حابه نروح اوك مش حابه تمام عادي ليله....بابتسامه امونه كلمنتي علي فكره عشري....عارف انها هتكلمك و عارف انك هتقوليها اوك بس لو انتي مش حابه انا ممكن اقول اي حاجه و نتسحر مع بعض ليله.....لا طبعاً نروح ليه مش حابه مش انتوا متعودين انا كمان هتعود و عادي اكيد عايزه ابقي معاكم عشري....بحب ماشي يا قلبي انتي فين ليله.....انا عند اميمه بنظبط الدنيا وليد من الصبح محتاس مع الجزار هو واحمد وسامح و هنظبط مع بعض كده كام حاجه و هنوزع مستنين تقي بس ترجع و هاجي علي طول انت بقي بتعمل ايه عشري....بنظبط برضوا حجات هنا و بنوزع وكده يعني ليله....ماشي يا حبيبي انا هخلص وهمشي علي طول عشري.....تمام ياروحي مستنيكي سلمي عليهم كلهم ليله....الله يسلمك يوصل يلا باي ياروحي عشري....مع السلامه. خلصت لياه مع اخواتها وقصت معاهم حوالي ساعتين تلاته بيحطوا شنط رمضان واللحمه و نزلت بعدها هي و تقي و وليد و كل ولاد اخواتها و سامح و زعوا وبعدين مشيت و اتصلت علي ايمي تطمن عليها. ايمي......اهلا يا واطيه ليله.....بضحك احترمي نفسك عشان انا خلصانه بدل ما اجي اموتك ايمي.....وخلصانه ليه يا اختي ليله....يا غبيه ما كنا بندبح و بنوزع ما انتي عارفه ايمي....اه صح كل سنه وانتي طيبن قلبي ليله....وانتي طيبه يارب فين يا بت الفانوس بتاعي اوعي تكوني جيبتي للبنات وانا لا ايمي....بضحك لا مقدرش جيبت لينا كلنا زي كل سنه بس لما اشوفكم هديكم و حشتيني يا جزمه ليله....والمصحف وانتي يا ايمي بس اليومين دول مش عارفه اخلع واجيلك خالص راجعه بقي من بعد الجواز علي شغل و تظبيط و رمضان غصب عني بس باذن الله بعد بكره هجيلك لان بكره مش هعرف او ممكن اجيلك قبل الفطار ايمي....عارفه والله و شوفي الوقت المناسب ليكي وتعالي انا كده كده قاعده انتي بكره هتفطري مع اخواتك و لا في بيتك ليله....لا عند امونه و هنتسحر كمان هما متعودين يتجمعوا اول سحور واول فطار ايمي.....حلو روحي و اتبسطي وليكي كمان مره عند اخواتك و باقي رمضان بتاعنا احنا ليله.....بضحك ماشي اللي تشوفيه ايمي....انتي راجعه ليله....اه خلصنا توزيع و مروحه بقي هرجع اخد شاور و اظبط نفسي وهستني عشري عشان نروح ايمي.....ماشي يا قلبي سلمي علي البلطجي و قوليلي ايمي بتقولك يا واااطي مقولتلهاش كل سنه وانتي طيبه ليله....بضحك بس كده عيني هقولوا حاضر المهم انتي و القمرات بتوعي كويسين ايمي....زي الفل يا قلبي كلمتي البت نوني كانت بتفطر لوحدها انهارده هتجنن عليها ليله....اه كلمتها و هي بتفطر و كلمتها بعد الفطار بس هنعمل ايه مضطرين نستني عليها شويه ايمي.....محصلش بينك وبين فضل كلام ليله....لا بس اكيد هيحصل متشغليش بالك كل حاجه هتبقي كويسه ان شاء الله ايمي....يارب يلا طيب ركزي في الطريق وهبقي اكلمك ليله.....اوك يا قلبي يلا باي ............... عسال راح خد نادين عشان تتسحر معاهم و ليله روحت خدت شاور و جهز نفسها و علي الساعه 12 كان الكافيهات كلها قفلت و راح عشري خد ليله و اتجمعوا كلهم لاول مره مع ليله علي السحور الرجاله في مجلس و الستات في مجلس كانت مبسوطه مع البنات ملك وساره و كارين و مع زوجات اخوات فضل و كان من ضمنهم بنت اسمها رضوي دي مرات فضل و كان بايت معاها اختها و اختها دي كان عينها من فضل بس اللي حصل في القاعده فوق التوقعات..... وللحديث بقيه......
