لقاء كارثي أميره أسامه صاحبة البطل الواحد . البارت المئه 109. ........................... قفل محمود مع عشري و فضل بفكر ثواني و بعدين خد قرار انه يتصل علي رحمه خد نفس طويل و حط الموبايل علي ودنه بعد اول جرس ردت بسرعه رحمه.....محموود عشري...عامله ايه يا رحمه سكتت شويه و سمع صوت عياط مكتوم محمود.....ممكن متعيطيش انا اسف حقك عليا مكنتش قاصد صدقيني انا مقدرش ابعد عنك يا رحمه و انتي عارفه كده كويس انا بحبك و مش عايز غيرك بس انا غبي و وحش و مستاهلش دموعك دي بس والله العظيم و حياة حبك اللي في قلبي انا مش عارف فيا ايه انا تعبان اوي يا رحمه اوي جوايا حاجه تعباني و مش عارف هي ايه متبعديش عني و لا تزعلي من كلامي ده كلام يا رحمه قولتوا وانا مش في وعيي متصدقيش اي حرف فيه انا مش هعرف اعيش من غيرك و لا اقدر اكمل وانتي مش معايا من امبارح وانا عايز اكلمك بس مش عارف اقولك ايه لاني عارف انك زعلانه بس كان لازم اكلمك قبل ما اسافر كان نفسي اشوفك بس خوفت مترضيش و تبقي زعلانه و حقك طبعاً بس عشان خاطري انسي كل اللي اتقال و اتحمليني شويه رحمه....بدموع انا بحبك يا محمود و مش زعلانه منك و عارفه انك تعبان بس مش عارفه من ايه انا نسيت كل حاجه المهم اني سمعت صوتك و انك بخير و ان شاء الله هترجع احسن و مرتاح محمود....بابتسامه يعني مش زعلانه بجد رحمه.....انت عارف اني مقدرش ازعل منك ازعل من مين يا محمود ده انا مليش غيرك انت حبيبي و ابويا و اخويا و صاحبي و ابني انا لو زعلانه بجد فا زعلانه عشان شيفاك كده و مش عارفه اعملك حاجه بس انت عارف اني مستحيل ازعل منك الحلو اللي عملتوا معايا من يوم ما عرفتك يا محمود يشفعلك اي حاجه و لو عملت اكتر من كده انت عارف ان في قلب بيحبك بجد و صعب يزعل منك بسهوله محمود ...بدموع سكت شويه خليكي معايا اوعي تبعدي عني رحمه....بدموع معاك يا حبيبي و هفضل معاك لاخر يوم في عمري بس تهدي عشان خاطري محمود انا مش عايزه اشوفك كده عشان خاطري محمود ....بهدوء طيب اهدي اهدي خلاص انا بخير والله انا بس عايزك تدعيلي انتي عارفه ان انا بحب دعوتك ليا رحمه...بدعيلك من غير ما تقول و هفضل ادعيلك حتي لو انت كويس ربنا يريح قلبك و بالك و يحنن علي قلبك الايام و يسهل عليك كل حاجه حلوه و يبعد عنك اي شر انا عارفه يا حبيبي انك هتروح هناك و هترتاح و هكلمك وانت احسن بكتير من الوقت مجمود ....يارب يا رحمه مسح دموعه و ابتسم طيب قوليلي بقي يا ست البنات عايزه ايه من هناك رحمه......عيزاك بخير يا محمود عيزاك ترجعلي احسن من الاول محمود ....طيب و غير كده يلا قولي اخرك معايا خمسه ريال رحمه....بضحكه جميله من بين دموعها خلاص يبقي عودين بخور علي قد الفلوس محمود......بضحك لا معلش مش هيبقي معايا وزن ومش هقدر اشيل رحمه....بضحك خلاص يا سيدي ادعيلي بيهم دعوتين قدام الكعبه محمود....ربنا يخليكي ليا يا احن حد في الدنيا رحمه....ويخليك ليا يا حبيبي قولي بقي طيارتك امته محمود....خلاص يعني كلها عشر دقايق ولا حاجه و هنروح علي الطياره هكلمك قبل ما اقفل الموبايل رحمه....المهم تتصل عليا اول ما تنزل من المطار عشان هاطري اول حاجه تعملها تجيب خط محمود.....اكيد هعمل كده متقلقيش رحمه....تمام يا عمري اول ما تركب الطياره و تقعد ابقي اتصل عليا محمود.....تمام خدي بالك من نفسك رحمه.....وانت كمان محمود ...حاضر شويه و هتصل عليكي رحمه....مستنياك يا حبيبي يلا باي محمود....سلام قفل محمود و هو حاسس براحه شويه و بعدين اتصل علي عشري. عشري.....هلا حبيبي محمود....اتصلت عليها يا عشري خلاص عشري....طيب ايه طمني كله تمام باين من صوتك انك مبسوط محمود....بابتسامه اه تمام متقلش عشري...بضحك يا ولاااااا طب ما انت عارف علاجكك اهو بتتبطر ليه يا واطي البت بتموت فيك و انت بتحبها اوعي تفرط فيها مش هتلاقي زيها محمود.....عارف والله عشري....ربنا يسعدك يا قلب اخوك واشوفك ديما بخير و يبعد عن قلبك الهم والحزن و افرح بيك قريب محمود.....انا بحبك اوي يا عشري ربنا يخليك ليا و يقدرني اعمل معاك ربع اللي بتعملوا معايا عشري.....انت بتعمل معايا اكتر ما انا بعمل كفايه ان انت اكتر حد بيريحني و بيتحملني انت عارف غلاوتك عندي يا حودا انا كمان بحبك اوي محمود.....ربنا يخليك ليا اسمع عشري....قول يا حبيبي محمود....انت لسه بره عشري....بضحك ياض عايزني امشي ليه محمود....بضحكه جنيله والله صعبان عليا وقفتك عشري....انا قاعد في العربيه و بشرب قهوه خليك في حالك محمود...ماشي علي فكره الناس بتقوم اهي تقريباً هنتحرك خلاص عشري....طيب شوف الدنيا فيها ايه و لما تركب طمني محمود....تمام يا حبيبي عشري.....يلا مستنيك سلام محمود....سلام. .................... مشيت نعيمه من عند ايمي شغلت ايمي التلفزيون و فضلت قاعده وشويه واتصلت علي امنيه تطمن عليها و شويه تاني و اتصلت علي ريهام تعرف ايه الاخبار و كله تمام ولا في حاجه واقفه معاها شويه و زوزو اتصلت هي عليها و بعدين جابت قران و قامت دخلت بهدوء المطبخ فضلت تشوف ايه اللي ناقص وايه اللي محتجاه و تكتب في ورقه عشان تعرف رشيد و بعدين فضلت واقفه شويه تفكر هتعمل اكل ايه كانت بتحاول تسلي نفسها مكانتش عايزه تحس بالزهق او الملل لان هي مش متعوده علي القاعده و طول الوقت بتتحرك وصل رشيد ركن العربيه و دخل علي جوه سمعت ايمي صوت كوبر عالي و عمال يهوهو خرجت بهدوء من المطبخ عشان تشوف مين لقت الباب بيتفتح ابتسمت ايمي.....ايه ده هو انت؟ رشيد...ايه مستنيه حد ولا ايه ؟ ايمي...لا مشيوا خلاص بس كوبر صوته عالي اوي توقعت حد غريب هو مش بيهوهو عليك كده رشيد.....بابتسامه رفع حاجبه ااا لا مفيش حد غريب ولا حاجه المهم وحشتيني ايمي.....ابتسمت وبصتلوا امممم خير في ايه؟ رشيد..ايه في ايه؟ مينفعش توحشيني ايمي.....لا بس حساك عامل عامله كده رشيد....بضحك انا لا خالص ايمي...اممم طيب ايه اللي وراء ضهرك ده رشيد....ابتسم و جاب بوكيه ورد من وراه انا قولت اجيبلك ورد لحد ما ربنا يكرم كده و تتوحمي علي حاجه ايمي....بضحك ميرسي يا عمري بس الدخله دي من الاخر مش مريحاني رشيد...بضحك ليه طيب انا جايبلك ورد مش حاجه وحشه يعني ايمي....اه بس مش مرتحالك من الاخر يا رشيد هات اللي عندك رشيد....هو انا مفضوح اوي كده ايمي....بضحك جداً عينك بتفضحك رشيد....امممم طيب بصي يا ستي صلي عالنبي ايمي....عيب انا قولت وراك حاجه اللهم صلي عليك يا نبي رشيد....انتي عارفه اني بحبك اوي و لخاف عليكي و خوفي عليكي زاد من اول ما حملتي و زاد اكتر لما عرفت ان الحمد لله ربنا رقنا بثلاثه صح ايمي.....بابتسامه صح بس اخرة المقدمه دي يقلق خد بالك رشيد...بضحك والله ظلماني انا بس بفهمك بالقدمه دي الاول عشان تعرفي ليه عملت كده ايمي....احيييييه انت اتجوزت عليا عشان الدكتوره قالتلك انت في اجازه ضحك من قلبه وضمها لحضنه رشيد...لا طبعاً تصدقيها دي ايمي.....بضحك طب اخلص بدل ما اطين عيشتك عامل مصيبه ايه رشيد...بضحك مش مصيبه والله بس انا عشان عارف رد فعلك فا قلقان شويه اديني الامان الاول ايمي....معاك الامان يا سيدي قول بقي رشيد....اممم طيب انا معايا ضيف او عشان ابقي أدق ضيفه بصتلوا باستغراب و ضيقت عينها ايمي.....ضيفه ؟ مين احيييييه اوعي تكون اميره جات و عملتها مفجأه رشيد.... بابتسامه لا مش اميره والله ايمي.....طب امال مين رشيد....اممم ربنا يستر استني لحظه فتح الباب و سمعتوا بينادي علي حد رشيد...joy come here please بصت ايمي و حست انها فهمت رشيد عمل ايه. ثواني و دخلت عليها بنت جابها رشيد عشان تساعدها من الكاميرون بصتلوا ايمي بصدمه و هو ابتسم و كتم ضحكتوا لانه عارف رأيها في موضوع المساعدين دول. رشيد....ااا دي چوي يا ايمي هتفضل معاكي و هتساعدك و هتبقي معاكي عشان متفضليش لوحدك اي حاجه هتحتاجيها هتعملها بتتكلم عربي شويه يعني مكسر بس بتفهم عربي حلو هي من الكاميرون ااا احممم وبس بص لچوي چوي مدام ايمي چوي....اهلا مدام ايمي..... بابتسامه صدمه هاي چوي nice to meet you چوي....nice to meet you too مدام ايمي....بأبتسامه بسيطه طلبت منها تقعد Please have a seat چوي... thanks قعدت چوي و بصت ايمي لرشيد ايمي.....ممكن تيجي معايا لحظه رشيد...اااا لا ما هو انا متأخر ايمي.....تعالي ورايا عشان مفرجش عليك الدنيا انت قايل هترجع تغير اصلا رشيد....بضحك ماشي جاي اهو دخلت ايمي علي الاوضه و دخل هو وراها و هو باصصلها بترقب و مبتسم ايمي....اقفل الباب رشيد....ادي الباب اهو ايمي....ممكن بقي افهم انت ايه اللي عملتوا ده رشيد...بابتسامه طيب هو ممكن الاول تهدي ايمي....انا زي الفل وهاديه بس عايزه افهم رشيد....تفهمي ايه انا فهمتك بره دي چوي اعتبريها مساعده ليكي في البيت ايمي....لا انا مش بقولك عيد اللي قولتوا بره انا عايزه اعرف ليه عملت كده رشيد احنا متكلمين في الموضوع ده قبل كده و انت عارف رأيي كويس في موضوع المساعده ده و الوقت جاي بتفاجئني رشيد....تمام حصل بس الوضع الوقت بقي مختلف ايمي....ايه المختلف يا رشيد اني حامل طب ما ستات كتير بتحمل و بتولد و عادي مش بيحتاجوا مساعدين امي وامك و ناس كتير حملوا و ولدوا وقاموا خدموا نفسهم بنفسهم رشيد....ايمي انتي مش حامل في واحد يا قلبي ايمي....واحد زي اتنين زي تلاته زي عشره في النهايه هو هو نفس الحمل رشيدد..لا يا ايمي مش نفس الحمل ولا حاجه انتي سمعتي كلام الدكتوره بنفسك قالتلك مجهود لا حركه كتير لا شغل و خروج و عربيه لا سلالم لا واديكي شوفتي نزلنا اوضه النوم تحت عشان متطلعيش دور هتعملي ايه بقي في باقي البيت هتقدري علي تنضيف و لا اكل و شرب و لا مسؤوليه البيت كله ايمي الدكتوره قالت ان الحمل في التوأم بيبقي اصعب من واحد مبالك تلاته مش هتقدري ايمي....ليه مش هقدر انا لا هخرج ولا هروح ولا هاجي يعني شغل البيت مش هيبقي لوود عليا رشيد...لا هيبقي لوود عليكي و لوود كبير كمان يا روحي افهمي التوأم حملهم صعب تغذيتهم و الاهتمام بيهم صعب اكيد الغذاء اللي واحد بيحتاجه مش زي اللي تلاته بيحتاجوه انتي جواكي ثلاث ارواح يعني لازم تهتمب بنفسك علي قد ما تقدري عشان تساعديهم يكبروا و يبقوا كويسين و يجوا بالسلامه امي و امك و اي ست ولدت كانت بتجيب عيالها علي مراحل انما انتي الثلاثه مع بعض يعني لو حاولتي تهتمي بيهم انتي نفسك هتتعبي كل ده هياخد من صحتك و مجهودك لما ربنا يكرم و تولدي بالسلامه هتبقي خلصانه يا عمري مش هتقدري حتي تهتمي بيهم انا عايز اريحك يا ايمي ايمي...انا مقولتش حاجه يا رشيد بس فكره المساعده دي مش متقبلاها خالص علي راي زوزو دول بيبهدلوا مش بينضفوا رشيد....لا هي شاطره اوي و المكتب اللي جيبتها منه مش بيتعامل غير مع الاجانب لانهم شعلة نشاط ماشاء الله و نضاف جداً انتي ارتاحي و اللي تحتاجيه اطلبيه منها و قوليلها اعملي ده واعملي ده و هي هتعمل ايمي.....يارشيد افهمني ما هو انا بردوا يصعب عليا ابقي قاعده و مرتاحه و اطلب و أمر مقدرش الموضوع تقيل عليا هحس اني بهينها انا مليش في الجو ده خالص هتكسف اصلاً و في الاخر هتلاقيني بساعدها و بعمل من وراها يعني هي هي رشيد..لا مش هي هي انتي لا هتقومي ولا هتساعدي انا جيبتها عشان انتي ترتاحي ده اولاً ثانياً ليه يصعب عليكي يا عمري احنا هنعذبها دي هتبقي واحده مننا و انا هبقي مسؤول عنها و كل اللي تحتاجه هجيبه و انتي كمان انا عارف ان مفيش احن منك يعني البنت هتبقي مبسوطه كمان يا قلبي و الموضوع مفيهوش إهانه ده شغلها هتاخد عليه راتب يعني شغلانه زي اي شغلانه في الدنيا هي بتقدم خدمه نظير راتب و احنا اللي علينا نتعامل معاها بما يرضي الله و بس ايمي....طيب يا رشيد انا مقدرش اكل من ايد اي حد رشيد.....بسيطه لو علي الاكل انتي اعملي انا اساعدك هي ممكن تقف جنبك و تساعدك بلاش اكل خالص انا هطلب دليڤري الموضوع بسيط خالص و الاكل مفيش اسهل منه متعقديهاش انتي بس ايمي.....طيب هي هتفضل معانا لحد امته ؟ رشيد.....طول ما شغلها كويس و مريحاكي تفضل زي ما تفضل ايمي.....خلاص تفضل الفتره دي بس لكن بعد ما اولد لا بصراحه انا بخاف منهم علي الاطفال رشيد.....بصي يا عمري الكلام ده سابق لاوانه لما تولدي و تقومي بالسلامه انتي صاحبة القرار يا تقعد يا تمشي بس انا عايز افهمك نقطه مهمه تخافي منهم لو انتي قاسيه عليهم طبيعي جداً الجزء الوحش اللي جوه اي بني ادم ينتقم و هينتقم من مين من اضعف حد موجود اطفال مسن او مريض هيطلعوا غضبهم منك في اي حد ضعيف المهم ينتقموا منك بس لو احنا بنتعامل معاها بما يرضي الله طبيعي هتحبنا و هتخاف علينا زي ما هنخاف عليها كمان ممكن تحبيها و تريحك و وقتها انتي اللي مش هتقدري تستغني عنها و يا ستي لو ده حصل و قررتي انك متستغنيش عنها مفيش مره مهما كانت ثقتنا فيها هنسيب ولادنا معاها لوحدهم هتبقي ملازماكي في اي مشوار هتساعدك بس فيهم سواء جوه البيت او بره و هركب كاميرات و هاخد كل احتياطتي يعني انا اكيد هخاف علي ولادي زي ما انتي هتخافي عليهم اكيد وخدي بالك انا شوفت كذا بنت و عرفت ظروف كذا واحده بس اختارت چوي بالذات لاسباب كتير ايمي.....ايه هي بقي؟ رشيد....اولا البنات اللي كانوا معاها ليهم اهلهم و ليهم اجازه سناويه كل سنه بيسافروا في منهم مسؤولين عن عيله و كمان عرفت ان في منهم بيحددوا مده يعني بيشتغلوا بس فتره عشان بجمعوا مبلغ معين و بعدين بيرجعوا بلدهم اللي بتتجوز واللي مش بتكمل في الشغل بس چوي اصلا يتيمه كانت عايشه مع عيله اتبنتها زوج و زوجه و بعدين اتوفوا و مبقاش ليها حد يعني لا هتطلب تسافر و لا هتطلب اجازه و لا ليها حد يعني اللي هتشتغل عندهم هيبقوا عيلتها كانت شغاله مع عيله قبلنا لمدة سنتين و بعدين سافروا بره من ثلاث اسابيع و عرفت من صاحب المكتب انها كانت تعبانه و يادوب لسه بتخف و سبب تعبها انها اتعلقت بيهم اوي و زعلت لما سافروا وسابوها يعني بتصون العشره ايمي....وانت ايه عرفك بقي ان صاحب المكتب مش بيكدب عليك ما جايز بيقولك كده عشان تختارها و يخلص منها مش يمكن عامله مصيبه رشيد......مصيبه و هيشغلعا معاه يا حبيبه قلبي دي سمعة مكان و اقولك علي حاجه من الاخر بقي و متطوليش لسانك من الاخر كده انا طلبت مساعدة ليله لاني عارف انها بتتعامل مع مكتب في بنات بتروح تنضفلها الشقق و كده و لما كلمتها علي حد ينضف البيت قبل ما تيجي قالتلي دي شركه عاديه تنضيف وبس لكن نادين تعرف مكتب كويس لتوظيف مساعدين و اغلبهم اجانب و هي ظبطت الدنيا مع نادين و ادوني العنوان و ليله قالتلي ان المكان ثقه و نادين واثقه منه جداً لانها تعرف صاحب المكتب و هو لما عرف اني من طرف نادين عرض عليا اربع بنات و قالي دول احسن حد معاه و محدش اشتكي منهم خالص و طيبين جدا و اكيد يعني هو يهمه سمعة مكانه و لو عنده شك ان حد فيهم مش تمام مش هيجازف كمان هو قالي قصه كل واحد اشتغل فين و عمل ايه و قعد قد ايه و قالي علي چوي عادي زي ما قالي علي باقي البنات و قالي اختار و انا اختارتها عشان كده بس ده كل اللي حصل ايمي....قولتلي بقي يعني ليله و نادين اوس المصيبه دي رشيد.....بضحك انا اللي طلبت من ليله هي ملهاش دعوه و قالتلي معرفش بس نادين تعرف و ظبطت الدنيا معاها و اياكي تتكلمي معاهم هما عايزين يرحوكي و انا اللي طلبت اصلاً ايمي.....ماشي يا رشيد رشيد.....ماشي ايه موافقه ايمي....هو انا في ايدي اوافق او ارفض انت حطتني قدام الامر الواقع خلاص رشيد....ما انا لو كنت خدت رأيك كنتي هترفضي لان عارف رأيك و انا لا هجازف بيكي و لا باللي في بطنك و الله العظيم هتحبيها شكلها طيبه اوي و هاديه و مطيعه ايمي....هي عندها كام سنه شكلها صغير رشيد.....تقريباً 24 او 25 ايمي.....طيب بذمتك دي هطلب منها ازاي بجد تشيل البيت ده و الله حرام عليك رشيد...بضحك هي هتهد و تبني يا ايمي البيت كويس و نضيف و الدنيا تمام و محدش فينا بيبهدل حاجه اوي يعني التنضيف لو اول باول الدنيا هتبقي تمام و يا ستي يوم ما بكون في تنضيف كتير هقول لليله تبعتلنا البنت اللي نضفت البيت و يساعدوا بعض حلو كده ممكن بقي نطلع نشوف البنت اللي زمانها نامت بره ايمي....امممم طيب هي هتنام فين رشيد....في الاوضه اللي جنبنا هي جاهزه و عشان تبقي قريبه منك ايمي.....طيب هي مش بتتكلم عربي خالص يعني رشيد....لا بتتكلم و بتفهم هتعرفي تتعاملي معاها فكي بقي ايمي.....بابتسامه غيظ يكون في علمك اول واخر مره تحطني قدام الامر الواقع رشيد....بضحك حاضر عيوني يلا خلينا نخرجلها بقي ايمي.....اوك يلا خرجوا بره مع بعض كانت قاعده زي ما سابتها و ساكته خالص اول ما شافتهم وقفت رشيد......بابتسامه ايه يا چوي مبسوطه ابتسمت وهزت راسها ايمي.....بتعرفي تتكلمي عربي يا چوي چوي.....شويه شويه ايمي....بابتسامه بس بتفهمي عربي چوي.....بفهم كتير رشيد....چوي انا عايزك تعتبرينا عيلتك انا و مدام ايمي بس اللي عايشين هنا هتبقي مبسوطه معانا ان شاء الله و الشغل هيكون بسيط انا بس عايزك تهتمي بمدام ايمي و متخليهاش تتعب عشان هي عندها بيبي چوي....بابتسامه مبروك ماشاء الله ايمي.....بابتسامه شكراً بصي يا چوي الاوضه اللي هناك دي هتكون بتاعتك هتدخلي و ترتاحي و رتبي الهدوم بتاعتك چوي....تمام تمام رشيد.....بصي يا چوي شوفي اللي انتي محتجاه و تعرفي مدام ايمي و انتي يا ايمي معلش ابقي شوفي لبسها و كل حاجتها الشخصيه و اي حاجه تحتاجها عرفيني ايمي.....تمام متقلقش رشيد.....انا هدخل بقي اغير و اروح الشغل خلي بالك من مدام ايمي يا چوي چوي.....بابتسامه طيب خلي بالي من مدام ايمي ايمي.... بابتسامه جميله طيب يلا روحي بقي ارتاحي شويه و شوفي الاوضه بتاعتك و بعدين هبقي افرجك علي البيت چوي.....طيب خدت شنطتها من علي الارض كانت شنطه صغيره خالص و دخلت علي الاوضه بصت ابمي لرشيد بغيظ و رفعت حاجبها رشيد ....بضحك و الله ارتاحتيلها و هتحبيها ايمي....بضحك اقول عليك ايه بس رشيد....قوليلي بحبك ايمي.....بحبك يا رخم بقولك ايه صحيح رشيد.....قولي ايمي.....هي ديانتها ايه عشان اعرف ان في جزء فيهم ملهوش ديانه اصلا رشيد....لا اطمني مسلمه ايمي...طيب الحمد لله رشيد.....بضحك قرصها من خدها يابت بقولك هتحبيها ايمي....امشي يا رخم ضحك رشيد و سابها وراح علي الاوضه مسكت الموبايل و اتصلت علي ليله تبهدلها. ليله كانت راحت البيت هي و هنا و طلعت تغير و تجهز و تستني عشري يوصل. ليله.....ايه يا قلبي ايمي.....قلبي في عينك ده انتي ليله اهلك طيب معايا و لما اشوفك انتي و الواطيه ناديه هديكم ميت شبشب علي وشكم ليله....بضحك احيه في ايه ايمي.....شغاله ايه يابت اللي تجيبوهالي انتي ازاي تساعدي رشيد هااا ليله.....بضحك طب استهدي بالله ايمي....والله يا ليله لا هطين عيشتك و عيشه نادين و عيشه رشيد و هطلع هرمونات الحمل عليكم ليله.....بضحك طب اسمعي طيب يخربيتك بلاعه و اتفتحت في وشي يابت انا مليش دعوه رشيد طلب و انا ساعدته و اتصلت علي نادين قولتلها قالتلي اديلوا عنوان و رقم المكتب ده و خليه يقول انه من طرفي و بس و بعدين انتي عامله دوشه ليه الراجل خايف عليكي يااللي معندكيش دم و عايز يريحك الحق عليه يعني ايمي.....وانا اشتكيت خلاص بقيت عاجزه يابت مش قادره اقوم اعمل تكل او انضف ليله....بضحك بعد الشر عليكي مش كده والله هو خايف عليكي و مش عايزك تتعبي و بصراحه بقي انا مبسوطه بفكرته ايمي....غيظيني اكتر يا ليله ليله.....والله ابداً بس هتريحك يا ايمي و كمان هنطمن عليكي اكتر ان حد معاكي و لو لا قدر الله تعبتي متبقيش لوحدك ايمي....يا بت البت صغيره و رفيعه محتاجه اللي يساعدها و انا مش هقدر اجي عليها هتصعب عليا ليله.....اموت انا في الحنين ايمي.....وحياااااة امك انتي عايزه تتشتمي صح ليله....بضحك و الله بحبك ايمي...وانا بكرهك ليله....بضحك طب يا ستي شكراً بصي بقي البت لا هتتعب ولا حاجه انتي اكيد مش هتستعبديها يعني هي هتجهز الاكل معاكي هتنضف حاجه يعني كأنها عايشه في البيت ما احنا بنعمل يا ايمي و الموضوع مش صعب مش هتشقيها يعني و تخليها كل يوم تقلب البيت هتريحك بس تجيبلك مايه تعملك حاجه تشربيها تظبطلك الدنيا كده يعني ايمي....وانتي فاكره يا جزمه اني هقدر اقولها هاتيلي مايه ليله....بضحك والله قولت لجوزك كده ايمي.....بضحك طيب كويس والله انك عرفاني تصدقي بالله لا هخلي البلطجي بتاعك يجيبلك واحده ليله......بضحك ليكي عليا لو طلع بطل زي رشيد و حملت في تلاته انا اللي هقولوا هات واحده ايمي.....بضحك والله انتي ما شوفتي تربيه و متقلقيش با اختي عشري هيفرمك وهفرح فيكي ليله......بضحك طب وليه السيره دي الوقت انا بحاول انساها ايمي....بضحك هفكرك انا بيها كل شويه عشان متغلظه منك ليله......بقولك ايه متنكديش علي رشيد بقي يا بومه الراجل خايف عليكي و بعدين يا حزينه حد يلاقي راحه و يقول لا ايمي.....طب بذمتك يا شيخه انتي ترضي ليله....بضحك لا انتي عارفه بس لو مضطره ممكن ليه لا ايمي....اهو طلعت كلمه الحق ليله.....يابت انا مش واخده علي الجو ده انتي عارفه و مليش فيه خالص امي كانت تقفلي بالخرطوم لو منضفتش السجاده عدل و تروقني و تقولي ادعكي يا معفنه ايمي.....بضحك احسن تستاهلي ليله.....بقولك ايه هو جابها ولا قالك بس في الموبايل ايمي....لا يا اختي جه و جابها في الاوضه بتاعتها ليله.....طب روق يا قمر بقي ان شاء الله تحبيها و تريحك و هتتعودي عليها كمان يا ست هانم ايمي....بضحك يابت هشتمك ليله....بضحك و الله بهزر عشان افكك يا رخمه ايمي....انتي روحتي صح ليله.....اه كنت بظبط نفسي و بغير عشان البلطجي جاي في الطريق ايمي....خدتي هنا و لا سلمي خدتها ليله.....لا معايا اتصلت علي حسان و قولتلوا و خدتها خلاص ايمي...طيب بقولك ايه متزعليش من نعيمه انتي عرفاها مدب بس بتحبك ليله.... بابتسامه بسيطه لا مش زعلانه اتعودت علي لسانها خلاص انا بس زعلت منها علي طريقتها مع سلمي حسيت انها زعلت لما قالتلها انا مطلبتش منك تاخديها ايمي....وانا كمان حسيت انها زعلت بس سلمي بردوا عرفاها و عارفه لسانها انا بهدتلها بس هي متقصدش والله و بتحبك متزعليش منها ليله....ازعل ايه يا هبله نعيمه اختي و بعدين هي علي طول لسانها زي المبرد كده المهم خلينا فيكي انتي يا ست هانم ايمي.....بضحك انا هقفل يا تربيه وسخه قبل ما اشتمك ليله....بضحك ماشي يا ستي لو احتاجتي حاجه كلميني ماشي ايمي....حاضر ليله......علي فكره ممكن معرفش اعدي عليكي بليل بس هطمن عليكي كل شويه ايمي.....لا متجيش طبعاً و بعدين خلاص يا اختي مش اتفقتي عليا انتي ونادين و رشيد و جيبتولي واحده تساعدني اطمني بقي ليله......صحيح بقولك ايه ايمي....قولي ليله....ابقي اديها رقمي و رقم البنات عشان لو في اي حاجه تتصل علينا ايمي....طيب هديها رقمك و رقم رشيد ليله....والبنات كمان عشان لو حد فينا لاسوء الظروف مخدش باله او موبايلوا مقفول تعرف توصل لغيرنا ايمي....ماشي هعمل كده ليله....طيب يلا اتكلي علي الله بقي صدعتيني ايمي.....بضحك اه يا تربيه وسخه لما اشوفك يا صايعه ليله....بضحك سلام يا ست هانم ايمي.....باي يا جزمه قفلت ايمي و فضلت تضحك علي ليله .......... خرجت ليله تشوف هنا بتعمل ايه كانت ساكته خالص لاقيتها بتتفرج علي الكارتون ليله....القمر بيعمل ايه هنا.....بتفرج علي نيمو ليله....ايه نيمو ده هنا.....متعرفيش نيمو ليله.....لا والله هنا......نيمو السمكه هو ده نيمو ليله.....ايه ده انتي عارفه نادين ؟ هنا.....ايوه ليله....عندها سمك في البيت و عندها سمكه شكل دي كده اسمها نيمو بس مكنتش اعرف انه كارتون هنا.....بابتسامه لا كارتون بس هي ناظين عندها سمكه بجد ايمي.....سمكه واحده دي عندها تربيزه شكل دي كده بس كلها زجاج و مليانه سمك هنا.... ازاي يعني التربيزه فيها سمك ليله.... بضحكه جميله والله العظيم فيها سمك هي عامله شبه حوض السمك كده بس هي تربيزه شكلها حلو اوي و فيها سمك كتير هنا.....هو انا ينفع ابقي اشوف نيمو الحقيقي ليله....بضحك طبعاً بس هي سمكه عادي مش نيمو بتاعت الكارتون هنا......ايوه بس شكل نيمو صح ليله....اه شكل ده كده بالظبط بس قوليلي بقي ايه حكايه نيمو ده حلو يعني هنا.....حلو اوي حضرتك مش بتتفرجي علي كارتون ليله....بابتسامه لا هو حضرتي اخر كارتون شوفته كان توم اند چيري بوجي و طمطم عرفاهم هنا.....الفانوس ليله....بضحك اااابوه الفانوس بس هو اصلا كان كارتون و اتعمل عليه فانوس بعد كده و كان في كمان سلاحف النينچا و حجات كده قديمه بس كانت حلوه اوي لكن الجديد ده بصراحه معرفهوش هنا.....نبمو حلو اوي هيعجبك احكيلك حكايته ليله......بابتسامه جميله اه يلا احكيلي رجعت ضهرها لوراء و ربعت ايدها هنا......نيمو ده عنده زعنفه صغيره و احده كبيره و واحده صغيره خالص مامته ماتت و اخواته كلهم تاهوا في المحيط و هما بيض صغير بس نيمو اللي فضل بباه خاف عليه اوي لحد ما بقي سمكه بس مكانش بيرضي يخليه يروح المدرسه عشان بيخاف سمكه القرش تاكله ليله كانت بصالها و مبتسمه و طريقه كلام هنا هتجننها ليله....هو عندهم مدرسه هنا.....ايوه بيعلموهم يعوموا و بيعرفوهم مين السمك الشرير و مين السمك الطيب بس هو فضل يطلب من ببباه كتير لحد ما وافق و بعدين راح مع اصحابه و السمكه اللي بتشياهم علي ضهرها و بتعلمهم و فضلوا بعوموا في المحيط و بعدين كان في مركب و فيها ناس بتعوم خدوا نيموا بالشبكه و اصطادوا بباه حاول يرجعوا و معرفش و بعدين اللي اصطاد نيمو خدوا حطوا في حوض سمك كملت بضحك هو كان دكتور اسنان زي سلمي ليله.... بضحك يا عمري انتي باستها من كفها و فضلت تسمعها هنا.....و كل الفيلم بقي بباه بيحاول يلاقيه و نيمو بيحاول يهرب من حوض السمك بمساعدة صحابه السمكات اللي اتعرف عليهم و بباه هيتعرف علي سمكه اسمها دوري هي بتنسي كتير و كل شويه يحكيلها ان نيمو ضاع و تنسي تاني ليله....اممممم ماهي السمكه بتنسي بسرعه هنا....ايوه بس هي بتنسي كتير اوي بس هتساعده و تفضل معاه ليله.....طيب و نيمو هيرجع لبباه ولا لا هنا....ايوه هيرجع في الاخر اصحابه هيساعدوا انهم يخلوا حوض السمك مش نضيف و هو هيطلعهم و يحطهم في اكياس عشان ينضف الحوض و هيهرب الكيس هيتقطع و هينط في الحوض و هيفضل يمشي في الحوض لحد ما المايه تخرج علي المحيط ليله.... بابتسامه انا لازم اتفرج عليه انا حبيته اوي هنا.....هيعجبك خالص و ليه جزء تاني ليله.....ايه بيتوه تاني هنا.....لا دوري هي اللي بتضيع ليله....بابتسامه انتي عارفه ان انتي جميله اوي هنا.....بابتسامه و حضرتك كمان بصت علي ضوافر ليله انا عندي لون مانيكير زي ده ليله..... بابتسامه اوباااااا بتحطي مانيكير هنا....ايوه بس مش عندي ضوافر ضوافر حضرتك احلي ليله.....ماهو انتي شكلك كنتي جعانه و كلتيها هنا.....بضحك لا مش باكلهم ليله.....لو كلتي كويس هيطولوا و يبقوا حلوين بقولك ايه تيجي احطلك هنا....بابتيامه جميله هو ينفع ليله......طبعاً ينفع يا قلبي و في الولن كتير كمان ايه رايك تيجي تشوفيهم هنا......اوك ليله.....يلا خلينا نحط بسرعه قبل ما عشري يجي بقولك ايه احنا هنعملوا مفجأه هو ميعرفش انك معايا هنا.....بابتسامه بجد ليله....اه بجد هنا.....هستخبي منه و نعمل مقلب اوك ليله....بابتسامه غمزتلها اوك give me five ضربتها هنا بالكف و هي بتضحك ليله....يلا بسرعه تعالي ورايا نحط المانيكير هنا....يلا دخلوا بسرعه علي اوضه ليله و طلعتلها كل المانيكير اللي عندها اختارت لون و فضلت ليله تحطلها و بعدين نشفتهولها بسرعه في الجهاز و كانت عماله تضحك علي كفها الصغير. هنا......حلو اوي ليله.....عجبك اللون و لا نغيره هنا.....لا عجبني ليله....تعالي بقي نحط برفيوم و نظبط شعرنا هنا.....اوك هو حضرتك هتتجوزي انكل عشري و تعملي فرح ليله.....ايوه هنتجوز و نعمل فرح هنا....طيب هو حضرتك ممكن تعزميني علي الفرح ليله بضحك حضنتها ليله.....يا رووووحي انتي مش محتاجه عزومه اقولك علي حاجه انتي لو مجتيش مش هتجوز هنا.....طيب ممكن تقولي لبابي و مامي عشان يوافقوا ليله....بس كده عيوني بس قوليلي هتلبسي فستان اوك هنا.....ينفع البس فستان زي بتاعك ليله....اه ينفع بس لازم نلبس حاجه من فوق عشان الجو هيكون برد جدااا في الهرم هنا.....بفرحه و ابتسامه جميله هو الفرح عند الهرم ليله.....اه هناك ايه بتحبي الهرم هنا.....ايوه بس كده هنتبهدل من الرمل و فستانك الابيض هيتبهدل ليله....بضحك لا يا هنون ماهو مش في الهرم في وسط الرمل هو الهرم هيبقي قدامنا بس في تيم بيجي يجهز المكان و بيعملوا زي قاعه الفرح كده يعني مش هنتبهدل ولا حاجه هنا.....انا هخلي مامي تجيبلي ورد و هحدفوا عليكي انتي وانكل عشري ليله.....بحب يا روحيييي علي السكر و انا موافقه طبعاً رن موبايل ليله كان علي السرير ليله....ااااه عشري شكلوا جه راحت بسرعه تمسك الموبايل لاقيته عسال. هنا......هو ليله....بابتسامه لا مش هو الوووو عسال....الووو ايه يا ليله عامله ايه ليله.....تمام الحمد لله يا ميدو انت اخبارك ايه عسال.....بخير الحمد لله معلش لو اتصلت وانتي مشغوله ليله....لا خالص يا حبيبي في حاجه ولا ايه عسال.....اه مش عارف اوصل لنادين مش بترد عليا ليله.....في ايه مالها يا ميدو عسال.....لا اهدي هي بخير بس زعلانه مني و مش راضيه ترد عليا من بدري ليله....وقعت قلبي يا ميدو طيب حصل حاجه كبيره يعني عسال.....مش كبيره اوي بس هي زعلت اتصلت عليها و انا رايح لزوزو كنت عايز اصحيها قبل ما ادخل اشيل النحل لانه بياخد وقت فا اتصلت مرتين مردتش بعتلها مسدچ قولتلها نادين ردي بسرعه فا ركنت العربيه لاقيت محمود نزلت و سلمت عليه و خدني علي جوه و سيبت الموبايل حوالي نص ساعه و انتي عارفه زوزو و حماده ومحمود يعني بينسوا الواحد نفسه بصراحه خرجت لقيتها متصله كتير اوي في النص ساعه دي و خافت يعني من الرساله فكرت ان فيا حاجه ليله....بابتسامه ااااه قلبت عليك يعني عسال...بضحكه هاديه والله ما كنت اقصد انا اتشغلت شويه بس و متوقعتش تقلق او تتصل كل ده المشكله ان الحوار ده من بدري من كام ساعه و مبتردش خالص و بتكنسل و انا مش عارف اركز في شغلي بصراحه و هي مضايقه ومش عارف اوصلها قولت اكلمك ليله.....بضحكه جميله طيب انا هشوفها و هخليها تكلمك بس خد بالك يعني انت غلطان رسالتك تقلق بصراحه عسال....بضحك متقوليلهاش كده بقي هي مش ناقصه ليله....بضحك لا مش هقولها انا بقولك انت بس عسال....طيب كلميها بالله عليكي و شوفيها كده او عرفيني هي فين ليله......طيب هكلمك تاني اوك عسال...اوك باي قفلت ليله معاه واتصلت علي نادين نادين.....ايوه يا ليله ليله.....قلبي عامله ايه مكلمتكيش انهارده نادين....بخير يا عمري انتي عامله ايه ليله....زي الفل انتي فين كده نادين....كام مشوار شغل كده و في حاجه بشوفها لشغل جديد هبقي اقولك عليه ليله....الله العب يا سيده الاعمال فلستي امي و بقيت علي الحديده نادين....بابتسامه متقلقيش مش هتبقي علي الحديده و لا حاجه ليله....يا ستي انا معاكي في اي حاجه المهم ممكن اقول كلمه نادين....اه طبعاً قولي ليله.....ممكن تردي علي ميدو عشان هيتجنن عليكي نادين....والله كنت واثقه ان ميدو كلمك ليله....بضحك معلش بقي ردي عليه والله قلقان عليكي نادين....لا مش هرد يا ليله خليه قلقان ليله.....طب ليه بس يا قلبي ده ميدو حبيبك نادين...لا عشان هو مستفز يا ليله و عشان انا اترعبت بجد ليله....هو قالي اللي حصل و قالي انه متوقعش انك تفهمي غلط و بعدين اتسحل مع زوزو و حماده و محمود ما انتي عرفاهم يموتوا في الرغي و اي حد بيتسحل معاهم نادين.....ليله ميدو عمره ما بعتلي رساله زي دي تخيلي افتح رساله بعد اتصالين و الاقيه كاتبلي نادين ردي بسرعه و بعدين مكانش فات وقت بالظبط اربع دقايق لما خرجت من الحمام و شوفت الموبايل اتصل نص ساعه مفيش رد ولا بيكنسل حتي افصل واتصل افصل واتصل تخيلي بقي انا في النص ساعه دي فكرت في كام حاجه و حشه و خوفت اتصل علي سلامه او مامته و اقلقهم ليله.....طيل ما انتي عارفه انه اكيد راح لزوزو نادين....انا نسيت خالص موضوع زوزو ده يا ليله مجاش في بالي اصلا انا مركزتش غير مع رسالته ليه بيبعتلي يقولي ردي بسرعه حصل ايه معرفش راح من بالي كل حاجه انا متصله بيه فوق الخمسين مره و في الاخر يرد يقولي كنت لسه هتصل بيكي انا قولت فيكي حاجه من كميه الاتصال دي طب ارد عليه اقولوا ايه ليله.....ماهو اكيد مترجمش ان الرساله خوفتك و هو اللي قلق اكيد عليكي من الاتصال ده كله نادين.....طيب خليه بقي ليله.....يابت بطلي عند و ردي عليه اتكلمي معاه براحه الموضوع بسيط نادين....لا مش بسيط يا ليله انا لما بكنسل علي ميدو كذا مره مش بيسكت لما بروح المخزن و موبايلي بيبقي خارج التغطيه بيتعصب بقيت اروح ولو هلاقي نفسي بطول كل شويه اخرج بره اطمنوا و ارجع ممنوع موبايلي يفصل لازم الباور بنك يكون معايا ديماً و انا عشان مقلقهوش و اتفادي اي زعل او مشكله بسيطه بسمع كلامه و في الاخر هو يخرج بكل برود يقولي نسيت الموبايل في العربيه لا اسفه مش قابله اعتذاره انا اصلا صاحيه مودي زي الزفت ليله.....بابتسامه ما باين علي صوتك هرمونات اكيد نادين.....مش هرمونات يا ليله بس مودي مش حلو و اتقفلت اكتر بسببه ليله....طيب ممكن و حياتي عندك تردي و ياستي افضلي زعلانه زي ما انتي بس ردي عليه و طمنيه و عاتبيه كمان بس متزعليهوش انا بحب ميدو هاجي اروقك نادين.....لا والله ماهرد الوقت خالص عشان هنتخانق صدقيني ليله....احيه انتي بتحلفي يابت ما خلاص الراجل اعتذر عديها عادي و بعدين زعلتي كام ساعه اهو واكيد مش هيكررها تاني نادين.....ليله بالله عليكي اقفلي و سيبيني و الله مخنوقه ليله....طيب انتي فين الوقت؟ نادين....مش هقولك يا ليله و ميدو مش هيجي ليله.....بابتسامه مش هيجي انا مش هقولوا انا اللي هاجي اشوفك نادين....لا مش عايزه اشوف حد ليله.....بضحك اه يا اوطي من الرصيف انا حد يا بت نادين.....بالله عليكي اقفلي و الله مش عايزه اتكلم الوقت ليله....طيب اهدي و خلاص هقفل بس لو انا غاليه عندك لما اتصل عليكي ردي نادين....حاضر هرد ليله.....يلا ياروحي باي نادين...باي اتصلت تاني علي ميدو. عسال.....ايه يا ليله ليله....بقولك ايه معلش سيبها الوقت لما تهدي خالص عشان هي مضايقه بجد ومودها مش احسن حاجه عسال....طيب ليه كل ده ما انا قولتلها اللي حصل و قولتلها حقك عليا ليه نكبر المواضيع بس وتقلب بمشكله ليله......هي خافت عليك يا ميدو و بعدين بتقولي انا مش بكنسل عليه و برد ديماً و لو في المخزن بخرج اكلموا عشان يتطمن و ديما معايا الباور بنك و هو معملش معايا كده معلش عديها و استني بس تهدي او لما تروح بليل ابقي عدي عليها عسال....هي فين يا ليله سألتيها ليله....مقالتش والله العظيم مرضيتش وقولتلها انا اللي هجيلك قالتلب لا مش عايزه اشوف حد قالبه علي الكل بسببك يا عم ميدو عسال.....بابتسامه والله العظيم يا ليله انا عمري ما عملتها فيها اصلا يعني تعدي خلاص نادين....انت عارف نادين خوافه واكيد فكرت فيك حاجه و بعدين خليني صريحه رسالتك تقلق يا ميدو خصوصا انك مردتش دي بتقولي متصله فوق الخمسين مره عسال....بابتسامه 62 مره ليله.....بضحك اه يا بجح طب ما حقها عسال....طيب انا اعمل ايه الوقت عايز اوصلها ليله....معلش سيبها الوقت و شويه و هتصل بيها تاني و هخليها ترد عليك عسال.....طيب تمام معلش يا ليله وجعتلك دماغك بصت ليله علي الموبايل عشري كان بيتصل عليها ليله.....لا يا حبيبي مفيش حاجه بسيطه ان شاء الله عسال....ماشي يا لولي يلا باي ليله....باي قفلت وردت علي عشري ليله......الوووو عشري.....بترغي مع مين يا بلطجيه ليله.....بابتسامه ملكش دعوه عشري....بترغي مع مين يابت ليله....بضحك ده ميدو عايزني اشوف نادين عشان مش بترد عليه عشري...امممم طيب انا تحت يلا يا قلبي ليله.....انت واقف فين عشري....قدام البيت علي طول ليله....طيب ممكن ترجع وراء شويه يعني ابعد عن المدخل عشري.....اشمعني هتطيري ولا ايه ليله....بضحك رخممممم لا معايا مفجأه مش عيزاك تشوفها عشري.....ماشي يا ستي هرجع قدامك كتير ليله.....لا حالاً هنزل عشري....طيب انا مستني باي ليله....باي. قفلت وبصت لهنا ليله....يلا بسرعه عشري وصل هنا.....يلا هنستخبي ازاي ليله......تعالي يلا انا هخبيكي خدت حاجتها بسرعه و قفلت الدنيا و خرجت كانت لابسه بنطلون اسود في قطع من عند ركبها و عليه بدي كت لونه رمادي و فوقيه چاكيت اسود جلد قصير قافله نص السوسته شكلها كان حلو اوي .. ركبوا الاسانسير و نزلوا ليله....بابتسامه خليكي ورايا اوعي تظهري الا لما اقولك هنا.....بابتسامه اوك خرجت ليله علي اول مدخل البيت لمحت العربيه راجعه كام متر لي وراء اول ما شافها ابتسم و نزل رمي السيجاره و داس عليها وبصلها وهو رافع حاجبه بترقب وبيقرب كام خطوه عشري.....بابتسامه ايه عامله عامله ليله....بضحك لا والله كملت بهمس اطلع يا هنا يلا خرجت هنا من وراء ضهرها و ضحكت ضحكه تجنن هنا....مفجأاااااه عشري.... بضحك الله الله يخربيت عقلك تعااالي جريت هنا عليه شالها و رفعها لفوق و بعدين حضنها وباسها ضحكت لياه وخرجت قربت منهم عشري......ايه المفجأه الحلوه دي هنا....عجبتك عشري.....عجبتني اوي انتي اصلا وحشتيني اوي علي فكره و بسأل بابي عليكي علي طول بيقولك ولا لا هنا.....لا مش بيقولي عشري.....بقي كده طب لما اشوفوا هضربوا علقه هنا....بابتسامه لا حرام اكيد نسي عشري...بضحك خايفه عليه هنا.....ايوه عشري...طب خلاص يا ستي عشان خاطرك انتي بس مش هكلموا بس ايه المفجأه القمر دي انتي فين ولا جايه منين بتعملي ايه مع ليله هنا.....انا جيت مع ليله بص عشري لليه و ابتسم وقرب منها وهو شايل هنا و باسها من خدها عشري..... وحشتيني ليله......بابتسامه وانت كمان ايه رأيك بقي في المفجاه الحلوه دي عشري.....جميله بصراحه بس هي معاكي ازاي ليله.....خدتها من سلمي كانت عايزه تاخدها معاها العياده قولت تيجي معانا احسن بدل ما تزهق عشري....اوباااا يعني القمر ده هيخرج معايا انهارده هنا......وليله كمان قمر ليله....بضحك يا عمري عشري....يعني انا هخرج مع قمرين صح هنا....صح عشري.....ماشي يا ستي يلا تعالي اركبي فتحلها باب العربيه وراء وركبها و بعدين بص لليله عشري.....هو ايه الحكايه انا عارف انها هتفضل مع سلمي كام يوم ليله....ما انت عارف ان حسان كان هياخدها و سلمي مرضيتش تخليها تقعد وسط العمال و بهدله البيت عشري....اه عارف بس هو عارف انها معاكي احسن يزعل ليله....لا قولتلوا اني هاخدها هتروح ازاي مع سلمي العياده و تفضل قاعده كده و سلمي اكيد مش هتركز و بعدين انت عرفت ان مامتها بعد ما روحت تعبت تاني و رجعت المستشفي و دخلت العمليات مره تانيه عشري.....ايه لا معرفش طب ليه ليله.....سلمي بتقول انها نزفت و حصلها تمزق في الرحم تقريباً وفي الرعايه واكيد هنا هتطول شويه مع سلمي و قولت يعني اشيل عنها يوم عشري.....لا حول ولا قوه الا بالله انا معرفش والله كلمت حسان انهارده بس مقاليش ليله....اكيد مشغول في البيت و نسي عشري.....طيب خير ان شاء الله و كويس انك خدتيها اهي تغير جو و متزهقش بردوا ليله.....اكيد عشري....بصلها طب ايه الچاكت مش قصير شويه ليله....بابتسامه لا مش قصير عشري......طب بلاش نقاوح بدل ما اطلعك تغيري انتي عرفاني ليله....بضحك افتح الباب يا بلطجي وانت قمر كده عشري.....ابتسم بنظره تجنن و فتحلها الباب اركبي بتثبتيني صح ليله....اه بثبتك و بحبك عشري....وانا بحبك ركبت ليله و حطت الحزام وبصت لهنا بابتسامه ليله.....مستعده يا هنون هنا.....ايوه مستعده ركب عشري و دور العربيه وبصلهم و ابتسم عشري......ها علي فين ؟ ليله..... بابتسامه انت تاني هنروح الاول علي الكام محل اللي قولتلك عليهم و بعدين هنروح المول بقي عشري.....ايوه الكام محل دول بيبعيوا ايه؟ ليله....بضحك همستلوا اتلم عشري....بضحك حاضر ليله.....قولي صحيح اطمنت علي محمود عشري....اه خلاص الساعه اربعه طيارتن طلعت و كلمني ان شاء الله ساعه ونص ولا حاجه و يوصل ليله....يوصل بالسلامه ان شاء الله طيب انت مش حاسس انه احسن شويه عشري.....يعني احسن من الاول شويه ليله.....ان شاء الله هيبقي احسن من الاول و نطمن عليه عشري....يارب يا قلبي بقولك ايه انا هموت من الجوع ليله....انت مفطرتش عشري.....لا فطرت بس مش اوي يعني بس مش عارف ليه جعان كده ليله....طيب عايز تاكل يعني الوقت علي طول عشري....خلينا نروح نشوف الكام محل دول وبعدين نروح ناكل ليله.....طيب اوك عشري.....بص في المرايه علي هنا هنوووون بحبك هنا....بابتسامه وانا كمان بحبك ليله.....ما تغير الاغاني اللي مش مفهومه دي يا عشري عشري.....بتتريقي علي الاغاني بتاعتنا يا بلطجيه ليله.....لا بس مش فهماهم فاهمه حاجه يا هنا هنا......بضحك لا مش فاهمه حاجه خالص ليله.....اهو شوفت بقي عشري....ااااه شكلكوا كده هتتفقوا عليا انهارده ليله......ده اكيد انت عندك شك صح يا هنون هنا....ايوه صح في خطه عشري....اوبااااا كمان خطه طيب انا هقعد مؤدب بقي عشان متتفقوش عليا و شغلي يا ستي اللي انتي عيزاه انا هفصل البلوتوث خالص القطي انتي ليله.....تسمعي ايه يا هنا هنا....امممممم اي حاجه بس اكون عرفاها تعرفي بيبي شارك ليله......بضحك اه عرفاها شكلك هتنزل و تسيبلنا العربيه الوقت عشري....بأبتسامه حب لا يا ستي هاتوا اللي يعجبكم جابت ليله الاغنيه و رفعت الصوت و فضلت ترقص هي و هنا وعشري يضحك عليهم و كل شويه يبص لليله بنظره تجنن. .................... وصل عدي هو وتقي قدام المكتبه لقوا زحمه كتير اوي كانت هي قاعده و ساكته و منطقتش بكلمه خالص و هو سابها براحتها كان حاسس انها مخطوفه واول مره يشوفها كده فا محبش يحرجها اكتر . عدي.....اوباااااا هو انتي كنتي عايزه تيجي تقفي وسط الزحمه والشباب دي كلها تقي....بابتسامه اااا ماهي المكاتب بتبقي زحمه كده خصوصا ان الامتحان قرب و كله بياخد المراجعات عدي.....اممم طيب بصي بقي متنزليش من العربيه و انا هروح اجيب الحاجه و ارجع تقي.....مش هتعرف يا عدي عدي.....يعني انتي اللي هتعرفي وسط كل دول تقي....طيب خليني انزل معاك عدي.....لا خليكي هنا و اسمعي الكلام قوليلي بس ايه الملازم اللي انتي عيزاها تقي....ااا طيب لحظه طلعت و رقه و كتبلوا اسم المواد اللي هي عيزاها هي كانت تخصص اداره اعمال بس دراستها كلها بالفرنساوي فا كان لازم تكتبلوا اسم المواد و كتبلتاوا كمان عايزه من كل ملزمه اربعه ليها هي و تمارا و ادهم وحدوته تقي....اهي دي اسماء المواد هما اتنين انا عايزه اربعه من كل ماده عدي.....تمام هاتي كده تقي.....طيب امسك انا مش عارفه الفلوس كام بالظبط بسسس قاطعها عدي عدي.....خلي فلوسك معاكي تقي.....عدي اسمع عدي.....متنزليش خرج وقفل الباب تقي......عدي استني طيب سابها و مشي وفضلت تبص عليه من بعيد لحد ما اختفي و سط الزحمه بصت علي الورد و ابتسمت و بعدين مسكت السلسله كامت حاسه انها بتحلم و مبسوطه اوي و متخيلتش ابدا ان اليوم يتحول بعد ما كنت حاسه انها مخنوقه بقي اسعد يوم في حياتها كانت اول مره تحس بالمشاعر دي و تجرب الحب بجد فهمت ان حبها الاول مكانش حب زي ما ما كانت فاكره كانت مراهقه و هبل منها بس مشاعرها مع عدي كانت مختلفه كانت عايزه كمان تقولوا ان هي كمان بتحبه بس مقدرتش و لا قدرت تبص في عينه حتي من كتر الاحراج و التوتر بس اكيد هو فهم . الوقت كان بيعدي و هي سرحانه و مبسوطه و بعدين بصت من الشباك تاني حست انه اتأخر فات حوالي تلت ساعه و هو لسه مرجعش اتصلت عليه لقت موبايله في العربيه مش معاه كانت عايزه تنزل بس خافت تسيب العربيه و هي مش بتعرف تقفل ولا تفتح فا نزلت بره و فضلت تبص عليه و هي واقفه جنب العربيه. فات حوالي عشر دقايق كمان و لمحتوا جاي من بعيد و معاه الملازم قرب منها. عدي.....مش قولتلك خليكي متنزليش تقي.....ما انت اتأخرت و اتصلت عليك لاقيت موبايلك هنا عدي.....الدنيا زحمه اوي ونسيت الموبايل امسكي اتأكدي كده من الملازم قبل ما نمشي خدتهم منه وبصت فيهم تقي.....اه تمام عدي....ناقصك حاجه تاني ؟ تقي.....لا خلاص عدي....طيب يلا اركبي ركبت العربيه قفل الباب و هو راح ركب عدي......بابتسامه قوليلي بقي عايزه تاكلي ايه ؟ تقي.....اي حاجه انت شوف عدي.....اللي هتختاريه هاكل منه تقي.....بابتسامه اي حاجه والله عدي....بضحك رفع حاجبه وبصلها لا بصي بقي جو الكسوف و اللغبطه اللي انتي فيهم دول ميمشيش معايا انا عايز تقي ام لسان طويل الطفسه اللي بتحب الاكل ضحكت تقي و بعدت عينها عنه عدي......بضحك ايه هنفضل كده كتير تقي.....هو انت ممكن تبطل رخامه شويه عدي....بضحك لا مش ممكن بصراحه شكلك حلو و انتي مكسوفه اوي تقي.....طيب ااا انا مش مكسوفه علي فكره عدي..... بابتسامه طيب عينك في عيني تقي...بضحك هو انت امته بقيت رخم كده ؟ عدي.... بابتسامه من وقت ما حبيتك تقي....بصتلوا بصدمه و ابتسمت عدددددي عدي.....بضحك دم دم يا عدي دم ضحكت و بعدت عينها تقي.....علي فكره هنزل و اسيبك هعيط والله اسكت بقي عدي...بضحك لا خلاص متعيطيش و انا ياستي هأكلك المرادي علي زوقي اتفقنا تقي....ماشي عدي.....اربطي الحزام تقي.....حاضر دور العربيه و طلع ........................ في المطعم نزلت ريهام و قفت تحت شويه اطمنت ان المكان كله تمام طلعت تاني علي فوق كانت مبسوطه اوي و متحمسه جداً موبايلها رن طلعتوا لقت ميدو بيتصل عليها. ريهام......بصوت باين عليه الفرح ايه يا ميدو عسال....بابتسامه اهلا بالمديره القمر ريهام.....حبيبي عسال.....مبروك الشغل يا قلب اخوكي ريهام....الله يبارك فيك يا حبيبي عسال....انا قولت اسيبك شويه كده تاخدي علي المكان و اتصل اباركلك ريهام.....ربنا يخليك ليا يارب عسال....قوليلي ايه شعورك كده اول يوم شغل ريهام......شعور ميتوصفش بصراحه مبسوطه اوي يا ميدو هو صحيح انا متوتره شويه خصوصا اول ما جيت بس ليله وسلمي بصراحه شالو مني التوتر خالص عسال....طيب الحمد لله اجمدي كده و بلاش توتر و نصيحه من اخوكي اي موظف هيشوفك متوتره هيستقل بيكي الانطباع الاول ديماً بيكون الطريق اللي بترسميه لنفسك لازم تكوني واثقه قويه شخصيتك مفروضه من غير ما تتكلمي عندك سرعه بديهه و ذاكرتك لازم تكون حاضره و لو حسيتي انك في موقف محتاجه حد من البنات يساعدك فيه او حابه تسألي عن اي حاجه متبينيش ده قدام الموظفين يعني اوعي تقولي طيب هسأل ايمي هسأل ليله خدي وقتك بطريقه شيك و بثقه و تسأليهم في اي حاجه بينك و بينهم عشان الموظفين اللي في المكان لو حسوا انك مش فاهمه او مش عارفه ممكن يستغلوا ده و تبوظي الدنيا فهمتي ريهام....بابتسامه فهمت يا حبيبي ربنا ما يحرمني منك يا ميدو عسال.....ولا يحرمني منك يا قلبي لو احتاجتي اي حاجه كلميني علي طول ريهام.....حاضر يا حبيبي عسال....يلا هسيبك بقي عشان معطلكيش ريهام......تمام مع السلامه عسال.....باي قفلت و قامت اتحركت في المكتب و راحت تبص من الزجاج علي المكان تحت شويه و رجعت تاني علي المكتب فضلت تقرأ كل الحجات اللي كانت بتكتبها وراء ليله وسلمي اتصل عليها مصطفي. ريهام....ايه يا صاصا مصطفي....مبروك مبروك يا حياة قلبي مبروك ريهام....بضحك الله يبارك فيك مصطفي....بضحك ايه الاخبار جيبتي درف المطعم ولا لسه ريهام....بضحد اعوذ بالله عليك يا واد انت معندكش ثقه فيا كده خالص مصطفي.....بضحك لا يا ستي عندي بقولك ايه انتي ليكي مكتب وكده و لا قاعده فين ريهام....اه في مكتب في الدور اللي فوق طبعاً مصطفي....ادييييييني في البيزنس وومان ابقي خدي صوره كده عشان الحدث ده لن يتكرر ولازم يتوثق ريهام.....بضحك ماشي يا مصيبه مصطفي....مبروك يا قلبي والله فرحان عشانك اوي ريهام....ربنا يخليك ليا يا صاصا مصطفي....كله تمام عندك و لا ايه ريهام....اه الحمد لله متقلقش اختك قدها و هتشرفك مصطفي....عارف طبعاً انتي تتعلمي الشغل علي اصوله بقي و بعدين تديهم صابونه و تيجي تشتغلي معايا ريهام....بضحك اه يا واطي عايزني اخد مصلحتي منهم تصدق هقول لليله مصطفي.... بضحك لا بلاش ليله انا لسه ليا عندها مصلحه ريهام......اه با وصولي يا متسلق ودي كمان هقولهالها مصطفي.....بضحك خلاص يا ستي بهزر ربنا يوفقك يا قلب اخوكي و اشوفك احسن الناس بصراحه البنات طلعوا جدعان اوي ريهام.....اه والله يا مصطفي ربنا يسعدهم يارب مصطفي...اللهم امين طيب يلا انا هقفل بقي عشان انا كمان عندي شغل و انتي روحي يلا لشغلك ريهام.....ماشي يا حبيبي ربنا يوفقك يارب و تخلص علي خير مصطفي.....خلاص هانت كلها ثلاث ايام علي الافتتاح ريهام....علي خير يارب و ان شاء الله تكسر الدنيا مصطفي....يارب يا قلبي يلا هشيبك بقي باي ريهام....باي يا صاصا ...................... وصل سليم قدام بيت نسمه و بعتلخا مسدچ. سليم....انا وصلت و واقف تحت شافت نسمه المسدچ و بعتتلوا نسمه.....اوك هنزل حالا بس ممكن يعني تطلع قدام شويه هتلاقيه محل يتاع قطع غيار عربيات اقف قدامه سليم.....اوك تمام طلع سليم بالعربيه قدام شويه و استناها فضل باصص علي المرايا اللي في الكرسي اللي جنبه كان واقف علي نفس الصف اللي بيتها فيه. دقايق بسيطه و لمحها جايه عليه كانت لابسه بنطلون چينز و چاكت ازرق و بدي ابيض في كتابه بالازرق و كوتش ابيض ابتسم بهدوء قربت فتحت الباب و بصتلوا و ابتسمت سليم.....بابتسامه اركبي يلا ركبت بهدوء وقفلت الباب و بصتلوا نسمه....ااا ازيك مدلها ايده و ابتسم مدت أيدها سلمت عليه سليم.....الحمد لله شكلك متوتر نسمه.... بابتسامه اااا شويه سليم.....طيب اطلع نسمه....اه يلا دور العربيه و طلع و بعدين بصلها سليم.....ايه الاخبار نسمه...كله تمام قلبها كان بيدق جامد و متوتره دي اول مره تخرج معاه لوحدهم سليم.....متوتره ليه بقي نسمه....بضحكه هاديه مش عارفه سليم.....لا فكي كده و متتوريش اول مره تشوفيني ولا ايه نسمه....بابتسامه ااا لا بس اول مره اخرج معاك من غير ما حد يكون معانا. سليم.....بس انا نفس الشخص علي فكره نسمه.....بأبتسامه اه عارفه بس الموضوع طلع مختلف شويه سليم.....طيب قوليلي في مشكله في البيت و لا محدش يعرف انك معايا نسمه....اااا بصراحه لا محدش يعرف اني معاك هو انا يعني كدبت قولت هقابل صحابي انا مش بكدب يعني بس معرفتش اقول ايه يعني هما اكيد مش عارفين ان انت بتنفذ عقاب سليم....بابتسامه مين قال اني بنفذ عقاب انا خارج معاكي و انا مبسوط نسمه....اوك بس بردوا مكنتش هعرف اقول حاجه سليم.....طيب انتي مضايقه يعني عشان حطيتك في الموقف ده نسمه....لا خالص والله و انت محطتنيش في موقف ولا حاجه انا بس معرفتش اقول اني نازله اشوفك سليم.....ماشي يا ستي بس ايه القمر ده نسمه....بابتسامه احراج ميرسي انت كمان يعني شكلك حلو سليم....بجد نسمه....بضحكه عبيطه اه بجد سليم....اممم صليتي ؟ نسمه.....بضحك انت تاني اه صليت سليم....خدي بالك انا مش متطمنلك احنا اتفقنا نقول الصراحه نسمه.....والله العظيم صليت سليم....خلاص مصدقك نسمه....صحيح اخواتك اتصالحوا سليم....اه اتصالحوا و محمود سافر انهارده لسه موصلش كمان نسمه....سافر العمره زي ما قولت سليم...اه نسمه....ان شاء الله يرجع كويس سليم ...يارب نادر كان في البيت ولا لا نسمه....لا في شغلوا سليم....طيب تمام نسمه.....هو انت في حد عندك عارف انك هتقابلني سليم....عدي بس ده ممكن يضايقك نسمه....لا خالص انا بس بعرف منك سليم.....لا مفيش غير عدي نسمه.....تمام سليم.....ايه اخبار المذاكره نسمه....كويسه الحمد لله خلاص قربت امتحن سليم....امتحاناتك امته نسمه....ثلاث اسابيع و ابدأ بس العملي كمان اربع ايام سليم.....طيب انتي لازم تذاكري كويس نسمه....ما انا بذاكر سليم.....طيب هتعرفي تظبطي مذاكرتك مع الشغل نسمه.....هو انا لسه مش عارفه هعمل ايه بس هحاول اظبطها مع تقي يعني بكره ان شاء الله هاجي اجيب الشغل عندكم و بعدها مش هاجي عشان لازم اذاكر و كده كده مش هتحتاجوا شغل غير بعدها بكام يوم سليم.....تمام بس حاولي تظبطيها عشان الشغل مبجيش علي دراستك انتي اخر سنه يعني لازم تاخدي الموضوع جد نسمه....انا مرعوبه اصلا والله سليم.....ليه مش مذاكره كويس نسمه....لا مذاكره بس انا خايفه و مش عايزه اطلع بأي مواد السنه دي خالص نفسي اخلص بقي و اتخرج سليم.....خير ان شاء الله متقلقيش هتعدي و تخلصي نسمه....يارب ....................... في منزل ايمي زوزو راحتلها و عرفت ان رشيد جابلها شغاله و قعدوا يتكلموا كتير . ايمي.....هو انتي ممكن بقي ترتاحي شويه و تخليكي مع حماده شويه اديكي شايفه رشيد جابلي حد يساعدني يعني ملهوش لزوم تفضلي رايحه جايه و تتعبي نفسك ماريز ....يعني انا بعمل ايه انا علي طول قاعده ولا مش عيزاني اجي يا ست ايمي ايمي....لا طبعاً يا زوزو انتي تنوري بس مش عايزه اتعبك يا قلبي و بعدين انا عارفه اصلا انك مش بتحبي تخرجي كتير و عشان حماده ميزهقش ماريز.....والله هو اللي قالي اجي و مسبكيش ايمي....بابتسامه قوليلي صحيح فرحان مش كده ماريز .....فرحان بس ابوكي عامل زي الطفل كل شويه يقولي معرفتيش ايمي هتجيب ايه قولتلوا لسه مظهرش قالي طيب هيظهر امته قولتلوا يعني ممكن يبان الشهر الجاي و ممكن اللي بعده انت ليه مهتم تعرف الوقت قالي عايز اروح اجيبلهم لبس ايمي.....بابتسامه يا عمري قوليلوا ميتعبش نفسه احنا هنجيب كل حاجه بس نعرف الاول ماريز.....هو حبيبي فرحان طول اليوم يقولي تفتكري هعيش لحد ما اشوفهم هما و ابن او بنت امنيه ايمي.....بعد الشر عليه ان شاء الله يشوفهم و يشوف ولادهم كمان و يفرح بمحمود و ولاده ماريز....يارب اللهم امين بس هو فرحان فرحه و خايف عليكي خوف لدرجه اني قولتلوا خد بالك امنيه ممكن تزعل انت مهتم بايمي و اللي في بطنها و بتتكلم عليهم اكتر ما بتتكلم علي امنيه ايمي.....اه خليه يا خد باله والنبي ماريز.....هو فرحان بامنيه اوي خدي بالك دي اخر العنقود بس فرحته بيكي اكبر و مش عارف يخبيها ايمي.....ربنا يفرحوا يارب وحشني والله مش متخيله اني هقعد كتير مشفهوش ماريز.....لا هيجيلك متخافيش انا بومين كده وهخليه يجي يشوفم بس انتي عارفه ابوكي مش بيخرج كتير اخره يتمشي للسوبر ماركت يروح يصلي في المسجد سعات بس هيجيلك مش هيقدر اصلا ايمي...يجي و ينور ماريز.....البنت شكلها طيبه علي فكره ضحكتها حلوه و سمارها حلو ايمي..... بابتسامه بصت عليها من بعيد اه جميله و هاديه اوي بس والله مكان ليها لزوم انا مش عارفه ازاي هطلب منها حاجه ماريز......معلش جوزك خايف عليكي و متنسيش يا ايمي ان دي اول فرحه لرشيد كمان يعني هيعمل كل اللي يطلع في ايده عشان يشوفهم بخير و بعدين هو حابب يريحك ايمي....انا عارفه والله يا زوزو بس انا اقصد انب مش هروح الشغل و هبطل اتحرك بالعربيه و كمان نزلنا من فوق يعني مش هتطلع سلالم و مرتاحه خالص فا شغل البيت مكنش قصه كبيره علي الاقل اتسلي او الاقي حاجه اعملها بدل الملل ماريز.....متستهونيش بشغل البيت خصوصا و انتي حامل بكره تعرفي قيمه كلامي ده الحامل يا ايمي بتحتاج راحه لان اللي في بطنك بياخد من جسمك و مجهودك وانتي ماشاء الله حامل في ثلاثه يعني مجهود اكبر و تعب اكتر و قدام شويه لما يبدأوا يكبروا هتلاقي عضمك وجعك مش هتقدري تيجي بقي ساعت الولاده مش هيبقي عندك جهد و بعد الولاده هتبقي مرهقه و تعبانه و مش قادره تهتمي بيهم فا ارتاحي الوقت علي قد ما تقدري عشان لما تقومي بالسلامه تبقي قادره تقفي علي رجلك و بعدين مستعجله ايه علي التعب والشقي و المجهود انتي هتبقي بتتمني تنامي او تاكلي او تستحمي ايمي.....بضحك الله يبشرك بالخير يا زوزو ماريز ....انا بفهمك بس ان اللي جاي اصعب بكتير و محتاج مجهود نامي الوقت و ارتاحي و كلي و اهتمي بصحتك و وفريها انا صحيح مش بحب موضوع المساعده ده وانتي عارفه اني طول عمري رفضاه بس في حالتك انتي رشيد صح بصراحه ايمي.....يلا الحمد لله في كل الاحوال بقت امر واقع ولازم اتأالم عشان رشيد مستحيل يسمع كلامي.. ماريز....رشيد بيحبك وخايف عليكي يا ايمي ربنا يسعد قلبه ايمي.....بابتسامه اللهم امين يارب ................ عند عشري و ليله في العربيه كانت قاعده ترقص هي و هنا و يغيروا في الاغاني و مبسوطين اوي وعشري كمان مبسوط قربوا علي المكان اللي ليله قالتلوا عليه كان محل كبير بيبع لانچيري ركن و بصلها عشري.....وصلنا يلا ليله....بابتسامه لا استني هنا يلا فين انت هتفضل هنا انت و هنا عشري.....بضحك ده ليه ان شاء الله هاجي معاكي طبعاً ليله....هتفضل هنا يا عشري هاااا انا مش هتأخر يعني هحاول انجز عشري.....طب ما اجي معاكي عشان اختار ليله....بهمس ضحكت تختار ايه يا حشري متخلنيش اوضح بقي احنا مش لوحدنا عشري....بضحك بص علي المحل و بعدين بصلها طب ما عادي يعني ده لبس زي اي لبس ليله....اللهم طولك يا روح يا بلطجي اتهد مش هينفع اقعد استني انت وهنا و اسمعوا اغاني و انا مش هتأخر هنا.....خليها تروح يا انكل عشري و احنا نقعد مينفعش تروح معاها اصلا عشري....بضحك ليه مينفعش يا هنون طيب هنسيبها لوحدها هنا.....عشان ده لبس بنات و انت ولد ضحكوا هنا الاتين من قلبهم علي هنا و اتصدموا من ذكائها كانوا بيتكلموا بالشفره فاكرينها مش فاهمه ليله....بضحك اهي قالتلك يا اخي طلعتها عن شعورها يالهوي علي اللمضه الصغيره هاتي بوسه عشان انتي عايزه تتاكلي عشري....بضحك بقي كده يا هنون انا قولت بردوا هتتفقوا عليا ليله....بضحك تجنن والله ربنا يحميكي يارب وانت يا سي عشري اسمع كلام هنا دي حجات بنات يلا مش هتأخر عليكم اسمعي اغاني لحد ما اجي يا هنا اوك هنا....اوك ينفع اركب مكانك لحد ما تيجي ليله....ينفع طبعاً نطي هنا اول ما انزل يلا باي فتحت الباب و نزلت لفت من قدام العربيه عشري.....استني خدي الڤيزا ليله....الڤيزا اللي انت عاملهالي فيها عشري....طب خلي دي معاكي بردوا ليله...لو احتاجت هقولك يا حبيبي عشري......طيب اقفلي الچاكت شويه عشان منزلكيش ليله.....يا باااااي بلطجي سحبت السويته شويه و دخلت المحل و فضل يبص عليها و يبتسم و بعدين بص لهنا عشري.....نشغل الفرح اللي انتوا عاملنوا يلا هنا.....بابتسامه يلا دخلت ليله علي جوه قربت منها بنت البنت....اهلا بحضرتك نورتي المكان ليله.....ميرسي البنت.....تحبي اساعدك ليله.....انا محتاجه بروشور لو فيه البنت.....اه موجود لحظه واحده وقفت ليله تبص في كل مكان رجعت البنت و مدتلها ايدها بالبروشور و وقفت بعيد عنها كام خطوه فتحت ليله البروشور و فضلت تتفرج علي اللانچيري الموجود عجبها حجات كتير و بدأت تختار و تعرف البنت عايزه ايه و الوان ايه و البنت تجيبلها و تفرجها علي الطبيعه ليله.....طيب المقاس ده كبير البنت.....اه انا بس بفرحك علي الخامه و هجيب لحضرتك المقاس ليله.....هي حلوه اوي بس بصراحه انا معرفش المقاس البنت.....انا هجيبلك مقاساك متقلقيش بس المهم الخامه كويسه ليله.....اه حلوه اوي بس زي ما قولتلك كل موديل اختارته عايزه اللون اللي قولتلك عليه البنت....طيب خلينا نختار موديل موديل عشان منساش و هفرجك كمان الوانه كلها علي الطبيعه عشان لو حابه تغيري رأيك ليله.....تمام البنت....طيب اتفضلي اقعدي قعدت ليله في مكان زي استقبال المحل كان هادي يادوب في كام حد قعدت علي كنبه جلد و قدامها تربيزه و لكحت طفايه كانت هتموت علي سيجاره بصت للبنت ليله.....هو ينفع ادخن ولا ممنوع البنت....بابتسامه لا اتفضلي ولعت ليله سيجاره و بدأت البنت تروح و تيجي عليها تفرجها الموديل بالمقاس بتاعها و اللون تقريباً اختارت كل اللي عجبها و بدلت لون او اتنين و اشترت حجات كتير تقريباً كل اللانچيري و البچامات اللي كانت محتاجاها و مخدتش وقت طويل لانها اختارت بسرعه والبنت كانت سريعه معاها ليله.....تمام كده انا هاخد كل اللي اختارته ده البنت.....تمام يا افندم تحبي تشوفي اي حاجه تاني او تبدلي حاجه ليله....بابتسامه لا ميرسي اوي و تعبتك معايا البنت.....مفيش تعب تحت امرك هجهزهملك و اعرفك الحساب ليله.....تمام راحت البنت علي مكان الكاشير و جات بنت تانيه ساعدتها و بداوا يحجوا كل حاجه في شنط الحاجه كانت كتير اوي قامت ليله بهدوء لما شافتهم خلاص بيحطوا اخر حاجه طلعت الڤيزا و حاسبتهم و سابت للبنات فلوس البنت.....حضرتك معاكي عربيه عشان ننقل الحاجه ليله.....اه واقف بره البنت.....طيب اتفضلي احنا هنخرجهم ليله....اسفه بجد تعبتكم معايا البنت....تحت امرك خرجت ليله و قربت من عشري لمح البنات خارجين بشنط ليله....عشري افتح العربيه نزل بسرعه فتحلهم و حطوا كل حاجه و دخلوا مره تانيه يجيبوا الباقي وقف عشري يظبط الشنط وقفت ليله ساكته خالص و باصه في الارض ثواني حست انها لمحت حاجه هي متأكده انها تعرفها كويس محبتش تلفت النظر و ترفع عينها و تبص ناحيتها بس حبت انها تتأكد اكتر ثربوا البنات مره تانيه يحطوا باقي الشنط في العربيه مشيت هي بهدوء و راحت علي العربيه و قفت و قربت من المرايا و عملت نفسها بتظبط الروچ و بعدين و قفت و راحت تاني لعشري و هي بتبص بطرف عينها و تتاكد اكتر و اتأكدت ان مريم و راهم بعربيتها من بعيد قربت من عشري و ابتسمت ليله.....ميرسي يا بنات تعبتكم عشري.... بابتسامه شكراً البنت.....تحت امركم نورتي المكان ليله......ميرسي مشيوا البنات و قفل عشري الباب عشري.....جيبتي كل حاجه ليله....بابتسامه اه يا روحي جيبتلك حجات تجنن عشري....بضحكه جميله مش كنت اختارت معاكي ليله.....مش واثق في ذوقي يا بلطجي عشري.....انا واثق انهم هيجننوا عليكي ضحكت ليله و عضت علي شفايفها بمياعه كانت واثقه ان مريم مركزه معاهم اوي ليله.....طيب يلا خلينا نمشي يا بلطجي عشري ....علي فين بقي الوقت ليله.....هنمشي شويه لقدام في محل لبس تاني بس مش لانچيري عايزه اشوفوا. عشري.....يلا بينا وسعت لعشري و هي بتبصلوا ليله.....الباب يا بلطجي عشري.....بضحك عيون البلطجي فتحلها الباب و نطت هنا تاني لوراء بصتلوا ليله بابتسامه تجنن من غير ما تبص علي مريم خالص و بعدين ركبت. فضلت ليله طول الطريق باصه في المرايا جنبها و مبتسمه نزلوا مع بعض علي كام محل و جابوا كل حاجه و بعدين طلعوا علي المول مسكت ليله ايد هنا كانوا عمالين يدخلوا و يخرجوا من محل للتاني جابت توك كتير و اكسسوري و جابت لهنا حجات كتير جابت كوتشات و هيلز و شنط و حجات كتير و دخلت براند بتاع ميك اب كبير جابت منه كام حاجه جديده مش موجوده عندها و جابت برفيوم. ليله.....عشري انهارده كده خلاص مش هنجيب حاجه تاني انا هنزل مره او مرتين كمان و خلاص كده عشري......جوعتي صح انا واقع من الجوع ليله.....جعانه بصراحه و كمان هنا جاعت بس كمان كفايه كده انهارده عشري.....طيب خلينا ناكل و بعدين نقوم نكمل ليله....لا كفايه كده يا قلبي العربيه اتملت شنط و لسه بص معانا شنط قد ايه و كمان عشان هنا متتعبش من اللف و بعدين بصراحه بقي انا عيزاها تتبسط شويه عايزين ندخلها تلعب في الالعاب عشان متزهقش انا مش وخدها تلف و بس عشري...ماشي اللي انتي عيزاه نلاعب القمر ليله....نروح نلعب يا هنا هنا.... بابتسامه اه نروح ليله...اوك خلينا ناكل الاول و نرتاح شويه و بعدين نروح نلعب عشري.....طيب احنا هنفضل ماسكين الشنط دي كده انا بقول اروح احطهم في العربيه و ارجعلكم قولتي ايه ليله....طيب هتروح انت بقي عشان هنا متمشيش كل ده عشري.....لا خليكم انتوا هنا و انا هروح و ارجع بسرعه بس شوفوا كده هتطلبوا ايه ليله......انت عايز تاكل ايه عشري.....اللي هتجيبيه هاكل منه شوفي انتي وهنا ليله.....طيب تمام هنا هاتي الحاجه بتاعتك عشري يحطها في العربيه عشري....بابتسامه فرحانه بحاجتها صح يا هنا هنا.....ابتسامه اه حلوه اوي ليله.....انتي اللي قمر بس هي خلاص بقت بتاعتك خليه يحطها في العربيه عشان لسه هنلعب عشان متقعش منها حاجه هنا.....اوك اتفضل يا انكل عشري عشري.....هاتي يا قلبي ليله......هنا نطلب بيتزا و لا ناكل kfc هنا......مامي بتقول ممنوع الفاست فود عشان التمرين ليله.....امممم طيب هنسمع كلام مامي عشري....في مشويات هناك شوفي هي بتحب ايه و جيبيلها و انتي اختاري اللي عيزاه ليله.....بضحك لا خلاص هناكل زي بعض اكيد مش هاكل فاست فود وهي لا عشري.....طيب انا مش هتأخر عليكم متبعدوش و خلي بالك منها الدنيا زحمه ليله......ماشي يا عمري متقلقش مشي عشري و سابهم هنا.....ليله ليله....نعم يا روحي هنا......هو انا ينفع اروح التويلت ليله.....طبعاً ينفع تعالي نروح و بعدين نشوف الاكل هنا.....اوك مسكتها ليله في ايدها و راحوا مع بعض علي الحمام ليله.....بتعرفي تدخلي لوحدك هنا.....ايوه طبعاً ليله.....طيب امسكي كده المناديل دي خليها معاكي هنا....اوك دخلت هنا التويلت و وقفت ليله تظبط الروچ بتاعها و تغسل ايدها دقيقه و خرجت هنا ادتها لياه و يابس و غسلتلها ايدها و بعدين راحوا يختاروا الاكل اختارت هي و هنا و دفعت الحساب و راحت قعدت شويه لحد ما الاكل يجهز. ليله.....تعبتي يا هنا صح هنا....بسعاده لا مش تعبت ليله....طيب مبسوطه هنا.....اوي اوي ليله.....عجبتك الحاجه هنا......ايوه عجبتني خالص ميرسي يا ليله انا بحبك اوي ليله.....بابتسامه باست كفها وانا بحبك اوي عيزاكي بقي تاكلي كويس عشان عندنا خطه جديده هنا.....خطه ايه ليله ...هنروح نلعب و نخلي انكل عشري يلعب معانا و نغلبوا في كل اللعب هنا.....بضحك اللعب مش هتبجي علي قده ليله....بضحك معاكي حق هو كبير صح هنا.... بابتسامه كبير خالص بس في لعب ينفع يلعبها عشان ميزعلش ليله.....ماشي هنلعبوا معانا وخلاص بس احنا هنلعب اكتر منه شويه اتفقنا هنا....اوك ليله....تيجي نكلم بابي نطمنوا علينا هنا......ايوه يلا .............. عشري....بابتسامه حمد الله علي سلامتك يا قلب اخوك و الله بالي معاك كل شويه ابص علي الساعه محمود.....حقك عليا وصلت المطار و جيبت خط لس معرفتش اتصل بيك علي طول كنت بتحرك معاهم عشري.....المهم انك وصلت الحمد لله اتصلت علي امك محمود.....لا هتصل الوقت انا قولت اطمنك عشري.....طيب طمنها هي و ابوك و رحمه اكيد قلقانين عليك محمود.....حاضر هكلمهم عشري.....المهم طمني عليك احسن محمود.....احسن الحمد لله عشري.....هتعمل عمرتك امته محمود.....اوصل بس الفندق و هطلع الشنطه و هنزل اعملها علي طول عشري.....ماشي يا حبيبي عمره مقبوله ان شاء الله محمود......اللهم امين هبقي اتصل بيك تاني عشري....ماشي يا حبيبي و انا هسجل الرقم الوقت و هكلمك محمود.....تمام يا حبيبي عشري.....خد بالك من نفسك محمود....حاضر عشري.....بالسلامه يا حبيبي محمود....سلام يا اخوي قفلت عشري و اتحرك تاني راح علي ليله و هنا و كلوا مع بعض. ............... عند عسال كان متعصب جدا عشان مش عارف يوصل لنادين و لا راضيه ترد عليه و في نفس الوقت كان عارف انها مضايقه حاول يتصل بيها كتير شويه يرن و شويه يكنسل و شويه غير متاح اتصل تاني و فضل يرن و هي مردتش فا بعتلها مسدچ. عسال.....نادين ردي عليا من فضلك شافت نادين الرساله مردتش بعتلها تاني عسال....نادين ردي انا قولتلك متزعليش و اعتذرت انتي كده بتكبري الموضوع و هتقلب جد شافت و بردوا مردتش بعتلها تاني عسال.....مش هتردي بردوا طيب تمام يا نادين بس مترجعيش تزعلي لما اتعصب.. شافت المسدچ و هي مكشره و غضبانه و مردتش عليه ................. عند ريهام سمعت خبط علي الباب ريهام......ادخل فتح محمود الباب و هو مبتسم ابتسامه جميله و بصلها براسه. محمود.....انا قولت اجي اسلم و ابارك ريهام....بضحك ايه ده ايه المفجأه الحلوه دي قامت من مكانها و قربت سلمت عليه محمود......عامله ايه ريهام.....الحمد لله انت اخبارك ايه محمود.....لو سألتي كنتي عرفتي مكانش عيش و ملح وسفر و ضحك و هزار ريهام.....بضحك في دي معاك حق انا غلطانه يا سيدي بس انت كمان مسألتش علي فكره محمود....والله غصب عني رجعت اتسحلت مع ابويا و امي و الشغل و بصراحه اتحرجت يعني اتصل ريهام.....لا خالص اتصل عادي تعالي اقعد قعد محمود و هي قعدت قدامه ريهام....تشرب ايه محمود....ولا اي حاجه انا جاي اسلم عليكي و اباركلك و اطمن عليكي و امشي ريهام....و ترجع تقول عليا بخيله لا ياعم هتشرب محمود....بصحك لا ياستي انتي ام الكرم كله بس والله مش قادر طمنيني عليكي اخبار اول يوم شغل ايه ريهام.....بسعاده حلو اوي بجد مبسوطه جداً بصراحه محمود.....خدي بالك انا اتفاجئت مكنتش اعرف اخر مره اتكلمنا و خدتي رأيي قولتلك اسمعي كلام اخواتك و بلاش تشتغلي عرفت انهارده من ايمي انك نزلتي ريهام.....بضحك والله انا كنت هشيل الموضوع من دماغي زي ما قولتلي و انا كمان اتفاجئت زيك بالظبط امبارح لاقيت سلامه و ميدو بيقولولي ان ليله اتكلمت معاهم و هبدأ من بكره بصراحه مصدقت وفرحت اوي محمود.....وانا والله فرحت عشانك و لو الشغل هيبقي في مكان تعرفي الناس اللي فيه فا اشطا و متقلقيش محدش هيسيبك يعني و متقلقيش من اي حاجه المكان هنا جميل و التيم اللي بيشتغل هنا بصراحه كلهم محترمين و تحسيهم عيله ريهام.....اه بصراحه اتعرفت عليهم و مقابلتهم ليا كانت حلوه اوي ادوني طاقه جميله و البنات كمان يجننوا ايمي اتصلت بيا من شويه و اطمنت عليا محمود....طيب الحمد لله خير متقلقيش و بعدين يعني انا قولت هاجي الاقيكي متوتره بس لاقيتك قاعده علي المكتب سيده اعمال ريهام.....بضحك ايه رايك كاريزما مش كده محمود.....بضحك اه كاريزما يا مصيبه و الله و حشتني السفريه و قعدتنا و هزرانا ريهام....وانا كمان والله كانت تحفه المهم انت ايه اخبارك كله تمام محمود....زي الفل ربنا كرمني و هبقي خال لاربع عيال ريهام....بضحك ربنا يقومهم بالسلامه يارب عقبالك لما تخليهم عمات محمود....بضحك ااااه ولادي امهم هتبقي داعيه عليهم ريهام.....بضحك يا شيخ حرام عليك دي ايمي و امنيه سكر محمود..... بابتسامه صراحه اه انا اللي مفتري الواد مصطفي عامل ايه ريهام....الحمد لله بخير لسه مكلمني من شويه بيقولي افهمي الشغل كويس و بعدين سيبيهم و اشتغلي معايا الواطي محمود....بضحك عايزك تاخدي خبره و تبيعي البنات طب لما اشوفوا و الله وحشني صحيح هيفتح امته المكان بتاعه ريهام....اربع ايام باذن الله الاقتتاح بتاعه اوعي متجيش هو هيعزمك اكيد محمود.....هاجي طبعاً انا مش محتاج عزومه ريهام....اكيد طبعاً محمود.....المهم يعني انا جيت اباركلك و اشوفك لو محتاجه حاجه ريهام....الله يبارك فيك يا محمود و بجد شكراً اوي انك اهتميت محمود.....متقوليش كده يا ريهام و بعدين انا هبقي عندك علي طول انتي عارفه ان البيت قريب منك و اي وقت تحتاجي اي حاجه كلميني انا تقريبا حافظ الشغل هنا يعني لو وقف قدامك حاجه كلميني هتلاقيني عندك علي طول ريهام....بضحك اه انت فاضي بقي لا شغلع ولا مشغله و بالنسبه لشغلك با عم حودا محمود.....بضحك تصدقي انا غلطان ريهام....بضحك ما انت اللي بتقولي اي وقت كلميني محمود.....ما انا بخلص شغلي علي الساعه ثلاثه في البنك و اي شغل تاني خارجي انا و صحابي بنشيل بعض عادي ريهام.....بابتسامه ماشي يا سيدي هكلمك لو حاجه وقفت معايا محمود.....تمام همشي انا بقي محتاجه مني اي حاجه ريهام.....ما انت قاعد محمود.....بضحك لا ما احنا مش قاعدين علي المصطبه انتي في شغل ركزي ريهام....بضحك ياعم براحه دي عزومه مراكبيه خلاص انكل علي الله متعطلنيش محمود....بضحك ايوه كده شوفي شغلك قام وقف و بصلها وهي قامت وقفت تسلم عليه ريهام....بابتسامه بجد شكراً يا حودا اتبسطت اوي والله انك جيت محمود.....مفيش بينا شكر انا جنبك اي وقت يا ريهام قولي بس جزر هتلاقيني معاكي ريهام....بابتسامه ماشي يا سيدي هيحصل محمود.....مش محتاجه اي حاجه ريهام.....لا سلامتك والله محمود....يلا يا قمر بالتوفيق اشوفك علي خير وابقي اسألي هااااااا ريهام.....بابتيامه ماشي بس اسأل انت كمان يعني محمود......ماشي هقفرك بس مترجعيش تزهقي ريهام....لا مش هزهق يا سيدي اقرفني و ملكش دعوه محمود....بضحكه جميله ماشي اتفقنا يلا باي ريهام.....بابتسامه باي يا حودا خرج محمود وقفل الباب ابتسمت ريهام و كانت مبسوطه من كميه الدعم اللي شيفاها من الكل و للحديث بقيه......
