لقاء كارثي
لقاء كارثي 45/46/47
لقاء كارثي
أميره أسامه
صاحبة البطل الواحد
البارت السادس و الاربعون.
…………………….
خدت ايمي شاور و خرجت لبست فستان رمادي فاتح كت و قصير عملت ميك اب يجنن و عملت شعرها و خدت شال خفيف و نزلت علي تحت ابتسم رشيد لما شافها
رشيد….وبعدين معاكي بقي كل شويه قمر كده
ايمي….بابتسامه انا اصلاً قمر وسع كده
رشيد…..طبعاً قمر
ايمي….ايه الدلع ده كله طبعاً ده أول يومين بس عشان عروسه و كده بعني فطار و حركات
رشيد….بضحك اكيد لأ بس ميمنعش يعني ان انا كمان عايز ادلع
ايمي…..بس كده عيوني رفعت الشال عليها ولفتوا علي كتفها رشيد انا بردانه
رشيد….انا فتحت الدفايات اول ما نزلت الوقت تشتغل و تدفي المكان طيب تطلعب تلبسي حاجه اتقل شويه
ايمي….لا خلاص مش مهم الوقت البيت يدفي شويه
رشيد….طيب امسكي السويت شيرت بتاعي انا كده كده مش لابسه حطيه حتي علي ضهرك لحد ما الدفايات تسخن شويه.
ايمي….ماشي يلا اقعد بقي عشان تفطر
رشيد…..بأبتسامه حلو الفطار اللي الساعه تسعه ونص ده
ايمي….انت صحيح ايه الفطار ده كله امال هتتغدي امته
رشيد….لا ماهو احنا هنسهر بقي
ايمي….اممممم لا بقولك ايه شكلك كده هتبوظ نظام نومي و تشقلبلي اليوم
رشيد….طب ما انتي بتسهري
ايمي….ايوه بسهر بس مش لعشره الصبح و بصحي ثمانيه بليل
رشيد….يعني كام يوم دلع خساره فيا
ايمي….بابتسامه لا مش خساره بس خد بالك هنتعب انا وانت عشان نرجع نظبط يومنا
رشيد….كده كده يومنا لسه هيفضل متلغبط لحد ما نرجع من السفر
ايمي….هو احنا صحيح اكيد هنسافر الاربع
رشيد….اه بأذن الله و هأكد الحجز بتاع الرحله بكره
ايمي…..ماشي
رن جرس الباب اتخضت و بصتلوا بسرعه
ايمي…..في حد جاي ولا ايه
رشيد…لا لا ده اكيد الدليڤري
ايمي….دليڤري ليه
رشيد….الصيدليه لحظه
قام من علي كرسي البار راح خد محفظته من التربيزه وراح علي الباب فتح وخرج رد الباب وراه شويه و بعدين دخل تاني في أيده شنطه صغيره ساب محفظته و راح قعد تاني.
رشيد….الصيدليه بعتت الكريم
ايمي….ماشي
رشيد…..هو قالي ابعتلك مطهر بس انا كنت جايب قالي خلاص هبعتلك الكريم الاول نطهرها و بعدين نحط الكريم هنسيبه من غير ما يتغطي بس قالي لو خرجتي او اضطريتي تلبسي شوز حطي البلاستر عشان متفضلس تتجرح اكتر
ايمي…..طيب والمايه عادي
رشيد….اه عادي بس قالي تتنشف كويس عشان متعملش بكتريا انا مفهمتش اوي يعني بس اعملي زي ما قال
ايمي…..اوك يا عمري
خلصوا فطار و بعدين قامت ايمي شالت باقي الاكل و هو وقف غسل كام طبق و هما بيتكلموا و يضحكوا مع بعض.
ايمي….تعرف ان البنات وحشوني اوي
رشيد….بابتسامه ايه لحقتي
ايمي….اه والله يمكن كان بيجي علينا ايام مش بنشوف بعض بس مش عارفه ليه حاسه انهم وحشوني و زوزو و حماده و امنيه و محمود بجد وحشوني حاسه اني بقالي كتير مشوفتهمش
رشيد…..ااااااه لحقنا بقي نحس بغربه
ايمي….بضحك ايه لحقت تغير
رشيد….بضحك لا مش غيره يعني
ايمي…طيب بذمتك الشباب مش وحشوك
رشيد….بأبتسامه صراحه وحشوني يمكن انا كمان مكنتش بشوفهم كل يوم و كنت بشوف اكتر واحد حسان بحكم يعني انه هنا جمبي بس و حشوني اوي
ايمي….بأبتسامه قولي صحيح كنت عامل ايه انت و حسان مسالتكش ولا مره لانك كنت علي طول مشغول
رشيد….قصدك يعني في قعدتي معاه ؟
ايمي…..اه بحس ان انت و حسان كميتكم راكبه مع بعض اوي متفاهمين شويه طبعكم واحد
رشيد….حسان ده اخويا و الشباب طبعاً كلهم بس حسان بصراحه اكتر حد تعب معايا اوي انا مش عايز انكر طبعاً مجهودهم كلهم بس حسان بما انه كان جنبي قعدت معاه اسبوعين مكنتش بحس بيه يعني بحس انه عامل شويه زي نادين في البنات عندكم ملهوش حس ملهوش طلبات سايبني براحتي هادي تعب معايا بردوا كتير لا كنت مرتاح مع اني كنت مستغرب خالص نفسي و انا عنده
ايمي…انا معرفش انتوا ليه مفكرتوش تقعدوا مع بعض يعني ساكنين جنب بعض كل واحد فيكم لوحده
رشيد….بصي انا بحس ان الموضوع مش مناسب ليا بصراحه يعني ممكن ابات معاه يبات معايا لكن نعيش مع بعض بيتهيألي كانت هتبقي صعبه اوي انا عندي خصوصيه و هو كمان و بعدين بنته بتيجي تقعد معاه و مش حلوه انها تيجي بيت تلاقي ديماً صاحبه فيه حتي لو البيت شرك بينا في النهايه دي طفله ولازم هي كمان تحس بالخصوصيه تحس انه بيتها ليها اوضه خاصه فيه فهماني
ايمي….بابتسامه معاك حق طيب لو قولتلك اختار واحد فيهم تقدر تعيش معاه غير حسان
رشيد….بابتسامه و من غير تفكير عسال
ايمي….بضحك توقعت
رشيد….بابتسامه اشمعني
ايمي….لما كنا في دهب و اتسألنا مين اقرب حد ليا و انت اتسألت مين اقرب حد ليك قولت حسان و عسال
رشيد….بصي هقولك علي سر اول مره أقوله
ايمي…امممم اعترف يلا
رشيد….اللي هقوله ده والله كلام طالع من قلبي و ربنا شاهد عليه حبي للشباب نفس الدرجه هما الخمسه اخواتي و صحابي و غلاوتهم واحده بس ديماً بيبقي في حد مش هقولك غالي علي قلبك بس يعني بترتاحي معاه اكتر
ايمي….اممم والحد ده حسان و عسال
رشيد….بابتسامه لا
ايمي….الله مش انت بتقول و اختارتهم
رشيد….بصي هفهمك حسان و عسال الاتنين دماغهم شبه دماغي يعني لما اتكلم معاهم في موضوع مهم بيعرفوا يحاوروني بناخد وندي في الكلام ممكن نقعد فتره كبيره بنتكلم و نرغي و نحكي و ابص الاقي اني بقالي ساعتين تلاته مفصلتش و طلعت كل اللي في قلبي وهما مزهقوش مني فالاتنين بيعوضوا عندي الجزء ده و انا زيهم لو حد فيهم او فالشباب عموماً اتكلم معايا بسمعه و مش بمل عندي طولة بال يعني فا لما احب اتكلم ببقي عارف اروح لمين زي ما انتي قولتي قبل كده ان سلمي الوحيده اللي تقدري تتكلمي معاها في مواضيع جد
ايمي….بصراحه اه سلمي عقلانيه هي كمان عندها اسلوب في الحوار و النقاش يعني لما ببقي عندي موضوع او حاجه حابه احكيها و اخد رأي حد مفكرش كتير بروحلها
رشيد…طيب معني كده انك بتحبيها اكتر واحده
ايمي….اكيد لا كلهم زي بعض
رشيد…معني كده انها اكتر حد مفضل عندك
ايمي….بابتسامه بردوا لأ
رشيد….فهمتي فا عسال و حسان غالين و بحبهم و قريبين مني جداً و بينا كلام واسرار كتير بس مقدرش مثلاً ارزح اتكلم مع سلامه في موضوع مهم
ايمي….بضحك ولا موضوع مش مهم
رشيد…بابتسامه سلامه مرح اوي مش بيحب النكد مش بيحب المواضيع العميقه يعني فا مش هتقدري تخرجي منه بنصيحه
ايمي….بضحك بحس انه عايش في كوكب لوحده
رشيد….خدي بالك سلامه يا ايمي يبان انه تافه بيهزر بيضحك مرح حياته وردي بس سلامه تعب كتير اوي في حياته مسؤول لدرجه ممكن تصدمك
ايمي….هو راجل وجدع بس بحس ان عسال اعقل منه و شايل المسؤوليه عنه
رشيد….بالعكس بصي هقولك عسال أعقل يعني وقت الجد تلاقيه جد بس هو مرح و اكتر من سلامه نفسه يمكن مش ظاهر عليه زي سلامه لان عسال كمان ليه ظروف خاصه بمعني انه في حجات اكيد مأثره عليه في حياته بيظهر بالشخصيه المرحه دي معانا احنا طول الوقت بس بلاحظ ان لحد الوقت عسال مظهرش قدامكم بشخصيته اللي معانا خفه دمه سرعه البديهه اللي عنده في اي موقف كوميدي هزاره مقالبه فهماني و كمان عسال راجل و مسؤول جداً
و عنده استعداد لو اخر جنيه في جيبه هيصرفه علي حد بيحبه هيعمل كده بيجي علي نفسه كتير عشان يسعد اللي قدامه مع ان ده غلط و اتكلمت معاه كتير في النقطه دي
ايمي….الشخص اللي بيتعود يدي يارشيد مش بيعرف يغير طبعه
رشيد….ايوه يا حبيبي بس ده غلط احياناً اللي قدامك ممكن يحس ان ده اللي لازم يحصل ديماً بيبقي مع الوقت حق مكتسب لو جيتي يوم بطلتي تدي لاي ظرف بتتحاسبي و اللي قدامك بيتهمك بالاهمال
ايمي….بس لو بيعمل كده معاكم او مع الناس القريبه منه زي اهله مثلاً بيتهيألي محدش فيكم محدش هيحاسبه و لا خد فيكم هيتهمه بالاهمال
رشيد….ليه لا ممكن تتقال علي سبيل الهزار تتقال بجد يعني انا مثلاً متعود ان عسال يتصل بيا في اليوم اكتر من مره مثلاً يعني بديكي مثال و يجي هو في يوم ميتصلش بيا هالص مشغول تعبان عنده اي ظرف منعه لما يكلمني او اكلموا اقولهاله بزعل او بهزار انت مسألتش لاني اتعودت ان هو اللي بيسأل و عشان بحبه فرق معايا عدم سؤاله بس لو جينا بصينا علي الموضوع من ناحيه تانيه طيب ما انا المفروض اما كنت لاقيته مسألش اتصل انا المفروض اديلوا عذر مثلاً المفروض اقدر ان كلمتي دي ممكن تضايقه و ممكن يقولهالي وانت مسألتش ليه ماهو حقه فهمتي
ايمي….اممم فهمت
رشيد….فا النقطه دي بتضايقني في عسال انه بيجي علي نفسه اوي بس مش هننكر انه زي سلامه جدع و راجل و مسؤول بس هرجع لكلامي عن سلامه هو كمان عنده شخصيه تانيه محدش يعرفها غيرنا مسؤول جداً تعب كتير في حياته اتحرم من حجات كتير اوي و لما كبر و بدأ يشم نفسه بقي يحرم نفسه بالقصد عشان يسعد اللي حواليه اخواته و امه قام بدور مش دوره من وهو صغير اتحمل حجات كتير اللي في سنه مكانش ينفع يتحملها مكانش عايش طفولته كويس مكانش عايش مراهقته حتي شبابه عاشه متأخر عشان المسؤوليات و عشان كده تحسي ان سلامه طفل بيحب اللعب و الهزار و الجنان بيعوض كل اللي معرفش يعملوا الوقت
ايمي…..صعب انه يتحرم من مراحل اكيد في حياته اكيد
رشيد….بابتسامه بس رغم كده مقدرش اتكلم معاه بعقل فهمتي
ايمي…..طيب فضل و عشري
رشيد….فضل بحس ان مخه مهوي
ايمي….بضحك طب ليه
رشيد….اه والله يعني مره تلاقيه عاقل بياخد و يدي معاكي و مره تانيه تلاقيه عايز يهزر و يضحك و مش طالبه معاه جد و مره تانيه تفضلي تتكلمي معاه و تكتشفي انه مش مركز و كان في دنيا تانيه و مره تلاقيه ساكت وموده مش حلو و مش حابب لا يتكلم ولا يسمع
ايمي….تعرف ان نوني كده هي كمان زيه برج الجوزاء بقي كل ساعه بحال
رشيد….بس فضل مش جوازئي بس هو يدي علي جوزاء فا عشان مش بفهم دماغه و لا الحاله المزاجيه بتاعته بختصر و مش بتكلم معاه في اي موضوع جد.
ايمي….طيب وعشري
رشيد….بابتسامه عشري كمان مش ديماً اقدر اتكلم معاه في مواضيع جد اوقات يسمعك و اوقات تحسي ان خاقه ضيق يعني معندوش طاقه فاهمه بس بلجأله في حجات كتير اوي غير المواضيع والكلام عشري رجل مواقف
ايمي…..بابتسامه طب ليه ابتسمت لما قولتلك عشري نرجع بقي لسؤالي الاول لما سألتك مين اقربهم علي قلبك ايه عشري
رشيد….بضحكه جميله والله هما كلهم بس يعني
ايمي….بضحك قول قول مش هفتن عليك عشري
رشيد….صراحه اه عشري اقربهم في جزء من دماغي بردوا شبه عشري
بصي عشري جدع وراجل اوي اوي اوي زي ما قولتلك متتكلميش معاه في مواضيع عاقله والجو ده بس اتصلي عليه اي وقت وقوليله مثلاً محتاجه كذا حتي لو حاجه عبيطه هيجبهالك
ايمي….ما جمع الا ما وفق زي البلطجيه
رشيد….بالظبط بصي هو سبحان الله بحس ان كل اتنين فينا شبه بعض اوي
ايمي….جداً مش اوي
رشيد….طيب انتي مين اقرب حد ليكي
ايمي….بضحك والله كلهم انا مقدرش اتخيل حياتي من غير واحده فيهم لو خرجنا مره مستحيل اخرج في واحده فيهم مشغوله او عندها ظرف و محصلتش اصلاً بنلغي الخروجه من غير تفكير عشان نبقي سوا كلنا.
رشيد….تمام مختلفناش نفس الوضع عندي بس انا قولتلك اقرب حد ليا
ايمي….امممم ليله
رشيد….كنت واثق
ايمي….بضحك بص ليله اكتر واحده من البنات شبههي جداً جداً طباع تصرفات طريقه تفكير و خد بالك انا حتي لو حبيت اتكلم مع ليله في موضوع بتسمعني زي سلمي بالظبط بس سلمي كلامها بيريح او اقصد بتلاقيها بتحل معاك تديك حل عقلاني ليله تسمع و عندها طولة بال بس مثلاً انا زعلت منك في موقف لو روحت حكيتلها مثلاً رشيد اتعصب زعلني قال كلام مينفعش يتقال بتتحمق اوي عليا سلمي ممكن تهديني رغم انها مش هتبقي راضيه انك تضايقني بس هتقولي كلام يخليني اهدي من ناحيتك او افكر بطريقه تانيه غير اني اخد موقف منك فاهمني
رشيد….بضحك اه تسخنك يعني
ايمي…مش تسخني بس مش هتهديني من ناحيتك حتي لو مش بالكلام انفعالات وشها كفيله انها تسخني عليك
رشيد….يبقي لو حصل و زعلتك روحي لسلمي بلاش البلطجيه
ايمي…..بضحك هقولها
رشيد….بابتسامه لا خلاص دي مجنونه
ايمي…..نعيمه بقي بوتجاز ماشي علب الارض هتسخني عليك كلام و افعال و كل حاجه
رشيد….بضحك ربنا يجعل كلامنا خفيف عليها طيب و ايه و نودي
ايمي…..ايه زي سلامه و زي فضل مهويه و ممكن متركزش معاك و في نفس الوقت متتكلمش معاها في مواضيع جد لانها بتقلبها هزار هي نفسها لو مضايقه في وسط عياطها ممكن تفتكر موقف حصل زمان و تلاقيها تضحك
رشيد….بضحك دي بموت فيها والله اللي زي ايه قلبها ابيض
ايمي….جداً بتتعصب بسرعه و تروق بسرعه تندم بسرعه تعترف بلغلطها بسرعه جميله و طفله اما نودي بقي
تسمعني و ممكن لو عيطت تعيط معايا تاخدني في حضنها بس متتكلمش يعني ولا هتقولي انتي اللي غلطانه و استفزتيه ولا هتقولي هو غلط مش بتقول غير معلش بس بتزعل علي زعلنا اوي و حساسه جداً
وعلي فكره لو سألتني مين اقربلك بعد ليله هقولك نودي و ايه الاتنين في نفس الغلاوه بحسهم اخواتي الصغيرين هو اكيد انا اكبر منهم بس اقصد بجد بالاحساس بستصغرهم بخاف عليهم اوقات بحسهم ولادي
ضعيفه جداً جداً فوق ما تتخيل قدام دموع الاتنين دول بالاخص يعني موقف نادين مع اهلها مقدرتش اتحمل بجد كان هاين عليا اروح اقتل امها وابوها لاني حسيت بوجعها اوي و ايه بحس انها بتصعب عليا جداً علي قد ما هي عايشه حياه جميله بس معرفش عندي حته كده جوايا ليها بتخليها صعبانه عليا ديماً
رشيد….طيب مين اكتر حد فيهم سريع الغضب
ايمي…..اوووووف نعيمه يا سااااتر
رشيد…مش ليله يعني؟
ايمي….لا لا نعيمه بتقلب نار في لحظه ليله ممكن تتحكم في اعصابها شويه انما نعيمه لا
رشيد….بس بحس ان ليله هي اللي بتتحمق بسرعه و دمها حامي
ايمي….بس بتسيطر علي نفسها و مش سهل استفزازها يعني ليله ليها نقط ضعف تقدر تستفزها من خلالهم
لكن نعيمه اووووف مستحيل سريعه الغضب سريعه الانفعال ردود افعالها مش بتفكر فيها يعني يوم ما حصل مع نادبن الموقف بتاع هادي ده مهمهاس اننا في القسم قربت تضرب هادي و بقي فضل يبعدها بالعافيه و كسرت العربيه لا بص مش بتفكر
ليله ممكن تتحكم شويه في نفسها
رشيد….بضحك تتحكم فب ايه ده الراجل خرج متشلفط
ايمي….ايوه بس عشان الموقف مختلف دخلت علي نادين لاقت هادي شايلها و بيحدفها علي التربيزه وقولتلك هي عندها نقط ضعف و من ضمن نقط الضعف دي احنا اخواتها أو اي حد بتحبه مبتفكرش ضحكت بهدوء يمكن مهجمتش علي هادي في القسم لانها اصلا كانت طحناه في البيت و كمان معملتس زي نعيمه و كسرت العربيه لان هو ده اللي بتكلم فيه نعيمه ردود افعالها سريعه و مش بتفكر ثواني انما ليله فكرت لان كان في كاميرات و محبتش تعمل كده عشان يبقي الحق معاهم فهمت الفرق.
رشيد…..فهمت
ايمي….ايه كمان اوقات بيبقي عندها ردود افعال سريعه بس زي ما قولتلك بتندم و بتعترف بغلطها
سلمي بقي بارده عندها طولة بال مش عند حد بتسكت تسكت بس لما بتقلب بتبقي صعبه لانها بتبقي جابت اخرها
رشيد….زي ما عملت مع خطيبها الاول كده
ايمي….بالظبط بتدي اعذار بتستني بتصبر كتير بس اكيد كل واحد فينا عنده طاقه و قوة تحمل نادين شويه زي سلمي بس سلمي بتصبر اكتر بكتير
رشيد….بابتسامه طب والقمر بتاعي
سحبت نفس طويل من السيجاره و بعظين طفتها وهي مبتسمه.
ايمي….اممممم انا عندي طولة بال علي حسب الموقف يعني لو الموقف مستدعي اني ادي فرص بدي لو مش محتاج اني مبالغش في رد فعلي مش ببالغ و يمكن غضبي مش بيبقي اوڤر
رشيد….لا والله واللي عملتيه في امنيه
ايمي…بضحك ده كان ضغط نفسي و توتر ترجمته في شكل عصبيه علي حاجه مش موجوده بس انا صدقني مش كده انا كل فين وفين بوصل للحاله دي يعني مش سهل اتعصب
رشيد….طيب وايه بقي اللي كان معصبك
ايمي….والله ولا حاجه بس كنت متوتره اوي قلقانه علي خايفه شويه اليوم كان في ضغط مع قلة نوم قبلها فا جات في امنيه
رشيد…..طيب هسالك سؤال الموقف ده لو كان حصل مع حد من البنات مين فيهم يزعل و ياخد منك موقف و مين يعيط زي امنيه و ياخد عل خاطره و مين هيسيبك تعملي اللي انتي عيزاه و ياخدك علي قد عقلك و يقدر عصبيتك
ايمي….اممممم بصراحه
رشيد…اكيد
ايمي….والله العظيم كلهم هما الخمسه مكانش فبهم خد هيزعل كانوا هياخدوني علي قد عقلي و هيقدروا التوتر ممكن بس اللي يعيط زي امنيه ايه و نودي يعني مش هيتحملوا غضبي و في نفس الوقت مش هيقدروا يعملوا حاجه بس هيعيطوا مني انا عارفه و لما هراضيهم هيتراضوا بس سلمي و نعيمه وليله هيسكتوا و ياخدوني علي قد عقلي
رشيد….انا لو اتعصبت في موقف و خرجت عن السيطره صراحه اللي يتحملني عسال و حسان فضل و سلامه ممكن يسيبوني و يمشوا عشان المشكله متكبرش و ميقدروش وقتها يتحكموا في اعصابهم و عشري علي حسب فهمه لاموقف يعني لو عارف اني مضغوط او بتلكك علي الخناق بيسيبني لكن لو مش فاهم ممكن نشد جامد انا واهو قصاد بعض.
ايمي…..طيب انت دخلت بيتهم كلهم مين اكتر حد بترتاح عنده في بيت اهله يعني
رشيد….صراحه في الاول خالص عسال وسلامه اكيد اخواتهم دول اخواتي الصغيرين بموت فيهم و حنون دي بجد تجنن بحبها اوي
و عشري و فضل و بيت عشري اكتر بصراحه خدي بالك احنا الاربعه يعني انا و حسان و سلامه و عسال الوحيدين اللي دخلوا بيت اهل عشري هما طباعهم صعبه و ليهم عادات و تقاليد و مفيش راجل بيدخل غريب عندهم يمكن اخوات عشري ليهم صحاب كتير زي تامر مثلا اخو سلمي هو صاحب سليم و عدي بس عمره مادخل بيته و اصلاً عشري اتعرف عليه لما عرفكم لان عدي وسليم ليهم صحاب كتير اوي ميتعدوش فا مكانش عارفه اوي
بس احنا بالاخص اللي دخلنا بيتهم اخواته كلهم مفيش صاحب ليهم دخل البيت
ايمي…..طب اشمعني اولاً لان علاقتنا باخواته حلوه اوي علاقتنا بابوه تجنن اتحطينا في مواقف كتير صعبه و كنا ديماً واقفين في ضهر عشري و فضل فا بالتالي عرفونا بقالنا سنين مع بعض و بينا شراكه و حجات كتير تخلي علاقتنا علاقه اهل مش مجرد صحاب علي القهوه
ايمي….فهمت
رشيد…..طيب انتي مين اكتر بيت بترتاحي فيه
ايمي…..طبعاًعند سلمي و ايه لان اصلا بباهم صاحب بابا جداً و اهل نعيمه بحبهم و مش بتكسف منهم بس نادراً لما بتصادف واروح يكون حد تعبان في مناسبه فاهم لان اصلاً نعيمه نفسها مش عايشه معاهم
بس اللي بحبهم و بموت فيهم رغم اني بردوا مس بروح كتير اهل ليله بحسهم مني اوي بموت في اميمه وقمر الاتنين قعدتهم ميتشبعش منها بس بصراحه لو هنتكلم في العموم علي اكتر بيت بلاقي نفسي فيه
بيت نادين بحب اروح هناك كتير بلاقي نفسي عندها
رشيد…..تصدقي ان بيت نادين اكتر بيت دخلناه و اتقابلنا فيه كتير
ايمي…اه تحس انه مريح و هو اصلا مكان تجمعنا اغلب الوقت
رشيد….دي حقيقه
ايمي….بقولك ايه ما تيجي بقي نكلمهم و نرخم عليهم شويه وحشوني والله
رشيد…..بابتيامه ماشي يلا بس تعالي احطلك الكريم الاول
ايمي….طيب وامسك بقي السويت شيرت بتاعك ده احسن حاسه اني ولعت
رشيد….اه الجو بقي حر
ايمي….عايزين ننزل شويه درجه الحراره دي عشان اللي فينا هيخرج بره هيتعب
رشيد….ماشي هنزلها الوقت تعالي بقي كده اقفي وحطي رجلك فوق هنا
رفعت رجلها علي التربيزه و هو حطلها كريم في الناحيتين
رشيد….اووووف نسيت اعقمها
ايمي….خلاص مش مهم بقي انا كده كده كنت واخده شاور
رشيد….طيب خدي بالك يتمسح بقي
ايمي…..اوك
راح رشيد قلل حراره الدفايات شويه و رجع قعد جنبها و اتصلوا عليهم ڤديو في الشات اللي بينهم.
و علي حظهم بمجرد ما اتصلوا الكل كان فاتح و قبلوا علي طول كأنهم مستنين يطمنوا عليهم
اول ما الكل قبل رشيد و ايمي فضلوا يضحكوا.
عشري…..يا عررررريس ياللي منفض لامنا
رشيد….قلب اخوك مقدرش
عشري…..ايمي يا قمر اخبارك ايه
ايمي…..و حشتني يا بلطجي
عشري….والله العظيم انتوا اكتر مبروك يا قلب اخوكم
رشيد….حبيبي انت
ايمي….عقبالك يارب يا عشري
نعيمه….يا عروووووسه و حشتيني يا جزمه
ايمي…. انتي يا قلبي والله انتي والبنات
سلمي….هو اللي بيتجوز بيحلو كده
ايمي….ايه رأيك انفع عروسه
سلمي….طبعاً
ايه….احيه علي القمر سكلكم حلو يا ولتد اللذينه وحشتيني يا ايمي من امبارح
ايمي….بضحك هو في ايه انا كنت معفنه قبل كده
ايه….بضحك طول عمرك قمر
نعيمه…بس يعني ميمنعش انك احلي شويه
رشيد….وانا شفاف ولا ايه هي بس اللي وحشتكم
نعيمه…. انت كمان والله
سلمي….مبروك يا رشيد
رشيد….عقبالك يا سلمي انتي وحسان
ايه…..و انا وانا
رشيد…بضحك وانتي كمان انتي والمبتسم للحياه ده
سلامه….بضحك ولا يا رشيد مالك منور كده ليه الجواز حلو اوي كده
رشيد….بضحك جرب و انت تعرف
عشري…..باين علي خلقته اهو
سلامه…..الف الف الف مبروك و الله قلبي فرحان عشانكم
ايمي….حبيبي يا سلامه عقبال ما نفرح بيك انت والمجنونه بتاعتك ايه يا عم عسال انت وفضل
فضل…..بابتيامه انا مليش فيه انا عايز اتجوز
رشيد….اهو بدأوا يبصولنا في الجوازه
فضل….بضحك انا بصراحه باصص فيها
ايمي….طب ليه طيب
فضل…..والله العظيم طول اليوم مفتدقكم جداً و حاسس اني بقالي كتير مشوفتكوش
ايمي….والله العظيم واحنا كمان عشان كده قولنا نتصل عليكم
عسال……مبروك يا حبايب قلبي ربنا يسعدكم واشوفكم ديماً مبسوطين
رشيد….حبيبي يا عسال عقبال ما افرح بيك انت ونودي القمر
ايمي….الله يبارك فيك يارب يا عسال بت يا نودي و حشتيني
نادين….لابتسامه جميله ايمي ايه القمر ده و حشتيني والله اوي
ايمي….ياعمري انتي اكتر والله
نادين…مبروك يا رشيد
رشيد….الله يبارك فيكي يا نودي
ايمي…..بضحكه تجنن القمر بتاعتي اللي وحشتني
رشيد….بضحك هي مالها هاديه ليه
ليله…..بأبتسامه شكلكم حلو اوي مش مصدقه انكم بتكلموني من البيت بت يا ايمي شكلك عروسه بجد
رشيد…بضحك امال هي ايه
سلامه….بضحك سيب ليله الوقت هي مريضه و بتتحاسب الوقت
ليله….ماشي يا سلامه لما اشوفك
ايمي….انتي مالك يابت فيكي ايه عندك برد
ليله…..انا مكسره يا ايمي برد و جسمي مدغدغ حاسه اني واكله علقه
ايمي….صوتك باين طيب خدتي حاجه
ليله…..اه خدت بس مش قادره خالص و رجلي بقي وجعاني اوي
رشيد….بضحك عشان سوقتي حافيه
عشري…..بضحك قولتلها والله
ايمي…طيب نوني اعمللها حاجه دافيه والنبي
نعيمه….مش راضيه
ليله….سربت والله ليمون بس تعبلي معدتي
رشيد….علي فكره هو الجو كان برد امبارح
ايمي….اه تلجت
عشري….وامي كمان تعبت و جالها برد بس الحمد لله عدت علي خير و اليوم كان حلو
فضل….بصراحه كان جامد والله و معايا ليكم بقي شويه صور تجنن
ايمي….طب ابقوا ابعتوا الصور
نعيمه…..انا كمان صورتكم كتير هبعتلكم كلكم
رشيد….ايه با عم حسان ساكت ليه طب قول مبروك قول وحشتني
حسان….بابتسامه والله العظيم يا رشيد مفتقدك جداً اتعودت علي وجودك
ايمي….بضحكه جميله لا خلاص بقي يا عم حسان خدته منك
حسان….مبروك يا ايمي مبروك يا احلي عروسه
ايمي….بابتيامه حبيبي يا حسان الله يبارك فيك يارب عقبالك انت والبت لومي
حسان…..يارب الاهم امين عارفه يا ايمي هقولك علي موقف كنت لسه بكلم فضل من شويه و قولتله صحيت انهارده مبسوط و اتفرجت علي الصور و خلاص عارف ان رشيدد اتجوز امبارح و كان فرحه و الدنيا تمام قومت من علي السرير دخلت المطبخ عملت نسكافيه ليا انا وهو و حضرت فطار و ناسي خالص دخلت الاوضه عشان انادي عليه و اول ما فتحت الباب بسرعه افتكرت قعدت اضحك علي نفسي
ايمي…..بضحك يا لهوي هعيط حقك عليا خدته منك
رشيد…بضحك والله حبيبي انت يا خسان كان بيفطرني و يأكلني كان متبنيني الفتره دي بس يعني معلش بقي يا حسان في مثل يا اخويا بيقولك ايه قاعدة الراجل بميت ست بس لو جات الست
الشباب في صوت و احد و هما بيضحكوا يغور الراجل
ضحكوا كلهم و ضحك حسان
حسان….ماشي يا عم رشيد وأدي الراجل غار المهم تبقي مبسوط
رشيد….لا انت حبيبي مقدرش والله
ايمي….بتعملوا ايه شكلكم كده يا بنات محدش فيكم نزل انهارده
سلمي…..لا انا نزلت و رجعت من شويه كان بقالي كام يوم مش بروح
ايمي…لولي طبعاً منزلتش
ليله…..انزل فين بمنظري ده عامله زي اللي بالعه الديلر
سلامه….بضحك بالعه الديلر ازاي
ليله…بضحك متوهه و مش مركزه و ماشيه اطوح والله تعبانه جداً يا سلامه
ايمي….احسن خليكي مريحه و انتوا يا عيال منزلتوش
نادين….انا كمان منزلتش بصراحه معنديس حاجه مهمه
نعيمه….ولا انا نزلت
ايه….انا نزلت علي الساعه سبعه و اصلا معرفش انا ايه اللي نزلني يعني في العادي مش بروح افتح في الوقت ده و اصلا مكانش في شغل و رجعت تاني علي طول نمت شويه لحد ما لومي جات.
ليله…..انا موضزع النوم ده مستغرباه انا نمت كتير اوي
عشري…..نمتي انتي انتقمتي انتي عارفه يا ايمي ليله نايمه من بعد ما روحت بساعه يعني نامت علي اربعه كده و الساعه اربعه انهارده بكلمها مرضيتش تصحي و قالتلي هتنام تاني صحيت امته بقي الساعه عشره الا ربع
ليله…..والله مش قادره خالص يا ايمي و بعدين انا نومي خفيف اوي مش حاسه بحاجه خالص
نعيمه….دخلت اشوفها لما صحيت وقعدت اتكام معاها شويه بتقولي مش فاكره حاجه
ليله…..والله ما فاكره كلمه من اللي قالتها.
سلامه….بضحك زي عسال استنوا هفضحوا و اسمعي يا نودي هتتبسطي اوي
ضحك عسال و سابه يكمل.
سلامه…. صحيت انا علي الساعه اربعه و نص قولت أصحيه هو كمان
بقوله ميدو اصحي يلا الساعه اربعه و نص مش هتنزل لاقيتوا بيقولي اه
فا بقوله طب يلا قوم قالي اه ماهو راح هناك و رجع بسرعه.
ضحكوا كلهم و رفع عسال راسه علي المخده و هو بيضحك.
نعيمه…..هو مين اللي راح
سلامه…..بضحك وانتي بتسأليني انا انا وقفت قدامه ثواني مش فاهم والله فكرتوا بيحكيلي حاجه لان ميدو نومه بقي مش خفيف هو من كتر ما بيصحي بسرعه تحسي انه كان بيمثل انه نايم اصلاً كمل بضحك بقوله مين ده قام رفع راسه نص رفعه كده و بصلي و قالي انت يعني حمار مش عارف ان تراخيص كل حاجه مختلفه.
ضحك عسال ضحكه عاليه ضحكتهم كلهم.
سلمي….بضحك حرام عليك نايم و دماغه في الشغل
عشري…..تراخيص ايه يا عسال
عسال….بضحك ياعم انا فاكر
سلامه…..بضحك انا في الاول والله حسيت ان انا اللي لسه مفوقتش بيزعق و بيقولي انت حمار قولت انا اللي غبي بس استوعبت شويه و ناديت عليه بصوت عالي قام بقي وفاق.
عسال…..بضحك انا مش بنام والله بالشكل ده بس معرفش امبارح كنت في غيبوبه ولا ايه
ايمي….كلنا كنا تعبانين والله اوي احنا كمان صحينا متأخر
عطست ليله و صورتها فجأه اختفت
عشري…..بابتسامه العب
سلامه….بضحك ليله انتي و قعتي علي الارض من العطسه.
رفعت الموبايل و هي بتضحك
ليله…..نأسف علي هذا الحادث
سلامه….والله فكرتك طيرتي من علي السرير
ليله….بضحك لا يا رخم كنت سنداه علي المخده و وقع
ايمي….لولي انتي شكلك داخله علي دور برد جامد
ليله….لا دخلت خلاص اطمني
عشري….ليله اجيلك نروح لدكتور
ليله….بابتسامه ده ايه الدكتور الميد نايت ده اللي هيفضل قاعد في عيادته في الجو ده و الساعه 12
سلامه….بضحك دكتور ميد نايت
ليله….طب اقوله ايه
عشري….تصدقي انا غلطان طب مستشفي يا ستي
ليله….انا بخير والله و مش تعبانه التعب الكبير ده يعني مش مستاهله.
حسان….بابتسامه بخير ازاي صوتك في الضياع يا ليله
ليله….رشح وبرد خفيف والله
عشري…..نعيمه هي سخنه
نعيمه….لا شوفتها من شويه لا سخنه ولا حتي دافيه هي بس مكسره شويه من البرد.
نادين…..لولي انا عندي دواء حلو اوي للبرد كنت جيباه من الامارات ابعتهولك مع السكيورتي
ليله…..يابنتي انا كويسه والله بكره هبقي احسن لما انام تاني
نعيمه….انتي لسه عندك نوم تاني ده انا اللي بحب النوم منمتش قدك.
فضل….يا ستي خليها تنام البرد بينيم و بيهمد اصلاً
ايمي…..بابتسامه بقولكم ايه شكلكم حلو اوي
ليله…..بضحك بزمتك دي مناظر حلوه
رشيد….اشمعني انت اللي في الكافيه يا عشري
عشري….فضل لسه طالع من شويه و هو نزل قبلي انا نمت كتير بردوا فا هليتوا يطلع و انا شويه وطالع خلاص.
ايه…..بضحك سلامه هو ممكن اسالك انت و عسال سؤال
سلامه….ايه
عسال….قولي يا ايه
ايه….بضحك هو انتوا ليه مش قاعدين مع بعض
سلامه…..بضخك متخاصمين
عسال…..ااا سلامه كان بيتفرج علي فيلم و معلي الصوت عامل زي الاطرش بالظبط سيبته و دخلت الاوضه.
سلامه….والله مش عالي اوي هو بس اللي شكلوا كان بيتلكك و دخل جوه عشان يكلم ست نودي
نادين…..بابتسامه طب والله ابداً هو مكلمنيش اصلا بقاله شويه لاني كنت بعمل حجات في الاوضه
عسال….سمعت اخرس بقي
سلامه….امال كنت بتعمل ايه يا واطي في الاوضه لوحدك يا مراهق
عسال….بضحك هاجي انفخك
ايه…..اه روح والنبي يا عسال
سلامه…..ايه مصدقتي
عشري…..انتوا عجبتكوا القاعده ولا ايه يا عرسان مش ناوين تقفلوا بقي و تشوفوا حالكم
ايمي….بضحك اتلم يا بلطجي
رشيد….طبعاً عشري لو مكاني مكانش عبركم عشان تعرفوا قيمتي يا كلاااااب
عشري…..بضحك حصل
رشيد….شوفتوا عشان تصدقوا.
ايمي….والله انتوا وحشتونا و بعدين احنا قاعدين زهقانين مش عارفين نعمل حاجه.
بصلهم عشري و ضحك
رشيد….بضحك من غير ما تتكلم فاهمك يا واطي
عشري….ماهي ملهاش رد يا صاحبي اقولها ايه طيب
ايمي…..بضحك اقصد يا رخم قولنا نتصل نرخم عليكم شويه بقولكم ايه ما تقوموا تيجوا نقعد مع بعض.
رشيد….اه والله تعالوا يلا
فضل…..ايه يا ايمي لحقتي تزهقي الراجل في عيشته
نعيمه…..خير ما هو كمان شكلوا زهقها في عيشيتها
رشيد….تصدقوا بالله احنا غلطانين اننا عبرناكم اصلا دي عزومه مراكبيه انا اللي هلمحه هنا هيتنفخ
ايمي…..بضحك ارتاحتي انتي و هو
خرجت حنان من المطبخ.
حنان…..سلامه افتحلي ده مش عارفه افتحه
سلامه…..طب تعالي سلمي علي العرسان.
رشيد….يا حنووووووون
حنان….اهلاً بعرسننا الحلوين
رشيد….عامله ايه يا قلبي
حنان…..الحمد لله يا حبيبي
ايمي….ازيك يا حنون
حنان….ازيك انتي يا احلي عروسه ايه القمر ده
ايمي…بضحكه جميله انتي اللي قمر
حنان…ازيكم جميعاً يا حبايبي
عشري….بخير يا حنون
رد الكل عليها و سلموا عليها.
حنان….الف مبرروك يا حبايبي ربنا يسعدكم و يجعل ايامكم كلها جميله و ديماً نكون فرحانين بيكم
رشيد….ياقلبي ربنا يخليكي لينا و ترتاحي بقي من الحوش اللي عندك دول
حنان….بضحك يلا شجعوهم بقي عشان افوق واخلص منهم و ابقي كده قضيت رسالتي علي خير.
فضل….دي مش طيقاكم يا عيال
حنان….بضحك لا والله دول حبايبي بس عايزه افرح بيهم و اطمن عليهم
فضل…..و تخلصي منهم بردوا ميضرش و نجيبلك عريس بقي يا حنون
سلامه….احترم نفسك ياض
حنان….بضحك لا عريس ايه بقي القطر فات من زمان يا فضل
فضل….طب عليا النعمه قمر قطر ايه اللي فات
عشري….انا خلاص حاجزها لابويا صح يا حنون
حنان….انت تاني قولتلتك امك حبيبتي مقدرش
عسال…..بنظره تضحك يعني لو امه مش حبيبتك موافقه عادي يا حنون
ضحكوا كلهم عليه.
حسان…..وانت مالك هو عيب او حرام
عسال…..ايا حنون ردي
حنان….بضحك مقدرش يا قلبي انت عارف
ليله…..يا سلام وانت مالك يا رخم يعني انت تتجوز و تتبسط و تعيش حياتك وتسيبها و هي لا
عسال….مين قال اني هسيبها ما كلنا معاها
عشري…..ولا استني كده يعني لو الست عايزه تتجوز هتقولها لا
عسال…..بضحك انتي عايزه تتجوزي يا ماما ولا ايه
حنان….بضحك يا ابني انا نطقت ما تسكتي يا ليله انتي و عشري
ليله….اسكت ايه انا هفوق عليه الوقت
سلامه….ماهو عنده حق مفيش راجل يقدر ياخدها مننا
ايه….يا سلام بس تيجي ست تاخدكم انتوا منها انا قولت المجتمع الذكوري ده مش بتاعي
سلامه….بضحك ايوه أحنا مجتمع ذكوري
ايمي…..تصدقوا بالله تخلص منكم بس و هجيبلها انا عريس
عسال…..اتفقتوا علينا خلاص ماشي هاتو واخنا هنطفشه
سلمي….طب انا عندي سؤال بجد والله الوقت يعني لو جالها عريس بعد ما انتوا تتحوزوا ممكن ترفض يا سلامه انت و عسال
حنان….بضحك يا بنتي الله يهديكي انتي كمان عريس ايه انا غلطانه اني خرجت من مطبخي
قام عسال و هو معاهم و خرج علي بره حط ابده علي كتفها بضحك عايزه تتجوزي يا حنان
ضحكوا كلهم علي عسال
نادين….انت خرجتلها ليه
حنان..بضحك ابداً والله هما اللي بيقولوا
عسال…..قولي متتكسفيش هوافق مش هرفض
سلامه….توافق ايه انا مش موافق يجي راجل يزعلها ولا يقولها كلمه تضايقها والله احيب زوره في ايدي
حنان….بضحك عرفتوا مش عايزه اتجوز ليه بقي ابني هيبقي قتال قتله.
عشري…..سيبك بس من الكلام ده و تعالي قوليلي بتعملي ايه في المطبخ متأخر كده
سلامه…..ايه انت كمان هي مراتك
عشري….متتحشرش بينا يا رخم
حنان….بابتسامه بس بقي يارخم بجهز اكل يا عشري
سلامه…..اصل عندنا عزومه بكره اتغاظ
عشري…..عازمين مين هو انتوا حد بيعبركم غيرنا
حنان….بضحك مرات ابني و خطيبة ابني جايين بكره قولت اجهز من الوقت عشان بكره ابقي قاعده معاهم
عشري….اوبااااااا ده بقي في غيرنا بجد
رشيد…..شوفت باعتنا
حنان….مقدرش انتوا حبايبي ما تيجو انتوا كمان والله و خلونا نقضي اليوم مع بعض
عشري….لا بعد ايه بقي
ايه….استني بس يا عشري هو انا ليه حاسه كده با حنون ان في عدم مساواه حصل الوقت هو ايه اللي مرات ابني و خطيبة ابني
ايمي….بضحك طب فين الغاط يا متخلفه
حنان…..هو مش انتي خطيبه ابني و تادين بقت مرات ابني
ايه….ايوه بس متقوليهاش في وشي كده يا حنون
حنان….طب ولا تزعلي مرات ابني و مرات ابني المستقبليه
ايه….اهو كده في برستيچ في الملمه بردوا.
ضحكوا كلهم علي ايه و شويه وسابتهم حنان .
و فجأه و هما ببتكلموا دخل مصطفي بهدوء حط راسه علي كتف عسال و نام في حضنه وهو مبتسم و عمال ببص عليهم محدش فيهم ركز غير من ضحك عسال و هو باصص عليه و بيضحك.
رشيد…..بضحك اعوذ بالله الناس بتقول سلام عليكم
حسان….بضحك طب والله فكرت عستل حاضن المخده الفرو
ضحكوا كلهم علي حسان.
ليله….بضحك والله ما خدت بالي منه خالص
عشري…..انت ازاي تقتحم الشات بتاعنا كده
مصطفي….بابتسامه بلهاء انا في بيتي
عشري…..مختلفناش بس احنا صحاب انت حاشر نفسك و سطنا ليه و بعدين ايه ياض الضحكه
مصطفي…..اصلي اول مره اشوف عريس و عروسه تاني يوم جوازهم كده علي طول محضرتش انا جو الصباحيه و الحجات الحلوه دي
ايمي…..بضحك ازيك يا مصطفي عقبالك
مصطفي….اهلا يا استاذه الله يخليكي يارب
كلهم كانوا بيضحكوا عليه.
ايمي……استاذه
رشيد…لا ده مصيبه من نصايب الزمن.
عسال….بابتسامه ايوه خير هتفضل مريح كده كتير
مصطفي…..ايه مضايقك
عسال….لا مش مضايقني بس يعني عامل زي الراجل الرخم اللي بيقعد في المواصلات يبص علي اللي جنبه في تليفونه عارفه ده.
مصطفي….عارفه ده انا حافظه بشوفوا في المترو علي طول
فضل…..و انت ايه اللي بيركبك مترو بتصيع فين
مصطفي…..لا ده ابام الكحرته بقي قبل ما ابقي باشا ومعايا عربيه
عشري…..بضحك قبل ما تبقي ايه
مصطفي….باشا ايه يا عم عشري مش عاجبك
عشري….بضحك لا ابداً كمل يا باشا
سلامه…..طب احكيلهم موقف قبل العربيه يا مصطفي.
مصطفي…..يعني ايه قبل العربيه
سلامه…..يعني موقفك قبل وجود العربيه
حسان….احكي حاجه من ايام الكحرته يعني
مصطفي…..ااااا ماهما اكيد عارفين حوارات المواصلات واللي بيحصل فيها
رشيد….لا لا احكي محدش يعرف ملهمش علاقه بالمواصلات
مصطفي….ليه من اصحاب اهل الخطوه بيفكروا في المكان يلاقوا نفسهم فيه
ضحكوا كلهم و البنات فضلوا يضحكوا
فضل…..افهم يا غبي هما مركبوش مواصلات قبل كده يعني اخرهم اوبر
مصطفي…..ايه ده بجد ده انتوا اغنياء بقي
البنات مكانوش قادرين يمسكوا نفسهم من ريأكشناته و طريقته هو بيتكلم جد بس ملامحه تضحك.
مصطفي….انتوا لتضحكوا علي ايه
عشري….عليك اكيد يا اهبل
مصطفي….لا استني بس انتوا بجد محدش فيكم ركب مواصلات قبل كده ؟
حسان….ما قولنا لا
مصطفي…..ما شاء الله عيشتكم مرتاحه
نعيمه….بضحك اااااه هتبقي ماضي يا مصطفي
مصطفي….لا لا متخافيش عيني مش وحشه بس بالله عليكي يا استاذه نعيمه مركبتيش مواصلات في حيانك
نعيمه…ركبت اوبر اكيد
مصطفي….سيييييبك من اوبر ده لسه جديد و بردوا بتاع الناس الاغنياء انا بتكلم مركبتيش اتوبيس مواصله عامه مترو اي حاجه
نعيمه….بضحك لا بابا طول عمره معاه عربيه
مصطفي….بابا بيستغل ايه
نعيمه….بضحك كان مهندس بترول
مصطفي….اه من اللي واكلين البلد يعني
ضحكت نعيمه بصوت عالي و سكتت بسرعه عشان فضل .
مصطفي….طيب و الاستاذه نادين
نادين….بضحك انا كمان اوقات لو عربيتي فيها حاجه اوبر اكيد و عمري ما ركبت مواصله طول عمري بتحرك بالباص بتاع المدرسه لحد ثانوي و في الجامعه شويه تاكسي و بعدين اشتريت عربيه صغيره
مصطفي….باص مدرسه تصدقي بالله سكت ثواني
وكلهم كانوا فطسانين من الضحك علب احظه التأمل و الصمت
مصطفي…..انا كنت بمشي مشوااااار وانا صغير اه والله علي ما كنت اوصل المدرسه كنت ببقي عامل زي اللي خارج من الصحراء لساني نازل وريقي ناشف و جايب مايه من كل حته و طفل بقي و بعدين انا كنت قصير اوي قد كده يعني مش باين و كنت بروح يومياً بعد الطابور مايخلص و تكون الحصه الاولي بدأت من عشر دقايق ربع ساعه و مكنتش بصعب بقي علي الناظر و هو شايفني داخل عليه عامل زي العبد اللي متعذب من كفار قريش
ضحك البنات و الشباب كان عالي جداً وهو مش مبتسم حتي بس طريقه حكي القصه ليهم يضحك
مصطفي….ااااا كنت اكل كام عصايه عالصبح كده اللي هو دي الاصطباحه بقي اطلع بقي علي الدور بتاعي و بعدين كنت في الدور الثالث ودور عالي و الشنطه تقيله و واصله لكعب رجلي ما انا قصير بقي المهم اوصل لفصلي بنفس حاله اللي خارج من الصحراء اللي قولتلك عليها و معيط بقي ما انا طفل و اتوجعت و السلم هد امي تفتكري بقي ادخل علي الفصل كده خلاص ابداً الاستاذ يقولي اتأخرت ليه اقوله عشان الطريق طويل يقف يبهدل فيا و بعدين اقوله الناظر ضربني اعرفوا يعني وألفت نظره انه يسيبني الناظر جاب حقه يقولي الناظر ضربك عشان اتأخرت عن الطابور انما انا هذنبك عشان اتأخرت عن الحصه
كنت اقف في اخر الفصل رافع الشنطه بايدي و رافع رجل تقريباً كان شايف فيا بذرة لاعب جماز
و حضرتك بتقولي باص المدرسه
كلهم ماتوا من الضحك
عشري….ولا با مصطفي صعبت عليا لو تعرف مكان الناظر والاستاذ عرفني و انا اروح اروق عليهم
ايمي….بضحك والله صعب عليا
نعيمه…..طب وسلامه و عسال دورهم كان ايه مكانوش بيتخانقوا معاهم
سلامه….بضحك كنا صغيرين اصلا و كل واحد فينا في مدرسه شكل
نادين….بضحك ميدو انت كنت بتضرب معاه
عسال….انا كنت في مدرسه تانيه في اعدادي أقرب من ابتدائي شويه
حسان….طب خلوه يكمل يلا احكي بقي علي اي موقف
مصطفي….لا والمصحف ما يحصل غير لما اعرف كل واحده فيهم مركبتس مواصلات ليه ده فكروني بايام حياتي القذره استاذه سلمي
سلمي….بصحك هو بس ليه استاذه
مصطفي….انا محترم شويه و متريي
سلمي….بصحك طي تمام بص انا كمان بابا كان معاه عربيه بصراحه و لما كنت بنزل مدرستي كنت بروح عادي علي رجلي مش باص ولا حاجه بس هي كانت في الشارع اللي ورانا يعني و دروسي كلها كانت في نفس المحيط مش محتاجه مواصلات و بعد كده جيبت عربيه ليا انا و ايه و بس
مصطفي….امممم واستاذه ايه
ايه….بضحك بردوا زيها مع بابا طول الوقت في عربيته و بعدين لما سلمي جابت عربيه بقت مشاويري معاها و بعدين جيبت عربيه
مصطفي….اممممم طب والاستاذه ايمي
ايمي….بضحك انا كمان زيهم يا مصطفي عربيه ابويا و بعد كده جيبت عربيه اول ما وصلت للسن اللي اطلع فيه رخصه و بس
مصطفي…..اما مغلطش لما قولت عليكم اغنياء.
سلامه….بضحك مش عارف ليه حاسس ان هيجرالهم حاجه من عينك
مصطفي….لا حاسب انا بقيت باشا معايا عربيه و محدش قدي الوقت
سلامه….يا ولااااا يا جامد انت
مصطفي….و الاستاذه ليله طبعاً بعد اللي شوفتوا امبارح و السواقه الجامده فا انتي تقريباً اول ما تميتي سنه كانت هديتك عربيه
ليله….بضحك لا يا عم محصلش دي عالم مرفهه ملناش دعوه بيهم انا زيك يا صاحبي طلع عين امي في ابتدائي و اعدادي و ثانوي كمان اتوبيسات و مترو و مواصلات عامه تسمع عن شبرا يا مصطفي
مصطفي…..طبعاً وبنات شوبرا كمان
ليله….بضحكه تجنن لا مش الاغنيه المنطقه اهو انا منها
مصطفي….طب احلفي بالله
ليله….بضحك اه والله امي كانت قاعده هناك كانت شقه امها و ابوها
مصطفي…..يعني انتي من مكان شعبي و بنت بلد
ليله….يعني بيقولوا هو ابويا كان مرتاح مادياً جداً و من عيله كبيره بس انا امي من مكان شعبي عادي و بس اتمرمط شويه حلوين يعني مش انت بس
مصطفي….الله يسترك يا شيخه كنت فاضل ثانيه و اتمرد علي الحياه
ليله….بضحك لا خلاص ارجع لعقلك مش جبت العربيه
مصطفي….جبتها والمصحف و من فلوسي و لسه عليها اقساط و مش ناوي حد يساعدني
ليله….جدع وراجل واوعي تخلي حد يساعدك
عسال….يا شيخه حرام عليكي بتسخنيه ليه
ليله…..خليه يقف علي رجله بنفسه عشان يحافظ عليها وبحبها اكتر
رشيد….بابتيامه طب يلا ارزعهم موقف بقي
مصطفي….اه بصوا مره ركبت مترو كنت ماشي مستعجل اوي و مش مركز و بما انكم ملكوش في النواصلات يعني فا عربيات المترو فيها كام عربيه للستات بس فا انا مخدتش بالي و ركبت في اخر ثانيه قبل ما الباب يقفل و اكتشفت اني راكب معاهم شكلي كان وحش بس عملت نفسي عبيط كان في اتنين ستات قاعدين كده مع بعض من كلامهم تقولي انهم اخوات قرايب جيران انا اكتشفت بعد كده انهم ميعرفوش بعض ماشي مش دي القصه انا بصراحه رميت ودني قولت اسلي نفسي.
فا واحده منهم بتقول للتانيه ايه عدل نفسه يقلدهم و هما فطسانين من الضحك انا ياختي روحت اشتريت الاكل فراخ و لحمه و حمام و خليت الراجل يقطعلي صدور فراخ ماهو فرح بنتي بقي عايزه افرح بيها و جه يوم الخطوبه و عملت احلي اكل محاشي و صواني وطواجن والنبي ما خليت عملت من كل صنف و كل لون قولت عشان اللي بيحب حاجه يلاقيها و البوم بسم الله ماشاء الله عدي و كان جميل الكل كل و بعدين اهل العريس الله اكبر اكيله نسفوا الاكل كنت ناوبه يتبقي حاجه نتغدي بيها تاني يوم بعد الوقفه دي كلها بس يلا بالف هنا المهم شرفت بنتي بعدها بيومين اللقي البت مفحومه من العياط اقولها بتعيطي ليه يا سميره تقولي ماما بتقولي تقصدي يعني حماتها قال ماما قال المهم ماما بتقولي بقي مكنتوش قادرين تجيبوا اكل من مطعم و توصوه علي اكل الخطوبه انا اتكسفت قدام اهلي المررررررره الناقصه كلت و كلت بطنها هي و اهلها وفي الاخر مش عاجبها
ضحكوا كلهم بصوت عالي و علي طريقه تقليده للست.
فا الست التانيه بتقولها وعملتي
قالتها عملت ايه لا اسمعي بقييييي
مصطفي….بضحك اااا المهم جات المحطه وانا والله ما نازل من عربيه الحريم غير لما اعرف اخرة الخناقه رسيت علي ايه.
حسان….بضحك اندمج معاهم
مصطفي…..بضحك لا اصل الست عندها طريقه إلقاء للخناقه رهيب يعني تشدك بجد و انا اندمجت حقيقي و عارف انت لما تتفرج علي فيلم و تبقي هتموت و تعرف هيحصل ايه في النهايه اهو انا كنت كده منزلتش بقي و كملت معاهم المهم هي حكت باقي الحكايه اتصلت علي حماتها وبهدلتها و المهم يعني خلصت الخناقه علي فركشه الخطوبه جات بقي المحطه اللي هنوطزل فيها لقتها قامت وسلمت و بتقولها فرصه سعيده اتصدمت.
ايمي….بضحك ميعرفوش بعض
مصطفي…لا كانت معرفة طريق قذره حكيتلها حكايتها بالكامل في كام محطه و بصراحه انا حسيت اني عرفت العيله و عيلة العيله نزلت بقي معايا و انا طالع السلم لاقبت حد قفش في ايدي ببص لاقيتها هي قالتلي يسترك ياابني امسك عني الشنط انا مش قادره قولتلها هاتي يا حاجه و مدتلها ايدي اطلعها اول سلمه قفشت في ايدي و بعد كده حطت ايدي في ايدها مش عارف كانت بتفكر في ايه ساعتها تجوزني لبنتها و لا عايزه ايه وهي طالعه بقي الله يسترك مجاتس من ابني الواطي قيالاله استناني في المترو و خد بايدي قالي انا عندي شغل مش فاضي اصل هو شغال ممرض قد الدنيا و عنده نبطشبه الهي يسعده و يوفقه يارب كانت من خمس ثواني بتشتم فيه.
كلهم كانوا فطسانين من الضحك
مصطفي…..بضحك لا والله مشطله الست دب خرجت معايا بقي من المكن و نزلت و ركبت معايا كمان مواصله و دفعتلها و فصلت تدعيلي و علي ماوصلنا كانت وصفتلي عنوانها و انتهت القصه
عشري…..بضحك لا دي شكلها كانت عيزاك لبنتها بجد
رشيد….ولا يا مصطفي انت مصيبه
ليله….انا قابلت الناس دي والله بيتكلموا زيه بالظبط
فضل….ايه رميتي ودنك انتي كمان
ليله….بضحك لا مكانش ليا خلق بالذات للناس الكبيره دي عندهم طاقة كلام رهيبه.
مصطفي….بضحك يلا المره الجايه بقي هبقي احكيلكم عن موقف عيادة الدكتور.
فضلوا يضحكوا عليه و قام و سابهم
نادين…..عسل بجد مصطفي
ايه….هي فين ريهام
سلامه…..في اوضتها شكلها نايمه
رشيد….يا شباب ناويين تيجولنا امته بقي
ايمي….اه تعالو بقي نقعد مع بعض و نقضي اليوم قبل ما نسافر
سلامه….بكره اكيد مش هينفع البنات جايين
عشري….انتوا مسافرين امته؟
رشيد…..الاربع علي الضهر كده هنبقي في المطار
عشري…..خلاص الثلاثاء بكره انا كمان مش هعرف عشان هاخد ليله و نروح نشوف البتاع ده بتاع الميك اب بتاعها
ليله….يا ادي ركن الميك اب اللي حامل همه ما تخليها وقت تاني يا عشري انا حاسه اني مش هقدر بكره بردوا
عشري…بقولك ايه هو اللي ناقص في البيت انا عايز اتجوز
سلمي….بضحك بعني الجوازه خلاص وقفت علي ركن الميك اب
عشري…بضحك وانتي مالك يا سلمي
بدل ما تقوليلها اخلصي
سلمي….بضحك اخلصي يا ليله
لياه….بضحك والله غريب ادور انا ازاي بجسمي اللي مدغدغ ده
ايمي….خلاص روحي اتفرجي كده وخلاص يمكن حظك يبقي حلو وتلاقي حاجه حلوه و ماشيه مع الاوضه علي طول
رشيد…..خلاص يبقي الثلاثاء و ياريت تيجوا بدري عشان نقعد مع بعض يعني علي اربعه خمسه تمونوا هنا
نعيمه….ما نبجي نصحيكم من النوم احسن
أيمي…..يا غبيه عشان نقعد براحتنا
و تخضروا معايا الشنطه
ليله….انتب لسه محضرتهاش يا ايمي
ايمي….بضحك لا واضح انك لالعه الديلر بجد.يابت انا اتجوزت امبارح و انهارده تاني يوم جواز وصحينا الساعه ثمانيه يعني ملحقتش انا بكره هحط شويه حجات كده فيها و يوم الثلاثاء انتوا بقي كملوا معايا انتوا عارفبن انا مليش اوي في حوار السفى والشنط
سلمي…..صحيح انا نسيتك خد بالك يا رشيد مش بتحب الطياره
رشيد….بابتسامه عارف بس انا نعلها يعني ولا ايه
ايمي….بابتسامه لا بحبها خلاص
سلامه….بضحك محن اوڤر دوز
ايمي….اتلم يا رخم اياك حد فيكم يتأخر
حسان….انا اول واحد هبقي عندكم
رشيد….طيب اسمعوني بقي كويس و مش عايز حد فيكم يعمل غير اللي هقوله و بجد والله مش بهزر مفيس اي حد فيكم يجي و يجيب معاه اي حاجه خالص احنا الثلاثجات عندنا علي اخرها
ايه….طب و ايه المشكله زيادة الخير خيرين
رييد….يا بنتي افهمي احنا مسافرين تاني يوم علي طول
ايمي….ايوه الحاجه هتبوظ و الله و بعدين مش هنلحق نخلص كل ده يعني يوم الثلاثاء تيجوا جعانين من قبلها بيوم عشان تاكلوا كل الحاجه معانا او هتمشوا بيها انتوا حرين.
رشيد..طيب تاني اهو محدش يجيب حاجه عشان هنسافر كام يوم ماشي
فضل…..ماشي ياعم بقول ايه ما تخلع بقي انت و عروستك و خلي عندك دم
رشيد….بضحك من غير ما تقول كنت هخلع يلا من غير مطرود مش فاضيلكم
عشري…..ليه هااااا ؟
رشيد….بضحك هبقي اقولك بعدين يلا سلام يا حوووش
ايمي…..باي يا بنات بحبكم اوي
سلمو عليهم كلهم و قفلوا.
كل واحد فيهم راح يعمل حاجه و شويه و رجعوا الشباب يتكلموا مع البنات في التليفون.
اما رشيد و ايمي فا قفلوا و بصتلوا ايمي.
ايمي…..حبيبي تشرب قهوه
رشيد….ما تسيبك من القهوه ووو
ايمي…..بضحك و ايه ؟
رشيد….يعني خلينا نطلع نقول كلمتين كده و نرغي شويه
ايمي….بأبتسامه لا و بعدين انا من امبارح عايزه أشوف المكان بره
رشيد….هو هيطير بعدين
ايمي….بضحك علي فكره انا بدأت اشك فيك كل شويه تتهرب و تقولي بعدين انت دافن قتيل بره ولا ايه
رشيد…..بضحك اه و عفريته هيطلعلك لو خرجتي
ايمي….مش بخااااف
رشيد….مش بتخافي
ايمي….بأبتسامه اه مش بخاف
رشيد…قلبك جامد يعني
ايمي…..ابتسمت و رفعت حاجبها حديييييييد
رشيد…..يبقي اشوف بنفسي
قرب منها و شالها و مشي بيها علي فوق و هي بتضحك
ايمي….لا يا رشيييييييييد
رشيد….بضحك اثبتي بقي انك قلبك جامد
ايمي….بصتلوا وهو شايلها.اخاف عليك
رشيد….من ايه ؟
ايمي….متطلعش قد قلبي
رشيد….بغمزه ليه هو جامد اوي كده ؟
ايمي…..بجرأه تحب تشوف
رشيد….بضحكه تجنن احب ؟! أحب اوي ده انا هموت و اشوف
ضحكت ايمي و مسكت في رقبته و طارت معاه في دنيا تانيه.
بعد ساعه سرقوها من الدنيا و اتجننوا فيها مع بعض.
كان رافع راسه علي المخده و باصص عليها و ايمي سانده دقنها علي صدره و بتلعب في دقنه.
ابتسم رشيد و فضل يلعب في شعرها .
رشيد…..بهمس و نظره تجنن تعالي
ايمي…..بابتسامه هاديه اجي فين
رشيد…..مسك دراعها و سحبها فوق صدره و ضمها بحب تعالي هنا.
اتنهدت ايمي تنهيده طويله و هي نايمه فوق صدره .
رشيد…..ايمي
ايمي….عيون ايمي
رشيد….انا بحبك اوي
ابتسمت ايمي و بصت عليه
ايمي…..اوي
رشيد….اوي اوي اوي
ايمي….و انا بحبك من قبل ما تحبني
رشيد…..بضحكه جميله لا انا حبيتك الاول بس انتي اللي سبقتيني و قولتي
ايمي…..بنظره تجنن رشيد هو انت جه في بالك اي وقت قبل ما نقرب لبعض اكتر اننا ممكن نتجوز ولا كان مجرد اعجاب وبس
رشيد….الاعجاب ده هو اللي وصلني معاكي هنا يا ايمي و في اللحظه دي بالذات من اول ما حسيت ان في حاجه جوايا ليكي و انا قولت الست دي هتكون ليا.
ايمي…..بابتسامه طيب ايه اكتر حاجه شدتك ليا
رشيد….كل حاجه زي القمر عيونك يمكن اكتر حاجه جننتني بجد
ابتسمت ايمي ابتسامه تجنن
رشيد….طريقتك كلامك ثقتك في نفسك قوتك جرأتك نظراتك ليا من وقت للتاني
ضحكت و غمضت عينها
رشيد….بابتسامه كل حاجه يا ايمي حسيت اني قدام ست كامله مش ناقصها حاجه ست أستثنائيه لو سبتها تروح من ايدي ابقي حمار
و الاهم بقي من كل ده ان بعد جوازنا امبارح كمل بضحكه تجنن أكتشفت انك استثنائيه جدااااااا
ايمي…..بضحك انت قليل علي فكره
رشيد….بضحك الحق عليا اني بمدح في مواهبك اللي كانت مدفونه.
ايمي….احممممم طب ايه مش هنبطل قلة ادب
رشيد…..بضحك لا مش هنبطل يا بطل
ايمي….رشيييييد
رشيد….طيب خلاص هسكت
ايمي…..طيب انت بجد مبسوط
رشيد…..انتي شايفه ايه ؟ مش باين عليا
ايمي…..لا باين بس يهمني اسمعها
رشيد….كفايه انك تحسيها ايمي أنا راجل حس برجولته معاكي فهماني
ايمي….بأبتسامه تجنن فهماك عشان انا كمان يا رشيد حسيت اني ست في حضنك انا بحبك اوي
رشيد….وانا بموت فيكي يا قلب رشيد ضمها اوي و فضلوا ساكتين شويه حساين بضربات قلبهم قلبه لامس قلبها و بعد وقت طويل قاموا خدوا شاور و نزلوا علي تحت عشان ياكلوا و خدها و خرجوا بره شويه لحد ما الاكل يسخن و مطولوش الجو كان برد اوي.
بعد الاكل خدوا بطانيه و قعدوا يتفرجوا علي فيلم سوا و هما في حضن بعض.
……………..
في صباح يوم جديد علي الساعه اتنين اتصل عشري علي ليله.
ليله…..صباح النور يا قلبي
عشري…..صباح الفل يا حبيبي صحيتي
ليله….اه صحيت خلاص
عشري…..و مكلمتنيش ليه
ليله…..لسه صاحيه يا زنان اصطبح
عشري….بضحك اصطبح ماشي يا بلطجيه طمنيني عليكي
ليله….تعبانه و مكسره و مش قادره اتحرك
عشري….ايوه و بتحاولي تهربي بأي شكل عشان متنزليس معايا نجيب الركن بتاع الميك اب و انا هعمل نفسي مش سامع و هتنزلي غصب عنك
ليله….بضحك الله يخرببت اليوم اللي قولتلك فيه عليه عشري بقولك ايه انا مش عيزاه في تسريحه و في دريسنج و كله مرايات هعمل ميك اب في اي حته او اقولك نبقي نجيبه بعد الجواز
عشري….لا هنروح انهارده
ليله…..هو انت مستعجل عليه ليه بجد والله ما قادره انا علي اللف ده
عشري…..مستعجل عشان عايز كل حاجه تخصك تبقي موجوده في البيت عشان اليومين الجايين دول تجيبب الحاجه اللي هتحتاجيخا لبس و ميك اب و كل حاجه عشان نخلص و عشان نشوف الفستان و نشوف المكان اللي هنعمل فيه الفرح يعني باختصار مفيش قدامنا وقت بمجرد ما ايمي و رشيد يرجعوا هنبدأ العد التنازلي
ليله…..بابتيامه طيب يعني لو نزلنا بكره هيحصل حاجه
عشري….بكره هنروح لايمي و رشيد
ليله….طيب بعده
عشري….هننزل انهارده يا ليله و بعدين انتي و حشتيني مشوفتكيش من اول امبارح
ليله….طب بطل كدب انا شوفتك امبارح فضلت معاك لحد الساعه اتنين او تلاته من بدايه اليوم
عشري….بضحك بردوا اول انمارح و بعدين تقصدي اني موحشتكيش
ليله….لا وحشتني بس انت زنان يا عشري
عشري….اه جداً و بعترف و هتنزلي
ليله….اللهم طولك ياروح هننزل امته طيب
عشري….وقت ما تحبي
ليله…..تمام يبقي مش الوقت خالص علي الساعه ثمانيه كده
عشري….موافق
ليله…..يلا امشي بقي خليني اقوم
عشري…..بحب ماشي يا ستي البنات
ليله….بأبتسامه ماشي يا زنان باي
عشري….باي يا عمري.
قامت ليله خرجت تشوف نعيمه صحيت ولا لأ راحت علي الاوضه لقتها بتطلع هدوم و عماله تقيس
ليله….بتعملي ايه عالصبح
نعيمه….طب قولي صباح الخير
ليله….صباح الخير يا ستي خير بقي بقالك كام يوم بتصحي لوحدك خير
نعيمه…..و الله فضل اللي صحاني من شويه
ليله….انتي خارجه ولا ايه؟
نعيمه…..اه فضل هيعدي عليا علي الساعه سته كده
ليله….رايحين فين ؟
نعيمه…..امممم لسه معرفش بس كمان هنشوف هديه كده لايمي و رشيد.
ليله……ليه هديه طيب
نعيمه…..معرفش بس فضل اللي قالي
ليله…..انتي يا بت عبيطه احنا مش كنا متفقين كلنا اننا نلخص كل ده و نديهم فلوس
نعيمه…..ايوه بس يعني حاسه ان الهديه احلي
ليله….بصي انتي حره بس يعني هما ماشاء الله عندهم كل حاجه و الاسبوعين دول رشيد اتروق علي الاخر و بصراحه اقتراح عشري اننا نديهم فلوس افضل بما انهم مش محتاجين اي حاجه الفلوس هتنفع اكتر هما بقي يبقوا يعملوا بيها اللي عايزينه
نعيمه…..اممممم طيب خلاص هقول لفضل و اشوف معاه
ليله….بصي حابين تجيبوا هديه بسيطه عشان تدخلوا بيها اوك بس الافضل يعني تمن الهديه الكبيره هينفعهم اكتر
نعيمه….تمام انا كده كده هقابل فضل و كنا هنتغدي سوا يعني هشوفه و هقوله
ليله….طيب تمام علي فكره انا هنزل بعديكي بشويه انا و عشري هنروح نشوف الركن الهباب اللي طلبته
نعيمه….بضحك بطلي رخامه و روحي بقي متزعليهوش هو فرحان علي فكره و عايز يحس ان البيت كده كله جاهز
ليله….عارفه والله يا نوني بس انا اول مره احس اني تعبانه كده جسمي تاعبني اوي و الله و بعدين حاسه ان كفي رجع يوجعني تاني
نعيمه….انتي عندك برد في عضمك علي فكره
ليله…..اه والله كل عضمي واجعني
نعيمه…..خلاص روحي وخلاص عشان تخلصي من زنه و البسي حاجه تقيله
ليله…..ما انا هعمل كده بقولك ايه انتي فطرتي
نعيمه….لا و الله لسه رغيت شويه مع فضل و قومت احضر اللبس
ليله…..طيب هروح انا احضره
نعيمه…..استني انا جايه اجهزه
ليله….خليكي عايزه افوق شويه بقالي وقت طويل نايمه
نعيمه….طيب يا قلبي هجيلك الوقت
ليله….اوك
……………
الوقت كان بيجري علي الساعه اربعه و نص نزلت نادين و راحت عدت علي أيه كانت واقفه مستنياها تحت
ايه…..ايه رايك نزلت قبل ما تيجي و موقفتكيش
نادين….بابتسامه يا ناس علي اللي مواعيده مظبوطه حمودي عامل ايه
ايه….كويس بيسلم عليكي
نادين….الله يسلمه يارب و البت لومي نزلت ولا فوق
ايه….لا فوق سيباها بتلبس هي كمان بتسلم عليكي
نادين….الله يسلمها يلا بينا
ايه….يلا عشان سلامه مش مبطل زن من الصبح صحاني من 11 ونص فكرني بيا و انا صغيره لما كان بيجي العيد مكنتش بعرف انام
نادين….بضحك و ميدو والله هو كمان كل شويه يقولي هتنزلي امته مش يلا بقي يا نودي
ايه….انا عارفه مستعجلين ليه هو احنا رايحين نفطر ولا نتغدي
نادين….بضحك بس يا رخمه هما فرحانين دي اول زياره ليهم
ايه…بقولك ايه انا حاسه اني مكسوفه شويه
نادين….بضحك مش اكتر مني بس انا كنت معتمده عليكي اوعي تتكسفي و النبي
ايه….بقولك ايه احنا اكيد هنجيب حاجه و احنا رايحين
نادين…اكيد طبعاً
ايه….طيب هنجيب ايه بقي لاني مش عارفه انا مليش في الجو ده
نادين….يعني انا اللي ليا بصي انا بفكر يعني نجيب شوكلت و نجيب هديه شيك كده
ايه….بضحك ايوه ايه هي بقي؟
نادين….لا فكري معايا احنا مش عابزين نتأخر
ايه….و الله ما اعرف ايه رأيك نجيب ورد كمان
نادين….هي دي الهديه الشيك
ايه…..اممممم طب ايه ضحكت و بصتلها بقولك ايه كنت عايزه اجيب كل صغير لسلامه بس خوفت يسميه ايه
نادين….بضحك لا هو كان هيسميه ايه فعلا عشان يردهالك كويس انك مجبتيش بقولك ايه في محل تحفه شوفته في اول مدينه نصر عندهم عنده برفانات و شموع شكلها يجنن و عنده كمان حجات بسيطه زي ديكور للبيت بس رقيقه جداً و عجبني انها مش منتشره انا شوفته من بره مدخلتش بس هو واضح انه يجننن ايه رأيك نشوف عنده حاجه
ايه…..طيب حلو ده نجيب حاجه اطنط حنان و نجيب حاجه لريهام مع الشوكليت و ممكن نجيب حاجه حلوه كمان و ناخد ورد و نشوف لو لقينا حاجه تاني
نادين….حلو يبقي استقرينا خلاص
كملت نادين سواقه جابو الاول الشوكلت و بعدين كملوا لمحت ايه محل كاندي
ايه…..نودي اقفي نجيب كاندي
نادين….بضحك الله المحل يجنن بس هنجيب كاندي
ايه….بضحك اه عادي
نادين…..مش جنان يعني
ايه….علي اساس اللي في البيت عاقلين طب والله يهتخانقوا عليه تعالي نخليه يعمله زي البوكيه بدل الورد
نادين….بابتسامه حماس صح حلو فكرة البوكيه دي يلا
دخلوا جوه اختاروا الكاندي و طلبوا من الشاب يعملوا زي البوكيه و كان في شكولاتات كلها مستورده جابو حجات كتير و عملوا بوكيه يجنن و مبهج و كمان بيتاكل.
خلصوا و كملوا طريقهم و وصلوا مدينه نصر و نزلوا المحل كان فظيع كل اللي فيه يجنن هدايا مميزه جداً المكان ريحته تجنن من الشموع و البرفانات و كمان كان في جزء خاص بالصابون كان في صابون يجنن معمول هاند ميد و ليه شكل غريب مكانش صابون عادي اختاروا حجات كتير و ظبطوها بشكل شيك
وبعدين خرجوا و ركبوا العربيه و اتصلت نادبن علي عسال.
عسال…..ايه يا عمري فينك
نادين….انا في عباس العقاد خلاص و في بنزينه زي ما قولتلي
عسال…بنبره هاديه طيب كملي شويه تاني هتلاقي في برج كده و اول دورين فيهم معرض اثاث لو مشيتي شويه هتلمحيه
نادين….اممممم مش شايفه لسه
عسال…طب كملي انا معاكي
نادين….اه شوفت حاجه بيتهيألي هو
عسال….طيب كملي و قربي اكتر
فضلت نادين تمشي بس كان قدامها عربيات ماشبه براحه
نادين….معلش خليك معايا الدنيا زحمه
عسال….معاكي يا عمري براحتك خالص
نادين….ايوه هو صح
عسال….طيب خليكي علي الشمال هتكملي شويه بعديه و اول لفه هتجيلك لفي هترجعي تاني و قدام البرج ده بالظبط هتلاقيني
نادين….هلاقيك فين
عسال….بابتسامه هتلاقيني واقف علي الصف التاني البيت بتاعنا علي الصف التاني قدام البرج و علي فكره حلو الكاب عليكي
نادين….بضحكه جميله انت شوفتني
عسال….اه شوفتك يلا يا عبيطه لفي و تعالي انا واقف وسلامه معايا
نادين….بابتسامه اوك يا ميدو يلا اقفل انا جايه.
عسال…..علي مهلك يا روحي يلا باي
نادين…..باي
ايه….ايه واقف
نادين…..اه هو و سلامه و شافنا
لفت من اول لفه جاتلها و رجعت تاني علي اليمين و فضلت ماشيه مسافه صغيره لحد ما قربت قدام البرج و لمحته هو وسلامه واقفين
ابتسمت بهدوء و ايه ابتسمت لسلامه .
سلامه…..تعالي تعالي روحي اركني هنا
ايه….بضحك انتوا واقفين حاجزين المكان ولا ايه
سلامه….بضحك حصل ده انا كنت نايم الوقت علي الاسفلت
راحت نادين علي المكان عسال كان ماشي قدامها بيقولها تعالي
ركنت و نزلت ايه قبلها راحت سلمت عليهم.
و سابهم عسال و راح لنادين عند الشباك.
عسال……القمر نور مدينه نصر
نادين….بابتسامه منوره بيك انت
عسال…..بحب طيب يلا حبيبي انزل
نادين….امممم اااا طيب ممكن تساعدني و تاخد مني الحاجه انت و سلامه
قرب من الشباك و ربع ايده رجعت لوراء بسرعه و هي مبتسمه
رفع عسال حاجبه.
عسال…..هو انا قولت ايه ؟ مش قولنا و اتفقنا انك مش هتجيبي حاجه و تيجي علي طول
نادين….انا مجبتش حاجه و بعدين دي حجات بسيطه مني انا وايه
مسكها من كفها و ضغط عليه بهدوء
عسال…..طب اعمل فيكي ايه مش ملاحظه ان بنوتي القمر مبقتش تسمع الكلام
نادين….بضحكه جميله طيب يعني ينفع اطلع و ميبقاش معايا حاجه ترضهالب يا بابي
عسال….اه لما تكوني مش رايحه عند حد غريب ارضهالك
نادين…اكيد مش حد غريب بس يعني دي حاجه بسيطه
عسال….بنظره تجنن طب انزلي يلا
نادين….طيب و الحاجه
عسال….انزليييي انا هاخدها
نادين….بضحك طيب خلاص متزعقش
فتحت الباب و نزلت بص علي لبسها من فوق لتحت بنظره جريئه شويه
عسال….ايه القمر ده
نادين….بضحكة توتر ايه البصه دي
عسال….بضحك لا بقولك ايه انا ابص براحتي مراتي يا قلبي خلاص
نادين…احممم طب خليك مؤدب و اخلص
عسال…بضحك حاضر
كانت لابسه بنطلون چينز ابيض في تقطيعات بسيطه بس مش اوڤر و لابسه بدي ابيض و من فوق چاكت رمادي و كاب رمادي في ابيض و كوتشي ابيض في رمادي بسيط و علي وسطها شنطه رمادي غامق كانت طفم گاجوال بس يجنن.
قربت من سلامه تسلم عليه و طلعت علي الرصيف.
نادين….بابتسامه سلااااامه
سلامه….بضحكه مسخره الكاب ده يخصني خلاص
ايه….يخربييييتك مبتعتقش
سلامه….بضحك انا مالي عجبني
نادين….طب سلم عليا الاول
سلامه….بضحك قلبي يا نودي مرات اخويا الغاليه
ايه…..بضحك ضمنت الكاب بعد الكلمتين دول
سلامه….ما طبعاً لازم اقول كلمتين حلوين
عسال…..هتفضل ترغي تعالي شيل
سلامه…..اشيل ايه
نزل من علي الرصيف و راح علي عسال فضل باخد منه الحاجه و بعدين قفل ميدو العربيه
عسال…..نودي اقفلي اللوك
قفلت نادين العربيه و راحوا عليهم
سلامه….بجديه علي فكره بجد والله اللي انتوا عاملينه ده مش صح خالص
عسال…..قولهم
ايه….بطل عبط انت وهو دي حاجه بسيطه جداً
سلامه….بس انا مكلمك امبارح و قولتلك يا ايه متحبيش اي حاجه
عسال…..حصل و انا كمان قولت لنادين
نادين….علي فكره بجد هزعل منكم انتوا الاتنين دي حاجه بسيطه جداً بلاش تعملوا كده
ايه….انتوا ليه مكبرين الموضوع و يلا قدامي انت و هو
سلامه….بابتسامه طب ايه ده ورد هاااا
ايه…..بضحك لا مش ورد هو شبه الورد بس يتاكل اما تطلع افتحه وشوفوا
دخلوا مع بعض علي المدخل و طلبوا الاسانسير و بعدين طلعوا علي فوق .
كانوا في اخر دور استقبلتهم ريهام و جات وراها علي طول حنان و مصطفي كان واقف علي جنب.
ريهام….اهلاااااااا اهلاااااا
نادين…..حبيبي
ريهام…..عامله ايه نورتي الدنيا يا مرات اخويا يا قمر
نادين….بضحكه جميله انتي اللي قمر
ايه….بهمس مسموع لو مقولتليش نورتي الدنيا يا مرات اخويا يا قمر هنزعل من بعض
ضحكوا كلهم علي ايه.
ريهام…..بضحك اهلا نورتي الدنيا يا مرات اخويا يا قمر و عسل و كيوت
ايه….بضحك بلاش أوڤر مش اوي كده عامله ايه يا ريهام
ريهام….بخير يا قلبي
حنان……ازيك يا نودي نورتي البيت يا حبيبه قلبي
نادين…..الحمد لله البيت منور بيكم والله
حنان….بضحك لايه نورتي البيت يا ايه
ايه…..بضحكه جميله منور بيكم يا حنونه
حنان…..ادخلوا تعالوا يلا و انت يا ولا سلم
مصطفي….بابتسامه مستني المبالغات الاجتماعيه تخلص
نادين….بضحك ازيك يا مصطفي
مصطفي…..بابتيامه بخير يا نادين الحمد لله ازيك يا ايه يا مرات اخويا المستقبليه
ايه….يالهوي علي البرستيچ ازيك يا مصطفي
سلامه…..بضحك خد بالك هي كده هتحبك اوي
مصطفي….بضحك اه لاحظت الابتسامه وسعت اوي
عسال…..ماما الحجات دي البنات جابوها قولي حاجه بقي و اعملي حماه شويه.
حنان…..لا هو من ناحيه حماه مش هقدر بس بجد مينفعش والله يا بنات انتوا جايين بيتكم ايه اللي انتوا عاملينه ده كله.
نادين….دي حاجه بسيطه يا طنط والله و انت سكت شويه متسخنهاش
عسال….بابتسامه لا عشان اتفقنا
حنان…..انا منبه عليهم هما الاتنين يعرفوكم متجيبوش اي حاجه
ايه….يا طنط دي حاجه بسيطه والله
مصطفي…..طب ايه بقي الهدايا دي
سلامه….بضحك وانت مالك اصلا ملكش فيها خالص الهدايا دي
نادين…..بابتسامه لا ليه علي فكره و كلكم ليكم
مصطفي…..هااااار اسود عالكسفه
ايه….بضحك بصوا هي مش هدايا يعني عاقله يعني مش كلها بصراحه بس فيها حجات كريتيڤ شويه
ريهام….طب ايه هو انا ينفع اتفرج ولا فيها قلة ذوق
عسال….بضحك لا اتفرجي
نادين….طبعاً اتفرجي
حنان….ضربتها علي ايدها طيب روحي هاتي للبنات حاجه يشربوها الاول قبل الغداء.
ريهام…..ما تروحي انتي يا ماما هو مين فينا ست البيت
حنان….يابت هسيبهم لوحدهم
ريهام…..يعني انا و ميدو و سلامه و مصطفي مش عاجبينك
مصطفي…..هي عايزه تقعد و تتفرج معانا اسمعي مني
حنان….تصدق انت كمان عايز الضرب طب ايه رأيك انت اللي هترزح تجيب
عسال….ضحك و بص لنادين دي البدايه بتاعت مسرح العرايس اللي عايشين فيه
نادين….بضحكه جميله هما كده علي طول
حنان…..والله هيجننوني يا نادين
سلامه….خليكم انتوا انا هجيب
حنان….ربتا يكملك بعقلك
سلامه….وهو داخل محدش يفتح غير اما اجي
ايه….بضحك مطلعش عاقل اوي
حنان….بضحك شوفتي بقي عاملين فيا ايه عايشه مع اطفال مش شباب
مصطفي…..لا شدي حياك كده معانا احنا لسه بنبدأ
ايه…..انت كده بتطمنها
مصطفي…..اه و بعدين عرفت انك زينا عمدك ربع طاقق يعني هيبقوا خمسه عليها فا لازم تشد حيلها
ايه….بضحك لا هما هيبقوا سته عشان والله العظيم انتوا واخدين مقلب في نادين دي اعيل مننا
ريهام…..لا حرام دي كيوت
بصت ايه لنادين رفعت عينها لفوق و ضحكوت هما الاتنين.
سلامه…اتفضلي يا استاذه ايه
ايه…..ميرسي يا سلامه
سلامه…..نودي اتفضلي
نادين….ميرسي يا سلامه
خد عسال الكاس و مد ايده ليها.
حنان……اخباركم ايه يا بنات
سلامه….لا بصي مش وقته اخبارهم هتلاقيها في جريدة الاهرام احنا عايزين نعرف جايبين ايه و بعدين ماهما قاعدين قدامك اهو
مصطفي…..ايه بتصور فيلهمها الجديد الوقت و نادين بتحضر اخر البوم هي. وميدو هو ايه اللي اخباركم ايه افتح يا عم
البنات كانوا فطسانين علي نفسهم من الضحك
حنان….طب معلش بقي يا بنات انتوا مبقتوش اغراب هروح بس اجيب العصايه لان انا معرفتش اربي
عسال…..انا معملتش حاجه علي فكره
نادين….بضحك احسن والله تستاهلوا
مصطفي…..بضحك و همس ماهي مش هتسكت
ريهام…..والله العظيم لو ضربتني لا انت و هو هتتنفخوا.
قام سلامه بسرعه و راح بعيد و هو بيضحك
سلامه…..اهدي يا حنون
حنان….بابتسامه طب شكلك ايه و انت بتضرب قدام خطيبتك
سلامه….بضحك خلاص والله هبقي مؤدب و هلتزم بالتعليمات اللي قولتيها قبل ما البنات توصل اقعد عاقل محترم بلاش تنكشني
حنان….بضحك شايفين اهو فتن عليا كمان
ايه…..بقولك ايه يا حنون متعمليش حسابي خالص كأني مش قاعده خدي راحتك وانا لو مكانك و ده ابني هضربه
حنان….صح طيب حلو كده
سلامه…..بتتنتتت وربنا هقتلك انتي عيزاها تضربني
ايه….بيهددني في بيتك يا حنون شايفه
حنان…..ملكش دعوه بيها سمعت
سلامه….حاضر بص لايه و حط كفه علي دقنه يستحلفلها
ايه….ايه بتستحلفلي كمان
نادين….بابتيامه حنون علي فكره انا كمان كأني مش موجوده
ميدو….بضحك مسك كفها بسرعه خيررررر انا نطقت
نادين….بضحك لا ده عشان لو اتكلمت يعني
عسال…..بابتيامه بقي كده يا نودي بتبعيني
ريهام…..ماما انا بصي ساكته ازاي و بنفذ تعليماتك
حنان….علي الله بس ربنا يديكي العقل خمس دقايق وانت خليك محترم
مصطفي…..طيب افتح الهدايا و مش هسمعك صوتي تاني
نادين….خلاص خليه يفتح يا حنون و مش هيعمل حاجه
سلامه…..وانا هرجع اقعد مؤدب والله ماشي
حنان….اتفضل
قعد سلامه و كلهم كانوا بيضحكوا و بدأ هو وريهام و مصطفي يفتحوا الهدايا اول حاجه فتحها سلامه البوكيه
سلامه….ايه ده ده مطلعش ورد بجد
ايه…..بضحك ما اجنا قولنا بقي الورد هيترمي جببنا كاندي و شوكلت
ريهام….الله كاندي والله احلي من الورد
سلامه….بت سيبي سيبي اياك تبوظي شكله
ريهام….يعني هو هيفضل كده
ايه…..بضحك سيبه علي فكره ده هيتاكل
سلامه….بس شكله حلو والله.
مصطفي…..بابتسامه حلوه الشوكلت دي
نادين….ريهام البوكس ده بتاعك
مسكت البوكس بسرعه من سلامه بسرعه
ريهام……سمعت قالت بتاعي شيل ايدك
سلامه….طب اتفرج طيب
ريهام…..ابعد ايدك بقولك
سلامه….اعوذ بالله امسكي
ايه….بضحك يا خرابي علي البصه
سلامه…..بتقولوا علي ليله بلطجيه شوفوا دي و احكموا عايشين مع سفاحه
ريهام…..اووووف ايه ده انتوا عرفتوا ازاي اني بحب الشمع
ايه….في حجات تاني دوري بس
ريهام…..ماما هو انا ممكن اقلب البوكس علي الارض و علم والله الفلين ده كله
حنان…..لا مش ممكن
نادين…قربت من الارض و خدت بوكس حنون ده ليكي
حنان…..والله يا نادين انا مش عارفه اقول ايه
نادين…..ولا اي حاجه دي حاجه بسيطه جداً
فضلوا يفتحوا في الهدايا كانوا جايبين ليهم كلهم برفانات اورجينال علي ذوقهم و جايبين شموع لريهام و حنان بس و فتح مصطفي البوكس بتاع الصابون كان شامم ريحته و عجباه اوي بس من كتر ما شكلهم حلو مكانش فاهم ايه ده الصابون كان غريب علي شكل الكب كيك و الدوناتس و علي شكل الفواكه كريز تفاح برتقال فراوله و صابون بنفس درجات الوان البحر وفي قواقع صغيره و علي شكل الليمون و الشوكلت كان يجنن و الوانه تحفه و ريحته احلي.
مصطفي…..هو اللي في ايدي ده يجنن بس هو ايه
ريهام….ده صابون صح
نادين….بابتسامه صح
عسال….صابون !
مصطفي….هو ايه اللي صابون دي حجات حلوه
ايه….بضحك والله صابون مش قولتلك هدايا كريتيڤ شويه
حنان…..حلوين اوي بجد
عسال…..بضحكه جميله والله انا كمان فكرت حاجه تتاكل
سلامه….بجد صابون ولا بتشتغلونا
ايه…..بضحك دوق وانت تعرف
فضلوا يضحكوا و كان عاحبهم الصابون اوي و طبعاً مصطفي مبطلش تنمر علي سلامه و عسال.
مصطفي…..بابتسامه ايه ريحتكم ظهرت ولا ايه
سلامه…..بضحك عاجبكم كده
ايه….طب بذمتك مش هديه جديده
سلامه….والله حلوه بتاعه البحر دي حلوه اوي ريحتها عامله زي البحر والله بجد هاديه كده و تجنن انا هاخدها دي.
حنان…..بجد يا بنات تسلم ايديكم
ايه….حبيبتي يا حنون تسلمي يارب
حنان….يلا منك ليها قوموا شيلوا كل الحاجه دي و الزحمه اللي عملتوها عشان نجهز الغداء.
مصطفي….بقولكم ايه بقي شايفين الشيكولاته الجامده اللي انتوا جايلينها دي هدوقكم بقي بتاعتي الوقت و مش هتاكلوا شوكلت من حته تانيه بعد كده.
حنان….بابتسامه هو صحيح مطلع عيني بس مصطفي عاملكم شوبه حلويات تجنن
ايه….اه سمعت انا انك شيف حلويات قد الدنيا
مصطفي….هبهرك
عسال……بصراحه مصطفي شاطر و امبارح عمل حجات فظيعه و مرضيش يدوقنا.
نادين…تسلم ايدك يا مصطفي
سلامه….بقولكم ايه علي ما يحضروا الاكل تعالوا نفرجكم علي البيت و تعالي افرجك علي ارثر و الاستاذه لي لي
ايه….يالهوي انا نسيتهم صحيح هي حامل ولا لسه
سلامه….انا مش عارف بس عسال بيقول اه
ريهام…..لا مش حامل مش عندها بطن ولا باين عليها
عسال…..سيبكم منهم حامل والله
حنان….طيب يلا روحوا اتفرجوا معاهم علي البيت و اتحركوا شويه متفضلوش قاعدين كده انتوا في بيتكم
نادين….طيب مش عايزه مساعده
حنان….متحرمش منك ريهام و مصطفي هيساعدوني
مصطفي….انا رايح معاهم
ريهام…وانا كمان
حنان….اللهم طولك يا روح ولا ملمه من اللي قولتها اتسمعت
ريهام…..اااا ما خلاص بقي يا ماما محسساني ان جايلنا ضيوف من الامم المتحده و لازم نحسن صورتنا قدام العالم الغربي ماهما عارفين خلاص اننا تاعبينك و مطلعين عينك
عسال….بضحك اعترفت يا حنون خلاص خليها عليكي هنروح نفرجهم و نرجع كلنا نساعدك
حنان….ماشي يا سيدي روحوا يلا
معلش يا بنات انا هتشغل عنكم شوبه بس هجيلكم
نادين….لا براحتك خالص يا طنط
خدوهم الشباب و بدأوا يفرجوهم علي اول جزء من البيت بيتهم كان شيك و راقي جداً جداً الفرش اللي فيه مش ضخم ولا كبير بسيط اوي بس يجنن كل جزء في البيت في دفئ و روح ولمسة العيله و كان في حيطه كده جانبيه مليانه صور ليهم
وهما صغيرين و هما كبار في مناسبات كتير ليهم و ده من اكتر الاماكن اللي عجبت نادين و ايه و وقفوا مع الشباب شويه يتفرجوا علي الصور و فطسانين من الضحك علي مصطفي و هو بيفرجهم شكلهم و هما صغيرين.
مصطفي…..بصي يا نادين ميدو هنا كان في ابتدائي شكلوا مسخره ازاي يعني ولتدكم هتبقي نفس الخلقه دي
عسال….بضحك الله يفضحك يا شيخ علي فمرن ولادنا هيبقوا اخلي من الخلقه دي عشان هيبقوا شبه نودي
نادين… بضحك طب والله كان كيوت
ايه….بابتسامه طب علي فكره يا سلامه انت كنت شكلك حلو والله مؤدب كده وهادي
ريهام…..ده كان شيطان و الله تلاقيه في الصوره دي كان بيفكر ازاي يعمل مصيبه
سلامه……انا مستني تتخطبي عشان اجيب خطيبك قدام شجره العيله دي و افضحك
ريهام….بضحك لا ما انا هشيلهم قبل ما يجي البيت اصلاً انا مش فاهمه ماما ليه كانت مصوراني بالمنظر ده و ايه شعري ده
مصطفي….غوريلا
ضحكوا كلهم و بعدين بداوا يتفرجوا علي بيتهم و كف عسال كالعاده في كف نادين كانها طفله.
دخلوا علي اوضه عسال كانت هاديه و مترتبه و كل حاجه في مكانها مكتبه صغيره مليانه كتب علي الحيطه متعلق جيتار في شازلونج بسيط جنب المكتبه و سرير هادي و علي جنب في دابلز كتير علي الارض مترتبين بيعمل بيهم تمارين في تابلوه هادي فوق سريره وعلي جنب دولاب كله زجاج و في اضاءه و اللبس ظاهر مترتب و منظم جداً تفاصيل الاوضه كانت شبه شخصيته هاديه و رايقه
عسال….دي اوضتي بقي
ايه…بضحك طبعاً مرتبها و مظبطها عشان تحسس نادين انك هتكون منظم
عسال….طب والله ابداً مفيش غير السرير بس اللي اترتب و كويس انك قولتي عشان والله سلامه اللي وقف ظبط كل حاجه امبارح
سلامه….بضحك اوعي تصدقيه
ريهام….والله صدقي ميدو علي فكره يا نادين ميدو حقيقي منظم و بيحب حاجته يعني بيحافظ عليها انما سلتمه كان واخدني امبارح معاه اطبق هدومه
سلامه…..والله انتوا ما اتربيتو
نادين….بضحك عادي عادي ايه نسخه منك يعني مش هتتعبوا مع بعض
خرجوا من اوضه عسال و راحوا اوضه سلامه كانت جميله مترتبه و نظيفه
سلامه….بضحك شايفين الحلاوه قال مش منظم قال
ايه…..مش اوي كده اتفضحت خلاص
ريهام….دي لمسه ايدي خدي بالك كان نفسي اسيبها زي ما هي بس صعب عليا
ايه…..استني بس لا ده في هدوم كتير كمان في دولابك اهو امال بتسرق هدوم عسال ليه؟
عسال….بضحك هي هدومي انا بس دي هدوم الشعب و بعدين صححي المعلومه ده مش اسمه دولاب
ايه….دريسنج يا عم
عسال….بضحك ولا دريسنج مصطفي انت مسمي دولاب سلامه ايه.
مصطفي…..بضحك دولاب المسروقات ده بقي هتلاقي فيه أكل مال النبي أمل مال اليتيم و اي حاجه حرام هتلاقهيا هنا
وقف سلامه علي جنب فطسان من الضحك و باصص عليهم
عسال….بضحك سمعتي
ايه….بضحك انت عامل فيهم يا كاسفني
ريهام…..ده بالظبط زي دولاب النفقدومات احنا لما في حاجه بتضيع مننا علي طول كده بنيجي ندور عليها هنا من غير تفكير
مصطفي…..هنا هتلاقي نص هدومي تيشرتاتي بقي و اي حاجه تخصني هدوم الغلبان ده كلها هنا ريهام كمان شراباتها سويت شيرتات شتوي و تيشرتات صيفي كاچوال ده الجاحد من كتر ما السرقه بقت تجري في دمه حتي امي مسلمتش منه
نادين….بضحك طيب وهياخد منها ايه بس
مصطفي….بضحك ماهو عشان بقي في السرقه مبقاش يركز هو بيسرق ايه انتي متخيله انه سارق منها سبحه
ايه…..بضحك سبحه
سلتمه….بضحك عجبني لونها بس والله مش سرقه انا خدتها في مره معرفش كنت بصلي الجمعه ولا ايه و حطتها هنا نسيتها
مصطفي….بضحك كداب ده واخدها قصد بيعد عليها ذنوبه الحرامي
نادين….طب سؤال انت بقي فين هدومك
عسال….لا ماهو بيرتب هدومه وراء عشان محدش فينا يتجرأ و ياخدها كل اللي قدام دي مسروقات
نادين….طيب كويس الراجل مش مخبي حاجتكم عشان لما تدوروا عليها تلاقوها
سلامه….قوليلهم الظلمه
فضلوا يضحكوا و كملوا لف في البيت و بعدين فتح سلامه باب خارجي في الريسيبشن خرجهم علي مساحه واسعه تقريباً نفس مساحه الشقه من جوه بس كانت معموله روف فيها جزء متغطي عشان الشتاء والباقي كله صيفي كان المنظر من فوق يجنن و العربيات باينه صغيره و الدنيا زحمه الروف كان تحفه
راحوا بصوا علي الكلاب .
ايه…..جدع يا عسال حامل
سلامه….عرفتي ازاي
ايه…..بضحك يعني في حاجه ظاهره فيها اكيد مش هقول يعني
ضحكوا كلهم علي ايه
عسال….بابتسامه زي ما قولتلك
نادين…..هو ده بقي استاذ ارثر
عسال….بابتسامه هو ده ايه رأيك
نادين…..جميل والله خالص هو مرعب بس شكلوا طيب
عسال….اه طيب اوي و بيتعود علي الناس بسرعه بس هما الوقت عايشين جو حلو مع بعض خلينا نسيبهم عشان ميتعصبش
نادين…..لا وعلي ايه خليه براحته.
سابوهم ريهام و مصطفي و خرجوا لحنان يشوفوها و وقفوا هنا مع بعض.
سلامه خد ايه و وقفوا يتفرجوا مع بعض علي الشارع
سلامه….ايه رأيك بقي في بيتنا المتواضع
ايه….يجنن خالص و المنظر هنا حلو اوي
سلامه…..علي فكره الشقه بتاعتنا قريبه من هنا و علي الشارع بردوا ايه اخبارك بقي مع الزحمه دي مش متعوده انتي صح
ايه….بالعكس علي فكره انا بحب مدينتي بس اكتر حاجه بتضايقني انها هاديه يعني فيها شويه صمت كده مش بتاعي و بعدين احنا قبل ما نيجي هنا كنا في الزمالك اه حي راقي و هادي بس مش زي مدينتي هناك بردوا عربيات و زحمه و شوارع كتير و محلات و ناس مش بتنام انت تعرف اننا لنا سكنا في مدينتي انا في البدايه كنت متحمسه عشان هنبقي مع البنات و كده بس بعد اول اسبوع كنت مضايقه و حاسه اني مش قادره اتأغلم علي المكان فا انا هنا هبقي مبسوطه جداً
بس يعني المشكله الوحيده هتبقي في ركنة العربيه
سلامه….لا عادي في بارك و الدنيا تمام متقلقيش
ايه….هي شقه عسال قريبه
سلامه….في نفس البرج احنا الاتنين
ايه….بسعاده بجد
سلامه….اه والله انا نقولتلكيش ولا ايه
ايه….لا انا اصلا مسألتكش خالص طب كويس يعني نودي هتبقي معايا
سلامه….اه يا ستي هتبقي معاكي
……..
عسال…..ايه سرحانه في ايه
نادين….بابتسامه وهي باصه علي الشارع المكان جميل بيفكرني بجو الصيف و المصايف الناس مش بتنام عامل زي جو الساحل
عسال….بابتيامه طب حلو انا قولت اكتر حاجه هتوترك الزحمه
نادين….بضحك هي من ناحية توتر فا هي توتر انا مش واخده علي الزحمه بس هو حلو بردوا يعني في روح و اي وقت ترجع تحس ان في ناس معاك
عسال….طيب قوليلي وبجد انتي حابه تغيري المكان
نادين….لا خالص ليه
عسال…..يعني انا عارف ان اللي واخد علي الهدوء مش بيعرف يتأقلم مع الزحمه خالص وفي فرق بين عباس العقاد و التجمع رهيب يعني التجمع لو اتقتل فيها قتيل محدش بيحس
نادين….عشان كده انا مش عايزه امون هناك يمكن انا خدت علي البيت و المكان بس انا بجد هبقي نبسوطه هنا و بعدين هتبقي الشقه بردوا موجوده لو حسينا اننا حابين نفصل من الزحمه نروح هناك
عسال….امممم طيب سؤال بقي كنت عايز اسأله انتي هتفضلي محتفظه بالبيت
نادين….ااااا يعني ده بيتي و اكيد حتي لو مش هفضل فيه هيتحول زي لاقي الشقق بتاعتنا و هيتأجر ده لو انت مش حابب اننا نروح فيه يعني زي ايمي و رشيد هي كمان ليها بيتها و اتفقوا يروحوا فيه من وقت للتاني
عسال….انا معنديش اعتراض لو دي حاجه هتريحك بس بعني انا ليا رأي تاني انا حابب اخليكي تعيشي جو الاستقرار اكتر انا بحس ان التنقل من بيت لبيت مرهق و بيشتت و مش بيعمل جو انتماء او دفي فهماني لما يكون ليكي بيت واحد واخده عليه بتحبيه بتفرق كتير
نادين….بابتسامه فهماك و زي ما قولتلك انا معنديش اي اعتراض انت شوف حابب ايه و هنعملوا المهم اننا مع بعض
عسال…..بأبتسامه ماشي انا عموماً هنا ضيف و هنا ضيف
نادين….امممم طيب بخصوص بقي البيت كويس انك فتحت الموضوع مبدو بجد انا مضايقني حوار ان البيت يكون بأسمي عارفه ان مفيش فرق و ان الاسم بالنسبالي مجرد اسم علي ورق بس ده بيتك يا ميدو و مش عيزاك تعمل كده
عسال….ده بيتك انتي مش بيتي انا انا هكون معاكي في اي بيت و بالنسبالي كفايه اوي اني اكون جنبك سواء هناك او هنا بأسم مين مش هتفرق المهم اني معاكي
نادين…طيب ادام مش هتفرق خلينا نرجعه بأسمك
عسال…..لا عشان انا مش عايز كده و بعدين انا قولتلك نقفل الموضوع ده هالص لان مش عايز نقاش فيه
نادين….بضحكه جميله اممممم طيب مش خايف يعني تزعلني فا امشيك من البيت ومتلاقيش حد تروح عنده
عسال….بضحكه جميله اااااه طيب هتمشيني من البيت بصفتك مين بالظبط عشان هتفرق
نادين….اااا يعني اني صاحبه البيت مراتك
عسال…..امممم عادي هخرج و شويه وهتلاقيني بخبط علي بنتي بيتهيألي مش هيهون عليها تشوف باباها بره كده و متدخلهوش ولا ايه
نادين….بضحكه تجنن امممم صح اصلاً مراتك دي ست مفتريه
عسال….بضحك مراتي دي ست قمر و بموت فيها بس بنوتي احلي بقي بكتير و عليها قلب مفيش في حنيته ابداً يعني متخافيش عليا هقدر اتصرف ظا انا ليا عيله كبيره في قلبك مراتي زعلت هروح لبنتي بنتي زعلت هروح لامي امي زعلت هروح لنصي الحلو يعني هلاقي جواكي حد فيهم يرضي عني
نادين….بابتسامه تجنن انا بحبك اوي
عسال….بحب باس كفها وانا بموت فيكي
نادين…اااا احممم ما تيجي نروح نساعد طنط
عسال….اممم احممم دي يعني اتوترتي يلا بينا نروح
ضحكت نادين و راحت معاه و خرجت ايه و سلامه معاهم .
قضوا وقت جميل و يجنن كله ضحك و هزار و روح حلوه اتغدوا و قدملهم مصطفي الحلو كان يجنن شكل و طعم بعدها بشويه فضلت حنان تحكيلهم عن ايام زمان و جابتلهم البومات صور اتفرجوا عليها
كان الجو بينهم يجنن بجد .
……………………..
علي الساعه سبعه بالظبط.
نعيمه كانت خلاص بتلبس الكوتش عشان تنزل لفضل عشان قالها عشر دقايق و ابقي عندك.
ليله….خلاص نازله
نعيمه…..اه فضل قالي عشر دقايق انتي نازله امته
ليله….عشري كلمني من شويه وقالي معلش هنخلي المعاد تسعه عشان جالهم ضيوف من سيناء
نعيمه…اممم طيب
رن الانتر كوم من تحت كان الحارس بيكلم ليله.
ردت ليله عليه الووو
استاذه ليله في حد عايز يطلعلك
ليله…مين ؟
هي بتقول بتحاول توصل لاستاذه نادين بخصوص شقه عايزه تعرضها للبيع و مش عارفه
ليله…..طيب هي مش معاها الرقم يعني ولا ايه مش فاهمه بقولك ايه هاتها.
اتفضلي اهي معاكي
الووو مساء الخير يا استاذه ليله
ليله ….مساء النور
اسفه علي الازعاج بس زي ما قالك انا بحاول اوصل لاستاذه نادين و مش عارفع
ليله…..ااا طيب مش معاكي رقمها
انا معايا رقم و اتصلت عليها من كام يوم قالتلي ان عندها مناسبه تقريباً و مش فاضيه خالص و بتصل عليها تاني مش بترد
ليله….امممم ايوه فعلاً كان في كام مناسبه من كام يوم و هي اكيد اتشغلت
ااا طيب انا الوقت محتاجه اني اتكلم معاها بخصوص الشقه دي و اقولها غلب كام حاجه مهمه فيها و المشكله اني مسافره بكره انا طبعاً عارفه ان الوقت مش هينفع تشوفها و لا هينفع بكره لان انا كمان هكون مسافره بس يعني بستأذن حضرتك لو اقابلك حتي خمس دقايق اقولك علي كام ملاحظه بسيطه تبقي تعرفيها انتي و كمان اديكي العنوان و المفتاح اكيد هتلاقيه مع الحارس و قت ما تفضي تشوف الشقه
ليله….اااا ايوه بس احنا في العادي مش بنتعامل مع الكلاينت غير وش لوش فا موضوع الحارس ده هيبقي مش ظريف
انا هسيبلك رقمي اكيد و بعدين انا في كل الاحوال هسيب المفتاح للحارس عشان لو اي حد حب يتفرج علي البيت و بعدين التعامل هيبقي بينا و بين بعض علي الموبايل مش مع الحارس خالص هو الحارس شغلته بس يسلملكم المفتاح لو الشقه تمام و اتفقنا هيفضل معاكم لحد ما نشوف حوار البيع مش تمام خلاص هيفضل مع الحارس
ليله…..هي الشقه فين ؟
هنا في التجمع انا والله مش هاخد من وقتك كتير
ليله…ااااااا لا خالص مفيش مشكله خلي الحارس يطلعك طيب
اوك ميرسي اوي
ليله….العفو مستنياكي باي
نعيمه….ايه الحوار
ليله….عندها شقه عايزه تبيعها و نادين شكلها نسيتها فا خلينا نشوف الدنيا فيها ايه المهم تخلص بسرعه عشان الحق اجهز و انزل
نعيمه….وانت كده مش جاهز يا قمر
ليله…..معرفش بفكر اغير ايه رأيك
نعيمه….رأيي في ايه قمر طبعاً المهم البلطجي بتاعك يوافق عليه
ليله….بارب ما يوافق انا لابسه كده مخصوص عشان يقولي مش هتنزلي
نعيمه…..بضحك والله انتوا الاتنين مجانين بقولك ايه انا هنزل بقي فضل بيرن
ليله….اوك
نعيمه….ايوه يا قلبي وصلت
فضل….اه خلاص يلا
نعيمه….نازله اهو باي
فضل….باي يا حبيبي.
نعيمه…باي لولي
ليله…باي يا قلبي
ليله كانت لابسه بنطلون جلد اسود و عليه بدي كت و في فاتحه مدوره من علي الصدر أسود جلد بدردوا و محضره علي جنب چاكت چينز شكلها كان قمر بس الطقم مسخره و يجنن و عليه هاڤ بوط كعبه رفيع خالص كانت تاخد العقل.
فضل واقفه ثواني لنعيمه و في نفس الوقت اللي فتحت فيه الاسانسير طلعت الست اللي كانت بتكلمها.
نعيمه….بابتسامه هاديه مساء الخير
اااا هو مين استاذه ليله
ليله….بابتسامه تعالي اتفضلي
نعيمه…هناك اهي مش انا باي يا لولي
ليله….باي يا روحي اهلاً اتفضلي
اسفه علي الازعاج شكلك خارجه
ليله…..خالص مفيش ازعاج اتفضلي لسه معادي عليه شويه.
دخلت ليله وقفلت الباب ودخلتها قعدت جوه.
ليله….تشربي ايه؟
لا ولا اي حاجه انا بس هخلص معاكي بسرعه و افهمك و همشي عشان مستعجله
ليله….طيب اوك مش هتأخر تشربي معايا قهوه
امممم اوك انا بشربها مظبوط
ليله….بابتسامه اوك ثواني و رجعالك
خدي راحتك
راحت ليله علي مكنه القهوه و بدأت تعمل القهوه.
بصت الست علي البيت و قامت بهدوء و قفت قدام الشباك الكبير
بيتك حلو اوي و ذوقك حلو
ليله…..بابتسامه ميرسي اوي بس هو بصراحه ذوق نادين اكتر يعني شغلها بقي و هي شاطره في الحته دي
امممم جميل اوي
خرجت ليله بالقهوه شافتها الست و ابتسمت وقعدت.
ليله….دي قهوتك اتفضلي.
ميرسي اوي.
ليله…..اااا سيجاره ؟
بابتسامه لا ميرسي انا مش بدخن
ليله….طيب تضايقي من ريحة السجاير
لا خالص خدي راحتك.
ولعت ليله السيجاره و حطت رجل علي رجل و بعدين بصتلها بابتسامه
ليله….همممم قوليلي بقي ايه حكايه الشقه و اسفه صحيح نسيت أسال عن أسمك؟
بابتسامه تسلم ايدك الاول علي القهوه
ليله….ميرسي .
……………….
في منزل رشيد و ايمي.
خرجت ايمي بره شويه و هو كان واقف جوه بيعمل حاجه في المطبخ.
دخلت ايمي بسرعه عليه
ايمي…..رشيد الحقني بسرعه
رشيد….بخوف في ايه يا ايمي
……………..
عند ليله.
تسلم أيدك الاول علي القهوه
ليله…ميرسي
انا مش هاخد كتير من وقتك لان واضح ان عندك مشوار مهم
ليله…..بابتسامه يعني خطيبب جاي ياخدني بس عادي لسه قدامه شويه انا معاكي
انا كمان مخطوبه و عارفه ان موضوع انهم يستنوا ده بيتعبهم اوي
ليله….بضحكه هاديه و هي بتنفخ الدخان اه بس انا عن نفسي مواعيدي مظبوطه لسه محصلش بينا خلاف علي موضوع الوقت
كويس اوي ااااا طيب انا هدخل في الموضوع عشان مطولش عليكي و مبدأياً كده انا بعتذر ليكي علي الكدبه اللي كدبتها عليكي
بصتلها ليله بابتسامه استغراب
ليله….كدبه ايه ؟
اااا انا لا عندي شقه ولا مسافىه ولا عايزه ابيع اي حاجه ولا حتي جايه مخصوص لاستاذه نادين
ليله….نعممممم
دي الحقيقه هو مبدأياً كده انا اعرفك و جيالك انتي
ليله….اممممم طيب بعيداً عن الطريقه اللي قررتي تدخلي بيها بيتي هعديها مؤقتاً لحد ما اعرف انتي عايزه ايه لاني بصراحه معرفكيش
انتي متعرفنيش اكيد و دي اول مره تشوفيني بس انا هعرفك علي نفسي
احممممممم سكتت ثواني و فضلت ليله بصالها ورافعه حاجبها هزتلها راسها بمعني قولي.
انا مريم خطيبة محمد.
ليله….بابتسامه ماشي اتشرفنا بس مين مريم و مين محمد.
مريم….بضحكة سخريه يعني ممكن البني ادم يخبي حياته عن شخص لكن بخبي اسمه جديده دي ايه مش عارفه اسم خطيبك يا ليله
بصتلها ليله بصدمه ثواني و فضلت ساكته
مريم….بابتسامه ايه قايلك ان اسمه ايه
ليله….لحظه انتي شاربه حاجه ولا مختله ولا فيكي ايه بالظبط محمد مين اللي انتي خطيبته انتي بتتكلمي عن خطيبي انا
مريم….ايه هو انتي متعرفيش ان اسمه محمد
ليله….بضحكه ثقه لا اعرف محمد عشري هو ده اللي تقصديه
مريم…امممم طيب محمد عشري مختلفناش طلع قايلك اسمه و اسم والده كمان كويس طلع صريح في حاجه
ليله…..بضحك هو انتي جايه تهزري معايا و لا ده مقلب من مقالبه اصلي حفظاه كويس يبقي تحت بيتي و يقولي انا طالع عشان انام بيموت في المفاجات
مريم….بضحكه شر اامممم هو واضح انه طلع بيموت في المفاجات فعلاً بس المرادي المفجأه وسعت منه شويه لدرجه انك مش مصدقاني و فكراني بعمل فيكي مقلب انا وهو بس احب اقولك انه ميعرفش اصلا اني هنا و لا يعرف اني هبوظ المفجأه دي.
بصتلها ليله و بدأت تحس بتوتر و حاجه مش مريحاها واضح من الطريقه ان ده لا هزار و لا مقلب ولا اي حاجه بس هي مش مصدقه كل اللي كان في بالها ان لو الموضوع جد تبقي دي حد.بيوقع بينهم و هي واثقه فيه و مستحيل تصدق اي كلمه.
مريم….ايه واضح انك لسه مس مصدقاني اممممم حقك مع اني يعني مش حاسه انك مكنتيش تعرفي و انك من النوع اللي عادي يخرب بيوت
ليله….افندم
مريم….زي ما سمعتي
ليله….اممممم طب بصي انا لخد اللحظه دي بتعامل علي ان الموضوع هزار ضحك مقلب اي حاجه لكن هتقولي كلام ترجعي تندمي عليه منصحكيش يا تقولي انتي هنا ليه و ده هزار ولا جد ولا تتفضلي من غير مطرود لان مش مسموح تتكلمي كده عن عشري و لا مسموح لو ده هزار انك تتمادي فيه معايا
مريم…..صدقيني انا مش بتمادي ولا حتي بهزر انا بتكلم جد جداً و بعدين تمام هليني اثبتلك كلامي عشان نبدأ نتكلم جد مسكت مريم موبايلها و طلعت صوره لعشري و هو بيلبسها الدبله و ظاهر في الصوره امه ابوه كام واحد من اخواته و فضل
بصت ليله علي الصوره و في اللحظه دي حقيقي فقدت النطق و من صدمتها حست ان كل قوتها و ثقتها بنفسها و جرأتها انهاروا في لحظه.
مريم….بابتسامه ودي صوره كمان للاسف مش معايا غير الصورتين دول بس
بصت ليله كانوا كلهم قاعدين اهله و اهلها و باصين علي الكاميرا و في ابتسامه بسيطه علي وش عشري.
بصتلها ليله و هزت راسها
ليله….ده اكيد مش حقيقي كملت بضحكة صدمه ده ai صح عشان المقلب يظبط بس انا بثق في عشري و هزاركم مش مقبول
مريم….انا مش جايه هنا عشان اهزر معاكي و الصور دي حقيقيه عندك وقت تسمعي هسمعك
بصتلها ليله و هي خلاص بتنهار من جوه الصور حقيقيه و هي اللي بتحاول تكدب نفسها اتماسكت علي قد ما تقدر و بدأت تسمع كلام مريم.
و للحديث بقيه………
