لقاء كـ،ـ،ـارثي
لقاء كارثي
أميره أسامه
صاحبة البطل الواحد
. البارت الحادي والستين .
…………………….
قبل و صول ليله بوقت بسيط..
كانوا هما يادوب وصلوا أمنيه و سابوها و مشيوا كانوا قلقانين و متوترين جداً نعيمه كانت بتفكر تمشي هي و نادين بس راحوا عشان ايمي متبقاش لوحدها.
و قرروا بعد ما وصلوهم يروحوا يقعدوا في الكافيه شويه مكانوش مرتاحين و متوترين خلاص وقت الجد بدأ.
ماريز و حماده قالولهم تعالوا علي الببت عندهم احسن بدل ما يروحوا الكافيه الجو برد و البنات لابسين فستاين.
فا راحوا كلهم علي هناك مكانوش عارفين عشري هيكلمهم يطمنهم ولا لا ليله لما تعرف هتعمل ايه طيب هتطلب منه تشوفهم تكلمهم كانوا متلغبطين.
الساعه كانت اتنين ونص و كلهم رغم التعب بس كانوا متوترين جداً
و خايفين من رد فعل ليله يكون اقوي من المتوقع..
اميمه روحت هي و جوزها و قمر كمان و ليد مكانس عارف يعمل ايه بس هو كمان روح عشان الوقت اتأخر بس قالهم لو في اي حاجه حصلت او عرفتوها اي وقت كلموني.
اهل نعيمه كمان روحوا
البنات بس اللي راحوا مع ايمي و رشيد عند ماريز كان معاهم احمد و تامر سلامه راح وصل حنان و ريهام و رجعلهم تاني مراحش معاهم يوصل امنيه…
كانوا ساكتين خالص و باصين لبعض و مبتسمين بتوتر.
رشيد…..بضحكه جميله بص قاعدين ازاي باين عليهم انهم عاملين مصيبه
احمد….يعني هما بس اللي عملوها لوحدهم ما انتوا اشتركتوا معاهم في الجريمه دي و ربنا يستر ليله مش هتعديهالكم خدوا بالكم
حماده….اه والله و خصوصاً العاقله الكبيره اللي طاوعتهم
ايمي….بأبتسامه طب بذمتك يا حماده من عشرتك لليله انت عارف انها كانت هتعديها
حماده…..كانت هتاخد وقتها و اه كانت هتعديها خصوصاً بعد اللي عملتوا انهارده ده بيأكد انها بتحبه و بتضايقه بقصد.
ماريز….دي دماغها انشف من الحجر جزمه قديمه و لا كانت هتهدأ ولا حاجه.
احمد….خدوا بالكم انا لما عرفت مكنتش موافق خالص و البنات اصلاً معرفونيش يوم كتب الكتاب
حسان….مكنتش تعرف بجد
احمد….والله ما كنت اعرف و لو كنت عرفت قبلها بشويه كنت اتكلمت معاكم تشيلوا الموضوع ده من دماغكم خالص بس لما عرفت ان
اخواتها موافقين و معندهمش اعتراض سكت
حماده….انا كمان لما عرفت ان وليد موافق هو والبنات معترضتش انا بس كلمت وليد علي التليفون قولتله بلاش و اختك هتزعل اوي بس هو كان ليه رأي تاني.
سلامه….طب ليه موافقتش يا عمي
احمد….بص انا مليش اني اوافق او ارفض ليله اه بنتي و ربنا يعليم بحبها قد ايه و يمكن سوء التفاهم او المشكله اللي حصلت بينهم دي مقدرتش اجي فيها علي عشري اوي مع اني متفق مع ليله انه غلطان بس انا عارف انه بيحبها رفضي ده عشان ليله لان ده بيزود المشكله اكتر جايز يكون وجهة نظركم صح البنات يعرفوا ليله اكتر مننا كلنا و بيتهيألي لو هما شايفين ان حاجه زي دي ممكن تدمر علاقتها بيهم مكانوش خدوا الخطوه بس كمان الموضوع مع ليله في الاول مش هيبقي سهل هتاخد موقف جامد و هتزعل منهم اوي انا شايف ان الموضوع كان خد وقته هديت براحتها بص انا عايز اقولك حاجه سيبك من موضوع ان الكدب خط احمر و مش عارف ايه مبدأ يمكن دي ليله بجد و هي بني ادمه صريحه لدرجه انها بتقول في وشك الصراحه كده حدف بس اللي بيحب بجد يا ولاد غصب عنه بيسامح انا قولت ان عشري غلطان بس غلطه مع الوقت يتسامح فيه لانه بجد بيحبها و هي اكيد كانت هتلاقي الف مبرر تسامحه عليه لانها هي كمان حبت ..
وقت ما كانت هتقرر تسامح لا كانت هتقول ده كدب ده خدع ده ضحك عليا ده خاني ده قبل الاهانه لا لا كان الوقت هيداوي الوجع يمكن هي عامله زي كتلة النار كده لان الموضوع لسه جديد ماهو انا بردوا عاذرها فجأه تلاقي واحده بتخبط عليها و تقولها علي خطيبها انه خطيبها هو كمان صعره مش سهله
